AIR World Service Odia

ଭାରତ ଏବଂ ନେପାଳ ମଧ୍ୟରେ 1750 କିଲୋମିଟର ବ୍ୟାପୀ ସୀମା ରହିଛି ଯାହାକି ଭାରତର 5ଟି ରାଜ୍ୟ ସିକ୍କିମ, ପଶ୍ଚିମ ବଙ୍ଗ, ବିହାର, ଉତ୍ତର ପ୍ରଦେଶ ଏବଂ ଉତ୍ତରାଖଣ୍ତକୁ ଲାଗି ରହିଛି | ଏଥିମଧ୍ୟରୁ ଅଧିକାଂଶ ସୀମା ଇଷ୍ଟ ଇଣ୍ତିଆ କଂପାନୀ ଏବଂ ନେପାଳର ରୟାଲ କୋର୍ଟ ମଧ୍ୟରେ 1816ରେ ସ୍ଵାକ୍ଷରିତ ହୋଇଥିବା ସୁଗୋଲି ଚୁକ୍ତି ଅନ୍ତର୍ଗତ ଧାର୍ଯ୍ୟ ରହିଛି | ଚୁକ୍ତି ଅନୁଯାୟୀ କାଳି(ମହାକାଳି) ନଦୀ ହେଉଛି ନେପାଳର ପଶ୍ଚିମାଞ୍ଚଳ ସୀମାରୁ ଆରମ୍ଭ ହୋଇଛି | ଅର୍ଥାତ କାଳି ନଦୀର ପୂର୍ବ ଆଡକୁ ନେପାଳର ଅଞ୍ଚଳ ଆରମ୍ଭ ହୋଇଛି | ନିକଟରେ ନେପାଳ ଏହାର ମାନଚ୍ଚିତ୍ରରେ ପରିବର୍ତ୍ତନ କରି କଳାପାଣି, ଲିମ୍ପିୟାଧୁରା ଏବଂ ଲିପିଲେଖ ଅଞ୍ଚଳର ପ୍ରାୟ 400 ବର୍ଗ କିଲୋମିଟରକୁ ନିଜ ଅଞ୍ଚଳ ବୋଲି ଦର୍ଶାଇଛି, ଯାହାକି ଏହା ଭାରତର ଏବଂ କାଳି ନଦୀର ପଶ୍ଚିମ ଭାଗ ବୋଲି ରେକର୍ଡରେ ରହିଛି | ନେପାଳ କହୁଛି ଯେ କାଳିନଦୀର ପୂର୍ବରେ ଥିବା ଶାଖା ନଦୀ ଅନ୍ତର୍ଗତ ଏହି ଅଞ୍ଚଳ ଆସୁଥିବାରୁ ଏହା ତାର ନିଜସ୍ଵ ଭୂଖଣ୍ତ | 150 ବର୍ଷ ପୂର୍ବେ ହୋଇଥିବା ସର୍ଭେକ୍ଷଣ ଏବଂ ମାନଚ୍ଚିତ୍ରରେ ଦର୍ଶାଯାଇଛି ଯେ କାଳି ନଦୀର ଉତ୍ପତ୍ତି ସ୍ଥଳ ହେଉଛି କଳାପାଣି ଏବଂ ଏହି ଅଞ୍ଚଳ ହେଉଛି କାଳିନଦୀର ପଶ୍ଚିମାଞ୍ଚଳ | ଏହି ଅଞ୍ଚଳ ହେଉଛି ଉତ୍ତରାଖଣ୍ତ ରାଜ୍ୟର ଏବଂ ନେପାଳ ଓ ଚୀନ ସୀମାର ନିକଟବର୍ତ୍ତୀ ଯାହାକି ପାରମ୍ପରିକ ଭାବେ ମାନସରୋବର ଯାତ୍ରା ପାଇଁ ଏହି ପଥକୁ ...

ସୋମାବାର ଦିନ ଭାରତର ଆକାଶରେ 532 ବିମାନ ପ୍ରାୟ ଦୁଇ ମାସ ପରେ ଚଳାଚଳ କରିଛି ଏବଂ ପ୍ରମାଣିତ କରିଛି କୌଣସି ବିପରୀତ ପରିସ୍ଥିତିରେ ମଧ୍ୟ ଭାରତ ଅଗ୍ରସର ହୋଇ ଚାଲିଛି | ବିମାନ ବନ୍ଦରରେ ଏବଂ ଯାତ୍ରୀମାନେ ଭୂତାଣୁର ପ୍ରତିରୋଧ ପାଇଁ ଅଣ୍ଟା ଭିଡିଥିବା ପରି ପରିଲକ୍ଷୀତ ହୋଇଥିଲା | ଜଣେ ପାଞ୍ଚ ବର୍ଷର ପିଲା ମୁହଁରେ ମାସ୍କ ଲଗାଇ ଏକୁଟିଆ ଦିଲ୍ଲୀରୁ ବେଙ୍ଗାଲୁରୁ ଯାତ୍ରା କରି ଲୋକମାନଙ୍କ ମନରେ ସ୍ଵଭାବିକତା ଫେରାଇ ଆଣିବାକୁ ନେଇ ଆଶ୍ଵସ୍ତନା ଦେଖାଇଛନ୍ତି | ଦୁଇ ମାସର ଲକଡାଉନ କାଳରେ ନାଗରୀକମାନେ କିପରି ଏହି ଭୁତାଣୁକୁ ସଂକ୍ରମଣରୁ ରୋକାଯାଇ ପାରିବ ସେନେଇ ସଚେତନ ହୋଇଛନ୍ତି | ଲୋକମାନେ ସାମାଜିକ ଦୂରତା ପାଳନା କରିବା ସହିତ ବିମାନ ବନ୍ଦରରକୁ ଆରୋଗ୍ୟ ସେତୁ ଆପ୍ପ ଡାଉନଲୋଡ କରି ଯିବା ବିମାନ ଚଳାଚଳକୁ ସହଜ କରିଛି | ବିମାନ ଚଳାଚଳ ସହିତ ସରକାର ଟ୍ରେନ ଚଳାଚଳକୁ ମଧ୍ୟ ଅନୁମତି ଦେଇଛନ୍ତି ଲକ୍ଷଲକ୍ଷ ଲୋକ ଟ୍ରେନରେ ନିଜର ଗନ୍ତବ୍ୟ ସ୍ଥାନରେ ପହଞ୍ଚୁଛନ୍ତି | ଜୁନ 1 ତାରିଖ ପରେ 200 ଟ୍ରେନ ଚଳାଚଳ କରିବ ଯାହା ବ୍ୟକ୍ତ କରୁଛି ଯେ ଭାରତ ଏମିତି ଆବଦ୍ଧ ହୋଇ ରହିବା ପରି ଦେଶ ନୁହେଁ ଅଗ୍ରସର ହେବା ଏହାର ନିୟତି | ଏହା ସତ୍ତ୍ଵେ ମଧ୍ୟ ଦେଶରେ କରୋନାର ଭୟାବହତା ଏବେବି ବଢି ଚାଲିଛି ଯାହା ସତ୍ୟ | ସଂକ୍ରମିତଙ୍କ ସଂଖ୍ୟା 1,51,767ରେ ପହଞ୍ଚିଛି କିନ୍ତୁ 64,426 ଜଣ ଆରୋଗ୍ୟ ଲାଭ ମଧ୍ୟ କରିଛନ୍ତି | ଏହା ସହିତ ଏହି...

ଦେଶମାନଙ୍କରେ କୋଭିଡ-19 ମହାମାରୀର ମୁକାବିଲା କ୍ଷେତ୍ରରେ ଭାରତ ଚିକିତ୍ସା ସହାୟତା ଯୋଗାଇ ସାହାର୍ଯ୍ୟ କରୁଛି | ଏପର୍ଯ୍ୟନ୍ତ 125ଟି ଦେଶକୁ ଆବଶ୍ୟକ ସାମଗ୍ରୀ, ଔଷଧ, ଚିକିତ୍ସା ବିଶେଷଜ୍ଞମାନଙ୍କୁ ପଠାଇବା ସହିତ କେତେକ କ୍ଷେତ୍ରରେ ବିଦେଶୀ ନାଗରୀକମାନଙ୍କୁ ସ୍ଥାନାନ୍ତରିତ କରି ନିଜ ଦେଶକୁ ପଠାଇଛି | ଭାରତ ପକ୍ଷରୁ ଦକ୍ଷିଣ ଏସିଆ ଅ଼୍ଚଳ, ଭାରତ ମହାସାଗରୀୟ ଅଞ୍ଚଳ, ଉପସାଗରୀୟ ଅଞ୍ଚଳ(କୁଏତ) ମଧ୍ୟ ଏସିଆ ଏବଂ ଏପରିକିଅଗମ୍ୟ ଦେଶ ଡୋମିନିକାନ ଗଣରାଜ୍ୟ ଏବଂ ବିଷୁବ ଅଞ୍ଚଳୀୟ ଦେଶ ଆଦି 29 ଟି ଦେଶକୁ ଚିକିତ୍ସା ସାମଗ୍ରୀ ପଠାଇଛି | ଆଉ ଛଅଟି ଆଫ୍ରିକୀୟ ଦେଶକୁ ହାଇଡ୍ରୋକ୍ଲୋରୋକୁଇନ ଏବଂ ପାରାସିଟାମଲ ପଠାଇଛି | ଚିକିତ୍ସା ସାମଗ୍ରୀ ବ୍ୟତିତ ଭାରତ କୁଏତ ଏବଂ ମାଳଦ୍ଵୀପକୁ ଚିକିତ୍ସକ ଦଳକୁ ପଠାଇଛି, ସେଠାରେ ଭ୍ରାମ୍ୟମାଣ ସ୍ଵାସ୍ଥ୍ୟ ଯାଞ୍ଚ କେନ୍ଦ୍ର ସ୍ଥାପନ କରିଛି, ଅନ୍ୟ ଦେଶର ବିଷେଷଜ୍ଞମାନହ୍କୁ ଭିଡିଓ କନଫରେନସିଙ୍ଗ ମାଧ୍ୟମରେ ପ୍ରଶିକ୍ଷଣ ଦେଇଛି ଏବଂ ଅନ୍ୟ ବୈଷୟିକ ସହାୟତା ଯୋଗାଇ ଦେଇଛି | ଦକ୍ଷଇଣ ଏସିଆ ପାଇଁ ଭାରତ 10 ମିଲିୟନ ଡଲାର ସମ୍ଵଳିତ କୋଭିଡ-19 ପାଣ୍ଠି ଗଠନ କରିବାରେ ନେତୃତ୍ଵ ନେଇଛି | ଭାରତ ଲାଟିନ ଆମେରୀକାର 28ଟି ଦେଶ, କାରବିୟାନ ଅଞ୍ଚଳ ଏବଂ ଆଫ୍ରିକାର 12ଟି ସମେତ 50ଟି ଅତିରିକ୍ତ ଦେଶକୁ ଚିକିତ୍ସା ସହାୟତା ସାମଗ୍ରୀ କ୍ରୟ ଏବଂ ଯୋଗାଣ କରିଛି | ମଦଗାସ୍କର, ଇଜିପ୍ଟ, ସିରିୟା, ଲେବାନନ, ଆରମେନିଆ, ...

ସମଗ୍ର ବିଶ୍ଵରେ କୋଭିଡ-19 ମହାମାରୀ କାୟା ବିସ୍ତାର କରି ଚାଲିଥିବା ସମୟରେ ଏକ ନୂତନ ସ୍ଵାଭାବିକ ସ୍ଥିତି ସହ ଖାପ ଖୁଆଇ ଚଳିବାକୁ ବିଶ୍ଵ ସବୁମତେ ସଂଘର୍ଷ ଚଳେଇଛି | କରୋନା ଭାଇରସ ଭଳି ମହାବିପତ୍ତିରେ ଘେରି ରହିଥିବା ବହୁ ରାଷ୍ଟ୍ର ମିଳିତ କାର୍ଯ୍ୟ ଓ ସାମୁହିକ ଆଭିମୁଖ୍ଯ ଗ୍ରହଣ କରିବା ସହିତ ସରକାରୀ କାର୍ଯ୍ୟ ପରିଚାଳନାର ପୁରୁଣା ରୀତିନୀତି ଅବଲମ୍ବନ କରି ଏହାର ମୁକାବିଲା ଲାଗି ଅହରହ ପ୍ରୟାସ ଚଳେଇଛନ୍ତି | ରାଷ୍ଟ୍ର ଗୁଡିକ ଆଞ୍ଚଳିକ ସ୍ତରରେ ପରାମର୍ଶ ପ୍ରକ୍ରିୟା ତ୍ୱରାନ୍ୱିତ କରିଛନ୍ତି | ଦକ୍ଷିଣ ଏସିଆରେ ଏହି ମହାମାରୀର ମୁକାବିଲା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାର୍କ ରାଷ୍ଟ୍ର ଗୁଡିକରେ ତାଙ୍କ ପ୍ରତିପକ୍ଷଙ୍କ ସହ ବିଚାର ବିମର୍ଶ କରିବା ପରେ ଏହା ସ୍ପଷ୍ଟ ଦୃଶ୍ୟମାନ ହୋଇଥିଲା | ମାର୍ଚ୍ଚରେ ୟୁରୋପ ଓ ଦକ୍ଷିଣ ପୂର୍ବ ଏସିଆରେ ନିଆଯାଇଥିବା ଆଞ୍ଚଳିକ ପଦକ୍ଷେପ ଗୁଡିକର ମଧ୍ୟ ସ୍ପଷ୍ଟ ଉଦାହରଣ ରହିଛି | ଜି20 ଶିଖର ସମ୍ମିଳନୀରେ ଭାରତର ଆହ୍ଵାନ ଉପରେ ମଧ୍ୟ ଦୃଢ ସମର୍ଥନ ମିଳିସାରିଛି | ଏହି ଘଟଣାକ୍ରମରେ କୋଭିଡ-19ର ମୁକାବିଲା ଲାଗି ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳ ମଧ୍ୟରେ ସହଯୋଗକୁ ତ୍ୱରାନ୍ୱିତ କରିବା ଦିଗରେ ନିଆଯାଉଥିବା ପଦକ୍ଷେପ କିଛି ଆଶ୍ଚର୍ଯ୍ୟଜନକ ନୁହେଁ | ଇଣ୍ଡୋ-ପେଶିଫିକ ବା ଭାରତ-ପ୍ରଶାନ୍ତ ଶବ୍ଦର ପାରମ୍ପରିକ ଅର୍ଥରେ ଏକ ଅଞ୍ଚଳକୁ ବୁଝାଯାଉନଥିବା ବେଳେ କୋଭିଡ-19 ବିରୁଦ୍ଧରେ ମୁକାବି...

ଭାରତ, ରାଜନୈତିକ ସୁରକ୍ଷା ସଙ୍କ୍ରାନ୍ତୀୟ ପ୍ରସଙ୍ଗ ଉପରେ ଧ୍ୟାନ ଦେଉଥିବା ଆଠ ସଦସ୍ୟ ବିଶିଷ୍ଟ ସାଙ୍ଘାଇ ସହଯୋଗ ସଂଗଠନ (ଏସସିଓ)ରେ 2017ରେ ପୂର୍ଣ୍ଣ ସଦସ୍ୟତା ହାସଲ କରିବା ପରେ ଏହାର ପ୍ରଭାବ ବୃଦ୍ଧି ପାଇଛି | ସୂଚନାଯୋଗ୍ୟଯେ ଏହି ସମୟରେ ପାକିସ୍ତାନ ମଧ୍ୟ ପୂର୍ଣ୍ଣ ସଦସ୍ୟତା ଲାଭ କରିଥିଲା | ଏହି ସଂଗଠନରେ ଭାରତର ଗଠନମୂଳକ ଅବଦାନ ରହିଛି | ବର୍ତ୍ତମାନର ବୈଶ୍ଵିକ କୋଭିଡ-19 ମହାମାରୀ ସମୟରେ ଏହାର ମୁକାବିଲା ଲାଗି ଏକ ଦୀର୍ଘ ମିଆଦି ସମାଧାନର ବାଟ ବାହାର କରିବା ପାଇଁ ଆଞ୍ଚଳିକ ଓ ଆନ୍ତର୍ଜାତୀୟ ସଂଗଠନ ଗୁଡିକ ମିଳିମିଶି ଆଲୋଚନା କଲେ ଅତ୍ୟନ୍ତ ଉପଯୋଗୀ ହୋଇଥାଏ | ଭାରତ 2005 ମସିହାରୁ ଏସସିଓରେ ଏକ ପର୍ଯ୍ୟବେକ୍ଷକ ଥିଲା ଓ ଏହି ଗୋଷ୍ଠୀର ମନ୍ତ୍ରୀସ୍ତରୀୟ ବୈଠକ ଗୁଡିକରେ ଯୋଗ ଦେଇଥିଲା | ଏହି ବୈଠକରେ ମୁଖ୍ଯତଃ ୟୂରାସିଆ ଅଞ୍ଚଳରେ ସୁରକ୍ଷା ଓ ଅର୍ଥନୈତିକ ସହଯୋଗ ଉପରେ ଆଲୋଚନା ହୋଇଥିଲା | ରୁଷିଆ, ଚୀନ, କିରଗିଜ ଗଣତନ୍ତ୍ର, କାଜାଖସ୍ତାନ, ତାଜିକିସ୍ତାନ ଓ ଉଜବେକିସ୍ତାନର ରାଷ୍ଟ୍ରପତିଙ୍କ ଦ୍ଵାରା 2001ରେ ସାଙ୍ଘାଇରେ ଏକ ସମ୍ମିଳନୀରେ ଏସସିଓ ପ୍ରତିଷ୍ଠା କରାଯାଇଥିଲା | ଗତ ସପ୍ତାହରେ ସଦସ୍ୟ ରାଷ୍ଟ୍ର ଗୁଡିକର ବୈଦେଶିକ ମନ୍ତ୍ରୀ ସମୂହର ବୈଠକରେ ଭାରତର ବୈଦେଶିକ ମନ୍ତ୍ରୀ ଡଃ ଏସ ଜୟଶଙ୍କର ଯୋଗ ଦେଇ କୋଭିଡ-19 ବିରୁଦ୍ଧରେ ସଂଗ୍ରାମ ଲାଗି ଏସଙ୍କ୍ରାନ୍ତୀୟ ସୂଚନା ଆଦାନ ପ୍ରଦାନ କରିବା ସହ ପରସ୍ପର ମଧ୍...

ଆଫଗାନିସ୍ଥାନର ପୁନଃଗଠନ ପାଇଁ ଆମେରିକାର ସ୍ଵତନ୍ତ୍ର ଦୂତ ଜଲମେୟ ଖାଲିଜାଦ ଭାରତ ଆସି ବେଦେଶିକ ମନ୍ତ୍ରୀ ଏବଂ ରାଷ୍ଟ୍ରୀୟ ନିରାପତ୍ତା ପରାମର୍ଶ ଦାତାଙ୍କୁ ସାକ୍ଷାତ କରିଛନ୍ତି | ନୂଆଦିଲ୍ଲୀ ଆସିବା ପୂର୍ବରୁ ସେ କତ୍ତାର ଏବଂ ପାକିସ୍ତାନ ଗସ୍ତ କରିସାରିଛନ୍ତି | ବ୍ୟାପକ ଆଞ୍ଚଳିକ ସମର୍ଥନ ପାଇଁ ସେ ପ୍ରଚେଷ୍ଠା ଚଳାଇଛନ୍ତି | ଶ୍ରୀ ଖଲିଲଜାଦ ଆଫଗାନିସ୍ଥାନରେ ଶାନ୍ତି ଆଲୋଚନାକୁ ଫଳପ୍ରଦ କରିବା ଏବଂ ସେଠାରୁ ହିଂସାର ଅବସାନ କରାଇବା ସହିତ କୋଭିଡ-19 ମହାମାରୀ କ୍ଷେତ୍ରରେ ସହଯୋଗ କରିବାକୁ ଆଞ୍ଚଳିକ ଦେଶମାନଙ୍କୁ ପ୍ରବର୍ତ୍ତାଉଛନ୍ତି | ଆମେରିକାର ବୈଦେଶିକ ବିଭାଗ କହିଛି ଯେ ଏହି ଗସ୍ତର ଉଦ୍ଦେଶ୍ୟ ହେଉଛି ଆମେରିକା ତାଲିବାନ ବୁଝାମଣାକୁ ପୂର୍ଣ୍ଣ କାର୍ଯ୍ୟକାରୀ କରିବା ଯାହାକି ତାଲିବାନ ସନ୍ତ୍ରାସବାଦିମାନଙ୍କୁ ଜେଲରୁ ମୁକୁଳାଇବା ଉପରେ ଆଫଗାନିସ୍ଥାନ ସରକାର ରାଜି ନହେବାରୁ ଉପୁଜିଥିବା ପରିସ୍ଥିତି କାରଣରୁ ବାଧାପ୍ରାପ୍ତ ହୋଇଥିଲା | 2020 ଫେବୃୟାରୀରେ ଦୋହା ଠାରେ ଶ୍ରୀ ଖାଲିଜାଦ ଏବଂ ତାଲିବାନର ସହ ପ୍ରତିଷ୍ଠାତା ମୁଲ୍ଲା ବରାଦରଙ୍କ ମଧ୍ୟରେ ଐତିହାସୀକ ଶାନ୍ତି ବୁଝାମଣା ହୋଇଥିଲା | ଏହା ପରଠାରୁ ସେ ଘଟଣାକ୍ରମ ଉପରେ ଦୃଷ୍ଟି ରଖିଛନ୍ତି ଏବଂ ମହାମାରୀ ସମୟରେ ମଧ୍ୟ ଏଥିପାଇଁ ପ୍ରୟାସ କରୁଛନ୍ତି | ଭାରତ ଏହି ଶାନ୍ତି ପ୍ରକ୍ରିୟାକୁ ସମର୍ଥନ କରୁଛି ଏବଂ ଆଫଗାନିସ୍ଥାନର ଶାନ୍ତି, ସ୍ଥିରତା ତଥା ନିରାପତ୍ତା ନିମନ୍ତେ ସମ...

ଗିଲଗିଟ-ବାଲ୍ଟିସ୍ତାନ ଏସେମ୍ବ୍ଲି ପାଇଁ ନିର୍ବାଚନ କରେଇବା ଲାଗି ଏକ କାମଚଳା ସରକାର ଲାଗି 2018 ଗିଲଗିଟ-ବାଲ୍ଟିସ୍ତାନ ଅର୍ଡରରେ ଆବଶ୍ୟକୀୟ ସଂଶୋଧନକୁ ଅନୁମତି ଦେବା ପାଇଁ କୋର୍ଟର ଦ୍ଵାରସ୍ଥ ହୋଇଥିବା ଦେଶର ସଙ୍ଘିୟ ସରକାରଙ୍କ ଦ୍ଵାରା ଆଗତ ଏକ ଆବେଦନର ଗତ ସପ୍ତାହରେ ପାକିସ୍ତାନର ସୁପ୍ରିମକୋର୍ଟ ଶୁଣାଣୀ କରିଛନ୍ତି | ସରକାରଙ୍କ ମାମଲାର ଶୁଣାଣୀ ପରେ ଏକ ସ୍ୱଳ୍ପ ଆଦେଶରେ ପ୍ରଧାନ ବିଚାରପତି ଗୁଲଜାର ଅହମଦଙ୍କ ଅଧ୍ଯକ୍ଷତାରେ ସାତଜଣିଆ ବିଚାରପତିଙ୍କୁ ନେଇ ଗଠିତ ଏକ ଖଣ୍ଡପୀଠ ଏହା ଉପରେ ସମ୍ମତି ପ୍ରଦାନ କରିଛନ୍ତି | ଉଲ୍ଲେଖଯୋଗ୍ୟ ଯେ ଜିବି ସୁପ୍ରିମ ଏପେଲେଟ କୋର୍ଟ ଦ୍ଵାରା ଅଗ୍ରାହ୍ୟ କରିଦିଆଯାଇଥିବା 2018 ଜିବି ଅର୍ଡରକୁ ପାକିସ୍ତାନ ସୁପ୍ରିମକୋର୍ଟ ଏହା ପୂର୍ବରୁ ଜାନୁଆରୀ 2019ରେ ଗିଲଗିଟ-ବାଲ୍ଟିସ୍ତାନ ଉପରେ ନିଜର କ୍ଷମତା ସମ୍ପ୍ରସାରିତ କରି ଏହି ଅର୍ଡରକୁ କାଏମ ରଖିଥିଲେ | ସେହିପରି 2018ର ଅର୍ଡରକୁ ଦୃଷ୍ଟିରେ ରଖି ସରତାଜ କମିଟି ସୁପାରିଶ ଆଧାରରେ ଏକ ସଂଶୋଧିତ ଚିଠା ଅର୍ଡର ପ୍ରସ୍ତୁତ କରିବା ଲାଗି ସୁପ୍ରିମକୋର୍ଟ, ସରକାରଙ୍କୁ ପରାମର୍ଶ ଦେଇଥିଲେ | ପୂର୍ବ ପାକିସ୍ତାନ ମୁସଲିମ ଲିଗ ନଵାଜ ସରକାରଙ୍କ ଦ୍ଵାରା ସ୍ଥାପିତ ଏହି କମିଟି ସ୍ଥାନୀୟ ଆଶା ଆକାଂକ୍ଷାକୁ ଦୃଷ୍ଟିରେ ରଖି ଆଇନଗତ ପଦକ୍ଷେପ ନେବାକୁ ସୁପାରିଶ କରିଥିଲା | ଭାରତର ବୈଦେଶିକ ମନ୍ତ୍ରଣାଳୟ ତଥାକଥିତ “ଗିଲଗିଟ-ବାଲ୍ଟ...

କରୋନାଭାଇରସ ମହାମାରୀ କେବଳ ବିଶ୍ଵବ୍ୟାପୀ ସ୍ୱାସ୍ଥ୍ୟସେବା ପାଇଁ ନୁହେଁ ବରଂ ଜାତୀୟ ଓ ବିଶ୍ଵ ଶାସନ ପ୍ରତିଷ୍ଠାନ ଲାଗି ମଧ୍ୟ ଏକ ଅଦ୍ଭୂତପୂର୍ବ ଚାଲେଞ୍ଜ ଭାବେ ଉଭା ହୋଇଛି | ତେଣୁ ଆଜେରବାଇଜାନର ରାଷ୍ଟ୍ରପତି ଇଲହାମ ଆଲିୟେଭଙ୍କ ପ୍ରୟାସରେ ଆୟୋଜିତ ଅନଲାଇନ ଗୋଷ୍ଠୀ ନିରପେକ୍ଷ ଆନ୍ଦୋଳନ (ନାମ ) ସମ୍ମିଳନୀ ଏଦିଗରେ ଉଚିତ ପଦକ୍ଷେପ ବୋଲି ବିବେଚନା କରାଯାଉଛି | ଏହି ଭିଡିଓ କନଫରେନ୍ସରେ 30 ରୁ ଅଧିକ ଜଣ ରାଷ୍ଟ୍ରାଧ୍ୟକ୍ଷ ଓ ସରକାର ମୁଖ୍ୟଙ୍କ ସମେତ ବହୁ ନେତା ଯୋଗ ଦେଇଥିଲେ | ଭିଡିଓ କନଫରେଂସିଙ୍ଗ ମାଧ୍ୟମରେ ଏହି ସମ୍ମିଳନୀରେ ଉଦବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିରପେକ୍ଷତା, ମାନବତା ଓ ସମାନତାକୁ ଆଧାର କରି ବିଶ୍ବରେ ଏକ ନୂତନ ସମୀକରଣର ଆବଶ୍ୟକତା ଉପରେ ଜୋର ଦେଇଛନ୍ତି | ଏହି ଅବସରରେ ସେ, ଆନ୍ତର୍ଜାତୀୟ ଅନୁଷ୍ଠାନ ଗୁଡିକ ନୂତନ ବୈଶ୍ଵିକ ବାସ୍ତବତା ପ୍ରତିଫଳିତ କରିବା ଲାଗି ନିଶ୍ଚିତ କରିବା ଉପରେ ବିଶ୍ଵ ସ୍ତରୀୟ ନେତା ମାନଙ୍କ ଦ୍ରୁଷ୍ଟି ଆକର୍ଷଣ କରିଛନ୍ତି | ସେ କହିଛନ୍ତି ନାମ ଗୋଷ୍ଠୀ ଏକ ଦୃଢ ନୈତିକ ଶକ୍ତି ଭାବେ ଏହାର କାର୍ଯ୍ୟ ଜାରି ରଖିଛି ତେଣୁ ଏହା ବିଶ୍ଵ ସଂହତିର ଏକ ପ୍ରମୁଖ ଆୟୁଧ ହେବା ନିହାତି ଜରୁରୀ | ସେ ଆହୁରି ମଧ୍ୟ କହିଛନ୍ତି ଯେ ଏହି ବିଶ୍ଵ ଏକତା ମନୋଭାବ ଯୋଗୁଁ ଭାରତ ନାମ ସଦସ୍ୟ ରାଷ୍ଟ୍ର ସମେତ 120 ରୁ ଅଧିକଟି ଦେଶକୁ ଭେଷଜ ସାମଗ୍ରୀ ଯୋଗାଣ କରିଛି| ଭାରତ ଫାର୍ମାସିୟୁଟିକାଲ୍ସ ...

କୋଭିଡ-19 ମହାମାରୀ ଦୃଷ୍ଟିରୁ ଭାରତ ତୃତୀୟ ପର୍ଯ୍ୟାୟ ଲକଡାଉନରେ ପ୍ରବେଶ କରିଥିବା ବେଳେ ଦେଶ ବାହ୍ୟ ରାଷ୍ଟ୍ର ଗୁଡିକ ପ୍ରତି ମଧ୍ୟ ଯଥେଷ୍ଠ ଧ୍ୟାନ ଦେଉଛି | ଭାରତ କେବଳ କରୋନା ଭାଇରସର ମୂଳପୋଛ ଲାଗି ପ୍ରତିଶୃତିବଦ୍ଧ ନୁହେଁ ବରଂ ସମଗ୍ର ବିଶ୍ଵକୁ ସାହାଯ୍ୟ ସହଯୋଗ ଲାଗି ସଦା ସର୍ବଦା ପ୍ରସ୍ତୁତ ରହିଛି | ଭାରତ ଏହାର ନିକଟ ପଡୋଶୀ ରାଷ୍ଟ୍ର ଗୁଡିକ ସହ ସମନ୍ଵୟ ଜାରୀ ରଖିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାମାରୀ ଯୋଗୁଁ ବର୍ତ୍ତମାନ ଉଭା ହୋଇଥିବା ପରିସ୍ଥିତି ନେଇ ବାଙ୍ଗଲାଦେଶ ପ୍ରଧାନମନ୍ତ୍ରୀ ଶେଖ ହାସିନାଙ୍କ ସହ ଟେଲିଫୋନ ଯୋଗେ କଥାବାର୍ତ୍ତା କରିଥିଲେ | ଏହି ମହାମାରୀକୁ ପ୍ରତିହତ କରିବା ପାଇଁ ଦୁଇ ଦେଶରେ ନିଆଯାଉଥିବା ପ୍ରତିକାରାତ୍ମକ ପଦକ୍ଷେପ ନେଇ ଉଭୟ ନେତା ପୁଙ୍ଖାନୁପୁଙ୍ଖ ଆଲୋଚନା କରିଥିଲେ |ଏହି ଆଲୋଚନା ବେଳେ ଗତ ମାର୍ଚ୍ଚ ମାସରେ ଭିଡିଓ କନଫରେନ୍ସ ମାଧ୍ୟମରେ ସାର୍କ ନେତା ମାନଙ୍କ ବୈଠକ ସମୟରେ ସହମତ ହୋଇଥିବା ସ୍ଵତନ୍ତ୍ର ବ୍ୟବସ୍ଥା ଗୁଡିକର କାର୍ଯ୍ୟକାରିତାରେ ପ୍ରଗତି ନେଇ ଦୁଇ ନେତା ଖୁସି ପ୍ରକଟ କରିଥିଲେ | ସାର୍କ କୋଭିଡ-19 ଜରୁରୀକାଳିନ ପାଣ୍ଠିକୁ 1.5 ନିୟୁତ ଡଲାର ଅବଦାନ ପାଇଁ ଶ୍ରୀ ମୋଦୀ ବାଙ୍ଗଲାଦେଶକୁ ଧନ୍ୟବାଦ ଜଣାଇଥିଲେ | ବାଙ୍ଗଲାଦେଶରେ ଏହି ମହାମାରୀ ବିରୁଦ୍ଧରେ ସଂଗ୍ରାମ ଲାଗି ସହାୟତା ଯୋଗାଇବା ଓ କୋଭିଡ-19 ଲଢେଇ ଲାଗି ସମନ୍ଵୟ କ୍ଷେତ୍ରରେ ନେତୃତ୍ଵ ନେଇଥିବା ଯୋଗୁଁ ପ୍ର...