ଯେବେଠାରୁ ଜମ୍ମୁ କଶ୍ମୀରରୁ ସ୍ବତନ୍ତ୍ର ଅଧିକାର ଉଚ୍ଛେଦ କରାଯାଇ ଏହାକୁ ଦୁଇଟି କେନ୍ଦ୍ରଶାସିତ ଅଞ୍ଚଳରେ ପରିଣତ କରାଯାଇଛି ସେବେଠାରୁ ପାକିସ୍ତାନର ନେତାମାନେ ରାଗରେ ତାଟିଆ କାମୁଡୁଛନ୍ତି। ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ଭାରତକୁ ପରମାଣୁ ଯୁଦ୍ଧର ମଧ୍ୟ ଧମକ ଦେବାକୁ ପଛାଉ ନାହାନ୍ତି। ସେ କହିଛନ୍ତି ଯଦି ବିଶ୍ବ କଶ୍ମୀର ପ୍ରସଙ୍ଗରେ ମୁଁହ ନଖୋଲେ ତେବେ ଦୁଇ ଦେଶ ଯୁଦ୍ଧମୁହାଁ ହେବେ। ଯଦିଓ ତାଙ୍କ ବୈଦେଶିକ ମନ୍ତ୍ରୀ ଶାହ ମେହମୁଦ କ୍ୟୁରେଶି କହୁଛନ୍ତି ଯେ ଯୁଦ୍ଧ କଶ୍ମୀର ସମସ୍ୟାର ସମାଧାନ ନୁହେଁ। ପାକିସ୍ତାନର ରେଳ ମନ୍ତ୍ରୀ ଶେଖ ରସିଦ ଭବିଷ୍ୟଦ୍ରଷ୍ଠା ସାଜି କହୁଛନ୍ତି ଯେ ଦୁଇ ଦେଶ ମଧ୍ୟରେ ଅକ୍ଟୋବର କିମ୍ବା ନଭେମ୍ବରରେ ଯୁଦ୍ଧ ହେବ। ଏସବୁ ବାଚାଳାମି ପାକିସ୍ତାନର ହତାଶଭାବକୁ ପ୍ରଦର୍ଶିତ କରୁଛି।
କଶ୍ମୀର ଉପରେ ଆନ୍ତର୍ଜାତୀକ ଦୃଷ୍ଟି ଆକର୍ଷଣ କରିବାକୁ ଶତ ଚେଷ୍ଟା କରି ପାକିସ୍ତାନ ଅସଫଳ ହୋଇଛି। ଆମେରିକା, ରୁଷ, ଫ୍ରାନ୍ସ ଏବଂ ବ୍ରିଟେନ ଶ୍ପଷ୍ଟ ଭାବେ କହିଛନ୍ତି ଯେ କଶ୍ମୀର ହେଉଛି ଭାରତର ଆଭ୍ୟନ୍ତରିଣ ମାମଲା ଏଥିରେ ବାହ୍ୟ ହସ୍ତକ୍ଷେପ ଲୋଡା ନାହିଁ। ଏପରିକି ପାକିସ୍ତାନର ବଂଧୁ ଚୀନ ମଧ୍ୟ ଏହି ପ୍ରସଙ୍ଗରେ ପାକିସ୍ତାନକୁ ଖୋଲାଖୋଲି ସମର୍ଥନ କରିନାହିଁ। ଏହା ସତ୍ତ୍ବେ ମଧ୍ୟ ଇମରାନ ଖାନ ଗତ ଶୁକ୍ରବାର ଦିନ କଶ୍ମୀର ପ୍ରସଙ୍ଗକୁ ନେଇ ଏକ ଘଣ୍ଟାର ଯେଉଁ କାର୍ଯ୍ୟକ୍ରମ କଲେ ତାହା ମଧ୍ୟ ବିଫଳ ହେଲା କାରଣ ଅଧିକାଂଶ ପାକିସ୍ତାନୀ ଏଥିରେ ସାମିଲ ହେଲେ ନାହିଁ। ଇମରାନ ଖାନ ଏହି ପ୍ରସଙ୍ଗକୁ ଜାତିସଂଘ ଏବଂ ଆନ୍ତର୍ଜାତୀୟ ନ୍ୟାୟାଳୟକୁ ନେବା ପାଇଁ ଘୋଷଣା କରିଛନ୍ତି କିନ୍ତୁ ସେ ଭୁଲିଯାଉଛନ୍ତି ଯେ ଜାତିସଂଘ ନିରାପତ୍ତା ପଗିଷଦର ସ୍ଥାୟୀ ସଦସ୍ୟାମାନେ ଭାରତକୁ ସ୍ପଷ୍ଟ ଭାବେ ସମର୍ଥନ କରିଛନ୍ତି।
ଏହିସବୁ ହତାଶା କାରଣରୁ ପାକିସ୍ତାନର ନେତୃତ୍ବରେ ଭାରତ ସହିତ ଆଲୋଚନା କରିବାକୁ ନେଇ ମତ ପାର୍ଥକ୍ୟ ଦେଖା ଦେଇଛି। ଭାରତ ସହିତ ଆଲୋଚନା କଲେ କୌଣସି ଫଳ ମିଳିବ ନାହିଁ ବୋଲି ଇମରାନ କହୁଥିବାବେଳେ ତାଙ୍କ ବୈଦେଶିକ ମନ୍ତ୍ରୀ ଶାହ ମେହମୁଦ କ୍ୟାରେଶି ଭାରତ ସହିତ ଆଲୋଚନା ପାଇଁ ପ୍ରସ୍ତୁତ ଥିବା କହିଛନ୍ତି।
ଭାରତ ସ୍ପଷ୍ଟ ଭାବେ କହିଆସିଛି ଯେ ପାକିସ୍ତାନ ଭାରତ ବିରୁଦ୍ଧରେ ସନ୍ତ୍ରାସବାଦ ନୀତି ବନ୍ଦ କଲେ ଯାଇ ତା ସହିତ ଆଲୋଚନା କରାଯାଇ ପାରିବ। ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର କହିଛନ୍ତି ଯେ ଭାରତ କଶ୍ମୀର ପ୍ରସଙ୍ଗକୁ ଛାଡି ଅନ୍ୟ ପ୍ରସଙ୍ଗ ଉପରେ ଅବାଧ ଏବଂ ସନ୍ତ୍ରାସବାଦମୁକ୍ତ ବାତାବରଣରେ ପାକିସ୍ତାନ ସହିତ ଆଲୋଚନା କରିବାକୁ ପ୍ରସ୍ତୁତ ଅଛି।
ଏତେ ସବୁ ସତ୍ତ୍ବେ ପାକିସ୍ତାନ ଇସଲାମିକ ଦେଶ ସମେତ ଅନ୍ୟ ଦେଶମାନଙ୍କର କଶ୍ମୀର ପ୍ରସଙ୍ଗରେ ସମର୍ଥନ ହାସଲ କରିବାରେ ଲାଗିଛି। କଶ୍ମୀରରେ ମାନବିକ ଅଧିକାରର ଲଂଘନ ହେଉଥିବା କହି ପାକିସ୍ତାନ ସାଉଦି ଆରବ ଏବଂ କୁଏତର ସମର୍ଥନ ପାଇଁ କଥା ହୋଇଛି। କିନ୍ତୁ କେତେକ ପ୍ରଭାବଶାଳି ଇସଲାମିକ ଦେଶ କଶ୍ମୀର ଘଟଣା ପରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମ୍ମାନିତ କରିଛନ୍ତି। ଶ୍ରୀ ମୋଦିଙ୍କୁ ୟୁଏଇ ସର୍ବୋଚ୍ଚ ବେସାମରିକ ସମ୍ମାନ ଅର୍ଡର ଅଫ ଜାୟେଦରେ ସମ୍ମାନିତ କରିବା ଏହା ସ୍ପଷ୍ଟ ଇଙ୍ଗିତ କରୁଛି ଯେ ଆରବ ଏମିରେଟ ପାକିସ୍ତାନ ବ୍ୟତିତ ଭାରତ ସହିତ ମଧୁର ସଂପର୍କ ରଖିବାକୁ ଏବଂ ଭାରତକୁ ଅଧିକ ଗୁରୁତ୍ବ ଦେବାକୁ ଚାହୁଁଛି। ଇସଲାମିକ ସଂଗଠନର ସଦସ୍ୟ ରାଷ୍ଟ୍ରମାନେ କଶ୍ମୀର ପ୍ରସହ୍ଗ ନେଇ ନିରବ ରହିବା ପାକିସ୍ତାନକୁ ଅତ୍ୟନ୍ତ ମର୍ମାହତ କରିଛି ଯାହାକୁ ପାକିସ୍ତାନ ହଜମ କରିପାରୁ ନାହିଁ।
ପାକିସ୍ତାନ ଅଧିକୃତ କଶ୍ମୀର ଏବଂ ବାଲୋଚିସ୍ତାନ ଓ ଖାଇବର ପଖତନୁୱାରେ ପାକିସ୍ତାନ ଯେପରି ଭାବେ ବର୍ବୋରୋଚିତ କାର୍ଯ୍ୟ ଚଳାଇଥିବା ବେଳେ କଶ୍ମୀରରେ ମାନବିକ ଅଧିକାର ଲଂଘନ ହେଉଥିବା ପରି ମିଥ୍ୟା କଥା ଆଦୌ କହିବା ଅନୁଚିତ। ପାକିସ୍ତାନ ଅଯଥାରେ ନିଜର ସମୟ ଏବଂ ଶକ୍ତି ଅପଚୟ କରିବା ପରିବର୍ତ୍ତେ ବାସ୍ତବତା ପ୍ରତି ଧ୍ୟାନ ଦେଇ ଦୁଇ ଦେଶ ମଧ୍ୟରେ ଥିବା ବିବାଦର ସମାଧାନ ପାଇଁ ପଥ ଖୋଲିବା ଦରକାର ଯାହାଦ୍ବାରା ଦୁଇ ଦେଶ ବନ୍ଧୁତ୍ବପୂର୍ଣ୍ଣ ଭାବେ ରହିପାରିବେ।
ଆଲେଖ୍ୟ: ଅଶୋକ ହାନ୍ଦୁ
ଭାବାନୁବାଦ: ରାମଚଂଦ୍ର ନାଥ
କଶ୍ମୀର ଉପରେ ଆନ୍ତର୍ଜାତୀକ ଦୃଷ୍ଟି ଆକର୍ଷଣ କରିବାକୁ ଶତ ଚେଷ୍ଟା କରି ପାକିସ୍ତାନ ଅସଫଳ ହୋଇଛି। ଆମେରିକା, ରୁଷ, ଫ୍ରାନ୍ସ ଏବଂ ବ୍ରିଟେନ ଶ୍ପଷ୍ଟ ଭାବେ କହିଛନ୍ତି ଯେ କଶ୍ମୀର ହେଉଛି ଭାରତର ଆଭ୍ୟନ୍ତରିଣ ମାମଲା ଏଥିରେ ବାହ୍ୟ ହସ୍ତକ୍ଷେପ ଲୋଡା ନାହିଁ। ଏପରିକି ପାକିସ୍ତାନର ବଂଧୁ ଚୀନ ମଧ୍ୟ ଏହି ପ୍ରସଙ୍ଗରେ ପାକିସ୍ତାନକୁ ଖୋଲାଖୋଲି ସମର୍ଥନ କରିନାହିଁ। ଏହା ସତ୍ତ୍ବେ ମଧ୍ୟ ଇମରାନ ଖାନ ଗତ ଶୁକ୍ରବାର ଦିନ କଶ୍ମୀର ପ୍ରସଙ୍ଗକୁ ନେଇ ଏକ ଘଣ୍ଟାର ଯେଉଁ କାର୍ଯ୍ୟକ୍ରମ କଲେ ତାହା ମଧ୍ୟ ବିଫଳ ହେଲା କାରଣ ଅଧିକାଂଶ ପାକିସ୍ତାନୀ ଏଥିରେ ସାମିଲ ହେଲେ ନାହିଁ। ଇମରାନ ଖାନ ଏହି ପ୍ରସଙ୍ଗକୁ ଜାତିସଂଘ ଏବଂ ଆନ୍ତର୍ଜାତୀୟ ନ୍ୟାୟାଳୟକୁ ନେବା ପାଇଁ ଘୋଷଣା କରିଛନ୍ତି କିନ୍ତୁ ସେ ଭୁଲିଯାଉଛନ୍ତି ଯେ ଜାତିସଂଘ ନିରାପତ୍ତା ପଗିଷଦର ସ୍ଥାୟୀ ସଦସ୍ୟାମାନେ ଭାରତକୁ ସ୍ପଷ୍ଟ ଭାବେ ସମର୍ଥନ କରିଛନ୍ତି।
ଏହିସବୁ ହତାଶା କାରଣରୁ ପାକିସ୍ତାନର ନେତୃତ୍ବରେ ଭାରତ ସହିତ ଆଲୋଚନା କରିବାକୁ ନେଇ ମତ ପାର୍ଥକ୍ୟ ଦେଖା ଦେଇଛି। ଭାରତ ସହିତ ଆଲୋଚନା କଲେ କୌଣସି ଫଳ ମିଳିବ ନାହିଁ ବୋଲି ଇମରାନ କହୁଥିବାବେଳେ ତାଙ୍କ ବୈଦେଶିକ ମନ୍ତ୍ରୀ ଶାହ ମେହମୁଦ କ୍ୟାରେଶି ଭାରତ ସହିତ ଆଲୋଚନା ପାଇଁ ପ୍ରସ୍ତୁତ ଥିବା କହିଛନ୍ତି।
ଭାରତ ସ୍ପଷ୍ଟ ଭାବେ କହିଆସିଛି ଯେ ପାକିସ୍ତାନ ଭାରତ ବିରୁଦ୍ଧରେ ସନ୍ତ୍ରାସବାଦ ନୀତି ବନ୍ଦ କଲେ ଯାଇ ତା ସହିତ ଆଲୋଚନା କରାଯାଇ ପାରିବ। ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର କହିଛନ୍ତି ଯେ ଭାରତ କଶ୍ମୀର ପ୍ରସଙ୍ଗକୁ ଛାଡି ଅନ୍ୟ ପ୍ରସଙ୍ଗ ଉପରେ ଅବାଧ ଏବଂ ସନ୍ତ୍ରାସବାଦମୁକ୍ତ ବାତାବରଣରେ ପାକିସ୍ତାନ ସହିତ ଆଲୋଚନା କରିବାକୁ ପ୍ରସ୍ତୁତ ଅଛି।
ଏତେ ସବୁ ସତ୍ତ୍ବେ ପାକିସ୍ତାନ ଇସଲାମିକ ଦେଶ ସମେତ ଅନ୍ୟ ଦେଶମାନଙ୍କର କଶ୍ମୀର ପ୍ରସଙ୍ଗରେ ସମର୍ଥନ ହାସଲ କରିବାରେ ଲାଗିଛି। କଶ୍ମୀରରେ ମାନବିକ ଅଧିକାରର ଲଂଘନ ହେଉଥିବା କହି ପାକିସ୍ତାନ ସାଉଦି ଆରବ ଏବଂ କୁଏତର ସମର୍ଥନ ପାଇଁ କଥା ହୋଇଛି। କିନ୍ତୁ କେତେକ ପ୍ରଭାବଶାଳି ଇସଲାମିକ ଦେଶ କଶ୍ମୀର ଘଟଣା ପରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମ୍ମାନିତ କରିଛନ୍ତି। ଶ୍ରୀ ମୋଦିଙ୍କୁ ୟୁଏଇ ସର୍ବୋଚ୍ଚ ବେସାମରିକ ସମ୍ମାନ ଅର୍ଡର ଅଫ ଜାୟେଦରେ ସମ୍ମାନିତ କରିବା ଏହା ସ୍ପଷ୍ଟ ଇଙ୍ଗିତ କରୁଛି ଯେ ଆରବ ଏମିରେଟ ପାକିସ୍ତାନ ବ୍ୟତିତ ଭାରତ ସହିତ ମଧୁର ସଂପର୍କ ରଖିବାକୁ ଏବଂ ଭାରତକୁ ଅଧିକ ଗୁରୁତ୍ବ ଦେବାକୁ ଚାହୁଁଛି। ଇସଲାମିକ ସଂଗଠନର ସଦସ୍ୟ ରାଷ୍ଟ୍ରମାନେ କଶ୍ମୀର ପ୍ରସହ୍ଗ ନେଇ ନିରବ ରହିବା ପାକିସ୍ତାନକୁ ଅତ୍ୟନ୍ତ ମର୍ମାହତ କରିଛି ଯାହାକୁ ପାକିସ୍ତାନ ହଜମ କରିପାରୁ ନାହିଁ।
ପାକିସ୍ତାନ ଅଧିକୃତ କଶ୍ମୀର ଏବଂ ବାଲୋଚିସ୍ତାନ ଓ ଖାଇବର ପଖତନୁୱାରେ ପାକିସ୍ତାନ ଯେପରି ଭାବେ ବର୍ବୋରୋଚିତ କାର୍ଯ୍ୟ ଚଳାଇଥିବା ବେଳେ କଶ୍ମୀରରେ ମାନବିକ ଅଧିକାର ଲଂଘନ ହେଉଥିବା ପରି ମିଥ୍ୟା କଥା ଆଦୌ କହିବା ଅନୁଚିତ। ପାକିସ୍ତାନ ଅଯଥାରେ ନିଜର ସମୟ ଏବଂ ଶକ୍ତି ଅପଚୟ କରିବା ପରିବର୍ତ୍ତେ ବାସ୍ତବତା ପ୍ରତି ଧ୍ୟାନ ଦେଇ ଦୁଇ ଦେଶ ମଧ୍ୟରେ ଥିବା ବିବାଦର ସମାଧାନ ପାଇଁ ପଥ ଖୋଲିବା ଦରକାର ଯାହାଦ୍ବାରା ଦୁଇ ଦେଶ ବନ୍ଧୁତ୍ବପୂର୍ଣ୍ଣ ଭାବେ ରହିପାରିବେ।
ଆଲେଖ୍ୟ: ଅଶୋକ ହାନ୍ଦୁ
ଭାବାନୁବାଦ: ରାମଚଂଦ୍ର ନାଥ
Comments
Post a Comment