AIR World Service Odia

ପାକିସ୍ତାନର ସେନାଧ୍ୟକ୍ଷ ଜେନେରାଲ କମର ଜାଭେଦ ବଜୱାଙ୍କ କାର୍ଯ୍ୟକାଳ ପୁଣି 3 ବର୍ଷ ବୃଦ୍ଧି କରିବା ଲାଗି ଗତ ଅଗଷ୍ଟ 19 ତାରିଖ ଦିନ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ଜାରି କରିଥିବା ଅନୁମୋଦନ ନିର୍ଦେଶକୁ ସେ ଦେଶର ସୁପ୍ରିମ କୋର୍ଟ ଆକସ୍ମିକ ଭାବେ ବାତିଲ କରିଛି। 59 ବର୍ଷ ବୟଷ୍କ ଜେନେରାଲ ବାଜୱା ସେନାଧ୍ୟକ୍ଷ ପଦରୁ 28 ତାରିଖ ମଧ୍ୟ ରାତ୍ରିରୁ ଅବସର ନେବାର ଥିଲା ଏବଂ ତାଙ୍କ କାର୍ଯ୍ୟକାଳ ସଂପ୍ରସାରଣ ସଂକ୍ରାନ୍ତ ବିଧେୟକକୁ ପାର୍ଲାମେଣ୍ଟରେ ଅନୁମୋଦନ କରିବା ପାଇଁ ସେଠାକାର ସରକାର ପ୍ରତିଶ୍ରୁତି ଦେବା ପରେ ସୁପ୍ରିମ କୋର୍ଟ ପକ୍ଷରୁ ସର୍ତ୍ତମୂଳକ 6 ମାସ ପାଇଁ ରିହାତି ଦିଆଯାଇଛି । ଅର୍ଥାତ ଜେନେରାଲ ବାଜୱା ଆଉ 6 ମାସ ପର୍ଯ୍ୟନ୍ତ କାର୍ଯ୍ୟଭାର ସମ୍ଭାଳିବେ ଏବଂ ଏହି ସମୟକାଳ ମଧ୍ୟରେ ପାର୍ଲାମେଣ୍ଟ ତାଙ୍କ କାର୍ଯ୍ୟକାଳ ସଂପ୍ରସାରଣ ସଂକ୍ରାନ୍ତ ବିଧେୟକକୁ ପାସ କରିବାକୁ ପଡିବ। ଏହି ବିଷୟକୁ ନେଇ ସେ ଦେଶରେ ଏବେ ତନାଘନା ବିତର୍କ ଚାଲିଛି ଓ ସୁପ୍ରିମ କୋର୍ଟରେ ଆଇନଗତ ଲଢେଇ ମଧ୍ୟ ଆରମ୍ଭ ହୋଇଯାଇଛି। ସେ ଦେଶର ପ୍ରଧାନ ବିଚାରପତି ଆସିଫ ସୟିଦ ଖୋସାଙ୍କ ତିନି ଜଣିଆ ଖଣ୍ତପୀଠ ପ୍ରଶାସନିକ ଏବଂ ଆଇନଗତ ଆଭିମୁଖ୍ୟ ଦୃଷ୍ଟିରୁ 6 ମାସ ପାଇଁ ରିହାତି ପ୍ରଦାନ କରିଛନ୍ତି। ସମଗ୍ର ପ୍ରକ୍ରିୟାରେ ଅନେକ ତାରତମ୍ୟ ଥିବା କଥା ଖଣ୍ତ ପୀଠ କହିବା ପରେ ପ୍ରଧାନମନ୍ତ୍ରୀ ଇମରାନ ଖାନ ଏବଂ ରାଷ୍ଟ୍ରପତି ଅରିଫ ଅଲଭିଙ୍କ ପାଇଁ...

ଗତକାଲି ଭାରତ ସତିଶ ଧବନ ମହାକାଶ କେନ୍ଦ୍ରରୁ ତୀକ୍ଷ୍ଣ ଦୃଷ୍ଟି ସଂପନ୍ନ ଉପଗ୍ରହକୁ ମହାକାଶକୁ ପ୍ରେରଣ କରିଛି। ଭାରତୀୟ ମହାକାଶ ଗବେଷଣା ସଂଗଠନ, ଇସ୍ରୋର 49ତମ ପିଏସଏଲଭି-ସି47 ମହାକାଶ ଯାନରେ ଅତ୍ୟାଧୁନିକ ତୃତୀୟ ପିଢିର ଚିତ୍ର ଓ ମାନଚ୍ଚିତ୍ର ଉତ୍ତୋଳନକାରୀ କୋରଟୋଷ୍ଟାର୍ଟ-3 ଉପଗ୍ରହକୁ ସଫଳତାର ସହ କକ୍ଷପଥରେ ଉତ୍ତକ୍ଷେପଣର 17 ମିନିଟ ପରେ ସ୍ଥାପନ କରାଯାଇଛି। ଏହି ଉପଗ୍ରହରେ 6ଟି ତୀକ୍ଷ୍ଣ କ୍ୟାମେରା ରହିଛି। କାରର୍ଟୋଷ୍ଟାର୍ଟ-3 ଉପଗ୍ରହ ସହ ଆମେରିକାର 13ଟି ନାନୋ ଉପଗ୍ରହକୁ ମଧ୍ୟ ମହାକାଶକୁ ପଠାଯାଇଛି। ଭାରତୀୟ ମହାକାଶ ବିଭାଗର ନ୍ୟୁ ସ୍ପେସ ଇଣ୍ତିଆ ଲିମିଟେଡ( ଏନଏସଆଇଏଲ) ବ୍ୟବସ୍ଥା ଅଧିନରେ ଆମେରିକାର ଏହି ଉପଗ୍ରହଗୁଡିକୁ ପଠାଯାଇଛି। 509 କିଲୋମିଟର ଉଚ୍ଚରେ କୋର୍ଟୋଷ୍ଟୋର୍ଟ-3କୁ ସ୍ଥାପିତ କରାଯିବା ପରେପରେ ଏହି ନାନୋ ଉପଗ୍ରହଗୁଡିକୁ ଗୋଟିଏ ପରେ ଗୋଟିଏ ମହାକାଶକୁ ଛଡା ଯାଇଥିଲା।  2005 ମଇ ମାସରୁ ଆଜି ପର୍ଯ୍ୟନ୍ତ କାର୍ଟୋଷ୍ଟାର୍ଟ -1 ଓ ସାତଟି କାର୍ଟୋଷ୍ଟାର୍ଟ ସମେତ ଇସ୍ରୋ ପକ୍ଷରୁ ଆଠଟି କାର୍ଟୋଷ୍ଟର୍ଟ ଉପଗ୍ରକୁ ମହାକାଶରେ ସ୍ଥାପନ କରାଯାଇ ସାରିଲାଣି। ଏହିସବୁ ଉପଗ୍ରହଗୁଡିକରୁ ବିଶେଷକରି କାର୍ଟୋଷ୍ଟାର୍ଟ-2 ସିରିଜର ଶେଷ ଟାରୋଟି ଉପଗ୍ରହ କ୍ରମାଗତ ତିନି ବର୍ଷ ଭିତରେ 1625 କିଲୋଗ୍ରାମ ଓଜନ ବିଶିଷ୍ଟ ଅଳ୍ପ ବ୍ୟବଧାନରେ ମହାକାଶରେ ସ୍ଥାପନ କରାଯାଇଥିବା ଶେଷ ଟାରୋଟି ଉପଗ୍ରହରୁ ଯେଉଁ ତଥ୍ୟ...

ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ ତାଙ୍କ ବ୍ରେକ୍ସିଟ ଯୋଜନାକୁ କାର୍ଯ୍ୟକାରୀ କରିବା ପାଇଁ ସଂସଦରେ ସଂଖ୍ୟା ଗରିଷ୍ଠ ହାସଲ ଲାଗି ଡିସେମ୍ବର 12 ତାରିଖରେ ଆଗୁଆ ନିର୍ବାଚନ କରିବାକୁ ଘୋଷଣା କରିଛନ୍ତି ଯାହାକି ପାଞ୍ଚ ବର୍ଷ ମଧ୍ୟରେ ଏହା ଚତୁର୍ଥ ନିର୍ବାଚନ ହେବ | ଶ୍ରୀ ଜନସନ କହିଛନ୍ତି ଯେ 2016ରେ ବ୍ରେକ୍ସିଟ ଉପରେ ଜନମତ ନିଆଯିବା ପରଠାରୁ ବ୍ରିଟେନରେ ସୃଷ୍ଟି ହୋଇଥିବା ରାଜନୈତିକ ଅଚଳାବସ୍ଥାରୁ ମୁକୁଳିବା ପାଇଁ ନିର୍ବାଚନ ଏକମାତ୍ର ଉପାୟ | 2017 ମସିହାରେ ତତକାଳୀନ ପ୍ରଧାନମନ୍ତ୍ରୀ ଥେରେସା ମେ ମଧ୍ୟ ହଠାତ ନିର୍ବାଚନ କରେଇଥିଲେ ଏବଂ କଞ୍ଜରଭେଟିଭ ପାର୍ଟି ପାଇଁ ପାର୍ଲାମେଣ୍ଟରେ ସଂଖ୍ୟା ଗରିଷ୍ଠତା ହରେଇବାରୁ କ୍ଷମତା ରେ ରହିବା ପାଇଁ ଡେମୋକ୍ରାଟିକ ୟୁନିଅନିଷ୍ଟ ପାର୍ଟି (ଡ଼ିଇଉପି) ର ସମର୍ଥନ ନେଇଥିଲେ |  ବ୍ରିଟେନରେ ସାଧାରଣ ନିର୍ବାଚନ ପାଇଁ ପ୍ରଚାର କାର୍ଯ୍ୟ ତୃତୀୟ ସପ୍ତାହରେ ପହଞ୍ଚିଥିବା ବେଳେ ଜନମତ ସର୍ଭେରୁ ଜଣା ପଡିଛି ଯେ ଲେବର ପାର୍ଟି ଠାରୁ କଞ୍ଜରଭେଟିଭ ପାର୍ଟି 19 ପଏଣ୍ଟ ରେ ଆଗୁଆ ଅଛି |ଏହି ସର୍ଭେ ଅନୁଯାୟୀ କଞ୍ଜରଭେଟିଭ ପାର୍ଟିକୁ ଶତକଡା 47 ଭାଗ ଭୋଟ ମିଳିବ ଏବଂ ଲେବର ପାର୍ଟିକୁ ଶତକଡା 28 ଭାଗ ତଥା ଲିବରାଲ ଡେମୋକ୍ରାଟିକ ପାର୍ଟିକୁ ଶତକଡା 12 ଭାଗ ଭୋଟ ମିଳିବ | ବ୍ରେକ୍ସିଟ ପାର୍ଟିକୁ ମାତ୍ର ଶତକଡା 3 ଭାଗ ଭୋଟ ମିଳିବାର ଆକଳନ କରାଯାଇଛି | ବଡବଡ ପାର୍ଟି ଗୁଡିକର ନିର୍ବାଚ...

2013 ମସିହାରୁ ଆରମ୍ଭ ହୋଇଥିବା ଚୀନର ବିଆରଆଇ ବା ବେଲ୍ଟ ଓ ସଡକ ଉଦ୍ୟମ ପ୍ରକଳ୍ପ ବା ଚୀନ-ପାକିସ୍ତାନ ଅର୍ଥନୈତିକ କୋରିଡର (ସିପିଇସି) ଯୋଗୁଁ ଭାରତର ଉଦବେଗ ବୃଦ୍ଧି ପାଇଛି | ଏହାଯୋଗୁଁ ଭାରତର ସାର୍ବଭୌମତ୍ଵ ତଥା ଏହି ଅଞ୍ଚଳରେ ନିୟମ ଭିତ୍ତିକ ଧାରା ଲଙ୍ଘନ ହେବ ବୋଲି ଭାରତ ଆଶଙ୍କା ପ୍ରକାଶ କରିଛି | ଆଇନଗତ ଭାବେ ଏକ ଦୃଢ ଆଭିମୁଖ୍ଯ ଗ୍ରହଣ କରି ଭାରତ ସିପିଇସିକୁ ବିରୋଧ କରିଛି | ପ୍ରକୃତରେ ଦେଖିବାକୁ ଗଲେ ଭାରତ ହେଉଛି ପ୍ରଥମ ଦେଶ ଯିଏକି ବିଆରଆଇକୁ ବିରୋଧ କରିଛି ଏବଂ ପୂର୍ବରୁ ଚୀନରେ ଅନୁଷ୍ଠିତ ବେଲ୍ଟ ଓ ସଡକ ପଥ ଫୋରମରେ ଯୋଗ ଦେବାପାଇଁ ନୂଆଦିଲ୍ଲୀ କୌଣସି ପ୍ରତିନିଧିଙ୍କୁ ପଠାଇନାହିଁ | ବିଆରଆଇ ସଙ୍କ୍ରାନ୍ତରେ ଭାରତର ଆଭିମୁଖ୍ୟ ଅପରିବର୍ତ୍ତିତ ରହିଛି | ପାକିସ୍ତାନ ଅଧିକୃତ କାଶ୍ମୀର ଇଲାକା ଦେଇ ବିଆରଆଇର ଏହି ପ୍ରମୁଖ କୋରିଡର ସିପିଇସିକୁ ଭାରତ ବିରୋଧ କରିଆସୁଛି କାରଣ ଭାରତର କହିବା କଥା ହେଲା ସାର୍ବଭୌମତ୍ଵ ଓ ଅଖଣ୍ଡତା ପ୍ରତି ନୂଆଦିଲ୍ଲୀର ଉଦବେଗକୁ ତଥାକଥିତ ଏହି ପ୍ରକଳ୍ପରେ ଧ୍ୟାନ ଦିଆଯାଇନାହିଁ | ଏହି ପ୍ରକଳ୍ପକୁ ନେଇ କେବଳ ଭାରତ ନୁହେଁ ଆହୁରି ଅନେକ ଦେଶ ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି | ଦକ୍ଷିଣ ଓ ମଧ୍ୟ ଏସିଆ ବ୍ୟାପାର ପାଇଁ ଆମେରିକାର ଅସ୍ଥାୟୀ ସହକାରୀ ବୈଦେଶିକ ମନ୍ତ୍ରୀ ଏଲିସ ୱେଲ୍ସ ୱାସିଙ୍ଗଟନ ଡ଼ିସି ସ୍ଥିତ ବିଦ୍ଵାନ ମାନଙ୍କ ପାଇଁ ଉଡ୍ରୋ ୱିଲସନ ଆନ୍ତର୍ଜାତୀୟ କେନ୍ଦ୍ରରେ ମନ୍ତବ୍ୟ ...

ୟୁରୋପୀୟ ସଂଘ ସମେତ 19 ଟି ସଦସ୍ୟ ରାଷ୍ଟ୍ରକୁ ନେଇ ବିଶ୍ୱର 20ଟି ଉନ୍ନତ ଓ ବିକାଶଶୀଳ ରାଷ୍ଟ୍ରମାନଙ୍କୁ ନେଇ ଜି-20 ରାଷ୍ଟ୍ରସମୁହ ଗଠନ କରାଯାଇଛି। ଗତ ଜୁନ ମାସରେ ଓସାକା ଠାରେ ଅନୁଷ୍ଠିତ ଚତୁର୍ଦଶ ଶୀଖର ବୈଠକ ପରେପରେ ଜାପାନ ନାଗୋୟା ନଗରୀରେ ବୈଦେଶିକ ମନ୍ତ୍ରୀମାନଙ୍କର ଏକ ବୈଠକ ଆୟୋଜନା କରିଥିଲା। ବୈଦେଶିକ ମନ୍ତ୍ରୀ ଏସ. ଜୟଶଙ୍କର ସେହି ବୈଠକରେ ଭାରତର ପ୍ରତିନିଧିତ୍ୱ କରିଥିଲେ। ବୈଦେଶିକ ମନ୍ତ୍ରୀମାନଙ୍କର ସେହି ବୈଠକର ଅଧିବେଶନଗୁଡିକରେ ସାମ୍ପ୍ରତିକ ବିଶ୍ୱ ପରିସ୍ଥିତି ଓ ବିଶ୍ୱ ଆର୍ଥିକ ସ୍ଥିତିରେ ମନ୍ଥରତା ବିଷୟରେ ଆଲୋଚନା କରିଥିଲେ।  ଜି-20 ବୈଦେଶିକ ମନ୍ତ୍ରୀମାନଙ୍କ ଅଧ୍ୟକ୍ଷ ଜାପାନର ବୈଦେଶିକ ମନ୍ତ୍ରୀ ତୋସେମିଶୁ ମୋଟେଗି କହିଥିଲେ ବିଶ୍ୱ ବାଣିଜ୍ୟ ସଂଗଠନରେ ତୁରନ୍ତ ସଂସ୍କାର ଆବଶ୍ୟକତା ପ୍ରତି ଜି-20 ବୈଦେଶିକ ମନ୍ତ୍ରୀମାନେ ରାଜି ହୋଇଥିବାରୁ ଏହା ଅନେକ ସାମ୍ପ୍ରତିକ ସମସ୍ୟାଗୁଡିକୁ ଦୂର କରିପାରିବ। ବିବାଦ ସମାଧାନ ବ୍ୟବସ୍ଥାରେ ଉନ୍ନତି ଆଣିବା ପାଇଁ ବିଶ୍ୱ ବାଣିଜ୍ୟ ସଂଗଠନ ପ୍ରୟାସ କରୁ ବୋଲି ଓସାକାରେ ଅନୁଷ୍ଠିତ ରାଷ୍ଟ୍ରମୁଖ୍ୟ ଶିଖର ବୈଠକରେ ସଦସ୍ୟ ରାଷ୍ଟ୍ରମାନେ ଇଛା ବ୍ୟକ୍ତ କରିଥିଲେ । ଶ୍ରୀ ମୋଟେଗି କହିଥିଲେ ପ୍ରସ୍ଥାବିତ ଏସିଆ ପ୍ରଶାନ୍ତ ମହାସାଗରୀୟ ମୁକ୍ତ ବାଣିଜ୍ୟ ରାଜିନାମା (APFTA)କୁ ଚୂଡାନ୍ତ କରିବା ପାଇଁ କଥାବାର୍ତ୍ତାକୁ ଆଗେଇ ନେବାକୁ ନିଷ୍ପତ୍ତି ନେବା ସଙ୍ଗେସଙ୍ଗେ ଭ...

ପାର୍ଲାମେଣ୍ଟର ଶୀତକାଳୀନ ଅଧିବେଶନ ରାଜ୍ୟସଭାର 250 ତମ ଅଧିବେଶନ ସହ ଗତ ସୋମବାର ଦିନ ଆରମ୍ଭ ହୋଇଛି| ତିନି ସପ୍ତାହ ଧରି ଚାଲିବାକୁ ଥିବା ଅଧିବେଶନର ଏହା ହେଉଛି ମୁଖ୍ୟ କାର୍ଯ୍ୟକ୍ରମ | ଏହି ଅବସରରେ ଉଦବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାଂସଦ ମାନଙ୍କୁ ଜାତୀୟ ପ୍ରସଙ୍ଗ ଓ ଆଞ୍ଚଳିକ ସ୍ଵାର୍ଥ ମଧ୍ୟରେ ସମତୁଲତା ବଜାୟ ରଖିବାକୁ ପରାମର୍ଶ ଦେଇ କହିଛନ୍ତି ଯେ ସେମାନେ ପ୍ରତିରୋଧ ନ କରି ଆଲୋଚନା ମାଧ୍ୟମରେ ଲୋକାଭିମୁଖୀ ପ୍ରସଙ୍ଗ ଗୁଡିକୁ ସଦନରେ ଉଜାଗର କରିବା ଉଚିତ | ସେ କହିଛନ୍ତି ଯେ ଗଣତନ୍ତ୍ରରେ ନିୟନ୍ତ୍ରଣ ତଥା ସନ୍ତୁଳନତା ରକ୍ଷା ପାଇଁ ଉଚ୍ଚ ସଦନର ଅତ୍ୟନ୍ତ ମହତ୍ଵ ରହିଛି | ସଭାଗୃହର କାର୍ଯ୍ୟଧାରାରେ ବାଧା ପହଞ୍ଚାଇବା ଓ ସଦନର କାର୍ଯ୍ୟଧାରାକୁ ଅଚଳ କରିବା ମଧ୍ୟରେ ପାର୍ଥକ୍ୟ ଜାଣିବାର ଆବଶ୍ୟକତା ରହିଛି ବୋଲି ସେ ସଦସ୍ୟ ମାନଙ୍କୁ ପରାମର୍ଶ ଦେଇଛନ୍ତି । ପ୍ରଧାନମନ୍ତ୍ରୀ ଆହୁରି ମଧ୍ୟ ସ୍ମରଣ କରାଇଥିଲେ ଯେ ସଂସଦର ଉଚ୍ଚ ସଦନ ବା ରାଜ୍ୟସଭାରେ ଭାରତର ବିବିଧତାରେ ଏକତାର ଭାବନା ଅତି ସୁନ୍ଦର ଭାବେ ପରିଲକ୍ଷିତ ହୋଇଥାଏ| ଭାରତୀୟ ରାଜନୀତିରେ ଏହି ସଦନର ଭୂମିକା ଓ ସଂସ୍କାରର ଆବଶ୍ୟକତା ବିଷୟ ନେଇ ପ୍ରଧାନମନ୍ତ୍ରୀ କହିଛନ୍ତି ଯେ ସମ୍ବିଧାନର ପ୍ରଣେତା ମାନେ ଏକ ଦ୍ୱିସଦନ ସଂସଦୀୟ ବ୍ୟବସ୍ଥାର କଳ୍ପନା କରିଥିଲେ ଓ ଏହି ଦୂରଦୃଷ୍ଟି ଦେଶର ଗଣତନ୍ତ୍ରକୁ ସମୃଦ୍ଧ କରିଛି | ସେ କହିଛନ୍ତି ଯେ ରାଜ୍ୟସଭା ସେହ...

ଗତ ଏକ ମାସ ହେଲା ପାକିସ୍ତାନରେ ଯେପରି ଭାବେ ରାଜନୀତି ଚାଲିଛି ସେନେଇ ବିଭିନ୍ନ ସମସ୍ୟାର ଜାଲରେ ସେ ଦେଶ ପଡିଯାଇଛି | ପୁରା ମାସଟା ଯାକ ପାକିସ୍ତାନରେ ମୌଲାନା ଫଜଲୁର ରହେମାନଙ୍କ ଆଜାଦି ମାର୍ଚ ଏବଂ ଅସୁସ୍ଥ ଥିବା ପୂର୍ବତନ ପ୍ରଧାନମନ୍ତ୍ରୀଙ୍କୁ ଚିକିତ୍ସା ପାଇଁ ବିଦେଶ ଯିବାକୁ ଅନୁମତି ଦିଆଯିବ କି ନାହିଁ ସେନେଇ ରାଜନୈତିକ ସର୍କସ ଚାଲିଥିଲା | ପାକିସ୍ତାନର ବୈଦ୍ୟୁତିକ ଏବଂ ସମ୍ଵାଦପତ୍ରର ଗଣମାଧ୍ୟମ ଏହିସବୁ ପ୍ରସଙ୍ଗକୁ ନେଇ ସେମାନଙ୍କର ମୁଖ୍ୟ ପ୍ରସଙ୍ଗ କରୁଥିବା ବେଳେ ପାକିସ୍ତାନର ଭବିଷ୍ୟତ ସହ ଜଡିତ ମୌଳିକ ସମସ୍ୟାଗୁଡିକ ଠାରୁ ଦୂରେଇ ରହୁଥିଲେ | ଫଜଲୁର ରହେମାନଙ୍କ ଦ୍ଵାରା ଅକ୍ଟୋବର 27 ତାରିଖରେ ସୁକୁରରୁ ଆରମ୍ଭ ହୋଇଥିବା ଆଜାଦି ମାର୍ଚ କିଛି ଦିନ ପରେ ଇସଲାମାବାଦରେ ପହଞ୍ଚିଥିଲା | ମୌଲାନାଙ୍କ ରାଲିର ମୁଖ୍ୟ ଲକ୍ଷ୍ୟ ଥିଲା ଇମରାନ ଖାନ ସରକାରଙ୍କୁ କ୍ଷମତାରୁ ହଟାଇବା ଏବଂ ସେପର୍ଯ୍ୟନ୍ତ ଇସଲାମାବାଦରେ ଆନ୍ଦୋଳନ ଜାରି ରଖାଯିବ ଯେ ପର୍ଯ୍ୟନ୍ତ ଇମରାନ ଗାଦିଚ୍ୟୁତ ନହୋଇଛନ୍ତି | ଅଧିକାଂଶ ଗଣମାଧ୍ୟମ ମୌଲାନାଙ୍କ ସମର୍ଥକମାନଙ୍କ ଜିଦ ଦେଖି ହିଂସାକାଣ୍ତ ଘଟିବାର ଆଶଙ୍କା କରୁଥିଲେ | ସରକାର ମଧ୍ୟ ପ୍ରଥମେ ଦମ୍ଭ ଦେଖାଇଥିଲେ ମଧ୍ୟ ପରେ ଭୟଭିତ ହୋଇଥିଲା | ଫଳରେ ମୌଲାନା ଏବଂ କିଛି ବିରୋଧି ଦଳର ନେତାଙ୍କ ସହ ବୁଝାମଣା ଆରମ୍ଭ ହେଲା | ପରେ ଦେଖାଗଲା ଯେ ମୌଲାନା ସେମାନଙ୍କ ସମର୍ଥକମାନଙ୍କୁ ଇସଲାମାବାଦ ଛାଡି...

ଜମ୍ମୁ ଓ କଶ୍ମୀରକୁ ବିଭାଜିତ କରି ଦୁଇଟି କେନ୍ଦ୍ର ଶାସିତ ଅଞ୍ଚଳରେ ବିଭକ୍ତ କରାଯିବା ପରେ ଭାରତ ପକ୍ଷରୁ ଜାରି ସାନି ମାନଚ୍ଚିତ୍ର ଅନୁଯାୟୀ ହିମାଳୟ ଅଞ୍ଚଳ ସ୍ଥିତ ଭାରତ-ନେପାଳ ଓ ଚିନର ମିଳନ ସ୍ଥଳି କଳାପାଣି ଇଲାକା ଅକ୍ତିଆର କରିବା ପ୍ରସଙ୍ଗକୁ ନେଇ ବିବାଦ ଏବେ ପୁଣି ଥରେ ମୁଣ୍ତ ଟେକିଛି। ଭାରତୀୟ ଭୂଖଣ୍ତ ଭାବେ ଦର୍ଶାଯାଇଥିବା ମାନଚ୍ଚିତ୍ରରେ କଳାପାଣି ଓ ଏହାର ଆଖପାଖ ଅଞ୍ଚଳ ନେପାଳର ବୋଲି ସେ ଦେଶ ଦାବି କରିଛି। 1816 ମସିହାରେ ନେପାଳ ରାଜା ଓ ତତ୍କାଳିନ ବ୍ରିଟିଶ ସରକାରଙ୍କ ମଧ୍ୟରେ ଐତିହାସୀକ ସଗୌଲି ଚୁକ୍ତି ସମୟରୁ ହିଁ କଳାପାଣି ବିବାଦ ରହିଆସିଛି। ସେହି ଚୁକ୍ତି ଅନୁଯାୟୀ ମହାକାଳି ନଦୀ ହେଉଛି ଦୁଇ ଦେଶ ମଧ୍ୟରେ ସୀମାରେଖା କିନ୍ତୁ ଏହି ନଦୀର ଉତ୍ପତ୍ତି ସ୍ଥଳି କିମ୍ବା ତାହାର ଶାଖା ନଦୀ ବିଷୟରେ ଚୁକ୍ତିରେ କିଛି ଉଲ୍ଲେଖ କରାଯାଇ ନଥିଲା। କିନ୍ତୁ ତତ୍କାଳିନ ବ୍ରିଟିଶ ସରକାରଙ୍କ ସର୍ଭେୟରଙ୍କ ଦ୍ୱାରା ଜାରି ଭୂଖଣ୍ତ ମାନଚ୍ଚିତ୍ରରେ କଳାପାଣି, ଲିପୁ ଲେଖ ଏବଂ ଲିମ୍ପିୟାଧୁରା ଅଞ୍ଚଳକୁ ଭାରତୀୟ ଅଞ୍ଚଳ ବୋଲି ଦର୍ଶାଇଥିଲେ କିନ୍ତୁ ଏହି ଅଞ୍ଚଳ ନେପାଳ ତାର ଭୂଖଣ୍ତ ବୋଲି ଦାବି କରୁଥିବାରୁ ମହାକାଳି ନଦୀର ଉତ୍ପତ୍ତି ସ୍ଥଳ ସଂକ୍ତାନ୍ତରେ ବିବାଦ ସେହି ଦିନରୁ ରହିଆସିଛି। ନେପାଳ କହୁଛି ଧର୍ଚୁଲା ଜିଲ୍ଲାର ପଶ୍ଚିମାଞ୍ଚଳରେ ଥିବା କଳାପାଣି ଅଞ୍ଚଳ ଏକ ଅସମାଧିତ ଅଞ୍ଚଳ। 2019 ନଭେମ୍ୱର ମାସ 2 ତାରିଖରେ ...

ଶ୍ରୀଲଙ୍କାର ନବନିଯୁକ୍ତ ସପ୍ତମ ରାଷ୍ଟ୍ରପତି ଗୋତବାୟା ରାଜପକ୍ଷେଙ୍କୁ ସାକ୍ଷାତ କରିବା ପାଇଁ ବୈଦେଶିକ ମନ୍ତ୍ରୀ ଡଃ ଏସ ଜୟଶଙ୍କର କଲମ୍ବୋ ଗସ୍ତ କରିଥିଲେ | ଆସନ୍ତା 29 ତାରିଖ ଦିନ ଭାରତ ଆସିବା ପାଇଁ ଶ୍ରୀ ଗୋତବାୟା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମନ୍ତ୍ରଣକୁ ସାଦରେ ଗ୍ରହଣ କରିଛନ୍ତି | ରାଷ୍ଟ୍ରପତି ଭାବେ ନିର୍ବାଚିତ ହେବା ପରେ ଗୋତବାୟାଙ୍କ ଏହା ପ୍ରଥମ ବିଦେଶ ଗସ୍ତ ହେବ| ଶ୍ରୀ ରାଜପକ୍ଷେଙ୍କୁ ସାକ୍ଷାତ କରିବା ପାଇଁ ବୈଦେଶିକ ମନ୍ତ୍ରୀଙ୍କୁ କଲମ୍ବୋ ପଠେଇବା ଦ୍ଵାରା ସେହି ଦେଶର ନୂଆଁ ସରକାରଙ୍କ ସହ କାମ କରିବାକୁ ଏବଂ ଆପୋଷ ସ୍ଵାର୍ଥ ବିଜଡିତ ଦ୍ଵିପକ୍ଷୀୟ ସମ୍ପର୍କକୁ ଆହୁରି ନିବିଡ କରିବା ପାଇଁ ଭାରତ ପ୍ରସ୍ତୁତ ଥିବା ବିଷୟ ସୂଚନା ଦିଆଯାଇଛି |ଭାରତ ଛଡା ଆମେରିକା, ପାକିସ୍ତାନ, ଇରାନ ଓ ଚୀନ ମଧ୍ୟ ଶ୍ରୀ ଗୋତବାୟାଙ୍କୁ ଅଭିନନ୍ଦନ ଜଣେଇଛନ୍ତି | ତେଣେ ୟୁରୋପୀୟ ସଂଘ ଶ୍ରୀଳଙ୍କାର ରାଷ୍ଟ୍ରପତି ନିର୍ବାଚନ ଫଳାଫଳକୁ ନେଇ ସତର୍କତା ଅବଲମ୍ବନ କରିଛି ଏବଂ ଦ୍ଵିପ ରାଷ୍ଟ୍ର ଶ୍ରୀଲଙ୍କାରେ ମାନବିକ ଅଧିକାର ପ୍ରତିଶୃତିକୁ ପାଳନ କରିବା ପାଇଁ ନବ ନିର୍ବାଚିତ ରାଷ୍ଟ୍ରପତିଙ୍କୁ ଅନୁରୋଧ ଜଣେଇଛି | ଶ୍ରୀ ଗୋତବାୟା ରାଜପକ୍ଷେଙ୍କ ନିର୍ଣ୍ଣାୟକ ବିଜୟ ଶ୍ରୀଲଙ୍କାର ପୋଦୁଜନ ପେରୁମୁନା ପାର୍ଟିକୁ ସେହି ଦେଶର ସଂସଦରେ ଭବିଷ୍ୟତରେ କ୍ଷମତାସୀନ କରିବ ବୋଲି ଦୃଢ ଆଶା ପୋଷଣ କରାଯାଇଛି |ଶ୍ରୀଲଙ୍କାର ପୂର୍ବତନ ର...

ଭାରତୀୟ ପାର୍ଲାମେଣ୍ଟର ଉଚ୍ଚ ସଦନ, ରାଜ୍ୟ ସଭା ଇତିମଧ୍ୟରେ 250 ତମ ଅଧିବେଶନରେ ପହଞ୍ଚିଛି। ଯାହାକି ଭାରତର ରାଜନୈତିକ ଗଣତନ୍ତ୍ରର ଏକ ମାଇଲ ଖୁଣ୍ଟ। 1952 ମସିହାରେ ଏହାର ସ୍ଥାପନା ପରେ ରାଜ୍ୟ ସଭା ଦେଶର ସ୍ୱାର୍ଥ ପାଇଁ କାର୍ଯ୍ୟ କରିଆସିଛି। 1952ରେ ହିନ୍ଦୁ ବିବାହ ଏବଂ ବିଚ୍ଛେଦ ବିଲ ଠାରୁ ନେଇ 2019ରେ ମୁସଲମାନ ମହିଳା ବିବାହ ସୁରକ୍ଷା ଅଧିକାର ବିଲ ଓ ଜମ୍ମୁ କଶ୍ମୀର ପୁନର୍ଗଠନ ବିଲ ପର୍ଯ୍ୟନ୍ତ ରାଜ୍ୟ ସଭା ଭାରତର ରାଜନୈତିକ ଇତିହାସରେ ବର୍ଣ୍ଣଳ ପ୍ରଭାବ ପକାଇଛି। ଉପରାଷ୍ଟ୍ରପତି ଏବଂ ରାଜ୍ୟ ସବାର ଉପାଧ୍ୟକ୍ଷ ଏମ. ଭେଙ୍କିୟା ନାଇଡୁ ଯଥାର୍ଥରେ କହିଛନ୍ତି ଯେ ରାଜ୍ୟ ସଭା ଦେଶର ଆବଶ୍ୟକତା ଏବଂ ସମସ୍ୟାର ଯଥାଯଥ ସମାଧାନ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ଏବଂ ତଥାପି ଆହୁରି କିଛି ବାଟ ଯିବାକୁ ଅଛି। 1952 ମଇ 13 ତାରିଖରେ ଏହାର ପ୍ରଥମ ଅଧିବେଶନରୁ 2019 ଅଗଷ୍ଟ 7 ତାରିଖର 249 ଅଧିବେଶନ ପର୍ଯ୍ୟନ୍ତ ରାଜ୍ୟ ସଭା ମୋଟ 5,466ଟି କାର୍ଯ୍ୟ ଦିବସ ସଂପନ୍ନ କରିଛି। ଏହି ସମୟରେ ମୋଟ 3,817ଟି ବିଲ ପାସ ହୋଇଛି ଯେଉଁଥିରେ 108ଟି ସାମ୍ୱିଧାନିକ ସଂଶୋଧନ ବିଲ ଅନ୍ତର୍ଭୁକ୍ତ। ବିଗତ 67 ବର୍ଷରେ 2,282 ଜଣ ସଦସ୍ୟ ଏହି ଗାରିମାମୟ ସଦନରେ ସାଂସଦ ହେବାର ସୁଯୋଗ ପାଇଛନ୍ତି ଯେଉଁଥିରୁ 208 ଜଣ ହେଉଛନ୍ତି ମହିଳା ଏବଂ 137 ମନୋନିତ ସାଂସଦ ଅଛନ୍ତି। ଭାରତୀୟ ଗଣତାନ୍ତ୍ରୀକ ବ୍ୟବସ୍ଥାରେ ଲୋକସଭା ପ୍ରତି ପ...

ଭୁଟାନ ବୈଦେଶିକ ମନ୍ତ୍ରୀ ଡକ୍ଟର ଲୋନପୋ ଟାଣ୍ତି ଦୋର୍ଜିଙ୍କ ସପ୍ତାହ ବ୍ୟାପି ଭାରତ ଗସ୍ତ କାଳରେ ଦୁଇ ଦେଶ ମଧ୍ୟରେ ଦ୍ବିପକ୍ଷୀୟ ସଂପର୍କ ଏକ ନୂଆ ସୋପାନରେ ପହଞ୍ଚିଛି। ଡକ୍ଟର ଦୋର୍ଜିଙ୍କ ଭାରତ ଗସ୍ତ କାଳରେ ସେ ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କରଙ୍କ ସହ ଦ୍ବିପକ୍ଷୀୟ ବୈଠକ ଗୁଡିକରେ ବିଭିନ୍ନ ପ୍ରସଙ୍ଗରେ ଆଲୋଚନା କରିବା ସଙ୍ଗେ ସଙ୍ଗେ ଭାରତ ଓ ଭୁଟାନ ମଧ୍ୟରେ ମୋଟାମୋଟି ସଂପର୍କ ବିଷୟକୁ ସମୀକ୍ଷା କରିଥିଲେ। ଅର୍ଥନୀତିକ ସହଯୋଗ, ଉନ୍ନୟନ ଭାଗିଦାରୀ ଏବଂ ଜଳ ବିଦ୍ୟୁତ କ୍ଷେତ୍ରରେ ସହଯୋଗ ସମେତ ଦ୍ବିପକ୍ଷୀୟ ସଂପର୍କର ବିଭିନ୍ନ ଦିଗ ଗୁଡିକ ସଂପର୍କରେ ଉଭୟ ପକ୍ଷ ଆଲୋଚନା କରିଥିଲେ। ବୈଦେଶିକ ମନ୍ତ୍ରୀ ଜୟଶଙ୍କରଙ୍କୁ ସାକ୍ଷାତ କରିବା ପୂର୍ବରୁ ଡକ୍ଟର ଦୋର୍ଜି ବୈଦେଶିକ ସଚିବ ବିଜୟ ଗୋଖଲେଙ୍କୁ ମଧ୍ୟ ସାକ୍ଷାତ କରିଥିଲେ। ନୂଆଦିଲ୍ଲୀ ଗସ୍ତ ସାରି ଡକ୍ଟର ଦୋର୍ଜି ବିହାରର ବୋଧଗୟା ଓ ରାଜଗିରି ପରିଦର୍ଶନରେ ଯିବେ। ସେଠାରୁ ସେ କୋଲକାତା ଯିବେ ଏବଂ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ଏବଂ ରାଜ୍ୟପାଳଙ୍କୁ ସାକ୍ଷାତ କରିବେ। ଦୁଇ ଦେଶ ମଧ୍ୟରେ ଉଚ୍ଚ ସ୍ତରୀୟ ମତାମତ ଓ ଭାବ ବିନିମୟ ପାଇଁ ନିୟମିତ ଗସ୍ତ ପରମ୍ପରା ଅନୁଯାୟୀ ଡକ୍ଟର ଦୋର୍ଜି ଭାରତ ଗସ୍ତରେ ଆସିଛନ୍ତି। 2019 ନଭେମ୍ବର 7 ତାରିଖରେ ସେ ଦେଶର ପ୍ରଧାନମନ୍ତ୍ରୀ ଲୋତୟେ ଶେରିଙ୍ଗଙ୍କ ଶାସନ କାଳ ବର୍ଷେ ପୂରଣ ଅବସରରେ ସେ ଦେଶର ଏହି ଉଚ୍ଚ ସ୍ତରୀୟ ପ୍ରତିନିଧି ଦଳ ଭାରତ ଗ...

ଶ୍ରୀଲଙ୍କାରେ ଗତ ଶନିବାର ଦିନ ରାଷ୍ଟ୍ରପତି ପଦ ପାଇଁ ନିର୍ବାଚନ ଅନୁଷ୍ଠିତ ହୋଇଛି | ଶ୍ରୀଲଙ୍କା ପୋଡୁଜନ ପେରାମୁନା(ଏସଏଲପିପି)ର ଶ୍ରୀ ଗୋତବାୟା ରାଜପକ୍ଷେ ମୋଟ 52.25 ପ୍ରତିଶତ ଭୋଟ ପାଇ ଦେଶର ସପ୍ତମ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି | ଶ୍ରୀଲଙ୍କାର ଅନୁରାଧାପୁର ନଗରୀରେ ପଦ ଓ ଗୋପନୀୟତାର ଶପଥ ପାଠ କରିବେ ବୋଲି ସେ ଘୋଷଣା କରିଛନ୍ତି | ଶ୍ରୀଲଙ୍କାର ନୂତନ ରାଷ୍ଟ୍ରପତି ଭାବେ ନିର୍ବାଚିତ ହୋଇଥିବାରୁ ଭାରତର ପ୍ରଧାନମନ୍ତ୍ରୀ ସମେତ ବିଶ୍ଵନେତା ମାନେ ଶ୍ରୀ ଗୋତବାୟା ରାଜପକ୍ଷେଙ୍କୁ ଅଭିନନ୍ଦନ ଜଣାଇଛନ୍ତି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ବାର୍ତ୍ତାରେ କହିଛନ୍ତି ଭାରତ ଓ ଶ୍ରୀଲଙ୍କା ମଧ୍ୟରେ ସମ୍ପର୍କକୁ ଆହୁରି ଘନିଷ୍ଠ କରିବା ପାଇଁ ନବ ନିର୍ବାଚିତ ଶ୍ରୀଲଙ୍କା ରାଷ୍ଟ୍ରପତି ତାଙ୍କ ସହ ମିଳିମିଶି କାମ କରିବାକୁ ପ୍ରତିଶ୍ରୁତି ଦେଇଛନ୍ତି | ଭାରତର ଜନସାଧାରଣ ଓ ନିଜ ତରଫରୁ ଶ୍ରୀ ଗୋତବୟାଙ୍କୁ ଶୁଭେଚ୍ଛା ଜଣାଇ ଶ୍ରୀ ମୋଦୀ କହିଛନ୍ତି ଯେ ଶ୍ରୀ ରାଜପକ୍ଷେଙ୍କ ଦକ୍ଷ ନେତୃତ୍ଵ ଅଧୀନରେ ଶ୍ରୀଲଙ୍କା ଶାନ୍ତି ଓ ସମୃଦ୍ଧି, ଭାଇଚାରା, ସାଂସ୍କୃତିକ ଓ ଐତିହାସିକ ପ୍ରଗତି ପଥରେ ଆଗେଇ ଚାଲିବ ଏବଂ ଭାରତ ଓ ଶ୍ରୀଲଙ୍କା ମଧ୍ୟରେ ବହୁ ଦିନରୁ ପୁରୁଣା ସମ୍ପର୍କ ଆହୁରି ମଜବୁତ ହେବ ବୋଲି ତାଙ୍କର ଦୃଢ ବିଶ୍ଵାସ ରହିଛି | ଏହିସବୁ ଲକ୍ଷ ହାସଲ ପାଇଁ ଶ୍ରୀଲଙ୍କାର ନୂଆଁ ସରକାର ସହ ହାତକୁ ହାତ ମିଳାଇ ଭାରତ କାର୍...

ପାର୍ଲାମେଣ୍ଟର ଶୀତକାଳିନ ଅଧିବେଶନ ନଭେମ୍ବର 18ରୁ ଆରମ୍ଭ ହୋଇ ଡିସେମ୍ବର 13 ତାରିଖରେ ଶେଷ ହେବ | ଏହି ଅଧିବେଶନରେ ଅନେକ ବିଲ ଉପସ୍ଥାପନ ହେବ | ଦୁଇଟି ଗୁରୁତ୍ଵପୂର୍ଣ୍ଣ ଅଧ୍ୟାଦେଶ ଏହି ଅଧିବେଶନ କାଳରେ ଆଇନରେ ପରିଣତ ହେବାର ସମ୍ଭାବନା ରହିଛି | ଜାତୀୟ ସ୍ଵାର୍ଥ ପରିପ୍ରେକ୍ଷୀରେ ଏହି ଅଧିବେଶନ ତିନୋଟି ପ୍ରମୁକ ପ୍ରସଙ୍ଗ ନୀତି, ଫଳାଫଳ ଏବଂ ରାଜନୈତିକ ସହମତି ଦୃଷ୍ଟିରୁ ଗୁରୁତ୍ଵ ବହନ କରିବ | ବିରୋଧି ଦଳମାନେ ସରକାରଙ୍କୁ ସାମାଜିକ, ରାଜନୈତିକ ଏବଂ ଅର୍ଥନୈତିକ ପ୍ରସଙ୍ଗକୁ ନେଇ ଘେରିବାର ସମ୍ଭାବନା ରହିଛି | ବିଗତ ଦୁଇ ବର୍ଷ ହେଲା ଶୀତକାଳିନ ଅଧିବେଶନ ନଭେମ୍ବର 21ରେ ଆରମ୍ଭ ହୋଇ ଜାନୁୟାରୀ ପ୍ରଥମ ସପ୍ତାହରେ ଶେଷ ହୋଇଥାଏ | ଚଳିତ ବର୍ଷ ବର୍ଷାକାଳିନ ଅଧିବେଶନରେ ଟ୍ରିପଲ ତଲାକ, ମୋଟର ଯାନ ଆଇନ, ଜାତୀୟ ତଦନ୍ତ ସଂସ୍ଥା ସଂଶୋଧନ ଆଇନ ଏବଂ ଗୁରୁତ୍ଵପୂର୍ଣ୍ଣ 370 ଧାରା ଜମ୍ମୁ କଶ୍ମୀରରୁ ଉଚ୍ଛେଦ ପରି ଗୁରୁତ୍ଵପୂର୍ଣ୍ଣ ବିଲ ପାସ ହୋଇଥିଲା | ବିଜେପି ଏହାର ପ୍ରଥମ ପାଳି ସରକାର ସମୟରେ ନାଗରିକ ସଂଶୋଧନ ଆଇନ ପାର୍ଲାମେଣ୍ଟରେ ଉପସ୍ଥାପନ କରିଥିବା ବେଳେ ଏଥର ପୁଣି ତାକୁ ଉପସ୍ଥାପନ କରିବ | ସେହିପରି ଆର୍ଥିକ ମାନ୍ଦାବସ୍ଥାକୁ ଦୂର କରିବା ପାଇଁ କ୍ୟାବିନେଟ ଅନୁମୋଦନ କରିଥିବା ଦୁଇଟି ଅଧ୍ୟାଦେଶକୁ ଏହି ଅଧିବେଶନରେ ପାସ କରିବାକୁ ସରକାର ଚେଷ୍ଟା କରିବେ | ବିରୋଧି ଦଳ ପକ୍ଷରୁ ଦେଶର ଆର୍ଥିକ ପରିସ୍ଥିତି ଏବଂ ଜମ୍...

ଭାରତର ବହୁପକ୍ଷୀୟ ଆଭିମୁଖ୍ୟରେ ଏହାର ବିଦେଶୀ ନୀତିରେ ବ୍ରିକ୍ସ ସମୂହର ଏକ ଅତ୍ୟନ୍ତ ମହତ୍ବପୂର୍ଣ୍ଣ କୌଶଳଗତ ସ୍ଥାନ ରହିଛି | ବିଶ୍ଵ ଭୂ-ରାଜନୀତିରୁ ଭୂ-ଅର୍ଥନୀତିକୁ ଗତି କରୁଥିବା ସମୟରେ, ବ୍ରିକ୍ସ ରାଷ୍ଟ୍ରମାନଙ୍କରେ ଉଭା ହେଉଥିବା ଅର୍ଥବ୍ୟବସ୍ଥା ଭବିଷ୍ୟତରେ ବିଶ୍ଵର ପ୍ରମୁଖ ସଂସ୍ଥା ମଧ୍ୟରେ ପରିଗଣିତ ହେବ | ଏହି ସନ୍ଦର୍ଭରେ ବ୍ରାଜିଲର ରାଜଧାନୀ ବ୍ରସିଲିଆରେ ଏକାଦଶ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଯୋଗଦାନ ଗୁରୁତ୍ୱପୂର୍ଣ୍ଣ ମନେ କରାଯାଉଛି | ଶିଖର ସମ୍ମିଳନୀ ହେବା ପୂର୍ବରୁ ପ୍ରଧାନମନ୍ତ୍ରୀ ମୋଦୀ ସମ୍ମିଳନୀର ମହତ୍ଵ ଉପରେ ବର୍ଣ୍ଣନା କରିବାକୁ ଯାଇ କହିଥିଲେ ଯେ ଭାରତ ଓ ବ୍ରିକ୍ସର ଅନ୍ୟ ସଦସ୍ୟ ରାଷ୍ଟ୍ର ମାନେ ବ୍ରିକ୍ସ ଢାଞ୍ଚା ମଧ୍ୟରେ ଆତଙ୍କବାଦ ବିରୁଦ୍ଧରେ ସହଯୋଗ ପାଇଁ ଏକ ବ୍ୟବସ୍ଥା ଗଠନ ଲାଗି ଯୋଜନା କରୁଛନ୍ତି | ଭାରତର ପ୍ରଧାନମନ୍ତ୍ରୀ ବ୍ରିକ୍ସ ବ୍ୟବସାୟ ପରିଷଦରେ ଉଦବୋଧନ ବେଳେ କହିଥିଲେ ଯେ ବିଶ୍ଵ ମାନ୍ଦାବସ୍ଥା ଦେଇ ଗତି କରୁଥିବା ବେଳେ ବିଶ୍ଵ ଆର୍ଥିକ ଅଭିବୃଦ୍ଧିର 50 ପ୍ରତିଶତ ବ୍ରିକ୍ସ ରାଷ୍ଟ୍ର ଗୁଡିକର ଅବଦାନ ରହିଛି | ତେବେ ଏହା ସତ୍ତ୍ୱେ ମଧ୍ୟ ଏହି ରାଷ୍ଟ୍ର ଗୋଷ୍ଠୀର ଆର୍ଥିକ ଅଭିବୃଦ୍ଧିକୁ ତ୍ୱରାନ୍ୱିତ କରିବା ସହ ଜ୍ଞାନକୌଶଳ ଓ ଅଭିନବ ପ୍ରୟାସ ବଳରେ ଲକ୍ଷ ଲକ୍ଷ ଲୋକଙ୍କୁ ଦାରିଦ୍ର୍ୟମୁକ୍ତ କରାଯାଇପାରିଛି | ଆମ ବଜାରର ଆକାର ଓ ବିବିଧତା ପରସ୍ପର ମଧ୍ୟରେ ...

ବ୍ରାସିଲିଆରେ ବ୍ରିକ୍ସ ଶିଖର ସମ୍ମିଳନୀର ସଫଳ ସମାପନ ବ୍ରିକ୍ସ ସଦସ୍ୟ ରାଷ୍ଟ୍ର ସମୂହର ଗତିଶୀଳତା ଓ ବୃଦ୍ଧି ପାଉଥିବା ପ୍ରାସଙ୍ଗିକତାର ଏକ ନିଦର୍ଶନ | ଏହି ଶିଖର ବୈଠକ ପରେ ଜାରୀ ମିଳିତ ବିବୃତ୍ତିରେ କୁହାଯାଇଛି ଯେ ବ୍ରିକ୍ସ ରାଷ୍ଟ୍ର ସମୂହ ବିଗତ ଦଶନ୍ଧିରେ ବୈଶ୍ଵିକ ଅଭିବୃଦ୍ଧି କ୍ଷେତ୍ରରେ ପ୍ରମୁଖ ପ୍ରେରକ ଭାବେ ଭୂମିକା ନିଭାଇଛି | ବ୍ରିକ୍ସର ଆବିର୍ଭାବ ଉଭା ହୋଇଥିବା ବିଶ୍ଵସ୍ତରୀୟ ଅର୍ଥବ୍ୟବସ୍ଥାରେ ପରିବର୍ତ୍ତନକୁ ପ୍ରତିଫଳିତ କରିଥାଏ | ବ୍ରିକ୍ସ କେବଳ ପଶ୍ଚିମର ପ୍ରଭାବ ବିସ୍ତାର ଉପରେ ସ୍ଵର ଉତଥାପନ କରିନାହିଁ ବରଂ ଏହା ଏକ ନୂତନ ଚିନ୍ତାଧାରା ଓ ଏକ ନୂତନ ବିଶ୍ଵ ଦୃଷ୍ଟିକୋଣର ଆକାର ଦେବାକୁ ପ୍ରୟାସ କରୁଛି | ଏକାଦଶ ବ୍ରିକ୍ସ ଶିଖର ସମ୍ମିଳନୀର ଶୀର୍ଷକ ଥିଲା “ ଏକ ଅଭିନବ ଭବିଷ୍ୟତ ପାଇଁ ଆର୍ଥିକ ବିକାଶ” | ଅଭିନବତାର ଇତିହାସ ବିଚାରଧାରାର କାହାଣୀ ଉପରେ ଆଧାରିତ | ଆମେ ଯଦି ଅଭିନବତା କ୍ଷେତ୍ରରେ ଆଗେଇବା ନାହିଁ ତେବେ ଆମକୁ ଅନିଶ୍ଚିତତା ଦେଇ ଗତି କରିବାକୁ ପଡିବ | ବ୍ରିକ୍ସ ନେତୃବୃନ୍ଦଙ୍କ ଦ୍ଵାରା ଜାରି ମିଳିତ ବିବୃତ୍ତିରେ ଜାତିସଂଘ ତଥା ବିଶ୍ଵ ବାଣିଜ୍ୟ ସଂଗଠନ ଓ ଆନ୍ତର୍ଜାତୀୟ ମୁଦ୍ରା ପାଣ୍ଠି ସମେତ ଅନ୍ୟାନ୍ୟ ବହୁପକ୍ଷୀୟ ସଂଗଠନ ଗୁଡିକୁ ଆହୁରି ମଜବୁତ କରିବା ସହ ଏଥିରେ ସଂସ୍କାର ଆଣିବା ଲାଗି ଆବଶ୍ୟକତା ଉପରେ ଆହ୍ଵାନ ଦିଆଯାଇଛି | ବହୁପକ୍ଷୀୟବାଦକୁ ବିଭିନ୍ନ ଆନ୍ତର୍ଜାତୀୟ କ୍ଷେତ୍ର...

ମୋଦୀ ସରକାରଙ୍କ ଦ୍ଵିତୀୟ କାର୍ଯ୍ୟକାଳର ପ୍ରମୁଖ ପ୍ରାଥମିକତା ଗୁଡିକ ମଧ୍ୟରେ ଆମେରିକା ସହ ‘ବୈଶ୍ଵିକ ରଣନୀତିକ ଭାଗୀଦାରୀତା’ ସ୍ଥାପନା କରିବା ଅନ୍ୟତମ ଅଟେ | ଆମେରିକା, ସମ୍ପ୍ରତ୍ତି କିଛି ବର୍ଷରେ ଭାରତର ଅର୍ଥନୈତିକ ପରିବର୍ତ୍ତନରେ ଏକ ଅପରିହାର୍ଜ୍ୟ ଭାଗିଦାରୀ ଭାବେ ଉଭା ହୋଇଛି ଓ ବିଶ୍ଵ ସ୍ତରୀୟ ମଞ୍ଚରେ ଏକ ପ୍ରମୁଖ ଭୂମିକା ନିଭାଉଛି | ପ୍ରତିରକ୍ଷା ଭାଗୀଦାରୀତା ହେଉଛି ଦ୍ଵିପକ୍ଷୀୟ ସମ୍ପର୍କର ଏକ ପ୍ରମୁଖ ସ୍ତମ୍ଭ | ନିକଟ କିଛି ବର୍ଷ ମଧ୍ୟରେ ଏକ୍ଷେତ୍ରରେ ଦ୍ଵିପକ୍ଷୀୟ ସମ୍ପର୍କ ଆହୁରି ମଜବୁତ ହୋଇଛି | ଭାରତ ଓ ଆମେରିକା ମଧ୍ୟରେ ପ୍ରଥମ ଭାରତ ଆମେରିକା ମିଳିତ ତ୍ରି-ସେବା ମାନବୀୟ ସହାୟତା ଏବଂ ଦୁର୍ବିପାକ ରିଲିଫ (ଏଚଏଡ଼ିଆର) ଅଭ୍ୟାସ ନଭେମ୍ବର 13 ରୁ 21 ତାରିଖ ପର୍ଯ୍ୟନ୍ତ ଆନ୍ଧ୍ରପ୍ରଦେଶ ଉପକୂଳରେ କରାଯାଉଛି | ଏହି ତ୍ରି-ସେବା ଅଭ୍ୟାସ “ଟାଇଗର ଟ୍ରମ୍ଫ“ରେ ଆମେରିକାର ନୌବାହିନୀ ଓ ସାମରିକ ପର୍ଯ୍ୟବେକ୍ଷଣ ଟିମର ଏକ ସ୍ଵତନ୍ତ୍ର ବାହିନୀ, ଭାରତୀୟ ନୌବାହିନୀର ଦୂରଗାମୀ ସାମୁଦ୍ରିକ ସର୍ବେକ୍ଷଣକାରୀ ପି8i, ବୁଡାଜାହାଜ ନିରୋଧୀ ଯୁଦ୍ଧ ବିମାନ ଆଦି ଅଂଶଗ୍ରହଣ କରୁଛନ୍ତି | ବିଶାଖାପାଟଣା ଠାରେ ନଭେମ୍ବର 13 ରୁ 16 ତାରିଖ ପର୍ଯ୍ୟନ୍ତ ‘ପୋତାଶ୍ରୟ ପର୍ଯ୍ୟାୟ’ରେ ଓ କାକିନାଡା ଠାରେ ନଭେମ୍ବର 17 ରୁ 21 ତାରିଖ ପର୍ଯ୍ୟନ୍ତ ଦ୍ଵିତୀୟ ପର୍ଯ୍ୟାୟରେ ସମରାଭ୍ୟାସ ହେବ | ଏହି ଅଭ୍ୟାସରେ ଭାରତୀୟ ସେନାବାହିନୀର...

ପାକିସ୍ତାନର ରାଷ୍ଟ୍ରପତିଙ୍କ ଠାରୁ ବୈଦେଶିକମନ୍ତ୍ରୀ ପର୍ଯ୍ୟନ୍ତ ପାକିସ୍ତାନ ପ୍ରତିଷ୍ଠାନର ସର୍ବୋଚ୍ଚ ନେତା ମାନେ ଭାରତର ଏକ ସମ୍ପୁର୍ଣ୍ଣ ଆଭ୍ଯନ୍ତରୀଣ ମାମଲା ଉପରେ ମନ୍ତବ୍ୟ ପ୍ରକାଶ କରିଛନ୍ତି | 9 ନଭେମ୍ବର 2019ରେ ଭାରତର ସର୍ବୋଚ୍ଚ ଅଦାଲତର ପାଞ୍ଚ ଜଣିଆ ସମ୍ବିଧାନ ପୀଠ ସର୍ବସମ୍ମତିକ୍ରମେ ଉତ୍ତରପ୍ରଦେଶର ଅଯୋଧ୍ୟା ଠାରେ ଏକ ରାମମନ୍ଦିର ନିର୍ମାଣ ଲାଗି ଏକ ଐତିହାସିକ ରାୟ ଶୁଣାଇଛନ୍ତି | ଏହି ରାୟ ଦ୍ଵାରା ବହୁ ପୁରୁଣା ଅଯୋଧ୍ୟା ଜମି ବିବାଦ ମାମଲାର ସମାଧାନ ହୋଇଛି | ସମାଜର ସବୁ ବର୍ଗ ଦ୍ଵାରା ଏହି ରାୟ ପ୍ରତି ସ୍ଵାଗତ କରାଯାଇଛି | ଖଣ୍ଡପୀଠ, ଅଯୋଧ୍ୟାର ଏକ ପ୍ରମୁଖ ସ୍ଥଳୀରେ ଏକ ମସଜିଦ ନିର୍ମାଣ ଲାଗି ପାଞ୍ଚ ଏକର ଜମି ଆବଣ୍ଟନ କରିଛନ୍ତି | ଏହି ସ୍ଥାନକୁ ଉଭୟ କେନ୍ଦ୍ରସରକାର ଓ ଉତ୍ତରପ୍ରଦେଶ ସରକାର ମିଳିତ ଭାବେ ଚିହ୍ନଟ କରିବେ | ଅଦାଲତ ସରକାରଙ୍କୁ ଏକ ଟ୍ରଷ୍ଟ ଗଠନ କରିବାକୁ ନିର୍ଦ୍ଦେଶ ଦେଇଛନ୍ତି | ତିନି ମାସ ମଧ୍ୟରେ ଏକ ଟ୍ରଷ୍ଟ ଗଠନ ହେବ ଓ ଏହି ବିବାଦୀୟ ଜମିକୁ ଉକ୍ତ ଟ୍ରଷ୍ଟକୁ ହସ୍ତାନ୍ତର କରାଯିବ | ଅଯୋଧ୍ୟା ରାମ ଜନ୍ମଭୂମି-ବାବ୍ରୀ ମସଜିଦ ଜମି ବିବାଦ ମାମଲାର ରାୟ ପ୍ରତି ସବୁ ପକ୍ଷ ସ୍ଵାଗତ ଜଣାଇଛନ୍ତି | ଏହି ଐତିହାସିକ ରାୟ ପ୍ରତି ସନ୍ତୋଷ ବ୍ୟକ୍ତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କ ଉଦ୍ଦେଶ୍ୟରେ ଉଦବୋଧନ ଦେଇ କହିଥିଲେ ଯେ ଭାରତୀୟ ସମାଜର ସବୁ ବର୍ଗ, ସବୁ ସମୁଦାୟ, ସବୁ ...

ଭାରତର ବୈଦେଶିକ ବ୍ୟାପାର ମନ୍ତ୍ରୀ ଡଃ ଏସ ଜୟଶଙ୍କର ସର୍ବିଆକୁ ଏକ ସଫଳ ଗସ୍ତ କରିଛନ୍ତି | ସେ ସର୍ବିଆରେ ତାଙ୍କ ପ୍ରତିପକ୍ଷ ଇଭିକା ଡେସିକଙ୍କ ସହ ବୈଠକ କରିବା ସହିତ ବେଲଗ୍ରେଡରେ ସର୍ବିଆର ରାଷ୍ଟ୍ରପତି ଆଲେକଜାଣ୍ଡାର ବୁସିକ ଓ ନେସନାଲ ଏସେମ୍ବ୍ଲିର ବାଚସ୍ପତିଙ୍କ ସହ ମଧ୍ୟ ସାକ୍ଷାତ ଆଲୋଚନା କରିଥିଲେ | ଏହି କଥାବାର୍ତ୍ତା ସମୟରେ ଏକବିଂଶ ଶତାବ୍ଦୀର ଆବଶ୍ୟକତା ଅନୁଯାୟୀ ଦ୍ଵିପକ୍ଷୀୟ ଭାଗୀଦାରୀତାରେ ପରିବର୍ତ୍ତନ ଆଣିବା ଉପରେ ମୁଖ୍ୟତଃ ଆଲୋଚନା କରାଯାଇଥିଲା | ପ୍ରତିରକ୍ଷା ସହଯୋଗ ରାଜିନାମାରେ ସ୍ଵାକ୍ଷର କରିବା ଏହି ଗସ୍ତର ମୂଳ ଉଦ୍ଦେଶ୍ୟ ଥିଲା ଯାହାକି ଭବିଷ୍ୟତରେ ଦ୍ଵିପକ୍ଷୀୟ ସମ୍ପର୍କକୁ ଆହୁରି ସୁଦୃଢ କରିବ । ଭାରତ-ସର୍ବିଆ ମଧ୍ୟରେ ସମ୍ପର୍କ ଇତିହାସ ସହିତ ଜଡିତ ରହିଛି | ସର୍ବିଆ ପୂର୍ବ ଯୁଗୋସ୍ଲାଭିଆର ଏକ ଅଂଶବିଶେଷ | ଭାରତ ଓ ପୂର୍ବ ଯୁଗୋସ୍ଲାଭିଆ ହେଉଛନ୍ତି ଗୋଷ୍ଠୀ ନିରପେକ୍ଷ ଆନ୍ଦୋଳନ (ଏନଏଏମ) ର ପ୍ରତିଷ୍ଠାତା ସଦସ୍ୟ | ଏହି ଆନ୍ଦୋଳନରେ ପରସ୍ପରର ଜାତୀୟ ଚେତନାରେ ପଣ୍ଡିତ ଜବାହରଲାଲ ନେହେରୁ ଓ ଜୋସେଫ ଟିଟୋଙ୍କ ନାମ ପ୍ରସ୍ତାବିତ କରାଯାଇଥିଲା | ଏହି ଦୁଇ ଦେଶର ଅତୀତରେ, ସ୍ଵାମୀ ବିବେକାନନ୍ଦ ଓ ରବୀନ୍ଦ୍ରନାଥ ଟାଗୋରଙ୍କ ସର୍ବିଆର ବୁଦ୍ଧିଜୀବୀଙ୍କ ମାନଙ୍କ ସହ ଭାବନାର ଆଦାନ ପ୍ରଦାନ ପ୍ରତିଫଳିତ ହୋଇଥାଏ | ତେବେ ସେମାନଙ୍କ ମଧ୍ୟରେ ଥିବା ଅସାଧାରଣ ବନ୍ଧୁତ୍ବପୂର୍ଣ୍ଣ ସମ୍ପର୍କ ଶୀତଳ ଯୁଦ୍ଧ ଶେ...

2015 ପ୍ୟାରିସ ଜଳବାୟୁ ରାଜିନାମାରୁ ଓହରିଯିବା ନେଇ ଯୁକ୍ତରାଷ୍ଟ୍ର ଆମେରିକାର ନିଷ୍ପତ୍ତି କେବଳ ବିଶ୍ଵ ପାଇଁ ନୁହେଁ ବରଂ ତା ନିଜ ପାଇଁ ମଧ୍ୟ ଏକ ବଡ ଉଦବେଗର କାରଣ ପାଲଟିଛି | ଗତ ସୋମବାର ଦିନ ଟ୍ରମ୍ଫ ପ୍ରଶାସନ ଜାତିସଂଘକୁ ଆନୁଷ୍ଠାନିକ ଭାବେ ଜଣେଇବା ପରେ ଏହି ପ୍ରତ୍ୟାହାର ପ୍ରକ୍ରିୟା ଆରମ୍ଭ ହୋଇଯାଇଛି | ବିଜ୍ଞପ୍ତି ଜାରି ହେବାର ଗୋଟିଏ ବର୍ଷ ପରେ ଏହାକୁ ଲାଗୁ କରାଯିବ | ସ୍ପେନର ମେଡ୍ରିଡରେ ଡିସେମ୍ବର 2 ରୁ 13 ତାରିଖ ପର୍ଯ୍ୟନ୍ତ ହେବାକୁ ଥିବା ଜାତିସଂଘର ଜଳବାୟୁ COP25 ସମ୍ମିଳନୀର ମାତ୍ର ଗୋଟିଏ ମାସ ପୂର୍ବରୁ ଏହି ଘୋଷଣାନାମା ପ୍ରକାଶ ପାଇଛି | ସାଣ୍ଟିଆଗୋରେ ଏହି ବୈଠକର ଆୟୋଜନ କରିବାର ଥିଲା କିନ୍ତୁ ଦେଶୀୟ ତିକ୍ତତା ଯୋଗୁଁ ଚିଲି ଏଥିରୁ ଓହରିଗଲା | 2015ରେ ପ୍ରାୟ 200ଟି ଦେଶ ପ୍ୟାରିସ ରାଜିନାମାରେ ସ୍ଵାକ୍ଷର କରିଥିଲେ | ତାପମାତ୍ରା ବିପଦସ୍ତରରୁ ଯେପରି ଅଧିକ ମାତ୍ରାରେ ବୃଦ୍ଧି ନପାଇବ ସେଥିପାଇଁ ଗ୍ରୀନହାଉସ ଗ୍ୟାସ (ଜିଏଚଜି) ନିର୍ଗମନ ହ୍ରାସ କରିବା ହେଉଛି ଏହାର ମୂଳ ଉଦ୍ଦେଶ୍ୟ | ବିଶ୍ଵର ହାରାହାରି ତାପମାତ୍ରାରେ ବୃଦ୍ଧିକୁ 2 ଡିଗ୍ରୀ ସେଲସିସରୁ ତଳେ ରଖିବା ହେଉଛି ଏହାର ଲକ୍ଷ୍ୟ | ଆମେରିକା ଦ୍ଵାରା ନିଆଯାଇଥିବା ନିଷ୍ପତ୍ତି ଯୋଗୁଁ ବିଶ୍ଵ ଲକ୍ଷ ସାଧନ ଦିଗରେ ସାଂଘାତିକ ବିପଦର ସମ୍ମୁଖୀନ ହୋଇପାରେ | ଆମେରିକା ହେଉଛି ଏକମାତ୍ର ଦେଶ ଯିଏକି ଚୁକ୍ତିରୁ ଓହରିଯିବା ନେଇ ଘୋଷଣା କରିଛି | ...

ଆମେରିକାର ବୈଦେଶିକ ବିଭାଗ 2018 ବର୍ଷ ପାଇଁ ପାକିସ୍ତାନରେ ସନ୍ତ୍ରାସବାଦ ଉପରେ ଏହାର ରିପୋର୍ଟ ଜାରି କରିଛି | ଏହି ରିପୋର୍ଟରେ ସନ୍ତ୍ରାସବାଦ ବିରୁଦ୍ଧରେ ସଂଗ୍ରାମ ଲାଗି ପାକିସ୍ତାନ ଦ୍ଵାରା ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିବା ବିଷୟ ଉଲ୍ଲେଖ କରାଯାଇଛି | ବିଭିନ୍ନ ଦେଶରେ ଆତଙ୍କବାଦର ସ୍ଥିତି ନେଇ ଆମେରିକା କଂଗ୍ରେସ ଦ୍ଵାରା ଆକଳନ କରାଯାଇଛି | ଏହି ରିପୋର୍ଟ ବିଭିନ୍ନ ପରିପ୍ରେକ୍ଷୀରେ ପାକିସ୍ତାନ ପାଇଁ ସମାଲୋଚନାତ୍ମକ ଅଟେ | ଏଥିରେ କୁହାଯାଇଛି ଯେ ଇସଲାମାବାଦ, ଲସ୍କର-ଇ–ତୋଇବା ଓ ଜୈଶ-ଇ-ମହମ୍ମଦ ସନ୍ତ୍ରାସବାଦୀ ସଙ୍ଗଠନକୁ ପାକିସ୍ତାନରେ ସହାବସ୍ଥାନ କରିବା, ନିଯୁକ୍ତି ଦେବା ଓ ତାଲିମ ଦେବାରୁ ରୋକିବାରେ ବିଫଳ ହୋଇଛି | ଜୁଲାଇ 2018ରେ ସାଧାରଣ ନିର୍ବାଚନରେ ପ୍ରତିଦ୍ୱନ୍ଦିତା କରିବା ପାଇଁ ଲସ୍କର ସଂଗଠନ ସହ ଜଡିତ ଥିବା ସଦସ୍ୟ ମାନଙ୍କୁ ପାକିସ୍ତାନ ସରକାର ଅନୁମତି ଦେଇଥିବା ନେଇ ପ୍ରମାଣ ମିଳିଥିବା ବିଷୟ ମଧ୍ୟ ଏହି ରିପୋର୍ଟରେ ଦର୍ଶାଯାଇଛି | କୁଖ୍ୟାତ ସନ୍ତ୍ରାସବାଦୀ ମାନଙ୍କୁ ଜାତୀୟ ମୁଖ୍ୟସ୍ରୋତରେ ଆଣି ସନ୍ତ୍ରାସବାଦୀ ସଂଗଠନ ଗୁଡିକୁ ରାଜନୈତିକ କ୍ଷମତା ହସ୍ତାନ୍ତରିତ କରିବା ଥିଲା ଏହାର ମୂଳ ଉଦ୍ଦେଶ୍ୟ | ଭାଗ୍ୟ ବଶତଃ ପାକିସ୍ତାନର ନିର୍ବାଚନ କମିଶନ ଏହାକୁ ଅନୁମତି ଦେଇନଥିଲେ | ଅର୍ଥ ହେରଫେର ଓ ସନ୍ତ୍ରାସବାଦ ଅର୍ଥ ଯୋଗାଣ ବିଷୟ ନେଇ ଏହି ରିପୋର୍ଟରେ କୁହାଯାଇଛି ଯେ ଏପରି କାର୍ଯ୍ୟକଳ...

ବର୍ତ୍ତମାନ ସମୟରେ ବିଶ୍ଵ ଆର୍ଥିକ ମାନ୍ଦାବସ୍ଥା ଦେଇ ଗତି କରୁଥିବା ବେଳେ ଭାରତରେ ଭାରତୀୟ ଜନତା ପାର୍ଟି ନେତୃତ୍ଵାଧୀନ ଏନଡ଼ିଏ ସରକାର ଘର କିଣିବା ଲାଗି ଫସି ଯାଇଥିବା ଗ୍ରାହକ ମାନଙ୍କୁ ସହାୟତା ପ୍ରଦାନ କରିବା ଲାଗି ପାଣ୍ଠି ଗଠନ କରିଛନ୍ତି | ଏଥିପାଇଁ ରିଅଲ ଇଷ୍ଟେଟ କ୍ଷେତ୍ରରୁ ଦୀର୍ଘ ସମୟରୁ ଦାବି କରାଯାଉଥିଲା | ଭାରତୀୟ ଅର୍ଥବ୍ୟବସ୍ଥାକୁ ଉଚିତ ଦିଗଦର୍ଶନ ଦେବା ଲାଗି ଏହା ହେଉଛି ଏକ ସକାରାତ୍ମକ ପଦକ୍ଷେପ | ଉଚ୍ଚ ଅଭିବୃଦ୍ଧି ହାର ବଜାୟ ରଖିବା ଓ ଅର୍ଥବ୍ୟବସ୍ଥାର ସମ୍ପ୍ରସାରଣ ଭଳି ଆହ୍ଵାନର ସମ୍ମୁଖୀନ ହେବା ସମୟରେ ସରକାର ରିଅଲ ଇଷ୍ଟେଟ କ୍ଷେତ୍ର ଲାଗି 25 ହଜାର କୋଟି ଟଙ୍କାର ନୂତନ ପାଣ୍ଠି ମଞ୍ଜୁର କରିଛନ୍ତି | ଦେଶରେ 1600 ଆବାସିକ ପ୍ରକଳ୍ପ ଅଧା ବାଟରେ ଲଟକି ରହି କାର୍ଯ୍ୟ ଅସମ୍ପୂର୍ଣ୍ଣ ରହିଛି ଯେଉଁଥିରେ 4 ଲକ୍ଷ 58 ହଜାର ଘର ନିର୍ମାଣଧୀନ ରହିଛି | ତେବେ ଏଥିରୁ କେବଳ ସେହି ପ୍ରକଳ୍ପକୁ ପାଣ୍ଠି ଦିଆଯିବ ଯେଉଁ ମାନଙ୍କ ଆର୍ଥିକ ସ୍ଥିତି ଭଲ ଥିବ |ଋଣ ଦେଇଥିବା ବ୍ୟାଙ୍କ ଯଦି କୌଣସି ପ୍ରକଳ୍ପକୁ ଏହି ପାଣ୍ଠିରୁ ଟଙ୍କା ଦିଆଯାଉ ବୋଲି କହିବେ ତେବେ ସେଭଳି କ୍ଷେତ୍ରରେ ଉକ୍ତ କମ୍ପାନୀକୁ ମଧ୍ୟ ଏହି ପାଣ୍ଠିରୁ ଟଙ୍କା ଦିଆଯିବ | ଅର୍ଥମନ୍ତ୍ରୀ ନିର୍ମଳା ସିଥାରମଣ ସୂଚନା ଦେଇଛନ୍ତି ଯେ ଦେଶବ୍ୟାପୀ ଅଚଳ ରହିଥିବା ଆବାସିକ ପ୍ରକଳ୍ପରେ ନିଜର ଗୃହ ଋଣର ଇଏମଆଇ ପରିଶୋଧ କରିବାରେ ବିଫଳ ହେଉଥିବା ଗ୍ରାହକ ମାନଙ...

ଭାରତ ଓ ଆମେରିକା ମଧ୍ୟରେ ସପ୍ତମ ଅର୍ଥନୈତିକ ଓ ଆର୍ଥିକ ଭାଗିଦାରୀତା ବୈଠକ ସମ୍ପ୍ରତ୍ତି ନୂଆଦିଲ୍ଲୀରେ ଅନୁଷ୍ଠିତ ହୋଇଛି | ଭାରତ ଓ ଆମେରିକା ମଧ୍ୟରେ ଅର୍ଥନୈତିକ ଭାଗିଦାରୀତାକୁ ଆହୁରି ଦୃଢୀଭୂତ କରିବା ହେଉଛି ଏହି ବୈଠକର ମୂଳ ଉଦ୍ଦେଶ୍ୟ | ଏହି ବୈଠକରେ ଭାରତର ଅର୍ଥମନ୍ତ୍ରୀ ନିର୍ମଳା ସିଥାରମଣ ଭାରତୀୟ ପ୍ରତିନିଧି ଦଳର ନେତୃତ୍ଵ ନେଇଥିବା ବେଳେ ଆମେରିକାର ଟ୍ରେଜେରୀ ସେକ୍ରେଟରୀ ଶ୍ରୀ ଷ୍ଟିଭେନ ମେନୁଚିନ ସେଠାକାର ପ୍ରତିନିଧି ଦଳର ନେତୃତ୍ଵ ନେଇଥିଲେ | 2022 ପାଇଁ ଜି-20 ଶିଖର ବୈଠକର ଅଧ୍ୟକ୍ଷତା କରିବା ପାଇଁ ଭାରତ ପ୍ରସ୍ତୁତି ଚଳେଇଥିବା ବେଳେ ନୂଆଦିଲ୍ଲୀ ବୈଠକରେ ଭାରତକୁ ସବୁ ପ୍ରକାରର ଆବଶ୍ୟକୀୟ ସାହାଯ୍ୟ ସମର୍ଥନ ଯୋଗାଇଦେବା ନେଇ ଆମେରିକା ପ୍ରତିଶ୍ରୁତି ଦେଇଛି | ଏହି ବୈଠକରେ ବୈଶ୍ଵିକ ଋଣ ସ୍ଥିରତା ଓ ଦ୍ଵିପକ୍ଷୀୟ ବିତ୍ତୀୟ କ୍ଷେତ୍ରରେ ପାରଦର୍ଶିତା ଉପରେ ସର୍ବୋଚ୍ଚ ପ୍ରାଥମିକତା ଦିଆଯାଇଥିଲା | ଅର୍ଥନୈତିକ ଅଭିବୃଦ୍ଧି ପାଇଁ ନିବେଶ କ୍ଷେତ୍ରରେ ବୈଶ୍ଵିକ ଏକୀକରଣ ଲାଗି ଭାରତର ଯୋଜନା ଗୁଡିକର ସଂକେତ ମିଳିଛି | ଏହି ଅବସରରେ ଭାରତୀୟ ଅର୍ଥବ୍ୟବସ୍ଥାକୁ ମଜବୁତ କରିବା ଲାଗି ବିଦେଶୀ ନିବେଶକୁ ପ୍ରୋତ୍ସାହନ ଦେବା ନିମନ୍ତେ ବାହ୍ୟ ମାକ୍ରୋ-ଅର୍ଥନୈତିକ ପରିଦୃଶ୍ୟର ବିଶ୍ଳେଷଣ ପାଇଁ ଭାରତର ଉଚ୍ଚାଭିଳାଷ ନେଇ ମଧ୍ୟ ଆଲୋଚନା ହୋଇଥିଲା | ଏହି ଦ୍ଵିପକ୍ଷୀୟ ବୈଠକରେ ବୈଶ୍ଵିକ ଅର୍ଥନୈତିକ ପ୍ରସଙ୍ଗ ଉପରେ ଅଧିକ ଆ...

ରାଷ୍ଟ୍ର, ଜାତୀୟ ସ୍ଵାର୍ଥର ସୁରକ୍ଷା ତଥା ପ୍ରୋତ୍ସାହନ ଲାଗି ରାଷ୍ଟ୍ର ସମୂହ ଓ ଆଞ୍ଚଳିକ ଗୋଷ୍ଠୀ ସହ ବିଚାର ବିମର୍ଶ କରିଥାଏ | ସାତ ବର୍ଷ ପୂର୍ବେ ଆଞ୍ଚଳିକ ବ୍ୟାପକ ଅର୍ଥନୈତିକ ଭାଗୀଦାରୀତା (ଆରସିଇପି) ବୁଝାମଣା ନେଇ କଥାବାର୍ତ୍ତା ଆରମ୍ଭ ହୋଇଥିଲା | ଭାରତ ଏହାର ‘ଲୁକ ଇଷ୍ଟ’ ଓ ପରବର୍ତ୍ତୀ ସମୟରେ ନାମିତ ‘ଆକ୍ଟ ଇଷ୍ଟ ନୀତି’କୁ ଦୃଷ୍ଟିରେ ରଖି ଏହି ସମୂହରେ ସକ୍ରିୟ ଭାବେ ଅଂଶଗ୍ରହଣ କରିବା ସ୍ଵାଭାବିକ ଥିଲା | ଏକ ଆଧୁନିକ, ପାରସ୍ପରିକ ଲାଭପ୍ରଦ ଓ ବ୍ୟାପକ ଆଞ୍ଚଳିକ ସମୂହ ସ୍ଥାପନ କରିବା ଆରସିଇପିର ମୂଳ ଉଦ୍ଦେଶ୍ୟ ଥିଲା ଓ ଭାରତ ପ୍ରତି ବୈଠକରେ ଏହି ଉଦ୍ଦେଶ୍ୟ ସାଧନ ଲାଗି ନିଜ ପକ୍ଷ ଉପସ୍ଥାପନ କରିଆସୁଛି | ପୂର୍ବ ଏସୀୟ ରାଷ୍ଟ୍ର ସହ ଅଧିକାଂଶ ମୁକ୍ତ ବାଣିଜ୍ୟ ରାଜିନାମା (ଏଫଟିଏ) ପ୍ରଭାବିତ ହେବା ପରେ ମଧ୍ୟ ଆଞ୍ଚଳିକ ବନ୍ଧୁତ୍ଵକୁ ଦୃଷ୍ଟିରେ ରଖି ଭାରତ ଆରସିଇପିରେ ଯୋଗ ଦେବା ପାଇଁ ନିଷ୍ପତ୍ତି ନେଇଥିଲା | ଏଫଟିଏ ରାଜିନାମା ହେବା ପରଠୁ ଆସିଆନ, ଜାପାନ ଓ କୋରିଆ ସହ ଭାରତର ବାଣିଜ୍ୟ ନିଅଣ୍ଟ ଦୁଇଗୁଣା ରୁ ଅଧିକ ହୋଇଯାଇଛି | ଏଫଟିଏ ସହଯୋଗୀ ମାନଙ୍କ ଠାରୁ ଆମଦାନୀ ବୃଦ୍ଧି ପାଇଛି କିନ୍ତୁ ବଜାର ସୁବିଧା ଲାଗି ଅଣ-ଶୁଳ୍କ ପ୍ରତିବନ୍ଧକ ଯୋଗୁଁ ଭାରତର ଏଫଟିଏ ଉପଯୋଗ ଦର ହ୍ରାସ ପାଇଛି | ସେବା ରାଜିନାମାରେ ବାଣିଜ୍ୟ କ୍ଷେତ୍ରରେ ଲାଭ କରାଇବା ପାଇଁ ଆଶା ରଖି ଆସିଆନ ସହ ବାଣିଜ୍ୟ ରାଜିନାମା ଅନ୍ତର୍ଗତ ଭାରତ ଅ...