କରୋନା ମହାମାରୀ ବିଶ୍ଵର 200ରୁ ଅଧିକ ଦେଶର କୋଟି କୋଟି ଲୋକଙ୍କ ଜୀବନରେ ସାମାଜିକ ସଂପର୍କ, ବିଶେଷ କରି ଆର୍ଥିକ କ୍ଷେତ୍ରକୁ କ୍ଷତିଗ୍ରସ୍ତ କରିଛି | ବିଶେଷ କରି ଗଣତାନ୍ତ୍ରୀକ ରାଷ୍ଟ୍ରମାନଙ୍କରେ ରାଜନୀତି ଏବଂ ରାଜନୈତିକ ପ୍ରକ୍ରିୟାକୁ ପ୍ରଭାବିତ କରିଛି ଯେଉଁଠାରେ ଅବଧିଗତ ଭାବେ ନିର୍ବାଚନ ଶାସନ ପ୍ରଣାଳିର ଗୁରୁତ୍ଵପୂର୍ଣ୍ଣ ଅଂଶ ହୋଇଥାଏ | ଏଠାରେ ଉଲ୍ଲେଖଯୋଗ୍ୟ ଯେ ବିଶ୍ଵର ସବୁଠାରୁ ଶକ୍ତିଶାଳି ଏବଂ ଧନୀ ଗଣତନ୍ତ୍ର ଆମେରିକା ମଧ୍ୟ ଏହି ମହାମାରୀରେ କ୍ଷତିଗ୍ରସ୍ତ ହୋଇଛି ଯେଉଁଥିରେ ରାଜନୈତିକ ପ୍ରକ୍ରିୟା ମଧ୍ୟ ପ୍ରଭାବିତ ହୋଇଛି |
ପ୍ରତି ଚାରି ବର୍ଷରେ ଥରେ ଆମେରିକାରେ ନୂଆ ରାଷ୍ଟ୍ରପତି ନିମନ୍ତେ ନିର୍ବାଚନ ହୋଇଥାଏ | ବେଳେବେଳେ ଆଉ ଚାରି ବର୍ଷ କାର୍ଯ୍ୟକାଳ ପାଇଁ ସେମାନେ ପୁନଃ ନିର୍ବଚିତ ହୋଇଥାନ୍ତି | ଏବେ ସବୁଠୁ ବଡ ପ୍ରଶ୍ନ ହେଲା ଯେ କଣ ଆମେରିକାରେ ରାଷ୍ଟ୍ରପତି ନିର୍ବାଚନ ସୁଚାରୁରୂପେ ହୋଇ ପାରିବ ଏବଂ କଣ ରାଷ୍ଟ୍ରପତି ପଦ ପାଇଁ ଡୋନାଲ୍ଡ ଟ୍ରମ୍ପ ପୁନର୍ବାର ନିର୍ବାଚିତ ହୋଇ ପାରିବେ ?
2020 ନଭେମ୍ବର 3 ତାରିଖରେ ହେବାକୁ ଥିବା ରାଷ୍ଟ୍ରପତି ନିର୍ବାଚନର ଫଳାଫଳ ଯାହେଉନା କାହିଁକି କିନ୍ତୁ ପ୍ରକ୍ରିୟା ସୁଚାରୁରୂପେ ଚାଲିଛି | କୋଭିଡ-19 ପାଇଁ ଲକଡାଉନ, ପୁଣି ପରେ ଲକଡାଉନ ଖୋଲିବା, ଲୋକଙ୍କ ମଧ୍ୟରେ ସଂକ୍ରମଣର ଭୟ, ରାଲି ଏବଂ ଜନସଭା ଆୟୋଜନ କରିବାରେ ଅସୁବିଧା ଏସବୁ ଆମେରିକାରେ ପ୍ରାଥମିକ ନିର୍ବାଚନ ଏବଂ ରାଜନୈତିକ ପାର୍ଟିର ରାଷ୍ଟ୍ରପତି ପ୍ରାର୍ଥୀ ଚୟନ ବୈଠକକୁ ପ୍ରଭାବିତ କରିଛି |
ଜଣେ ପ୍ରାର୍ଥୀଙ୍କୁ ଚୟନ କରିବା ପାଇଁ ଡେମୋକ୍ରାଟିକ ପାର୍ଟି ଏବଂ ରିପବ୍ଲିକାନ ପାର୍ଟିର ରାଷ୍ଟ୍ରୀୟ ସମ୍ମିଳନୀ ବହୁତ ସରଗରମ ଏବଂ ବଡ ଧକଣର ହୋଇଥାଏ | ଯଦିଓ ରିପବ୍ଲିକାନ ପାର୍ଟି ପାଇଁ ଏହା ଏଥର ଚିନ୍ତାର ବିଷୟ ନୁହେଁ କାରଣ ଏହାର ପ୍ରାର୍ଥୀ ଡୋନାଲ୍ଡ ଟ୍ରମ୍ପ ହେବା ପ୍ରାୟ ସ୍ପଷ୍ଟ ହୋଇ ସାରିଛି ତଥାପି ସମାରୋହରେ ଲକ୍ଷଲକ୍ଷ ମତଦାତା ଏବଂ ଏହା ସହିତ ବିଶ୍ଵବାସୀଙ୍କ ନିକଟରେ ନିର୍ବାଚନ ପ୍ରଚାର ପାଇଁ ଭାଷଣ ଦେବା ଏକ ସୁଯୋଗ ହୋଇଥାଏ | ଡେମୋକ୍ରାଟିକ ପାର୍ଟି ପାଇଁ ରାଷ୍ଟ୍ରପତି ପ୍ରାର୍ଥୀ ଭାବେ ଜୋଏ ବିଡେନ ଚୟନିତ ହୋଇ ସାରିଛନ୍ତି ତାହା କିନ୍ତୁ ଭର୍ଚୁଆଲ ବୈଠକରେ | ହଜାର ହଜାର ପ୍ରତିନିଧି ପ୍ରତି ଚାରି ବର୍ଷରେ ଥରେ ମିଲୱାକି ଏବଂ ୱିସକାନସିନରେ ଏକତ୍ର ହୁଅନ୍ତି କିନ୍ତୁ ଏଥର ଏସବୁରୁ ବଞ୍ଚିତ ରହିବାକୁ ପଡିଲା | ସିନେଟର ବିଡେନ ରାଷ୍ଟ୍ରପତି ଏବଂ ସିନେଟର କମଲା ହେରିସଙ୍କୁ ଉପ ରାଷ୍ଟ୍ରପତି ପଦ ପାଇଁ ପାର୍ଟି ପକ୍ଷରୁ ଚୟନ କରାଯାଇ ସାରିଛି |
କୋଭିଡ-19 ଦ୍ଵାରା ଆମେରିକା ବିଶ୍ଵର ସବୁଠୁ ଅଧିକ କ୍ଷତିଗ୍ରସ୍ତ ଦେଶ | ସରକାର ଏହି ମହାମାରୀକୁ ଯେପରି ମୁକାବିଲା କରୁଛନ୍ତି ସେଥିରେ ଆମେରିକାର ନାଗରିକମାନେ ବହୁତ ଅସନ୍ତୁଷ୍ଟ ଅଛନ୍ତି | ଏହା ବ୍ୟତିତ ମହାମାରୀ କାରଣରୁ ଦେଶରେ ବେରୋଜଗାର ହାର ବହୁତ ଅଧିକ ବଢି ଯାଇଛି ଏବଂ ଆର୍ଥିକ ବିକାଶ ହାର ବହୁତ ତଳକୁ ଖସି ଯାଇଛି | କରୋନା ମହାମାରୀ କାଳରେ ଦେଶରେ ସ୍ଵାସ୍ଥ୍ୟ ସୁବିଧା ଅପର୍ଯ୍ୟାପ୍ତ ଥିବା ଅନୁଭବ କରାଯାଇଛି | ଏହା ସହିତ ମହାମାରୀରେ ପ୍ରଶାସନିକ ବିଫଳତା ବାରି ହୋଇ ଯାଇଛି କାରଣ ବିଶେଷଜ୍ଞମାନଙ୍କ ଦ୍ଵାରା ବରିଷ୍ଠ ନାଗରିକମାନଙ୍କ ସ୍ଵାସ୍ଥ୍ୟକୁ ନେଇ ଦିଆଯାଇଥିବା ପରାମର୍ଶକୁ ଅଣଦେଖା କରାଯାଇଛି | ଜାତିବାଦ ଦେଶର ପ୍ରତ୍ୟେକ କୋଣ ଅନୁକୋଣରେ ବ୍ୟାପି ଯାଇଛି | ଏସବୁ ବର୍ତ୍ତମାନର ଆମେରିକା ପ୍ରଶାନ ପାଇଁ ମୁଣ୍ତ ବ୍ୟଥାର କାରଣ ହୋଇଛି |
ଦେଶାନ୍ତର ନୀତି, ପରିବେଶ ସଂପର୍କୀୟ ଚିନ୍ତା, ଅର୍ଥ ବ୍ୟବସ୍ଥାକୁ ସମ୍ଭାଳିବା ଏବଂ ମହାମାରୀର ମୁକାବିଲା ଆଦିକୁ ନେଇ ଆମେରିକାର ବିରୋଧୀ ଦଳ ସରକାରଙ୍କୁ ଘେରିଛି | ସିନେଟର ଜୋଏ ବିଡେନ ବର୍ତ୍ତମାନ ଶତକଡା ଚାରି ଭାଗ ପଏଣ୍ଟରେ ଜନମତ ସର୍ବେକ୍ଷଣରେ ଆଗୁଆ ଅଛନ୍ତି |
ଆମେରିକାରେ ରାଷ୍ଟ୍ରପତି ନିର୍ବାଚନ ସମୟରେ ପ୍ରତି ଚାରି ବର୍ଷରେ ଭାରତୀୟମାନେ ଏହି କଥାକୁ ନେଇ ବିତର୍କ କରିଥାନ୍ତି ଯେ କିଏ ଭାରତ ପାଇଁ ହିତସାଧନ କରିପାରିବ | ଏହା ସ୍ଵାଭାବିକ, କିନ୍ତୁ ଭାରତ କ୍ଷେତ୍ରରେ ଉଭୟ ଡେମୋକ୍ରାଟିକ ଏବଂ ରିପବ୍ଲିକାନ ପ୍ରଶାସନ ପକ୍ଷରୁ ଏପରି କୌଣସି ନୈତିକ ବାଧ୍ୟବାଧକତା ନାହିଁ |
ସିନେଟର କମଲା ହେରିସ ରାଷ୍ଟ୍ରପତି ପ୍ରାର୍ଥୀଙ୍କ ସହ ପ୍ରର୍ଥୀ ଭାବେ ନାମିତ ହୋଇଥିବା ପ୍ରଥମ ଭାରତୀୟ ବଂଶୋଦ୍ଭବ ହୋଇଛନ୍ତି | ଏଥିଯୋଗୁଁ ଆମେରିକା ରାଷ୍ଟ୍ରପତି ନିର୍ବାଚନରେ ସ୍ଵାଭାବିକ ଭାବେ ଭାରତର ଧ୍ୟାନ ଆକର୍ଷଣ କରିଛି ଏବଂ ରୁଚି ବୃଦ୍ଧି ପାଇଛି |
ଭାରତ ସହିତ ଏକ ଦୃଢ ସାମରିକ ଭାଗିଦାରୀ ବୃଦ୍ଧି କରିବାରେ ଆମେରିକାର ସବୁ ଦଳର ସମର୍ଥନ ରହିଛି | 2021ରେ ୟଦି ଆମେରିକାର ରାଷ୍ଟ୍ରପତି ପରିବର୍ତ୍ତନ ହୁଅନ୍ତି ତେବେ ମୌଳିକ ଦୃଷ୍ଟିରୁ ଏହା ଭାରତ ଆମେରିକାର ସଂପର୍କକୁ ପ୍ରଭାବିତ କରିବ ନାହିଁ |
ନିର୍ବାଚନ ବିତର୍କରେ ଉଭୟ ଟ୍ରମ୍ପ ଏବଂ ବିଡେନ ଚୀନ ପ୍ରତି କଠୋର ନୀତି ଗ୍ରହଣ କରିବାକୁ କହୁଛନ୍ତି | ଉଭୟ ପ୍ରାର୍ଥୀ ଏକଥା ବାରମ୍ଵାର କହୁଛନ୍ତି ଯେ ଭାରତ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଶାନ୍ତି ଏବଂ ସ୍ଥିରତା ପାଇଁ ଭାରତ ସହିତ ସହଯୋଗକୁ ସୁଦୃଢ କରିବେ |
ମୂଳ ଲେଖା: ପ୍ରଫେସର ଚିନ୍ତାମଣୀ ମହାପାତ୍ର
Comments
Post a Comment