ଏ ସପ୍ତାହରେ ପାର୍ଲାମେଣ୍ଟ

ରାଷ୍ଟ୍ରପତି ରାମନାଥ କୋବିନ୍ଦ, ଉପରାଷ୍ଟ୍ରପତି ଏମ. ଭେଙ୍କିୟା ନାଇଡୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚନ୍ଦ୍ରଯାନ-2ର ସଫଳ ଉତକ୍ଷେପଣ ପାଇଁ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ ଇସ୍ରୋକୁ ଅଭିନନ୍ଦନ ଜଣାଇଛନ୍ତି | ରାଷ୍ଟ୍ରପତି କହିଛନ୍ତି ଏହି ଐତିହାସିକ ଉତକ୍ଷେପଣ ସମସ୍ତ ଭାରତୀୟଙ୍କ ପାଇଁ ଗୌରବମୟ ମୂହୁର୍ତ୍ତ ଏବଂ ଏହି ମିଶନ ନୂଆ ଉଦଭାବନ ଏବଂ ଜ୍ଞାନକୁ ରୁଦ୍ଧିମନ୍ତ କରିବ| ଉପରାଷ୍ଟ୍ରପତି କହିଛନ୍ତି ଚନ୍ଦ୍ରଯାନ-2ର ସଫଳ ଅବସ୍ଥାନ ଭାରତକୁ ଏ କ୍ଷେତ୍ରରେ ବିଶ୍ବର ଚତୁର୍ଥ ରାଷ୍ଟ୍ର ହେବାର ଗୌରବ ଦେଇଛି | ପ୍ରଧାନମନ୍ତ୍ରୀ ଏହି ଅଭିଯାନକୁ ପ୍ରଶଂସା କରି କହିଛନ୍ତି ଯେ ଏହା ଭାରତୀୟ ବୈଜ୍ଞାନିକମାନଙ୍କ ନିଷ୍ଠା ଏବଂ କଠିନ ପରିଶ୍ରମ ଓ ଦକ୍ଷତାର ଉଦାହରଣ ସୃଷ୍ଟି କରିଛି |

ବୈଦେଶିକ ମନ୍ତ୍ରୀ ଏସ ଜୟଶଙ୍କର କହିଛନ୍ତି ପାକିସ୍ତାନ ସହିତ ସମସ୍ତ ପ୍ରସଙ୍ଗ କେବଳ ଦ୍ବିପକ୍ଷୀୟ ଆଲୋଚନା ମାଧ୍ୟମରେ ହେବ ବୋଲି ଭାରତର ସ୍ଥିର ଆଭିମୁଖ୍ୟ ରହିଛି | ଜମ୍ମୁ କଶ୍ମୀର ଉପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିବୃତ୍ତି ଉପରେ ରାଜ୍ୟ ସଭାରେ ବୈଦେଶିକ ମନ୍ତ୍ରୀ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ରମ୍ପଙ୍କୁ ମଧ୍ୟସ୍ଥତା ପାଇଁ କେବେବି ଅନୁରୋଧ କରିନାହାନ୍ତି | ସେ ଏକଥା ମଧ୍ୟ କହିଛନ୍ତି ଯେ ସୀମାପାର ସନ୍ତ୍ରାସବାଦ ବନ୍ଦ ହେଲେ ତେବେ ଯାଇ ଭାରତ ପାକିସ୍ତାନ ସହିତ ଆଲୋଚନା କରିବାକୁ ରାଜି ହେବ | ଦୁଇ ପକ୍ଷ ମଧ୍ୟରେ ବିବାଦର ସମାଧାନ କେବଳ ଶିମଳା ରାଜିନାମା ଏବଂ ଲାହୋର ଚୁକ୍ତି ଆଧାରରେ ହିଁ ହେବ | ଡୋନାଲ୍ଡ ଟ୍ରମ୍ପଙ୍କ ବିବୃତ୍ତି ଉପରେ ପ୍ରଧାନମନ୍ତ୍ରୀ ସ୍ପଷ୍ଟିକରଣ ଦିଅନ୍ତୁ ବୋଲି କେତେକ ବିରୋଧି ଦଳ ନେତା ଲୋକସଭାରେ ଦାବି କରିଥିଲେ |

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି କଶ୍ମୀର ପ୍ରସଙ୍ଗ ଉପରେ ତୃତୀୟ ପକ୍ଷର ମଧ୍ୟସ୍ଥତା ଶିମଳା ରାଜିନାମା ବିରୋଧି ଲୋକସଭାରେ ଏକ ବିବୃତ୍ତିରେ ଶ୍ରୀ ସିଂହ କହିଛନ୍ତି ଯେ ବୈଦେଶି ମନ୍ତ୍ରୀ ଏ ସଂପର୍କରେ ସ୍ପଷ୍ଟ କରିସାରିଛନ୍ତି ଏବଂ ଗତମାସ ଓସାକାରେ ପ୍ରଧାନମନ୍ତ୍ରୀ ଆମେରିକା ରାଷ୍ଟ୍ରପତିଙ୍କ ସହିତ ଏ ସଂପର୍କରେ କୌଣସି ଆଲୋଚନା କରିନାହାନ୍ତି ଏବଂ ବୈଦେଶିକ ମନ୍ତ୍ରୀ ଶ୍ରୀ ଜୟଶଙ୍କର ନିଜେ ସେହି ବୈଠକରେ ଉପସ୍ଥିତ ଥିଲେ ସେ କହିଛନ୍ତି ପାକିସ୍ତାନ ସହିତ କେବଳ କଶ୍ମୀର ଉପରେ ନୁହେଁ ବରଂ ପାକିସ୍ତାନ ଅଧିକୃତ କଶ୍ମୀର ଉପରେ ମଧ୍ୟ ଆଲୋଚନା ହେବ

ଲୋକସଭାରେ ବେଆଇନ କାର୍ଯ୍ୟକଳାପ ପ୍ରତିରୋଧ ସଂଶୋଧନ ବିଲ 2019 ପାସ ହୋଇଛି | ବିତର୍କର ଉତ୍ତର ଦେଇ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ କହିଛନ୍ତି ଯେ ଯଦି ଜଣେ ବ୍ୟକ୍ତି ସନ୍ତ୍ରାସବାଦ କାର୍ଯ୍ୟରେ ଲିପ୍ତ ଅଛି ତେବେ ତାକୁ ସନ୍ତ୍ରାସବାଦି ବୋଲି ସରକାର ଘୋଷଣା କରିପାରିବେ | ସେ ଏକଥା ମଧ୍ୟ କହିଛନ୍ତି ଯେ ତଦନ୍ତ ସମୟରେ ଜାତୀୟ ତଦନ୍ତ ଏଜେନ୍ସି ସଂପୃକ୍ତ ବ୍ୟକ୍ତିବିଶେଷର ସଂପତ୍ତି ବ୍ୟାଜାପ୍ତ କରିପାରିବାର ଆଇନ ଏହି ବିଲରେ ରହିଛି |

ପିଲାମାନଙ୍କର ସୁରକ୍ଷା ପାଇଁ ଯୌନ ନିର୍ଜାତନା ସଂଶୋଧନ ବିଲ 2019 ରାଜ୍ୟ ସଭାରେ ପାସ ହୋଇଛି | ବିଲ ଅନୁଯାୟୀ ପିଲାମାନଙ୍କ ବିରୁଦ୍ଧରେ ଯୌନ ଅପରାଧ ପାଇଁ ଅଧିକ ଦଣ୍ତ ଏବଂ ଆବଶ୍ୟକ ସ୍ଥଳେ ମୃତ୍ୟୁ ଦଣ୍ତର ବ୍ୟବସ୍ଥା ରହିଛି | ବିଲ ଉପରେ ବିତର୍କର ଉତ୍ତର ଦେଇ ମହିଳା ଏବଂ ଶିଶୁ କଲ୍ୟାଣ ମନ୍ତ୍ରୀ ସ୍ମୃତି ଇରାନି କହିଛନ୍ତି ପଡି ରହିଥିବା ମାମଲାର ଶିଘ୍ର ସମାଧାନ ପାଇଁ ସରକାର 1023 ଫାଷ୍ଟ ଟ୍ରାକ କୋର୍ଟକୁ ମଞ୍ଜୁର କରିଛନ୍ତି |

ଲୋକସଭାରେ ମୁସଲମାନ ମହିଳା ବିବାହ ସୁରକ୍ଷା ଅଧିକାର ବିଲ 2019 ବା ତିନି ତଲାକ ବିଲ ପାସ ହୋଇଛି | ବିଲ ଉପରେ ଆଇନ ମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି ଯେ 2017ରେ ସୁପ୍ରିମ କୋର୍ଟ ରାୟ ପାସ ହେବା ପରେ ମଧ୍ୟ ତିନି ତଲାକ ଏବେବି ଜାରି ରହିଛି | ସେ କହିଛନ୍ତି ଏହି ବ୍ୟବସ୍ଥା ଅନେକ ଦେଶରେ ପ୍ରତିବନ୍ଧିତ ହୋଇଛି |

ମୂଳଲେଖା: ଭି ମୋହନ ରାଓ

ଭାବାନୁବାଦ: ରାମଚଂଦ୍ର ନାଥ