ଜମ୍ବିଆ ରାଷ୍ଟ୍ରପତିଙ୍କ ଗସ୍ତ ଭାରତ-ଜମ୍ବିଆ ସଂପର୍କକୁ କରିଛି ଆହୁରି ଦୃଢ

ଜମ୍ବିଆ ରାଷ୍ଟ୍ରପତି ଏଡଗାର ଚଗୱା ଲୁଙ୍ଗୁ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଆମନ୍ତ୍ରଣ କ୍ରମେ ଭାରତ ଗସ୍ତରେ ଆସିଲେ ଏହାର ରାଷ୍ଟ୍ରପତି ଲୁଙ୍ଗୁଙ୍କର ପ୍ରଥମ ଭାରତ ଗସ୍ତ ଥିଲା 16 ବର୍ଷ ପୂର୍ବେ ଜମ୍ବିଆ ରାଷ୍ଟ୍ରପତି ଲେଭି ୱାନାୱାସା 2003 ଏପ୍ରିଲରେ ଭାରତ ଗସ୍ତରେ ଆସିଥିଲେ

ଭାରତର ଆଫ୍ରିକା ନୀତି ଦୃଷ୍ଟିରୁ ଏହି ଗସ୍ତର ଗୁରୁତ୍ବ ରହିଛି ତୃତୀୟ ଭାରତ ଆଫ୍ରିକା ଫୋରମ ସମ୍ମିଳନୀ ପରେ ପରେ 32 ଜଣ ଭାରତୀୟ ରାଜନେତା ଆଫ୍ରିକୀୟ ଦେଶ ଗସ୍ତରେ ଯାଇଥିବାବେଳେ 35ଜଣ ଆଫ୍ରିକୀୟ ନେତା ଭାରତ ଗସ୍ତରେ ଆସିଛନ୍ତି 2018 ଏପ୍ରିଲରେ ରାଷ୍ଟ୍ରପତି ରାମନାତ କୋବିନ୍ଦ ଜମ୍ବିଆ ଗସ୍ତରେ ଯାଇଥିଲେ ଦ୍ବିପକ୍ଷୀୟ ସଂପର୍କର ଅଗ୍ରଗତିର ସମୀକ୍ଷା ପାଇଁ ଏହି ଗସ୍ତ ଗୁରୁତ୍ବପୂର୍ଣ୍ଣ ସୁଯୋଗ ଦେଇଛି

ଜମ୍ବିଆ ରାଷ୍ଟ୍ରପତି ଭାରତରେ ପହଞ୍ଚିବା ପରେ ରାଷ୍ଟ୍ରପତି ଭବନରେ ତାଙ୍କୁ ଭବ୍ୟ ସ୍ବାଗତ ଜ୍ଞାପନ କରାଯାଇଥିଲା ଏବଂ ପରେ ସେ ରାଜଘାଟ ପରିଦର୍ଶନ କରିଥିଲେ ସେ ରାଷ୍ଟ୍ରପତି ଶ୍ରୀ କୋବିନ୍ଦ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ଆଲୋଚନା କରିବା ସହିତ ଭାରତ ଜମ୍ବିଆ ବାଣିଜ୍ୟ ଫୋରମରେ ଭାଗ ନେଇ ଥିଲେ

ପ୍ରତିନିଧି ସ୍ତରୀୟ ଆଲୋଚନା କାଳରେ ଜମ୍ବିଆ ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ମୋଦି ପ୍ରତିରକ୍ଷା, ନିରାପତ୍ତା, ଖଣିଜ ସଂପତ୍ତି, ବାଣିଜ୍ୟ ଏବଂ ପୁଞ୍ଜିବିନିଯୋଗ, ଭିତ୍ତିଭୂମି, ଶକ୍ତି, ଦକ୍ଷତା ବିକାଶ, ସଂସକ୍ତୃତି ଏବଂ ଆଞ୍ଚଳିକ ଓ ଆନ୍ତର୍ଜାତୀୟ ପ୍ରସଙ୍ଗ ଉପରେ ଫଳପ୍ରଦ ଆଲୋଚନା କରିଛନ୍ତି ଦୁଇ ନେତା ରାଷ୍ଟ୍ରପତି କୋବିନ୍ଦଙ୍କ 2018ର ଜମ୍ବିଆ ଗସ୍ତ କାଳରେ ହୋଇଥିବା ବୁଜାମଣା ଏବଂ ନିଷ୍ପତ୍ତିର କାର୍ଯ୍ୟକାରିତାର ସମୀକ୍ଷା ମଧ୍ୟ କରି ସନ୍ତୋଷ ବ୍ୟକତ୍ କରିଛନ୍ତି ଜମ୍ବିଆକୁ ଭାରତ ଔଷଧ ଏବଂ ମେଡିକାଲ ସରଂଜାମ ପାଇଁ ଦେଇଥିବା 3 ମିଲିୟନ ଡଲାର ଏବଂ ମହାତ୍ମା ଗାନ୍ଧି ପ୍ରାଥମିକ ବିଦ୍ୟାଳୟ ପାଇଁ 1 ଲକ୍ଷ ଡଲାର ଦାନ ପାଇଁ ରାଷ୍ଟ୍ରପତି ଲୁଙ୍ଗୁ ଧନ୍ୟବାଦ ଜଣାଇଥିଲେ

ବିକାଶମୂଳକ ଭାଗିଦାରୀ କ୍ଷେତ୍ରରେ ରାଷ୍ଟ୍ରପତି ଲୁଙ୍ଗୁ ଜମ୍ବିଆର ବିକାଶ କାର୍ଯ୍ୟକ୍ରମରେ ଭାରତର ସହଯୋଗ ବିଶେଷ କରି ପ୍ରତିରକ୍ଷା ବାହିନୀର ଦକ୍ଷତା ବୃଦ୍ଧି କ୍ଷେତ୍ରରେ ଭାରତର ଅବଦାନକୁ ପ୍ରଶଂଶା କରିଥିଲେ ଏହାବ୍ୟତିତ ପ୍ରତିରକ୍ଷା ସହଯୋଗ ପାଇଁ ହୋଇଥିବା ରାଜିନାମା ଉପରେ ମଧ୍ୟ ସେ ଆନନ୍ଦ ବ୍ୟକ୍ତ କରିଥିଲେ

ଦୁଇ ଦେଶ ମଧ୍ୟରେ ହୋଇଥିବା ଅନ୍ୟ ରାଜିନାମାଗୁଡିକ ହେଲା ଭୂତତ୍ତ୍ବ ଏବଂ ଖଣିଜ ସମ୍ବଳ କ୍ଷେତ୍ରରେ ସହଯୋଗ, ସ୍ବାସ୍ଥ୍ୟ ଏବଂ ଔଷଧ କ୍ଷେତ୍ରରେ ସହଯୋଗ, କଳା ଏବଂ ସଂସ୍କୃତି ତଥା ଭାରତର ବିଦେଶ ସେବା ପ୍ରତିଷ୍ଠାନ ଓ ଜମ୍ବିଆ କୂଟନୈତିକ ତଥା ଆନ୍ତର୍ଜାତୀୟ ଶିକ୍ଷା ପ୍ରତିଷ୍ଠାନ ମଧ୍ୟରେ ସହଯୋଗ, ଭାରତର ନିର୍ବାଚନ କମିଶନ ଓ ଜମ୍ବିଆର ନିର୍ବାଚନ କମିଶନ ମଧ୍ୟରେ ବୁଝାମଣା ଏବଂ ଟେଲି ଶିକ୍ଷା, ଟେଲି ମେଡିସିନ ଆଦି କ୍ଷେତ୍ରରେ ସହଯୋଗ ଉପରେ ରାଜିନାମା ଅନ୍ତର୍ଭୁକ୍ତ୉ ଭାରତ ପକ୍ଷରୁ ସୌର ଶକ୍ତି ଓ କ୍ଷୁଦ୍ର ତଥା ମଧ୍ୟମ ଉଦୌଗ ସ୍ଥାପନ ପାଇଁ ହୋଇଥିବା କେତେକ ଘୋଷଣାକୁ ଜମ୍ବିଆ ରାଷ୍ଟ୍ରପତି ସ୍ବାଗତ କରିଛନ୍ତି ଜମ୍ବିଆରେ କୃଷିର ବିକାଶ ପାଇଁ 100ଟି ସୌର ଜଳସେଚନ ପମ୍ପ, ଜମ୍ବିଆ ବିମାନ ବାହିନୀ କେନ୍ଦ୍ରରେ 5ଟି ଅଗ୍ନୀ ନିର୍ବାପନ କେନ୍ଦ୍ର ସ୍ଥାପନ ତଥା ମାନବୀୟ ସହାୟତା ବାବଦରେ 1000 ମେଟ୍ରିକ ଟନ ଚାଉଳ ଓ 100 ମେଟ୍ରିକ ଟନ ଦୁଗ୍ଧ ପାଉଡର ପ୍ରଦାନ କରାଯିବା ଘୋଷଣା ହୋଇଛି ଦୁଇ ଦେଶ ମଧ୍ୟରେ ବ୍ୟବସାୟ ସଂପର୍କ ବୃଦ୍ଧି ଉପରେ ଗୁରୁତ୍ବ ଦିଆଯାଇଛି




ଆଲେଖ୍ୟ : ନିବେଦିତା ରାୟ

ଭାବାନୁବାଦ: ରାମଚଂଦ୍ର ନାଥ