ଭାରତର ପୁଞ୍ଜି ନିବେଶକାରୀଙ୍କ ପାଇଁ ଅନୁକୂଳ ବଜେଟ

ଶାସନକୁ ଦ୍ବିତୀୟ ଥର ଆସିଥିବା ମୋଦି ସରକାରଙ୍କ ପ୍ରଥମ ବଜେଟ ଅର୍ଥମନ୍ତ୍ରୀ ନିର୍ମଳା ସୀତାରମଣ ଉପସ୍ଥାପନ କରିଛନ୍ତି | ବାଣିଜ୍ୟ ଏବଂ ଶିଳ୍ପର ସୁଗମତା ପାଇଁ ପ୍ରକ୍ରିୟାକୁ ସରଳ କରିବା ଏବଂ ଝିଂଝଟମୁକ୍ତ କରିବା ଉପରେ ବଜେଟରେ ଗୁରୁତ୍ବ ଦିଆଯାଇଛି | ଏହା ବ୍ୟତିତ ଅର୍ଥନୀତିର ଡିଜିଟାଲକରଣକୁ ବୃଦ୍ଧି କରାଇ ଲୋକମାନଙ୍କ ଜୀବନଚର୍ଯ୍ୟାକୁ ସରଳ କରିବା ଉପରେ ମଧ୍ୟ ଗୁରୁତ୍ବ ଦିଆଯାଇଛି | ଚଳିତ ବର୍ଷ ଭାରତ ତିନି ଟ୍ରିଲିୟନ ଡଲାର ବିଶିଷ୍ଟ ଅର୍ଥନୀତିରେ ପହଞ୍ଚିବାକୁ ଯାଉଥିବାବେଳେ ଆଗାମି କିଛି ବର୍ଷରେ ଭାରତର ଅର୍ଥନୀତିକୁ 5 ଟ୍ରିଲିୟନ ଡଲାରରେ ପହଞ୍ଚାଇବା ଉଦ୍ଦେଶ୍ୟରେ ଏହି ବଡେଟରେ ପୁଞ୍ଜି ନିବେଶ ଉପରେ ଯେଉଁ ଗୁରୁତ୍ବ ପ୍ରଦାନ କରାଯାଇଛି ତାହା ଏକ ମାଇଲ ଖୁଣ୍ଟ ସାବ୍ୟସ୍ତ ହେବ | ଦେଶର ସମସ୍ତ ନାଗରିକଙ୍କ ଜୀବନ ଧାରଣର ମାନ ଯେପରି ଉନ୍ନତ ହୋଇପାରିବ ଏବଂ ଦେଶର ବିକାଶ ହୋଇପାରିବ ସେ ଦିଗରେ ସରକାର ଦୃଷ୍ଟି ଦେଇଛନ୍ତି |

ଦୃତ ଅଭିବୃଦ୍ଧି ହାସଲ ଏବଂ ଗରିବାମାନଙ୍କ ଉତ୍ଥାନକୁ ଗୁରୁତ୍ବ ଦେଉଥିବା ସରକାର ଏହି ବଜେଟରେ ସମସ୍ତଙ୍କ ସହଯୋଗରେ ଏବଂ ଭାଗିଦାରୀରେ ରାଜସ୍ବ ବୃଦ୍ଧି ଉପରେ ପ୍ରାଧାନ୍ୟ ଦେଇଚନ୍ତି | ଯଦି ଅର୍ଥ ଉପାର୍ଜନ ନହେବ ତେବେ ଲୋକମାନଙ୍କର ପ୍ରକୃତ ଉନ୍ନତି ହୋଇପାରିବ ନାହିଁ ଏଣୁ ଏହାକୁ ଦୃଷ୍ଟିରେ ରଖି ବର୍ଷକୁ 400 କୋଟି ଟଙ୍କାର ଟର୍ଣ୍ଣଓଭର ଥିବା ସମସ୍ତ କଂପାନିମାନଙ୍କ ଉପରେ 25 ଭାଗ କର୍ପୋରେଟ ଆୟକର ଦେବାକୁ ଘୋଷଣା ହୋଇଛି ବଜେଟରେ | ଏହା ଦେଶର 99.3 ଭାଗ କଂପାନି ଉପରେ ଲାଗୁ ହେବ ଯାହାଦ୍ବାରାପୁନର୍ବାର ପୁଞ୍ଜିନିବେଶକୁ ଆକର୍ଷିତ କରିବ ଏହା ଘରୋଇ ପୁଞ୍ଜିନିବେଶକୁ ଅଗ୍ରାଧିକାର ଦେବ ଏବଂ ଉତ୍ପାଦନ ତଥା ଶ୍ରମିକମାନଙ୍କୁ ଲାଭ ଦେବ |

ବଜେଟରେ ଭିତ୍ତିଭୂମି ଏବଂ ଯୋଗାଯୋଗ ସଂଯୋଗକୁ ଗୁରୁତ୍ବ ଦିଆଯାଇଛି ଯାହାଦ୍ବାରା ସମୁଦ୍ର ପଥ, ରେଳପଥ, ସଡକ ପଥ ଏବଂ ବିମାନ ବନ୍ଦରର ଭିତ୍ତିଭୂମି ଉନ୍ନତ ହେବ | ଏହାକୁ ଦୃଷ୍ଟିରେ ରଖି ବଜେଟରେ ଭିତ୍ତିଭୂମି କ୍ଷେତ୍ରରେ ବିଦେଶି ପୁଞ୍ଜିନିବେଶକୁ ଆକୃଷ୍ଟ କରିବା ତଥା ବିଦେଶରେ ରହୁଥିବା ଭାରତୀୟମାନଙ୍କ ପକ୍ଷରୁ ନିବେଶକୁ ପ୍ରୋତ୍ସାହିତ କରିବା ପାଇଁ ବିଭିନ୍ନ କାର୍ଯ୍ୟଯୋଜନାର ବ୍ୟବସ୍ଥା ଘୋଷଣା କରାଯାଇଛି |

ଋଣ ପରିଶୋଧ କରାଯାଇ ନଥିବା ଘରୋଇ ବ୍ୟଙ୍କିଙ୍ଗ କ୍ଷେତ୍ରକୁ ସୁଦୃଢ କରିବା ପାଇଁ ବଜେଟରେ 70 ହଜାର କୋଟି ଟଙ୍କାର ଅତିରିକ୍ତ ପୁଞ୍ଜି ପ୍ରଦାନ ପାଇଁ ଘୋଷଣା କରାଯାଇଛି | ଏହାଦ୍ବାରା ସେହିସବୁ ବ୍ୟାଙ୍କିଙ୍ଗ ବ୍ୟବସ୍ଥାରେ ସୁଧାର ଆସିବ ଏବଂ ନଗଦି ଚଳଣି ଉଦଯିବୀତ ହେବ | ରାଷ୍ଟ୍ରାୟତ ଉଦୌଗରୁ ପୁଞ୍ଜି ପ୍ରତ୍ୟାହାର କରି 1 ଲକ୍ଷ 50 ହଜାର କୋଟି ଟଙ୍କା ହାସଲ କରାଯିବା ପାଇଁ ବଜେଟରେ ଲକ୍ଷ୍ୟ ରଖାଯାଇଛି |

ପ୍ରତ୍ୟେକ୍ଷ ବିଦେଶି ପୁଞ୍ଜିନିବେଶକୁ ଆକୃଷ୍ଟ କରିବା ପାଇଁ ସରକାର ଘରୋଇ ବେସାମରିକ ବିମାନ ଚଳାଚଳ ଏବଂ ଗଣମାଧ୍ୟମ କ୍ଷେତ୍ରରେ ନିବେଶ ନିମନ୍ତେ ପରାମର୍ଶଗୁଡିକୁ ସମୀକ୍ଷା କରିବେ | ବିମା କ୍ଷେତ୍ରରେ ଶତକଡା ଶହେ ଭାଗ ବିଦେଶି ପୁଞ୍ଜିନିବେଶ ପାଇଁ ପ୍ରସ୍ଥାବ ରହିଛି ଯାହାଦ୍ବାରା ଉଚ୍ଚାଭିଳାଶୀ ଭାରତୀୟମାନଙ୍କ ପାଇଁ ଏହି କ୍ଷେତ୍ରରେ ଉପଯୁକ୍ତ ଚୟନର ସୁଯୋଗ ମିଳିବ | ବଜେଟରେ ଅଣ ବ୍ୟାଙ୍କିଙ୍ଗ କଂପାନି ମାନଙ୍କ ଉପରେ ମଧ୍ୟ ଗୁରୁତ୍ବ ଦିଆଯାଇଛି |

ଭାରତ ବାହ୍ୟ ଋଣ କାର୍ଯ୍ୟକ୍ରମକୁ ପ୍ରାଧାନ୍ୟ ଦେବା ପ୍ରତି ନିଜ ଇଛା ଜାହିର କରିଛି | କାରଣ ଜିଡିପି ଅନୁପାତ ମାମଲାରେ ଭାରତର ବାହ୍ୟ ଋଣ ପାଞ୍ଚ ପ୍ରତିଶତରୁ ମଧ୍ୟ କମ ଅଛି ଏବଂ ବିଶ୍ବର ସବୁଠୁ ନିମ୍ନ ସ୍ତରରେ ରହିଛି | ଅପରପକ୍ଷେ ରାଜସ୍ବ ପାଇଁ ସରକାର ଅଶୌଧିତ ତେଲ ଏବଂ ସୁନା ଆଦି ଉଦୌଗିକ ଉତ୍ପାଦ ସହିତ ଆହୁରି କେତେକ ଜିନିଷ ଉପରେ ଆମଦାନି ଶୁଳ୍କ ବଢାଇବା ବ୍ୟତିତ ଅଧିକ ଧନୀ ଲୋକମାନଙ୍କର ଆୟକର ବୃଦ୍ଧି କରିଛନ୍ତି | ମୋଟ ଉପରେ କହିବାକୁ ଗଲେ ଏହି ବଜେଟ ବିକାଶକୁ ପ୍ରାଧାନ୍ୟ ଦେବା ପାଇଁ ଜରୁରି ଉପାୟକୁ ଗ୍ରହଣ କରିବ | ଏହି ବଜେଟରେ ରାଜକୋଷୀୟ ସ୍ତରରେ ସନ୍ତୁଳନକୁ ବଜାୟ ରଖିବା ପାଇଁ ପ୍ରଚେଷ୍ଟା କରାଯାଇଛି ଯାହାକୁ ପ୍ରଶଂସନୀୟ |

ମୂଳ ଲେଖା: ଜି. ଶ୍ରୀନିବାସନ

ଅନୁବାଦ: ରାମଚଂଦ୍ର ନାଥ