ପାକିସ୍ତାନରେ ଇମ୍ରାନଙ୍କ ବାଚଳାମି ଏବଂ ପିଡିଏମର ଅଗ୍ରଗତି

ପାକିସ୍ତାନର 11ଟି ପାର୍ଟି ଡେମୋକ୍ରାଟିକ୍ ମୁଭମେଣ୍ଟ (ପିଡିଏମ୍) ନିଜର ଗତିବିଧିକୁ ସକ୍ରିୟ କରିବାକୁ ଯାଇ ଆସନ୍ତା ବର୍ଷ ଜାନୁଆରୀରେ ଇସଲାମାବାଦରେ ଏକ ମେଗା ରାଲି ଉପରେ ଦୃଷ୍ଟି ରଖିଥିବାରୁ ଇମ୍ରାନ ଖାନ ସରକାର ଅତ୍ୟନ୍ତ ଦୁର୍ବଳ ଏବଂ ଅଶାନ୍ତ ଦେଖାଯାଉଛନ୍ତି। ଅକ୍ଟୋବରରୁ ଅନୁଷ୍ଠିତ ରାଲିରେ ଏହାର ପ୍ରତିକ୍ରିୟାରେ ଏହା ଦେଖାଯାଇଛି | ବିରୋଧୀ ଦଳ ଜାତୀୟ ତଥା ପ୍ରାଦେଶିକ ବିଧାନସଭାରୁ ଇସ୍ତଫା ଦେବାକୁ ଯୋଜନା କରୁଥିବାରୁ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ସରକାର ଅଧିକ ଚିନ୍ତାଗ୍ରସ୍ତ ହୋଇଯାଇଛନ୍ତି।

ଏହି ଚିନ୍ତାର ସଦ୍ୟତମ ଉଦାହରଣ ହେଉଛି ବରିଷ୍ଠ ମନ୍ତ୍ରୀଙ୍କ ଅଭିଯୋଗ ଯେ ପିଡିଏମ ଏହାର ସମାବେଶ ଆୟୋଜନ ପାଇଁ ବିଦେଶୀ ପାଣ୍ଠି ଗ୍ରହଣ କରୁଛି। ଟେଲିଭିଜନ ଟକ୍-ସୋ’ରେ ଥିବା ଅନ୍ୟ ମନ୍ତ୍ରୀମାନେ ମଧ୍ୟ ପାକିସ୍ତାନର ଚିରାଚରିତ ଚିନ୍ତାଧାରାକୁ ପ୍ରତିଫଳିତ କରି ବିରୋଧୀଦଳର ନେତାମାନଙ୍କୁ ଦୁର୍ନୀତିଗ୍ରସ୍ତ ଅଭିଯୋଗ କରି ଏଥିପାଇଁ କ୍ଷମା ମାଗନ୍ତୁ ବୋଲି କହିଛନ୍ତି ।

ନିକଟରେ ହୋଇଥିବା ଏକ ସାକ୍ଷାତକାରରେ ଇମ୍ରାନ ଖାନ କହିଥିଲେ ଯେ ସେ ଦୁର୍ନୀତିଗ୍ରସ୍ତ ବିରୋଧୀ ଦଳର ନେତାଙ୍କୁ କ୍ଷମା ଦାନ କରିବେ ନାହିଁ ଏବଂ କୋଭିଡ -19 ମାମଲା ଯେପରି ବଢି ଚାଲିଛି ତାକୁ ଦୃଷ୍ଟିରେ ରଖି ଯଦି ବିରୋଧୀମାନେ ରାଲି ବନ୍ଦ ନଖରିବେ ତେବେ 13 ଡିସେମ୍ବରରେ ଲାହୋରରେ ହେବାକୁ ଥିବା ସମାବେଶକୁ ସମର୍ଥନ କରୁଥିବା ଲୋକଙ୍କ ବିରୋଧରେ ସରକାର ମାମଲା ଦାୟର କରିବେ। ପୂର୍ବରୁ, ମୁଲତାନରେ ପିଡିଏମର ପଞ୍ଚମ ରାଲି ପୂର୍ବରୁ ଇମ୍ରାନ ଖାନ ସରକାର ରାଲିକୁ ବନ୍ଦ କରିବାକୁ ସବୁ ପଦକ୍ଷେପ ନେଇ ମଧ୍ୟ ସମର୍ଥ ହୋଇନଥିଲେ।

20 ସେପ୍ଟେମ୍ବର ପରଠାରୁ, ଗୁଜ୍ରାନୱାଲା (16 ଅକ୍ଟୋବର) କରାଚି (18 ଅକ୍ଟୋବର), କ୍ୱେଟା (25 ଅକ୍ଟୋବର), ପେଶୱାର (22 ନଭେମ୍ବର) ଏବଂ ମୁଲତାନ (30 ନଭେମ୍ବର) ରେ ପିଡିଏମ ଏପର୍ଯ୍ୟନ୍ତ ପାଞ୍ଚଟି ସମାବେଶ କରିଛି। ସରକାର ସମାବେଶକୁ ଭଣ୍ତୁର କରିବା ପାଇଁ ସତ ଚେଷ୍ଟା କରି ମଧ୍ୟ ବିଫଳ ହୋଇଛି।

ପିଡିଏମ ର ବାର ପଏଣ୍ଟ ଦାବି ହେଉଛି ସାମ୍ବିଧାନିକ ସର୍ବୋଚ୍ଚତା ପ୍ରତିଷ୍ଠା, ମୁକ୍ତ ଏବଂ ନିରପେକ୍ଷ ନିର୍ବାଚନ ସୁନିଶ୍ଚିତ କରିବା, ସଂସଦର ସ୍ଵାଧୀନ କାର୍ଯ୍ୟକାରିତା, ସ୍ଵାଧୀନ ନ୍ୟାୟପାଳିକା, ରାଜନୀତିରେ ପାକିସ୍ତାନୀ ସେନାର ଭୂମିକାକୁ ବନ୍ଦ କରିବା, ପ୍ରଦେଶର ଅଧିକାର ରକ୍ଷା କରିବା ଏବଂ ଆତଙ୍କବାଦ ଏବଂ ଉଗ୍ରବାଦର ମୁକାବିଲା କରିବା।

ପିଡିଏମ ନେତୃତ୍ୱ ଇମ୍ରାନ ଖାନଙ୍କୁ ଜଣେ 'ମନୋନୀତ' ପ୍ରଧାନମନ୍ତ୍ରୀ ବୋଲି କହିଛନ୍ତି, ଅର୍ଥାତ ସେନା ସେମାନଙ୍କୁ ନିଜର ଇଛା ଚରିତାର୍ଥ କରିବା ପାଇଁ ଆଣିଛନ୍ତି ଏଣୁ ଇମ୍ରାନଙ୍କ ଇସ୍ତଫା ଦାବି କରିଛନ୍ତି। ସେମାନେ ଅଭିଯୋଗ କରିଛନ୍ତି ଯେ ଇମ୍ରାନଙ୍କୁ କ୍ଷମତାକୁ ଆଣିବା ପାଇଁ ସେନା ଦ୍ୱାରା ନିର୍ବାଚନ ପ୍ରକ୍ରିୟାରେ ହେରଫେର କରାଯାଇଥିଲା। ସେନାର ହସ୍ତକ୍ଷେପ ଅଭିଯୋଗ କରୁଥିବା ଅଧିକାଂଶ ପିଡିଏମ୍ ନେତାଙ୍କ ସ୍ୱର ଅତ୍ୟନ୍ତ ନିରବ ହୋଇଯାଇଥିବାବେଳେ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ ତାଙ୍କ ସରକାର ଏବଂ ବ୍ୟବସ୍ଥା ବିରୁଦ୍ଧରେ ଦୃଢ ସ୍ଵର ଉତ୍ତୋଳନ କରିଛନ୍ତି ଏବଂ “କିଛି ସ୍ୱାର୍ଥପର ଜେନେରାଲ୍” ମାନଙ୍କୁ ନିନ୍ଦା କରିଛନ୍ତି ଏବଂ ପାକିସ୍ତାନୀ ସେନା ମୁଖ୍ୟ ଏବଂ ଆଇଏସଆଇ ମୁଖ୍ୟଙ୍କ ନାମ ନେଇଛନ୍ତି।

ବିଶେଷ କରି ବାଲୁଚିସ୍ତାନ, ଆଦିବାସୀ ଅଞ୍ଚଳ ଏବଂ ସିନ୍ଧରେ ସଂଖ୍ୟାଲଘୁ ଜନଜାତିଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଛି । 

ପାକିସ୍ତାନର ଅନେକ ପର୍ଯ୍ୟବେକ୍ଷକ ମତ ଦେଇଛନ୍ତି ଯେ ଏହି ସଙ୍କଟ ଦୂର କରିବା ପାଇଁ ସରକାର ବ୍ୟାପକ ଆଲୋଚନା କରିବା ଦରକାର ଏବଂ ଆସ୍ଥା ଏବଂ ସମନ୍ଵୟ ସୃଷ୍ଟି ପାଇଁ ଚେଷ୍ଟା କରିବା ଦରକାର | କିନ୍ତୁ ଇମ୍ରାନ ବିରୋଧୀ ଦଳର ନେତାଙ୍କ ବିରୁଦ୍ଧରେ ନିଜର ଅଭିଯାନ ଜାରି ରଖିଛନ୍ତି ଏବଂ ସେମାନଙ୍କୁ ମାଫିଆ ଏବଂ ଜାତୀୟ ସମ୍ପଦର ଲୁଟେରା ବୋଲି ବର୍ଣ୍ଣନା କରିଛନ୍ତି। 

ଏସବୁ ମଧ୍ୟରେ ପାକିସ୍ତାନ ଭାରତକୁ ବିଭିନ୍ନ କ୍ଷେତ୍ରରେ ଦୋଷାରୋପ କରି ଲୋକମାନଙ୍କ ଧ୍ୟାନ ହଟାଇବାକୁ ଚେଷ୍ଟା କରୁଛି, ପାକିସ୍ତାନ ଦେଶ ବାହାରେ ଏବଂ ଭିତରେ ସମନ୍ଵୟ ରକ୍ଷା କରି ପାକିସ୍ତାନ ଏହାର ଭବିଷ୍ୟତକୁ ରକ୍ଷା କରିପାରିବ।

ଆଲେଖ୍ୟ: ଡକ୍ଟର ଅଶୋକ ବେହୁରିଆ