ଭାରତ-ଭିଏତନାମ ସମ୍ପର୍କ ବୃଦ୍ଧି

ଉପରାଷ୍ଟ୍ରପତି ଏମ ଭେଙ୍କୟା ନାଇଡୁ, ଭିଏତନାମ ସହ ଭାରତର ବ୍ୟାପକ  ରଣନୀତିକ ଭାଗୀଦାରୀତା ସମ୍ପର୍କ ବୃଦ୍ଧି କରିବା ଲକ୍ଷ୍ୟରେ ଭିଏତନାମକୁ ଚାରିଦିନିଆ ଗସ୍ତରେ ଯାଇଥିଲେ | ଏହା ସର୍ବବିଦିତ ଯେ କୌଣସି ପ୍ରକାରର ପରିସ୍ଥିତିର ମୁକାବିଲା କରି ଭାରତ-ଭିଏତନାମ ମଧ୍ୟରେ ସହଭାଗିତା ସୁଦୃଢ ରହିଛି  |ଶ୍ରୀ ନାଇଡୁ ତାଙ୍କ ଗସ୍ତ କାଳରେ ପ୍ରମୁଖ ରାଜନୈତିକ ନେତା ମାନଙ୍କ ସହ  ଆଳାପ ଆଲୋଚନା କରିବା ସହିତ ଏକ କାର୍ଯ୍ୟକ୍ରମରେ ଭାରତୀୟ ସମୁଦାୟକୁ ଉଦବୋଧନ ଦେଇ ଦୁଇ ଦେଶ ମଧ୍ୟରେ ରହିଥିବା ସମ୍ପର୍କର ଭୂୟସୀ ପ୍ରଶଂସା କରିଥିଲେ |ଶ୍ରୀ ନାଇଡୁ, ଭିଏତନାମରେ ତାଙ୍କ ପ୍ରତିପକ୍ଷ ଡାଙ୍ଗ ଥି ଗୋକ  ଥି, ଭିଏତନାମର  ପ୍ରଧାନମନ୍ତ୍ରୀ ଗୁଏନ ଝୁଆନ ଫୁକ ଓ ନେସନାଲ ଏସେମ୍ବ୍ଲିର ଅଧ୍ୟକ୍ଷା ଗୁଏନ ଥି କିମ ଗାନ ଙ୍କ ସହ ସାକ୍ଷାତ ଆଲୋଚନା କରିଛନ୍ତି|ଭିଏତନାମର ହା ନାମ ପ୍ରଦେଶର ତାମ ଚୁକ ପାଗୋଡା ଠାରେ ଆୟୋଜିତ ଷୋଡଶ ମିଳିତ ଜାତିସଂଘ ‘ଭେସାକ’ ଦିବସ ପାଳନ ଅବସରରେ ମଧ୍ୟ ଶ୍ରୀ ନାଇଡୁ  ସମ୍ବୋଧିତ କରିଥିଲେ | ଏହି କାର୍ଯ୍ୟକ୍ରମର ଶୀର୍ଷକ ଥିଲା “ବୈଶ୍ଵିକ ନେତୃତ୍ଵ ପାଇଁ ବୌଦ୍ଧ ଦୃଷ୍ଟିକୋଣ ଓ ସ୍ଥାୟୀ ସମାଜ ପାଇଁ ମିଳିତ ଦାୟିତ୍ଵ”|

ଦୁଇ ଦେଶର ଶୀର୍ଷ ରାଜନୈତିକ ନେତା ମାନଙ୍କ ଦ୍ଵାରା ନିୟମିତ ଭାବେ ଗସ୍ତର ଆଦାନ ପ୍ରଦାନ ଦ୍ଵିପକ୍ଷୀୟ ସମ୍ପର୍କ, ଭାରତୀୟ ପ୍ରଧାନମନ୍ତ୍ରୀଙ୍କ 2016 ରେ ଭିଏତନାମ ଗସ୍ତ ସମୟରେ ଏକ ବ୍ୟାପକ ରଣନୀତିକ ଭାଗିଦାରୀତା ଭାବେ ରୂପାନ୍ତରିତ  ହୋଇଥିଲା | 2018 ଜାନୁଆରୀରେ ଭିଏତନାମର ପ୍ରଧାନମନ୍ତ୍ରୀ ଓ ମାର୍ଚ୍ଚ 2018ରେ  ରାଷ୍ଟ୍ରପତିଙ୍କ  ଭାରତ ଗସ୍ତ ସମେତ ଭାରତରେ କ୍ରମଶଃ  ବହୁ ଉଚ୍ଚ ସ୍ତରୀୟ ଆଦାନ ପ୍ରଦାନ ପରେ ଉପରାଷ୍ଟ୍ରପତି ନାଇଡୁ ଏହି ଗସ୍ତ କରିଥିଲେ | ରୀତିମତ ଉଚ୍ଚ ସ୍ତରୀୟ ବୈଠକ ଯୋଗୁଁ ପ୍ରତିରକ୍ଷା ଓ ସୁରକ୍ଷା ସମ୍ପର୍କ ବୃଦ୍ଧି ହେବା ସହ ନୂତନ ଅର୍ଥନୈତିକ ଓ ବ୍ଯବସାୟିକ ସଂଯୋଗୀକରଣ ଓ ଜନସମ୍ପର୍କ ଆଦି ବିଭିନ୍ନ କ୍ଷେତ୍ରରେ ସହଯୋଗ ଘନୀଭୂତ ହୋଇଛି  |ଉଭୟ ପକ୍ଷ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳରେ ଶାନ୍ତି,ସୁରକ୍ଷା ଓ ସମୃଦ୍ଧି ପ୍ରୋତ୍ସାହନ ଲାଗି ଏକ ସମମତ ଥିବା ବିଷୟ ଆଦାନ ପ୍ରଦାନ କରିଛନ୍ତି |

ବିଦେଶରେ ଭାରତୀୟ ମାନଙ୍କ ନିକଟରେ ପହଞ୍ଚିବା ଭାରତର ବିଦେଶ ନୀତି ର ଏକ ମହତ୍ବପୂର୍ଣ୍ଣ ସାଧନ ଭାବେ ଉଭା ହୋଇଛି|ଭାରତୀୟ ଉପରାଷ୍ଟ୍ରପତି ହାନୋଇରେ ଭାରତୀୟ ସମୁଦାୟ ଓ ଭାରତର ଘନିଷ୍ଠ ବନ୍ଧୁ ମାନଙ୍କୁ ସମ୍ବୋଧିତ କରିଥିଲେ ଓ ବିଦେଶରେ ଭାରତୀୟ ସମୁଦାୟ  ନିକଟରେ ପହଞ୍ଚିବା ପାଇଁ ଭାରତ ସରକାରଙ୍କ ପ୍ରାଥମିକତା ଉପରେ ଜୋର ଦେଇଥିଲେ |

ଶ୍ରୀ ନାଇଡୁ, ଭିଏତନାମ ଉପରାଷ୍ଟ୍ରପତି ଡାଙ୍ଗ ଥି ଗୋକ ଥିଙ୍କ ସହ ଦ୍ଵିପକ୍ଷୀୟ ଓ ବହୁ ପକ୍ଷୀୟ ସହଯୋଗ ବୃଦ୍ଧି ଲାଗି ବ୍ୟାପକ କଥାବାର୍ତ୍ତା ହେବା ବେଳେ ଜାତୀୟ ସାର୍ବଭୌମତା ଓ ଆନ୍ତର୍ଜାତୀୟ ନିୟମ ବ୍ୟବସ୍ଥା ଆଧାରରେ ଏକ ଶାନ୍ତିପୂର୍ଣ୍ଣ ଓ ସମୃଦ୍ଧ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳ ପ୍ରତିଷ୍ଠା ଉପରେ ଗୁରୁତ୍ଵ ଦେବା  ବିଷୟ ଦୋହୋରାଇଥିଲେ | ଉଭୟ ଦେଶ ମଧ୍ୟରେ ରହିଥିବା ଦୃଢ ଦ୍ଵିପକ୍ଷୀୟ ସମ୍ପର୍କ ମୁଖ୍ଯତଃ ଆପୋଷ ବିଶ୍ଵାସ, ବୁଝାମଣା ଓ ଆଞ୍ଚଳିକ ଏବଂ ଆନ୍ତର୍ଜାତୀୟ ପ୍ରସଙ୍ଗ ନେଇ ଏକାଭିମୁଖତା ବିଚାରଧାରା  ଆଦି ଉପରେ ନିହିତ ରହିଛି  |

ବାସ୍ତବରେ ଭିଏତନାମ ଭାରତର ଆକ୍ଟ ଇଷ୍ଟ ନୀତି ଓ ଆସିଆନ ରେ ଭାରତର ପ୍ରମୁଖ ବାର୍ତ୍ତାକାର ର  ଏକ ରଣନୀତିକ ସ୍ତମ୍ଭ ଅଟେ ତେଣୁ ଦୁଇ ଦେଶର ଏହା ଇଚ୍ଛା ରହିଛି ଯେ ସଙ୍କ୍ରାନ୍ତୀୟ ଦେଶ ଦକ୍ଷିଣ ଚୀନ ସାଗରରେ ଏକ ଆଚାର ସଂହିତା ଉପରେ ସର୍ବ ସହମତିରେ ଉପନୀତ ହେବାରେ ସକ୍ଷମ ଅଛି | ଭାରତ-ପ୍ରଶାନ୍ତ ଆଞ୍ଚଳ ଏକ ଜୈବ ଭୌଗୋଳିକ କ୍ଷେତ୍ର ଅଟେ ଯେଉଁଥିରେ ଭାରତୀୟ ମହାସାଗର ଓ ଦକ୍ଷିଣ ଚୀନ ସାଗର ସହିତ ପଶ୍ଚିମ ଓ ମଧ୍ୟ ପ୍ରଶାନ୍ତ ମହାସାଗର ସାମିଲ ଅଛି |ଆମେରିକା ବିବାଦୀୟ ଦକ୍ଷିଣ ଚୀନ ସାଗରରେ “ନେଭିଗେସନ ର ସ୍ଵତନ୍ତ୍ରତା” ସମାରାଭ୍ୟାସ ର ଆୟୋଜନ କରିଥିବା ବେଳେ ଏହାର ପ୍ରତିବାଦ ଜଣାଇ ବେଜିଂ କହିଛି ଯେ ଏହା ତାର ସାର୍ବଭୌମତା ପ୍ରତି  ଲଙ୍ଘନ କରୁଛି |ଯେତେବେଳେକି ଚୀନ ପ୍ରାୟ ସମଗ୍ର ଅଞ୍ଚଳରେ  ଏହି ସାମୁଦ୍ରିକ ସ୍ଥାନର ଦାବି କରୁଛି, ବୃନେଇ, ମାଳୟେସିଆ, ଫିଲିପାଇନ୍ସ, ଭିଏତନାମ ଓ ତାଇଵାନ ମଧ୍ୟ ଏହାର ବିଶେଷ ଆର୍ଥିକ କ୍ଷେତ୍ର ପରିଧିରେ ଆସୁଥିବା ଆଞ୍ଚଳ ଗୁଡିକ ଉପରେ ଦାବି ଉତଥାପନ କରୁଛନ୍ତି |ଏହା ଦକ୍ଷିଣ ଚୀନ ସାଗରକୁ ଏକ ସମ୍ଭାବିତ ଲକ୍ଷସ୍ଥଳୀ ରେ ପରିଣତ କରିଦେଇଛି |

ଦ୍ଵିପକ୍ଷୀୟ ସ୍ତରରେ ଭାରତ-ଭିଏତନାମ ସମ୍ପର୍କ ବିଭିନ୍ନ କ୍ଷେତ୍ରରେ ଅଧିକ ମଜବୁତ ହେବା ସହ ସମ୍ପର୍କକୁ  ବହୁମୁଖୀ କରିବାରେ ସଫଳ ହୋଇଛି |ଉଭୟ ଦେଶ ପ୍ରତିରକ୍ଷା ଓ ସୁରକ୍ଷା, ପରମାଣୁ ଶକ୍ତି ଓ ବାହ୍ୟ ମହାକାଶର ଶାନ୍ତିପୂର୍ଣ୍ଣ ଉପଯୋଗ , ବିଜ୍ଞାନ ଓ ପ୍ରଯୁକ୍ତି ବିଦ୍ୟା , ତୈଳ ଓ ଗ୍ଯାସ, ପୁନଃ ବ୍ୟବହାରକ୍ଷମ ଶକ୍ତି, ମୌଳିକଢାଞ୍ଚା ବିକାଶ, କୃଷି ଓ ନବାଚାର ଆଧାରିତ କ୍ଷେତ୍ର ଗୁଡିକରେ ସହଯୋଗ ଆହୁରି ମଜବୁତ କରୁଛନ୍ତି |

ଦ୍ଵିପକ୍ଷୀୟ ବାଣିଜ୍ୟ କାରବାର ବର୍ତ୍ତମାନ 14 ବିଲିୟନ ଆମେରିକୀୟ ଡଲାର ରହିଥିବା ବେଳେ ତିନି ବର୍ଷ ପୂର୍ବେ ଏହା 7.8 ବିଲିୟନ ଡଲାର ଥିଲା | ଉଭୟ ନୂଆଦିଲ୍ଲୀ ଓ ହାନୋଇ 2020 ସୁଦ୍ଧା ବାଣିଜ୍ୟ କାରବାରକୁ  15 ବିଲିୟନ ଡଲାର ରେ ପହଞ୍ଚାଇବା ଲାଗି  ଲକ୍ଷ ରଖିଛନ୍ତି | ଏକ୍ଷେତ୍ରରେ ଅତୀତର ଗତିକୁ ଦୃଷ୍ଟିରେ ରଖିଲେ ଏହା ସମ୍ଭବ ପ୍ରତୀତ ହେଉଛି |

ଦୀର୍ଘ ସମୟ ହେଲା ଦୁଇ ଦେଶ ମଧ୍ୟରେ ଯୋଗାଯୋଗ  ଏକ ପ୍ରମୁଖ ସମସ୍ଯା ଭାବେ ଦେଖାଦେଇଛି |ଏବେ ନୂଆଦିଲ୍ଲୀ ଓ ହାନୋଇ ମଧ୍ୟରେ କୌଣସି ପ୍ରତ୍ଯକ୍ଷ ବିମାନ ଚଳାଚଳ କରୁନାହିଁ |ଏହା ପୂର୍ବରୁ ଏହା ବ୍ଯବସାୟିକ ରୂପରେ ବ୍ୟବହାର୍ଜ୍ୟ ହୋଇପାରିନଥିଲା |ତେବେ 2019 ଶେଷ ଆଡକୁ ଦୁଇ ରାଜଧାନୀ ମଧ୍ୟରେ ପ୍ରତ୍ଯକ୍ଷ ବିମାନ ସେବା  ଆରମ୍ଭ କରିବା ଲାଗି ନିର୍ଣ୍ଣୟ ନେବାର ସମ୍ଭାବନା ରହିଛି କାରଣ  ଏହା ଦ୍ଵାରା ବ୍ୟାପାର ଓ ପର୍ଯ୍ୟଟନ ଆଦାନପ୍ରଦାନ  ଆହୁରି ବୃଦ୍ଧି ପାଇବ ବୋଲି ବିଶ୍ଵାସ କରାଯାଉଛି |

ମୂଳ ଲେଖା : ପ୍ରଫେସର ରାଜାରାମ ପଣ୍ଡା

ଅନୁବାଦ : ରୀତା ଯୋଶୀ