ପାକିସ୍ତାନର ସ୍ଥାୟିତ୍ବ ଏବଂ ଗଣମାଧ୍ୟମ ମଧ୍ୟରେ ପ୍ରେମ ଏବଂ ଘୃଣାଭରା ସଂପର୍କ ଏହାର ବିବିଧତାଭରା ଗଣତାନ୍ତ୍ରୀକ ଇତିହାସର ପରିଚୟ ଦେଇଥାଏ | ଅବାଧ ଏବଂ ଉତ୍ସାହପୂର୍ଣ୍ଣ ଗଣମାଧ୍ୟମର ପ୍ରହେଳିକା ପଛରେ ବିଶେଷକରି ସମୟ ସମୟରେ କଠୋରତା ଗ୍ରହଣ କରାଯାଇଥୀଏ |
ବିଡମ୍ବନାର କଥା ହେଲା ଯେ ଗଣମାଧ୍ୟମର କଣ୍ଠରୁଦ୍ଧ କେବଳ ସାମରିକ ଶାସନ କରିନଥାଏ ବେସାମରିକ ପ୍ରଶାସନ ମଧ୍ୟ ଗଣମାଧ୍ୟମ ଉପରେ କଠୋରତା ଗ୍ରହଣ କରିଥାଏ | ଏବେ ନୂଆ ଇମରାନ ଖାନଙ୍କ ସରକାର ସେହିସବୁ ନେତାମାନଙ୍କ ସାକ୍ଷାତକାର ଏବଂ ପ୍ରସାରଣ ବନ୍ଦ କରିଛି ଯେଉଁମାନେ ଜେଲଦଣ୍ତ ପାଇଛନ୍ତି କିମ୍ବା ମକଦ୍ଧମା ରହିଛି | ଇଲେକଟ୍ରୋନିକ ମିଡିଆ ନିୟାମକ ପ୍ରାଧିକରଣ ବା ପେମରାକୁ ନିଜର ଦାୟିତ୍ବ ଗ୍ରହଣ କରିବାର ନିର୍ଦେଶ ଦିଆଯିବାକୁ ପାକିସ୍ତାନରେ ଗଣମାଧ୍ୟମର ନିୟନ୍ତ୍ରଣକୁ ବୁଝାଯାଉଛି |
ଏହା ପୂର୍ବରୁ ପୂର୍ବତନ ପ୍ରଧାନମନ୍ତ୍ରୀ ନବାଜ ସରିଫଙ୍କ ଝିଅ ମରିୟମ ନବାଜଙ୍କ ସାକ୍ଷାତକାର ପ୍ରସାରଣ କରାଯାଇଥିବା କାରଣରୁ ଟିଭି ସମାଚାର ଚ୍ଯାନେଲ ଅବତକ ନ୍ୟୁଜ, ଚ୍ଯାନେଲ 24 ଏବଂ କ୍ୟାପିଟାଲ ଟିଭିକୁ ଦେଶରେ ବନ୍ଦ କରିଦିଆଯାଇ ଥିଲା | ମରିୟମ ନବାଜ ପ୍ରମାଣ ସ୍ବରୂପ ଗୋଟିଏ ଭିଡିଓ ଦେଖାଇଥିଲେ ଆଉ ତାଙ୍କର ଅଭିଯୋଗ ଥିଲା ଯେ ଗୋଟିଏ ବର୍ଷ ପୂର୍ବରୁ ଯେଉଁ ବିଚାରପତି ତାଙ୍କ ବାପାଙ୍କୁ ଗୋଟିଏ ବର୍ଷ ପୂର୍ବରୁ ଦୁର୍ନୀତି ଅଭିଯୋଗରେ ଦଣ୍ତ ଦେଇଥିଲେ ତାଙ୍କୁ ଭୟଭିତ କରାଯାଇ ଥିଲା | ବିଚାରପତି ଏକଥାକୁ ଖଣ୍ତନ କରିଥିଲେ | ପାକିସ୍ତାନର ମିଡିଆ ନିଯାମକ ପ୍ରାଧିକରଣ ଟିଭି ଚ୍ଯାନେଲକୁ ସାମ୍ବାଦିକ ସମ୍ମିଳନୀର ସିଧା ପ୍ରସାରଣ କରିବା ଯୋଗୁଁ ନୋଟିସ ଜାରି କରିଥିଲା | ପାକିସ୍ତାନ ଅଧିକାରୀଙ୍କ କହିବା କଥା ଯେ ଟେକନିକାଲ କାରଣରୁ ଏହି ଚ୍ୟାନେଲ ଦେଖାଯାଉ ନାହିଁ କିନ୍ତୁ ଅନେକ ଲୋକ ଏହାକୁ ଖୋଲାଖୋଲି ନିୟନ୍ତ୍ରଣ ବୋଲି କହୁଛନ୍ତି |
ଉଲ୍ଲେଖଯୋଗ୍ୟ ଯେ ପମେରାର ବୈଧାନିକ ବ୍ୟବସ୍ଥା ସାଧାରଣତଃ ବିଷୟ ଏବଂ ପ୍ରସଙ୍ଗ ଉପରେ ପ୍ରତିବନ୍ଧ ଲଗାଇବାର ହୋଇଥାଏ | ବ୍ୟକ୍ତିବିଶେଷଙ୍କ କଭରେଜ ଉପରେ ନୁହେଁ | ପେମରା ଅଧିକାଂଶ ନିୟମରେ ଏହା ସୁନିଶ୍ତିତ କରିଥାଏ ଯେ ଲାଇସେନ୍ସଧାରକ ଅଶ୍ଳିଳ ସାମଗ୍ରୀ, ଘୃଣା ସୃଷ୍ଟି ବିଷୟ, ହିଂସାର ସମର୍ଥନ, ଇସଲାମିକ ମୂଲ୍ୟ ଏବଂ ସାମରିକ ବାହିନୀ ତଥା ନ୍ୟାୟପାଳିକା ବିଷୟରେ ଯେପରି କୌଣସି ବିଷୟ ପ୍ରସାରଣ ନକରେ | କିନ୍ତୁ ମକଦ୍ଧମା ଚାଲିଥିବା ନେତା ବା ଜେଲରେ ଥିବା ନେତାଙ୍କ ବିଷୟରେ ପ୍ରସାରଣକୁ ବନ୍ଦ କରିବା ଠିକ ନୁହେଁ | ଏମିତିରେ ଲୋକମାନଙ୍କ ସୂଚନା ପାଇବାର ଅଧିକାର ଏବଂ ଗଣମାଧ୍ୟମର ସ୍ବତନ୍ତ୍ରତାକୁ ହତ୍ୟା କରାଯାଇଥାଏ |
ପୂର୍ବ ବର୍ଷ ଠାରୁ ସାମ୍ବାଦିକମାନଙ୍କୁ ପ୍ରଶାସନ ଦ୍ବାରା ଲଗାତାର ହଇରାଣ କରାଯାଉଛି ଏବଂ ଟିଭି ଚ୍ୟାନେଲମାନଙ୍କୁ ସେବା ତଥା ନେଟଵର୍କ ଯୋଗାଉଥିବା ସଂସ୍ଥାମାନଙ୍କୁ ଶାସକ ତଥା ଶକ୍ତିଶାଳି ସେନାବାହିନୀ ପାଇଁ କ୍ଷତିକାରକ କୁହାଯାଉଛି | ଶାସନ ଏବଂ ସେନାଙ୍କ ବିରୁଦ୍ଧରେ କଭରେଜକୁ ରୋକା ଯାଉଛି |
ପାକିସ୍ତାନରେ ସ୍ବାଧିନ ଗଣମାଧ୍ୟମର ସ୍ଥାନ ଏବେ ଶେଷ ହୋଇଚାଲିଛି | ପାକିସ୍ତାନକୁ ଗଣମାଧ୍ୟମ କର୍ମୀଙ୍କ ପାଇଁ ଦୁନିଆର ସବୁଠୁ ବିପଦଜନକ ଦେଶ ଭାବେ ବିବେଚନା କରାଯାଉଛି | ଏଠାରେ ଶାସକ ଏବଂ ସେନାକୁ ନିନ୍ଦା କରୁଥିବା ସାମ୍ବାଦିକଙ୍କୁ ଅପହାରଣ କରାଯାଉଛି, ମାଡ ମରାଯାଉଛି ଏବଂ ହତ୍ୟା କରାଯାଉଛି |
ପ୍ରକୃତରେ ବିଗତ କିଛି ଦଶକ ଧରି ପାକିସ୍ତାନରେ ଟେକନିକ ଏବଂ ସଂସ୍ଥାଗତ ଭାବେ ସାମ୍ବାଦିକତା ଅପ୍ରାସଙ୍ଗିକ ହୋଇଛି | ଯଦିଓ ଇଣ୍ଟରନେଟର ପ୍ରସାରଣ ବଢିଛି କିନ୍ତୁ ସାମାଜିକ ଗଣମାଧ୍ୟମରେ ଯେପର୍ଯ୍ୟନ୍ତ ଯୋଗ୍ୟ ଏବଂ ନକହିବା ଯୋଗ୍ୟ ବିଷୟ ମଧ୍ୟରେ ସ୍ପଷ୍ଟତା ନସିବା ସେପର୍ଯ୍ୟନ୍ତ ରାଜନୈତିକ ଅର୍ଥରେ ଅଭିବ୍ୟକ୍ତିର ସ୍ବତନ୍ତ୍ରତା ହାସଲ ହୋଇ ପାରିବ ନାହିଁ |
ମୂଳ ଲେଖା: ଡକ୍ଟର ସ୍ମିତା
ଭାବାନୁବାଦ: ରାମଚଂଦ୍ର ନାଥ
Comments
Post a Comment