ଭାରତ ଆସିଆନ ସଂପର୍କ

ଭାରତର ଆକ୍ଟ ଇଷ୍ଟ ନୀତି ଏବଂ ଇଣ୍ତୋ ପେସିଫିକ ଦୃଷ୍ଟିକୋଣକୁ ଆଗକୁ ବଢାଇବାକୁ ଯାଇ ଆସିଆନ ଇଣ୍ତିଆ ନେଟୱାର୍କ ଅଫ ଥିଙ୍କ ଟାଙ୍କ (ଏଆଇଏନଟିଟି)ର ଷଷ୍ଠ ରାଉଣ୍ତ ଟେବୁଲ ବୈଠକ ଗତ ସପ୍ତାହରେ ହୋଇଥିଲା | ଚଳିତ ବର୍ଷ ବୈଠକର ବିଷୟବସ୍ତୁ ଥିଲା କୋଭିଡ ପରବର୍ତ୍ତି ସମୟରେ ଆସିଆନ-ଭାରତ ସୁଦୃଢିକରଣ ଭାଗିଦାରୀ | 2009ରେ ଭାରତ ଏଆଇଏନଟିଟି ଆରମ୍ଭ କରିଥିଲା ଏବଂ ଏହାର ଉଦ୍ଧେଶ୍ୟ ଥିଲା ଆସିଆନ ଭାରତ ସାମରିକ ସହଯୋଗକୁ ମଜବୁତ କରିବା ଏବଂ ସହଯୋଗର ସମ୍ଭାବିତ କ୍ଷେତ୍ରରେ ନୀତିଗତ ସୁପାରିସ କରିବା | ଚଳିତ ବର୍ଷ ସମାରୋହରେ ବିଦେଶ ମନ୍ତ୍ରୀ ଡକ୍ଟର ଏସ. ଜୟଶଙ୍କର, ଥାଇଲ୍ୟାଣ୍ତର ଉପ ପ୍ରଧାନମନ୍ତ୍ରୀ ଏବଂ ବିଦେଶ ମନ୍ତ୍ରୀ ଡନ ପ୍ରମୁଦୁଇନାଇ ତଥା ଆସିଆନର ସେକ୍ରେଟାରୀ ଜେନେରାଲ ଦାତୋ ଲିମ ଜକ ହୋଇ ଭାଗ ନେଇଥିଲେ |

ଶ୍ରୀ ଜୟଶଙ୍କର କହିଥିଲେ ଯେ ମହାମାରୀ ଆନ୍ତର୍ଜାତୀକ ରାଜନୀତିକୁ ପ୍ରଭାବିତ କରିଛି ଏବଂ ବହୁପକ୍ଷବାଦ ଉପରେ ଚାପ ପକାଇଛି | ବର୍ତ୍ତମାନ ପ୍ରଥମ ପ୍ରଶ୍ନ ହେଉଛି ଯେ କୋଭିଡ-19 କିପରି ବିଶ୍ଵ ବ୍ୟବସ୍ଥାକୁ ସଂପାଦନ କରିବ | ଭାରତ ଏବଂ ଦକ୍ଷିଣ ପୂର୍ବ ଏସିଆ ବିଶ୍ଵକରଣ ଉପରେ ଗୁରୁତ୍ଵ ଦେଉଛନ୍ତି | ଏହା ସହିତ ବୈଦେଶିକ ମନ୍ତ୍ରୀ କହିଥିଲେ ଯେ କୋଭିଡ-19 ବିଶ୍ଵ ଅର୍ଥ ବ୍ୟବସ୍ଥା କ୍ଷେତ୍ରରେ ଚ୍ୟାଲେଞ୍ଜ ଭାବେ ଉଭା ହୋଇଛି | ବିଶ୍ଵ ଜିଡିପି ଏହି ମହାମାରୀ ଯୋଗୁଁ ପ୍ରାୟ 5.8ରୁ 8.8 ଟ୍ରିଲିୟନ ଡଲାର ଯାହାକି ପ୍ରାୟ 6.5 ଭାଗରୁ 9.7 ଭାଗ ପର୍ଯ୍ୟନ୍ତ କ୍ଷତି କରିଛି | ଏସବୁ ଚ୍ୟାଲେଞ୍ଜର ମୁକାବିଲା ସାମଗ୍ରୀକ ଭାବେ ହେବା ଉଚିତ ବୋଲି ଜୟଶଙ୍କର କହିଛନ୍ତି |

କୋଭିଡ-19 ଯୋଗାଣ ବ୍ୟବସ୍ଥାକୁ ବ୍ୟାପକ କ୍ଷତିଗ୍ରସ୍ତ କରିଛି ଆର୍ଥିକ ସୁରକ୍ଷା ହେଉଛି ରାଷ୍ଟ୍ରୀୟ ସୁରକ୍ଷାର ଅଂଶବିଶେଷ | ଏହି ପରିପ୍ରେକ୍ଷିରେ ଡକ୍ଟର ଜୟଶଙ୍କର କହିଛନ୍ତି ଯେ ବିଶ୍ଵ ଯୋଗାଣ ଶୃଙ୍ଖଳାରେ କୌଶଳଗତ ସ୍ଵାୟତତା ହେଉଛି ଗୁରୁତ୍ଵପୂର୍ଣ୍ଣ ଏବଂ ଏକ ବ୍ୟାପକ ବିଶ୍ଵକରଣ ସକାଶେ ମହତ୍ଵପୂର୍ଣ୍ଣ ସ୍ଵାସ୍ଥ୍ୟକୁ ବିପଦମୁକ୍ତ କରିବା ଏବଂ ଆତ୍ମ ନିର୍ଭରଶୀଳତା ହେଉଛି ଭାରତର ପ୍ରାଥମିକତା | ଆତ୍ମନିର୍ଭର ଭାରତର ଦୃଷ୍ଟିକୋଣ ବିଚ୍ଛିନ୍ନତାବାଦ କିମ୍ଵା ସଂରକ୍ଷଣବାଦର ପକ୍ଷଧର ନୁହେଁ ବରଂ ବିଶ୍ଵ ପାଇଁ ଏହା ଅଧିକ ସୁଯୋଗ ପ୍ରଦାନ କରୁଛି | କୋଭିଡ ପରବର୍ତ୍ତି ବିଶ୍ଵରେ ଏସିଆର ଉଜ୍ଵଳ ଭବିଷ୍ୟତ ପାଇଁ ଭାରତ ଏବଂ ଆସିଆନ ଦେଶକୁ ଆର୍ଥିକ ରୂପେ ମଜବୁତ ହେବାକୁ ପଡିବ ବୋଲି ଶ୍ରୀ ଜୟଶଙ୍କର କହିଛନ୍ତି |

ଥାଇଲ୍ୟାଣ୍ଡର ଉପମୁଖ୍ୟମନ୍ତ୍ରୀ ତଥା ବୈଦେଶିକ ମନ୍ତ୍ରୀ ତାଙ୍କ ବକ୍ତବ୍ୟରେ ଏସିଆ-ଭାରତ କୌଶଳନୀତିର ଭାଗିଦାରୀରେ ଅଂଶୀଦାରର ମୂଲ୍ୟ ଉପରେ ଗୁରୁତ୍ୱାରୋପ କରିଛନ୍ତି। ଭାରତ-ମିଆଁମାର-ଥାଇଲ୍ୟାଣ୍ଡ ତ୍ରିପାକ୍ଷିକ ରାଜପଥ ପ୍ରକଳ୍ପ ସହିତ ଯୋଗାଣ ଶୃଙ୍ଖଳା, ମାନବ ପୁଞ୍ଜି ବିକାଶ, ଆଞ୍ଚଳିକ ସଂଯୋଗ ଏବଂ ଭିତ୍ତିଭୂମି ସହିତ ସହଯୋଗର ପାଞ୍ଚଟି ପ୍ରମୁଖ କ୍ଷେତ୍ର ପାଇଁ ସେ ପରାମର୍ଶ ଦେଇଛନ୍ତି ଉଦାହରଣ ସ୍ୱରୂପ, ଆଞ୍ଚଳିକତା ଏବଂ ଉପ-ଆଞ୍ଚଳିକ ସହଯୋଗ, ଆୟାୱାଡି-ଚୋପ୍ରା-ମେକୋଙ୍ଗ ଅର୍ଥନୈତିକ ସହଯୋଗ କୌଶଳ ଏବଂ ମେକୋଙ୍ଗ-ଗଙ୍ଗା ସହଯୋଗ, ସାମୁଦ୍ରିକ ପରିବେଶ ଏବଂ ବିପର୍ଯ୍ୟୟ ପରିଚାଳନା; ଏବଂ ଆଣ୍ଟି-ଭାଇରାଲ୍ ଔଷଧ ଏବଂ ଟିକା ଗବେଷଣା ଏବଂ ବିକାଶ |

ଚଳିତ ବର୍ଷର ବୈଠକ ଭର୍ଚୁଆଲ ଥିବାବେଳେ ଗତ ପାଞ୍ଚଟି ରାଉଣ୍ତ ଟେବୁଲ ବୈଠକ ନୂଆ ଦିଲ୍ଲୀ, ଭିଏତିଆନ, ହାନୋଇ, କୁଆଲଲମପୁର ଏବଂ ଜାକର୍ତାରେ ହୋଇଥିଲା | ଏହି ବୈଠକ ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଥାଇଲ୍ୟାଣ୍ତର ବୈଦେଶିକ ମନ୍ତ୍ରଣାଳୟ ଦ୍ଵାରା ମିଳିତ ଭାବେ ଆୟୋଜନ କରାଯାଇଥିଲା | ବିଶ୍ଵର ପରିବର୍ତ୍ତିତ ପରିଦୃଶ୍ୟ ଏବଂ କୋଭିଡ ପରବର୍ତ୍ତି ଭାରତ-ଆସିଆନ ସଂପର୍କ ଉପରେ ମୁଖ୍ୟତ ଏହି ବୈଠକରେ ଆଲୋଚନା ହୋଇଥିଲା |

ଦକ୍ଷିଣ ପୂର୍ବ ଏସିଆ ଭାରତର ଆକ୍ଟ ଇଷ୍ଟ ନୀତିର ଏକ ପ୍ରମୁଖ ସ୍ତମ୍ଭ । ଏକ ସ୍ଵାଧୀନ, ଖୋଲା ଏବଂ ନିୟମ-ଆଧାରିତ ଇଣ୍ଡୋ-ପାସିଫିକ୍ ବ୍ୟବସ୍ଥା ହାସଲ କରିବାରେ ଆଗ୍ରହର ପାରସ୍ପରିକ ସହଯୋଗର ଆବଶ୍ୟକତା ରହିଛି | ସାଧାରଣ ନୀତିଗୁଡିକ ସହିତ ଏହାର ସମ୍ମିଶ୍ରଣ ରହିଛି ଯେପରିକି ସାମୁଦ୍ରିକ ସହଯୋଗ, ଶାରୀରିକ ଏବଂ ଡିଜିଟାଲ୍ ସଂଯୋଗ, ନୀଳ ଅର୍ଥନୀତି ଏବଂ ମାନବିକ ସହାୟତା ପାଇଁ ଉଭୟ ପକ୍ଷ ନିରନ୍ତର କାର୍ଯ୍ୟ କରୁଛନ୍ତି | ଦକ୍ଷିଣ ପୂର୍ବ ଏସିଆ ସହିତ ଭାରତର କୌଶଳଗତ ନୀତିର ଯୋଗଦାନ 3C - ବାଣିଜ୍ୟ, ସଂଯୋଗୀକରଣ ଏବଂ ସଂସ୍କୃତି ଉପରେ ଆଧାରିତ ଏବଂ ଭାରତ ଆସିଆନ ଦେଶମାନଙ୍କ ସହିତ ଭାଗିଦାରୀକୁ ନୂତନ ଉଚ୍ଚତାକୁ ଆଣିବା ଲକ୍ଷ୍ୟ ଜାରି ରଖିବ |

ଆଲେଖ୍ୟ : ଡକ୍ଟର ତିତଲି ବସୁ