ଆଫଗାନିସ୍ଥାନ ସଂକ୍ରାତୀୟ ଆମେରିକାର ସ୍ଵତନ୍ତ୍ର ଦୂତ ଭାରତର ଅଧିକାରୀମାନଙ୍କୁ ସାକ୍ଷାତ କଲେ

ଆଫଗାନିସ୍ଥାନର ପୁନଃଗଠନ ପାଇଁ ଆମେରିକାର ସ୍ଵତନ୍ତ୍ର ଦୂତ ଜଲମେୟ ଖାଲିଜାଦ ଭାରତ ଆସି ବେଦେଶିକ ମନ୍ତ୍ରୀ ଏବଂ ରାଷ୍ଟ୍ରୀୟ ନିରାପତ୍ତା ପରାମର୍ଶ ଦାତାଙ୍କୁ ସାକ୍ଷାତ କରିଛନ୍ତି | ନୂଆଦିଲ୍ଲୀ ଆସିବା ପୂର୍ବରୁ ସେ କତ୍ତାର ଏବଂ ପାକିସ୍ତାନ ଗସ୍ତ କରିସାରିଛନ୍ତି | ବ୍ୟାପକ ଆଞ୍ଚଳିକ ସମର୍ଥନ ପାଇଁ ସେ ପ୍ରଚେଷ୍ଠା ଚଳାଇଛନ୍ତି | ଶ୍ରୀ ଖଲିଲଜାଦ ଆଫଗାନିସ୍ଥାନରେ ଶାନ୍ତି ଆଲୋଚନାକୁ ଫଳପ୍ରଦ କରିବା ଏବଂ ସେଠାରୁ ହିଂସାର ଅବସାନ କରାଇବା ସହିତ କୋଭିଡ-19 ମହାମାରୀ କ୍ଷେତ୍ରରେ ସହଯୋଗ କରିବାକୁ ଆଞ୍ଚଳିକ ଦେଶମାନଙ୍କୁ ପ୍ରବର୍ତ୍ତାଉଛନ୍ତି |

ଆମେରିକାର ବୈଦେଶିକ ବିଭାଗ କହିଛି ଯେ ଏହି ଗସ୍ତର ଉଦ୍ଦେଶ୍ୟ ହେଉଛି ଆମେରିକା ତାଲିବାନ ବୁଝାମଣାକୁ ପୂର୍ଣ୍ଣ କାର୍ଯ୍ୟକାରୀ କରିବା ଯାହାକି ତାଲିବାନ ସନ୍ତ୍ରାସବାଦିମାନଙ୍କୁ ଜେଲରୁ ମୁକୁଳାଇବା ଉପରେ ଆଫଗାନିସ୍ଥାନ ସରକାର ରାଜି ନହେବାରୁ ଉପୁଜିଥିବା ପରିସ୍ଥିତି କାରଣରୁ ବାଧାପ୍ରାପ୍ତ ହୋଇଥିଲା | 2020 ଫେବୃୟାରୀରେ ଦୋହା ଠାରେ ଶ୍ରୀ ଖାଲିଜାଦ ଏବଂ ତାଲିବାନର ସହ ପ୍ରତିଷ୍ଠାତା ମୁଲ୍ଲା ବରାଦରଙ୍କ ମଧ୍ୟରେ ଐତିହାସୀକ ଶାନ୍ତି ବୁଝାମଣା ହୋଇଥିଲା | ଏହା ପରଠାରୁ ସେ ଘଟଣାକ୍ରମ ଉପରେ ଦୃଷ୍ଟି ରଖିଛନ୍ତି ଏବଂ ମହାମାରୀ ସମୟରେ ମଧ୍ୟ ଏଥିପାଇଁ ପ୍ରୟାସ କରୁଛନ୍ତି |

ଭାରତ ଏହି ଶାନ୍ତି ପ୍ରକ୍ରିୟାକୁ ସମର୍ଥନ କରୁଛି ଏବଂ ଆଫଗାନିସ୍ଥାନର ଶାନ୍ତି, ସ୍ଥିରତା ତଥା ନିରାପତ୍ତା ନିମନ୍ତେ ସମସ୍ତ ପ୍ରକାର ଅବସରକୁ ସମର୍ଥନ କରିବ ବୋଲି କହିଛି | ଶ୍ରୀ ଖାଲିଜାଦ ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କର ଏବଂ ରାଷ୍ଟ୍ରୀୟ ନିରାପତ୍ତା ପରାମର୍ଶଦାତା ଅଜୀତ ଡୋଭାଲଙ୍କୁ ସାକ୍ଷାତ କରି ଶାନ୍ତି ପ୍ରକ୍ରିୟାର ପ୍ରଗତି ଉପରେ ଅବଗତ କରାଇଛନ୍ତି | ଆଫଗାନିସ୍ଥାନରେ ବଢୁଥିବା ହିଂସା ଉପରେ ଭାରତ ଚିନ୍ତା ପ୍ରକଟ କରିବା ସହିତ ତୁରନ୍ତ ଅସ୍ତ୍ରବିରତି ଲାଗୁ କରିବାକୁ ଦାବି କରିଛି | ଭାରତ ଏହା ମଧ୍ୟ କହିଛି ଯେ ଆଫଗାନିସ୍ଥାନରେ ଶାନ୍ତି ଆଣିବା ପାଇଁ ସନ୍ତ୍ରାସବାଦିମାନଙ୍କ ଆଡ୍ଡାକୁ ତୁରନ୍ତ ବନ୍ଦ କରାଯିବା ଦରକାର | ଅପରପକ୍ଷେ ଆଫଗାନିସ୍ଥାନର ଆର୍ଥିକ ବିକାଶ ଏବଂ ପୁନଃଗଠନ ପାଇଁ ଭାରତର ମାନବୀୟ ସହାୟତାକୁ ଆମେରିକା ପ୍ରଶଂସା କରିଛି | ଆଫଗାନିସ୍ଥାନ ପାଇଁ ମହାମାରୀର ମୁକାବିଲା ନିମନ୍ତେ ଭାରତ ଆବଶ୍ୟକୀୟ ଔଷଧ ଏବଂ ଅନ୍ୟ ସେବା ଯୋଗାଇ ଆସୁଛି |

ପ୍ରଥମ ଥର ପାଇଁ ଆମେରିକା ଭାରତ ଏବଂ ତାଲିବାନ ମଧ୍ୟରେ ଆଲୋଚନା ନିମନ୍ତେ ସର୍ବସାଧାରଣରେ ପ୍ରସ୍ଥାବ ଦେଇଛି ଏବଂ ତାଲିବାନ ସହିତ ସନ୍ତ୍ରାସବାଦ ଉପରେ ଭାରତ ଖୋଲାଖୋଲି କଥା ହେଉ ବୋଲି ପ୍ରସ୍ଥାବ ରଖିଛି | ଏଥିରୁ ପ୍ରମାଣିତ ହେଉଛି ଯେ ଆଫଗାନିସ୍ଥାନ ଶାନ୍ତି ପ୍ରକ୍ରିୟାରେ ଭାରତର ବୃହତ୍ତର ଭୂମିକା ରହୁବୋଲି ଆମେରିକା ଚାହୁଁଛି | ରଏଟର ସମ୍ଵାଦ ସରବରାହ ସଂସ୍ଥା ଅନୁଯାୟୀ ଫେବୃୟାରୀରେ ଶାନ୍ତି ରାଜିନାମା ହେବା ପରଠାରୁ ତାଲିବାନ 4500 ଆକ୍ରମଣ କରିଛି | ଏହି ହିଂସା ପାଇଁ ତାଲିବାନ ଆଫଗାନିସ୍ଥାନ ଏବଂ ଆମେରିକାକୁ ଦୋଷାରୋପ କରୁଛି | ଏହାବ୍ୟତିତ ରାଷ୍ଟ୍ରପତି ଅସରଫ ଘନି ଏବଂ ତାଙ୍କର ପ୍ରତିଦ୍ଵନ୍ଦି ଅବଦୁଲ୍ଲା ଅବଦୁଲ୍ଲାଙ୍କ ମଧ୍ୟରେ ଆଲୋଚନା ସ୍ଥଗିତ ରହିଛି କାରଣ ସେପ୍ଟେମ୍ଵରରେ ହୋଇଥିବା ନିର୍ବାଚନରେ ଉଭୟ ବିଜୟୀ ହୋଇଥିବା ଦାବି କରୁଛନ୍ତି |

ଆଫଗାନିସ୍ଥାନ ମଧ୍ୟରେ ଶାନ୍ତି ପ୍ରକ୍ରିୟା ବାଧାପ୍ରାପ୍ତ ହେବାର ଅନ୍ୟ ଏକ କାରଣ ହେଉଛି ଯେ ସେଠାରେ ଦୁଇ ଗୋଷ୍ଠି ମଧ୍ୟରେ ବିଶ୍ଵାସ ଏବଂ ଭରଷାର ଅଭାବ ରହିଛି ତଥା ଉଭୟ ପକ୍ଷ ଜେଲରୁ ପରସ୍ପରର କଏଦି ମାନଙ୍କୁ ଅଧିକ ମୁକ୍ତ କରୁନାହାନ୍ତି | ରାଜିନାମା ଅନୁଯାୟୀ ମାର୍ଚରେ ଆଫଗାନିସ୍ଥାନ ସରକାର 5000 ତାଲିବାନୀଙ୍କୁ ଜେଲରୁ ମୁକ୍ତ କରିବା କଥା କିନ୍ତୁ ଏପର୍ଯ୍ୟନ୍ତ ମାତ୍ର 933 ଜଣଙ୍କୁ ମୁକ୍ତ କରିଛି | ସେହିପରି ତାଲିବାନ ଏହାର ଜେଲରେ ରଖିଥିବା 1000 ସରକାରୀ ଅଧିକାରୀହ୍କୁ ଛାଡିବା କଥା କିନ୍ତୁ ମାତ୍ର 155 ଜଣଙ୍କୁ ଛାଡିଛି | ଏସବୁକୁ ଦେଖି ତାଲିବାନ ସରକାର ବିରୁଦ୍ଧରେ ଆକ୍ରମଣକୁ ବଢାଇ ଦେଇଛି |

ବିଭିନ୍ନ କାରଣରୁ ଆଫଗାନସ୍ଥିନରେ ଶାନ୍ତି ପ୍ରକ୍ରିୟା ଫଳପ୍ରଦ ହୋଇନାହିଁ |


ମୂଳ ଲେଖା : ଡକ୍ଟର ସ୍ମିତା