ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନ୍ୟୁୟର୍କରେ ଜାତିସଂଘ ସାଧାରଣ ପରିଷଦ ବୈଠକ କାଳରେ କାରିକମ ସମୁହର 14 ଜଣ ନେତାଙ୍କ ସହିତ ଆଲୋଚନା କରିବା ସାଙ୍ଗକୁ କାରବିୟନ ରାଷ୍ଟ୍ରଗୁଡିକ ସହିତ ଭାରତର ସଂପର୍କ ଆହୁରି ମଜବୁତ ହୋଇଛି। ସେଣ୍ଟ ଲୁସିଆ ଏବଂ କାରିକମର ବର୍ତ୍ତମାନର ଅଧ୍ୟକ୍ଷ ଆଲେନ ଚାଷ୍ଟେନେଟଙ୍କ ସହିତ ବୈଠକରେ ସହ ଅଧ୍ୟକ୍ଷତା କରିଛନ୍ତି। ଏହି ବୈଠକରେ ଆଣ୍ଟିଗୁଆ ଏବଂ ଗ୍ରେନାଡିନ୍ସ, ତ୍ରିନିଦାଦ ଏବଂ ଟୋବାଗୋ, ଜାମାଇକା, ସେଣ୍ଟ କିଟ୍ସ ଏବଂ ନେଭିସ, ସେଣ୍ଟ ଲୁସିଆ, ସେଣ୍ଟ ଭିନସେଣ୍ଟ ଏବଂ ଗ୍ରେନାଡିନ୍ସର ସରକାରୀ ମୁଖ୍ୟ, ସୁରିନେମର ଉପ ରାଷ୍ଟ୍ରପତି, ବାହାମସ, ବେଲିଜ, ଗ୍ରେନେଡା, ହାଇତି ଏବଂ ଗୁୟାନାର ବୈଦେଶିକ ମନ୍ତ୍ରୀ ଯୋଗ ଦେଇଥିଲେ।
ପ୍ରଥମ ଥର ପାଇଁ କାରବିୟନର ନେତାମାନେ ଶ୍ରୀ ମୋଦିଙ୍କ ସହିତ ଆଲୋଚନା କରିଛନ୍ତି ଏବଂ ଭାରତ ସହିତ ସେମାନଙ୍କ ଦେଶର ସଂପର୍କ ଅଧିକ ମଜବୁତ କରିବା ଉପରେ ଆଲୋକପାତ କରିଛନ୍ତି। ଭାରତ କାରବିୟନ ଦେଶଗୁଡିକ ସହିତ ରାଜନୈତିକ, ଅର୍ଥନୈତିକ ଏବଂ ସାଂସ୍କୃତିକ ସଂପର୍କକୁ ମଜବୁତ କରିବାକୁ ପ୍ରତିଶ୍ରୁତିବଦ୍ଧତା ପ୍ରକାଶ କରିଛି। କାରବିୟନ ଦେଶମାନଙ୍କରେ ରହୁଥିବା ପ୍ରାୟ 10 ଲକ୍ଷରୁ ଉର୍ଦ୍ଧ ପ୍ରବାସୀ ଭାରତୀୟ ଏହି ସଂପର୍କର ସେତୁ ବନ୍ଧ ହୋଇଛନ୍ତି।
ଆଲୋଚନା କାଳରେ କାରବିୟନ ଦେଶମାନଙ୍କ ସହିତ ଆନୁଷ୍ଠାନିକ ଆଲୋଚନା ପ୍ରକ୍ରିୟା, ଅର୍ଥନୈତିକ ସହଯୋଗ, ବାଣିଜ୍ୟ ବ୍ୟବସାୟ ଏବଂ ପୁଞ୍ଜିନିବେଶ ବୃଦ୍ଧି ତଥା ଲୋକମାନଙ୍କ ମଧ୍ୟରେ ସଂପର୍କ ବୃଦ୍ଧିକୁ ଅଧିକ ସୁଦୃଢ କରିବା ଉପରେ ଗୁରୁତ୍ବ ଦିଆଯାଇଛି। ପ୍ରଧାନମନ୍ତ୍ରୀ ଶ୍ରୀ ମୋଦି କାରବିୟନ ସହିତ ଦକ୍ଷତା ବୃଦ୍ଧି, ବିକାଶମୂଳକ ସହଯୋଗ ଏବଂ ଦୁର୍ବିପାକ ପରିଚାଳନା ଉପରେ ମଧ୍ୟ ଗୁରୁତ୍ବ ଦେଇଛନ୍ତି।ବାହମସରେ ହୋଇଥିବା ଘୂର୍ଣ୍ଣବାତ୍ୟା ଡୋରିଆନ ପରେ ଭାରତ 1 ମିଲିୟନ ଡଲାରର ଆର୍ଥିକ ସହାୟତା ତୁରନ୍ତ ଯୋଗାଇଥିଲା। ଏହାବ୍ୟତିତ କାରିକମରେ ଗୋଷ୍ଠି ଉନ୍ନୟନ ପ୍ରକଳ୍ପ ପାଇଁ 14 ମିଲିୟନ ଡଲାରର ଅନୁଦାନ ଘୋଷଣା କରିଛି ଏବଂ ଆଉ 150 ମିଲିୟନ ଡଲାର ସୌର ଶକ୍ତି, ଏବଂ ଜଳବାୟୁ ପରିବର୍ତ୍ତନ ପ୍ରକଳ୍ପ ପାଇଁ ଋଣ ଯୋଗାଇ ଦେଇଛି। ଭାରତଗୁୟାନାରେ ସୂଚନା ଜ୍ଞାନକୌଶଳ ପାଇଁ ଆଞ୍ଚଳିକ କେନ୍ଦ୍ର ଏବଂ ବେଲିଜରେ ପ୍ରଶିକ୍ଷଣ କେନ୍ଦ୍ର ସ୍ଥାପନ କରିବାକୁ ଘୋଷଣା କରିଛି। ପ୍ରଧାନମନ୍ତ୍ରୀ ମୋଦିଙ୍କ ପ୍ରସ୍ଥାବକୁ କାରିକମର ନେତାମାନେ ସ୍ବାଗତ କରିବା ସହିତ ସେମାନଙ୍କ ଦେଶ ଭାରତକୁ ସମର୍ଥନ କରିବ ବୋଲି ପ୍ରତିଶ୍ରୁତି ଦେଇଛନ୍ତି।
ନ୍ୟୁୟର୍କରେ ପ୍ରଧାନମନ୍ତ୍ରୀ ମୋଦିଙ୍କ ସହିତ ଭାରତ ପ୍ରଶାନ୍ତ ମହାସାଗରୀୟ ଦ୍ୱୀପପୁଞ୍ଜ ବିକାଶଶୀଳ ରାଷ୍ଟ୍ର (PSIDS)ର ନେତାମାନେ ମଧ୍ୟ ଆଲୋଚନା କରିଛନ୍ତି। ଏହି ବୈଠକରେ ଫିଜି, କିରିବତି ସାଧାରଣତନ୍ତ୍ର, ମାର୍ସାଲ ଦ୍ୱୀପପୁଞ୍ଜ, ମାଇକ୍ରୋନେସିଆ, ନାଉରୁ ସାଧାରଣତନ୍ତ୍ର, ପଲାଉ ସାଧାରଣତନ୍ତ୍ର, ପପୁଆ ନିୟୁ ଗୁନିଆ, ସାମୋଆ, ସୋଲୋମନ ଦ୍ୱୀପପୁଞ୍ଜ, ତୋଙ୍ଗା, ତୁଭାଲୁ ଏବଂ ଭନୁଆତୁର ନେତାମାନେ ଉପସ୍ଥିତ ଥିଲେ। ଭାରତର ଆକ୍ଟ ଇଷ୍ଟ ନୀତି ଯୋଗୁଁ ପ୍ରଶାନ୍ତ ମହାସାଗରୀୟ ଦେଶମାନଙ୍କ ସହିତ ସଂପର୍କ ଅଧିକ ମଜବୁତ ହୋଇଛି ଯାହାଯୋଗୁଁ ଭାରତ ପ୍ରଶାନ୍ତ ମହାସାଗରୀୟ ସହଯୋଗ ଫୋରମ ସ୍ଥାପନ ହୋଇପାରିଛି। ଏହି ଫୋରମର ପ୍ରଥମ ବୈଠକ ଫିଜିରେ 2015ରେ ଏବଂ ଦ୍ୱୀତିୟ ବୈଠକ ଜୟପୁରରେ 2016ରେ ଅନୁଷ୍ଠିତ ହୋଇଥିଲା। ବୈଠକ କାଳରେ ପ୍ରଧାନମନ୍ତ୍ରୀ ପ୍ରଶାନ୍ତ ମହାସାଗରୀୟ ଦେଶମାନଙ୍କ ସହିତ ଭାରତ ନିକଟ ସହଯୋଗୀ ହେବାକୁ କହିଥିଲେ।
ନ୍ୟୁୟର୍କ ବୈଠକରେ ପ୍ରଧାନମନ୍ତ୍ରୀଙ୍କ ସହିତ ମହାସାଗରୀୟ ଦେଶର ନେତାମାନେ ବ୍ୟାପକ ପ୍ରସଙ୍ଗରେ ଆଲୋଚନା କରିଛନ୍ତି। ନବୀକରଣୀୟ ଶକ୍ତି, ଦକ୍ଷତା ବୃଦ୍ଧି, ଭାରତ- ଜାତିସଂଘ ବିକାଶ ଭାଗିଦାରୀ ପାଣ୍ଠି ଅନ୍ତର୍ଗତ ପ୍ରକଳ୍ପଗୁଡିକୁ କାର୍ଯ୍ୟକାରୀ କରିବା ଏବଂ ଭବିଷ୍ୟତ ପାଇଁ କାର୍ଯ୍ୟସୂଚି ଉପରେ କାର୍ଯ୍ୟ କରିବା ଉପରେ ପ୍ରଶାନ୍ତ ମହାସାଗରୀୟ ଦେଶମାନେ ପ୍ରତିବଦ୍ଧତା ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀ ମୋଦି ନେତାମାନଙ୍କ ସହ ବୈଠକ କାଳରେ ବିକାଶ ନୀତିର ଆବଶ୍ୟକତା ଉପରେ ଗୁରୁତ୍ବ ଦେବା ସହିତ ଅସାମାନତା ଦୂର କରି ଲୋକମାନଙ୍କ ଜୀବନ ଧାରଣର ମାନକୁ ଉନ୍ନତ କରିବା ଏବଂ କ୍ଷମତାପନ୍ନ କରିବା ଉପରେ ଆଲୋକପାତ କରିଥିଲେ। ଜଳବାୟୁ ପରିବର୍ତ୍ତନର ମୁକାବିଲା ପାଇଁ ଭାରତ ସମଭାବରେ ବଚନବଦ୍ଧ ଏବଂ ବିକାଶମୂଳକ ଲକ୍ଷ୍ୟକୁ ଜ୍ଞାନକୌଶଳ ସହାୟତାରେ ହାସଲ କରିବା ପାଇଁ ଶ୍ରୀ ମୋଦି କହିଥିଲେ।
ଜଳବାୟୁ ପରିବର୍ତ୍ତନର ବାସ୍ତବତାକୁ ହୃଦୟଙ୍ଗମ କରିବା ସହିତ ଏହାର ମୁକାବିଲାରେ ନବୀକରଣୀୟ ଶକ୍ତି ଉତ୍ସ ଅନେକାଂଶରେ ସହାୟକ ହେବବୋଲି ଶ୍ରୀ ମୋଦି ଆହ୍ୱାନ ଦେଇଛନ୍ତି। ଭାରତ 12 ମିଲିୟନ ଡଲାର ଅନୁଦାନ ଘୋଷଣା କରିଛି ଏହିସବୁ ଦେଶମାନଙ୍କରେ ବିକାଶମୂଳକ ପ୍ରକଳ୍ପଗୁଡିକ ପାଇଁ।
ଆଲେଖ: କୌଶିକ ରାୟ
ଭାବାନୁବାଦ: ରାମଚଂଦ୍ର ନାଥ
ପ୍ରଥମ ଥର ପାଇଁ କାରବିୟନର ନେତାମାନେ ଶ୍ରୀ ମୋଦିଙ୍କ ସହିତ ଆଲୋଚନା କରିଛନ୍ତି ଏବଂ ଭାରତ ସହିତ ସେମାନଙ୍କ ଦେଶର ସଂପର୍କ ଅଧିକ ମଜବୁତ କରିବା ଉପରେ ଆଲୋକପାତ କରିଛନ୍ତି। ଭାରତ କାରବିୟନ ଦେଶଗୁଡିକ ସହିତ ରାଜନୈତିକ, ଅର୍ଥନୈତିକ ଏବଂ ସାଂସ୍କୃତିକ ସଂପର୍କକୁ ମଜବୁତ କରିବାକୁ ପ୍ରତିଶ୍ରୁତିବଦ୍ଧତା ପ୍ରକାଶ କରିଛି। କାରବିୟନ ଦେଶମାନଙ୍କରେ ରହୁଥିବା ପ୍ରାୟ 10 ଲକ୍ଷରୁ ଉର୍ଦ୍ଧ ପ୍ରବାସୀ ଭାରତୀୟ ଏହି ସଂପର୍କର ସେତୁ ବନ୍ଧ ହୋଇଛନ୍ତି।
ଆଲୋଚନା କାଳରେ କାରବିୟନ ଦେଶମାନଙ୍କ ସହିତ ଆନୁଷ୍ଠାନିକ ଆଲୋଚନା ପ୍ରକ୍ରିୟା, ଅର୍ଥନୈତିକ ସହଯୋଗ, ବାଣିଜ୍ୟ ବ୍ୟବସାୟ ଏବଂ ପୁଞ୍ଜିନିବେଶ ବୃଦ୍ଧି ତଥା ଲୋକମାନଙ୍କ ମଧ୍ୟରେ ସଂପର୍କ ବୃଦ୍ଧିକୁ ଅଧିକ ସୁଦୃଢ କରିବା ଉପରେ ଗୁରୁତ୍ବ ଦିଆଯାଇଛି। ପ୍ରଧାନମନ୍ତ୍ରୀ ଶ୍ରୀ ମୋଦି କାରବିୟନ ସହିତ ଦକ୍ଷତା ବୃଦ୍ଧି, ବିକାଶମୂଳକ ସହଯୋଗ ଏବଂ ଦୁର୍ବିପାକ ପରିଚାଳନା ଉପରେ ମଧ୍ୟ ଗୁରୁତ୍ବ ଦେଇଛନ୍ତି।ବାହମସରେ ହୋଇଥିବା ଘୂର୍ଣ୍ଣବାତ୍ୟା ଡୋରିଆନ ପରେ ଭାରତ 1 ମିଲିୟନ ଡଲାରର ଆର୍ଥିକ ସହାୟତା ତୁରନ୍ତ ଯୋଗାଇଥିଲା। ଏହାବ୍ୟତିତ କାରିକମରେ ଗୋଷ୍ଠି ଉନ୍ନୟନ ପ୍ରକଳ୍ପ ପାଇଁ 14 ମିଲିୟନ ଡଲାରର ଅନୁଦାନ ଘୋଷଣା କରିଛି ଏବଂ ଆଉ 150 ମିଲିୟନ ଡଲାର ସୌର ଶକ୍ତି, ଏବଂ ଜଳବାୟୁ ପରିବର୍ତ୍ତନ ପ୍ରକଳ୍ପ ପାଇଁ ଋଣ ଯୋଗାଇ ଦେଇଛି। ଭାରତଗୁୟାନାରେ ସୂଚନା ଜ୍ଞାନକୌଶଳ ପାଇଁ ଆଞ୍ଚଳିକ କେନ୍ଦ୍ର ଏବଂ ବେଲିଜରେ ପ୍ରଶିକ୍ଷଣ କେନ୍ଦ୍ର ସ୍ଥାପନ କରିବାକୁ ଘୋଷଣା କରିଛି। ପ୍ରଧାନମନ୍ତ୍ରୀ ମୋଦିଙ୍କ ପ୍ରସ୍ଥାବକୁ କାରିକମର ନେତାମାନେ ସ୍ବାଗତ କରିବା ସହିତ ସେମାନଙ୍କ ଦେଶ ଭାରତକୁ ସମର୍ଥନ କରିବ ବୋଲି ପ୍ରତିଶ୍ରୁତି ଦେଇଛନ୍ତି।
ନ୍ୟୁୟର୍କରେ ପ୍ରଧାନମନ୍ତ୍ରୀ ମୋଦିଙ୍କ ସହିତ ଭାରତ ପ୍ରଶାନ୍ତ ମହାସାଗରୀୟ ଦ୍ୱୀପପୁଞ୍ଜ ବିକାଶଶୀଳ ରାଷ୍ଟ୍ର (PSIDS)ର ନେତାମାନେ ମଧ୍ୟ ଆଲୋଚନା କରିଛନ୍ତି। ଏହି ବୈଠକରେ ଫିଜି, କିରିବତି ସାଧାରଣତନ୍ତ୍ର, ମାର୍ସାଲ ଦ୍ୱୀପପୁଞ୍ଜ, ମାଇକ୍ରୋନେସିଆ, ନାଉରୁ ସାଧାରଣତନ୍ତ୍ର, ପଲାଉ ସାଧାରଣତନ୍ତ୍ର, ପପୁଆ ନିୟୁ ଗୁନିଆ, ସାମୋଆ, ସୋଲୋମନ ଦ୍ୱୀପପୁଞ୍ଜ, ତୋଙ୍ଗା, ତୁଭାଲୁ ଏବଂ ଭନୁଆତୁର ନେତାମାନେ ଉପସ୍ଥିତ ଥିଲେ। ଭାରତର ଆକ୍ଟ ଇଷ୍ଟ ନୀତି ଯୋଗୁଁ ପ୍ରଶାନ୍ତ ମହାସାଗରୀୟ ଦେଶମାନଙ୍କ ସହିତ ସଂପର୍କ ଅଧିକ ମଜବୁତ ହୋଇଛି ଯାହାଯୋଗୁଁ ଭାରତ ପ୍ରଶାନ୍ତ ମହାସାଗରୀୟ ସହଯୋଗ ଫୋରମ ସ୍ଥାପନ ହୋଇପାରିଛି। ଏହି ଫୋରମର ପ୍ରଥମ ବୈଠକ ଫିଜିରେ 2015ରେ ଏବଂ ଦ୍ୱୀତିୟ ବୈଠକ ଜୟପୁରରେ 2016ରେ ଅନୁଷ୍ଠିତ ହୋଇଥିଲା। ବୈଠକ କାଳରେ ପ୍ରଧାନମନ୍ତ୍ରୀ ପ୍ରଶାନ୍ତ ମହାସାଗରୀୟ ଦେଶମାନଙ୍କ ସହିତ ଭାରତ ନିକଟ ସହଯୋଗୀ ହେବାକୁ କହିଥିଲେ।
ନ୍ୟୁୟର୍କ ବୈଠକରେ ପ୍ରଧାନମନ୍ତ୍ରୀଙ୍କ ସହିତ ମହାସାଗରୀୟ ଦେଶର ନେତାମାନେ ବ୍ୟାପକ ପ୍ରସଙ୍ଗରେ ଆଲୋଚନା କରିଛନ୍ତି। ନବୀକରଣୀୟ ଶକ୍ତି, ଦକ୍ଷତା ବୃଦ୍ଧି, ଭାରତ- ଜାତିସଂଘ ବିକାଶ ଭାଗିଦାରୀ ପାଣ୍ଠି ଅନ୍ତର୍ଗତ ପ୍ରକଳ୍ପଗୁଡିକୁ କାର୍ଯ୍ୟକାରୀ କରିବା ଏବଂ ଭବିଷ୍ୟତ ପାଇଁ କାର୍ଯ୍ୟସୂଚି ଉପରେ କାର୍ଯ୍ୟ କରିବା ଉପରେ ପ୍ରଶାନ୍ତ ମହାସାଗରୀୟ ଦେଶମାନେ ପ୍ରତିବଦ୍ଧତା ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀ ମୋଦି ନେତାମାନଙ୍କ ସହ ବୈଠକ କାଳରେ ବିକାଶ ନୀତିର ଆବଶ୍ୟକତା ଉପରେ ଗୁରୁତ୍ବ ଦେବା ସହିତ ଅସାମାନତା ଦୂର କରି ଲୋକମାନଙ୍କ ଜୀବନ ଧାରଣର ମାନକୁ ଉନ୍ନତ କରିବା ଏବଂ କ୍ଷମତାପନ୍ନ କରିବା ଉପରେ ଆଲୋକପାତ କରିଥିଲେ। ଜଳବାୟୁ ପରିବର୍ତ୍ତନର ମୁକାବିଲା ପାଇଁ ଭାରତ ସମଭାବରେ ବଚନବଦ୍ଧ ଏବଂ ବିକାଶମୂଳକ ଲକ୍ଷ୍ୟକୁ ଜ୍ଞାନକୌଶଳ ସହାୟତାରେ ହାସଲ କରିବା ପାଇଁ ଶ୍ରୀ ମୋଦି କହିଥିଲେ।
ଜଳବାୟୁ ପରିବର୍ତ୍ତନର ବାସ୍ତବତାକୁ ହୃଦୟଙ୍ଗମ କରିବା ସହିତ ଏହାର ମୁକାବିଲାରେ ନବୀକରଣୀୟ ଶକ୍ତି ଉତ୍ସ ଅନେକାଂଶରେ ସହାୟକ ହେବବୋଲି ଶ୍ରୀ ମୋଦି ଆହ୍ୱାନ ଦେଇଛନ୍ତି। ଭାରତ 12 ମିଲିୟନ ଡଲାର ଅନୁଦାନ ଘୋଷଣା କରିଛି ଏହିସବୁ ଦେଶମାନଙ୍କରେ ବିକାଶମୂଳକ ପ୍ରକଳ୍ପଗୁଡିକ ପାଇଁ।
ଆଲେଖ: କୌଶିକ ରାୟ
ଭାବାନୁବାଦ: ରାମଚଂଦ୍ର ନାଥ
Comments
Post a Comment