5G ଜ୍ଞାନକୌଶଳ ଆଡ଼କୁ ଭାରତ

ବାରତ ଆଗାମୀ ଶହେ ଦିନ ମଧ୍ୟରେ ପଞ୍ଚମ ପିଢି ଅର୍ଥାତ 5G ମୋବାଇଲ ଯୋଗାଯୋଗ ଜ୍ଞାନକୌଶଳର ଅଭ୍ୟାସ କରିବାକୁ ଯାଉଛି | ଏହି 5G ଜ୍ଞାନକୌଶଳ ବର୍ତ୍ତମାନର 4G ନେଟୱର୍କ ଠାରୁ ଅଧିକ ଗତିଶୀଳ, ନିର୍ଭରଯୋଗ୍ୟ ଏବଂ କମୟ ଉପଯୋଗୀ |

ନୂଆ ଯୁଗର 5G ଜ୍ଞାନକୌଶଳ ଦେଶରେ ଏକ ବୈପ୍ଳବିକ ପରିବର୍ତ୍ତନ ଆଣିବାକୁ ସକ୍ଷମ ତଥା ଏହା ଦେଶ ଉପରେ ଏକ ସୁଦୂରପ୍ରସାରୀ ପ୍ରଭାବ ପକାଇବ | ବର୍ତ୍ତମାନର 2G, 3G ଏବଂ 4G ପରିବର୍ତ୍ତେ 5G ପ୍ରଚଳନ ହେବାର ଆଶା କରାଯାଉଛି |  ଡିଜିଟାଲ କ୍ଷେତ୍ରରେ ଏହି ସୁପରଫାଷ୍ଟ 5G ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ ଏବଂ ଦେଶର ସାମାଜିକ ଜୀବନରେ ବଡ ପରିବର୍ତ୍ତନ ଆଣିବ |

ଭାରତର ଟେଲିଯୋଗାଯୋଗ ମନ୍ତ୍ରୀ ରବିଶଙ୍କର ପ୍ରସାଦ ଜୁନ 3ରେ ଦାୟିତ୍ବଗ୍ରହଣ କରିବା ପରେ କହିଛନ୍ତି ଯେ 5G ଜ୍ଞାନକୌଶଳସମାଜର ଆବହେଳିତ ବର୍ଗ ପାଇଁ ମଧ୍ୟ ବ୍ୟବହାର କରାଯିବ ତଥା ଏହା ସାମାଜିକ, ଶାକ୍ଷା, ସ୍ବାସ୍ଥ୍ୟ ଓ ଗ୍ରାମୀଣ ଲୋକମାନଙ୍କ ପାଇଁ ବ୍ୟବହାର କରାଯିବ |

5Gର ପରୀକ୍ଷଣ ଛଅ ମାସ ଏବଂ ତାଠାରୁ ଅଧିକ ସମୟ ଯାଏଁ ଚାଲିବ | ଆସନ୍ତା ବର୍ଷ ବେଳକୁ 5G ଧିରେ ଧିରେ କାର୍ଯ୍ୟକାରୀ ହେବ ଏବଂ 2024 ବେଳକୁ ସଂପୂର୍ଣ୍ଣ କାର୍ଯ୍ୟକାରୀ ହେବାର ଆଶା କରାଯାଉଛି |  ପୂର୍ବ ପିଢିର ମୋବାଇଲ ନେଟୱର୍କ ସେବା କେବଳ ବ୍ୟକ୍ତିଗତ ଫୋନ ପାଇଁ ବ୍ୟବହାର ହେଉଥିଲା  | 1G ଫୋନ ଆନାଲଗ ଥିଲା ଯେଉଁଥିରେ କେବଳ ସେଲୁଲାର ଫୋନ ବ୍ୟବହାର ହେଉଥିଲା |  ଯଦିଓ ସେ ସମୟରେ ଏହା ଏକ ବୈପ୍ଳବିକ ପରିବର୍ତ୍ତନ ଆଣିଥିଲା କିନ୍ତୁ ଏହାର ସ୍ପେକ୍ଟମ ଦକ୍ଷତା ବହୁତ କମ ଥିଲା |

ଏହା ପରେ ଆସିଥିବା 2G ଡିଜିଟାଲ ଜ୍ଞାନକୌଶଳ ଉପରେ ଆଧାରିତ ଥିଲା ଯାହା 1G ଠାରୁ ଅଧିକ ଦକ୍ଷତାପୂର୍ଣ୍ଣ ଥିଲା | ଏହାପରେ ଆସିଥିବା 3G ଅଧିକ ବେଗବାନ ଡାଟା ସ୍ପିଡ ପ୍ରଦାନ କରୁଥିଲା | ସମୟକ୍ରମେ ଆସିଥିବା ଚତୁର୍ଥ ପିଢିର ଜ୍ଞାନକୌଶଳ 4G ପୂର୍ବର ସମସ୍ତ ଜ୍ଞାନକୌଶଳ ତୁଳନାରେ ବହୁ ଅଧିକ ଦକ୍ଷ ଏବଂ ଉପଯୋଗୀ ରହିଛି |

5G ସେବା ଏସବୁକୁ ବଳିଯିବ 5Gର ବ୍ୟବହାର ମେସିନ, ସେନସର, ଗାଡ଼ି, ରୋବୋଟ ଏବଂ ଡ୍ରୋନ ଆଦି କ୍ଷେତ୍ରରେ ସେବା ପ୍ରଦାନ କରିବ | ଏସବୁ ନୂଆ ଆର୍ଥିକ ସୁଯୋଗକୁ ଜନ୍ମ ଦେବା ସହିତ ଭାରତୀୟ ସମାଜରେ ଏକ ବୈପ୍ଳବିକ ପରିବର୍ତ୍ତନ ଆଣିବ |

5ଜି ଜ୍ଞାନକୌଶଳ ମାଧ୍ୟମରେ ଭାରତରେ ଅନେକ ସୁବିଧାର ସୃଜନ କରାଯାଇ ପାରିବ | ସେ ଦୃଷ୍ଟିରୁ ଏହି ଜ୍ଞାନକୌଶଳ ବିକଶିତ ଦେଶ ଗୁଡିକ ତୁଳନାରେ ଭାରତ ପାଇଁ ଅଧିକ ଉପଯୋଗୀ ହେବ |ଟେଲିଫୋନ ସୁବିଧା ଏହାର ଏକ ଉଦାହରଣ  | 1990 ଦଶନ୍ଧିରେ ତାର ଆଧାରିତ ଭୂମିଗତ ଟେଲିଫୋନ ସୁବିଧା ଥିଲା ଯାହା ମହଙ୍ଗା ହେବା ସହିତ ଅନେକ ସମସ୍ୟା ସହ ଲଢୁଥିଲା କିନ୍ତୁ 2ଜି ସେବାର ଆରମ୍ଭ ହେବା ପରେ ସଂଚାର ସୁବିଧାରେ ଯୁଗାନ୍ତକାରୀ ପରିବର୍ତ୍ତନ ଆସିଲା |  4ଜି ଆସିବା ମାତ୍ରେ ସଂଚାର ଟେକନିକ ସନ୍ଦେଶର ଆଦାନପ୍ରଦାନରୁ ଆଗକୁ ବଢି ଅର୍ଥବ୍ୟବସ୍ଥାର ସଂବାହକ ହୋଇଗଲା |

5ଜି ଯେତେବେଳେ ସଂପୂର୍ଣ୍ଣ କାର୍ଯ୍ୟକ୍ଷମ ହେବା ପରେ ମାନବ ରହିତ ରୋବୋଟ ସୁରକ୍ଷା କ୍ଷେତ୍ରରେ ସଫଳତା ଆଣିଦେବ  | ଯେଉଁଠି ମଣିଷ କାମ କରିନପାରିବ ସେଠାରେ ରୋବୋଟ ସାହାର୍ଯ୍ୟରେ କୁଶଳ କାର୍ଯ୍ୟ କରାଯାଇ ପାରିବ | ଏହାଦ୍ବାରା ଉତ୍ପାଦନ, ଯୋଗାଣ ଏବଂ ନିରିକ୍ଷଣ କ୍ଷେତ୍ରରେ ଅଦ୍ଭୁତପୂର୍ବ ପରିବର୍ତ୍ତନ ଆସିବ ଏବଂ ଅର୍ଥବ୍ୟବସ୍ଥା ସୁଦୃଢ ହୋଇଯିବ | କୃଷି ଦୃଷ୍ଟିରୁ ମାଟି ପ୍ରସ୍ତୁତ, ରୁଆପୋତା, ସେଚନ ଠାରୁ ନେଇ ପଶୁପାଳନ କାମରେ ମଧ୍ୟ ସହାୟକ ହେବ | ସ୍ବାସ୍ଥ୍ୟ ସେବା କ୍ଷେତ୍ରରେ ଦୂର ଚିକିତ୍ସା, ରୋବୋଟିକ ସର୍ଜରୀ ପରି ସେବା ମିଳି ପାରିବ |

ଆଲେଖ୍ୟ:  କେ. ଭି. ଭେଙ୍କଟସୁବ୍ରମଣ୍ୟମ

ଅନୁବାଦ:   ରାମଚଂଦ୍ର ନାଥ