ଇସ୍ରାଏଲର ବସତିଗୁଡିକର ଟ୍ରମ୍ପଙ୍କ ଦ୍ୱାରା ଆଇନସିଦ୍ଧ

ଆମେରିକାର ବୈଦେଶିକ ମନ୍ତ୍ରୀ ମାଇକ ପମ୍ପେଓଙ୍କ ଦ୍ୱାରା ଅଚାନକ ଓ ଆଶାତିତ ଭାବେ ଅଧିକୃତ ଅଞ୍ଚଳଗୁଡିକରେ ଇସ୍ରାଏଲର ନାଗରୀକମାନଙ୍କ ବସତି ସ୍ଥାପନ ଉପରେ ଘୋଷଣାନାମା ଅନ୍ତର୍ଜାତୀୟ ସହମତିର ବିରୁଦ୍ଧାଚରଣ କରିବା ସଙ୍ଗେସଙ୍ଗେ 1967 ମସିହା ଜୁନ ମାସ ଯୁଦ୍ଧ ପରଠାରୁ ଆମେରିକାର ବିଭାଜନ ନୀତିକୁ ମଧ୍ୟ ବିରୁଦ୍ଧାଚରଣ କରୁଛି। ଆମେରିକାର ନୀତି ସ୍ଥିର ନୁହଁ ବୋଲି ଦର୍ଶାଇ ଶ୍ରୀ ପମ୍ପେଓ କହିଛନ୍ତି ୱେଷ୍ଟ ବ୍ୟାଙ୍କରେ ଇସ୍ରାଏଲ ନାଗରିକମାନଙ୍କ ବସତି ସ୍ଥାପନ ଅନ୍ତର୍ଜାତୀୟ ଆଇନ ପରିପନ୍ଥି ଏବଂ ଏହି ବସତିଗୁଡିକର ସ୍ଥିତାବସ୍ଥା ତଥା ୱେଷ୍ଟବ୍ୟାଙ୍କ ସଂକ୍ରାନ୍ତରେ ଇସ୍ରାଏଲ ଓ ପାଲେଷ୍ଟାଇନର ନାଗରିକମାନଙ୍କ ମଧ୍ୟରେ ଆଲୋଚନାର ଆବଶ୍ୟକତା ରହିଛି।

1967 ମସିହା ଜୁନ ମାସର ଯୁଦ୍ଧ ସମୟରେ ସିନାଇ ଉପଦ୍ୱିପ, ଗୋଲାନ ହାଇଟ୍ସ, ଗାଜା ଟ୍ରିପ ଓ ୱେଷ୍ଟବ୍ୟାଙ୍କ ସମେତ ପୂର୍ବ ଜେରୁଜେଲମରେ ଇସ୍ରାଏଲ ବସତି ସ୍ଥାପନ କରିଥିଲା। ଯୁଦ୍ଧ ପରେପରେ ବସତି ସ୍ଥାପନ କାର୍ଯ୍ୟ ଆରମ୍ଭ ହୋଇଥିଲା । ଯୁଦ୍ଧ ପୂର୍ବରୁ ଜୋଡାନ ଅଧିନରେ ଥିବା ଜେରୁଜେଲମର ପୂର୍ବାଞ୍ଚଳରେ ଇସ୍ରାଏଲ ତାର ଅଧିକାର ସଂପ୍ରସାରଣ କରିଥିଲା। ପ୍ରଥମେ ଗୋଲାନ ହାଇଟ୍ସ ଅଞ୍ଚଳରେ ବସତି ସ୍ଥାପନ ଆରମ୍ଭ କରିବା ପରେ ବାକି ଅଧିକୃତ ଅଞ୍ଚଳଗୁଡିକରେ ବସତି ସ୍ଥାପନ କାର୍ଯ୍ୟ ଆରମ୍ଭ କରାଯାଇଥିଲା। ବର୍ତ୍ତମାନ ୱେଷ୍ଟବ୍ୟାଙ୍କରେ ପାଖାପାଖି 130ଟି ଆଇନସିଦ୍ଧ ବସତି ରହିଛି ଏବଂ ବାକି 100ଟି ଅନଧିକୃତ ବସତିରେ ପାଖାପାଖି 4 ଲକ୍ଷ ଇସ୍ରାଏଲ ଲୋକ ବାସ କରୁଛନ୍ତି। ପୂର୍ବ ଜେରୁଜେଲମର 12ଟି ଜିଉ ଅଧିକୃତ ପଡୋଶୀ ଅଞ୍ଚଳଗୁଡିକରେ ମଧ୍ୟ 2 ଲକ୍ଷ ଇସ୍ରାଏଲି ବାସ କରୁଛନ୍ତି। 1967 ମସିହା ଜୁନ ମାସ ଯୁଦ୍ଧ ପରେ ଏହିସବୁ ଘଟଣା ଘଟିଛି.। ଗୋଲାନ ଅଞ୍ଚଳର 32ଟି ଆବାସୀକ ଅଞ୍ଚଳରେ 22 ହଜାର ଲୋକ ବାସ କରୁଛନ୍ତି।

ଏହି ବସତିଗୁଡିକ ପଡୋଶୀ ଆରବ ରାଷ୍ଟ୍ରଗୁଡିକ ସହ ଇସ୍ରାଏଲର ଶାନ୍ତି ବ୍ୟବସ୍ଥା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। କ୍ୟାମ୍ପ ଡାଭିଡ ରାଜିନାମା ଦ୍ୱାରା ଇଜିପ୍ଟ ନେତୃତ୍ୱରେ ସିନାଇ ଉପଦ୍ୱିପରୁ ଇସ୍ରାଏଲର ନାଗରିକମାନଙ୍କୁ ଖାଲି କରାଯାଇଥିଲା ଏବଂ 1982 ମସିହାରେ ୟାମିତ ଅଞ୍ଚଳରେ ବସତିଗୁଡିକୁ ଭଙ୍ଗା ଯାଇଥିଲା। 2005 ଅଗଷ୍ଟ ମାସରେ ଗାଜା ଟ୍ରିପରୁ ଏକତରଫା ପ୍ରତ୍ୟାହାର ସମୟରେ ମଧ୍ୟ ବସତିଗୁଡିକୁ ଭଙ୍ଗା ଯାଇଥିଲା। ସେତେବେଳେ ଇସ୍ରାଏଲ 21ଟି ବସତିରୁ 8 ହଜାର ଲୋକଙ୍କୁ ପ୍ରତ୍ୟାହାର କରିନେଇଥିଲା। 1990 ମସିହାରେ ଇସ୍ରାଏଲ ବସତି ସ୍ଥାପନ ସଂକ୍ରାନ୍ତୀୟ କଥାବାର୍ତ୍ତାରୁ ଓହରି ଯିବାରୁ ଇସ୍ରାଏଲ ଓ ସିରିୟା ମଧ୍ୟରେ ରାଜିନାମା ବିଫଳ ହୋଇଥିଲା।

ଅଧିକୃତ ଅଞ୍ଚଳଗୁଡିକରେ ବସତି ସଂପ୍ରସାରଣ ପାଇଁ ଇସ୍ରାଏଲର ଅଧିକାଂଶ ରାଜନୈତିକ ଦଳଗୁଡିକର ଅବଦାନ ରହିଛି। ବହୁ ବର୍ଷ ଧରି ସେହି ବସତିଗୁଡିକର ଜନସଂଖ୍ୟା ଇସ୍ରାଏଲର ଦକ୍ଷିଣପନ୍ଥି ରାଜନୈତିକ ଦଳଗୁଡିକ ପାଇଁ ଭିତ୍ତିଭୂମି ପାଲଟିଛି।

ଏହି ବସତିଗୁଡିକୁ ନେଇ ଇସ୍ରାଏଲ ଓ ପାଲେଷ୍ଟାଇନ ମଧ୍ୟରେ କଥାବାର୍ତ୍ତା ମଧ୍ୟ ବଡ ଧରଣର ବାଧା ସୃଷ୍ଟି କରିଛି। ଏହାର ଅର୍ଥ ହେଲା ପାଲେଷ୍ଟାଇନର ଜମିଗୁଡିକରେ ବିଦ୍ୟାଳୟ, ଡାକ୍ତରଖାନା, ମଲ ଓ ଅନ୍ୟାନ୍ୟ ନୁଯୁକ୍ତି କେନ୍ଦ୍ର ସମେତ ନିରାପତ୍ତା ବ୍ୟବସ୍ଥା ଓ ବାଇପାସ ରୋଡ ନିର୍ମାଣ ଭଳି ଅନେକ କାର୍ଯ୍ୟ କରାଯାଇଛି। ଆରମ୍ଭରୁ ପାଲେଷ୍ଟାଇନ ଲୋକମାନଙ୍କ ସଂସ୍ଥା ଓ କେନ୍ଦ୍ରଗୁଡିକ ଠାରୁ ଦୂରରେ ଏହିସବୁ କେନ୍ଦ୍ରଗୁଡିକ ଖୋଲାଯାଇଥିଲା କିନ୍ତୁ ଧିରେଧିରେ ସେମାନେ ପାଲେଷ୍ଟାଇନର ଗାଁ ଓ ସହର ନିକଟବର୍ତ୍ତି ଅଞ୍ଚଳ ଗୁଡିକରେ ଏହିସବୁ କେନ୍ଦ୍ର ଖୋଲିବାକୁ ଲାଗିଲେ।

ପାଲେଷ୍ଟାଇନର ଲୋକମାନେ ଭାବୁଥିଲେ ଓସଲୋ ପ୍ରକ୍ରିୟା ଦ୍ୱାରା ବସତି ସ୍ଥାପନ ଅଭିଯାନ ଧିମେଇ ଯିବ ଏବଂ ପଚାଶ ବର୍ଷ ପରେ ବସତିସ୍ଥାପନ ପ୍ରକ୍ରିୟା ଧିରେ ଧିରେ ବନ୍ଦ ହୋଇଯିବ କିନ୍ତୁ ସେମିତି କିଛି ଘଟିଲା ନାହିଁ। ଦିନକୁ ଦିନ ଇସ୍ରାଏଲ ପାଲେଷ୍ଟାଇନର ଅଧିକ ସହର ଓ ଜମି ନିଜର ନିୟନ୍ତ୍ରଣକୁ ନେଲା ଓ ବସତି ସ୍ଥାପନ ବୃଦ୍ଧି କଲା। ଫଳରେ ପାଲେଷ୍ଟାଇନର ସ୍ୱତନତ୍ର ରାଷ୍ଟ୍ର ମାନ୍ୟତା ଧିରେ ଧିରେ କ୍ଷୁର୍ଣ୍ଣ ହେବାକୁ ଲାଗିଲା।

ବହୁ ଦିନ ଧରି ଅନ୍ତର୍ଜାତୀୟ ସମୁଦାୟ ଭାବୁଥିଲା ଚତୁର୍ଥ ଜେନେଭା ରାଜିନାମାକୁ ବସତି ସ୍ଥାପନ ଅଭିଯାନ ଉଲଘଂନ କରୁଛି। 2004 ମସିହାରେ ଅନ୍ତର୍ଜାତୀୟ ଅଦାଲତ ଏହି ବସତିଗୁଡିକୁ ଅବୈଧ ଘୋଷଣା କରିଥିଲା।

ପୂର୍ବରୁ ଟ୍ରମ୍ପ ପ୍ରଶାସନ ପକ୍ଷରୁ ଜେରୁଜେଲମକୁ ଇସ୍ରାଏଲର ରାଜଧାନୀ ଓ ଗୋଲନ ହାଇଟ୍ସକୁ ଏକ ସାର୍ବଭୌମ ଇସ୍ରାଏଲର ଏକ ସାର୍ବଭୌମ ଅଞ୍ଚଳ ବୋଲି ଘୋଷଣା କରି ପ୍ରଧାନମନ୍ତ୍ରୀ ବେଞ୍ଜାମିନ ନିତ୍ୟାନ୍ୟାହୁଙ୍କୁ ସପକ୍ଷରେ ଜନସମର୍ଥନ ଯୋଗାଡ କରିବାକୁ ପ୍ରୟାସ କରିଥିବାବେଳେ ବର୍ତ୍ତମାନ ଏଭଳି ବିବାଦୀୟ ନୀତି ଘୋଷଣା କରିଛି। ଗତ ଏପ୍ରିଲ ଓ ସେପ୍ଟେମ୍ୱର ମାସରେ ହୋଇଥିବା ନିର୍ବାଚନରେ ଇସ୍ରାଏଲରେ ସରକାର ଗଠନ ସମ୍ଭବ ହୋଇନଥିଲା। ନିତ୍ୟାନ୍ୟାହୁଙ୍କ ବିରୁଦ୍ଧରେ ଦୁର୍ନୀତି ମାମଲା ଚାଲିଥିବା ସତ୍ତ୍ୱେ ବର୍ତ୍ତମାନ ସେ କହୁଛନ୍ତି ଜୋର୍ଡାନ ଉପତ୍ୟକାକୁ ସାମିଲ କରିବା ପାଇଁ ସେ ସରକାର ଗଠନ କରିବାକୁ ଚାହୁଁଛନ୍ତି।

ଟ୍ରମ୍ପ ପ୍ରଶାସନର ଏଭଳି ନିଷ୍ପତ୍ତି ପରେ ଜାତିସଂଘ ସାଧାରଣ ପରିଷଦ ଅଧିବେଶନରେ ପାଲେଷ୍ଟାଇନମାନଙ୍କ ଆତ୍ମ ନିର୍ଧାରଣ ଅଧିକାର ସପକ୍ଷରେ ଏକ ପ୍ରସ୍ଥାବ ଗୃହିତ ହୋଇଛି। ବାରତ ସମେତ 165 ଦେଶ ଏହି ପ୍ରସ୍ଥାବ ସପକ୍ଷରେ ଭୋଟ ଦେଇଥିବା ବେଳେ ଇସ୍ରାଏଲକୁ କେବଳ ଆମେରିକା, ନଉରୁ, ମିକ୍ରୋନେସିଆ ଓ ମାର୍ଶାଲ ଦ୍ୱିପ ସମୁହ ପକ୍ଷରୁ ସମର୍ଥନ ମିଳିଛି।

ପାଲେଷ୍ଟାଇନକୁ ଏକ ସ୍ୱାଧୀନ ରାଷ୍ଟ୍ର ଭାବେ ଭାରତ ସମର୍ଥନ କରିବା ସଙ୍ଗେ ସଙ୍ଗେ ଇସ୍ରାଏଲ ସହ ଶାନ୍ତି ଓ ନିରାପତ୍ତା ସହାବସ୍ଥାନ ପ୍ରତି ସମର୍ଥନ ଜଣାଉଛି। ରାଷ୍ଟ୍ରପତି ଟ୍ରମ୍ପଙ୍କର ଏହି ବସତି ସ୍ଥାପନ ଗୁଡିକରେ ଏହି ନୂଆ ଆଭିମୁଖ୍ୟ ଦ୍ୱାରା ପାଲେଷ୍ଟାଇନ ରାଷ୍ଟ୍ର ଗଠନ ପ୍ରତି ବିପଦ ସୃଷ୍ଟି ହୋଇଛି ଏବଂ ସେହି ଅଞ୍ଚଳରେ ଉତ୍ତେଜନା ଆହୁରି ବୃଦ୍ଧି ପାଇବାର ଆଶଙ୍କା ଦେଖା ଦେଇଛି।

ଆଲେଖ୍ୟ: ପ୍ରଫେସର ପି.ଆର. କୁମାରସ୍ୱାମୀ

ଭାଷାନ୍ତର: ଜଗନ୍ନାଥ ମଲ୍ଲିକ, ରାମଚଂଦ୍ର ନାଥ