ସ୍ବାଧୀନତା ଦିବସ ଅଭିଭାଷଣରେ ଆତ୍ମନିର୍ଭର ହେବା ପାଇଁ ପ୍ରଧାନମନ୍ତ୍ରୀଙ୍କ ଗୁରୁତ୍ବ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 15 ଅଗଷ୍ଟ 2020 ରେ ଲାଲକିଲାର ପ୍ରାଚୀରରୁ ଦେଶକୁ ସମ୍ବୋଧିତ କରି କହିଛନ୍ତି ଯେ ଆମେ ଆମର ମୁକ୍ତ ଅସ୍ତିତ୍ୱର 75 ବର୍ଷ ମଧ୍ୟରେ ପ୍ରବେଶ କରିବୁ । ଏହା ଏକ ମହତ୍ବପୂର୍ଣ୍ଣ ଘଟଣା ା ସମସ୍ତ 130 କୋଟି ଭାରତୀୟଙ୍କୁ ଆସନ୍ତା ଦୁଇ ବର୍ଷ ପାଇଁ ଗୁରୁତ୍ୱପୂର୍ଣ୍ଣ ଶପଥ ନେବାକୁ ପଡିବ ା ଯେତେବେଳେ ଆମେ ଆମର ସ୍ୱାଧୀନତାର 75 ବର୍ଷ ପୂରଣ କରିବୁ, ସେତେବେଳେ ଆମେ ସେହି ଶପଥସବୁ ପୂରା କରିଥିବାର ଉତ୍ସବ ପାଳନ କରିବାକୁ ସମର୍ଥ ହେବୁ ା

ଆମର ପିତୃପୁରୁଷମାନେ ଏହି ସ୍ୱାଧୀନତା ପାଇଁ ଅତ୍ୟଧିକ ପ୍ରତିବଦ୍ଧତା, ସାମଗ୍ରିକ ଏକତା, ଅଖଣ୍ଡ ତଥା ଆନ୍ତରିକ ତପସ୍ୟା, , ତ୍ୟାଗ ଏବଂ ବଳିଦାନ ସହିତ ଲଢ଼ିଥିଲେ । ମା’ ଭାରତୀ ପାଇଁ ସେମାନେ ଯେଉଁଭଳି ଭାବରେ ଜୀବନ ଦେଇଥିଲେ ତାହା ଆମେ କେବେବି ଭୁଲିଯିବା ଉଚିତ୍ ନୁହେଁ ା ଆମେ କଦାପି ଭୁଲିଯିବା ଉଚିତ ନୁହେଁ ଯେ ଦାସତ୍ୱର ଏହି ଦୀର୍ଘ ଏବଂ ଅନ୍ଧକାର ଯୁଗରେ, ଏକ କ୍ଷଣ ମଧ୍ୟ ହଜି ଯାଇ ନଥିଲା ଯେତେବେଳେ ସେମାନେ ସ୍ୱାଧୀନତାର ଇଚ୍ଛା ଦ୍ୱାରା ପ୍ରଭାବିତ ହୋଇନଥିଲେ ା ପ୍ରଧାନମନ୍ତ୍ରୀ କହିଛନ୍ତି ବାପୁଜୀ (ମହାତ୍ମା ଗାନ୍ଧୀ)ଙ୍କ ନେତୃତ୍ୱରେ ଜନ ଆନ୍ଦୋଳନ ସହିତ ମହାନ ଜାତୀୟ ଜାଗରଣ ସ୍ୱାଧୀନତା ସଂଗ୍ରାମକୁ ନୂତନ ପ୍ରେରଣା ଦେଇଥିଲା, ତେଣୁ ଆଜି ଆମେ ଆଶୀର୍ବାଦ ପ୍ରାପ୍ତ ହୋଇ ଆମର ସ୍ୱାଧୀନତା ଦିବସକୁ ଏପରି ଉତ୍ସାହ ସହିତ ପାଳନ କରିବାକୁ ସକ୍ଷମ ା

ସମଗ୍ର ବିଶ୍ୱରେ, ସ୍ୱାଧୀନତା ପାଇଁ ଯୁଦ୍ଧରେ, ଭାରତ ଏକତାର ଶକ୍ତି ଏବଂ ସାମୂହିକ ଭାବରେ, ଏହାର ଉଜ୍ଜ୍ୱଳ ଭବିଷ୍ୟତର ସଂକଳ୍ପ, ପ୍ରତିବଦ୍ଧତା ଏବଂ ପ୍ରେରଣା ସହିତ ମୁଣ୍ଡକୁ ଉଚ୍ଚ କରି ଚାଲିଲା ା

ଶ୍ରୀ ମୋଦୀ କହିଛନ୍ତି ଯେ କରୋନା ମହାମାରୀ ମଧ୍ୟରେ 130 କୋଟି ଭାରତୀୟ ଆତ୍ମନିର୍ଭରଶୀଳ ହେବାକୁ ପ୍ରତିଶ୍ରୁତି ଦେଇଛନ୍ତି । ଆଜି ପ୍ରତ୍ୟେକ ଭାରତୀୟଙ୍କ ମନରେ ଆତ୍ମନିର୍ଭରଶୀଳତା ଉଙ୍କି ମାରିଛି ା ଆମେ ମଧ୍ୟ ଆତ୍ମନିର୍ଭରଶୀଳ ଭାରତର ସେହି ସ୍ୱପ୍ନର ସାକାର ହେବାର ସାକ୍ଷୀ ଅଟୁ (“ଆତ୍ମ ନିର୍ଭର ଭାରତ”) ା “ଆତ୍ମନିର୍ଭରଶୀଳ ଭାରତ” କେବଳ ଗୋଟିଏ ଶବ୍ଦ ନୁହେଁ, ଏହା 130 କୋଟି ଦେଶବାସୀଙ୍କ ପାଇଁ ଏକ ମନ୍ତ୍ର ପାଲଟିଛି।

ସ୍ୱାଧୀନତାର 75 ତମ ବାର୍ଷିକୀଠାରୁ ଆମେ ମାତ୍ର ଗୋଟିଏ ପାଦ ଦୂରରେ, ଭାରତ ଭଳି ଦେଶ ନିଜେ ଠିଆ ହେବା ଏବଂ ଆତ୍ମନିର୍ଭରଶୀଳ ହେବା ଜରୁରୀ ଅଟେ । ପ୍ରଧାନମନ୍ତ୍ରୀ ତାଙ୍କର ସମ୍ପୂର୍ଣ୍ଣ ବିଶ୍ୱାସ ବ୍ୟକ୍ତ କରିଛନ୍ତି ଯେ ଭାରତ ଏହି ସ୍ୱପ୍ନକୁ ସାକାର କରିବ । ଏହାର କାରଣ ହେଉଛି ଦେଶର ନାଗରିକଙ୍କ ଶକ୍ତି । ପ୍ରଧାନମନ୍ତ୍ରୀ ସେମାନଙ୍କ ପ୍ରତିଭା ପାଇଁ ଗର୍ବିତ ଅନୁଭବ କଲେ ା ସେ ଆମର ଯୁବପିଢ଼ି଼ି ତଥା ଦେଶର ଅନନ୍ୟ ମହିଳା ଶକ୍ତି ଉପରେ ମଧ୍ୟ ନିଜର ଆତ୍ମବିଶ୍ୱାସ ପ୍ରକାଶ କରିଛନ୍ତି । ଇତିହାସ ସାକ୍ଷୀ ଯେ ଯେତେବେଳେ ବି ଭାରତ କିଛି କରିବାକୁ ସ୍ଥିର କରେ, ତାହା କରେ ା

ଶ୍ରୀ ମୋଦୀ କହିଛନ୍ତି, ଭାରତ ସର୍ବଦା ‘ଏକ ବିଶ୍ୱ ଏକ ପରିବାର’ ଉପଦେଶକୁ ଅନୁସରଣ କରିଆସୁଛି। ବେଦ କହିଛନ୍ତି ଯେ ‘ବସୁଧୈବ କୁଟୁମ୍ବକମ୍‌’ ଏବଂ ବିନୋବା ଜୀ କହନ୍ତି ‘ଜୟ ଜଗତ’ ଅର୍ଥାତ୍ ବିଶ୍ୱକୁ ନମସ୍କାର ା ତେଣୁ, ଜଗତ ଆମ ପାଇଁ ଗୋଟିଏ ପରିବାର ା ତେଣୁ, ଆର୍ଥିକ ବିକାଶ ସହିତ ମାନବଜାତି ଏବଂ ମାନବିକତା ମଧ୍ୟ ଗୁରୁତ୍ୱ ପାଇବା ଉଚିତ୍ ା ଏବଂ ଆମେ ଏହି ନିର୍ଦ୍ଦେଶକୁ ଅନୁସରଣ କରୁ ା

ଆଜି ଦୁନିଆ ପରସ୍ପର ସହ ଜଡିତ ଏବଂ ଆନ୍ତଃନିର୍ଭରଶୀଳ ା ତେଣୁ, ସମୟର ଆବଶ୍ୟକତା ହେଉଛି ଭାରତ ପରି ଏକ ବିଶାଳ ଦେଶ ବିଶ୍ୱ ଅର୍ଥନୀତିରେ ନିଜର ଅବଦାନ ବୃଦ୍ଧି କରିବା ଉଚିତ୍ । ବିଶ୍ୱକଲ୍ୟାଣ ପ୍ରତି ଏହା ମଧ୍ୟ ଭାରତର କର୍ତ୍ତବ୍ୟ ା ଯଦି ଭାରତ ଏହାର ଅବଦାନ ବୃଦ୍ଧି କରିବାକୁ ଚାହୁଁଛି ତେବେ ତାକୁ ନିଜେ ସଶକ୍ତ ହେବାକୁ ପଡିବ; ନିଜକୁ ଆତ୍ମନିର୍ଭର ହେବାକୁ ପଡିବ ା ଆମେ ନିଜକୁ ବିଶ୍ୱ କଲ୍ୟାଣ ଦିଗରେ ସହଯୋଗ କରିବାକୁ ସକ୍ଷମ ହେବା ଆବଶ୍ୟକ ା ଯଦି ଆମର ମୂଳ ଶକ୍ତିଶାଳୀ ଏବଂ ଆମେ ଯଥେଷ୍ଟ ସକ୍ଷମ, ତେବେ ଆମେ ବିଶ୍ୱ କଲ୍ୟାଣ ଦିଗରେ ପଦକ୍ଷେପ ନେବାକୁ ସମର୍ଥ ହେବୁ ା

ପ୍ରଧାନମନ୍ତ୍ରୀ ତାଙ୍କ ସ୍ୱାଧୀନତା ଦିବସ ଅଭିଭାଷଣରେ କହିଛନ୍ତି, ଆମ ଦେଶରେ ପ୍ରଚୁର ପ୍ରାକୃତିକ ସମ୍ପଦ ଅଛି ା ସମୟର ଆବଶ୍ୟକତା ହେଉଛି ଦେଶକୁ ନୂତନ ଉଚ୍ଚତାକୁ ନେବା ପାଇଁ ଆମର ପ୍ରାକୃତିକ ସମ୍ପଦ ଏବଂ ମାନବ ସମ୍ବଳର ବିନିଯୋଗ କରିବା ଆରମ୍ଭ କରିବା ଉଚିତ୍ ା ଆମେ କେତେ କାଳ ପର୍ଯ୍ୟନ୍ତ ବିଶ୍ୱକୁ କଞ୍ଚମାଲ ରପ୍ତାନି ଜାରି ରଖିବୁ? କଞ୍ଚାମାଲ ରପ୍ତାନି ଏବଂ ପ୍ରସ୍ତୁତ ସାମଗ୍ରୀ ଆମଦାନୀ ପ୍ରକ୍ରିୟା କେତେ ଦିନ ଚାଲିବ? ଆମକୁ ଶୀଘ୍ର ଆତ୍ମନିର୍ଭରଶୀଳ ହେବାକୁ ପଡିବ ା ବିଶ୍ବର ଆବଶ୍ୟକତା ଅନୁଯାୟୀ ଆମକୁ ଆମର ସାମର୍ଥ୍ୟର ମୂଲ୍ୟ ଯୋଗ କରିବାକୁ ପଡିବ ା ତାହା ହେଉଛି ଆମର ଦାୟିତ୍ବ ।

କୃଷି-ମୂଲ୍ୟ ଯୋଗରେ ଆତ୍ମନିର୍ଭରଶୀଳତାର ଶକ୍ତି ମଧ୍ୟ ଏହି କ୍ଷେତ୍ରରେ ଆବଶ୍ୟକ ା ଆମର କୃଷି କ୍ଷେତ୍ର ବିଶ୍ବର ଆବଶ୍ୟକତା ଅନୁଯାୟୀ ବିକଶିତ ହେବା ଆବଶ୍ୟକ; ଆମର କୃଷି କ୍ଷେତ୍ରର ମାନ ବୃଦ୍ଧି ମଧ୍ୟ ଆବଶ୍ୟକ ା

ଦେଶ ଅନେକ ନୂତନ ପଦକ୍ଷେପ ନେଉଛି । ଆମେ ସ୍ପେସ୍ ସେକ୍ଟର ଖୋଲିଛୁ ା ଦେଶର ଯୁବକମାନେ ସୁଯୋଗ ପାଇଛନ୍ତି । ଯେତେବେଳେ ମହାକାଶ କ୍ଷେତ୍ରରେ ଭାରତ ଶକ୍ତିଶାଳୀ ହୁଏ, ପଡୋଶୀ ଦେଶ ମଧ୍ୟ ଏହାର ଲାଭ ପାଆନ୍ତି ା ଯଦି ଆମେ ଶକ୍ତି କ୍ଷେତ୍ରରେ ଶକ୍ତିଶାଳୀ ହୋଇଥାଉ, ତେବେ ଭାରତ ସେହି ଦେଶମାନଙ୍କୁ ସାହାଯ୍ୟ କରିପାରିବ ଯେଉଁମାନେ ସେମାନଙ୍କର ଅନ୍ଧକାର ଦୂର କରିବାକୁ ଚାହୁଁଛନ୍ତି । ଯେତେବେଳେ ଦେଶର ସ୍ୱାସ୍ଥ୍ୟ ଭିତ୍ତିଭୂମି ଆତ୍ମନିର୍ଭରଶୀଳ ହୁଏ, ସେତେବେଳେ ସ୍ୱାସ୍ଥ୍ୟ ପର୍ଯ୍ୟଟନ ପାଇଁ ଏକ ଲକ୍ଷ୍ୟସ୍ଥଳ ଭାବରେ ଭାରତ ଏକ ପସନ୍ଦଯୋଗ୍ୟ ଦେଶ ହୋଇଯାଏ ା ତେଣୁ, ଏହା ଦେଖିବା ଆବଶ୍ୟକ ଯେ ‘ମେକ୍ ଇନ୍ ଇଣ୍ଡିଆ’ ଉତ୍ପାଦଗୁଡ଼ିକ ଯେପରି ବିଶ୍ୱରେ ପ୍ରଶଂସିତ ହେବ ା ଇତିହାସ ଏହାର ଏକ ସାକ୍ଷୀ ଯେ ଏପରି ଏକ ସମୟ ଥିଲା ଯେତେବେଳେ ଆମ କୁଶଳୀ ମାନବ ଶକ୍ତି ଦ୍ୱାରା ଆମ ଦେଶରେ ଉତ୍ପାଦିତ ସାମଗ୍ରୀ ସମଗ୍ର ବିଶ୍ୱରେ ଆଦର ଲାଭ କରିଥିଲା ବୋଲି ପ୍ରଧାନମନ୍ତ୍ରୀ ତାଙ୍କ ସମ୍ବୋଧନରେ କହିଛନ୍ତି।

- ଆଲେଖ୍ୟ : ପଦମ ସିଂହ, ଆକାଶବାଣୀ ସମ୍ବାଦ ବିଶ୍ଳେଷକ