AIR World Service Odia

କଶ୍ମୀର ପ୍ରସଙ୍ଗକୁ ଆନ୍ତର୍ଜାତୀୟକରଣ କରିବାକୁ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ଜାତିସଂଘ ସାଧାରଣ ପରିଷଦର 74ତମ ବୈଠକରେ କରିଥିବା ପ୍ରୟାସ ବିଫଳ ହୋଇଛି। ସେ ଭାରତୀୟ ରାଜ୍ୟ ଜମ୍ମୁ କଶ୍ମୀରର ତଥାକଥିତ ଦୁର୍ଦ୍ଧଶା ବିଷୟରେ ଯାହା କହିଲେ ତାକୁ ବୈଠକରେ କେହି ଗୁରୁତ୍ୱ ଦେଇ ନାହାନ୍ତି। ଏହାପରେ ଇମରାନ ଯୁଦ୍ଧ ଏବଂ ପରମାଣୁ ଶବ୍ଦ ବ୍ୟବହାର କଲେ। ଦୃଷ୍ଟି ଆକର୍ଷଣ ପାଇଁ ପାକିସ୍ତାନ ନେତାମାନଙ୍କର ଭାଷାର ଅଂଶବିଶେଷ ହୋଇଯାଇଛି। ଜମ୍ମୁ କଶ୍ମୀର ପ୍ରସଙ୍ଗରେ ପାକିସ୍ତାନ ଆମେରିକା ପ୍ରଶାସନ ପକ୍ଷରୁ ମଧ୍ୟ କୌଣସି ସମର୍ଥନ ପାଇ ନାହିଁ। ଆମେରିକାର ବୈଦେଶିକ ବିଭାଗ ଓଲଟି ପାକିସ୍ତାନ ପ୍ରଧାନମନ୍ତ୍ରୀଙ୍କୁ ସମାଲୋଚନା କରି କହିଛି ଯେ ଇମରାନଙ୍କୁ ଚିନର ଉଘୁର ମୁସଲମାନ ସଂପ୍ରଦାୟର ନିର୍ଯ୍ୟାତନା ଦେଖାଯାଉନି। ବୈଦେଶିକ ବିଭାଗର ଦକ୍ଷିଣ ଏବଂ ମଧ୍ୟ ଏସିଆ ପାଇଁ ଥିବା କାର୍ଯ୍ୟକାରୀ ସହକାରୀ ମନ୍ତ୍ରୀ ଆଲିସ ୱେଲ୍ସ ଇମରାନଙ୍କ କଶ୍ମୀର ଉକ୍ତିକୁ ସହାୟକହୀନ ବୋଲି କହିଛନ୍ତି। ସେ କହିଛନ୍ତି ଚିନରେ ପ୍ରାୟ 10 ଲକ୍ଷ ଉଘୁର ମୁସଲମାନଙ୍କୁ ନିର୍ଯ୍ୟାତନା ଦିଆଯାଉଥିବାବେଳେ ଇମରାନ ଚିନ ବିରୁଦ୍ଧରେ ମୁଁହ ଖୋଲୁନାହାନ୍ତି। ଇମରାନ ମଧ୍ୟ ଉଧୁର ମୁସଲମାନଙ୍କ ପ୍ରସଙ୍ଗ ଉପରେ କିଛି କହିବେ ନାହିଁ ବୋଲି କହିଛନ୍ତି କାରଣ ଚିନ ସହ ପାକିସ୍ତାନର ଏକ ବିଶେଷ ସଂପର୍କ ରହିଛି। ଜାତିସଂଘ ସାଧାରଣ ପରିଷଦ ବୈଠକରେ ପାକିସ୍ତାନ ନେତାଙ୍କ ଅଭ...

ଶ୍ରୀଲଙ୍କାରେ ଚଳିତ ଋତୁରେ ପାଣିପାଗ ବଦଳିଲା ଭଳି ଏହାର ରାଜନୈତିକ ପରିଦୃଶ୍ୟରେ ମଧ୍ୟ ଅପ୍ରତ୍ୟାଶିତ ପରିବର୍ତ୍ତନ ଦେଖାଦେଇଛି | ଆସନ୍ତା ନଭେମ୍ବର 16 ତାରିଖରେ ହେବାକୁ ଥିବା ରାଷ୍ଟ୍ରପତି ନିର୍ବାଚନ ଲାଗି ପ୍ରସ୍ତୁତି ଆରମ୍ଭ ହୋଇଯାଇଛି | ତେବେ ଶ୍ରୀଲଙ୍କାରେ ଏଯାଏଁ ପ୍ରଚାର ଅଭିଯାନରେ ସେତେଟା ତତ୍ପରତା ଦେଖାଯାଇନାହିଁ | ଦେଶର ସମ୍ବିଧାନ ଅନ୍ତର୍ଗତ ସର୍ବୋଚ୍ଚ ପଦବୀ ଲାଗି ନିର୍ବାଚନ ହେବାକୁ ଥିବା ବେଳେ ଏପରି ପରିସ୍ଥିତି ଦେଖାଯିବା ଯଦିଓ ଅସାଧାରଣ ପରି ମନେ ହେଉଛି ତେବେ ଏହା ଆଶ୍ଚର୍ଯ୍ୟ ଲାଗୁନାହିଁ | କାରଣ ଦେଶରେ ଘଟିଥିବା ଇଷ୍ଟର ସଣ୍ଡେର ଜଘନ୍ୟ ସନ୍ତ୍ରାସବାଦ ଆକ୍ରମଣ ଘଟଣା ଯୋଗୁଁ ଏବେ ମଧ୍ୟ ଲୋକମାନେ ଭୀତତ୍ରସ୍ତ ଥିବାରୁ ନିର୍ବାଚନ ପ୍ରତି ସେମାନେ ସେତେଟା ଆଗ୍ରହ ପ୍ରକାଶ କରୁନାହାନ୍ତି | ଏହି ନିର୍ବାଚନରେ ଲୋକମାନଙ୍କୁ ଆକୃଷ୍ଟ କରିବା ଲାଗି ଦୁଇ ପ୍ରମୁଖ ରାଜନୈତିକ ପାର୍ଟି ନିକଟରେ କୌଣସି ନୂତନ ବା ଆକର୍ଷଣୀୟ ପ୍ରସ୍ତାବ ନାହିଁ କହିଲେ ଚଳେ ବୋଲି ଶ୍ରୀଲଙ୍କାର ନାଗରିକ ମାନେ କହୁଛନ୍ତି | ପ୍ରତିରକ୍ଷା ବିଭାଗର ପୂର୍ବତନ ସଚିବ ତଥା ପୂର୍ବତନ ରାଷ୍ଟ୍ରପତି ମହିନ୍ଦା ରାଜପକ୍ଷେଙ୍କ ସାନ ଭାଇ ଗୋଟାବାୟା ରାଜପକ୍ଷେ ଏହି ନିର୍ବାଚନରେ ପ୍ରତିଦ୍ୱନ୍ଦିତା କରିବା ନେଇ ଜୋରସୋରରେ ପ୍ରସ୍ତୁତି ଚଳେଇଛନ୍ତି | ଏହି ସର୍ବୋଚ୍ଚ ପଦବୀ ଲାଗି ପ୍ରତିଦ୍ୱନ୍ଦିତା କରିବା ପାଇଁ ସେ ତାଙ୍କ ଆମେରିକୀୟ ନାଗରିକତ୍ଵ ତ୍...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାତିସଂଘ ସାଧାରଣ ପରିଷଦରେ ଶୁକ୍ରବାର ଉଦବୋଧନ ଦେଇ ଦାରିଦ୍ର ଉନ୍ମୁଳନ ଏବଂ ଜଳବାୟୁ ଉପରେ ସକ୍ରିୟ କାର୍ଯ୍ୟାନୁଷ୍ଠାନ ପାଇଁ ଫଳପ୍ରଦ ଆନ୍ତର୍ଜାତୀୟ ପଦକ୍ଷେପ ଉପରେ ଗୁରୁତ୍ବ ଦେଇଛନ୍ତି | ଚାରି ବର୍ଷ ପୂର୍ବେ 2015 ସେପ୍ଟେମ୍ବର 25 ତାରିଖରେ ପ୍ରଧାନମନ୍ତ୍ରୀ ମୋଦି ନିରନ୍ତର ବିକାସ ବିଷୟ ଉପରେ 2030 କାର୍ଯ୍ୟ ସୂଚି ପାଇଁ ଜାତିସଂଘ ସାଧାରଣ ପରିଷଦର ସ୍ବତନ୍ତ୍ର ବୈଠକରେ ବିଶ୍ଵନେତାମାନଙ୍କ ସହିତ ଯୋଗ ଦେଇଥିଲେ | ଭାରତ ଦାରି୍ଦର ଦୂରିକରଣ ସକାଶେ ଏହାର ବିକାଶ ପାଇଁ ଏହାର ଜାତୀୟ ଲକ୍ଷ୍ୟକୁ ପୂରଣ କରି 2030ର କାର୍ଯ୍ୟସୂଚି ପାଇଁ ସଫଳ ଉଦାହରଣ ସୃଷ୍ଟି କରିଛି | ପ୍ରଧାନମନ୍ତ୍ରୀଙ୍କ ଅଭିଭାଷଣ ଏହି ଆଭିମୁଖ୍ୟକୁ ଉଦଭାଷିତ କରିଥିଲା ଦାରିଦ୍ର ଦୂରିକରଣ ଏବଂ ସାମଗ୍ରୀକ ବିକାଶ ନିମନ୍ତେ ବିଭିନ୍ନ ପଦକ୍ଷେପର ପ୍ରଭାବ ବିଶ୍ଵ ପାଇଁ ଏକ ନୂଆ ଆଶାର ସଂଚାର କରିଛି | ଭାରତର ବିଭିନ୍ନ ପଦକ୍ଷେପ ମଧ୍ୟରେ ସବୁଠୁ ବଡ ଆର୍ଥିକ ଯୋଜନା ଜନ ଧନ ଯୋଜନା ଯାହାଦ୍ଵାରା ଦେଶର 370 ମିଲିୟନ ଗରିବ ଲୋକଙ୍କର ବ୍ୟାଙ୍କ ଖାତା ଖୋଲା ଯାଇଛି | ଆଧାର କାର୍ଯ୍ୟକ୍ରମ ଯୋଗୁଁ 1.2 ବିଲିୟନ ପରିବାରକୁ ବାୟୋମେଟ୍ରିକ ପରିଚୟ ତଥ୍ୟ ବଳରେ ଦୁର୍ନୀତିକୁ ଅନେକାଂଶରେ ଦୂର କରାଯାଇଛି | ସେହିପରି ସ୍ଵଚ୍ଛ ଭାରତ ଅଭିଯାନ ପରି ବିଶ୍ଵର ସର୍ବବୃହତ ସର୍ବସାଧାରଣ ପରିମଳ କାର୍ଯ୍ୟକ୍ରମ ଅଧିନରେ ଦେଶର 110 ମିଲିୟନ ଶୌଚାଳୟ ନି...

ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର ଏକ ତିନି ଦିନିଆ ଗସ୍ତରେ ଫିନଲ୍ୟାଣ୍ତ ଯାଇଥିଲେ। ମନ୍ତ୍ରୀ ହେବା ପରେ ଏହା ସେହି ଦେଶକୁ ତାଙ୍କର ଥିଲା ପ୍ରଥମ ଗସ୍ତ। ଯଦିଓ 1950 ମସିହା ପରଠାରୁ ଫିନଲ୍ୟାଣ୍ତ ସହିତ ଭାରତର ଉତ୍ତମ ସଂପର୍କ ରହିଆସିଛି । ଫିନଲ୍ୟାଣ୍ତ ଏବେ ୟୁରୋପୀୟ ସଂଘର ଅଧ୍ୟକ୍ଷ ଥିବାରୁ ସନ୍ତ୍ରାସବାଦର ନିନ୍ଦା ପାଇଁ ଆନ୍ତର୍ଜାତୀୟ ସ୍ତରରେ ଭାରତ ସମର୍ଥନ ଲୋଡୁଥିବାରୁ ଏହି ଗସ୍ତ ଅଧିକ ଗୁରୁତ୍ବପୂର୍ଣ୍ଣ କୁହାଯାଇ ପାରେ। ଶ୍ରୀ ଜୟଶଙ୍କର ଫିନଲ୍ୟାଣ୍ତର ତୁଙ୍ଗ ନେତାମାନଙ୍କ ସହ ସୀମାପାର ସନ୍ତ୍ରାସବାଦ ଉପରେ ଟିକନିଖ ଆଲୋଚନା କରିଛନ୍ତି । ଜମ୍ମୁ କଶ୍ମୀରରୁ ଧାରା 370 ଉଚ୍ଛେଦ ପରେ ପାକିସ୍ତାନ ଅନେକ ମନଗଢା କାହାଣୀ ସୃଷ୍ଟି କରୁଥିବା ବେଳେ ଏହି ଆଲୋଚନା ହୋଇଛି। ଭାରତର ବୈଦେଶିକ ମନ୍ତ୍ରୀ ଫିନଲ୍ୟାଣ୍ତର ପ୍ରଧାନମନ୍ତ୍ରୀ ଆନ୍ତି ରିନେ ଏବଂ ତାଙ୍କ ପ୍ରତିପକ୍ଷ ପେକ୍କା ହାଭିଷ୍ଟୋଙ୍କ ସହିତ ଦ୍ୱିପକ୍ଷୀୟ ସଂପର୍କ ଉପରେ ଆଲୋଚନା କରିଛନ୍ତି। ସବୁଜ ଜ୍ଞାନକୌଶଳ ଉପରେ ବିଶେଷ ପ୍ରାଧାନ୍ୟ ଦେଇ ଦ୍ୱିପକ୍ଷୀୟ ସଂପର୍କର ସମୀକ୍ଷା ମଧ୍ୟ କରାଯାଇଛି। ଭାରତ ଏବଂ ବିଶ୍ୱ ବିଷୟ ଉପରେ ଫିନିସ ଆନ୍ତର୍ଜାତୀୟ ବ୍ୟାପାର ପ୍ରତିଷ୍ଠାନରେ ଉଦବୋଧନ ଦେଇ ଶ୍ରୀ ଜୟଶଙ୍କର ଭାରତ ଏବଂ ଫିନଲ୍ୟାଣ୍ତ ମଧ୍ୟରେ ଥିବା ସଂପର୍କର ପ୍ରଗାଢତା ଉପରେ ଆଲୋକପାତ କରିଛନ୍ତି। ସେ କହିଛନ୍ତି ଯେ ବିଶ୍ୱ ଏବେ ଜ୍ଞାନଭିତ୍ତିକ ଅର୍ଥନୀତି ଉପରେ ଗୁରୁତ୍ବ ଦେଉଥ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନ୍ୟୁୟର୍କରେ ଜାତିସଂଘ ସାଧାରଣ ପରିଷଦ ବୈଠକ କାଳରେ କାରିକମ ସମୁହର 14 ଜଣ ନେତାଙ୍କ ସହିତ ଆଲୋଚନା କରିବା ସାଙ୍ଗକୁ କାରବିୟନ ରାଷ୍ଟ୍ରଗୁଡିକ ସହିତ ଭାରତର ସଂପର୍କ ଆହୁରି ମଜବୁତ ହୋଇଛି। ସେଣ୍ଟ ଲୁସିଆ ଏବଂ କାରିକମର ବର୍ତ୍ତମାନର ଅଧ୍ୟକ୍ଷ ଆଲେନ ଚାଷ୍ଟେନେଟଙ୍କ ସହିତ ବୈଠକରେ ସହ ଅଧ୍ୟକ୍ଷତା କରିଛନ୍ତି। ଏହି ବୈଠକରେ ଆଣ୍ଟିଗୁଆ ଏବଂ ଗ୍ରେନାଡିନ୍ସ, ତ୍ରିନିଦାଦ ଏବଂ ଟୋବାଗୋ, ଜାମାଇକା, ସେଣ୍ଟ କିଟ୍ସ ଏବଂ ନେଭିସ, ସେଣ୍ଟ ଲୁସିଆ, ସେଣ୍ଟ ଭିନସେଣ୍ଟ ଏବଂ ଗ୍ରେନାଡିନ୍ସର ସରକାରୀ ମୁଖ୍ୟ, ସୁରିନେମର ଉପ ରାଷ୍ଟ୍ରପତି, ବାହାମସ, ବେଲିଜ, ଗ୍ରେନେଡା, ହାଇତି ଏବଂ ଗୁୟାନାର ବୈଦେଶିକ ମନ୍ତ୍ରୀ ଯୋଗ ଦେଇଥିଲେ। ପ୍ରଥମ ଥର ପାଇଁ କାରବିୟନର ନେତାମାନେ ଶ୍ରୀ ମୋଦିଙ୍କ ସହିତ ଆଲୋଚନା କରିଛନ୍ତି ଏବଂ ଭାରତ ସହିତ ସେମାନଙ୍କ ଦେଶର ସଂପର୍କ ଅଧିକ ମଜବୁତ କରିବା ଉପରେ ଆଲୋକପାତ କରିଛନ୍ତି। ଭାରତ କାରବିୟନ ଦେଶଗୁଡିକ ସହିତ ରାଜନୈତିକ, ଅର୍ଥନୈତିକ ଏବଂ ସାଂସ୍କୃତିକ ସଂପର୍କକୁ ମଜବୁତ କରିବାକୁ ପ୍ରତିଶ୍ରୁତିବଦ୍ଧତା ପ୍ରକାଶ କରିଛି। କାରବିୟନ ଦେଶମାନଙ୍କରେ ରହୁଥିବା ପ୍ରାୟ 10 ଲକ୍ଷରୁ ଉର୍ଦ୍ଧ ପ୍ରବାସୀ ଭାରତୀୟ ଏହି ସଂପର୍କର ସେତୁ ବନ୍ଧ ହୋଇଛନ୍ତି। ଆଲୋଚନା କାଳରେ କାରବିୟନ ଦେଶମାନଙ୍କ ସହିତ ଆନୁଷ୍ଠାନିକ ଆଲୋଚନା ପ୍ରକ୍ରିୟା, ଅର୍ଥନୈତିକ ସହଯୋଗ, ବାଣିଜ୍ୟ ବ୍ୟବସାୟ ଏବଂ ପୁଞ୍ଜିନିବେଶ ବୃଦ୍...

ବର୍ତ୍ତମାନ ସମୟରେ ସମଗ୍ର ବିଶ୍ବରେ ଏପରି କୌଣସି ନେତା ନାହାନ୍ତି ଯିଏକି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ସମକକ୍ଷ ହୋଇପାରିବେ ଯିଏକି କୂଟନୀତି ସ୍ଥାପନା କ୍ଷେତ୍ରରେ ସ୍ଵତନ୍ତ୍ର ନୀତି ଗ୍ରହଣ କରିଥାନ୍ତି | ସେ ଯେଉଁ ଦେଶକୁ ଗସ୍ତ କରନ୍ତି ସେହି ଦେଶର ନେତା, ସାଂସଦ ତଥା ଲୋକମାନଙ୍କୁ ଆକର୍ଷିତ କରିବା ସହ ସେମାନଙ୍କୁ ଭାରତର ଘନିଷ୍ଠ ସହଯୋଗୀ କରିବାରେ ତାଙ୍କ ପାଖରେ ଅଦ୍ଭୁତ ଆକର୍ଷଣୀୟ ଶକ୍ତି ରହିଛି | ହୁଷ୍ଟନରେ ସମ୍ପ୍ରତ୍ତି ଶେଷ ହୋଇଥିବା ‘ହାଉଡି ମୋଦୀ’ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ଶକ୍ତି ପ୍ରଦର୍ଶନ ଦେଖିବାକୁ ମିଳିଥିଲା | ଶ୍ରୀ ଟ୍ରମ୍ଫ ରାଷ୍ଟ୍ରପତି ଭାବେ ଦାୟିତ୍ଵ ଗ୍ରହଣ କରିବା ପରେ ଶ୍ରୀ ମୋଦୀ ତାଙ୍କ ସହ ଛ ଥର ସାକ୍ଷାତ ଆଲୋଚନା କରି ଭାରତ-ଆମେରିକା ସମ୍ପର୍କ କ୍ଷେତ୍ରରେ ଏକ ଐତିହାସିକ ରେକର୍ଡ ସୃଷ୍ଟି କରିଛନ୍ତି | ଜାତିସଂଘ ସାଧାରଣ ସଭା ବାର୍ଷିକୀ ବୈଠକରେ ଯୋଗ ଦେବା ଲାଗି ଦୁଇ ନେତା ଯାଇଥିବା ବେଳେ ନ୍ୟୁୟର୍କ ରେ ସୋମବାର ଦିନ ଶ୍ରୀ ମୋଦୀ ଓ ରାଷ୍ଟ୍ରପତି ଟ୍ରମ୍ଫଙ୍କ ମଧ୍ୟରେ ମୁହାଁମୁହିଁ କଥାବାର୍ତ୍ତା ହୋଇଥିଲା | ବହୁପକ୍ଷୀୟ କୂଟନୀତି ସ୍ଥାପନା ଲାଗି ସବୁଠୁ ବଡ ସ୍ଥଳୀ ରେ ଭାରତ-ଆମେରିକା ଦ୍ଵିପକ୍ଷୀୟ ବୈଠକ ଆନ୍ତର୍ଜାତୀୟ ସ୍ତରରେ ଧ୍ୟାନ ଆକର୍ଷଣ କରିଛି | ଉଭୟ ନେତାଙ୍କ ମଧ୍ୟରେ ଯଦିଓ ଏହା ଏକ ସ୍ଵଳ୍ପକାଳୀନ ବୈଠକ ଥିଲା ତେବେ ମଧ୍ୟ ଏହି ସମୟରେ ବହୁ ପ୍ରମୁଖ ପ୍ରସଙ୍ଗ ନେ...

ସ୍ଵୀଡେନର 16 ବର୍ଷ ବୟସ୍କ ପରିବେଶ କର୍ମୀ ଗ୍ରେଟା ଥନବର୍ଗଙ୍କ ଅପିଲ ନ୍ୟୁୟର୍କରେ ଜାତିସଂଘରେ ଏକତ୍ରିତ ବିଶ୍ଵ ନେତୃବୃନ୍ଦଙ୍କୁ ଆଶ୍ଚର୍ଯ୍ୟ ଚକିତ କରିଦେଇଛି | “ଆଗାମୀ ସବୁ ପିଢୀର ଦାୟିତ୍ଵ ଆପଣ ମାନଙ୍କ ଉପରେ ନ୍ୟସ୍ତ ରହିଛି | ଆପଣ ମାନେ ଯଦି ଦାୟିତ୍ଵ ପାଳନରେ ବିଫଳ ହୁଅନ୍ତି ତେବେ ଆମେ କଦାପି ଆପଣଙ୍କୁ କ୍ଷମା କରିବୁ ନାହିଁ |” ଏହି ବିବୃତ୍ତି ଦେଇ ଗ୍ରେଟା ବିଶ୍ଵ ନେତୃବୃନ୍ଦ କୁ ଚାଲେଞ୍ଜ କରିଛନ୍ତି |  ଜଳବାୟୁ ପରିବର୍ତ୍ତନ ଏବେ ମାନବ ଅସ୍ତିତ୍ଵର ଏକମାତ୍ର ବଡ ବିପଦ ଭାବେ ଉଭା ହୋଇଛି | ଜଳବାୟୁ ପ୍ରଣାଳୀରେ ଅସନ୍ତୁଳିତ ପରିବର୍ତ୍ତନ ହେଲେ ସମଗ୍ର ଦୁନିଆକୁ ଏହାର ଭୟାବହ ପରିଣାମ ଭୋଗ କରିବାକୁ ପଡିବ |ଜାତିସଂଘ ଜଳବାୟୁ ପରିବର୍ତ୍ତନ ଶୀର୍ଷ ବୈଠକରେ ଉଦବୋଧନ ଦେବା ବେଳେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଜଳବାୟୁ ପରିବର୍ତ୍ତନ ସଙ୍କ୍ରାନ୍ତୀୟ ସମସ୍ଯା ଦିନକୁ ଦିନ ବୃଦ୍ଧି ପାଉଥିବା ଯୋଗୁଁ ଉପୁଜୁଥିବା ବିପଦର ମୁକାବିଲା ପାଇଁ ଆମେ ଯେଉଁ ପଦକ୍ଷେପ ନେଉଛୁ ତାହା ଯଥେଷ୍ଟ ନୁହେଁ ଓ ଏକ୍ଷେତ୍ରରେ ଆହୁରି ଅଧିକ ପଦକ୍ଷେପ ନେବାର ଆବଶ୍ୟକତା ଅଛି | ଏହାକୁ ଏକ ଗଣ ଆନ୍ଦୋଳନରେ ପରିଣତ କରିବାର ସମୟ ଉପନୀତ ହୋଇଛି ବୋଲି ସେ ବିଶ୍ଵ ନେତୃବୃନ୍ଦ ଙ୍କୁ ଆହ୍ଵାନ ଜଣାଇଛନ୍ତି | “ବିଶ୍ଵ ସଂଗଠନ ର ସ୍ଵତନ୍ତ୍ର ସମ୍ମିଳନୀ ରେ ସ୍ଵଳ୍ପକାଳୀନ ଏହି ଉଦବୋଧନ ଦେବା ବେଳେ ଶ୍ରୀ ମୋଦୀ କହିଛନ୍ତି ଯେ ଆବ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହଷ୍ଟନ ସହରରେ ଅନୁଷ୍ଠିତ ‘ହାଓଡି ମୋଦୀ’ ଭଳି ଐତିହାସିକ କାର୍ଯ୍ୟକ୍ରମର ଅଭୂତପୂର୍ବ ସଫଳତାର ସହ ଆମେରିକା ଗସ୍ତ ଆରମ୍ଭ କରିଛନ୍ତି | ଏହି ଅବସରରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ମଧ୍ୟ ଉପସ୍ଥିତ ଥିଲେ | ଏହି କାର୍ଯ୍ୟକ୍ରମରେ ଯୋଗ ଦେଇଥିବା 50,000ରୁ ଅଧିକ ଭାରତୀୟ ବଂଶୋଦଭବ ଆମେରିକୀୟ ଙ୍କୁ ପ୍ରଧାନମନ୍ତ୍ରୀ ଉଦବୋଧନ ଦେଇଥିଲେ | ପ୍ରଧାନମନ୍ତ୍ରୀ ପୂର୍ବରୁ 2014ରେ ନ୍ୟୁୟର୍କ ର ମେଡିସନ ସ୍କ୍ୱେର ଗାର୍ଡେନ ଠାରେ ଓ 2015 ରେ ସାନଯୋଶରେ ଭାରତୀୟ ବଂଶୋଦଭବ ଆମେରିକୀୟ ମାନଙ୍କୁ ଉଦବୋଧନ ଦେଇଥିଲେ | ଏହି କାର୍ଯ୍ୟକ୍ରମରେ ରାଷ୍ଟ୍ରପତି ଟ୍ରମ୍ଫ ଓ ସିନେଟ ର ସମସ୍ତ ସଦସ୍ୟ ତଥା କୂଟନୈତିକ ମାନଙ୍କ ଉପସ୍ଥିତି ଭାରତ-ଆମେରିକା ଭାଗୀଦାରୀତା କ୍ଷେତ୍ରରେ ଦୁଇ ଦେଶ ମଧ୍ୟରେ ଦୃଢ ସମ୍ପର୍କକୁ ପ୍ରତିଫଳିତ କରୁଛି | ଟ୍ରମ୍ଫ ଙ୍କୁ ‘ହାଓଡି ମୋଦୀ’ ରେ ସ୍ଵାଗତ କରି ଏହି କାର୍ଯ୍ୟକ୍ରମରେ ଯୋଗ ଦେଇଥିବାରୁ ଧନ୍ୟବାଦ ଜଣାଇ ଶ୍ରୀ ମୋଦୀ କହିଥିଲେ ଯେ ଶ୍ରୀ ଟ୍ରମ୍ଫ “ ମୋର ଓ ଭାରତର ପ୍ରକୃତ ବନ୍ଧୁ ହେବା ସହ ସେ ହେଉଛନ୍ତି ଆମେରିକାର ଜଣେ ମହାନ ରାଷ୍ଟ୍ରପତି | ତାଙ୍କ ସହିତ ମୋର ପ୍ରତ୍ୟେକ ସାକ୍ଷାତ ଦୁଇ ଦେଶ ମଧ୍ୟରେ ସମ୍ପର୍କକୁ ଆହୁରି ସୁଦୃଢ କରିଛି ବୋଲି ସେ କହିଥିଲେ | ରାଷ୍ଟ୍ରପତିଙ୍କ ନେତୃତ୍ଵ ପ୍ରତି ଉଚ୍ଚ ପ୍ରଶଂସା କରି ଟ୍ରମ୍ଫଙ୍କ ନେତୃତ୍ଵ ରେ ଆମେରିକା ପୁଣି ମହାନ ହୋଇଛି ବ...

ମଙ୍ଗୋଲିଆର ରାଷ୍ଟ୍ରପତି ଖଲଟାମାଗିନ ବତୁଲ୍ଗା, ରାଷ୍ଟ୍ରପତି ରାମନାଥ କୋବିନ୍ଦଙ୍କ ଆମନ୍ତ୍ରଣ କ୍ରମେ ଭାରତ ଗସ୍ତରେ ଆସିଛନ୍ତି | ପ୍ରାୟ ଗୋଟିଏ ଦଶନ୍ଧି ପରେ ମଙ୍ଗୋଲିଆର କୌଣସି ରାଷ୍ଟ୍ରପତି ଭାରତ ଗସ୍ତରେ ଆସିଛନ୍ତି | ଶ୍ରୀ ବତୁଲ୍ଗାଙ୍କ ସହିତ ତାଙ୍କ ସରକାରଙ୍କ ଉଚ୍ଚସ୍ତରୀୟ କର୍ତ୍ତୃପକ୍ଷ ଏବଂ ଶିଳ୍ପପତିମାନଙ୍କ ପ୍ରତିନିଧି ମଣ୍ତଳି ଆସିଛନ୍ତି| ଭାରତର ରାଷ୍ଟ୍ରପତି ଏବଂ ଉପ ରାଷ୍ଟ୍ରପତିଙ୍କ ଦ୍ବାରା ମଙ୍ଗୋଲିଆ ରାଷ୍ଟ୍ରପତିଙ୍କ ସମ୍ମାନାର୍ଥେ ଏକ ନଶ୍ୟ ଭୋଜିସଭାର ଆୟୋଜନ ହୋଇଥିଲା ଯେଉଁଠି ବିବିନ୍ନ ପ୍ରସଙ୍ଗରେ ଆଲୋଚନା ହୋଇଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ମଧ୍ୟ ମଙ୍ଗୋଲିଆ ରାଷ୍ଟ୍ରପତିଙ୍କ ପ୍ରତିନିଧି ସ୍ତରୀୟ ଆଲୋଚନା ହୋଇଛି | ଦୁଇ ପକ୍ଷ ଆଞ୍ଚଳିକ ଏବଂ ଆନ୍ତର୍ଜାତୀୟ ପ୍ରସଙ୍ଗ ଉପରେ ଆଲୋଚନା କରିଛନ୍ତି | ଦୁଇ ଦେଶ ଦକ୍ଷତା ବିକାଶ, ପ୍ରତିରକ୍ଷା, ନିରାପତ୍ତା, ଭିତ୍ତିଭୂମି, ଶକ୍ତି, ଦୁର୍ବିପାକ ପରିଚାଳନା ଏବଂ ସାଂସ୍କୃତିକ ଆଦାନପ୍ରଦାନ ଆଦି ପ୍ରସଙ୍ଗକୁ ନେଇ ଦ୍ଵିପକ୍ଷୀୟ ସହଯୋଗ ଉପରେ ଆଲୋଚନା ହୋଇଛି | ପ୍ରଧାନମନ୍ତ୍ରୀ ମୋଦି ଏହା ପୂର୍ବରୁ ସେପ୍ଟେମ୍ବର 2019ର ପ୍ରଥମ ସପ୍ତାହରେ ରୁଷର ଭ୍ଲାଦିଭୋଷ୍ଟକରେ ଇଷ୍ଟର୍ଣ୍ଣ ଇକୋନୋମିକ ଫୋରମ ବୈଠକ କାଳରେ ମଙ୍ଗୋଲିଆ ରାଷ୍ଟ୍ରପତିଙ୍କ ସହ ସାକ୍ଷାତ ଆଲୋଚନା କରିସାରିଛନ୍ତି | ଭାରତ ପୂର୍ବାଞ୍ଚଳ ରାଷ୍ଟ୍ରଗୁଡିକ ସହିତ ଏହାର ସଂପର୍କକୁ ପୁନଃ ମଜବୁତ କରିବା ...

ଭାରତୀୟ ବିମାନ ବାହିନୀ (ଆଇଏଏଫ) ଆସନ୍ତା ମାସ ଦ୍ଵିତୀୟ ସପ୍ତାହରେ ଫ୍ରାନ୍ସର ବିମାନ ଚଳାଚଳ କମ୍ପାନୀ ଡାସଲ୍ଟ ଠାରୁ ପ୍ରଥମ ଲଢୁଆ ବିମାନ ରାଫେଲର କ୍ରୟ ପାଇଁ ସମସ୍ତ ପ୍ରସ୍ତୁତି ଶେଷ କରିଛି | ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଫ୍ରାନ୍ସ ରେ ଏହି ପ୍ରଥମ ରାଫେଲ ଜେଟ ଗ୍ରହଣ କରିବେ | ଆଇଏଏଫ ଆସନ୍ତା ବର୍ଷ ମେ ପର୍ଯ୍ୟନ୍ତ ରାଫେଲ ଉଡାଣ ପାଇଁ ତିନୋଟି ଭିନ୍ନ ଭିନ୍ନ ବ୍ୟାଚରେ 24 ଜଣ ପାଇଲଟଙ୍କୁ ତାଲିମ ପ୍ରଦାନ କରିବ | ପ୍ରଥମ ବ୍ୟାଚର ଜେଟ ଗୁଡିକ ସେହି ସମୟରେ ଭାରତରେ ପହଞ୍ଚିବ| ଶହ ଶହ ସଂଖ୍ୟାରେ ଅପ୍ରଚଳିତ ପୁରୁଣା ପିଢୀର ଆଇଏଏଫ ମିଗ-21, ମିଗ-23 ଓ ମିଗ-27କୁ କିପରି ବଦଳାଯିବ ସେ ନେଇ ପ୍ରସ୍ତୁତି ଚାଲିଥିବା ବେଳେ ରାଫେଲ ର ତତ୍କାଳ କ୍ରୟ କରିବାର ନିଷ୍ପତ୍ତି ଯୁକ୍ତି ସଙ୍ଗତ ବୋଲି ବିବେଚନା କରାଯାଉଛି | ବିଗତ ବହୁ ଦଶନ୍ଧି ହେଲା ଭାରତର ନିକଟ ପଡୋଶୀରେ ଉପୁଜିଥିବା ଘଟଣାକ୍ରମ ଓ ସୀମା ପାର ସନ୍ତ୍ରାସବାଦ ବୃଦ୍ଧି ଯୋଗୁଁ ଭାରତର ନେତୃତ୍ଵ ଜରୁରୀକାଳିନ ଭାବେ ପ୍ରତିରକ୍ଷା କ୍ରୟ ଉପରେ ଦ୍ରୁଷ୍ଟି କେନ୍ଦ୍ରିତ କରିଥିଲେ | ବର୍ତ୍ତମାନ ସମୟରେ ଭାରତର ପ୍ରତିରକ୍ଷା ନୀତିରେ ମଧ୍ୟ ଏକ ବଡ ପରିବର୍ତ୍ତନ ଦେଖାଯାଇଛି ଯଦ୍ୱାରା ନିକଟ ପଡୋଶୀ ରାଷ୍ଟ୍ର ଦ୍ଵାରା ପ୍ରାୟୋଜିତ ସନ୍ତ୍ରାସବାଦ କାର୍ଯ୍ୟକଳାପର ଦମନ ଲାଗି ଏକ ଦୃଢ ଆଭିମୁଖ୍ୟ ଗ୍ରହଣ କରାଯାଇଛି | ଏମିତିରେ ଭାରତ ମଧ୍ୟ ଏକ ସ୍ପଷ୍ଟ ସନ୍ଦେଶ ଦେଇଛି ଯେ ଯଦି କୌଣସ...

ସାଉଦି ତୈଳ କଂପାନି ଆରାମକୋ(ARAMCO) ଦ୍ୱାରା ପରିଚାଳିତ ଦମାମ ନିକଟସ୍ଥ ବିଶ୍ୱର ବୃହତ୍ତ ଅଶୌଧିତ ତୈଳ ଖଣି ଆବକାଇକ ଏବଂ ଖୁରାଇସ ଉପରେ ନିକଟରେ ହୋଇଥିବା ଡ୍ରୋନ ଆକ୍ରମଣ ପାରସ୍ୟ ଉପସାଗରରେ ଆମେରିକା ଏବଂ ଇରାନ ମଧ୍ୟରେ ରହିଥିବା ଉତ୍ତେଜନାକୁ ଆହୁରି ବଢେଇ ଦେଇଛି। ଏହି ଆକ୍ରମଣ ଯୋଗୁଁ 1991ର ଉପସାଗରୀୟ ଯୁଦ୍ଧ ପରେ ପୁଣି ଥରେ ବିଶ୍ୱ ତୈଳ ମୂଲ୍ୟରେ ଅହେତୁକ ବୃଦ୍ଧି ଘଟିଛି। ଏହି ଆକ୍ରମଣ ୟମେନ ସ୍ଥିତ ଅନସାର ଆଲ୍ହା( ହାଉତି) ବାହିନୀ କରିଥିବା ଦାବି କରିଛି। ଆକ୍ରମଣରେ କେହି ହତାହତ ହୋଇନାହାନ୍ତି କିନ୍ତୁ ଏପରି ଆକ୍ରମଣ ପୁଣି ହେବ ହାଉତି ସାଉଦି ଆରବକୁ ଧମକ ଦେଇଛି। ଗତ ମାସ ମଧ୍ୟ ସାଉଦି ଆରବର ଅନ୍ୟ ଏକ ତୈଳ ଖଣି ସାୟବାହ ଠାରେ ହାଉତି ଡ୍ରୋନ ଆକ୍ରମଣ କରିଥିଲା। ସାଉଦି ଯୁବରାଜ ମହମ୍ମଦ ବିନ ସଲମାନ ଏହାକୁ ସନ୍ତ୍ରାସବାଦି ଆକ୍ରମଣ ବୋଲି କହିଛନ୍ତି ଏବଂ ଏହାର କଡା ମୁକାବିଲା ସାଉଦି କରିବ ବୋଲି ସେ କହିଛନ୍ତି। ଆକ୍ରମଣକୁ ଦୃଷ୍ଟିରେ ରଖି ରିୟାଦ ବାହାରିନ ପେଟ୍ରୋଲିୟମ କଂପାନିକୁ ଯୋଗାଣ କରୁଥିବା ଦିନକୁ 0.2 ମିଲିୟନ ବାରେଲ ତୈଳ ବହନ କରୁଥିବା ପାଇପଲାଇନକୁ ବନ୍ଦ ରଖିଛି। ଏହା ସତ୍ତ୍ୱେ ମଧ୍ୟ ଆରାମକୋ ଏହାର ମୋଟ ମୂଲ୍ୟର 1 ଭାଗ ଅଂଶ 2 ଟ୍ରିଲିୟନ ଡଲାର ସେୟାର ନିର୍ଦ୍ଧାରିତ କାର୍ଯ୍ୟସୂଚି ଅନୁଯାୟୀ ଜାରି ରଖିଛି। ଏହା ସହିତ ସାଉଦି ଆରବ ମଧ୍ୟପ୍ରାଚ୍ୟର ଜଳପଥକୁ ସୁରକ୍ଷିତ ରଖିବାରେ ଆମେରିକା ନେତୃତ୍ୱାଧିନ ମେଣ୍...

ତେହେରାନରେ ଚଳିତ ସପ୍ତାହ ଭାରତ ଓ ଇରାନ ମଧ୍ୟରେ ବିଚାର ବିମର୍ଶ ଲାଗି ବୈଦେଶିକ ମନ୍ତ୍ରଣାଳୟ ର ଷୋହଳତମ ବୈଠକ ଅନୁଷ୍ଠିତ ହୋଇଛି | ଅତ୍ୟନ୍ତ ତିକ୍ତତାପୂର୍ଣ୍ଣ ଆଞ୍ଚଳିକ ପରିଦୃଶ୍ୟ ତଥା ରଣନୀତିକ ଅବ୍ୟବସ୍ଥା ପରିପ୍ରେକ୍ଷୀରେ ଏହି ବୈଠକ ର ଆୟୋଜନ କରାଯାଇଥିଲା | ଭାରତର ବୈଦେଶିକ ସଚିବ ବିଜୟ ଗୋଖଲେ ଭାରତୀୟ ପ୍ରତିନିଧି ଦଳର ନେତୃତ୍ଵ ନେଇଥିବା ବେଳେ ଇରାନର ଉପବୈଦେଶିକ ମନ୍ତ୍ରୀ ଡଃ ସେୟଦ ଆବ୍ବାସ ଇରାନ ପକ୍ଷର ନେତୃତ୍ଵ ନେଇଥିଲେ | ଶ୍ରୀ ଗୋଖଲେ ମଧ୍ୟ ଇରାନ ର ବୈଦେଶିକ ମନ୍ତ୍ରୀ ଡଃ ଜାଭାଦ ଜରିଫ ଓ ଇରାନ ର ସର୍ବୋଚ୍ଚ ନେତା ଆୟାତୋଲ୍ଲା ଖାମେନେଇ ଙ୍କ ବରିଷ୍ଠ ଉପଦେଷ୍ଟା ଡଃ ଅଲି ଆକବର ବେଲାୟାତି ଙ୍କ ସହ ସାକ୍ଷାତ ଆଲୋଚନା କରିଥିଲେ | ଏହି ବୈଠକ କାଳରେ ଉଭୟ ପକ୍ଷ ଭାରତ, ଇରାନ ଓ ଆଫଗାନିସ୍ତାନ ମଧ୍ୟରେ ତ୍ରିପକ୍ଷୀୟ ପାରଗମନ ରାଜିନାମାର ପୂର୍ଣ୍ଣ କାର୍ଯ୍ୟକାରିତା ଏବଂ ଶହୀଦ ବେହେସ୍ତି ବନ୍ଦର ଓ ଚାବାହାର ର ବିକାଶ ଭଳି ମୌଳିକଢାଞ୍ଚା ବିକାଶ ପ୍ରକଳ୍ପ ତଥା ଜାରି ରହିଥିବା ସଂଯୋଗୀକରଣ ସମେତ ଦ୍ଵିପକ୍ଷୀୟ ସହଯୋଗର ସବୁ ଦିଗ ଉପରେ ପୁନଃ ସମୀକ୍ଷା କରିଥିଲେ | ଉଭୟ ପକ୍ଷ ଦୁଇ ଦେଶ ମଧ୍ୟରେ ପାରସ୍ପରିକ ହିତକାରୀ ଦ୍ଵିପକ୍ଷୀୟ ସହଯୋଗ ଓ ମତ ଆଦାନ ପ୍ରଦାନ ନୀତି ବଜାୟ ରଖିବା ଲାଗି ସେମାନଙ୍କ ପ୍ରତିଶୃତିବଦ୍ଧତା ପ୍ରକାଶ କରିଥିଲେ | ଇରାନ ରେ ବୈଦେଶିକ ମନ୍ତ୍ରୀ ସ୍ତରରେ ଯୁଗ୍ମ କମିଶନର ପରବର୍ତ୍ତୀ ବୈଠକ ଆୟୋଜନ...

ରାଷ୍ଟ୍ରପତି ରାମନାଥ କୋବିନ୍ଦ ଆଇସଲ୍ୟାଣ୍ତ, ସୁଇଜରଲ୍ୟାଣ୍ତ ଏବଂ ସ୍ଲୋଭେନିଆକୁ ରାଜନୈତିକ ଏବଂ ଅର୍ଥନୈତିକ ସଂପର୍କ ବୃଦ୍ଧି ପାଇଁ ନଅ ଦିନିଆ ଗସ୍ତରେ ଯାଇଛନ୍ତି। ଭାରତ ଏବଂ ଆଇସଲ୍ୟାଣ୍ତ ମତ୍ସ୍ୟଚାଷ, ସାଂସ୍କୃତିକ ସହଯୋଗ, ଅଧିକାରୀମାନଙ୍କ ପାଇଁ ଭିସା ସୁବିଧା ଏବଂ ଆଇସଲ୍ୟାଣ୍ତ ବିଶ୍ୱବିଦ୍ୟାଳୟରେ ହିନ୍ଦି ଚେୟାର ସ୍ଥାପନ ଆଦି ବିଷୟ ଉପରେ ବୁଝାମଣା ସ୍ମାରକୀପତ୍ର ସ୍ୱାକ୍ଷର କରିଛନ୍ତି। ଶ୍ରୀ କୋବିନ୍ଦ କହିଛନ୍ତି ଯେ ଆଇସଲ୍ୟାଣ୍ତ ନିରନ୍ତର ମତ୍ସ୍ୟଚାଷ, ସାମୁଦ୍ରିକ ଅର୍ଥନୀତି, ଜାହାଜ ଚଳାଚଳ, ଶକ୍ତି, ନିର୍ମାଣ ଏବଂ କୃଷି ଆଦି କ୍ଷେତ୍ରରେ ଭାରତକୁ ସହଯୋଗ କରିପାରିବ। ଆଇସଲ୍ୟାଣ୍ତ ଆର୍କଟିକ ପରିଷଦର ଅଧ୍ୟକ୍ଷ ଅଛି। ଏହା ଆର୍କଟିକରେ ଜଳବାୟୁର ସୁରକ୍ଷା ଏବଂ ନିରନ୍ତର ସ୍ଥାୟୀ ବିକାଶ ଦିଗରେ କାର୍ଯ୍ୟ କରୁଥିବା ଏକ ଆନ୍ତସରକାରୀ ସଂଗଠନ। ଜାତିସଂଘ ନିରାପତ୍ତା ପରିଷଦରେ ଭାରତର ସ୍ଥାୟୀ ସଦସ୍ୟତାକୁ ଆଇସଲ୍ୟାଣ୍ତ ସମର୍ଥନ କରିଛି। ରାଷ୍ଟ୍ରପତି ଆଇସଲ୍ୟାଣ୍ତ ବିଶ୍ବବିଦ୍ୟାଳୟରେ ଏକ ସବୁଜ ଗ୍ରହ ପାଇଁ ଭାରତ ଆଇସଲ୍ୟାଣ୍ତ ଉପରେ ଉଦବୋଧନ ଦେଇ ଆନ୍ତର୍ଜାତୀୟ ସୌର ମେଣ୍ଟରେ ଯୋଗ ଦେବାକୁ ଆଇସଲ୍ୟାଣ୍ତକୁ ଆମନ୍ତ୍ରଣ କରିଛନ୍ତି। ରାଷ୍ଟ୍ରପତି ପ୍ୟାରିସ ରାଜିନାମା ଅନୁରୂପ ସିଙ୍ଗଲ ୟୁଜ ପ୍ଲାଷ୍ଟିକକୁ 2022 ମସିହା ସୁଦ୍ଧା ସଂପୂର୍ଣ୍ଣ ନି,େଧ କରିବାକୁ ଭାରତର ପ୍ରତିବଦ୍ଧତା ବିଷୟରେ ଅବଗତ କରିଛନ୍ତି। ଶ୍ରୀ କୋବିନ୍ଦ ଭାରତ ଆଇସଲ୍ୟା...

ଭାରତର ଜମ୍ମୁ କଶ୍ମୀରକୁ ନେଇ ପାକିସ୍ତାନ ଆଡବାଇଆ ପରି ହେଇଯାଇଛି। ଏହି ପ୍ରସଙ୍ଗକୁ ନେଇ ପାକିସ୍ତାନ ବିଶ୍ବର ପ୍ରାୟ ସବୁ ଶକ୍ତିଶାଳି ରାଷ୍ଟ୍ର ନିକଟରେ ହାରୀଗୁହାରି କରିଥିଲେ ମଧ୍ୟ ସମସ୍ତେ ପ୍ରାୟ ଗୋଟିଏ କଥା କହି ପାକିସ୍ତାନର ହତୋତ୍ସାହକୁ ଆହୁରି ବଢାଇ ଦେଇଛନ୍ତି ଯେ ଭାରତୀୟ ସମ୍ବିଧାନରୁ ଧାରା 370 ଉଚ୍ଛେଦ ହେଉଛି ଭାରତର ଆଭ୍ୟନ୍ତରୀଣ ମାମଲା। ଏହା ସତ୍ତ୍ୱେ ମଧ୍ୟ ପାକିସ୍ତାନ ଏବେବି ସମର୍ଥନ ଆଶାରେ ଘୂରିବୁଲୁଛି। ନିକଟରେ ଏକ ଘରୋଇ ଟିଭି ଚ୍ୟାନେଲକୁ ଦେଇଥିବା ସାକ୍ଷାତକାରରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାମ ସ୍ବୀକାର କରିଛନ୍ତି ଯେ ପାରମ୍ପରିକ ଯୁଦ୍ଧରେ ପାକିସ୍ତାନ କେବେବି ଭାରତ ଠାରୁ ଜିତି ପାରିବ ନାହିଁ। ସେ ପରମାଣୁ ବିପଦର ଧମକକୁ ଦୋହରାଇଛନ୍ତି ଏବଂ କଶ୍ମୀର ଉପରେ ବିଶ୍ବର ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରିଛନ୍ତି। ସେ ବିଶ୍ୱକୁ ଏହାମଧ୍ୟ ଚେତାବନୀ ଦେଇଛନ୍ତି ଯେ ଭାରତର ପରମାଣୁ ଅସ୍ତ୍ରଶସ୍ତ୍ର ଉପରେ ଯଦି ବିଶ୍ୱ ଧ୍ୟାନ ନଦିଏ ତେବେ ଏହାର ପରିଣାମ ଭୋଗିବାକୁ ପଡିବ। ସେ ଏକଥା ମଧ୍ୟ କହିଛନ୍ତି ଯେ ପାକିସ୍ତାନ ଯୁଦ୍ଧ ଚାହୁଁନାହିଁ କିନ୍ତୁ ଏହାର ନିରାପତ୍ତା ଏବଂ ଐକ୍ୟ ଉପରେ ଆଞ୍ଚ ଆସିଲେ ସେ ଚୁପ ରହିବ ନାହିଁ। ଇମରାନ ସ୍ୱୀକାର କରିଛନ୍ତି ଯେ ଆସନ୍ତା ମାସ ଆନ୍ତର୍ଜାତୀୟ ସନ୍ତ୍ରାସବାଦ ପାଣ୍ଠି ସଂସ୍ଥା ଅର୍ଥନୈତିକ କାର୍ଯ୍ୟାନୁଷ୍ଠାନ ଟାସ୍କ ଫୋର୍ସ ପାକିସ୍ତାନକୁ ସନ୍ତ୍ରାସବାଦ ପାଇ...

ଭୂମି ଏକ ମହତ୍ବପୂର୍ଣ୍ଣ ସମ୍ବଳ ଅଟେ | ଏହା ଖାଦ୍ୟ ଯୋଗାଣ, ସ୍ବଚ୍ଛ ଜଳ ଓ ଅନ୍ୟାନ୍ୟ ପରିବେଶ ସଙ୍କ୍ରାନ୍ତୀୟ ସେବା ତଥା ଜୈବ ବିବିଧତା ଯୋଗାଣ ସମେତ ମାନବ ଆଜୀବିକା ଓ ମାନବ କଲ୍ୟାଣ ପାଇଁ ମୁଖ୍ୟ ଆଧାର ପ୍ରଦାନ କରିଥାଏ | ଭୂମି ମଧ୍ୟ ଜଳବାୟୁ ବ୍ୟବସ୍ଥାରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥାଏ | ବହୁ ଦଶନ୍ଧି ହେଲା ଜନସଂଖ୍ୟା ବୃଦ୍ଧି ଯୋଗୁଁ ଭୂମି ଓ ସ୍ବଚ୍ଛ ଜଳ ର ଅଭୂତପୂର୍ବ ଉପଯୋଗ ଦ୍ଵାରା ଜମି ଅବକ୍ଷରଣ ହେଉଛି | କୃଷି ଓ ପଶୁପାଳନ ଉତ୍ପାଦନ, ସହରିକରଣ,ବନନାଶନ ଓ ବିଶେଷତଃ ମରୁଡି ଆଦି ଭଳି ପରିସ୍ଥିତି ଏହି ପ୍ରକ୍ରିୟାକୁ ତ୍ୱରାନ୍ୱିତ କରିଦେଇଛି | ଭୂମି ଅବକ୍ଷୟ ଓ ମରୁଭୂମିକରଣ ଅଧିକାଂଶ ଦେଶ ପାଇଁ ଏକ ପ୍ରମୁଖ ଆର୍ଥିକ, ସାମାଜିକ ଓ ପରିବେଶଜନିତ ସମସ୍ଯା ଭାବେ ଉଭା ହୋଇଛି | ମରୁଭୂମିକରଣ ଭୂମି ଅବକ୍ଷୟ ର ଏକ ରୂପ ଅଟେ ଯାହା ଦ୍ଵାରା ଉର୍ବର ଜମି ମରୁଭୁମି ରେ ପରିଣତ ହୋଇଯାଏ | ଏଭଳି ପରିବର୍ତ୍ତନର ଦୂରୀକରଣ ସହ ଉଭା ହୋଇଥିବା ଚାଲେଞ୍ଜ ଗୁଡିକର ମୁକାବିଲା କରିବା ଲାଗି ଉପାୟ ବାହାର କରିବା ନିମନ୍ତେ ଜାତିସଂଘର କନଫରେନ୍ସ ଅଫ ଦ ପାର୍ଟିଜ ଅର୍ଥାତ କୋପ ର ଚତୁର୍ଦ୍ଦଶ ଅଧିବେଶନ ଉତ୍ତରପ୍ରଦେଶ ର ଗ୍ରେଟର ନୋଇଡାରେ ଭାରତ ଦ୍ଵାରା ଆୟୋଜନ କରାଯାଇଥିଲା | ଚଳିତ ମାସ 2 ତାରିଖରେ ଆରମ୍ଭ ହୋଇଥିବା ଏହି ଶିଖର ସମ୍ମିଳନୀରେ 197 ଟି ଦେଶର ପ୍ରାୟ 9,000 ପ୍ରତିନିଧି ଯୋଗ ଦେଇଥିଲେ | ଏହି ସମ୍ମିଳନୀରେ ଯୋଗ ଦେଇଥିବା ପ୍ରତିନ...

ତାଲିବାନ ଚଳିତ ବର୍ଷ ପହିଲାରେ ଚଉଦ ସଦସ୍ୟ ବିଶିଷ୍ଟ ଏକ ଶାନ୍ତି ପ୍ରତିନିଧି ଦଳ ଗଠନ କରି ଏହାକୁ ଆମେରିକା ସହ ଶାନ୍ତି ବୁଝାମଣା କରିବା ଭଳି ଜଟିଳ ଦାୟିତ୍ଵ ଦେଇଥିଲା | ଆଫଗାନିସ୍ତାନ ସରକାର ଓ ତାଲିବାନ ମଧ୍ୟରେ ସଂଘର୍ଷ ଚାଲିଥିବା ସତ୍ତ୍ୱେ ଏହି ଶାନ୍ତି କଥାବାର୍ତ୍ତା ଆଗେଇ ନେବାପାଇଁ କାର୍ଯ୍ୟସୂଚୀ ଥିଲା | ତାଲିବାନ ଦ୍ଵାରା ନିରୀହ ନାଗରିକ ମାନଙ୍କୁ ଲକ୍ଷ୍ୟ କରି ସବୁବେଳେ ଆଖିବୁଜା ଆକ୍ରମଣ କରାଯାଉଥିବା ସମୟରେ ଶାନ୍ତି କଥାବାର୍ତ୍ତା ଆରମ୍ଭ କରିବା କଷ୍ଟସାଧ୍ୟ ହେବା ପରି ମନେହେଉଥିଲା |  ଏହି କଥାବାର୍ତ୍ତା ର ମୂଳ ଉଦ୍ଦେଶ୍ୟ ଥିଲା ଏକ ବିସ୍ତ୍ରୁତ ରାଜନୈତିକ ଢାଞ୍ଚା ଗଠନ କରିବା ଯାହାକି ତାଲିବାନର ତଥା କାବୁଲର ମୁଖ୍ୟସ୍ରୋତର ରାଜନୈତିକ ତନ୍ତ୍ର ସହ ଅନ୍ୟ ବର୍ଗ ଗୁଡିକର ଆଶା ଓ ଆକାଂକ୍ଷା କୁ ନେଇ ଅନୁକୂଳ ପରିସ୍ଥିତି ସୃଷ୍ଟି କରିବା | ତେବେ କଥାବାର୍ତ୍ତାରେ ମୁଖ୍ୟତଃ ସନ୍ତ୍ରାସବାଦ କାର୍ଯ୍ୟକଳାପ ବନ୍ଦ କରିବା ଲାଗି ତାଲିବାନ ନେତାମାନେ ଆମେରିକାକୁ ନିଶ୍ଚିତ କରିବା ଓ 1990 ପରେ ଆନ୍ତର୍ଜାତୀୟ ସନ୍ତ୍ରାସବାଦ ନେଟୱର୍କ ଚଲାଉଥିବା ଆଫଗାନିସ୍ତାନ ଏହାର ପୁନାରାବୃତ୍ତି ନକରିବା ପାଇଁ ପ୍ରତିଶୃତି ଦେବା ଆଦି ଆଲୋଚ୍ୟ ବିଷୟ ହେବାର ସ୍ଥିରୀକୃତ୍ୟ ଥିଲା | ସନ୍ତ୍ରାସବାଦ ନିରୋଧୀ ଗ୍ୟାରେଣ୍ଟି ର ନିରନ୍ତର ପାଳନକୁ ନିଶ୍ଚିତ କରିବା ଲାଗି ଆମେରିକା ସରକାର ତାଲିବାନ ନିକଟରେ ଦାବି ଜଣାଇ କହିଥିଲା ଯେ...

ବ୍ୟାଙ୍କକରେ ସମ୍ପ୍ରତ୍ତି ଆଞ୍ଚଳିକ ବ୍ୟାପକ ଅର୍ଥନୈତିକ ଭାଗିଦାରୀତା (ଆରସିଇପି) ବୈଠକ ଅନୁଷ୍ଠିତ ହୋଇଛି | ଆମେରିକା-ଚୀନ ବାଣିଜ୍ୟ ବିବାଦ ଓ ଜାପାନ ଏବଂ ଦକ୍ଷିଣ କୋରିଆ ମଧ୍ୟରେ ଆର୍ଥିକ ସଙ୍କ୍ରାନ୍ତୀୟ ତିକ୍ତତା ଜାରୀ ରହିଥିବା ବେଳେ ଏହି ବୈଠକର ଆୟୋଜନ କରାଯାଇଛି | ଗତ ମାସ ଅନୁଷ୍ଠିତ ଆରସିଇପି ବୈଠକରେ ଭାରତ ଯୋଗ ଦେଇନଥିଲା | ଭାରତର ବାଣିଜ୍ୟ ତଥା ଉଦ୍ୟୋଗ ମନ୍ତ୍ରୀ ପିୟୁଷ ଗୋଏଲ ଏହି ମହତ୍ୱପୂର୍ଣ୍ଣ କାର୍ଯ୍ୟକ୍ରମ ରେ ଯୋଗ ଦେଇଥିଲେ | ଏହା ବୈଶ୍ଵିକ ଆର୍ଥିକ କ୍ରିୟାକଳାପରେ ଭାରତର ଗତିଶୀଳତା କୁ ପ୍ରୋତ୍ସାହିତ କରିବା ପାଇଁ ଉଦ୍ଦିଷ୍ଟ ଥିଲା | ଶ୍ରୀ ଗୋଏଲ ଗୋଷ୍ଠୀର ଅନ୍ୟ ସଦସ୍ୟ ରାଷ୍ଟ୍ର ଗୁଡିକ ସହ ଦେଶର ବହୁପକ୍ଷୀୟ ଓ ଦ୍ଵିପକ୍ଷୀୟ ପ୍ରସଙ୍ଗ ନେଇ କଥାବାର୍ତ୍ତା କରିବା ପାଇଁ ଏହି ମନ୍ତ୍ରୀସ୍ତରୀୟ ବୈଠକରେ ଭାଗ ନେଇଥିଲେ | ଦକ୍ଷିଣ-ପୂର୍ବ ଆସିଆନ ରାଷ୍ଟ୍ରର ଦଶ ସଦସ୍ୟ ଓ ଭାରତ, ଚୀନ, ଜାପାନ, ଦକ୍ଷିଣ କୋରିଆ, ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ଭଳି ଅନ୍ୟ ଛ ଟି ଆଞ୍ଚଳିକ ରାଷ୍ଟ୍ରକୁ ନେଇ ଆରସିଇପି ଗଠିତ | ଉଲ୍ଲେଖଯୋଗ୍ୟ ଯେ ସମଗ୍ର ଆସିଆନ ତଥା ଏହାର ନିକଟବର୍ତ୍ତୀ ଅଞ୍ଚଳରେ ଏକ ମୁକ୍ତ ବାଣିଜ୍ୟ ବ୍ୟବସ୍ଥା ଗ୍ରହଣ କରିବା ଲାଗି ଏହି ସଂସ୍ଥା ଗଠନ କରାଯାଇଥିଲା | ସପ୍ତମ ମନ୍ତ୍ରୀସ୍ତରୀୟ ବୈଠକ ପରେ ଏଥିରେ ଭାଗ ନେଇଥିବା 16 ଟି ରାଷ୍ଟ୍ର ଦ୍ଵାରା ଜାରୀ ମିଳିତ ବିବୃତ୍ତିରେ ସଂପୂର୍ଣ୍ଣ କ୍ଷେତ୍ରରେ ଏକ ମୁକ୍ତ ...

ଭାରତର ବୈଦେଶିକ ମନ୍ତ୍ରୀ ଡଃ ଏସ ଜୟଶଙ୍କର ଦାୟିତ୍ଵ ଗ୍ରହଣ କରିବା ପରେ ଆସିଆନ ଅଞ୍ଚଳକୁ ତାଙ୍କ ପ୍ରଥମ ଦ୍ଵିପକ୍ଷୀୟ ଗସ୍ତ କରି ଇଣ୍ଡୋନେସିଆ ଓ ସିଙ୍ଗାପୁର ଯାତ୍ରା କରିଥିଲେ | ତାଙ୍କ ଦକ୍ଷିଣ-ପୂର୍ବ ଏସିଆନ ଗସ୍ତର ପ୍ରଥମ ଚରଣରେ ଇଣ୍ଡୋନେସିଆରେ ତାଙ୍କ ପ୍ରତିପକ୍ଷ ରେଟନୋ ମାରସୁଦି ଙ୍କ ସହ ସାକ୍ଷାତ ଆଲୋଚନା କରିବା ସହିତ ସାମୁଦ୍ରିକ ବ୍ୟାପାରୀୟ ସମନ୍ଵୟ ମନ୍ତ୍ରୀ ଜେନେରାଲ(ଅବସରପ୍ରାପ୍ତ) ଲୁହୁତ ବିନସାର ପାଣ୍ଡଜାଇତାନଙ୍କ ସହ ମଧ୍ୟ ସେ ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ | ଦୁଇ ମନ୍ତ୍ରୀ ଭାରତର ଆଣ୍ଡାମାନ ଓ ନିକୋବର ଦ୍ବୀପପୁଞ୍ଜ ଓ ଇଣ୍ଡୋନେସିଆ ର ଏସେହ ଦ୍ବୀପ ମଧ୍ୟରେ ସହଯୋଗର ବିଭିନ୍ନ ଦିଗ ଉପରେ ବ୍ୟାପକ ଆଲୋଚନା କରିଥିଲେ | ଇଣ୍ଡୋନେସିଆ ସାମୁଦ୍ରିକ ଅଞ୍ଚଳରେ ଭାରତର ଅତି ନିକଟତର ପଡୋଶୀ ଅଟେ | ଯାହା ଭାରତର ଦକ୍ଷିଣାଞ୍ଚଳ ସୀମାରୁ ମାତ୍ର 90 ମାଇଲରୁ କମ ଦୂରରେ ଅବସ୍ଥିତ | ଦକ୍ଷିଣ ଓ ଦକ୍ଷିଣ ପୂର୍ବ ଏସିଆର ଦୁଇ ପ୍ରମୁଖ ଦେଶ ମଧ୍ୟରେ ସାମୁଦ୍ରିକ ସହଯୋଗର ଯଥେଷ୍ଟ ପ୍ରାସଙ୍ଗିକତା ରହିଛି | ଭାରତର ‘ଆକ୍ଟ ଇଷ୍ଟ’ ନୀତି ଓ ଇଣ୍ଡୋନେସିଆର ‘ଗ୍ଲୋବାଲ ମେରିଟାଇମ ଫୁଲକ୍ରମ’ ପରସ୍ପର ପରିପୂରକ ଅଟନ୍ତି | ଉଭୟ ଦେଶ ଆସିଆନର ମହତ୍ଵ ଓ ଏହାର ଏକତାକୁ ପ୍ରୋତ୍ସାହନ କରନ୍ତି | ଏହା ବିଶେଷତଃ ଭାରତ-ପ୍ରଶାନ୍ତସାଗରୀୟ ଅଞ୍ଚଳ ର ଦୁରଦୃଷ୍ଟି ଓ ଲକ୍ଷ୍ୟକୁ ପ୍ରୋତ୍ସାହିତ କରିବା ସନ୍ଦର୍ଭରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ...

ଜାତିସଂଘ ମାନବାଧିକାର ପରିଷଦ (ୟୁଏନଏଚଆରସି)ର 42ତମ ବୈଠକରେ କଶ୍ମୀର ମାମଲାରେ ଏକ ସମାଧାନ ପ୍ରସ୍ଥାବ ଉଦ୍ଧେଶ୍ୟ ସହିତ ପାକିସ୍ତାନର ବିଦେଶ ମନ୍ତ୍ରୀ ଶାହ ମେହମୁଦ କ୍ୟୁରେସୀ କଶ୍ମୀର ପ୍ରସଙ୍ଗକୁ ଆନ୍ତର୍ଜାତୀୟ କରିବାକୁ ପୁରା ଚେଷ୍ଟା କଲେ କିନ୍ତୁ ଅସଫଳ ହେଲେ | 47 ସଦସ୍ୟବିଶିଷ୍ଟ ପରିଷଦରେ 24ଟି ରାଷ୍ଟ୍ରର ସମର୍ଥନ ପାକିସ୍ତାନକୁ ଆବଶ୍ୟକ ଥିଲା କିନ୍ତୁ ଏହା ଉପରେ ବିତର୍କ ପାଇଁ ଏକ ଅନୁରୋଧ କରିବା ପା ପାକିସ୍ତାନ ସମର୍ଥନ ଯୋଗାଡ କରିବାରେ ବିଫଳ ହେଇଛି | କଶ୍ମୀର ପ୍ରସଙ୍ଗରେ ବିତର୍କ ପାଇଁ ଅନୁରୋଧ କରିବାର ସମୟସୀମା ସେପ୍ଟେମ୍ବର 19 ଯାଏଁ ରହିଛି | ଭାରତ ଜେନେଭାକୁ କୌଣସି ମନ୍ତ୍ରୀଙ୍କୁ ନପଠାଇବା ଅର୍ଥ ଭାରତ ଏହାକୁ ଗୁରୁତ୍ବ ଦେଉନାହିଁ କିନ୍ତୁ ଭାରତ ପାକିସ୍ତାନର ଏହି ବ୍ୟବହାରକୁ ଅଯଥା ବିବୃତ୍ତି, ମିଥ୍ୟା ଦୋଷ ଏବଂ ମନଗଢା ଦୋଷ କହି ଖଣ୍ତନ କରିଛି | ମାନବାଧିକାର ଉଲଂଘନ କଥା କହି ଶାହ ମେହମୁଦ କୁରେସୀ କଶ୍ମୀର ମାମଲାକୁ ପୁଣି ଉଠାଇ ଜାତିସଂଘ ଦ୍ବାରା ମିଳିତ ଯାଞ୍ଚ କରାଇବାକୁ ଦାବି କଲେ | କଶ୍ମୀର ଭାରତର ଆଭ୍ୟନ୍ତରିଣ ମାମଲା ବୋଲି ଭାରତ ଅନେକ ଥର କହି ପାକିସ୍ତାନର ଏହି ହାବିକୁ ଖଣ୍ତନ କରିଛି | ଭାରତ କହିଛି ଯେ ସୀମାପାର ସନ୍ତ୍ରାସବାଦରୁ ଲୋକମାନଙ୍କୁ ସୁରକ୍ଷା ଦେବା ପାଇଁ ଭାରତ ଏପରି ବ୍ୟବସ୍ଥା କରିଛି | ଭାରତ କହିଛି ଯେ ପାକିସ୍ତାନ ସନ୍ତ୍ରାସବାଦର ଘୃଣ୍ୟ କାର୍ଯ୍ୟ କରି ଅତି କଦର୍ଯ୍ୟ ଭାବେ ମାନବାଧ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେପାଳର ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କ ସହ ଭିଡିଓ କନଫରେନସିଙ୍ଗ ଜରିଆରେ ବିହାର ର ମୋତିହାରୀ ଓ ନେପାଳ ର ଅମଲେଖଗଞ୍ଜ ମଧ୍ୟରେ ଏକ ପେଟ୍ରୋଲିୟମ ଉତ୍ପାଦ ପାଇପଲାଇନର ଶୁଭ ଉଦଘାଟନ କରିଛନ୍ତି | ଏହି ପାଇପଲାଇନ ର ଶୁଭ ଉଦଘାଟନ କରି ଭାରତ ଓ ନେପାଳ ସେମାନଙ୍କ ଦ୍ଵିପକ୍ଷୀୟ ସମ୍ପର୍କ କ୍ଷେତ୍ରରେ ଆଉ ଏକ ମାଇଲଖୁଣ୍ଟ ହାସଲ କରିଛନ୍ତି | 69 କିଲୋମିଟର ଦୀର୍ଘତା ବିଶିଷ୍ଟ ପାଇପଲାଇନ ଭାରତ ପାର୍ଶ୍ଵରେ 32.7 କିଲୋମିଟର ରହିଥିବା ବେଳେ ନେପାଳ ପଟରେ 37.2 କିଲୋମିଟର ରହିଛି | ନେପାଳ ନାଗରିକ ମାନଙ୍କୁ ବର୍ଷକୁ ଦୁଇ ନିୟୁତ ଟନ ସ୍ବଚ୍ଛ ପେଟ୍ରୋଲିୟମ ଉତ୍ପାଦ ଅବିଶ୍ରାନ୍ତ ଭାବେ ଯୋଗାଇବାର ଏହାର ପୂର୍ଣ୍ଣ କ୍ଷମତା ରହିଛି | ଏହାକୁ ଭାରତ ଓ ନେପାଳ ମଧ୍ୟରେ ଘନିଷ୍ଠ ଦ୍ଵିପକ୍ଷୀୟ ସମ୍ପର୍କ ର ପ୍ରତୀକ ବୋଲି ବର୍ଣ୍ଣନା କରି ପ୍ରଧାନମନ୍ତ୍ରୀ କହିଛନ୍ତି ଯେ ମୋତିହାରୀ ଓ ଅମଲେଖଗଞ୍ଜ ପାଇପଲାଇନ ପ୍ରକଳ୍ପ ପରିବହନ ମୂଲ୍ୟ ହ୍ରାସ କରିବା ସହ ଅଞ୍ଚଳରେ ଶକ୍ତି ସୁରକ୍ଷା ବୃଦ୍ଧି କରିବାରେ ସହାୟକ ହେବ | ସେ ସନ୍ତୋଷ ବ୍ୟକ୍ତ କରି କହିଛନ୍ତି ଯେ ଉଚ୍ଚ ରାଜନୈତିକ ସ୍ତରୀୟ ନିୟମିତ କଥାବାର୍ତ୍ତା ଯୋଗୁଁ ଭାରତ-ନେପାଳ ଭାଗୀଦାରୀତାକୁ ପରିବ୍ୟାପ୍ତ କରିବା ଦିଗରେ ଏକ ଉପଯୁକ୍ତ ଏଜେଣ୍ଡା ପ୍ରସ୍ତୁତ ହୋଇପାରିଛି | ନୂଆଦିଲ୍ଲୀ ରୁ ଏହି ପ୍ରକଳ୍ପର ଉଦଘାଟନ କରି ଶ୍ରୀ ମୋଦୀ, ଏହାର ଉନ୍ନୟନମୂଳକ ପ୍...

ଇରାନ କହିଛି ଯେ 2015 ଜୁଲାଇରେ ସେ ବିଶ୍ଵର ଶକ୍ତିଶାଳି ଦେଶମାନଙ୍କ ସହିତ କରିଥିବା ରାଜିନାମା ଅନ୍ତର୍ଗତ ନିଜ ବଚନବଦ୍ଧତାକୁ ହ୍ରାସ କରିବ | ଇରାନର ଏହା ପଛରେ ଯୁକ୍ତି ହେଉଛି ଯେ ୟୁରୋପୀୟ ସଂଘ ପରମାଣୁ ଚୁକ୍ତି ପାଇଁ ନିଜର ବଚନବଦ୍ଧତାକୁ ପାଳନ କରୁନଥିବାରୁ ଏରାନ ଏପରି କରିବାକୁ ବାଧ୍ୟ ନୁହେଁ | ଆମେରିକା ପରମାଣୁ ବୁଝାମଣାରୁ ଏକତରଫା ଅଲଗା ହେବା ପରେ ଇରାନ ଏବଂ ୟୁରୋପୀୟ ସଂଘ ପରସ୍ପର ଏହି ବୁଝାମଣାକୁ ରକ୍ଷା କରିବା ପାଇଁ ଆପ୍ରାଣ ଚେଷ୍ଟା କରୁଥିଲେ | ପରମାଣୁ ବୁଝାମଣା ଅନ୍ତର୍ଗତ ୟୁରୋପୀୟ ସଂଘ ଇରାନକୁ ଯେଉଁ ଆର୍ଥିକ ସହାୟତା ଦେବା କଥା ତାହା ଦେବାରେ ୟୁରୋପୀୟ ସଂଘ ବିଫଳ ହୋଇଛି | ଇରାନ ପରମାଣୁ ଶକ୍ତି ସଂସ୍ଥାର ନିର୍ଦେଶକ ଅଲ୍ଲି ଅକବର ସାଲେହି ଇରାନର ଏହି ନିଷ୍ପତ୍ତି ପଛରେ ଥିବା ଯୁକ୍ତିଗୁଡିକୁ ବଖାଣିଛନ୍ତି| ସାଲେହିଙ୍କ ଅନୁଯାୟୀ ଇରାନ ୟୁରୋପୀୟ ସଂଘ ଠାରୁ ଧିରେ ଧିରେ ଦୂରତା ରଖିବାକୁ ନିର୍ଣ୍ଣୟ ନେଇଛି | ସେ କହିଛନ୍ତି ଯେ ଆମେରିକାର କଟକଣା ଦୃଷ୍ଟିରୁ ୟୁରୋପୀୟ ସଂଘ ଇରାନର ବାଣିଜ୍ୟ କାରବାର ବିଦେଶରେ ବୃଦ୍ଧି କରାଇବା ପାଇଁ କରିଥିବା ପ୍ରତିଶ୍ରୃତିରେ ବିଫଳ ହୋଇଛି | ଏଣୁ ସେ ଅହି ବଚନବଦ୍ଧତାରରୁ ଦୂରେଇବାକୁ ନିଷ୍ପତ୍ତି ନେଇଛି | ଇରାନର ଏକ ସମ୍ବାଦ ସଂସ୍ଥା କହିଛି ଯେ ଇରାନର ବିଦେଶ ମନ୍ତ୍ରୀ ଜବାଦ ଜରିଫ ୟୁରୋପୀୟ ସଂଘର ବିଦେଶ ନୀତି ପ୍ରମୁଖଙ୍କୁ ଚିଠି ଲେଖି ଜଣାଇଛନ୍ତି ଯେ ସେ ନିଜର ପରମ...

ପାକିସ୍ତାନ, କାଶ୍ମୀର ପ୍ରସଙ୍ଗରେ ଏକୁଟିଆ ପଡିଯାଇଛି | ଇସଲାମାବାଦ, ଜାମ୍ମୁ ଓ କାଶ୍ମୀର ର ସ୍ଵତନ୍ତ୍ର ମାନ୍ୟତା ପ୍ରତ୍ୟାହାର କରିବା ନେଇ ଭାରତର ନିଷ୍ପତ୍ତିକୁ ଆନ୍ତର୍ଜାତୀୟକରଣ କରିବା ଲାଗି ସବୁ ମନ୍ତେ ଉଦ୍ୟମ ଚଳେଇଛି | ତେଣେ ଏହି ପ୍ରସଙ୍ଗ ଏକ ଆଭ୍ୟନ୍ତରୀଣ ମାମଲା ବୋଲି ଭାରତ ପୂର୍ବରୁ ସ୍ପଷ୍ଟ କରିସାରିଛି | ଏହି ପରିପ୍ରେକ୍ଷୀରେ ଭାରତ ସଫଳତାର ସହ ବିଶ୍ଵ ପଟଳରେ ଏହାର ମତାମତ ଉପସ୍ଥାପନା କରିଛି ଓ ସମଗ୍ର ବିଶ୍ଵର ଅଧିକାଂଶ ଦେଶ ଭାରତ ପ୍ରତି ସମର୍ଥନ ଜଣାଇଛନ୍ତି | ତେବେ ପାକିସ୍ତାନ ଏଥିରେ ଆଦୌ ସନ୍ତୁଷ୍ଟ ନୁହେଁ | ପାକିସ୍ତାନକୁ ଏହାର ଘନିଷ୍ଠ ସହଯୋଗୀ ମାନଙ୍କ ଠାରୁ ମଧ୍ୟ ସମର୍ଥନ ମିଳୁନାହିଁ | ଗତ ସପ୍ତାହରେ ପାକିସ୍ତାନ ର ପ୍ରଧାନମନ୍ତ୍ରୀ ଓ ସେନାଧ୍ୟକ୍ଷ ସାଉଦିଆରବ ଓ ସଂଯୁକ୍ତ ଆରବ ଏମିରେଟ୍ସ ର ବୈଦେଶିକ ମନ୍ତ୍ରୀଙ୍କୁ ଆମନ୍ତ୍ରଣ କରିଥିଲେ | କୂଟନୈତିକ ସ୍ତରୀୟ କଥାବାର୍ତ୍ତା ସମୟରେ ପାକିସ୍ତାନ ଗସ୍ତ ରେ ଆସିଥିବା ବୈଦେଶିକ ମନ୍ତ୍ରୀ ଦ୍ୱୟ ପାକିସ୍ତାନୀ ମାନଙ୍କ ଦ୍ଵାରା ଉପସ୍ଥାପିତ ବକ୍ତବ୍ୟ ଧୈର୍ଯ୍ୟ ର ସହ ଶୁଣିଥିଲେ |ଏହି ବୈଠକ ପରେ ପାକିସ୍ତାନ ର ବୈଦେଶିକ ମନ୍ତ୍ରୀ ଶାହ ମହମ୍ମଦ କ୍ୟୁରେସି କହିଥିଲେ ଯେ ଏହି ଦୁଇ ଦେଶର ମନ୍ତ୍ରୀ ଆମ ଆଭିମୁଖ୍ଯ କୁ ଧ୍ୟାନର ସହ ଶୁଣିଛନ୍ତି ଓ ସେମାନେ ଆମକୁ ନିରାଶ କରିବେ ନାହିଁ ବୋଲି ଆମର ଦୃଢ ଆଶା ରହିଛି | ତେବେ ଏଥିରୁ କୌଣସି ପରିଣାମ ମିଳିବା ନେଇ କେହି ହେ...

ଭାରତୀୟ ରିଜର୍ଭ ବ୍ୟାଙ୍କ ଏବେ ନେଇଥିବା ନିଷ୍ପତ୍ତି ଯୋଗୁଁ ବ୍ୟାଙ୍କରୁ ଋଣନେଇଥିବା ଲୋକଙ୍କୁ ଏବେ ବଡ ଆଶ୍ବସ୍ତି ମିଳିଛି | ଏବେ ବ୍ୟକ୍ତିଗତ, ଖୁଚୁରା, କ୍ଷୁଦ୍ର ଏବଂ ମଧ୍ୟମ ଉଦୌଗ ଶ୍ରେଣୀ ଠାରୁ ବାହ୍ୟ ମାନଦଣ୍ତ ଶ୍ରେଣୀ ପର୍ଯ୍ୟନ୍ତଫ୍ଲୋଟିଙ୍ଗ ଋଣ ଦର ପରସ୍ପର ଲିଙ୍କ ହେବ ଏବଂ ଏହା ଅକ୍ଟୋବର 1 ତାରିଖଠାରୁ ରେପୋ ଦରରେ ସାମିଲ ହେବ | ରେପୋ ରେଟ ସେହି ଦରହୋଇଥାଏ ଯାହା ଉପରେ ବାଣିଜ୍ୟିକ ବ୍ୟାଙ୍କ ଭାରତୀୟ ରିଜର୍ଭ ବ୍ୟାଙ୍କରୁପଇସା ନେଇତାଏ | ଏହାର ଆବଶ୍ୟକତା ଏଇଥି ପାଇଁ ପଡିଲା କାରଣଯେତେବେଳେ ରିଜର୍ଭ ବ୍ୟାଙ୍କ ଉଧାର ଦରରେ ହ୍ରାସ କରେସେତେବେଳେ ସେହି ଅନୁପାତରେ ସବୁ ବ୍ୟାଙ୍କ ନିଜ ଉଧାର ଦରକୁ ହ୍ରାସକରିବାକୁ ରାଜି ହୋଇ ନଥାନ୍ତି| ଏହି ପଦକ୍ଷେପ ବ୍ୟାପାର, ଉଦୌଗ ଏବଂ ଉପଭୋକ୍ତାମାନଙ୍କ ପାଇଁପରିବର୍ତ୍ତିତ ମୁଦ୍ରା ନୀତି ଦରକୁ ସେମାନଙ୍କ ନିକଟକୁ ଶିଘ୍ର ପହଞ୍ଚାଇବା ପାଇଁସୁନିଶ୍ଚିତ ପଦକ୍ଷେପ ସାଧାରଣତଃ ରିଜର୍ଭ ବ୍ୟାଙ୍କ ଯେତେବେଳେ ସୁଧହାରରେ ହ୍ରାସ କରେ ସେତେବେଳେ ବ୍ୟାଙ୍କମମାନେ ସେହି ଅନୁପାତରେହ୍ରାସ କରିନଥାନ୍ତି | ଅନେକ ଦିନରୁ ଅର୍ଥବ୍ୟବସ୍ଥାରେ ଦେଖା ଦେଇଥିବା ମାନ୍ଦା ଅବସ୍ଥା ତଥାନିର୍ମାଣ ଏବଂ ସେବା କ୍ଷେତ୍ରରେ ହିତାଧିକାରୀମାନେ କମ ଋଣ ନେଉଥିବାକୁଦୃଷ୍ଟିରେ ରଖି ବ୍ୟାଙ୍କ ଏହି ରେପୋ ରେଟ କମ କରିଛି | ଚଳିତ ବର୍ଷ ମଇମାସରେ ଷ୍ଟେଟ ବ୍ୟାଙ୍କ ଅଫ ଇଣ୍ତିଆ ଘୋଷଣା କରିଥିଲା ଯେ ସେ ନିଜରସଞ୍ଚୟ ବ୍ୟାଙ୍କ ଖା...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରୁଷ କୁ ଦୁଇଦିନିଆ ଗସ୍ତରେ ଯିବା ଅବସରରେ ଜାପାନ ପ୍ରଧାନମନ୍ତ୍ରୀ ଶିଞ୍ଜୋ ଆବେଙ୍କ ସହ ମଧ୍ୟ ସାକ୍ଷାତ କରିଥିଲେ | ଜାପାନ ସହ ଭାରତର ଦୃଢ ସମ୍ପର୍କ ରହିଥିବା ବେଳେ ଦୁଇ ପ୍ରଧାନମନ୍ତ୍ରୀ ଙ୍କ ମଧ୍ୟରେ ବ୍ୟକ୍ତିଗତ ବନ୍ଧୁତା ସମ୍ପର୍କ ମଧ୍ୟ ରହିଛି | ଦୁଇ ନେତା ଙ୍କ ମଧ୍ୟରେ ଅନୁଷ୍ଠିତ ବୈଠକ ସୌହାର୍ଦ୍ୟମୂଳକ ଥିଲା ବୋଲି ଭାରତୀୟ ବୈଦେଶିକ ମନ୍ତ୍ରୀ ଜଣାଇଛନ୍ତି | ଆସନ୍ତା ଡିସେମ୍ବରରେ ହେବାକୁ ଥିବା ବାର୍ଷିକ ଶିଖର ସମ୍ମିଳନୀରେ ଯୋଗ ଦେବାଲାଗି ଜାପାନ ପ୍ରଧାନମନ୍ତ୍ରୀ ଭାରତ ଗସ୍ତରେ ଆସିବାକୁ ଥିବା ଦୃଷ୍ଟିରୁ ଏହି ବୈଠକର ଯଥେଷ୍ଟ ପ୍ରାସଙ୍ଗିକତା ରହିଛି | ଏହି ବାର୍ଷିକ ଶିଖର ବୈଠକ ହେବା ପୂର୍ବରୁ ଦୁଇ ଦେଶର ବୈଦେଶିକ ଓ ପ୍ରତିରକ୍ଷା ମନ୍ତ୍ରୀ ମାନଙ୍କ ମଧ୍ୟରେ ପ୍ରଥମ 2+2 ମନ୍ତ୍ରୀସ୍ତରୀୟ ବୈଠକ କରିବା ଲାଗି ଉଭୟ ନେତା ସହମତି ପ୍ରକାଶ କରିଛନ୍ତି | ପ୍ରଧାନମନ୍ତ୍ରୀ ଆବେ ସମ୍ପ୍ରତ୍ତି ଭାରତୀୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଜାପାନ ଗସ୍ତ ସମୟରେ ପ୍ରତିରକ୍ଷା କ୍ଷେତ୍ରରେ ଆଦାନ ପ୍ରଦାନ ଓ ସହଯୋଗ ନେଇ ତତସଙ୍କ୍ରାନ୍ତୀୟ ପ୍ରସଙ୍ଗ ଉପରେ ବ୍ୟାପକ ଆଲୋଚନା ହୋଇଥିବା କଥା ମଧ୍ୟ ଉଲ୍ଲେଖ କରିଛନ୍ତି | ଉଭୟ ପ୍ରଧାନମନ୍ତ୍ରୀ ଜାପାନ ଆମେରିକା ଭାରତ ତ୍ରିପକ୍ଷୀୟ ବୈଠକର ଏକ ସକାରାତ୍ମକ ଆକଳନ କରିଛନ୍ତି | ଏଥିମଧ୍ୟରୁ ଦୁଇଟି ବୁଏନୋସ ଆରିସ ଓ ଓସାକା ରେ ଜି 20 ଶିଖର ବୈଠକ...