ପାର୍ଲାମେଣ୍ଟର ଶୀତକାଳିନ ଅଧିବେଶନରେ ଉଠିବାକୁ ଥିବା ପ୍ରସଙ୍ଗ

ପାର୍ଲାମେଣ୍ଟର ଶୀତକାଳିନ ଅଧିବେଶନ ନଭେମ୍ବର 18ରୁ ଆରମ୍ଭ ହୋଇ ଡିସେମ୍ବର 13 ତାରିଖରେ ଶେଷ ହେବ | ଏହି ଅଧିବେଶନରେ ଅନେକ ବିଲ ଉପସ୍ଥାପନ ହେବ | ଦୁଇଟି ଗୁରୁତ୍ଵପୂର୍ଣ୍ଣ ଅଧ୍ୟାଦେଶ ଏହି ଅଧିବେଶନ କାଳରେ ଆଇନରେ ପରିଣତ ହେବାର ସମ୍ଭାବନା ରହିଛି | ଜାତୀୟ ସ୍ଵାର୍ଥ ପରିପ୍ରେକ୍ଷୀରେ ଏହି ଅଧିବେଶନ ତିନୋଟି ପ୍ରମୁକ ପ୍ରସଙ୍ଗ ନୀତି, ଫଳାଫଳ ଏବଂ ରାଜନୈତିକ ସହମତି ଦୃଷ୍ଟିରୁ ଗୁରୁତ୍ଵ ବହନ କରିବ | ବିରୋଧି ଦଳମାନେ ସରକାରଙ୍କୁ ସାମାଜିକ, ରାଜନୈତିକ ଏବଂ ଅର୍ଥନୈତିକ ପ୍ରସଙ୍ଗକୁ ନେଇ ଘେରିବାର ସମ୍ଭାବନା ରହିଛି | ବିଗତ ଦୁଇ ବର୍ଷ ହେଲା ଶୀତକାଳିନ ଅଧିବେଶନ ନଭେମ୍ବର 21ରେ ଆରମ୍ଭ ହୋଇ ଜାନୁୟାରୀ ପ୍ରଥମ ସପ୍ତାହରେ ଶେଷ ହୋଇଥାଏ |

ଚଳିତ ବର୍ଷ ବର୍ଷାକାଳିନ ଅଧିବେଶନରେ ଟ୍ରିପଲ ତଲାକ, ମୋଟର ଯାନ ଆଇନ, ଜାତୀୟ ତଦନ୍ତ ସଂସ୍ଥା ସଂଶୋଧନ ଆଇନ ଏବଂ ଗୁରୁତ୍ଵପୂର୍ଣ୍ଣ 370 ଧାରା ଜମ୍ମୁ କଶ୍ମୀରରୁ ଉଚ୍ଛେଦ ପରି ଗୁରୁତ୍ଵପୂର୍ଣ୍ଣ ବିଲ ପାସ ହୋଇଥିଲା | ବିଜେପି ଏହାର ପ୍ରଥମ ପାଳି ସରକାର ସମୟରେ ନାଗରିକ ସଂଶୋଧନ ଆଇନ ପାର୍ଲାମେଣ୍ଟରେ ଉପସ୍ଥାପନ କରିଥିବା ବେଳେ ଏଥର ପୁଣି ତାକୁ ଉପସ୍ଥାପନ କରିବ | ସେହିପରି ଆର୍ଥିକ ମାନ୍ଦାବସ୍ଥାକୁ ଦୂର କରିବା ପାଇଁ କ୍ୟାବିନେଟ ଅନୁମୋଦନ କରିଥିବା ଦୁଇଟି ଅଧ୍ୟାଦେଶକୁ ଏହି ଅଧିବେଶନରେ ପାସ କରିବାକୁ ସରକାର ଚେଷ୍ଟା କରିବେ |

ବିରୋଧି ଦଳ ପକ୍ଷରୁ ଦେଶର ଆର୍ଥିକ ପରିସ୍ଥିତି ଏବଂ ଜମ୍ମୁ ଓ କଶ୍ମୀର ପରିସ୍ଥିତି ପ୍ରସଙ୍ଗ ଅଧିବେଶନରେ ଉଠିପାରେ | ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଗତ ସପ୍ତାହରେ ମୁମ୍ବାଇରେ କହିଥିଲେ ଯେ ପଞ୍ଜାବ ଏବଂ ମହାରାଷ୍ଟ୍ର ସମବାୟ ବ୍ୟାଙ୍କ ପ୍ରସଙ୍ଗ ମଧ୍ୟ ଅଧିବେଶନରେ ଉଠାଯିବ |

ରାଜ୍ୟ ସଭା ଅଧ୍ୟକ୍ଷ ଏମ ଭେଙ୍କିୟା ନାଇଡୁ ଗତ ରବିବାର ଦିନ ଅଧିବେଶନକୁ ସୁଚାରୁ ରୂପେ ଚଳାଇବା ପାଇଁ ସର୍ବଦଳୀୟ ବୈଠକ ଡକାଇଥିଲେ | ମହାରାଷ୍ଟ୍ରରେ ରାଷ୍ଟ୍ରପତି ଶାସନ ପ୍ରସଙ୍ଗ ଏହି ଅଧିବେଶନରେ ଉଠିବ | ବିଜେପି ଏଥର ଏକକ ସଂଖ୍ୟା ଗିଷ୍ଠତା ହାସଲ କରିଛି ଏବଂ ବିଜୁ ଜନତା ଦଳ, ତେଲଙ୍ଗାନା ରାଷ୍ଟ୍ରୀୟ ସମିତି ଓ YSR କଂଗ୍ରେସ ପାର୍ଟି ମଧ୍ୟ ପ୍ରସଙ୍ଗ ଭିତ୍ତିକ ସମର୍ଥନ ଯୋଗାଇ ଦେଉଛି |

ଚଳିତ ଅଧିବେଶନରେ ସରକାର ଅନେକ ବିଲ ଉପସ୍ଥାପନ କରି ଏହାକୁ ପାସ କରାଇବାକୁ ଯୋଜନା ରଖିଛନ୍ତି | ସୀମାପାର ସନ୍ତ୍ରାସବାଦ ରୋକିବା, କଂପାନୀମାନଙ୍କ ଠାରୁ ଅନାଦେୟ ଋଣ ଆଦାୟ ନିମନ୍ତେ ସରକାର କେତେକ ବିଲ ଆଣିବେ | ଅଣ ବ୍ୟାଙ୍କିଙ୍କ ସେବା ପ୍ରଦାତାଙ୍କ ପାଇଁ ସରକାର 227 ଧାରା ବିଜ୍ଞପିତ କରିବାର ଯୋଜନା ରଖିଛନ୍ତି |

ଆଲେଖ: ଯୋଗେଶ ସୁଦ

ଭାବାନୁବାଦ: ରାମଚଂଦ୍ର ନାଥ