ବିଶ୍ଵ ସ୍ତରରେ କୋଭିଡ-19 ମୁକାବିଲାରେ ଭାରତ ଆଗୁଆ

ଦେଶମାନଙ୍କରେ କୋଭିଡ-19 ମହାମାରୀର ମୁକାବିଲା କ୍ଷେତ୍ରରେ ଭାରତ ଚିକିତ୍ସା ସହାୟତା ଯୋଗାଇ ସାହାର୍ଯ୍ୟ କରୁଛି | ଏପର୍ଯ୍ୟନ୍ତ 125ଟି ଦେଶକୁ ଆବଶ୍ୟକ ସାମଗ୍ରୀ, ଔଷଧ, ଚିକିତ୍ସା ବିଶେଷଜ୍ଞମାନଙ୍କୁ ପଠାଇବା ସହିତ କେତେକ କ୍ଷେତ୍ରରେ ବିଦେଶୀ ନାଗରୀକମାନଙ୍କୁ ସ୍ଥାନାନ୍ତରିତ କରି ନିଜ ଦେଶକୁ ପଠାଇଛି |

ଭାରତ ପକ୍ଷରୁ ଦକ୍ଷିଣ ଏସିଆ ଅ଼୍ଚଳ, ଭାରତ ମହାସାଗରୀୟ ଅଞ୍ଚଳ, ଉପସାଗରୀୟ ଅଞ୍ଚଳ(କୁଏତ) ମଧ୍ୟ ଏସିଆ ଏବଂ ଏପରିକିଅଗମ୍ୟ ଦେଶ ଡୋମିନିକାନ ଗଣରାଜ୍ୟ ଏବଂ ବିଷୁବ ଅଞ୍ଚଳୀୟ ଦେଶ ଆଦି 29 ଟି ଦେଶକୁ ଚିକିତ୍ସା ସାମଗ୍ରୀ ପଠାଇଛି | ଆଉ ଛଅଟି ଆଫ୍ରିକୀୟ ଦେଶକୁ ହାଇଡ୍ରୋକ୍ଲୋରୋକୁଇନ ଏବଂ ପାରାସିଟାମଲ ପଠାଇଛି |

ଚିକିତ୍ସା ସାମଗ୍ରୀ ବ୍ୟତିତ ଭାରତ କୁଏତ ଏବଂ ମାଳଦ୍ଵୀପକୁ ଚିକିତ୍ସକ ଦଳକୁ ପଠାଇଛି, ସେଠାରେ ଭ୍ରାମ୍ୟମାଣ ସ୍ଵାସ୍ଥ୍ୟ ଯାଞ୍ଚ କେନ୍ଦ୍ର ସ୍ଥାପନ କରିଛି, ଅନ୍ୟ ଦେଶର ବିଷେଷଜ୍ଞମାନହ୍କୁ ଭିଡିଓ କନଫରେନସିଙ୍ଗ ମାଧ୍ୟମରେ ପ୍ରଶିକ୍ଷଣ ଦେଇଛି ଏବଂ ଅନ୍ୟ ବୈଷୟିକ ସହାୟତା ଯୋଗାଇ ଦେଇଛି | ଦକ୍ଷଇଣ ଏସିଆ ପାଇଁ ଭାରତ 10 ମିଲିୟନ ଡଲାର ସମ୍ଵଳିତ କୋଭିଡ-19 ପାଣ୍ଠି ଗଠନ କରିବାରେ ନେତୃତ୍ଵ ନେଇଛି |

ଭାରତ ଲାଟିନ ଆମେରୀକାର 28ଟି ଦେଶ, କାରବିୟାନ ଅଞ୍ଚଳ ଏବଂ ଆଫ୍ରିକାର 12ଟି ସମେତ 50ଟି ଅତିରିକ୍ତ ଦେଶକୁ ଚିକିତ୍ସା ସହାୟତା ସାମଗ୍ରୀ କ୍ରୟ ଏବଂ ଯୋଗାଣ କରିଛି | ମଦଗାସ୍କର, ଇଜିପ୍ଟ, ସିରିୟା, ଲେବାନନ, ଆରମେନିଆ, ଜାମାଇକା, ଉଜବେକିସ୍ଥାନ, ମାଲଟା, ଲାଓ ପିଡିଆର ଏବଂ କୋମୋରସ ଆଦି ଅନ୍ୟ ଦେଶକୁ ମଧ୍ୟ ଭାରତ ସହାୟତା କରିଛି |

ଭାରତ 67 ଦେଶକୁ 10 ମିଲିୟନ ଏଚସିକ୍ୟୁ ଟାବଲେଟ ଯୋଗାଇଛି | ସେଥିମଦ୍ୟରୁ ଆଫଗାନିସ୍ଥାନ, ବାଙ୍ଗଲାଦେଶ, ଭୁଟାନ, ମାଳଦ୍ଵୀପ, ମରିସସ, ନେପାଳ, ସିଚେଲସ, କୋମୋରସ, ମାଡାଗାସ୍କର, ଡୋମିନିକାନ ଗଣରାଜ୍ୟ, ଉକ୍ୟୁଏଟର, କାଜାକସ୍ଥାନ, ୟୁକ୍ରେନ, ଜମ୍ଵିଆ, ଉଗାଣ୍ତା, ବ୍ରୁକିନା ଫାସୋ, ନାଇଜର, ମାଲି, ଡିଆର କଙ୍ଗୋ, ମିଆଁମାର ଏବଂ ଆର୍ନିଆ ପରି 21 ଟି ଦେଶକୁ ସେଥିମଧ୍ୟରୁ 2.8 ମିଲିୟନ ଟାବଲେଟ ପଠାଇଛି |

ଏହାବ୍ୟତିତ ଆଫ୍ରିକାର 13ଟି ଦେଶ, ପଶ୍ଚିମ ଏସିଆ ଏବଂ ଉତ୍ତର ଆଫ୍ରିକାର 7ଟି ଦେଶ ତଥା ଅନ୍ୟ 16ଟି ଦେଶରୁ ଅତିରିକ୍ତ ସହାୟତା ପାଇଁ ଭାରତକୁ ଅନୁରୋଧ କରିଛନ୍ତି | ଏହି ଘଡିସନ୍ଧି ସମୟରେ ବିଶ୍ଵ ସମୁଦାୟକୁ ସବୁ ପ୍ରକାର ସହାୟତା କରିବାକୁ ଭାରତ ଅଣ୍ଟାଭିଡିଛି |

ମହାମାରୀର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଭିନ୍ନ ଦେଶର ରାଷ୍ଟ୍ରମୁଖ୍ୟମାନଙ୍କ ସହିତ ଆଲୋଚନା କରୁଛନ୍ତି | ଶ୍ରୀଲଙ୍କା ରାଷ୍ଟ୍ରପତି ଗୋତାବୟା ରାଜପକ୍ଷେଙ୍କ ସହ ଫୋନରେ କଥା ହୋଇ ଭାରତ ପକ୍ଷରୁ ଏହି ବିପଦ ସମୟରେ ସମସ୍ତ ପ୍ରକାର ସହାୟତା କରିବାକୁ ପ୍ରତୁଶ୍ରୁତି ଦେଇଛନ୍ତି | ଶ୍ରୀଲଙ୍କାର ବିକାଶ ପାଇଁ ଭାରତୀୟ କଂପାନୀମାନଙ୍କ ଦ୍ଵାରା ପୁଞ୍ଜିନିବେଶର ସମ୍ଭାବନା ଉପରେ ମଧ୍ୟ ଶ୍ରୀ ମୋଦି ଆଲୋଚନା କରିବା ସହିତ ଦେଶବାସୀଙ୍କର ମହ୍ଗଳ କାମନା କରିଛନ୍ତି |

ପ୍ରଧାନମନ୍ତ୍ରୀ ମୋଦି ମରିସସ ପ୍ରଧାନମନ୍ତ୍ରୀ ପ୍ରବୀନ୍ଦ ଜଗନ୍ନାଥଙ୍କ ସହିତ ମଧ୍ୟ ଟେଲିଫୋନରେ କଥା ହୋଇଛନ୍ତି | ଘୂରଣ୍ଣି ଝଡ ଅମ୍ଫାନରେ ହୋଇଥିବା କ୍ଷୟକ୍ଷତି ପାଇଁ ପ୍ରଦାନମନ୍ତ୍ରୀ ଦୁଖ ବ୍ୟକ୍ତ କରିଥିଲେ | ମରିସସରେ କୋଭିଡ-19ର ମୁକାବିଲା ପାଇଁ ଭାରତ ପଠାଇଥିବା ଚିକିତ୍ସା ସାମଗ୍ରୀ ସହିତ 14 ଜଣିଆ ଚିକିତ୍ସକ ଟିମ ପାଇଁ ଶ୍ରୀ ଜଗନ୍ନାଥ ଭାରତର ପ୍ରଧାନମନ୍ତ୍ରୀଙ୍କୁ କୃତଜ୍ଞତା ଜଣାଇଥିଲେ | ଉଭୟ ନେତା ବିଭିନ୍ନ କ୍ଷେତ୍ରରେ ସହଯୋଗ ବୃଦ୍ଧି ସହିତ ମରିସସର ଯୁବକ ଯୁବତୀମାନଙ୍କୁ ଆୟୁର୍ବେଦିକ ଔଷଧ ଉପରେ ଗବେଷଣା ପାଇଁ ପ୍ରସ୍ଥାବ ଦେଇଥିଲେ | ଏହା ସହିତ ମରିସସର ନାଗରୀକମାନଙ୍କ ସୁସ୍ଥ ଜୀବନର କାମନା କରିଥିଲେ ଏହିପରି ଭାବେ ଭାରତ ବିଶ୍ଵ ସ୍ତରରେ କୋଭିଡ-19ର ମୁକାବିଲା କ୍ଷେତ୍ରରେ ଆଗୁଆ ହୋଇ ଉଦାହରଣ ସୃଷ୍ଟି କରିଛି |

ଆଲେଖ୍ୟ: କୌଶୀକ ରାୟ