AIR World Service Odia

ଭାରତ ଚକ୍ଷୁ କର୍କଟ ରୋଗର ଚିକିତ୍ସାରେ ଅତ୍ୟାଧୁନିକ ଜ୍ଞାନକୌଶଳ ବିକାଶ କରିବାରେ ସକ୍ଷମ ହୋଇଛି । ଯାହାକି ସାଧାରଣ ଲୋକଙ୍କ ପାଇଁ ଏକ ବଡ଼ ଆଶ୍ବସ୍ତିକର ବିଷୟ ହୋଇଛି | ଏହି ପଦ୍ଧତି ବ୍ୟୟବହୁଳ ମଧ୍ୟ ନୁହେଁ | ମୁମ୍ବାଇର ଭାବା ପରମାଣୁ ଗବେଷଣା କେନ୍ଦ୍ର (ବିଏଆରସି ) ଆଖିରେ ଟ୍ୟୁମରର ଚିକିତ୍ସା ପାଇଁ ପ୍ରଥମ ସ୍ୱଦେଶୀ ରୁଥେନିୟମ୍ 106 ପ୍ଲେକ୍ ଆକାରରେ ଏକ ଚକ୍ଷୁ କର୍କଟରୋଗ ଚିକିତ୍ସା ବିକଶିତ କରିଛି | ଚକ୍ଷୁ ସହିତ ଜଡିତ ଟ୍ୟୁମର୍ କୁ ଓକୁଲାର୍ ଟ୍ୟୁମର୍ ବା ଚକ୍ଷୁ ଟ୍ୟୁମର୍ କୁହାଯାଏ | ଏକ ଟ୍ୟୁମର୍ ହେଉଛି କୋଷଗୁଡିକର ଏକ ସଂଗ୍ରହ ଯାହା ଅସ୍ୱାଭାବିକ ଭାବରେ ବଢିଥାଏ, ଏବଂ ଏହା କ୍ଷତିକାରକ (କର୍କଟ) କିମ୍ବା କ୍ଷତିକାରକ ହୋଇନଥାଏ | ଚକ୍ଷୁ ଟ୍ୟୁମରର ସାଧାରଣ ପ୍ରକାର ହେଉଛି ମେଟାଷ୍ଟାଟିକ୍ - ଏହା ହେଉଛି ଏକ ଗୌଣ ଟ୍ୟୁମର୍ ଯାହା କର୍କଟଦ୍ଵାରା ଶରୀରର ଗୋଟିଏ ଭାଗରୁ ଅନ୍ୟ ଭାଗକୁ ବ୍ୟାପିଥାଏ | ଏହା ପ୍ରାୟତଃ ଫୁସଫୁସ, ସ୍ତନ, ଅନ୍ତନଳୀ କିମ୍ବା ପ୍ରୋଷ୍ଟେଟରୁ ଆସିଥାଏ | ଓକୁଲାର ମେଲାନୋମା ହେଉଛି ସବୁଠାରୁ ସାଧାରଣ ପ୍ରାଥମିକ ଟ୍ୟୁମର୍ ଯାହା ଆଖିରେ ସୃଷ୍ଟି ହୁଏ | ଏହାକୁ ବେଳେବେଳେ "ଉଭିଆଲ୍" ମେଲାନୋମା ବା "କୋରୋଇଡାଲ୍" ମେଲାନୋମା କୁହାଯାଏ | ଏହା ଆଖିର ପିଗମେଣ୍ଟେଡ୍ କୋଷରୁ ସୃଷ୍ଟି ହୋଇଥାଏ ଏବଂ ଆଇରିସ୍, ସିଲିୟାରି ଶରୀର ଏବଂ କୋରିଏଡ୍ ଆଦି ଆଖିର ତିନୋଟି ମୁଖ୍ୟ କ୍...

ଉପସାଗରୀୟ ଅଞ୍ଚଳରେ ଭାରତ ସହ ପାରମ୍ପାରିକ ଭାବରେ ଦ୍ୱିପାକ୍ଷିକ ସମ୍ପର୍କ ଥିବା ଦେଶସମୁହ ମଧ୍ୟରେ କାତାର ଏକ ଗୁରୁତ୍ୱପୂର୍ଣ୍ଣ ଦେଶ । ଏଠାରେ ଶକ୍ତି ସୁରକ୍ଷା, ବାଣିଜ୍ୟ, ପୁଞ୍ଜି ବିନିଯୋଗ ଏବଂ ଭାରତୀୟ ପ୍ରବାସୀ ସମ୍ପ୍ରଦାୟ ଦ୍ୱିପାକ୍ଷିକ ସମ୍ପର୍କର ମୂଳଭିତ୍ତି ହୋଇ ରହିଛନ୍ତି । ଭାରତର ଶକ୍ତି ନିରାପତ୍ତାରେ କାତାର ଏକ ପ୍ରମୁଖ ଭୂମିକା ଗ୍ରହଣ କରି ଭାରତକୁ ସର୍ବାଧିକ ଏଲ୍‌ଏନ୍‌ଜି ଯୋଗାଇଥାଏ । 2004 ରେ କାତାରରୁ ବାର୍ଷିକ 7.5 ନିୟୁତ ଟନ୍ ଏଲ୍‌ଏନ୍‌ଜି ଆମଦାନୀ ପାଇଁ ଭାରତ 25 ବର୍ଷିଆ ଚୁକ୍ତି ସ୍ୱାକ୍ଷର କରିଥିଲା ​​। 2015 ରେ, ଯେତେବେଳେ ଆନ୍ତର୍ଜାତୀୟ ପେଟ୍ରୋଲିୟମ ମୂଲ୍ୟ ହ୍ରାସ ପାଇଲା, ବଜାର ସ୍ଥିତି ଆଧାରରେ ଏଲ୍‌ଏନ୍‌ଜି ମୂଲ୍ୟ ହ୍ରାସ ପାଇଁ ଦୋହା ଭାରତର ଅନୁରୋଧରେ ରାଜି ହୋଇଥିଲା । ଏହା ଭାରତର ଶକ୍ତି ନିରାପତ୍ତାର ସ୍ତମ୍ଭ ଭାବରେ କାତାର ସ୍ଥିତିକୁ ଆହୁରି ସୁଦୃଢ଼ କରିପାରିଛି । ଭାରତ ଏଥିସହିତ କାତାର ଏଲ୍‌ଏନ୍‌ଜି ର ଦ୍ୱିତୀୟ ବୃହତ୍ତମ ଆମଦାନୀକାରୀ ଭାବରେ କ୍ଷୁଦ୍ର ଉପଦ୍ୱୀପ ଦେଶର ଅର୍ଥନୀତିରେ ବିଶେଷ ଅବଦାନ ଦେଇଥାଏ । 2019-20ରେ 10.95 ବିଲିୟନ ଡଲାର ଦ୍ୱିପାକ୍ଷିକ ବାଣିଜ୍ୟ ସହିତ କତାର ବିଶ୍ୱର 25 ଟି ବାଣିଜ୍ୟିକ ଅଂଶୀଦାରଙ୍କ ମଧ୍ୟରେ ରହିଛି ଏବଂ ୟୁଏଇ ଏବଂ ସାଉଦି ଆରବ ପରେ ଗଲ୍ଫ ସହଯୋଗ ପରିଷଦ (ଜିସିସି) ଦେଶ ମଧ୍ୟରେ ଏହା ତୃତୀୟ ବୃହତ୍ତମ ବାଣିଜ୍ୟ ଭାଗିଦାରୀ । ଅନ୍ୟପକ୍ଷରେ, ଦ୍ୱି...

ପାକିସ୍ତାନରେ ଏକ ସନ୍ତ୍ରାସବାଦ ନିରୋଧୀ ଅଦାଲତ ଏକ ଆତଙ୍କବାଦ ଅର୍ଥ ଯୋଗାଣ ମାମଲାରେ 26/11 ମୁମ୍ବାଇ ଆକ୍ରମଣର ମୁଖ୍ୟ ଷଡଯନ୍ତ୍ରକାରୀ ହାଫିଜ ସଇଦକୁ 15 ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି । ବହୁ ଆତଙ୍କବାଦୀ ଅର୍ଥ ଯୋଗାଣ ମାମଲାରେ ସଇଦ ପୂର୍ବରୁ ଦୋଷୀ ସାବ୍ୟସ୍ତ ହୋଇସାରିଛି । ଦୁର୍ଦ୍ଦାନ୍ତ ଆତଙ୍କବାଦୀକୁ ଦିଆଯାଇଥିବା ସର୍ବଶେଷ ଦଣ୍ଡ ଓ ପୂର୍ବରୁ ଦଣ୍ଡିତ କରାଯାଇଥିବା କାରାଦଣ୍ଡ ପ୍ରାୟ 36 ବର୍ଷରୁ ଅଧିକ ହେବ । ଭାରତ ବିରୋଧରେ ଆତଙ୍କବାଦ କାର୍ଯ୍ୟ ଚଳାଇବାରେ ପାକିସ୍ତାନର ରଣନୀତିକୁ କାର୍ଯ୍ୟକାରୀ କରିବାରେ 70 ବର୍ଷୀୟ ସଇଦ ପ୍ରମୁଖ ଭୂମିକା ନିଭାଇଛି । ସଇଦର ସନ୍ତ୍ରାସବାଦୀ ସଙ୍ଗଠନ ଲଶ୍କର-ଇ-ତୋଇବା (ଏଲଇଟି) ବର୍ଷ ବର୍ଷ ଧରି ଜାମ୍ମୁ କାଶ୍ମୀରରେ ଆତଙ୍କ ସୃଷ୍ଟି କରିବାରେ ପ୍ରମୁଖ ଭୂମିକା ଗ୍ରହଣ କରିଆସିଛି । ତେବେ ଏଫଏଟିଏଫର କାର୍ଯ୍ୟାନୁଷ୍ଠାନକୁ ଦୃଷ୍ଟିରେ ରଖି ସଇଦକୁ ଦଣ୍ଡିତ କରାଯାଇଥିବା ପରି ଜଣାପଡୁଛି | "ଗ୍ରେ ତାଲିକା" ରୁ ମୁକୁଳିବା ଲାଗି ପାକିସ୍ତାନ ସବୁ ମନ୍ତେ ଉଦ୍ୟମ ଚଳେଇଥିବା ବେଳେ ଏପର୍ଯ୍ୟନ୍ତ ବିଫଳ ହୋଇଛି। ପାକିସ୍ତାନ ଫେବୃଆରୀ 2021 ରେ ହେବାକୁ ଥିବା ଏଫଏଟିଏଫ ର ଅଧିବେଶନକୁ ଧ୍ୟାନରେ ରଖି ଆତଙ୍କବାଦ ଅର୍ଥ ଯୋଗାଣ ନେଟୱାର୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାର ପ୍ରହସନ କରୁଛି। ଏହି ବାହାନାରେ ପାକିସ୍ତାନ ଅତୀତରେ ମଧ୍ୟ ହାଫିଜ ସଇ...

ନେପାଳ ପ୍ରଧାନମନ୍ତ୍ରୀ କେ.ପି ଶର୍ମା ଓଲି ଦୁଇ ବର୍ଷ ପୂର୍ବରୁ ସଂସଦ ଭଙ୍ଗ କରିବାକୁ ସୁପାରିଶ କରି ହିମାଳୟ ଦେଶକୁ ରାଜନୈତିକ ଅସ୍ଥିରତା ଭିତରକୁ ଠେଲି ଦେଇଛି। ଦଳର କାର୍ଯ୍ୟନିର୍ବାହୀ ଅଧ୍ୟକ୍ଷ ତଥା ପୂର୍ବତନ ପ୍ରଧାନମନ୍ତ୍ରୀ ପୁଷ୍ପ କମଲ ଦହଲଙ୍କ ନେତୃତ୍ୱରେ ଚାଲିଥିବା ଶାସକ ନେପାଳ କମ୍ୟୁନିଷ୍ଟ ପାର୍ଟିରେ ନେତୃତ୍ୱ ନେଉଥିବା ଭିନ୍ନ ଭିନ୍ନ ଗୋଷ୍ଠୀ ସ୍ଵାଧୀନତା, ଭୁଲ ଶାସନ, ଗୁରୁତର କୋଭିଡ -19 ପରିସ୍ଥିତିର ମୁକାବିଲା କରିବାରେ ସମର୍ଥ ନହେବା ଅଭିଯୋଗରେ ପ୍ରଧାନମନ୍ତ୍ରୀଙ୍କ ଇସ୍ତଫା ଦାବି କରିଥିଲେ। ତାଙ୍କ କ୍ୟାବିନେଟର ଜରୁରୀକାଳୀନ ବୈଠକ ପରେ ଶ୍ରୀ ଓଲି ରାଷ୍ଟ୍ରପତି ବିଦ୍ୟା ଦେବୀ ଭଣ୍ଡାରୀଙ୍କୁ ଲୋକସଭା ଭଙ୍ଗ କରିବାକୁ ପରାମର୍ଶ ଦେଇଛନ୍ତି ଏବଂ 2021 ଏପ୍ରିଲ 30 ଏବଂ 10 ମଇ ରେ ସଂସଦ ପାଇଁ ନୂତନ ନିର୍ବାଚନ କରିବାକୁ ଆହ୍ଵାନ ଦେଇଛନ୍ତି ଯାହା ରାଷ୍ଟ୍ରପତି ତୁରନ୍ତ ଅନୁମୋଦନ କରିଛନ୍ତି। କ୍ୟାବିନେଟ ନିଷ୍ପତ୍ତିକୁ ବିରୋଧ କରି ବିରୋଧୀ ଦହଲ ଏବଂ ମାଧବ ନେପାଳ ଦଳର ସାତ ଜଣ ମନ୍ତ୍ରୀ ଇସ୍ତଫା ଦେଇଛନ୍ତି। ସଂସଦ ଭଙ୍ଗକୁ ଚ୍ୟାଲେଞ୍ଜ କରି ଦେଶର ସୁପ୍ରିମକୋର୍ଟରେ ତିନୋଟି ଆବେଦନ କରାଯାଇଥିଲା। ଶ୍ରୀ ଦହଲଙ୍କ ନେତୃତ୍ୱରେ ପ୍ରାୟ 90 ଶାସକ ଦଳର ସଦସ୍ୟ ତାଙ୍କ ବିରୋଧରେ ନୋ କନଫିଡେନ୍ସ ମୋସନ ଆଣିବାକୁ ଯୋଜନା କରୁଥିବା ଆଶଙ୍କା ମଧ୍ୟରେ ଶ୍ରୀ ଓଲି ହଠାତ୍ ଏହି ପଦକ୍ଷେପ ନେଇଥିଲେ। ସେମାନେ ଦାହଲଙ୍କୁ ନୂତନ ପ୍ରଧାନମ...

ପୋଲାର ସାଟେଲାଇଟ୍ ଲଞ୍ଚ ଭେହିକିଲ (PSLV) ଦ୍ୱାରା ଯୋଗାଯୋଗ ଉପଗ୍ରହ CMS-01 ର କକ୍ଷପଥରେ ସଫଳତାର ପହଞ୍ଚାଇ ଭାରତ ମହାକାଶରେ ବର୍ଷକୁ ବିଦାୟ ଦେଇଛି । ଭାରତୀୟ ମହାକାଶ ଅନୁସନ୍ଧାନ ସଂଗଠନ (ISRO) ଆନ୍ଧ୍ରପ୍ରଦେଶର ଶ୍ରୀହରିକୋଟାର ଦ୍ୱିତୀୟ ଲଞ୍ଚ ପ୍ୟାଡରୁ PSLV ଉତ୍‌କ୍ଷେପଣ କରିଛି । ଉପଗ୍ରହକୁ ଉତ୍‌କ୍ଷେପଣର ପ୍ରାୟ 20 ମିନିଟ୍ ପରେ ନିର୍ଭୁଲ ଭାବରେ ଜିଓ-ସିଙ୍କ୍ରୋନସ୍ ଟ୍ରାନ୍ସଫର୍ କକ୍ଷପଥରେ ରଖାଯାଇଥିଲା । ଏହା 2011 ରେ ଯାଇଥିବା ପୁରୁଣା GSAT-12 ଉପଗ୍ରହକୁ ବଦଳରେ କାର୍ଯ୍ୟ କରିବ । CMS-01 ହେଉଛି ଭାରତର 42 ତମ ଯୋଗାଯୋଗ ଉପଗ୍ରହ । INSAT ଏବଂ GSAT ସିରିଜ୍ ପରେ ଯୋଗାଯୋଗ ଉପଗ୍ରହର ଏକ ନୂତନ କ୍ରମରେ ଏହା ପ୍ରଥମ । ISRO ପାଇଁ, ଚଳିତ ବର୍ଷ ଏହା ଥିଲା ତୃତୀୟ ଉତ୍‌କ୍ଷେପଣ । କୋଭିଡ -19 ମହାମାରୀ ହେତୁ ‘ଗଗନଯାନ’ର ପ୍ରଥମ ମାନବବିହୀନ ଉଡ଼ାଣ ସମେତ ଅଧିକାଂଶ ମିଶନ ବିଳମ୍ବିତ ହୋଇଛି । ମହାମାରୀ ପୂର୍ବରୁ ଭାରତ କେବଳ ଗୋଟିଏ ଉପଗ୍ରହ ମିଶନ - GSAT-30 ସଂପୂର୍ଣ୍ଣ କରିବାରେ ସକ୍ଷମ ହୋଇଥିଲା । ଚଳିତ ବର୍ଷ ଜାନୁଆରୀରେ ଫ୍ରେଞ୍ଚ ଗୁଇନାର କୋରୁରୁ ଆନ୍ତର୍ଜାତୀୟ ଲଞ୍ଚର ଆରିଆନ ସ୍ପେସ୍ ଦ୍ୱାରା ଏହା ଉତ୍‌କ୍ଷେପଣ କରାଯାଇଥିଲା । ମହାମାରୀ ସ​‌​‌େ​‌ତ୍ତ୍ବ ନଭେମ୍ବରରେ ISRO ନଅଟି ବିଦେଶୀ ଉପଗ୍ରହ ସହିତ ପର୍ଯ୍ୟବେକ୍ଷଣ ଉପଗ୍ରହ EOS-01 କୁ ସଫଳତାର ସହ ଉତକ୍ଷେପଣ କରିଛି । ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ କୃଷି,...

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କୂଟନୈତିକ ଜଗତରେ ତାଙ୍କ ଅଭିନବ,ମହତ୍ବପୂର୍ଣ୍ଣ ଏବଂ ସୃଜନଶୀଳ ପଦକ୍ଷେପ ଯୋଗୁଁ ତାଙ୍କୁ ଆମେରିକାର ସର୍ବୋଚ୍ଚ ସମ୍ମାନ “ଲିଜନ ଅଫ୍ ମେରିଟ୍” ପୁରସ୍କାରରେ ସମ୍ମାନିତ କରିଛନ୍ତି। ପ୍ରଧାନମନ୍ତ୍ରୀ ଶ୍ରୀ ମୋଦୀ ଏହା ପୂର୍ବରୁ ସାଉଦି ଆରବ, ସଂଯୁକ୍ତ ଆରବ ଏମିରେଟ୍, ରୁଷ, ମାଲଦ୍ୱୀପ ଏବଂ ପାଲେଷ୍ଟାଇନ କର୍ତ୍ତୃପକ୍ଷଙ୍କ ଦ୍ୱାରା ସମ୍ମାନିତ ହୋଇସାରିଛନ୍ତି। ଏହି ସମସ୍ତ ପୁରସ୍କାର ବିଶ୍ୱବ୍ୟାପାରରେ ପ୍ରଧାନମନ୍ତ୍ରୀ ଯେଉଁ ଭୂମିକା ଗ୍ରହଣ କରିଛନ୍ତି ଏବଂ ବ୍ୟାପକ ବିବାଦ, ଯୁଦ୍ଧ, ଆତଙ୍କବାଦୀ କାର୍ଯ୍ୟକଳାପ ଏବଂ ଅନ୍ୟାନ୍ୟଚାଲେଞ୍ଜ ଗୁଡିକ ମଧ୍ୟରେ ଶାନ୍ତି ଏବଂ ସ୍ଥିରତା ସ୍ଥାପନ ପାଇଁ ତାଙ୍କର ନିରନ୍ତର ପ୍ରୟାସର ଆନ୍ତର୍ଜାତୀୟ ସ୍ୱୀକୃତିର ପ୍ରତୀକ ଅଟେ |  ଭାରତ-ଆମେରିକା ରଣନୀତିକ ଭାଗିଦାରୀକୁ ଏକ ନୂତନଶିଖରରେ ପହଞ୍ଚାଇବାରେ ତାଙ୍କ ବଳିଷ୍ଠ ନେତୃତ୍ଵ ପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ଆମେରିକା “ଲିଜନ ଅଫ୍ ମେରିଟ୍” ପୁରସ୍କାରରେ ବିଭୂଷିତ କରିଛି । ମାର୍ଚ୍ଚ 2000 ମସିହାରୁ ଆମେରିକାର ରାଷ୍ଟ୍ରପତି ବିଲ୍ କ୍ଲିଣ୍ଟନ ଙ୍କ ଭାରତ ଗସ୍ତ ପର ଠାରୁ ଏବଂ ତାଙ୍କ ଓ ଭାରତର ତତକାଳୀନ ପ୍ରଧାନମନ୍ତ୍ରୀ ଅଟଳ ବେହେରୀ ବାଜପେୟୀଙ୍କ ଦ୍ଵାରା ଏକ ଭିଜନ୍ ଷ୍ଟେଟମେଣ୍ଟ ସ୍ୱାକ୍ଷର ହେବା ପରେ ଭାରତ ଏବଂ ଆମେରିକା ମଧ୍ୟରେ ଦ୍ୱିପାକ୍ଷିକ ରଣ...

ଭାରତ ଏବଂ ଭିଏତନାମ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ଅଧିକ ତ୍ବରାନ୍ବିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ତାଙ୍କ ଭିଏତନାମ ପ୍ରତିପକ୍ଷ ନଗୁଏନ ଜୁଆନ୍ ଫୁକ୍ ଏକ ଭର୍ଚୁଆଲ୍ ସମ୍ମିଳନୀରେ ଅଂଶଗ୍ରହଣ କରିଛନ୍ତି । ଭାରତ ଏବଂ ଭିଏତନାମର ନିଜସ୍ୱ ଆବଶ୍ୟକତା ରହିଛି ଏବଂ ଭାରତ-ପ୍ରଶାନ୍ତ ମହାସାଗରରେ ବିଶେଷ ଭାବରେ ଦକ୍ଷିଣ ଚୀନ୍ ସାଗରରେ ଏବଂ ଭାରତ-ଚୀନ୍ ସୀମାରେ ଥିବା ବାସ୍ତବ ନିୟନ୍ତ୍ରଣ ରେଖାରେ ମଧ୍ୟ ଉଭୟଙ୍କର ଦ୍ୱିପାକ୍ଷିକ ରଣନୀତିକ ଦିଗ ସମ୍ପର୍କକୁ ଦୃଢ଼ତର କରିଛି । ପ୍ରଧାନମନ୍ତ୍ରୀ ମୋଦୀ ଭିଏତନାମକୁ ଭାରତର ‘ଆକ୍ଟ ଇଷ୍ଟ’ ନୀତିର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ଏବଂ ନୂଆଦିଲ୍ଲୀର ‘ଇଣ୍ଡୋ-ପାସିଫିକ୍ ଦର୍ଶନ’ର ଏକ ଗୁରୁତ୍ୱପୂର୍ଣ୍ଣ ସହଯୋଗୀ ବୋଲି ବର୍ଣ୍ଣନା କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଭାରତ ଭିଏତନାମ ସହିତ ଏହାର ସମ୍ପର୍କକୁ ଦୀର୍ଘମିଆଦୀ ଏବଂ ରଣନୀତିକ ଦୃଷ୍ଟିକୋଣରୁ ଦେଖିଥାଏ । ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି ଯେ “ଭାରତ-ପ୍ରଶାନ୍ତ ମହାସାଗରରେ ଶାନ୍ତି, ସ୍ଥିରତା ଏବଂ ସମୃଦ୍ଧି ଆମର ନିହିତ ଉଦ୍ଦେଶ୍ୟ” ଏବଂ “ଆମର ଅଂଶଗ୍ରହଣ ଏହି ଅଞ୍ଚଳରେ ସ୍ଥିରତା ଏବଂ ଶାନ୍ତି ବଜାୟ ରଖିବାରେ ଯଥେଷ୍ଟ ସହାୟକ ହେବ ।” ଦକ୍ଷିଣ ଚୀନ୍ ସାଗରରେ ଚୀନ୍‌ର ଜବରଦସ୍ତ ଆଚରଣ ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ମୋଦୀଙ୍କ ଇଙ୍ଗିତ ରହିଛି ଯେଉଁଠାରେ ଭିଏତନାମର ଅଧିକାର ରହିଛି । ଭାରତୀୟ ପ୍ରଧାନମନ୍ତ୍ରୀଙ...

ପ୍ରତିରକ୍ଷା ଉପକରଣ କ୍ରୟ ପାଇଁ ପ୍ରତିରକ୍ଷା ଅଧିଗ୍ରହଣ ପରିଷଦ (DAC) ର ଘରୋଇ ଶିଳ୍ପ କ୍ଷେତ୍ରରୁ 27, ୦୦୦ କୋଟି ଟଙ୍କା ମୂଲ୍ୟର ଅନୁମୋଦନ ନିଶ୍ଚିତ ଭାବରେ ସରକାରଙ୍କ “ମେକ୍ ଇନ୍ ଇଣ୍ଡିଆ” ଏବଂ “ଆତ୍ମନିର୍ଭରଭାରତ” ପଦକ୍ଷେପକୁ ସୁଦଢ କରିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଇ 12 ରେ ଆତ୍ମନିର୍ଭର ଭାରତ ପାଇଁ ଏକ ସ୍ପଷ୍ଟ ଆହ୍ଵାନ ଦେଇଛନ୍ତି। ଅର୍ଥମନ୍ତ୍ରୀ ନିର୍ମଳା ସୀତାରମଣ ମଇ 16 ରେ ପ୍ରତିରକ୍ଷା କ୍ଷେତ୍ରରେ ନିର୍ଦ୍ଦିଷ୍ଟ ସଂସ୍କାର ଘୋଷଣା କରିଛନ୍ତି। ଫେବୃଆରୀରେ ପ୍ରଧାନମନ୍ତ୍ରୀ ମୋଦୀ ଭାରତର ପ୍ରତିରକ୍ଷା ରପ୍ତାନି ପାଇଁ 5 ବିଲିୟନ ଆମେରିକୀୟ ଡଲାରର ଲକ୍ଷ୍ୟ ଧାର୍ଯ୍ୟ କରିଥିଲେ। ଲକ୍ଷ୍ନୌ ରେ ଏକାଦଶ ପ୍ରତିରକ୍ଷା ପ୍ରଦର୍ଶନୀ ଉଦଘାଟନୀ ଉତ୍ସବରେ ଆଗାମୀ ପାଞ୍ଚ ବର୍ଷ ପାଇଁ ସେ ଦେଶରେ ନିବେଶ କରିବାକୁ ଘରୋଇ ଶିଳ୍ପ କ୍ଷେତ୍ରକୁ ଆମନ୍ତ୍ରଣ କରିଥିଲେ, ଯାହା ପୁଞ୍ଜି ବିନିଯୋଗରେ ଉତ୍ତମ ମୁନାଫା ଲକ୍ଷ୍ୟ ହାସଲ କରିବ ଏବଂ ପ୍ରତିରକ୍ଷା ଉତ୍ପାଦନରେ ଏସିଆର ତୃତୀୟ ବୃହତ୍ତମ ଅର୍ଥନୀତିକୁ ଆତ୍ମନିର୍ଭରଶୀଳ କରିବ | ସରକାର ପ୍ରତିରକ୍ଷା ସଂସ୍କାରର ଗମ୍ଭୀରତା ଉପରେ କାହାର ମନରେ କୌଣସି ସନ୍ଦେହ ଛାଡି ନାହାଁନ୍ତି। ଏହି ସଂସ୍କାରଗୁଡିକ ଭାରତର ବୃହତ ପ୍ରତିରକ୍ଷା ଆମଦାନୀ ବିଲ୍ ହ୍ରାସ କରିବାକୁ ଲକ୍ଷ୍ୟ ରଖିଛି। ପ୍ରତିରକ୍ଷା ଉତ୍ପାଦନରେ ଆତ୍ମନିର୍ଭରଶୀଳ ହେବାକୁ ଭାରତ ଲକ୍ଷ୍ୟ ରଖିଛି କାରଣ ସୀମାରେ ଜଟିଳ ସୁରକ୍ଷା ଚ୍...

ଯେତେବେଳେ ସରକାରଙ୍କ ଦ୍ୱାରା ସୃଷ୍ଟି ହୋଇଥିବା ବ୍ୟାବସାୟିକ ପରିବେଶକୁ ଶିଳ୍ପପତିମାନେ ସମ୍ପୂର୍ଣ୍ଣ ଭାବରେ ଉପଯୋଗ କରିବେ ସେତେବେଳେ ଆତ୍ମନିର୍ଭର ଭାରତର ଲକ୍ଷ୍ୟ ହାସଲ ହୋଇପାରିବ । ଆଜି କୃଷି ଏବଂ ଶ୍ରମ କ୍ଷେତ୍ରରେ ଗଠନମୂଳକ ସଂସ୍କାର ସହିତ ସରକାରଙ୍କଦ୍ବାରା ସ୍ବତନ୍ତ୍ର ଅର୍ଥନୈତିକ ଏବଂ ବିସ୍ତୃତ ପ୍ୟାକେଜ୍ ଅଫର ଏକ ସକରାତ୍ମକ ପରିବେଶ ସୃଷ୍ଟି କରିଛି ଏବଂ ବ୍ୟବସାୟ ସମ୍ପ୍ରଦାୟ ଏହାକୁ ଧ୍ୟାନ ଦେବା ଆବଶ୍ୟକ । ଗତ ସପ୍ତାହରେ ଆସୋଚାମ (ଆସୋସିଏଟେଡ୍ ଚାମ୍ବରସ୍ ଅଫ୍ କମର୍ସ) ଫାଉଣ୍ଡେସନ୍ ସପ୍ତାହ 2020 ରେ ନଜର ବକ୍ତବ୍ୟ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହା କହିଛନ୍ତି । ଭାରତର ସର୍ବୋଚ୍ଚ ବାଣିଜ୍ୟ ସଙ୍ଗଠନର ଅନ୍ୟତମ ଭର୍ଚୁଆଲ୍ ବୈଠକକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଦେଶ ଆଜି ଉଦ୍ୟୋଗୀ ଏବଂ ଧନ ସୃଷ୍ଟିକର୍ତ୍ତାଙ୍କ ସହ ଅଛି ଏବଂ ଆକାଶକୁ ଛୁଇଁବା ପାଇଁ ସେମାନଙ୍କର ସମ୍ପୂର୍ଣ୍ଣ ସ୍ୱାଧୀନତା ରହିଛି । ତଥାପି, ଯେତେବେଳେ ଶିଳ୍ପ ମହିଳା ଏବଂ ଯୁବ ପ୍ରତିଭାଙ୍କୁ ଅନ୍ତର୍ଭୁକ୍ତ କରି ସଂସ୍କାର ଆଣିବ ଏବଂ ଯେତେବେଳେ ଏହା କର୍ପୋରେଟ୍ ବ୍ୟବସ୍ଥା ଏବଂ ଲାଭ ବଣ୍ଟନ ପ୍ରଣାଳୀକୁ ଏହାର କାର୍ଯ୍ୟ ସଂସ୍କୃତିରେ ଆଣି ବିଶ୍ୱର ସର୍ବୋତ୍ତମ ଅଭ୍ୟାସ ଗ୍ରହଣ କରିବ ସେତେବେଳେ ଧନ ସୃଷ୍ଟି ସମ୍ଭବ ହେବ । ପ୍ରଧାନମନ୍ତ୍ରୀ ଟାଟା ଗ୍ରୁପ୍ ଚେୟାରମ୍ୟାନ୍ ରତନ ଟାଟାଙ୍କୁ ‘ଶତାବ୍ଦୀର ଆସୋଚାମ ଏଣ୍ଟରପ୍ରାଇଜ୍ ପୁରସ...

2020 ଶେଷ ସୁଦ୍ଧା ବ୍ରିଟେନ ୟୁରୋପୀୟ ୟୁନିଅନ୍ ରୁ ପ୍ରସ୍ଥାନ ପାଇଁ ବୁଝାମଣା କରୁଥିବାରୁ ପାଶ୍ଚାତ୍ୟ ଦେଶ ବାହାରେ ଏହାର ଦ୍ୱିପାକ୍ଷିକ ସମ୍ପର୍କକୁ ଆହୁରି ମଜବୁତ କରିବାକୁ ଚେଷ୍ଟା କରିଛି। ଡିଜିଟାଲ ଫର୍ମାଟରୁ ବ୍ରିଟେନର ବୈଦେଶିକ ସଚିବ ଡୋମିନିକ୍ ରାଏବଙ୍କ ଭାରତକୁ କୋଭିଡ-19 ମହାମାରୀ ସମୟରେ ଗସ୍ତ କରିବା ଏହି ଧାରଣାକୁ ଆହୁରି ଦୃଢ କରିଛି ଯେ ଲଣ୍ଡନ ନୂଆଦିଲ୍ଲୀ ସହିତ ସମ୍ପର୍କକୁ ଉନ୍ନତ କରିବାକୁ ଚାହୁଁଛି। ଶ୍ରୀ ରାଏବ ଏହା ମଧ୍ୟ ନିଶ୍ଚିତ କରିଛନ୍ତି ଯେ 2021 ମସିହାରେ ଭାରତର ଗଣତନ୍ତ୍ର ଦିବସ ପରେଡରେ ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ ମୁଖ୍ୟ ଅତିଥି ହେବେ। 2004 ପରଠାରୁ ଭାରତ ଏବଂ ବ୍ରିଟେନର ରଣନୀତିକ ଭାଗିଦାରୀ ରହିଛି; ସୂଚନାଯୋଗ୍ୟ ଯେ ଇୟୁ ଛାଡିବା ପରେ ପ୍ରଧାନମନ୍ତ୍ରୀ ଜନସନଙ୍କ ପ୍ରଥମ ବିଦେଶ ଗସ୍ତ ହେଉଛି ନୂଆଦିଲ୍ଲୀ। ଭାରତ-ବ୍ରିଟେନ ମନ୍ତ୍ରୀସ୍ତରୀୟ ଆଲୋଚନାର ଢାଞ୍ଚାରେ ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ଏସ. ଜୟଶଙ୍କର ଏବଂ ଶ୍ରୀ ରାବଙ୍କ ସାକ୍ଷାତ ହୋଇଥିଲା ଯାହା ପାଞ୍ଚଟି ନିର୍ଦ୍ଦିଷ୍ଟ ପ୍ରସଙ୍ଗରେ ସହଯୋଗକୁ ବଢାଇବାକୁ ଚେଷ୍ଟା କରିଥିଲା; ଲୋକଙ୍କୁ ସଂଯୋଗ, ବାଣିଜ୍ୟ ଏବଂ ସମୃଦ୍ଧତା, ପ୍ରତିରକ୍ଷା ଏବଂ ସୁରକ୍ଷା, ଜଳବାୟୁ ଏବଂ ସ୍ୱାସ୍ଥ୍ୟ | ଉଭୟ ପକ୍ଷ ଏକ ଉଚ୍ଚାଭିଳାଷୀ 10 ବର୍ଷର ଭାରତ-ୟୁକେ ରୋଡମ୍ୟାପ ଗ୍ରହଣ କରିଛନ୍ତି | ଏହି ପରିପ୍ରେକ୍ଷୀରେ ଡକ୍ଟର ଜୟଶଙ୍କର କହିଛନ୍ତି ଯେ, “ଗଣତ...

ଭାରତ ଏବଂ ବାଙ୍ଗଲାଦେଶ ମଧ୍ୟରେ ଅନୁଷ୍ଠିତ ହୋଇଥିବା ଭର୍ଚୁଆଲ୍ ଶିଖର ସମ୍ମିଳନୀ ଆଉ ଏକ ସଫଳ ପ୍ରୟାସ ଥିଲା ଯାହା ଦୁଇ ପଡ଼ୋଶୀ ରାଷ୍ଟ୍ର ମଧ୍ୟରେ ଗଭୀର ତଥା ଅତୁଟ ବନ୍ଧନକୁ ପ୍ରତିଫଳିତ କରିଛି | 16 ଡିସେମ୍ବରରେ ବିଜୟ ଦିବସ ପାଳନ ହେବାର ଗୋଟିଏ ଦିନ ପରେ ଏହି ସମ୍ମିଳନୀ ଅନୁଷ୍ଠିତ ହୋଇଥିଲା | ବାଙ୍ଗଲାଦେଶ ଏହି ଦିନ 1971 ମସିହାରେ ପାକିସ୍ତାନ ବିରୁଦ୍ଧରେ ମୁକ୍ତି ସଂଗ୍ରାମରେ ବିଜୟ ଲାଭ କରିଥିଲା। ମୁକ୍ତି ସଂଗ୍ରାମର ସ୍ମୃତିଚାରଣ, ଦୀର୍ଘ 50 ବର୍ଷ ପୁରୁଣା ଭାରତ-ବାଙ୍ଗଲାଦେଶ ବନ୍ଧୁତ୍ୱପୂର୍ଣ୍ଣ ସମ୍ପର୍କର ଅନ୍ୟତମ ମୁଖ୍ୟ ଆକର୍ଷଣ ଥିଲା | କୋଭିଡ -19 ମହାମାରୀକୁ ଦୃଷ୍ଟିରେ ରଖି ମାର୍ଚ୍ଚ 2020 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଢାକା ଗସ୍ତକୁ ବାତିଲ କରିବା ପରେ ଦୁଇ ପ୍ରଧାନମନ୍ତ୍ରୀଙ୍କ ମଧ୍ୟରେ ଏହା ପ୍ରଥମ ଦ୍ୱିପାକ୍ଷିକ ବୈଠକ ଥିଲା। ଏହି ବୈଠକ ବସିବା ପୂର୍ବରୁ ବାଙ୍ଗଲାଦେଶ ଏବଂ ଭାରତ, ହାଇଡ୍ରୋକାର୍ବନ୍, କୃଷି, ନୂଆଦିଲ୍ଲୀ ସଂଗ୍ରହାଳୟ ଏବଂ 'ବଙ୍ଗବନ୍ଧୁ' ସଂଗ୍ରହାଳୟ ମଧ୍ୟରେ ସମନ୍ଵୟ , ଦୁଇ ଦେଶ ସୀମାନ୍ତରେ ଆତଯାତ କରୁଥିବା ହାତୀଙ୍କ ସଂରକ୍ଷଣ, ଏକ ଉଚ୍ଚପ୍ରଭାବଶାଳୀ ଗୋଷ୍ଠୀଗତ ବିକାଶ ପ୍ରକଳ୍ପ, ଭାରତ-ବାଙ୍ଗଲାଦେଶ ସିଇଓ ଫୋରମର ବିଷୟକ ସର୍ତ୍ତାବଳୀ ଏବଂ ବରିଶାଲ ନଗର ନିଗମର କଠିନ ବର୍ଜ୍ୟ ଓ ଆବର୍ଜନା ପରିଚାଳନା ପାଇଁ ଯନ୍ତ୍ରପାତି ଯୋଗାଣ ପାଇଁ ଏକ ତ୍ରିପାକ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାକାଶ କାର୍ଯ୍ୟକଳାପରେ ଭାଗିଦାରୀ ଲାଗି ପ୍ରୋତ୍ସାହିତ କରିବା ଲକ୍ଷ୍ୟରେ ମହାକାଶ କ୍ଷେତ୍ରରୁ ପ୍ରମୁଖ ଉଦ୍ୟୋଗପତି, ଷ୍ଟାର୍ଟ ଅପ୍ ଏବଂ ଶିକ୍ଷାବିତ ମାନଙ୍କ ସହିତ ଭର୍ଚୁଆଲ ମାଧ୍ୟମରେ ବୈଠକ କରିଥିଲେ । ପ୍ରଧାନମନ୍ତ୍ରୀଙ୍କ ନେତୃତ୍ୱରେ କେନ୍ଦ୍ର କ୍ୟାବିନେଟ୍ ବୈଠକରେ ଚଳିତ ବର୍ଷ ଜୁନରେ ମହାକାଶ କ୍ଷେତ୍ର ଖୋଲିବା ଏବଂ ସବୁ ପ୍ରକାରର ମହାକାଶ କାର୍ଯ୍ୟକଳାପରେ ଭାରତୀୟ ବେସରକାରୀ କ୍ଷେତ୍ରକୁ ଭାଗିଦାରୀରେ ସମର୍ଥ କରିବା ପାଇଁ ଐତିହାସିକ ନିଷ୍ପତ୍ତି ନିଆଯାଇଥିଲା | ଭାରତୀୟ ଜାତୀୟ ମହାକାଶ ପ୍ରୋତ୍ସାହନ ଏବଂ ପ୍ରାଧିକରଣ କେନ୍ଦ୍ର (ଇନ ସ୍ପେସ)ର ସ୍ଥାପନା ଦ୍ଵାରା ଘରୋଇ କମ୍ପାନୀ ଏବଂ ଷ୍ଟାର୍ଟ ଅପ୍ ଗୁଡିକୁ ମଧ୍ୟ ସମାନ ଅବସର ମିଳିବ | ପରବର୍ତ୍ତୀ ସମୟରେ, ଅନେକ ଉଦ୍ୟୋଗ ମହାକାଶ ବିଭାଗ ଅଧୀନରେ ଇନ ସ୍ପେସ ରେ ପ୍ରସ୍ତାବ ଦାଖଲ କରିଥିଲେ | ଏହି ପ୍ରସ୍ତାବଗୁଡ଼ିକ ଉପଗ୍ରହ ନକ୍ଷତ୍ର, କ୍ଷୁଦ୍ର ଉପଗ୍ରହ ଉତକ୍ଷେପଣ ଯାନ, ଗ୍ରାଉଣ୍ଡ ଷ୍ଟେସନ୍, ଜିଓସ୍ପାଟିଆଲ ସେବା, ପ୍ରବୃତ୍ତି ପ୍ରଣାଳୀ ଏବଂ ପ୍ରୟୋଗ ଉତ୍ପାଦ ସମେତ ବ୍ୟାପକ କାର୍ଯ୍ୟକଳାପ ସହିତ ଜଡିତ | ଏହି ସମ୍ମିଳନୀରେ ଅଂଶଗ୍ରହଣକାରୀଙ୍କୁ ସେମାନଙ୍କ ପରାମର୍ଶ ଓ ଏ ଦିଗରେ ତାଙ୍କ ଅନୁଭୂତି ଆଦାନ ପ୍ରଦାନ କରିଥିବାରୁ ପ୍ରଧାନମନ୍ତ୍ରୀ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ଯେ ମହାକାଶ କ୍ଷେତ୍ରକୁ ଖୋଲିବାର ନିଷ୍...

ଭାରତ, ଇଥିଓପିଆ, ଆଫ୍ରିକୀୟ ୟୁନିଅନ୍ ଏବଂ ଅନ୍ୟାନ୍ୟ ହିତାଧିକାରୀଙ୍କ ଦ୍ବାରା ଭାରତ-ଆଫ୍ରିକା ସ୍ୱାସ୍ଥ୍ୟ ସମ୍ମିଳନୀ ଆୟୋଜିତ ହୋଇଛି । ଏଥିରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ହର୍ଷବଦ୍ରର୍ଦ୍ଧନ ତଥା କାର୍ଯ୍ୟନିର୍ବାହୀ ବୋର୍ଡ, ବିଶ୍ୱ ସ୍ୱାସ୍ଥ୍ୟ ସଂଗଠନ ଅଧ୍ୟକ୍ଷ ଶ୍ରୀ ଭି ମୁରଲୀଧରନ୍, ଭାରତର ବୈଦେଶିକ ବ୍ୟାପାର ତଥା ସଂସଦୀୟ ବ୍ୟାପାର ମନ୍ତ୍ରୀ ଡକ୍ଟର ଲିଆ ତାଡେସେଙ୍କ ସହ ଇଥିଓପିଆ ସରକାର, ଆମିରା ଏଲଫାଡିଲ, ସାମାଜିକ ବ୍ୟାପାର କମିଶନର, ଆଫ୍ରିକୀୟ ୟୁନିୟନ କମିଶନ, ଆଲେମ ତେହେଏ ୱୋଲେମାରିୟମ, ଭାରତ-ଆଫ୍ରିକାର ଆଫ୍ରିକୀୟ ମିଶନର ଡିନ ତଥା ଭାରତ, ଇଥିଓପିଆ ଏବଂ ଆଫ୍ରିକୀୟ ୟୁନିଅନର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ । ସହଭାଗୀ ସଭ୍ୟତା ମୂଲ୍ୟବୋଧ, ଉପନିବେଶ ବିରୋଧୀ ସଂଗ୍ରାମ ଏବଂ ଲୋକମାନଙ୍କ ସହିତ ଲୋକମାନଙ୍କ ସମ୍ପର୍କ ଆଧାରିତ ଆଫ୍ରିକୀୟ ଦେଶମାନଙ୍କ ସହିତ ଭାରତର ବିଶେ​‌ଷ​‌ ସମ୍ପର୍କ ରହିଛି । ଭାରତର ସ୍ବାଧୀନତା ପରେ ଆଫ୍ରିକୀୟ ଦେଶମାନଙ୍କ ସହ ଭାରତର ସମ୍ପର୍କ ଅନେକ ଗୁଣ ବୃଦ୍ଧି ପାଇଛି ଏବଂ ଉଭୟ ଆଞ୍ଚଳିକ ତଥା ବିଶ୍ବସ୍ତରରେ ଏକ ସ୍ଥାୟୀ ସହଭାଗୀତାରେ ପରିପକ୍ବ ହୋଇଛନ୍ତି । ଉଭୟ ଭାରତ ଏବଂ ଆଫ୍ରିକା ପରି ସହଯୋଗୀ ବିକାଶଶୀଳ ଦେଶରେ କୋଭିଡ -19 ମହାମାରୀ ଦ୍ବାରା ଲୋକଙ୍କ ଜୀବନ ଜୀବିକା ଗୁରୁତର ପ୍ରଭାବିତ ହୋଇଛି । ବିଶେଷ କରି ସ୍ୱାସ୍ଥ୍ୟସେବା କ୍ଷେତ୍ରରେ ଯୋଗାଣ ଶୃଙ୍ଖଳାର ବିବିଧତା ଏବଂ ସନ୍...

ଗତ ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଉଜବେକିସ୍ତାନର ରାଷ୍ଟ୍ରପତି ଶବକତ ମିର୍ଜିୟୋଏଭ ଭାରତ ଏବଂ ଉଜବେକିସ୍ତାନ ମଧ୍ୟରେ ଏକ ଭର୍ଚୁଆଲ୍ ଶିଖର ସମ୍ମିଳନୀରେ ସହଅଧ୍ୟକ୍ଷତା କରିଥିଲେ। ଯେକୌଣସି କେନ୍ଦ୍ରୀୟ ଏସୀୟ ଦେଶ ସହିତ ଏହା ଭାରତର ପ୍ରଥମ ସମ୍ମିଳନୀ ଥିଲା | ଉଭୟ ନେତା ଦ୍ୱିପାକ୍ଷିକ ସମ୍ପର୍କ, କୋଭିଡ-19 ମହାମାରୀ ଏବଂ ପାରସ୍ପରିକ ସ୍ୱାର୍ଥ ସମ୍ଵଳିତ ଆଞ୍ଚଳିକ ତଥା ବିଶ୍ଵ ସ୍ତରୀୟ ପ୍ରସଙ୍ଗ ଉପରେ ଗଭୀର ଭାବରେ ମତ ଆଦାନ ପ୍ରଦାନ କରିଥିଲେ। ଭାରତ-ଉଜବେକିସ୍ତାନର ରଣନୀତିକ ଭାଗିଦାରୀକୁ ଏକ ନୂତନ ଏବଂ ଉଚ୍ଚ ସ୍ତରକୁ ନେବାକୁ ଦୁହେଁ ନିରନ୍ତର ପ୍ରତିବଦ୍ଧତା ପ୍ରକାଶ କରିଛନ୍ତି। ସଦ୍ୟତମ ସମ୍ମିଳନୀ ପୂର୍ବରୁ ଉଭୟ ନେତା ସେମାନଙ୍କର ପୂର୍ବ ବୈଠକକୁ ପ୍ରଶଂସା କରିଥିଲେ ଏବଂ ଆଶା ବ୍ୟକ୍ତ କରିଛନ୍ତି ଯେ ବିଭିନ୍ନ ବୈଠକରେ ରାଜନୈତିକ, ବାଣିଜ୍ୟ ଏବଂ ପୁଞ୍ଜି ବିନିଯୋଗ, ପ୍ରତିରକ୍ଷା, ସୁରକ୍ଷା, ଆତଙ୍କବାଦ ବିରୋଧୀ, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା, ଆଣବିକ ଶକ୍ତି, ମହାକାଶ ଆଦି କ୍ଷେତ୍ରରେ ନୂଆଦିଲ୍ଲୀ ଏବଂ ତାସକେଣ୍ଟ ମଧ୍ୟରେ ସହଯୋଗ ଅଧିକ ମଜବୁତ ହୋଇଛି। , ସୂଚନା ପ୍ରଯୁକ୍ତିବିଦ୍ୟା ଏବଂ ସାଂସ୍କୃତିକ ଏବଂ ଶୈକ୍ଷିକ ସଂଯୋଗ କୁ ପ୍ରୋତ୍ସାହିତ କରିଛି | ଅଗଷ୍ଟରେ ଅନୁଷ୍ଠିତ ମନ୍ତ୍ରୀ ସ୍ତରରେ ଜାତୀୟ ସମନ୍ୱୟ କମିଟି ବୈଠକ ବିଭିନ୍ନ ଦ୍ୱିପାକ୍ଷିକ ପ୍ରକଳ୍ପ ଏବଂ ଚୁକ୍ତିନାମାଗୁଡିକର କାର୍ଯ୍ୟକାରିତା ଉପରେ ନ...

ପାକିସ୍ତାନର 11ଟି ପାର୍ଟି ଡେମୋକ୍ରାଟିକ୍ ମୁଭମେଣ୍ଟ (ପିଡିଏମ୍) ନିଜର ଗତିବିଧିକୁ ସକ୍ରିୟ କରିବାକୁ ଯାଇ ଆସନ୍ତା ବର୍ଷ ଜାନୁଆରୀରେ ଇସଲାମାବାଦରେ ଏକ ମେଗା ରାଲି ଉପରେ ଦୃଷ୍ଟି ରଖିଥିବାରୁ ଇମ୍ରାନ ଖାନ ସରକାର ଅତ୍ୟନ୍ତ ଦୁର୍ବଳ ଏବଂ ଅଶାନ୍ତ ଦେଖାଯାଉଛନ୍ତି। ଅକ୍ଟୋବରରୁ ଅନୁଷ୍ଠିତ ରାଲିରେ ଏହାର ପ୍ରତିକ୍ରିୟାରେ ଏହା ଦେଖାଯାଇଛି | ବିରୋଧୀ ଦଳ ଜାତୀୟ ତଥା ପ୍ରାଦେଶିକ ବିଧାନସଭାରୁ ଇସ୍ତଫା ଦେବାକୁ ଯୋଜନା କରୁଥିବାରୁ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ସରକାର ଅଧିକ ଚିନ୍ତାଗ୍ରସ୍ତ ହୋଇଯାଇଛନ୍ତି। ଏହି ଚିନ୍ତାର ସଦ୍ୟତମ ଉଦାହରଣ ହେଉଛି ବରିଷ୍ଠ ମନ୍ତ୍ରୀଙ୍କ ଅଭିଯୋଗ ଯେ ପିଡିଏମ ଏହାର ସମାବେଶ ଆୟୋଜନ ପାଇଁ ବିଦେଶୀ ପାଣ୍ଠି ଗ୍ରହଣ କରୁଛି। ଟେଲିଭିଜନ ଟକ୍-ସୋ’ରେ ଥିବା ଅନ୍ୟ ମନ୍ତ୍ରୀମାନେ ମଧ୍ୟ ପାକିସ୍ତାନର ଚିରାଚରିତ ଚିନ୍ତାଧାରାକୁ ପ୍ରତିଫଳିତ କରି ବିରୋଧୀଦଳର ନେତାମାନଙ୍କୁ ଦୁର୍ନୀତିଗ୍ରସ୍ତ ଅଭିଯୋଗ କରି ଏଥିପାଇଁ କ୍ଷମା ମାଗନ୍ତୁ ବୋଲି କହିଛନ୍ତି । ନିକଟରେ ହୋଇଥିବା ଏକ ସାକ୍ଷାତକାରରେ ଇମ୍ରାନ ଖାନ କହିଥିଲେ ଯେ ସେ ଦୁର୍ନୀତିଗ୍ରସ୍ତ ବିରୋଧୀ ଦଳର ନେତାଙ୍କୁ କ୍ଷମା ଦାନ କରିବେ ନାହିଁ ଏବଂ କୋଭିଡ -19 ମାମଲା ଯେପରି ବଢି ଚାଲିଛି ତାକୁ ଦୃଷ୍ଟିରେ ରଖି ଯଦି ବିରୋଧୀମାନେ ରାଲି ବନ୍ଦ ନଖରିବେ ତେବେ 13 ଡିସେମ୍ବରରେ ଲାହୋରରେ ହେବାକୁ ଥିବା ସମାବେଶକୁ ସମର୍ଥନ କରୁଥିବା ଲୋକଙ୍କ ବିରୋଧରେ ସର...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଦିନ ଭାରତର ନୂତନ ସଂସଦ ଭବନର ମୂଳଦୁଆ ପକାଇଛନ୍ତି । ନୂତନ ଅଟ୍ଟାଳିକା ହେଉଛି ‘ଆତ୍ମନିର୍ଭର ଭାରତ’ ଦର୍ଶନର ଏକ ଅନ୍ତର୍ନିହିତ ଅଂଶ ଏବଂ ସ୍ବାଧୀନତା ପରେ ପ୍ରଥମ ଥର ପାଇଁ ଜନଗଣଙ୍କ ସଂସଦ ଗଠନର ଏହା ଏକ ସୁବର୍ଣ୍ଣ ସୁଯୋଗ । 2022 ସ୍ୱାଧୀନତାର 75 ତମ ବାର୍ଷିକୀରେ ଏକ ‘ନୂତନ ଭାରତ’ର ଆବଶ୍ୟକତା ଏବଂ ଆକାଂକ୍ଷା ସହିତ ଏହା ସଂଯୁକ୍ତ ହେବ । ଏହି କାର୍ଯ୍ୟକ୍ରମରେ ଲୋକସଭା ବାଚସ୍ପତି ଓମ ବିର୍ଲା, କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜ ନାଥ ସିଂହ, ଅନ୍ୟ ବରିଷ୍ଠ ମନ୍ତ୍ରୀ, ସାଂସଦ ଏବଂ ଆମନ୍ତ୍ରିତ ଅତିଥିମାନେ ଯୋଗ ଦେଇଥିଲେ । ଏହି ଅବସରରେ ସର୍ବ ଧର୍ମ ପ୍ରାର୍ଥନା ସମାରୋହ ଅନୁଷ୍ଠିତ ହୋଇଥିଲା । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଭାରତର ଗଣତାନ୍ତ୍ରିକ ଇତିହାସରେ ଏକ ମାଇଲଖୁଣ୍ଟ, ଯାହା ‘ଭାରତୀୟତା’ର ଧାରାରେ ପରିପୂର୍ଣ୍ଣ । ସେ ଆହୁରି ମଧ୍ୟ କହିଛନ୍ତି ଯେ ଆମର ଗଣତାନ୍ତ୍ରିକ ପରମ୍ପରାର ଅନ୍ୟତମ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ ହେଉଛି ନୂତନ ସଂସଦ ଗୃହ ନିର୍ମାଣ କାର୍ଯ୍ୟ । ସଂସଦର ଏହି ନୂତନ ଭବନକୁ ଏକତ୍ର ନିର୍ମାଣ କରିବାକୁ ସେ ଭାରତୀୟଙ୍କୁ ଆହ୍ବାନ ଦେଇଛନ୍ତି । ଭାରତ ସ୍ୱାଧୀନତାର 75 ବର୍ଷ ପାଳନକୁ ଆମ ସଂସଦର ନୂତନ ଭବନ ସ୍ବାଗତ କରିବାଠାରୁ ଅଧିକ ସୁନ୍ଦର କିମ୍ବା ଅଧିକ ଶୁଦ୍ଧ ଆଉ କିଛି ହୋଇପାରିବ ନାହିଁ ବୋଲି ସେ କହିଛନ୍ତି । 2014 ...

ଇନଭେଷ୍ଟ ଇଣ୍ଡିଆ ବା ନିବେଶ ଭାରତ ହେଉଛି ଭାରତର ଜାତୀୟ ନିବେଶ ପ୍ରୋତ୍ସାହନ ସଂସ୍ଥା | ଜାତିସଂଘ ବାଣିଜ୍ୟ ଓ ବିକାଶ କନଫରେନ୍ସ ସମ୍ମିଳନୀ (ୟୁଏନସିଟିଏଡ଼ି) 2020ର ମିଳିତ ଜାତିସଂଘ ନିବେଶ ପ୍ରୋତ୍ସାହନ ପୁରସ୍କାର ଲାଗି ଇନଭେଷ୍ଟ ଇଣ୍ଡିଆକୁ ବିଜେତା ଘୋଷିତ କରିଛି। ଏହି ପୁରସ୍କାର ସମଗ୍ର ବିଶ୍ୱରେ ନିବେଶ ପ୍ରୋତ୍ସାହନ ଏଜେନ୍ସି (ଆଇପିଏସ୍) ର ସର୍ବୋତ୍ତମ ଉପଲବ୍ଧି ଓ ଉତ୍ତମ କାର୍ଯ୍ୟକୁ ପ୍ରତିବିମ୍ବିତ କରିଥାଏ | ୟୁଏନସିଟିଏଡ଼ି 180 ଆଇପିଏର ମୂଲ୍ୟାଙ୍କନ କରିଛି ଏବଂ ନିବେଶ ଭାରତକୁ ବିଜେତା ଭାବରେ ଘୋଷଣା କରିଛି | ଚଳିତ ସପ୍ତାହରେ, ଜେନେଭାର ୟୁଏନସିଟିଏଡ଼ି ମୁଖ୍ୟାଳୟରେ ଏହି ପୁରସ୍କାର ସମାରୋହ ଅନୁଷ୍ଠିତ ହୋଇଥିଲା | ଜାତିସଂଘର ନିବେଶ ପ୍ରୋତ୍ସାହନ ପୁରସ୍କାର ହେଉଛି ନିବେଶ ପ୍ରୋତ୍ସାହନ ସଂସ୍ଥା ଗୁଡ଼ିକ ପାଇଁ ସବୁଠାରୁ ପ୍ରତିଷ୍ଠିତ ପୁରସ୍କାର | ଏହା ପୂର୍ବରୁ କୋରିଆ, ସିଙ୍ଗାପୁର ଏବଂ ଜର୍ମାନୀ ଏହି ପୁରସ୍କାର ଜିଣି ସାରିଛନ୍ତି | ୟୁଏନସିଟିଏଡ଼ି ହେଉଛି ଏକ କେନ୍ଦ୍ରୀୟ ଏଜେନ୍ସି ଯାହା ଆଇପିଏ ର ପ୍ରଦର୍ଶନ ଉପରେ ନଜର ରଖେ ଏବଂ ବୈଶ୍ଵିକ ସର୍ବୋତ୍ତମ କାର୍ଯ୍ୟ ପ୍ରଣାଳୀ ଗୁଡ଼ିକୁ ଚିହ୍ନଟ କରେ | କୋଭିଡ 19 ମହାମାରୀର ପୃଷ୍ଠଭୂମିରେ, ନିବେଶ ପ୍ରୋତ୍ସାହନ ଏଜେନ୍ସି ଗୁଡିକ ବହୁ ଚାଲେଞ୍ଜର ସମ୍ମୁଖୀନ ହୋଇଛନ୍ତି | ସେମାନଙ୍କୁ ନିୟମିତ ନିବେଶ ପ୍ରୋତ୍ସାହନ ଓ ସୁବିଧାରୁ ଧ୍ୟାନ ହଟାଇ ସଙ୍କଟ ପରିଚାଳନ...

ଭାରତରେ ବିଶ୍ୱର ସବୁଠାରୁ ବଡ ମୋବାଇଲ୍ ଟେଲିଫୋନି ନେଟୱାର୍କ ରହିଛି। ଅଗ୍ରଣୀ ତଥ୍ୟ ଏବଂ ଆନାଲିଟିକ୍ସ କମ୍ପାନୀ ଅନୁଯାୟୀ ଭାରତରେ ମୋବାଇଲ୍ ସବସ୍କ୍ରିପସନ୍ ଅନୁପ୍ରବେଶ 2020 ମସିହାରେ 88.3% ରୁ 2023 ରେ 100% କୁ ଅତିକ୍ରମ କରିଯିବଏବଂ ଗ୍ରାମାଞ୍ଚଳରେ ସ୍ମାର୍ଟଫୋନ୍ ତଥା 4G- ଦୀର୍ଘକାଳୀନ ବିବର୍ତ୍ତନ (LTE) ସେବାଗୁଡିକର କଭରେଜ୍ ମଧ୍ୟ ବୃଦ୍ଧି ହେବବୋଲି ତଥ୍ୟ ପ୍ରଦାତା ତଥା ବିଶ୍ଳେଷଣକାରୀ କଂପାନୀ ମାନେ ମତବ୍ୟକ୍ତ କରିଛନ୍ତି । ନିକଟରେ ପ୍ରକାଶିତ ଏକ ରିପୋର୍ଟରୁ ଜଣାପଡିଛି ଯେ ମୋବାଇଲ୍ ସେକ୍ଟରରେ କୋଭିଡ-19 ମହାମାରୀର ପ୍ରଭାବ ଅପେକ୍ଷାକୃତ ମୃଦୁ ହୋଇଛି ଏବଂ ମୋବାଇଲ୍ ସେବା ରାଜସ୍ୱ 2020-2025 ମଧ୍ୟରେ 9.1% ଯୌଗିକ ବାର୍ଷିକ ଅଭିବୃଦ୍ଧି ହାରରେ ବୃଦ୍ଧି ପାଇବ | ଡାଟା ସେବା ବିଭାଗ 2020-2025 ମଧ୍ୟରେ ମୋବାଇଲ୍ ଡାଟା ସେବା ରାଜସ୍ୱ 18.3% ରେ ବୃଦ୍ଧି ହେବାକୁ ଯାଉଛି | ଭିଡିଓ କନଫରେନ୍ସ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ “ଇଣ୍ଡିଆ ମୋବାଇଲ କଂଗ୍ରେସ” (ଆଇଏମସି) 2020 ରେ ଉଦଘାଟନୀ ଉତ୍ସବରେ ଉଦବୋଧନ ଦେଇଥିଲେ।ଆଇଏମସି- 2020 ପାଇଁ ଥିମ୍ ହେଉଛି "ଅନ୍ତର୍ଭୂକ୍ତ ଇନୋଭେସନ୍ - ସ୍ମାର୍ଟ, ସୁରକ୍ଷିତ, ସ୍ଥାୟୀ"। ଏହା 'ଆତ୍ନନିର୍ଭର ଭାରତ', 'ଡିଜିଟାଲ୍ ଅନ୍ତର୍ଭୂକ୍ତିକରଣ' ଏବଂ 'ସ୍ଥାୟୀ ବିକାଶ, ଉଦ୍ୟୋଗୀତା ଏବଂ ନବସୃଜନ' କୁ ପ୍ରୋତ୍ସାହିତ କରିବା ପାଇଁ ପ୍ରଧ...

ବହୁ ମାସ ଧରି ତନାଘନା ଆଲୋଚନା ପରେ ଆଫଗାନିସ୍ତାନ ସରକାର ଏବଂ ତାଲିବାନ ମଧ୍ୟରେ ବହୁ ପ୍ରତୀକ୍ଷିତ ଶାନ୍ତି କଥାବାର୍ତ୍ତା ଏକ ନିର୍ଦ୍ଦିଷ୍ଟ ମୋଡ଼ରେ ଉପନୀତ ହୋଇଥିବାର ଜଣାପଡିଛି। ଭବିଷ୍ୟତରେ କୌଣସି ଏଜେଣ୍ଡା ଉପରେ ଆଲୋଚନା କରିବା ଏବଂ ଏହାର ପ୍ରକ୍ରିୟାକୁ ମାର୍ଗଦର୍ଶନ କିମ୍ବା ଶୃଙ୍ଖଳିତ କରିବା ଲାଗି ବୁଝାମଣାର ରୂପରେଖକୁ ନେଇ ଉଭୟ ପକ୍ଷ ଏକ ପ୍ରକାର ସହମତି ପ୍ରକାଶ କରିଛନ୍ତି । ହିଂସା ଅଧ୍ୟୁଷିତ ଦେଶରେ ଏକ ଅସ୍ତ୍ରବିରତି ସହିତ ଅଧିକ ବଳିଷ୍ଠ ତଥା ମହତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବା ଲାଗି ଏକ ରାଜିନାମା ଚୁଡାନ୍ତ ହୋଇଛି । ଆଫଗାନିସ୍ତାନ ପାଇଁ ଆମେରିକାର ସ୍ୱତନ୍ତ୍ର ଦୂତ ଜାଲମେ ଖାଲିଜାଦଙ୍କ କହିବାନୁଯାୟୀ ଏକ ତିନି ପୃଷ୍ଠାର ଏହି ରାଜିନାମାରେ ନିୟମ ଏବଂ ପ୍ରକ୍ରିୟାଗୁଡ଼ିକୁ ବର୍ଣ୍ଣନା କରାଯାଇଛି ଯାହା ବିଶେଷକରି ଅସ୍ତ୍ରବିରତି ତଥା ଆଫଗାନିସ୍ତାନର ଭବିଷ୍ୟତର ରାଜନୈତିକ ଶାସନ ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିବାବେଳେ ପ୍ରମୁଖ ଭୂମିକା ଗ୍ରହଣ କରିବ। ଚଳିତ ବର୍ଷ ସେପ୍ଟେମ୍ବରରେ ଦୋହାରେ ଆରମ୍ଭ ହୋଇଥିବା ଆମେରିକା ସମର୍ଥିତ ଶାନ୍ତି କଥାବାର୍ତ୍ତା ବୁଝାମଣା କରୁଥିବା ପକ୍ଷଙ୍କ ମଧ୍ୟରେ ଥିବା ମତ ପାର୍ଥକ୍ୟକୁ ନେଇ କଳ୍ପନା ଜଳ୍ପନା ସୃଷ୍ଟି ହୋଇଛି। ଆଫଗାନିସ୍ତାନରେ ଆଶରଫ ଘାନି ନେତୃତ୍ୱାଧୀନ ସରକାରଙ୍କ ବୈଧତାକୁ ତାଲିବାନ ଗ୍ରହଣ କରିବାକୁ ମନା କରିଦେଇଛି। ତେଣୁ ତାଲିବାନର ଉଦ୍ଦେ...

ଷଷ୍ଠ ଭାରତ-କାମ୍ବୋଡିଆ, ଲାଓସ୍ ପିଡିଆର, ମିଆଁମାର ଏବଂ ଭିଏତନାମ (ସିଏଲ୍‌ଏମ୍‌ଭି) ବିଜିନେସ କନକ୍ଲେଭ ଭର୍ଚୁଆଲ୍ ପ୍ଲାଟଫର୍ମ ମାଧ୍ୟମରେ ଅନୁଷ୍ଠିତ ହୋଇଯାଇଛି । ସିଏଲ୍‌ଏମ୍‌ଭି ଦେଶଗୁଡ଼ିକ କେବଳ ଭୌଗୋଳିକ ସଂଯୋଗ ଦ୍ୱାରା ନୁହେଁ ବରଂ ଐତିହାସିକ ସଂଯୋଗ ତଥା ସାଂସ୍କୃତିକଐତିହ୍ୟ ଦ୍ୱାରା ମଧ୍ୟ ବନ୍ଧା । କୋଭିଡ୍ -19 ମହାମାରୀ ଏକ ଅଦୃଶ୍ୟ ସଙ୍କଟ, ଯାହା ଆମ ଜୀବନଶୈଳୀକୁ ବିପର୍ଯ୍ୟସ୍ତ କରିଛି । ମହାମାରୀ ଲଢ଼େଇର ଅନେକ ମାସ ପରେ ମଧ୍ୟ, ଜୀବନ, ଜୀବିକା ତଥା ଏହି ଅଞ୍ଚଳର ଅର୍ଥନୀତିରେ ଏହା କେତେ ପରିମାଣର କ୍ଷୟକ୍ଷତି ଘଟିଛି ସେ ବିଷୟରେ ଆମେ ଅନିଶ୍ଚିତ । ନଭେମ୍ବର 12, 2020 ରେ 17 ତମ ଭାରତ-ଏସିଆନ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସିଆନ Covid-19 ରେସପନ୍ସ ପାଣ୍ଠିକୁ ଏକ ମିଲିୟନ ଆମେରିକୀୟ ଡଲାର ଘୋଷଣା କରିଥିଲେ ଏବଂ ପାରମ୍ପରିକ ଔଷଧ କ୍ଷେତ୍ରରେ ଅଧିକ ସହଯୋଗ କରିବାକୁ ଆହ୍ବାନ ଦେଇଥିଲେ । ଅତ୍ୟାବଶ୍ୟକ ଔଷଧ ପାଇଁ ବିଶ୍ୱ ଯୋଗାଣ ଶୃଙ୍ଖଳା ଖୋଲିବା ଏବଂ ଏହି ସଙ୍କଟ ସମୟରେ ଡାକ୍ତର, ନର୍ସ ଏବଂ ପାରାମେଡିକ୍ସଙ୍କୁ ନେଇ ମେଡିକାଲ ସହାୟକ ଦଳ ନିୟୋଜନ କରିବାରେ ଭାରତ ଏକ ପ୍ରମୁଖ ଭୂମିକା ଗ୍ରହଣ କରିଛି । ଏହା ଅତ୍ୟୁକ୍ତି ହେବନାହିଁ ଯେ ଭାରତ ବିଶ୍ବର ସମସ୍ତ ଅଭାବୀ ଲୋକଙ୍କୁ ସୁଲଭ ମୂଲ୍ୟରେ ଗୁଣାତ୍ମକ ଜୀବନ ରକ୍ଷାକାରୀ ଔଷଧ ଉପଲବ୍ଧ କରି ‘ଫାର୍ମାସି ଅଫ୍ ୱାର୍ଲ୍ଡ’ ଆଖ୍ୟା ଅର୍ଜନ କରିଛି ! ଏହି ବୈଠକକୁ...

ଭାରତର ସୁରିନାମ ସହିତ ଘନିଷ୍ଠ, ଉଷ୍ମ ଏବଂ ବନ୍ଧୁତ୍ୱପୂର୍ଣ୍ଣ ସମ୍ପର୍କ ରହିଛି, ଯାହାକି ସାଂସ୍କୃତିକ ତଥା ଲୋକମାନଙ୍କ ଦ୍ଵାରା 142 ବର୍ଷ ପୁରୁଣା ଭାରତୀୟ ପ୍ରବାସୀମାନଙ୍କ ଆଗମନ ଦ୍ୱାରା ଲୋକଙ୍କ ସହ ସଂପର୍କ ଦୃଢ ହୋଇଛି। ପୂର୍ବ ଉତ୍ତରପ୍ରଦେଶ ଏବଂ ବିହାରରୁ ଆସିଥିବା 230,000 ରୁ ଅଧିକ ଭାରତୀୟ ଏବଂ ସୁରିନାମାରେ ବାସ କରୁଥିବା ପ୍ରାୟ 50 ଟି ସିନ୍ଧି ପରିବାର ଅର୍ଥନୀତି, ନାଗରିକ ସେବା, ଟେକ୍ନୋକ୍ରାଟ୍ ଏବଂ ସୁରିନାମର ମିଳିତ ସାଂସ୍କୃତିକ ମୂଲ୍ୟରେ ବିଶେଷ ଅବଦାନ ରଖିଛନ୍ତି। ଚଳିତ ବର୍ଷ ଜୁଲାଇରେ ଜଣେ ଭାରତୀୟ ବଂଶୋଦ୍ଭବ ଚନ୍ଦ୍ରିକା ପ୍ରସାଦ ସନ୍ତୋଖୀ ସୁରିନାମ ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ। ତାଙ୍କ ଶପଥ ଗ୍ରହଣ ସମାରୋହରେ ଶ୍ରୀ ସନ୍ତୋଖୀ ବୈଦିକ ଭଜନ ପାଠ କରିଥିଲେ; ସେ ସଂସ୍କୃତ ଭାଷାରେ ମଧ୍ୟ କଥା ହୋଇଥିଲେ। ପ୍ରଧାନମନ୍ତ୍ରୀ ମୋଦୀ ଶ୍ରୀ ସନ୍ତୋଖୀଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ସୁରିନାମ ସହିତ ଭାରତର ଘନିଷ୍ଠ ସମ୍ପର୍କକୁ ମନେ ପକାଇଲେ। ଶ୍ରୀ ମୋଦୀ କହିଛନ୍ତି, ଶହେ ବର୍ଷରୁ ଅଧିକ ସମୟ ପୂର୍ବରୁ ଭାରତର ଲୋକମାନେ ସୁରିନାମ ଯାଇ ଏହାକୁ ନିଜ ଘର କରିଥିଲେ। ଆଜି ସୁରିନାମ ଜନସଂଖ୍ୟାର ଏକ ଚତୁର୍ଥାଂଶରୁ ଅଧିକ ଭାରତୀୟ ବଂଶୋଦ୍ଭବ ଅଟନ୍ତି। ସେଠାରେ ଥିବା ସାଧାରଣ ଭାଷା ମଧ୍ୟରୁ ‘ସାରନାମୀ’ ଅନ୍ୟତମ; ଏହା ଭୋଜପୁରୀର ଏକ ଉପଭାଷା | ଏହି ସାଂସ୍କୃତିକ ବନ୍ଧନ ପାଇଁ ଭାରତ ଅତ୍ୟନ୍ତ ଗର୍ବିତ ...

ଲଗାତାର ଦ୍ୱିତୀୟ (ନଭେମ୍ବର) ମାସରେ ଦ୍ରବ୍ୟ ଏବଂ ସେବା କର (ଜିଏସ୍‌ଟି) ସଂଗ୍ରହ ଏକ ଲକ୍ଷ କୋଟି ଟଙ୍କା ଟପିଛି ଏବଂ ଉନ୍ନତ ଯାତ୍ରୀବାହୀ କାର ବିକ୍ରୟ, ରେଳ ମାଲ ପରିବହନ, ପରିଚାଳକଙ୍କ ପାଇଁ ସୂଚକାଙ୍କ (PMI)ଠାରୁ ଆରମ୍ଭ କରି ସକରାତ୍ମକ ଖବର ନିଶ୍ଚିତ ଭାବରେ ଅର୍ଥନୈତିକ ପରିବର୍ତ୍ତନର ସଙ୍କେତ ଦେଉଛି । କୌତୁହଳର ବିଷୟ, ଦ୍ୱିତୀୟ ତ୍ରୈମାସିକରେ (ଜୁଲାଇ-ସେପ୍ଟେମ୍ବର) 2020-21 ମଧ୍ୟରେ ତ୍ରୈମାସିକ ମୋଟ ଘରୋଇ ଉତ୍ପାଦ (ଜିଡିପି) ଅଭିବୃଦ୍ଧି ହାରରେ 7.5 ପ୍ରତିଶତ ହ୍ରାସ ଘଟିଥିବାବେଳେ ଲକଡାଉନ୍ ପ୍ରଭାବିତ ପ୍ରଥମ ତ୍ରୈମାସିକରେ ପ୍ରାୟ 24 ପ୍ରତିଶତ କମ୍‌ ଥିଲା । ପ୍ରକୃତ କ୍ଷେତ୍ରଗୁଡିକରେ ଅନୁକୂଳ ଅବଶିଷ୍ଟ ତ୍ରୈମାସିକରେ ତୀବ୍ର ପୁନରୁଦ୍ଧାର ହେବାର ଆଶା ସୃଷ୍ଟି କରିଛି । ଅର୍ଥ ମନ୍ତ୍ରଣାଳୟର ଅର୍ଥନୈତିକ ବ୍ୟାପାର ବିଭାଗର ସର୍ବଶେଷ ମୂଲ୍ୟାଙ୍କନ ଅନୁଯାୟୀ ଅନଲକ୍ ପ୍ରକ୍ରିୟା ଦ୍ବାରା ଏହା ଏକ ଭି-ଆକୃତିର ପୁନରୁଦ୍ଧାର ପଥରେ ଦୃଢ଼ ଅଗ୍ରଗତିକୁ ସୂଚାଇ ଦେଇଛି ଯାହା ଅତ୍ୟନ୍ତ ଚମତ୍କାର ଓ ଉତ୍ସାହଜନକ ଫଳାଫଳ । ଦ୍ବିିତୀୟ ତ୍ରୈମାସରେ ଉତ୍ପାଦନ ଅଭିବୃଦ୍ଧି 7.5 ପ୍ରତିଶତ ସହିତ ଦୃଢ଼ ଥିଲା, ପୂର୍ବ ବର୍ଷର ସମାନ ଅବଧି ତୁଳନାରେ ଏହା ସମ୍ଭବ ହୋଇପାରିଛି କାରଣ ଉତ୍ପାଦନ କ୍ଷେତ୍ରର ଅଭିବୃଦ୍ଧି ପ୍ରଥମ ତିନିମାସରେ ନକାରାତ୍ମକ 39 ପ୍ରତିଶତରୁ ଦ୍ୱିତୀୟ ତିନିମାସରେ ସକରାତ୍ମକ 0.6 ପ୍ରତିଶତକୁ ବୃଦ୍ଧି ପାଇଛି । ଉତ୍ପା...

ଗତ ସପ୍ତାହରେ ସଂଯୁକ୍ତ ଆରବ ଏମିରେଟ୍ସକୁ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କରଙ୍କ ଦୁଇ ଦିନିଆ ଗସ୍ତ କୋଭିଡ-19 ପରବର୍ତ୍ତୀ ସ୍ୱାଭାବିକ ସ୍ଥିତି ପାଇଁ ଭାରତର ରଣନୀତିର ଏକ ଅଂଶବିଶେଷ ଥିଲା । ଭାରତ-ଏମିରେଟ ମଧ୍ୟରେ ଘନିଷ୍ଠ ସମ୍ପର୍କ ସେତେବେଳେ ଲୋକଲୋଚନକୁ ଆସିଥିଲା ଯେତେବେଳେ ବୈଦେଶିକ ବ୍ୟାପାର ମନ୍ତ୍ରୀ ଆବୁଧାବିର ଯୁବରାଜ ତଥା ୟୁଏଇର ଶାସକ ଶେଖ ମହମ୍ମଦ ବିନ୍ ଜାଏଦ ଅଲ ନାହିନଙ୍କ ସହ ସାକ୍ଷାତ ଆଲୋଚନା କରିଥିଲେ । ଉପସାଗରୀୟ ଅଞ୍ଚଳରେ ୟୁଏଇ ହେଉଛି ଭାରତର ଗୁରୁତ୍ୱପୂର୍ଣ୍ଣ ରଣନୀତିକ ଭାଗିଦାରୀ ରାଷ୍ଟ୍ର । ଭାରତୀୟ ନାଗରିକଙ୍କ ଉପଯୁକ୍ତ ଯତ୍ନ ନେବାରେ ଏମିରାଟ ଦ୍ଵାରା କରାଯାଇଥିବା ଉଦ୍ୟମ ତଥା ସହାୟତା ନେଇ ଭାରତର କୃତଜ୍ଞତା ଜ୍ଞାପନ କରିବା ସହ ଉଭୟ ନେତା ମଧ୍ୟ ପାରସ୍ପରିକ ଉଦବେଗ ଜନିତ ଆଞ୍ଚଳିକ ତଥା ବିଶ୍ୱସ୍ତରୀୟ ପ୍ରସଙ୍ଗ ଉପରେ ଆଲୋଚନା କରିଥିଲେ। ଏହାପରେ, ଡକ୍ଟର ଜୟଶଙ୍କର ତାଙ୍କ ଏମିରାଟ ପ୍ରତିପକ୍ଷଙ୍କ ସହ ବୈଠକ କରି ବାଣିଜ୍ୟ, ପୁଞ୍ଜି ବିନିଯୋଗ, ଭିତ୍ତିଭୂମି, ଶକ୍ତି, ଖାଦ୍ୟ ନିରାପତ୍ତା ଏବଂ ପ୍ରତିରକ୍ଷା ସମେତ ସେମାନଙ୍କର ବ୍ୟାପକ ରଣନୀତିକ ଭାଗିଦାରୀତା ନେଇ ବିସ୍ତୃତ ଆଲୋଚନା କରିଥିଲେ ଓ ଏହାର ସମୀକ୍ଷା କରାଯାଇଥିଲା । ସେମାନେ ମଧ୍ୟ ସାମ୍ପ୍ରତିକ ଆଞ୍ଚଳିକ ଏବଂ ଆନ୍ତର୍ଜାତିକ ବିକାଶ ଉପରେ ଆଲୋଚନା କରିଥିଲେ ଏବଂ ବିଭିନ୍ନ ବହୁପକ୍ଷୀୟ ପ୍ରସଙ୍ଗ ଗୁଡ଼ିକ ଉପରେ ସମନ୍ୱୟ ଜ...

ବହୁପକ୍ଷୀୟ ଯୋଗଦାନ ଏବଂ ୟୁରେସିଆ ସହିତ ଏହାର ବଢ଼ୁଥିବା ସହଯୋଗ ଉପରେ ଅବିରତ ବିଶ୍ବାସକୁ ଦର୍ଶାଇ ଭାରତ ଏହି ସପ୍ତାହରେ ସାଂଘାଇ ସହଯୋଗ ସଂଗଠନ (ଏସସିଓ)ର ସଦସ୍ୟ ରାଷ୍ଟ୍ର ସରକାରଙ୍କ ମୁଖ୍ୟମାନଙ୍କ ଉନବିଂଶ ବୈଠକ ଆୟୋଜନ କରିଛି । ଗୁରୁତ୍ୱପୂର୍ଣ୍ଣ ୟୁରେସିଆ ଅଞ୍ଚଳରୁ ଏସ୍‌ସିଓ ଏକ ଦୃଢ଼ ସ୍ୱର ଭାବରେ ଉଭା ହୋଇଛି । 2017 ରେ ଭାରତ ଏସ୍‌ସିଓର ପୂର୍ଣ୍ଣ ସଦସ୍ୟ ହେଲା ଏବଂ ଏହା ନୂଆଦିଲ୍ଲୀ ଦ୍ବାରା ଆୟୋଜିତ ହୋଇଥିବା ପ୍ରଥମ ଏସସିଓ ହେଡସ୍ ସରକାରୀ ବୈଠକ ଥିଲା । କାଉନସିଲ୍ ଅଫ୍ ହେଡସ୍ ବୈଠକ ପରେ,ଏହା ଏସ୍‌ସିଓର ଦ୍ୱିତୀୟ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ । ମହାମାରୀ ସତ୍ତ୍ବେ ଭର୍ଚୁଆଲ୍ ଫର୍ମାଟରେ ଏହି ସଭା ଅନୁଷ୍ଠିତ ହୋଇଥିଲା । ଭାରତ ଏସ୍‌ସିଓ ସରକାରୀ ପରିଷଦର ମୁଖ୍ୟ ରହିଥିଲା । ଏହି ବୈଠକ ଭାରତର ଉପରାଷ୍ଟ୍ରପତି ଏମ୍‌ ଭେଙ୍କୟା ନାଇଡୁଙ୍କ ଦ୍ୱାରା ଆୟୋଜିତ ହୋଇଥିଲା । ଏଥିରେ କାଜାଖସ୍ତାନ, ଚୀନ୍, କିର୍ଗିଜ୍ ରିପବ୍ଲିକ୍, ପାକିସ୍ଥାନ, ରୁଷ, ତାଜିକିସ୍ତାନ ଏବଂ ଉଜବେକିସ୍ତାନ ପ୍ରମୁଖ ଏସ୍‌ସିଓ ସଦସ୍ୟ ରାଷ୍ଟ୍ରର ପ୍ରତିନିଧିମାନେ ଯୋଗ ଦେଇଥିଲେ । ତୁର୍କମେନିସ୍ତାନ ଏକ ବିଶେଷ ଅତିଥି ଭାବରେ ଅଂଶଗ୍ରହଣ କରିଥିଲା ଏବଂ ଏସ୍‌ସିଓ ଆଞ୍ଚଳିକ ଆତଙ୍କବାଦ ବିରୋଧୀ ସଂରଚନା (RATS) ର କାର୍ଯ୍ୟନିର୍ବାହୀ ନିର୍ଦ୍ଦେଶକ, ଆଫଗାନିସ୍ତାନ, ବେଲାରୁଷ, ଇରାନ, ମୋଙ୍ଗୋଲିଆ ଏବଂ ଏସ୍‌ସିଓ ବ୍ୟବସାୟ ପରିଷଦ ଓ ଏସ୍‌ସିଓର ମୁଖ୍ୟମାନେ ଅଂ...