ୟୁଏନଏଚଆରସିର 42ତମ ବୈଠକରେ ଭାରତର ତୀବ୍ର ଖଣ୍ତନ

ଜାତିସଂଘ ମାନବାଧିକାର ପରିଷଦ (ୟୁଏନଏଚଆରସି)ର 42ତମ ବୈଠକରେ କଶ୍ମୀର ମାମଲାରେ ଏକ ସମାଧାନ ପ୍ରସ୍ଥାବ ଉଦ୍ଧେଶ୍ୟ ସହିତ ପାକିସ୍ତାନର ବିଦେଶ ମନ୍ତ୍ରୀ ଶାହ ମେହମୁଦ କ୍ୟୁରେସୀ କଶ୍ମୀର ପ୍ରସଙ୍ଗକୁ ଆନ୍ତର୍ଜାତୀୟ କରିବାକୁ ପୁରା ଚେଷ୍ଟା କଲେ କିନ୍ତୁ ଅସଫଳ ହେଲେ | 47 ସଦସ୍ୟବିଶିଷ୍ଟ ପରିଷଦରେ 24ଟି ରାଷ୍ଟ୍ରର ସମର୍ଥନ ପାକିସ୍ତାନକୁ ଆବଶ୍ୟକ ଥିଲା କିନ୍ତୁ ଏହା ଉପରେ ବିତର୍କ ପାଇଁ ଏକ ଅନୁରୋଧ କରିବା ପା ପାକିସ୍ତାନ ସମର୍ଥନ ଯୋଗାଡ କରିବାରେ ବିଫଳ ହେଇଛି | କଶ୍ମୀର ପ୍ରସଙ୍ଗରେ ବିତର୍କ ପାଇଁ ଅନୁରୋଧ କରିବାର ସମୟସୀମା ସେପ୍ଟେମ୍ବର 19 ଯାଏଁ ରହିଛି | ଭାରତ ଜେନେଭାକୁ କୌଣସି ମନ୍ତ୍ରୀଙ୍କୁ ନପଠାଇବା ଅର୍ଥ ଭାରତ ଏହାକୁ ଗୁରୁତ୍ବ ଦେଉନାହିଁ କିନ୍ତୁ ଭାରତ ପାକିସ୍ତାନର ଏହି ବ୍ୟବହାରକୁ ଅଯଥା ବିବୃତ୍ତି, ମିଥ୍ୟା ଦୋଷ ଏବଂ ମନଗଢା ଦୋଷ କହି ଖଣ୍ତନ କରିଛି |

ମାନବାଧିକାର ଉଲଂଘନ କଥା କହି ଶାହ ମେହମୁଦ କୁରେସୀ କଶ୍ମୀର ମାମଲାକୁ ପୁଣି ଉଠାଇ ଜାତିସଂଘ ଦ୍ବାରା ମିଳିତ ଯାଞ୍ଚ କରାଇବାକୁ ଦାବି କଲେ | କଶ୍ମୀର ଭାରତର ଆଭ୍ୟନ୍ତରିଣ ମାମଲା ବୋଲି ଭାରତ ଅନେକ ଥର କହି ପାକିସ୍ତାନର ଏହି ହାବିକୁ ଖଣ୍ତନ କରିଛି | ଭାରତ କହିଛି ଯେ ସୀମାପାର ସନ୍ତ୍ରାସବାଦରୁ ଲୋକମାନଙ୍କୁ ସୁରକ୍ଷା ଦେବା ପାଇଁ ଭାରତ ଏପରି ବ୍ୟବସ୍ଥା କରିଛି | ଭାରତ କହିଛି ଯେ ପାକିସ୍ତାନ ସନ୍ତ୍ରାସବାଦର ଘୃଣ୍ୟ କାର୍ଯ୍ୟ କରି ଅତି କଦର୍ଯ୍ୟ ଭାବେ ମାନବାଧିକାର ଲଂଘନ କରୁଛି | ଏ ବିଷୟରେ ପରିଷଦର ସଦସ୍ୟମାନେ ମୁହଁ ଖୋଲିବାକୁ ଭାରତ କହିଛି | ପାକିସ୍ତାନରେ ଭାରତର ପୂର୍ବତନ ରାଷ୍ଟ୍ରଦୂତ ଅଜୟ ବିସାରିୟା ତଥା ଜେନେଭାରେ ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ରାଜୀବ ଚନ୍ଦ୍ରଙ୍କ ଅଭିଯୋଗର ନେତୃତ୍ବ ଭାରତୀୟ କୂଟନୀତିଜ୍ଞ ସୁଶ୍ରୀ ବିଜୟ ଠାକୁର ସିଂହ କରିଛନ୍ତି | ସୁଶ୍ରୀ ସିଂହ କହିଛନ୍ତି ଯେ ଏଠାରେ ଉପସ୍ଥିତ ଜଣେ ପ୍ରତିନିଧି ଆମ ଦେଶ ବିରୁଦ୍ଧରେ ମିଥ୍ୟା ଏବଂ ମନଗଢା ଦୋଷ ଦେଇଛି କିନ୍ତୁ ବିଶ୍ବ ଜାଣେ ଯେ ଏହି ଦେଶ କିପରି ସନ୍ତ୍ରାସବାଦିଙ୍କୁ ଶରଣ ଦେଇଛି ଏବଂ ସୀମାପାର ସନ୍ତ୍ରାସବାଦ ଚଳାଇଛି |

ଦୁଇଟି ଘଟଣାରେ ଭାରତର ସ୍ଥିତି ମଜବୁତ ହୋଇଛି | ପ୍ରଥମତଃ ଭାରତରେ ରାଜନୈତିକ ଶରଣ ନେବାକୁ ଚାହୁଁଥିବା ପାକିସ୍ତାନର ତହରିକ ଏ ଇନସାଫ ପାର୍ଟିର ବଳଦେବ ସିଂହଙ୍କର ଥିଲା | ଗଣମାଧ୍ୟମକୁ ସେ କହିଛନ୍ତି ଯେ ପାକିସ୍ତାନରେ ସଂଖ୍ୟାଲଘୁମାନଙ୍କ ସ୍ଥିତି ବହୁତ ଖରାପ ଏବଂ ସେଠାରେ ହିନ୍ଦୁ ଏବଂ ଶୀଖଙ୍କୁ ପ୍ରତାଡିତ କରାଯାଉଛି | ଦ୍ବିତୀୟରେ ସିନ୍ଧ, ବାଲୁଚିସ୍ତାନ ଏବଂ ଖେବର ପଖତୁଖାରେ ମାନବାଧିକାର ଲଂଘନ ବିରୁଦ୍ଧରେ ବିଶ୍ବର ଧ୍ୟାନ ଆକର୍ଷଣ କରିବା ପାଇଁ ପରିଷଦ କାର୍ଯ୍ୟାଳୟ ବାହାରେ ବିଶ୍ବ ସିନ୍ଧି କଂଗ୍ରେସର ବିରୋଧ ପ୍ରଦର୍ଶନ ଥିଲା | ଏହା ମଧ୍ୟ ଦ୍ୟାନ ଦେବା କଥା ଯେକଶ୍ମୀରରେ ଭାରତ ବିରୁଦ୍ଧରେ ଯୁଦ୍ଧ କରିବା ପାଇଁ ସନ୍ତ୍ରାସବାଦିମାନଙ୍କୁ ଉକସେଇବା, ସୀମା ନିକଟରେ ଲଞ୍ଚ ପ୍ୟାଡ ମୁତୟନ କରିବା ଏବଂ ଦୁର୍ଦ୍ଧଶ ସନ୍ତ୍ରାସବାଦି ମସୁଦ ଅଝରକୁ ମୁକ୍ତ କରିବା ଖବର ଆସିଛି | ପାକିସ୍ତାନ ରାଜସ୍ଥାନ ସିଆଲକୋଟ ଅଞ୍ଚଳ ନିକଟରେ ସୈନିକମାନଙ୍କ ସଂଖ୍ୟା ବୃଦ୍ଧି କରିବାଛି ତଥା କଶ୍ମୀରରେ ସନ୍ତ୍ରାସବାଦିମାନଙ୍କୁ ଅନୁପ୍ରେବଶ କରାଇବାକୁ ଚେଷ୍ଟା କରୁଛି | ଏପର୍ଯ୍ୟନ୍ତ ବିଶ୍ବ ସମୁଦାୟ ଭାରତକୁ ସମର୍ଥନ କରିଆସିଛି ଏବଂ ପାକିସ୍ତାନର ଦାବି ଉପରେ ପ୍ରଶ୍ନ ଉଠାଇଛି |

ସେପ୍ଟେମ୍ବର 27ରେ ଯେତେବେଳେ ଇମରାନ ଖାନ ଜାତିସଂଘରେ ଭାଷଣ ଦେବେ | ସେତେବେଳେ ଜାତିସଂଘ ମାନବାଧିକାର ପରିଷଦରେ ପାକିସ୍ତାନର ଅସଫଳତା ଏବଂ ସନ୍ତ୍ରାସବାଦ ପ୍ରତି ନରମ ଆଭିମୁଖ୍ୟ ସାମ୍ନାକୁ ଆସିଯିବ | ପ୍ରକୃତ କଥା ହେଲା ପାକିସ୍ତାନ କଶ୍ମୀର ମାମଲାକୁ ବାରମ୍ବାର ଉଠାଇ ଏହି ପ୍ରସଙ୍ଗକୁ ଜୀବିତ ରଖିବାକୁ ଚେଷ୍ଟା କରିବ | ଇମରାନ ପିଓକେର ମୁଜାଫରାବାଦରେ ଶୁକ୍ରବାର 13 ତାରିଖରେ ଜନସାବେଶର ଘୋଷଣା କରିଛନ୍ତି | ଭାରତ ପାକିସ୍ତାନର ଘୃଣ୍ୟ କାର୍ଯ୍ୟକୁ ଉଜାଗର କରିବା ସହିତ ଆର୍ଥିକ କାର୍ଯ୍ୟାନୁଷ୍ଠାନ ଫୋର୍ସର ବୈଠକ ପୂର୍ବରୁ ପାକିସ୍ତାନକୁ କଳାତାଲିକାଭୁକ୍ତ କରିବା ପ୍ରୟାସ କରିବା ଉଚିତ |

ଆଲେଖ୍ୟ: ଜୈନବ ଅଖତର

ଭାବାନୁବଦ: ରାମଚଂଦ୍ର ନାଥ