ପାକିସ୍ତାନ ସରକାର ପୁଣି ଥରେ ନିରର୍ଥକ, କୁକାର୍ଯ୍ୟ ଏବଂ ହାସ୍ୟାସ୍ପଦ ପ୍ରୟାସ ଦ୍ଵାରା ନିଜ ଲୋକମାନଙ୍କୁ ଭ୍ରମିତ କରିବାକୁ ଚେଷ୍ଟା କରିଛି | ପାକିସ୍ତାନ ଏକ ନୂଆ ମାନଚ୍ଚିତ୍ର ପ୍ରସ୍ତୁତ କରି ସେଥିରେ ଭାରତର ଜମ୍ମୁ କଶ୍ମୀର, ଲଦାଖ ତଥା ଗୁଜୁରାଟର କେତେକ ଅଞ୍ଚଳକୁ ନିଜର ଭୂଭାଗ ବୋଲି ଦର୍ଶାଇଛି | ତଥାକଥିତ “ମାନଚିତ୍ର” କୁ ପାକିସ୍ତାନ କ୍ୟାବିନେଟ୍ ଅନୁମୋଦନ କରିବା ସହିତ ପରେ ଏହା ଗଣମାଧ୍ୟମ ସମ୍ମୁଖରେ ଉନ୍ମୋଚିତ ହୋଇଥିଲା। ପାକିସ୍ତାନର ନୂତନ ‘ମାନଚିତ୍ର’ ନିଜ ନାଗରିକଙ୍କଠାରୁ ଉପହାସର ସରବ୍ୟ ହୋଇଛି । କ୍ୟାବିନେଟ୍ ଅନୁମୋଦନ ପରେ “ମାନଚିତ୍ର” ଜାରି କରାଯାଇଥିଲା। ବୈଦେଶିକ ମନ୍ତ୍ରୀ ଶାହ ମେହମୁଦ କୁରେଶି ପୂର୍ବରୁ ବିଦେଶ କାର୍ଯ୍ୟାଳୟରେ ଏକ ବୈଠକରେ ମାନଚିତ୍ର ସଂପର୍କରେ ବିରୋଧୀ ଦଳର ବିଧାୟକମାନଙ୍କୁ ସୂଚନା ଦେଇଥିଲେ।
ମାନଚ୍ଚିତ୍ରରେ ପାକିସ୍ତାନର ଦାବିକୁ ଭାରତ ସଂପୂର୍ଣ୍ଣ ଭାବେ ପ୍ରତ୍ୟାକ୍ଷାନ କରିଛି | ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନଙ୍କ ଦ୍ଵାରା ଉନ୍ମୋଚିତ ଏହି ତଥାକଥିତ ମାନଚ୍ଚିତ୍ରକୁ ଭାରତର ବୈଦେଶିକ ମନ୍ତ୍ରଣାଳୟ ପ୍ରଳାପ ବୋଲି କହିଛି | ଗୁଜୁରାଟ ତଥା କେନ୍ଦ୍ରଶାସିତ ଜମ୍ମୁ କଶ୍ମୀର ଅଞ୍ଚଳକୁ ଏହି ମାନଚ୍ଚିତ୍ରରେ ସ୍ଥାନ ଦେଇ ପାକିସ୍ତାନ ରାଜନୈତିକ ଦୂରାବସ୍ଥାର ପରିଚୟ ଦେଇଛି | ଏପରି ପ୍ରୟାସ ସତ୍ୟର ଅପଳାପ ଏବଂ ଆନ୍ତର୍ଜାତୀକ ସ୍ତରରେ ଅଗ୍ରହଣୀୟ | ଏପରି ପ୍ରଚେଷ୍ଠା ସୀମାପାର ସନ୍ତ୍ରାସବାଦକୁ ପ୍ରୋତ୍ସାହନ ଦେଉଥିବା ପାକିସ୍ତାନର ଅସଲ ମୁଖା ଖୋଲି ଦେଇଛି |
ଇତି ମଧ୍ୟରେ ପାକିସ୍ତାନର କେତେକ ଅଞ୍ଚଳରେ ଅସ୍ଥିରତା ଜାରି ରହିଛି | ସରକାର ଗୋଟିଏ ପଟେ ଇତିହାସକୁ ବିକୃତ କରିବାରେ ଲାଗିଥିବା ବେଳେ ଅନ୍ୟପଟେ ସରକାରଙ୍କ ବିରୁଦ୍ଧରେ ବାଲୁଚ ଏବଂ ସିନ୍ଧ ଗୋଷ୍ଠି ଏକତ୍ର ହୋଇଛନ୍ତି | ବିଭିନ୍ନ ବାଲୋଚ ଗୋଷ୍ଠିକୁ ନେଇ ଗଠିତ ବ୍ରାସ ଏବଂ ସିନ୍ଧୁଦେଶ ରିଭୋଲୁସନାରୀ ଆର୍ମି ସ୍ରା ପାକିସ୍ତାନ ବିରୁଦ୍ଧରେ ହାତ ମିଳାଇଛନ୍ତି | ନିକଟରେ ଏହି ମିଳିତ ଗୋଷ୍ଠି ଏକ ଅଜଣା ସ୍ଥାନରେ ବୈଠକ କରିଛନ୍ତି | ଏଥିରେ ଭାଗନେଇଥିବା ପ୍ରତିନିଧିମାନେ ଏକମତ ହୋଇଛନ୍ତି ଯେ ସିନ୍ଧ ଏବଂ ବାଲୋଚ ମଧ୍ୟରେ ରାଜନୈତିକ, ଐତିହାସୀକ ଏବଂ ସାଂସ୍କୃତିକ ସଂପର୍କ ଶହ ଶହ ବର୍ଷରୁ ରହିଆସିଛି | ଏହି ପ୍ରାଚିନ ସଂପର୍କକୁ ମଜବୁତ କରିବା ଦରକାର ବୋଲି ସେମାନେ ସହମତ ହୋଇଛନ୍ତି |
ପାକିସ୍ତାନ ଗଠନ ହେବା ପରଠାରୁ ସିନ୍ଧ ଏବଂ ବାଲୋଚକୁ ଅଣଦେଖା କରି ଆସିଛନ୍ତି ସିନ୍ଧ ଏବଂ ବାଲୋଚ ପ୍ରଦେଶ ଆଜି ଦୁରାବସ୍ଥା ମଧ୍ୟରେ ଗତି କରୁଥିବାରୁ ସେମାନେ ଏହାକୁ ଅଲଗା ରାଷ୍ଟ୍ର କରିବାକୁ ଚାହୁଁଛନ୍ତି |
ମିଳିତ ସାମୁଖ୍ୟ କହିଛି ଯେ ଚୀନର 60 ବିଲିୟନ ଡଲାର ସମ୍ଵଳିତ ସିପିଇସି ପ୍ରକଳ୍ପ ଏହି ଦୁଇ ପ୍ରଦେଶକୁ କ୍ଷତିଗ୍ରସ୍ତ କରିଛି ଏବଂ ଭବିଷ୍ୟତରେ ଚୀନ ଦ୍ଵାରା ପ୍ରତାଡିତ ହେବାର ଆଶଙ୍କା ଜନ୍ମାଇଛି |
ପ୍ରକାଶ ଥାଉକି ସିନ୍ଧ ଏବଂ ବାଲୋଚସ୍ଥାନ ଉଭୟରେ ବିସ୍ତିର୍ଣ୍ଣ ଉପକୂଳ ରହିଛି ଏବଂ ଭାରତ ମହାସାଗର ଦ୍ଵାରା ଲାଗିକି ରହିଛି | ସାମରିକ ଦୃଷ୍ଟିରୁ ଏହି ଉପକୂଳର ଗୁରୁତ୍ଵ ଥିବା ବାଲୋଚ ଏବଂ ସିନ୍ଧ ଅନୁଭବ କରୁଛି |
ଅଜଣା ସ୍ଥାନରେ ହୋଇତିବା ଏହି ବୈଠକରେ ପ୍ରତିନିଧିମାନେ କହିଥିଲେ ଯେ ହଜାର ହଜାର ବର୍ଷ ପୁରାତନ ସିନ୍ଧୁ ଉପତ୍ୟକା ସଭ୍ୟତାର ସଂରକ୍ଷକ ହେଉଛନ୍ତି ସିନ୍ଧି ଅଧିବାସୀ | ସେହିପରି ବାଲୋଚର ମଧ୍ୟ ହଜାର ହଜାର ବର୍ଷର ପ୍ରାଚିନ ଇତିହାସ ରହିଛି | ସେମାନେ ମେହରଗଡ ସଭ୍ୟତାର ସଂରକ୍ଷକ ସିନ୍ଧ ଏବଂ ବାଲୋଚର ଲୋକମାନେ ହଜାର ହଜାର ବର୍ଷ ଧରି ସେମାନଙ୍କର ସଭ୍ୟତାକୁ ଅନେକ ଆକ୍ରମଣ ସତ୍ଵେ ବଂଚାଇ ରଖିଛନ୍ତି |
କିନ୍ତୁ ପାକିସ୍ତାନ ଗଠନ ହେବା ପରେ ସେମାନଙ୍କୁ ଦ୍ଵିତୀୟ ଶ୍ରେଣୀର ନାଗରିକ ଭାବେ ବ୍ୟବହାର କରାଯାଉଛି | ଏକବିଂଶ ଶତାବ୍ଦିରେ ମଧ୍ୟ ପାକିସ୍ତାନର ଅନ୍ୟ ନାଗରିକମାନେ ଯେଉଁ ସୁବିଧା ଉପଭୋଗ କରୁଛନ୍ତି ତାହା ବାଲୋଚ ଏବଂ ସିନ୍ଧ ଅଧିବାସୀମାନେ ପାଉ ନାହାନ୍ତି | ଏହି ଦୁଇ ପ୍ରଦେଶକୁ ସଂପୂର୍ଣ୍ଣ ଅଣଦେଖା କରାଯାଉଛି |
ପାକିସ୍ତାନ ସରକାର ବିରୁଦ୍ଧରେ ମିଳିତ ସଂଗ୍ରମ କରିବାକୁ ଏହି ଗୋଷ୍ଠି ନିଷ୍ପତ୍ତି ନେଇଛି ଏବଂ ଏଥିପାଇଁ ଅନ୍ୟ ଦେଶ ତଥା ଜାତିସଂଘର ସାହାର୍ଯ୍ୟ ନେବାକୁ ମଧ୍ୟ ସ୍ଥିର କରିଛି |
ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ନିର୍ବାଚନ ସମୟରେ ଯେଉଁ ନୂଆ ପାକିସ୍ତାନ କଥା କହିଥିଲେ ତାହା ଉପରେ ସମୟ ନଷ୍ଟ ନକରି କାମ କରିବା ଉଚିତ | ଭାବନାତ୍ମକ ମାନଚ୍ଚିତ୍ର ପରିବର୍ତ୍ତେ ସିନ୍ଧ ଏବଂ ବାଲୋଚର କଷ୍ଟକୁ ଦୂର କରିବା ଦରକାର |
ଆଲେଖ୍ୟ : କୌଶୀକ ରାୟ
Comments
Post a Comment