ଏ ସପ୍ତାହରେ ପାର୍ଲାମେଣ୍ଟ

ଚଳିତ ଶୀତକାଳିନ ଅଧିବେଶନରେ ରାଜ୍ୟ ସଭାରେ ବିଦ୍ୟୁତ ନିଷେଧ ବିଲ 2019, ବିଶେଷ ସୁରକ୍ଷା ସମୁହ ସଂଶୋଧନ ବିଲ 2019 ଏବଂ ଦାଦରା ଓ ନଗର ହାବେଳି ତଥା ଦାମନ ଓ ଡିଉ(କେନ୍ଦ୍ର ଶାସିତ ପ୍ରଦେଶରେ ବିଲୟ) ବିଲ 2019 ପାସ ହୋଇଛି |

ଲୋକସଭାରେ ଦୀର୍ଘ ସମୟ ଧିର ବିତର୍କ ପରେ କରାଧାନ ଆଇନ ସଂଶୋଧନ ବିଲ 2019 ପାସ ହୋଇଛି | ଏହା ଉପରେ ବିତର୍କରେ ଅର୍ଥ ମନ୍ତ୍ରୀ ନିର୍ମଳା ସୀତାରମଣ କହିଲେ ଯେ ଏହି ନିଷ୍ପତ୍ତି ପରେ କର୍ପୋରେଟ ଟିକସରେ ହ୍ରାସ ଘଟିବ | ଏହି ସଂଶୋଧନର ଉଦ୍ଦେଶ୍ୟ ଅଧିକରୁ ଅଧିକ ନିବେଶ ଆକୃଷ୍ଟ କରିବା ଏବଂ ରୋଜଗାର ସୃଷ୍ଟି କରିବା | ସେ କହିଲେ ଯେ ଚିନ ଏବଂ ଆମେରିକା ମଧ୍ୟରେ ଜାରି ବାଣିଜ୍ୟ ଯୁଦ୍ଧ ମଧ୍ୟରେ ବହୁରାଷ୍ଟ୍ରୀୟ କଂପାନୀମାନଙ୍କୁ ବିକଳ୍ପ ଭାବେ ଭାରତକୁ ଆକୃଷ୍ଟ କରିବା ପାଇଁ ଏହି ନିଷ୍ପତ୍ତି ନିଆଯାଇଛି| ସେ କହିଲେ ଯେ ଅକ୍ଟୋବର 1 ତାରିଖ ପରେ ଗଠିତ କୌଣସି ବି କଂପାନୀ ଉତ୍ପାଦନ କ୍ଷେତ୍ରରେ ନିବେଶ କଲେ ଶତକଡା 15 ଭାଗ ଟିକସ ଦେବାର ସୁବିଧା ଏହି ଯୋଜନାରୁ ପାଇପାରିବେ କିନ୍ତୁ ଉକ୍ତ କଂପାନୀ ଅନ୍ୟ ରିହାତିର ଲାଭ ଯେପରି ନେଇନଥିବେ ଏବଂ 2023 ମାର୍ଚ୍ଚ 31 ସଦ୍ଧା ଉତ୍ପାଦନ ଯେପରି ଆରମ୍ଭ କରିବେ | ଉପକର ଏବଂ ଅଧିଭାର ସହିତ ମୋଟ ଟିକସ ହାର 17 ଭାଗ ହେବ | ଏହା ଭାରତୀୟ କଂପାନୀମାନଙ୍କ ପାଇଁ ଏକ ସକରାତ୍ମକ ଉପାୟ ଭାବରେ ଦେଖାଯାଉଛି |

ଇ-ସିଗାରେଟ ନିଷେଧ ବିଲ 2019 ମଧ୍ୟ ରାଜ୍ୟ ସଭାରେ ପାସ ହୋଇଛି | ଏହାଦ୍ଵାରା ଦେଶରେ ଇ-ସିଗାରେଟର ଉତ୍ପାଦନ, ଭଣ୍ତାରଣ ଏବଂ ବିଜ୍ଞାପନ ଉପରେ ସଂପୂର୍ଣ୍ଣ ପ୍ରତିବନ୍ଧକ ଲାଗିଯିବ | ଇ-ସିଗାରେଟ ନିକୋଟିନ ଏବଂ ଅନ୍ୟ ରାସାୟନିକ ପଦାର୍ଥର ଉସର୍ଜନ କରିଥାଏ | ଏହି ଆଇନର ଲଂଘନ କାରୀଙ୍କୁ ଏକ ବର୍ଷ ଜେଲ ଦଣ୍ତ ଏବଂ 10ଲକ୍ଷ ଡଲାର ଜୋରିମାନେ ହୋଇପାରେ |

ରାଜ୍ୟ ସଭାରେ ଗତ ସପ୍ତାହରେ ବିଶେଷ ସୁରକ୍ଷା ସଂଶୋଧନ ବିଲ 2019 ମଧ୍ୟ ପାସ ହୋଇଥିଲା ଯେଉଁଥିରେ କେବଳ ପ୍ରଧାନମନ୍ତ୍ରୀ ଏବଂ ତାଙ୍କ ତତ୍କାଳ ସଂପର୍କୀୟମାନଙ୍କୁ ତଥା ପୂର୍ବ ପ୍ରଧାନମନ୍ତ୍ରୀ ଏବଂ ତାଙ୍କ ପରିବାରକୁ ପାଞ୍ଚ ବର୍ଷ ଏସପିଜି ସୁରକ୍ଷା ଦେବାର ପ୍ରସ୍ଥାବ ରହିଛି | ଲୋକସଭା କେନ୍ଦ୍ର ଶାସିତ ପ୍ରଦେଶ ଦାଦରା ଓ ନଗର ହାବେଳିର ବିଲୟ ପାଇଁ ଏକ ବିଲ ପାସ କରିଛି | ଲୋକସଭା ଜାହାଜ ବିଲ 2019 ପାସ କରିଛି | ଏହି ବିଲ ଜାହାଜର ନିର୍ମାଣରେ ପରିବେଶକୁ କ୍ଷତି କରୁଥିବା ସାମଗ୍ରୀର ବ୍ୟବହାରକୁ ପ୍ରତିବନ୍ଧିତ କରିଛି |

କେନ୍ଦ୍ର କ୍ୟାବିନେଟ ନାଗରିକତା ସଂଶୋଧନ ବିଲକୁ ମଧ୍ୟ ମଞ୍ଜୁର କରିଛି ଯାହାକୁ ଆଗାମି ସପ୍ତାହରେ ପାର୍ଲାମେଣ୍ଟରେ ଉପସ୍ଥାପନ ହେବାର ଆଶା କରାଯାଉଛି | ଏହି ବିଲର ଉଦ୍ଦେଶ୍ୟ ଆଫଗାନିସ୍ଥାନ, ବାଙ୍ଗଲାଦେଶ ଏବଂ ପାକିସ୍ତାନରୁ ଆସୁଥିବା ହିନ୍ଦୁ, ଶିଖ, ଜୈନ, ବୌଦ୍ଧ, ପାର୍ସୀ ଏବଂ ଖ୍ରୀଷ୍ଟୀୟାନମାନଙ୍କୁ ନାଗରିକତା ପ୍ରଦାନ କରାଯିବ | ଏହି ନାଗରିକତା ବିଲ 1955ର ବିପରିତ ଯାହାକି ବିନା ସଠିକ ଯାତ୍ରା କାଗଜପତ୍ର ଏବଂ ଅଧିକ ସମୟ ଯାଏଁ ରହିଲେ ଅବୈଦ୍ଧ ଧରାଯାଉଥିଲା |

କ୍ୟାବିନେଟ ବ୍ୟକ୍ତିଗତ ଡାଟା ସଂରକ୍ଷଣ ବିଲକୁ ମଧ୍ୟ ମଞ୍ଜୁରି ଦେଇଛି ଯାହାକୁ ସରକାର ଚଳିତ ଅଧିବେଶନରେ ଉପସ୍ଥାପନ କରିବେ | ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ ଗୃହରେ କହିଛନ୍ତି ଯେ ସରକାର ଭାରତୀୟ ଦଣ୍ତ ସଂହିତା(ଆଇପିସି) ଏବଂ ଅପରାଧିକ ପ୍ରକ୍ରିୟା ସଂହିତା(ସିଆରପିସି)ରେ ଆବଶ୍ୟକ ସଂଶୋଧନ ପାଇଁ ଏକ କମିଟି ଗଠନ କରିଛନ୍ତି |

ଆଲେଖ୍ୟ: ଯୋଗେଶ ସୁଦ

ଭାବାନୁବାଦ: ରାମଚଂଦ୍ର ନାଥ