AIR World Service Odia

ଆକାଶବାଣୀ ନେଟୱର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କର ‘ମନ କି ବାତ୍‌’ କାର୍ଯ୍ୟକ୍ରମ ମାଧ୍ୟମରେ ଦେଶକୁ ସମ୍ବୋଧିତ କରିଛନ୍ତି । ‘ମନ କି ବାତ୍‌’ର 68 ତମ ସଂସ୍କରଣରେ ପ୍ରଧାନମନ୍ତ୍ରୀ କହିଛନ୍ତି ଯେ ଯୁବକମାନେ ଉତ୍ସାହର ସହ ‘ଆତ୍ମନିର୍ଭର ଭାରତ’ ଆପ୍ ଇନୋଭେସନ୍ ଚ୍ୟାଲେଞ୍ଜରେ ଅଂଶଗ୍ରହଣ କରିଛନ୍ତି । ସେ ଦର୍ଶାଇଛନ୍ତି ଯେ ପ୍ରାୟ ଦୁଇ ତୃତୀୟାଂଶ ପ୍ରବେଶଗୁଡ଼ିକ ଦ୍ୱିତୀୟ ଏବଂ ତୃତୀୟ ସହରର ଯୁବକମାନଙ୍କ ଦ୍ୱାରା କରାଯାଇଥିଲା । ବିଭିନ୍ନ ବର୍ଗରେ ପ୍ରାୟ ଦୁଇ ଡଜନ ଆପକୁ ପୁରସ୍କାର ପ୍ରଦାନ କରାଯାଇଛି ବୋଲି ସେ କହିଛନ୍ତି । ସେ ଆକାଶବାଣୀର ଶ୍ରୋତାମାନଙ୍କୁ ଏହି ଆପଗୁଡ଼ିକ ସହିତ ଯୋଡ଼ିହୋଇ ସେସବୁ ସହିତ ପରିଚିତ ହେବାକୁ କହିଥିଲେ । ପିଲାମାନଙ୍କ ପାଇଁ ଏକ ଇଣ୍ଟରାକ୍ଟିଭ୍ ଆପ୍ କୁଟୁକି କିଡ୍ସ ଲର୍ନିଂ ଆପ୍, ସହିତ ପ୍ରଧାନମନ୍ତ୍ରୀ ମାଇକ୍ରୋ ବ୍ଲଗିଂ ପ୍ଲାଟଫର୍ମ ପାଇଁ କୁ-କୂ-କୁ ନାମକ ଏକ ଆପ୍; ଯୁବକମାନଙ୍କ ମଧ୍ୟରେ ଲୋକପ୍ରିୟ ହେଉଥିବା ଚିଙ୍ଗାରି ଆପ୍,​ସରକାରୀ ଯୋଜନା ବିଷୟରେ ସଠିକ୍ ସୂଚନା ପାଇବା ପାଇଁ ‘ଆସ୍କ ସରକାର’ ଆପ୍ ଏବଂ ଷ୍ଟେପ୍ ସେଟ୍ ଗୋ-ଫିଟନେସ୍ ଆପ୍ ଇତ୍ୟାଦି ପରି ଅନେକ ଆପ୍‌ ବିଷୟରେ ଉଲ୍ଲେଖ କରିଛନ୍ତି ।  ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆଜିର ‘ଛୋଟ ଷ୍ଟାର୍ଟ-ଅପ୍’ ଆସନ୍ତାକାଲି ବଡ କମ୍ପାନୀରେ ପରିଣତ ହେବ ଏବଂ ବିଶ୍ୱରେ ଭାରତର ପରିଚୟ ହେବ ଷ୍ଟାର୍ଟ ଅପ୍ ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ପ୍ରତିରକ୍ଷା ଉତ୍ପାଦନରେ ଆତ୍ମନିର୍ଭର ଭାରତ ଉପରେ ଏକ ସେମିନାରକୁ ସମ୍ବୋଧିତ କରିଛନ୍ତି। ଭାରତୀୟ ପ୍ରତିରକ୍ଷା ଉତ୍ପାଦନ ସଂଘ, ଭାରତୀୟ ଶିଳ୍ପ ଏବଂ ବାଣିଜ୍ୟ ମହାସଂଘ, ପ୍ରତିରକ୍ଷା ଉତ୍ପାଦନ ବିଭାଗ ଏବଂ ପ୍ରତିରକ୍ଷା ମନ୍ତ୍ରଣାଳୟ ମିଳିତ ଭାବେ ଏହି ଭର୍ଚୁଆଲ୍ ସେମିନାର ଆୟୋଜନ କରାଯାଇଥିଲା। ପ୍ରତିରକ୍ଷା ଉତ୍ପାଦନରେ ଆତ୍ମନିର୍ଭରଶୀଳ ହେବାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ଗୁରୁତ୍ଵ ଦେଇ କହିଛନ୍ତି ଯେ ପ୍ରତିରକ୍ଷା ଉତ୍ପାଦନକୁ ବୃଦ୍ଧି କରିବା, ନୂତନ ବୈଷୟିକ ଜ୍ଞାନକୌଶଳର ବିକାଶ ଏବଂ ପ୍ରତିରକ୍ଷା କ୍ଷେତ୍ରରେ ଘରୋଇ ଉଦୌଗକୁ ଏକ ପ୍ରମୁଖ ଭୂମିକା ଦେବା ଆମର ଉଦ୍ଦେଶ୍ୟ। ମିଶନ ମୋଡରେ କାମ କରିବା ଏବଂ ନିରନ୍ତର ଉଦ୍ୟମ କରିଥିବାରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ତାଙ୍କ ସମଗ୍ର ଦଳକୁ ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତିରକ୍ଷା ଉତ୍ପାଦନରେ ଆତ୍ମନିର୍ଭରଶୀଳତା ହାସଲ କରିବାର ଉଦ୍ଦେଶ୍ୟ ଶୀଘ୍ର ଫଳପ୍ରଦ ହେବ। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଯେତେବେଳେ ଭାରତ ସ୍ୱାଧୀନ ହେଲା, ସେତେବେଳେ ଭାରତରେ ପ୍ରତିରକ୍ଷା ଉତ୍ପାଦନ ପାଇଁ ଏହାର ଏକ ବଡ଼ ସମ୍ଭାବନା ଥିଲା କିନ୍ତୁ ଦୀର୍ଘ ବର୍ଷ ଧରି ଏଥି ପାଇଁ କୌଣସି ଉଦ୍ୟମ କରାଯାଇ ନାହିଁ | ଶ୍ରୀ ମୋଦୀ କହିଛନ୍ତି ଯେ ବର୍ତ୍ତମାନ ପରିସ୍ଥିତି ବଦଳୁଛି, ପ୍ରତିରକ୍ଷା କ୍ଷେତ୍ର...

ପାକିସ୍ତାନର ନେତୃତ୍ଵ ସହ ଆଫଗାନ ଶାନ୍ତି ପ୍ରକ୍ରିୟା ନେଇ ଆଲୋଚନା କରିବା ଲାଗି ଦୋହାରେ ଥିବା ଆଫଗାନିସ୍ତାନ ତାଲିବାନର ରାଜନୈତିକ କାର୍ଯ୍ୟଳୟର ମୁଖ୍ୟ ମଲ୍ଲିକା ଅବଦୁଲ ଘାନି ବାରାଦରଙ୍କୁ ନେଇ ଗଠିତ ଏକ ଉଚ୍ଚ ସ୍ତରୀୟ ପ୍ରତିନିଧି ଦଳ ଚଳିତ ସପ୍ତାହରେ ପାକିସ୍ତାନରେ ପହଞ୍ଚିଛନ୍ତି | ଗତ 10 ମାସ ମଧ୍ୟରେ ପାକିସ୍ତାନକୁ ମୁଲଲା ବାରଦରଙ୍କ ଏହା ଦ୍ଵିତୀୟ ଗସ୍ତ ଥିଲା | ଆଫଗାନିସ୍ତାନରେ ଆମେରିକା ନେତୃତ୍ଵାଧୀନ ବାହିନୀ ବିରୁଦ୍ଧରେ ସନ୍ତ୍ରାସବାଦୀ ଗୋଷ୍ଠୀର ଆକ୍ରମଣ ଜାରି ରହିଥିବା କଥା ଦର୍ଶାଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ତାଲିବାନ ସହ ଶାନ୍ତି କଥାବାର୍ତ୍ତା ହଠାତ ବନ୍ଦ କରିଦେବା ପରେ ପରେ ଅକ୍ଟୋବର 2019ରେ ବରାଦର ଇସଲାମାବାଦ ଗସ୍ତ କରିଥିଲେ | ଇସଲାମାବାଦରେ ଅନୁଷ୍ଠିତ କଥାବାର୍ତ୍ତାରେ ପାକିସ୍ତାନର ଗୁଇନ୍ଦା ସଂସ୍ଥା (ଆଇଏସଆଇ) ର ମୁଖ୍ୟ ଲେଫ୍ଟେନେଣ୍ଟ ଜେନେରାଲ ଫାଏଜ ହେମିଦ ମଧ୍ୟ ଯୋଗ ଦେଇଥିଲେ | 1980 ମସିହାରେ ପୂର୍ବତନ ସୋଭିଏତ ସଂଘ, ଆଫଗାନିସ୍ତାନରେ ଦଖଲ କରିବା ପରଠାରୁ ପାକିସ୍ତାନର ଗୁପ୍ତଚର ସଂସ୍ଥା ଏହାର ଉପଦେଷ୍ଟା ତଥା ଆଫଗାନିସ୍ତାନ ସଶସ୍ତ୍ର ଗୋଷ୍ଠୀ ବିଶେଷ କରି ତାଲିବାନ ସହ ନିବିଡ ସମ୍ପର୍କ ପାଇଁ ସର୍ବବିଦିତ | ପାକିସ୍ତାନ ଗୁପ୍ତଚର ସଂସ୍ଥା ଏହାର ତାଲିବାନ ଉପରେ ପ୍ରଭାବ ବଳରେ ସେମାନଙ୍କୁ କଥାବାର୍ତ୍ତା କରିବାକୁ ରାଜି କରାଇଥିଲା ଏବଂ ପରିଶେଷରେ ଆମେରିକା ସହ ଫେବୃଆରିରେ ଚୁକ୍ତି ସ୍ବାକ୍ଷରିତ ...

2017 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭିଏତନାମ ଗସ୍ତ ପରଠାରୁ ଭାରତ-ଭିଏତନାମ ସମ୍ପର୍କକୁ 'ବ୍ୟାପକ ରଣନୀତିକ ଭାଗିଦାରୀ'କୁ ଉନ୍ନୀତ କରାଯାଇଛି, କେବଳ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ନୁହେଁ, ବରଂ ଇଣ୍ଡୋ-ପାସିଫିକ୍ ରେ ଆଞ୍ଚଳିକ ଶାନ୍ତି ଏବଂ ସ୍ଥିରତା ପାଇଁ ମଧ୍ୟ ଏକ ଗୁରୁତ୍ୱପୂର୍ଣ୍ଣ କାରଣ ହୋଇ ରହିଛି। ଦକ୍ଷିଣ ଚୀନ୍ ସାଗରରେ ଏବଂ ଅନ୍ୟାନ୍ୟ ସ୍ଥାନରେ ଚୀନ୍‌ର ଯୁଦ୍ଧର ପୃଷ୍ଠଭୂମିରେ ଏହା ଅତିରିକ୍ତ ଚାପ ହାସଲ କରିଛି | ଏହା ଦ୍ୱାରା ଦ୍ୱିପାକ୍ଷିକ ଅନୁଷ୍ଠାନିକ ପ୍ରଣାଳୀ ମାଧ୍ୟମରେ ତଥା ବହୁପକ୍ଷୀୟ ବୈଠକ ର ସୀମା ମଧ୍ୟରେ ବିଭିନ୍ନ ସ୍ତରରେ ଦୁଇ ଦେଶର ନେତାଙ୍କ ମଧ୍ୟରେ ନିୟମିତ ପାରସ୍ପରିକ ସମ୍ପର୍କ ରହିଆସିଛି। ଏହି ପୃଷ୍ଠଭୂମି ବିରୁଦ୍ଧରେ,17 ତମ ଭାରତ-ଭିଏତନାମ ମିଳିତ ଆୟୋଗର ବୈଠକ ଭିଡିଓ ସମ୍ମିଳନୀ ମାଧ୍ୟମରେ ବାଣିଜ୍ୟ, ଅର୍ଥନୈତିକ ,ବୈଜ୍ଞାନିକ ଏବଂ ବୈଷୟିକ ସହଯୋଗ ଉପରେ ଆଲୋଚନା ଅନୁଷ୍ଠିତ ହୋଇଥିଲା। ଏହି ମିଳିତ ଆୟୋଗ ବୈଠକ କୁ ରଣନୀତିକ ମହତ୍ୱ ଥିବାର ବିବେଚନା କରାଯାଉଛି ।ଏହି ବୈଠକ ରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ଏସ୍ ଜୟଶଙ୍କର ଏବଂ ଭିଏତନାମର ସମାଜବାଦୀ ଗଣତନ୍ତ୍ରର ଉପମୁଖ୍ୟମନ୍ତ୍ରୀ ତଥା ବୈଦେଶିକ ବ୍ୟାପାର ମନ୍ତ୍ରୀ ଶ୍ରୀ ଫାମ ବିନ୍ ମିନି ସଭାପତିତ୍ୱ କରିଥିଲେ।ଏହି ବୈଠକ ରେ ଉଭୟ ପକ୍ଷ ଭାରତ-ଭିଏତନାମ ରଣନୀତିକ ଭାଗିଦାରୀରେ ସା...

ଅର୍ଥନୈତିକ ଯୋଗଦାନକୁ ବୃଦ୍ଧି କରିବା ଏବଂ ଦ୍ୱିପାକ୍ଷିକ ସମ୍ପର୍କକୁ ଆହୁରି ସୁଦୃଢ଼ କରିବା ପାଇଁ ଏକ ପଦକ୍ଷେପରେ ଭାରତ ଏବଂ ଉଜବେକିସ୍ତାନ ଏହି ସପ୍ତାହରେ ଜାତୀୟ ସମନ୍ୱୟ କମିଟିର ପ୍ରଥମ ବୈଠକ କରିଥିଲେ। ଦୁଇ ଦେଶ ମଧ୍ୟରେ ସହମତ ହୋଇଥିବା ମିଳିତ ପ୍ରକଳ୍ପର କାର୍ଯ୍ୟକାରିତା ଉପରେ ନଜର ରଖିବା କମିଟିର ଉଦ୍ଦେଶ୍ୟ।ଏହି ବୈଠକ ରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଭି ମୁରଲୀଧରନ୍ ଏବଂ ଉଜବେକିସ୍ତାନର ଉପମୁଖ୍ୟମନ୍ତ୍ରୀ ତଥା ନିବେଶ ଏବଂ ବୈଦେଶିକ ବାଣିଜ୍ୟ ମନ୍ତ୍ରୀ ସର୍ଦ୍ଦାର ଉମୁରଜାକୋଭ ସଭାପତିତ୍ୱ କରିଥିଲେ। ବର୍ତ୍ତମାନ ର ସ୍ୱାସ୍ଥ୍ୟ ଏବଂ ଭ୍ରମଣ ଅବସ୍ଥାକୁ ଦୃଷ୍ଟିରେ ରଖି ଏହି ବୈଠକ ଏକ ଅନଲାଇନ୍ ଫର୍ମାଟରେ ଅନୁଷ୍ଠିତ ହୋଇଥିଲା। ବୈଦେଶିକ ବ୍ୟାପାର ମନ୍ତ୍ରଣାଳୟର ଏକ ବିବୃତ୍ତି ଅନୁଯାୟୀ ବାଣିଜ୍ୟ ଏବଂ ଅର୍ଥନୀତି କ୍ଷେତ୍ରରେ ଦ୍ୱିପାକ୍ଷିକ କାର୍ଯ୍ୟକଳାପ ଉପରେ ଉଭୟ ପକ୍ଷ ସମୀକ୍ଷା କରିଛନ୍ତି। ଦ୍ୱିପାକ୍ଷିକ ବିନିଯୋଗ ଚୁକ୍ତି, ଅଗ୍ରାଧିକାର ବାଣିଜ୍ୟ ଚୁକ୍ତି, କୃଷି ଉତ୍ପାଦ ପାଇଁ ପାରସ୍ପରିକ ବଜାର ପ୍ରବେଶ ଉପରେ ବୁଝାମଣା ,ଭାରତର ଲାଇନ୍ସ ଅଫ୍ କ୍ରେଡିଟ୍ ଅଧୀନରେ ଚିହ୍ନିତ ପ୍ରକଳ୍ପର କାର୍ଯ୍ୟକାରିତା, ଗୁଜୁରାଟ ରାଜ୍ୟ ଏବଂ ଉଜବେକିସ୍ତାନର ଆଣ୍ଡିଜାନ୍ ଅଞ୍ଚଳ ମଧ୍ୟରେ ସହଯୋଗ ଏବଂ ତାସକେଣ୍ଟରେ ଭାରତ-ଉଜବେକିସ୍ତାନ ଉଦ୍ୟୋଗ ବିକାଶ କେନ୍ଦ୍ର ମଧ୍ୟରେ ସହଯୋଗ ଉପରେ ମଧ୍ୟ ସେମାନେ ଧ୍ୟାନ ଦେଇ...

ଯେକୌଣସି ରାଷ୍ଟ୍ର ପାଇଁ ସଡକ ଏକ ଗୁରୁତ୍ୱପୂର୍ଣ୍ଣ ଜୀବନରେଖା | ପରିବହନ ନେଟୱାର୍କ ମଧ୍ୟ ସମାନ ଭାବେ ଗୁରୁତ୍ୱପୂର୍ଣ୍ଣ | ଏକ ଦେଶର ଅଭିବୃଦ୍ଧି ଏହାର ସାମଗ୍ରୀ ଏବଂ ସେବା ଉତ୍ପାଦନ ଉପରେ ନିର୍ଭର କରେ | ଭାରତ ପରି ଏକ ବୃହତ ତଥା ଜନବହୁଳ ଦେଶର ଅଗ୍ରଗତି ପାଇଁ ନୂତନ ତଥା ବିକଶିତ ସଡ଼କ ନିର୍ମାଣ ଗୁରୁତ୍ୱପୂର୍ଣ୍ଣ | ସଡକଗୁଡ଼ିକ ସଂଯୋଗ ସ୍ଥାପନ କରିଥାଏ ଏବଂ ଗମନାଗମନ ପ୍ରବାହକୁ ସୁନିଶ୍ଚିତ କରେ | ଭାରତକୁ ଆତ୍ମନିର୍ଭରଶୀଳ କରିବା ପାଇଁ ବିଭିନ୍ନ କ୍ଷେତ୍ରରେ ସରକାର ଆରମ୍ଭ କରିଥିବା ସଡକ ନେଟୱାର୍କ ଭିତ୍ତିଭୂମିର ବିକାଶ ହେଉଛି ଏକ ପ୍ରମୁଖ ବ୍ୟବସ୍ଥା। ଗତ କିଛି ବର୍ଷ ମଧ୍ୟରେ ଭାରତର ସଡକ ଭିତ୍ତିଭୂମିରେ ନିରନ୍ତର ଉନ୍ନତି ଘଟିଛି। ସଂଯୋଗୀକରଣରେ ଉନ୍ନତି ହୋଇଛି ଏବଂ ସଡକ ପରିବହନ ଦ୍ରୁତ ବିକାଶର ଏକ ମୁଖ୍ୟ କେନ୍ଦ୍ର ପାଲଟିଛି | ସଡକଗୁଡିକ ସେବାରେ ଉନ୍ନତ ସୁବିଧା, ପରିବହନର ସହଜତା ଏବଂ ଲୋକଙ୍କ ଚଳପ୍ରଚଳକୁ ସୁଗମ କରୁଛି | ଭାରତରେ ବିଶ୍ୱର ବୃହତ୍ତମ ସଡ଼କ ନେଟୱାର୍କ ଅଛି ଯାହାର ଦୈର୍ଘ୍ୟ ପ୍ରାୟ 5.5 ନିୟୁତ କିଲୋମିଟର | ଏଥିରେ ଜାତୀୟ ଏବଂ ରାଜ୍ୟ ରାଜପଥ ଏବଂ ସହରାଞ୍ଚଳ ଏବଂ ଗ୍ରାମାଞ୍ଚଳ ସଡକ ଅନ୍ତର୍ଭୁକ୍ତ | ଭାରତୀୟ ସଡ଼କ ନେଟୱାର୍କରେ ଜାତୀୟ ତଥା ରାଜ୍ୟ ରାଜପଥ, ଏକ୍ସପ୍ରେସୱେ, ପ୍ରମୁଖ ଜିଲ୍ଲା ସଡକ ଏବଂ ସହରାଞ୍ଚଳ ଏବଂ ଗ୍ରାମାଞ୍ଚଳ ସଡ଼କ ରହିଛି | ଜାତୀୟ ରାଜପଥଗୁଡିକ ସମୁଦାୟ ସଡକ ନେଟୱାର୍କର ...

ଭାରତର ଆକ୍ଟ ଇଷ୍ଟ ନୀତି ଏବଂ ଇଣ୍ତୋ ପେସିଫିକ ଦୃଷ୍ଟିକୋଣକୁ ଆଗକୁ ବଢାଇବାକୁ ଯାଇ ଆସିଆନ ଇଣ୍ତିଆ ନେଟୱାର୍କ ଅଫ ଥିଙ୍କ ଟାଙ୍କ (ଏଆଇଏନଟିଟି)ର ଷଷ୍ଠ ରାଉଣ୍ତ ଟେବୁଲ ବୈଠକ ଗତ ସପ୍ତାହରେ ହୋଇଥିଲା | ଚଳିତ ବର୍ଷ ବୈଠକର ବିଷୟବସ୍ତୁ ଥିଲା କୋଭିଡ ପରବର୍ତ୍ତି ସମୟରେ ଆସିଆନ-ଭାରତ ସୁଦୃଢିକରଣ ଭାଗିଦାରୀ | 2009ରେ ଭାରତ ଏଆଇଏନଟିଟି ଆରମ୍ଭ କରିଥିଲା ଏବଂ ଏହାର ଉଦ୍ଧେଶ୍ୟ ଥିଲା ଆସିଆନ ଭାରତ ସାମରିକ ସହଯୋଗକୁ ମଜବୁତ କରିବା ଏବଂ ସହଯୋଗର ସମ୍ଭାବିତ କ୍ଷେତ୍ରରେ ନୀତିଗତ ସୁପାରିସ କରିବା | ଚଳିତ ବର୍ଷ ସମାରୋହରେ ବିଦେଶ ମନ୍ତ୍ରୀ ଡକ୍ଟର ଏସ. ଜୟଶଙ୍କର, ଥାଇଲ୍ୟାଣ୍ତର ଉପ ପ୍ରଧାନମନ୍ତ୍ରୀ ଏବଂ ବିଦେଶ ମନ୍ତ୍ରୀ ଡନ ପ୍ରମୁଦୁଇନାଇ ତଥା ଆସିଆନର ସେକ୍ରେଟାରୀ ଜେନେରାଲ ଦାତୋ ଲିମ ଜକ ହୋଇ ଭାଗ ନେଇଥିଲେ | ଶ୍ରୀ ଜୟଶଙ୍କର କହିଥିଲେ ଯେ ମହାମାରୀ ଆନ୍ତର୍ଜାତୀକ ରାଜନୀତିକୁ ପ୍ରଭାବିତ କରିଛି ଏବଂ ବହୁପକ୍ଷବାଦ ଉପରେ ଚାପ ପକାଇଛି | ବର୍ତ୍ତମାନ ପ୍ରଥମ ପ୍ରଶ୍ନ ହେଉଛି ଯେ କୋଭିଡ-19 କିପରି ବିଶ୍ଵ ବ୍ୟବସ୍ଥାକୁ ସଂପାଦନ କରିବ | ଭାରତ ଏବଂ ଦକ୍ଷିଣ ପୂର୍ବ ଏସିଆ ବିଶ୍ଵକରଣ ଉପରେ ଗୁରୁତ୍ଵ ଦେଉଛନ୍ତି | ଏହା ସହିତ ବୈଦେଶିକ ମନ୍ତ୍ରୀ କହିଥିଲେ ଯେ କୋଭିଡ-19 ବିଶ୍ଵ ଅର୍ଥ ବ୍ୟବସ୍ଥା କ୍ଷେତ୍ରରେ ଚ୍ୟାଲେଞ୍ଜ ଭାବେ ଉଭା ହୋଇଛି | ବିଶ୍ଵ ଜିଡିପି ଏହି ମହାମାରୀ ଯୋଗୁଁ ପ୍ରାୟ 5.8ରୁ 8.8 ଟ୍ରିଲିୟନ ଡଲାର ଯାହାକି ପ୍ରାୟ 6.5 ...

ଗତ ସପ୍ତାହରେ, ପାକିସ୍ତାନ ସରକାର ଦୁଇଟି ବିଜ୍ଞପ୍ତି ଜାରି କରି ଏହାକୁ 88 ଆତଙ୍କବାଦୀଙ୍କ ଉପରେ ଆର୍ଥିକ ପ୍ରତିବନ୍ଧକ ବୋଲି କହିଥିଲେ । ଏହି ବିଜ୍ଞପ୍ତିରେ ଆତଙ୍କବାଦ ପୃଷ୍ଠପୋଷକ ଏବଂ ସଂସ୍ଥାଗୁଡ଼ିକର ବହୁ ପ୍ରମୁଖ ନେତାଙ୍କ ଉପରେ ନିଷେଧାଦେଶ ଦିଆଯାଇଛି । ଏଥିମଧ୍ୟରେ 2008 ମୁମ୍ବାଇ ଆକ୍ରମଣ ମାଷ୍ଟରମାଇଣ୍ଡ ଏବଂ ଜମାତ-ଉଦ-ଦାୱା ମୁଖ୍ୟ ହାଫିଜ ସଇଦ, ଜୈଶ-ଇ ମହମ୍ମଦ ମୁଖ୍ୟ ମାସୁଦ ଅଜହର, ଭାରତ ସଂସଦ ଉପରେ ଆକ୍ରମଣ ପଛରେ ଥିବା ମସ୍ତିଷ୍କ, ଅଣ୍ଡରୱାର୍ଲ୍ଡ ଡନ୍ ହାଉଦ ଇବ୍ରାହିମର ଚୋରା ଚାଲାଣ ତଥା ଅନ୍ୟାନ୍ୟ ବେଆଇନ କାର୍ଯ୍ୟକଳାପ ଅନ୍ତର୍ଭୁକ୍ତ ହୋଇଛି । 200ରୁ ଅଧିକ ଲୋକ, ତାଲିବାନ ନେତା ଜାଲାଲୁଦ୍ଦିନ ହକ୍କାନି ଏବଂ ଖାଲିଲ ଅହମ୍ମଦ ହକାନୀଙ୍କ ମୃତ୍ୟୁ ଘଟିଥିବା 1993 ମୁମ୍ବଇ ବିସ୍ଫୋରଣ ପାଇଁ ସେ ଭାରତର ମୋଷ୍ଟୱାଣ୍ଟେଡ୍‌ ଆତଙ୍କବାଦୀ । ନିଷିଦ୍ଧ ହୋଇଥିବା ଅନ୍ୟମାନଙ୍କ ମଧ୍ୟରେ ତେହେରିକ-ଇ ତାଲିବାନ ପାକିସ୍ତାନ, ଲଶ୍କର-ଏ-ଜାଙ୍ଗଭି, ହରକାଟ-ଉଲ-ଅନସର ଏବଂ ଅନ୍ୟାନ୍ୟ କୁଖ୍ୟାତ ସଂଗଠନର ସଦସ୍ୟ ଅଛନ୍ତି । ବିଜ୍ଞପ୍ତିଗୁଡିକ ସେମାନଙ୍କର ସ୍ଥାବର ଅସ୍ଥାବର ସମ୍ପତ୍ତି ଜବତ ଏବଂ ସେମାନଙ୍କ ବ୍ୟାଙ୍କ ଆକାଉଣ୍ଟ ବନ୍ଦ ପାଇଁ ଅନୁମତି ପ୍ରଦାନ କରିଥାଏ | ବିଜ୍ଞପ୍ତିରେ ଆର୍ଥିକ ପ୍ରତିଷ୍ଠାନ ମାଧ୍ୟମରେ ଟଙ୍କା ସ୍ଥାନାନ୍ତର ଏବଂ ବିଦେଶ ଯାତ୍ରା ଉପରେ ବାରଣ କରାଯାଇଛି । ମିଳିତ ଜାତିସଂଘ ସୁରକ୍ଷା ପରିଷଦର ନୂତନ ନିର୍ଦ୍ଦେଶା...

କରୋନା ମହାମାରୀ ବିଶ୍ଵର 200ରୁ ଅଧିକ ଦେଶର କୋଟି କୋଟି ଲୋକଙ୍କ ଜୀବନରେ ସାମାଜିକ ସଂପର୍କ, ବିଶେଷ କରି ଆର୍ଥିକ କ୍ଷେତ୍ରକୁ କ୍ଷତିଗ୍ରସ୍ତ କରିଛି | ବିଶେଷ କରି ଗଣତାନ୍ତ୍ରୀକ ରାଷ୍ଟ୍ରମାନଙ୍କରେ ରାଜନୀତି ଏବଂ ରାଜନୈତିକ ପ୍ରକ୍ରିୟାକୁ ପ୍ରଭାବିତ କରିଛି ଯେଉଁଠାରେ ଅବଧିଗତ ଭାବେ ନିର୍ବାଚନ ଶାସନ ପ୍ରଣାଳିର ଗୁରୁତ୍ଵପୂର୍ଣ୍ଣ ଅଂଶ ହୋଇଥାଏ | ଏଠାରେ ଉଲ୍ଲେଖଯୋଗ୍ୟ ଯେ ବିଶ୍ଵର ସବୁଠାରୁ ଶକ୍ତିଶାଳି ଏବଂ ଧନୀ ଗଣତନ୍ତ୍ର ଆମେରିକା ମଧ୍ୟ ଏହି ମହାମାରୀରେ କ୍ଷତିଗ୍ରସ୍ତ ହୋଇଛି ଯେଉଁଥିରେ ରାଜନୈତିକ ପ୍ରକ୍ରିୟା ମଧ୍ୟ ପ୍ରଭାବିତ ହୋଇଛି | ପ୍ରତି ଚାରି ବର୍ଷରେ ଥରେ ଆମେରିକାରେ ନୂଆ ରାଷ୍ଟ୍ରପତି ନିମନ୍ତେ ନିର୍ବାଚନ ହୋଇଥାଏ | ବେଳେବେଳେ ଆଉ ଚାରି ବର୍ଷ କାର୍ଯ୍ୟକାଳ ପାଇଁ ସେମାନେ ପୁନଃ ନିର୍ବଚିତ ହୋଇଥାନ୍ତି | ଏବେ ସବୁଠୁ ବଡ ପ୍ରଶ୍ନ ହେଲା ଯେ କଣ ଆମେରିକାରେ ରାଷ୍ଟ୍ରପତି ନିର୍ବାଚନ ସୁଚାରୁରୂପେ ହୋଇ ପାରିବ ଏବଂ କଣ ରାଷ୍ଟ୍ରପତି ପଦ ପାଇଁ ଡୋନାଲ୍ଡ ଟ୍ରମ୍ପ ପୁନର୍ବାର ନିର୍ବାଚିତ ହୋଇ ପାରିବେ ? 2020 ନଭେମ୍ବର 3 ତାରିଖରେ ହେବାକୁ ଥିବା ରାଷ୍ଟ୍ରପତି ନିର୍ବାଚନର ଫଳାଫଳ ଯାହେଉନା କାହିଁକି କିନ୍ତୁ ପ୍ରକ୍ରିୟା ସୁଚାରୁରୂପେ ଚାଲିଛି | କୋଭିଡ-19 ପାଇଁ ଲକଡାଉନ, ପୁଣି ପରେ ଲକଡାଉନ ଖୋଲିବା, ଲୋକଙ୍କ ମଧ୍ୟରେ ସଂକ୍ରମଣର ଭୟ, ରାଲି ଏବଂ ଜନସଭା ଆୟୋଜନ କରିବାରେ ଅସୁବିଧା ଏସବୁ ଆମେରିକାରେ ପ୍ରାଥମିକ ନି...

ଗତବର୍ଷ ଭାରତୀୟ ସମ୍ବିଧାନର ଧାରା 370ର ଉଚ୍ଛେଦ ପରେ ପାକିସ୍ତାନର ଦେଶୀୟ ଓ ବୈଦେଶିକ ନୀତି ଅସ୍ତବ୍ୟସ୍ତ ହୋଇପଡିଛି | କାଶ୍ମୀର ପ୍ରସଙ୍ଗ ଏହାର ବୈଦେଶିକ ନୀତିର କେନ୍ଦ୍ରବିନ୍ଦୁ ପାଲଟିଥିବାରୁ ପାକିସ୍ତାନ ତେହେରିକ-ଇନସାଫ ସରକାର ଏହାକୁ ଆନ୍ତର୍ଜାତୀୟକରଣ କରିବା ପାଇଁ ସବୁମନ୍ତେ ପ୍ରୟାସ କରିଛି | କାଶ୍ମୀର ମାମଲା ନେଇ ଏକ ଉଚ୍ଚ ସ୍ତରୀୟ ବୈଠକ ଡକାଇବାକୁ ଇସଲାମିକ ସହଯୋଗ ସଂଗଠନ (ଓଆଇସି) ରୁ ଇସଲାମାବାଦ ବହୁତ ଆଶା ରଖିଥିଲା | ସାଉଦିଆରବ, ଇସଲାମିକ ଦେଶ ଗୁଡିକର କେନ୍ଦ୍ରସ୍ଥଳୀ ତଥା ଓଆଇସିର ଅନ୍ୟତମ ପ୍ରମୁଖ ପ୍ରଭାବକାରୀ ବୋଲି ବିବେଚନା କରାଯାଉଥିବାରୁ ପାକିସ୍ତାନ ଏହାକୁ ସଦା ସର୍ବଦା ନିଜ ପକ୍ଷରେ ରଖିବାକୁ ଚେଷ୍ଟା କରିଥାଏ | କିନ୍ତୁ ଏହାର ସବୁ ଆଶା ସେତେବେଳେ ଧୂଳିସାତ ହୋଇଯାଇଥିଲା ଯେତେବେଳେ ପାକିସ୍ତାନର ବୈଦେଶିକ ମନ୍ତ୍ରୀ ଶାହା ମେହେମୁଦ କ୍ୟୁରେସି ଏକ ଟକ ସୋ ରେ କହିଥିଲେ ଯେ କାଶ୍ମୀର ପ୍ରସଙ୍ଗରେ ଓଆଇସି ଏବଂ ସାଉଦୀ ଏହାର ଆଶାକୁ କ୍ଷୀଣ କରିଦେଇଛନ୍ତି ଏବଂ ପାକିସ୍ତାନ ଏହି ପ୍ରସଙ୍ଗ ନେଇ ଧୈର୍ଯ୍ୟ ହରାଇବସିଲାଣି | ସେ ଆହୁରି ମଧ୍ୟ କହିଛନ୍ତି ଯେ ଓଆଇସି ଦ୍ଵାରା କାଶ୍ମୀର ପ୍ରସଙ୍ଗକୁ ଯଦି ପ୍ରାଥମିକତା ଦିଆନଯାଏ ତେବେ ପାକିସ୍ତାନ, ସାଉଦିଆରବ ବିନା ସମାନ ଚିନ୍ତାଧାରା ଥିବା ଇସଲାମୀୟ ଦେଶ ଗୁଡିକ ସହ ଏକ ମେଣ୍ଟ ଗଠନ କରିବାକୁ ବାଧ୍ୟ ହେବ ଓ ଓଆଇସି ବାହାରେ ଏକ ଶିଖର ସମ୍ମିଳନୀର ଆୟୋଜନ କରିବ | ଏହ...

ଭାରତ ଓ ସଂଯୁକ୍ତ ଆରବ ଏମିରେଟ୍ସର ଶାନ୍ତି ତଥା ସମୃଦ୍ଧ ପାଇଁ ଏକ ସମାନ ଦୁରଦୃଷ୍ଟି ରହିଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ରାଜକୁମାର ମହମ୍ମଦ ବିନ ଯାଏଡ ଅଲ ନାହାୟାନଙ୍କ ନେତୃତ୍ଵରେ ବାଣିଜ୍ୟ, ପୁଞ୍ଜି ବିନିଯୋଗ, ପ୍ରତିରକ୍ଷା, ସୁରକ୍ଷା, ବିଜ୍ଞାନ ଓ ପ୍ରଯୁକ୍ତିବିଦ୍ୟା, ଶିକ୍ଷା ଓ ସଂସ୍କୃତି କ୍ଷେତ୍ରରେ ଦ୍ଵିପାକ୍ଷୀୟ ସହଯୋଗକୁ ଆହୁରି ମଜବୁତ କରିବା ଲାଗି ଦୁଇ ଦେଶ ଯଥେଷ୍ଟ ମାତ୍ରାରେ ନିବେଶ କରିଛନ୍ତି | ମିଳିତ କମିଶନ ବୈଠକ ଭଳି ଦ୍ଵିପକ୍ଷୀୟ ବ୍ୟବସ୍ଥା ଜରିଆରେ ବ୍ୟାପକ ରଣନୀତିକ ଭାଗୀଦାରୀତା ସହ ସମ୍ପର୍କ ନିବିଡ କରିବା ଲାଗି ଦୁଇ ପକ୍ଷ କାର୍ଯ୍ୟ କରିଛନ୍ତି | ବାଣିଜ୍ୟ, ଅର୍ଥନୈତିକ ଓ ବୈଷୟିକ ସହଯୋଗ ଉପରେ ଭାରତ ଓ ୟୁଏଇର 13 ତମ ମିଳିତ କମିଶନ ବୈଠକ ଭିଡିଓ କନଫରେନ୍ସ ଜରିଆରେ ଅନୁଷ୍ଠିତ ହୋଇଛି | ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କର ଓ ୟୁଏଇର ବୈଦେଶିକ ମନ୍ତ୍ରୀ ଅବଦୁଲ୍ଲା ବିନ ଜାଏଦ ଅଲ ନାହାୟାନ ଏହି ବୈଠକରେ ସହଅଧ୍ୟକ୍ଷତା କରିଥିଲେ | କୋଭିଡ-19 ମହାମାରୀ ଯୋଗୁଁ ପ୍ରଥମଥର ଲାଗି ଏହି ମିଳିତ କମିଶନ ବୈଠକ ଭର୍ଚୁଆଲ ଭାବେ ଅନୁଷ୍ଠିତ ହୋଇଥିଲା | ଦ୍ଵିପକ୍ଷୀୟ ସହଯୋଗକୁ ଆହୁରି ମଜବୁତ କରିବା ଲାଗି ମତ ବିନିମୟ କରିବା ସହ ବିଚାରଧାରା ଆଦାନ ପ୍ରଦାନ ଜାରି ରଖିବା ପାଇଁ ଏହା ଦୁଇ ଦେଶର ଅଦମ୍ୟ ଉତ୍ସାହକୁ ରେଖାଙ୍କିତ କରିଛି | ଭାରତ ଓ ୟୁଏଇ ବିଶ୍ଵ ମହାମାରୀ ବିରୁଦ୍ଧରେ ସଂଗ୍ରାମ ଲାଗି ...

ସଂଯୁକ୍ତ ଆରବ ଏମିରେଟ୍ସ ’(ୟୁଏଇ) ଇସ୍ରାଏଲ ସହ ସମ୍ପର୍କକୁ ସ୍ୱାଭାବିକ କରିବାକୁ ନିଷ୍ପତ୍ତି, ସେପ୍ଟେମ୍ବର 1993 ରେ ହ୍ୱାଇଟ ହାଉସ ର ଲନ୍ସରେ ଐତିହାସିକ ଆରାଫାଟ-କ୍ଲିଣ୍ଟନ-ରେବିନଙ୍କ ହାତ ମିଳାଇବା ପରଠାରୁ , ବର୍ତମାନ ସବୁଠାରୁ ନାଟକୀୟ ଘଟଣା ରେ ପହଂଚିଛି, ଯଦିଓ ଦୁଇ ଦେଶ ମଧ୍ୟରେ ନିକଟତର ହେବାର ସଙ୍କେତ ଥିଲା ଏବଂ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଏହି ଘୋଷଣା କରାଯାଇଥିଲା। ଉପସାଗରର ଆରବ ଦେଶଗୁଡିକ ପ୍ରତି ଇସ୍ରାଏଲର ଆଭିମୁଖ୍ୟରେ ଏହା ଏକ ନୂତନ ପୃଷ୍ଠା ଖୋଲିଛି | ଆସନ୍ତା କିଛି ସପ୍ତାହ ମଧ୍ୟରେ ୱାଶିଂଟନରେ ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏବଂ ଏମିରେଟ୍ସ କ୍ରାଉନ୍ ପ୍ରିନ୍ସ ଏବଂ ଆବୁଧାବିର ମହମ୍ମଦ ବିନ୍ ଜାଏଦ ଅଲ-ନାହାନଙ୍କ ଏକ ଆନୁଷ୍ଠାନିକ ଚୁକ୍ତିନାମା ସ୍ୱାକ୍ଷରିତ ହେବ। ଏହି ଘୋଷଣା ଏକ ରୋମାଞ୍ଚକର ମୋଡ଼ ସହିତ ଆସିଛି | ସମ୍ପର୍କ ସ୍ୱାଭାବିକ ହେବା ବଦଳରେ ରାଷ୍ଟ୍ରପତି ଟ୍ରମ୍ପ ଘୋଷଣା କରିଛନ୍ତି ଯେ ଚଳିତ ବର୍ଷ ଜାନୁଆରୀରେ ଘୋଷିତ ହୋଇଥିବା ତାଙ୍କ ଶାନ୍ତି ଯୋଜନାରେ ପଶ୍ଚିମ ଉପକୂଳ ଅଂଚଳରେ “ଇସ୍ରାଏଲ୍ ର ସାର୍ବଭୌମିକ ଘୋଷଣାକୁ ସ୍ଥଗିତ ରଖିବ”। ଅନେକ ଘରୋଇ ତଥା ଆନ୍ତର୍ଜାତୀୟ କାରଣରୁ ନେତାନ୍ୟାହୁ ପଶ୍ଚିମ ଉପକୂଳ ଅଂଚଳ କିଛି ଅଂଶ ସମ୍ପ୍ରସାରଣ କରିବାକୁ ଆଗ୍ରହୀ ହେଉନାହାନ୍ତି, ଯାହା ମାର୍ଚ୍ଚ 2020 ରେ ଅନୁଷ୍ଠିତ କେନ୍ସେଟ୍ ନିର୍ବାଚନ ...

ଚୀନର ସମ୍ଭ୍ରାନ୍ତ ସମାଜ ବିଶେଷକରି ଚୀନର କମ୍ୟୁନିଷ୍ଟ ପାର୍ଟିର ଶୀର୍ଷ ନେତା ମାନେ ଦୀର୍ଘ ଦିନ ଧରି ହଙ୍ଗକଙ୍ଗରେ ସେମାନଙ୍କ ଟଙ୍କା ଓ ସମ୍ପତି ଠୁଳ କରିଆସୁଥିବା ସନ୍ଦେହ କରାଯାଉଛି | ଏତତଦ୍ୱାରା ସେମାନେ ଦେଶବାସୀଙ୍କ ଦୃଷ୍ଟି ବାହାରେ ପର୍ଯ୍ୟାପ୍ତ ଅର୍ଥ ଜମା କରି ଆର୍ଥିକ ଫାଇଦା ଉଠାଉଛନ୍ତି | ନ୍ୟୁୟର୍କ ଟାଇମ୍ସ (ଏନୱାୟଟି) ଦ୍ଵାରା ଏକ ଅନୁସନ୍ଧାନରେ ଏନେଇ ସ୍ପଷ୍ଟ କରାଯାଇଛି | ଏନୱାୟଟିରେ ସମ୍ପ୍ରତ୍ତି ପ୍ରକାଶିତ ‘ଲଗଜୁରି ହୋମ୍ସ ଟାଇ ଚାଇନୀଜ କମ୍ୟୁନିଷ୍ଟ ଏଲିଟ ଟୁ ହଙ୍ଗକଙ୍ଗଜ ଫେଟ’ ଶୀର୍ଷକ ଏକ ରିପୋର୍ଟରେ କୁହାଯାଇଛି ଯେ ହଙ୍ଗକଙ୍ଗର ଆନ୍ତର୍ଜାତୀୟ ବ୍ୟବସାୟର ଆର୍ଥିକ କାରବାର ର ଲାଭ ଉଠାଇ ସିସିପିର ଶୀର୍ଷ ନେତାଙ୍କ ସମ୍ପର୍କୀୟ ମାନେ ବ୍ୟକ୍ତିଗତ ଫାଇଦା କରି ବିପୁଳ ସମ୍ପତ୍ତି ଠୁଳ କରିଛନ୍ତି | ସିସିପିର ପ୍ରମୁଖ ଚାରି ଜଣ ନେତାଙ୍କ ମଧ୍ୟରୁ ତିନିଜଣ ନେତାଙ୍କ ଘନିଷ୍ଠ ସମ୍ପର୍କୀୟ ମାନେ ହଙ୍ଗକଙ୍ଗରେ ବିଳାସପୂର୍ଣ୍ଣ ରିଅଲ ଇଷ୍ଟେଟରେ 51 ନିୟୁତ ଡଲାରରୁ ଅଧିକ ପୁଞ୍ଜି ନିବେଶ କରିଛନ୍ତି | ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ନିକଟ ସମ୍ପର୍କୀୟ ମାନେ ହଙ୍ଗକଙ୍ଗରେ ବିପୁଳ ସମ୍ପତ୍ତି ଠୁଳ କରିଥିବା ଏବଂ ହଙ୍ଗକଙ୍ଗରେ ବିପୁଳ ସମ୍ପତ୍ତିର ମାଲିକ ତଥା ପୁଞ୍ଜି ବିନିଯୋଗ କରିଥିବା ସିସିପିର ଅନ୍ୟ ପ୍ରମୁଖ ଅଧିକାରୀ ମାନଙ୍କ ସମ୍ପର୍କୀୟ ମାନଙ୍କ ସହ ବ୍ୟବସାୟ କାରବାର କରୁଥିବା ମାମ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 15 ଅଗଷ୍ଟ 2020 ରେ ଲାଲକିଲାର ପ୍ରାଚୀରରୁ ଦେଶକୁ ସମ୍ବୋଧିତ କରି କହିଛନ୍ତି ଯେ ଆମେ ଆମର ମୁକ୍ତ ଅସ୍ତିତ୍ୱର 75 ବର୍ଷ ମଧ୍ୟରେ ପ୍ରବେଶ କରିବୁ । ଏହା ଏକ ମହତ୍ବପୂର୍ଣ୍ଣ ଘଟଣା ା ସମସ୍ତ 130 କୋଟି ଭାରତୀୟଙ୍କୁ ଆସନ୍ତା ଦୁଇ ବର୍ଷ ପାଇଁ ଗୁରୁତ୍ୱପୂର୍ଣ୍ଣ ଶପଥ ନେବାକୁ ପଡିବ ା ଯେତେବେଳେ ଆମେ ଆମର ସ୍ୱାଧୀନତାର 75 ବର୍ଷ ପୂରଣ କରିବୁ, ସେତେବେଳେ ଆମେ ସେହି ଶପଥସବୁ ପୂରା କରିଥିବାର ଉତ୍ସବ ପାଳନ କରିବାକୁ ସମର୍ଥ ହେବୁ ା ଆମର ପିତୃପୁରୁଷମାନେ ଏହି ସ୍ୱାଧୀନତା ପାଇଁ ଅତ୍ୟଧିକ ପ୍ରତିବଦ୍ଧତା, ସାମଗ୍ରିକ ଏକତା, ଅଖଣ୍ଡ ତଥା ଆନ୍ତରିକ ତପସ୍ୟା, , ତ୍ୟାଗ ଏବଂ ବଳିଦାନ ସହିତ ଲଢ଼ିଥିଲେ । ମା’ ଭାରତୀ ପାଇଁ ସେମାନେ ଯେଉଁଭଳି ଭାବରେ ଜୀବନ ଦେଇଥିଲେ ତାହା ଆମେ କେବେବି ଭୁଲିଯିବା ଉଚିତ୍ ନୁହେଁ ା ଆମେ କଦାପି ଭୁଲିଯିବା ଉଚିତ ନୁହେଁ ଯେ ଦାସତ୍ୱର ଏହି ଦୀର୍ଘ ଏବଂ ଅନ୍ଧକାର ଯୁଗରେ, ଏକ କ୍ଷଣ ମଧ୍ୟ ହଜି ଯାଇ ନଥିଲା ଯେତେବେଳେ ସେମାନେ ସ୍ୱାଧୀନତାର ଇଚ୍ଛା ଦ୍ୱାରା ପ୍ରଭାବିତ ହୋଇନଥିଲେ ା ପ୍ରଧାନମନ୍ତ୍ରୀ କହିଛନ୍ତି ବାପୁଜୀ (ମହାତ୍ମା ଗାନ୍ଧୀ)ଙ୍କ ନେତୃତ୍ୱରେ ଜନ ଆନ୍ଦୋଳନ ସହିତ ମହାନ ଜାତୀୟ ଜାଗରଣ ସ୍ୱାଧୀନତା ସଂଗ୍ରାମକୁ ନୂତନ ପ୍ରେରଣା ଦେଇଥିଲା, ତେଣୁ ଆଜି ଆମେ ଆଶୀର୍ବାଦ ପ୍ରାପ୍ତ ହୋଇ ଆମର ସ୍ୱାଧୀନତା ଦିବସକୁ ଏପରି ଉତ୍ସାହ ସହିତ ପାଳନ କରିବାକୁ ସକ୍ଷମ ା ସମଗ୍ର ବିଶ୍ୱରେ, ସ୍...

ଭାରତର ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ଏସ ଜୟଶଙ୍କର ଏବଂ ମାଲଦ୍ୱୀପର ବୈଦେଶିକ ମନ୍ତ୍ରୀ ଅବଦୁଲ୍ଲା ସାହିଦ ଭିଡିଓ କନଫରେନ୍ସ ମାଧ୍ୟମରେ ଏକ ବୈଠକ କରିଛନ୍ତି। ଏହି ବୈଠକ ନିୟମିତ ଭାବେ ଭାରତ ଏବଂ ମାଲଦ୍ୱୀପ ମଧ୍ୟରେ ଏକ ଉଚ୍ଚ ସ୍ତରୀୟ କଥାବାର୍ତ୍ତାର ଏକ ଅଂଶ ଥିଲା | ଏହି ବୈଠକ ଦ୍ୱିପାକ୍ଷିକ ସମ୍ପର୍କର ଅଗ୍ରଗତି ପାଇଁ ଏକ ସୁଯୋଗ ପ୍ରଦାନ କରିଥିଲା ​​ଏବଂ ଏହି ବୈଠକରେ କୋଭିଡ୍ -19 ଏବଂ ସମଗ୍ର ଦ୍ୱିପାକ୍ଷିକ ସହଭାଗୀତା ପ୍ରସଙ୍ଗରେ କିଛି ଗୁରୁତ୍ୱପୂର୍ଣ୍ଣ ଘୋଷଣା କରାଯାଇଥିଲା ​​| ମନ୍ତ୍ରୀମାନେ ଭାରତ ଏବଂ ମାଲଦ୍ୱୀପ ମଧ୍ୟରେ ସମ୍ପର୍କର ସ୍ଥିତି ସମୀକ୍ଷା କରି ସନ୍ତୋଷ ବ୍ୟକ୍ତ କରିଛନ୍ତି ଯେ କୋଭିଡ -19 ମହାମାରୀର କଷ୍ଟ ସମୟରେ ଭାରତ ନିଜର ନିକଟତମ ସାମୁଦ୍ରିକ ସହଯୋଗୀଙ୍କୁ ବନ୍ଧୁ ଭାବରେ ସମର୍ଥନ କରିଛି। କୋଭିଡ -19 ମହାମାରୀର ମୁକାବିଲା ପାଇଁ ଭାରତ ଏବଂ ମାଲଦ୍ୱୀପ ଅତି ଘନିଷ୍ଠ ଭାବରେ କାର୍ଯ୍ୟ କରୁଛନ୍ତି । ପଡୋଶୀ ଦେଶରେ କୋଭିଡ -19 ଉପରେ ଭାରତୀୟ ସହାୟତାର ମାଲଦ୍ୱୀପ ହେଉଛି ସର୍ବ ବୃହତ ହିତାଧିକାରୀ | ଏହି ମହାମାରୀ ହେତୁ ସ୍ୱାସ୍ଥ୍ୟ ଏବଂ ଅର୍ଥନୀତି ଉପରେ ପ୍ରଭାବ ହ୍ରାସ କରିବାକୁ ମାଲଦ୍ୱୀପକୁ ସମସ୍ତ ସମ୍ଭାବ୍ୟ ସହାୟତା ଯୋଗାଇଦେବା ପାଇଁ ଭାରତର ନିରନ୍ତର ପ୍ରତିବଦ୍ଧତାକୁ ଡକ୍ଟର ଜୟଶଙ୍କର କହିଛନ୍ତି। ମାଲଦ୍ୱୀପର ଅନୁରୋଧ କ୍ରମେ ଭାରତ 100 ମିଲିୟନ ଆମେରିକୀୟ ଡଲାରର ଅନୁଦାନ ପ୍ୟାକେଜ୍ ଏବଂ 400 ମିଲ...

ଭାରତର 74 ତମ ସ୍ଵାଧୀନତା ଦିବସ ଅବ୍ୟବହିତ ପୂର୍ବରୁ ଜାତି ଉଦ୍ଦେଶ୍ୟରେ ଅଭିଭାଷଣ ପ୍ରଦାନ କରି ରାଷ୍ଟ୍ରପତି ରାମନାଥ କୋବିନ୍ଦ କହିଛନ୍ତି ଯେ ଆମର ସ୍ଵାଧୀନତା ସଂଗ୍ରାମର ସ୍ଵଭାବ ଓ ସଦାଚାର ଆଧୁନିକ ଭାରତର ମୂଳଦୁଆ ଅଟେ | ସେ କହିଛନ୍ତି ଯେ ଆମର ଦୁରଦୃଷ୍ଟି ସମ୍ପର୍ଣ୍ଣ ନେତୃବୃନ୍ଦ ବିଶ୍ଵର ସର୍ବୋତ୍ତମ ଚିନ୍ତାଧାରା ଅନୁକରଣ କରି ଏକ ସାଧାରଣ ଜାତୀୟ ଚେତନା ସୃଷ୍ଟି କରିଥିଲେ | ମହାତ୍ମା ଗାନ୍ଧୀ ଆମ ସ୍ଵାଧୀନତା ଆନ୍ଦୋଳନର ମାର୍ଗଦର୍ଶକ ଓ ଆଲୋକବର୍ତ୍ତିକା ହୋଇଥିବାରୁ ଆମେ ବହୁତ ଭାଗ୍ୟବାନ | ତାଙ୍କ ବ୍ୟକ୍ତିତ୍ବରେ ପ୍ରତିଫଳିତ ଜଣେ ରାଜନେତା ତଥା ଜଣେ ସାଧୁଙ୍କ ସମନ୍ଵୟ ଥିଲା ଯାହା କେବଳ ଭାରତରେ ହିଁ ସମ୍ଭବ ହୋଇଥିଲା | ସାମାଜିକ ଅସ୍ଥିରତା , ଅର୍ଥନୈତିକ ସମସ୍ୟା ଓ ଜଳବାୟୁ ପରିବର୍ତ୍ତନ ଦ୍ଵାରା ଅସୁବିଧାର ସମ୍ମୁଖୀନ ହେଉଥିବା ସମଗ୍ର ବିଶ୍ଵ ଏଥିରୁ ମୁକୁଳିବା ଲାଗି ଗାନ୍ଧୀଜୀଙ୍କ ଆଦର୍ଶ ଓ ଶିକ୍ଷାରୁ ସମାଧାନର ବାଟ ବାହାର କରୁଛି |ସମାନତା ଏବଂ ନ୍ୟାୟ ପାଇଁ ତାଙ୍କ ଅନ୍ଵେଷଣ ହେଉଛି ଆମ ଗଣତନ୍ତ୍ରର ମୂଳମନ୍ତ୍ର | ଯୁବ ପିଢୀ ଗାନ୍ଧୀଜୀଙ୍କ ଆଦର୍ଶର ପୁନଃ ଆବିଷ୍କାର କରୁଥିବା ଯୋଗୁଁ ରାଷ୍ଟ୍ରପତି ଖୁସି ବ୍ୟକ୍ତ କରିଛନ୍ତି | ଚଳିତ ବର୍ଷ ସ୍ଵାଧୀନତା ଦିବସକୁ ସତର୍କତାର ସହ ପାଳନ କରାଯାଉଛି |ସମଗ୍ର ବିଶ୍ଵ ଏକ ଭୟଙ୍କର କରୋନା ଭାଇରସର ଶିକାର ହୋଇଛି ଓ ଏଥିଯୋଗୁଁ ବିଶ୍ୱବ୍ୟାପି ସବୁ କାର୍ଯ୍ୟକଳାପ ...

ବେଲାରୁଷର ରାଷ୍ଟ୍ରପତି 2020ର ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି | ସେ ଦୀର୍ଘ 26 ବର୍ଷରୁ ଅଧିକ ସମୟ ହେଲା ରାଷ୍ଟ୍ରପତି ଭାବେ ରହିଆସିଛନ୍ତି | ନିର୍ବାଚନ ଫଳାଫଳ ଘୋଷଣା ପରେ ଏହା ବିରୋଧରେ ରାଜଧାନୀ ମିସ୍କ ଏବଂ ଅନ୍ୟ ସ୍ଥାନରେ ଲୋକମାନେ ବିକ୍ଷୋଭ କରିବା ଆରମ୍ଭ କରିଛନ୍ତି | ଏସବୁ ମଧ୍ୟରେ ନିର୍ବାଚନ ପରିଣାମ ଦ୍ଵାରା ଭାରତ ଏବଂ ବେଲାରୁଷ ମଧ୍ୟରେ ସଂପର୍କ ଆଦୌ ପ୍ରଭାବିତ ନହେବାର ଆଶା ଦୃଢ ଅଛି | ବେଲାରୁଷ ସହିତ ବାରତର ସଂପର୍କ ପୁରୁଣା ଏବଂ ନିବିଡ ସୋଭିଏତ ସଂଘର ବିଭାଜନ ପରେ 1991ରେ ବେଲାରୁ,କୁ ଏକ ସ୍ଵାଧୀନ ରାଷ୍ଟ୍ର ଭାବେ ପ୍ରଥମେ ଭାରତ ସ୍ଵୀକୃତି ଦେଇଥିଲା | ଉଭୟ ଦେଶ ବିଭିନ୍ନ କ୍ଷେତ୍ରରେ ଏବଂ ବିଭିନ୍ନ ମଞ୍ଚରେ ପରସ୍ପରର ସ୍ଵାର୍ଥ ବିଜଡିତ ପ୍ରସଙ୍ଗରେ ସହଯୋଗ କରିଆସିଛନ୍ତି ଏବଂ ସଂପର୍କକୁ ମଜବୁତ କରିଆସିଛନ୍ତି | ଦୁଇ ଦେଶର ସହଯୋଗ ମଧ୍ୟ ଜାତିସଂଘ ସୁରକ୍ଷା ପରିଷଦ ତଥାପରମାଣୁଯୋଗାଣକାରୀ ସମୁହରେ ଦେଖିବାକୁ ମିଳିଛି | 2020ରେ ଜାତିସଂଘ ନିରାପତ୍ତା ପରିଷଦରେ ଭାରତକୁ ଏକ ଅସ୍ଥାୟୀ ଆସନ ପାଇଁ ଯେଉଁସବୁ ଦେଶ ସମର୍ଥନ କରିଥିଲେ | ସେମାନଙ୍କ ମଧ୍ୟରେ ବେଲାରୁଷ ମଧ୍ୟ ଥିଲା ଭାରତ ମଧ୍ୟ ବିଭିନ୍ନ ଆନ୍ତର୍ଜାତୀୟ ମଞ୍ଚରେ ବେଲାରୁଷକୁ ସମର୍ଥନ କରିଛି | ନୂଆଦିଲ୍ଲୀ ଗୋଷ୍ଠି ନିରପେକ୍ଷ ଆନ୍ଦୋଳନ ଏବଂ ଅନ୍ତଃ ସଂସଦୀୟ ସଂଘ ପରି ମଞ୍ଚରେ ଭାରତର ସମର୍ଥନ ବେଲାରୁଷକୁ ରହିଛି | କେତେକ କ୍ଷେତ୍ରରେ ଭାରତର ସମର...

ଭାରତ ଅନନ୍ୟ ନିବେଶ ଫୋରମର ତୃତୀୟ ସଂସ୍କରଣ ତଥା ଜାପାନ ସଂସ୍କରଣ ସମ୍ପ୍ରତ୍ତି ଅନୁଷ୍ଠିତ ହୋଇଥିଲା | କୋଭିଡ-19 ମହାମାରୀର ପ୍ରଭାବରେ ବ୍ୟବସାୟ କାରବାର ମାନ୍ଦାବସ୍ଥା ଦେଇ ଗତି କରୁଥିବା ବେଳେ ଏଥିପାଇଁ ଅନୁକୂଳ ବାତାବରଣ ସୃଷ୍ଟି କରି ଭାରତ-ଜାପାନ ବାଣିଜ୍ୟ ଓ ନିବେଶ ସହଯୋଗକୁ ଆହୁରି ମଜବୁତ କରିବା ହେଉଛି ଏହାର ମୂଳ ଉଦ୍ଦେଶ୍ୟ | ଭାରତର ଅର୍ଥନୈତିକ ଆଧୂନିକୀକରଣକୁ ଆଗେଇ ନେବାରେ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ଆତ୍ମନିର୍ଭର ଭାରତ ଗଠନର ଦୃଷ୍ଟିକୋଣକୁ ସାକାର କରିବା ଦିଗରେ ଜାପାନ ହେଉଛି ଏକ ପ୍ରମୁଖ ଭାଗୀଦାର ରାଷ୍ଟ୍ର | ଉନ୍ନତ ଜ୍ଞାନକୌଶଳ ଓ ଜାପାନର ସରକାରୀ ବେସରକାରୀ କ୍ଷେତ୍ରର ପୁଞ୍ଜି ନିବେଶର ସକ୍ରିୟ ବିନିଯୋଗ ନୂଆଦିଲ୍ଲୀ ପାଇଁ ଅତ୍ୟନ୍ତ ଗୁରୁତ୍ଵପୂର୍ଣ୍ଣ | ଏହାର ବିଶାଳ ବଜାର ଯୋଗୁଁ ଜାପାନ କମ୍ପାନୀ ଗୁଡିକ ଲାଗି ବାଣିଜ୍ୟ ପାଇଁ ଭାରତ ଏକ ପ୍ରମୁଖ ଗନ୍ତବ୍ୟସ୍ଥଳୀ ପାଲଟିଛି | ଜାପାନ ବ୍ୟାଙ୍କ ଫର ଇଣ୍ଟରନେସନାଲ କୋଅପରେସନ (ଜେବିଆଇସି) ଦ୍ଵାରା କରାଯାଇଥିବା ଜାପାନର ନିର୍ମାଣକାରୀ କମ୍ପାନୀ ଗୁଡିକ ଦ୍ଵାରା ବିଦେଶୀ ବ୍ୟବସାୟ କାରବାରକୁ ନେଇ ସର୍ଭେ ରିପୋର୍ଟରେ ଭାରତ ଚୀନକୁ ପଛରେ ପକାଇ ଶୀର୍ଷ ସ୍ଥାନରେ ରହିଥିବା ବିଷୟ ଦର୍ଶାଯାଇଛି | 2000 ରୁ 2020 ମଧ୍ୟରେ 33.5 ବିଲିଅନ ଡଲାରର ଏଫଡ଼ିଆଇ ନିବେଶ ସହିତ ଜାପାନ ହେଉଛି ଭାରତର ଚତୁର୍ଥ ବୃହତ୍ତମ ନିବେଶକ ରାଷ୍ଟ୍ର | ଏହି ସମୟରେ ଭାରତର ...

କୃଷି ଏବଂ ପ୍ରତିରକ୍ଷା ସମେତ ମୂଳ କ୍ଷେତ୍ରଗୁଡିକରେ ଭାରତର ଶକ୍ତି ହେଉଛି ଆତ୍ମନିର୍ଭରଶୀଳତା, ଯାହାର ଉଦ୍ଦେଶ୍ୟ ହେଉଛି ଦେଶକୁ ବିଶ୍ୱ ସ୍ତର​‌େ​‌ର ଶୀର୍ଷରେ ପହଞ୍ଚାଇବା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୃଷି ଭିତ୍ତିଭୂମି ପାଣ୍ଠି ଅଧୀନରେ 1 ଲକ୍ଷ କୋଟି ଟଙ୍କା ଆର୍ଥିକ ସୁବିଧା ଆରମ୍ଭ କରିବା ସହ ଏହା ସ୍ପଷ୍ଟ ହୋଇଯାଇଥିଲା । ରକ୍ଷା ମନ୍ତ୍ରୀ ରାଜନାଥ ସିଂ 101 ପ୍ରତିରକ୍ଷା ସାମଗ୍ରୀର ଏକ ତାଲିକା ଘୋଷଣା କରିଛନ୍ତି, ଯାହାର ଆମଦାନି ଉପରେ ଦିଆଯାଇଥିବା ସମୟ ସୀମାଠାରୁ ଅଧିକ ପ୍ରତିବନ୍ଧକ ଲଗାଯିବ । ଏହି ଦୁଇଟି ଭାରତର ବିକାଶ ଲକ୍ଷ୍ୟରେ ଏକ ନୂତନ ପର୍ଯ୍ୟାୟ ଯୋଗ କରିବ ଯାହା ଦ୍ବାରା ଅଧିକ ସମୟ ଅପଚୟ ନ କରି ଦେଶ ଆତ୍ମନିର୍ଭରଶୀଳ ହେବ ଏବଂ ବିଶ୍ବର ଦ୍ରୁତ ବିକାଶଶୀଳ ଅର୍ଥନୈତିକ ଶକ୍ତିରେ ପରିଣତ ହେବ । କୃଷି ଭିତ୍ତିଭୂମି ପାଣ୍ଠିର ଲକ୍ଷ୍ୟ ହେଉଛି ଦେଶର କୃଷକ ସମ୍ପ୍ରଦାୟଙ୍କୁ ସେମାନଙ୍କ ଉତ୍ପାଦ ପାଇଁ ଅଧିକ ରୁ ଅଧିକ ମୂଲ୍ୟ ମିଳିବା । କୃଷିଜାତ ଦ୍ରବ୍ୟ ସଂରକ୍ଷଣ କରି ଅଧିକ ମୂଲ୍ୟରେ ବିକ୍ରୟ କରିବା, ଅପଚୟ ହ୍ରାସ କରିବା । ଏହି ପାଣ୍ଠି କୃଷି କ୍ଷେତ୍ରରେ ‘ଷ୍ଟାର୍ଟ ଅପ୍’ ପାଇଁ ମଧ୍ୟ ସୁଯୋଗ ସୃଷ୍ଟି କରି ଅମଳ ପରବର୍ତ୍ତୀ ପରିଚାଳନାରେ ଏକ ଇକୋସିଷ୍ଟମ ସୃଷ୍ଟି କରିବାର ସୁବିଧା ପାଇବେ । ଦେଶ​‌େ​‌ର ଜନସଂଖ୍ୟାର ଏକ ବୃହତ ପ୍ରତିଶତ ସେମାନଙ୍କ ବଞ୍ଚିବାର ମାଧ୍ୟମ ଭାବରେ କୃଷି ଉପରେ ନିର୍ଭରଶୀଳ ହୋଇଥିବାରୁ ଗୋଦା...