Skip to main content

ପାକିସ୍ତାନରେ ସଂଖ୍ୟାଲଘୁମାନଙ୍କ ଦମନ ପ୍ରତି ଆମେରିକାର ଉଦବେଗ

ପାକିସ୍ତାନର ଧାର୍ମିକ ସଂଖ୍ୟାଲଘୁ ସଂପ୍ରଦାୟ ସଂଖ୍ୟାଗରିଷ୍ଠଙ୍କ ଦ୍ଵାରା ନିଷ୍ପେସିତ ଦେଶରେ ସଂଖ୍ୟାଲଘୁମାନଙ୍କ ସଂଖ୍ୟା ହ୍ରାସ ପାଇଚାଲିଛି | ପାକିସ୍ତାନ ଗଠନ ସମୟରେ ହିନ୍ଦୁ, ଶିଖ, ପାର୍ସି ଏବଂ ବୌଦ୍ଧ ଆଦି ସଂଖ୍ୟାଲଘୁଙ୍କ ଜନସଂଖ୍ୟା 28 ଭାଗ ଥିଲା | ପୂର୍ବ ପାକିସ୍ତାନରେ ହିନ୍ଦୁ ମାନଙ୍କ ସଂଖ୍ୟା 22 ଭାଗ ଥିଲା କିନ୍ତୁ ଏବେ ପାକିସ୍ତାନରେ ସଂଖ୍ୟାଲଘୁଙ୍କ ସଂଖ୍ୟା ଦେଶର ଜନସଂଖ୍ୟାର 4 ଭାଗ ମାତ୍ର ରହିଯାଇଛନ୍ତି |

ପାକିସ୍ତାନର ପ୍ରତିଷ୍ଠାତା ମହମ୍ମଦ ଅଲ୍ଲି ଜିନ୍ନା ଧର୍ମ ନିରପେକ୍ଷ ଉପରେ ଗୁରୁତ୍ଵ ଦେଇଥିବାବେଳେ ତାଙ୍କର ଜୀବିତ ଅବସ୍ଥାରେ ମୌଳବାଦିମାନେ ଧିରେଧରେ ଏହି ନୀତିକୁ ମୂଳୋତ୍ପାଟନ କରି 1980 ବେଳକୁ ରାଷ୍ଟ୍ରପତି ଜିଆଉଲ ହକଙ୍କ ସମୟରେ ଏହାକୁ ଇସଲାମୀୟ ରାଷ୍ଟ୍ରରେ ପରିଣତ କରିଦେଲେ |

ବହୁ ଦଶନ୍ଧି ଧରି ପାକିସ୍ତାନରେ ସଂଖ୍ୟାଲଘୁମାନଙ୍କ ପ୍ରତି ଅତ୍ୟାଚାର ଜାରି ରହିଛି | ଧାର୍ମିକ ଆଇନ ଯୋଗୁଁ ପାକିସ୍ତାନରେ ଅନ୍ୟ ଧର୍ମର ଲୋକମାନେ ରହିବା ଆଉ ସୁରକ୍ଷିତ ହୋଇ ରହିନାହିଁ |

ପାକିସ୍ତାନରେ ଅନ୍ୟ ଧର୍ମର ଲୋକମାନଙ୍କ ପ୍ରତି ଯେପରି ନୀତି ଏବଂ ପାତରଅନ୍ତର ପ୍ରଦର୍ଶନ କରାଯାଇ ସେମାନଙ୍କୁ ଶୋଷଣ କରାଯାଉଛି ସେଥିରେ ଆମେରିକା ଚିନ୍ତା ପ୍ରକଟ କରିଛି | ଲୋକମାନଙ୍କ ସ୍ଵାଧୀନତାକୁ ବଜାୟ ରଖିବା ପାଇଁ ଆମେରିକା ଇମରାନ ଖାନ ସରକାରଙ୍କୁ ଅନୁରୋଧ କରିଛି | ଦକ୍ଷିଣ ଏବଂ ମଧ୍ୟ ଏସିଆ ପାଇଁ ଆମେରିକାର ଉପ ବୈଦେଶିକ ମନ୍ତ୍ରୀ ଆଲିସ ଜି. ଵେଲ ଏକ ବିବୃତ୍ତିରେ ଆମେରିକାରେ ଯେପରି ମାନବ ଅଧିକାର ଲଂଘନ ହେଉଛି ସେଥିପ୍ରତି କ୍ଷୋଭ ପ୍ରକାଶ କରିଛନ୍ତି | ଏବେ ପାକିସ୍ତାନରେ ଗଣମାଧ୍ୟମ ଏବଂ ସାମାଜିକ କର୍ମୀମାନଙ୍କ ପ୍ରତି ଚାପ ସୃଷ୍ଟି କରାଯିବା ସହିତ ସେମାନଙ୍କୁ ହଇରାଣ ହରକତ କରାଯାଉଛି |

ଵେଲସ କହିଛନ୍ତି ଯେ ଦେଶର ଆଇନକୁ ବଜାୟ ରଖିବା ପାଇଁ ପାକିସ୍ତାନକୁ ଆମେରିକା ବାରମ୍ଵାର ଅନୁରୋଧ କରିଆସିଛି | ପାକିସ୍ତାନରେ ଥିବା ଆନ୍ତର୍ଜାତୀୟ ସଂଗଠନ ପ୍ରତି ପାକିସ୍ତାନ ଯେପରି ନୀତି ଗ୍ରହଣ କରୁଛି ସେଥିପ୍ରତି ଆନ୍ତର୍ଜାତୀଯ ସଂପ୍ରଦାୟ ମଧ୍ୟ ଚିନ୍ତା ପ୍ରକଟ କରୁଛି |

ପାକିସ୍ତାନର ଲୋକମାନଙ୍କ ଜୀବନଯାପନ ସୁଚାରୁ କରିବା ତଥା ସେଠାରେ ସାମାଜିକ ସଂଗଠନ, କର୍ମୀ, ରାଜନୈତିକ ବ୍ୟକ୍ତି, ଧାର୍ମିକ ନେତୃବୃନ୍ଦ ଏବଂ ସାମ୍ଵାଦିକମାନେ ଯେପରି ସୁରକ୍ଷିତ ଏବଂ ଶାନ୍ତିରେ ରହିପାରିବେ ସେଥିପାଇଁ ଆମେରିକା ପାକିସ୍ତାନ ସହିତ ନିୟମିତ ଆଲୋଚନା ଚଳାଇଛି ବୋଲି ଵାଲେସ କହିଛନ୍ତି |

ପାକିସ୍ତାନରେ ଯେପରି ମାନବିକ ଅଧିକାର ଲଂଘନ କରାଯାଉଛି ସେଥିରେ ଅନେକ ସମୟରେ ମୌଳବାଦି ଏବଂ ସନ୍ତ୍ରାସବାଦିମାନଙ୍କ ପ୍ରତ୍ୟେକ୍ଷ ଭୂମିକା ରହୁଛି | ସେଠାକାର ଧାର୍ମିକ ଆଇନ ବଳରେ ଦୋଷୀ ହୋଇଥିବା ଜଣେ ମହିଳାଙ୍କୁ ସୁପ୍ରିମ କୋର୍ଟ ଦୋଷମୁକ୍ତ କରିଥିଲେ ମଧ୍ୟ ପାକିସ୍ତାନରେ ଧାର୍ମିକ ସ୍ଵାଧିନତା ରହୁନାହିଁ |

ଧାର୍ମିକ ଆଇନ ବଳରେ ପାକିସ୍ତାନରେ ବହୁସଂଖ୍ୟକ ଅଣ ମୁସଲମାନ ଲୋକେ ମୃତ୍ୟୁଦଣ୍ତ କିମ୍ଵା ଆଜୀବନ କାରାଦଣ୍ତ ଭୋଗୁଛନ୍ତି |




ଆଲେଖ: କୌଶିକ ରାୟ

ଭାବାନୁବାଦ: ରାମଚଂଦ୍ର ନାଥ

Comments

Post a Comment

Popular posts from this blog

ଜିସାଟ-30 ଉପଗ୍ରହର ସଫଳ ସ୍ଥାପନ

ଭାରତ ତାର 41ତମ ଯୋଗାଯୋଗ ଉପଗ୍ରହ ଜିସାଟ-30କୁ ଗତ 17 ତାରିଖ ଦିନ ସଫଳତାର ସହ କକ୍ଷ ପଥରେ ସ୍ଥାପନ କରିବା ଦ୍ୱାରା ନିରବଚ୍ଛିନ୍ନ ଭାବେ ଯୋଗାଯୋଗ ସେବାକୁ ନିଶ୍ଚିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଛି। 14 ବର୍ଷର ପୁରୁଣା ଇନସାଟ-4ଏ ଖୁବ ଶିଘ୍ର ଅକାମି ହେବାକୁ ଯାଉଥିବାବେଳେ ଜିସାଟ-30 ଉପଗ୍ରହ ଏହା ସ୍ଥାନରେ ବ୍ୟବହାର କରାଯିବ। ଇନସାଟ-4ଏ ଉପଗ୍ରହକୁ ଭାରତୀୟ କେବୁଲ ଅପରେଟରମାନେ ବିଦେଶରେ କାର୍ଯ୍ୟକ୍ରମଗୁଡିକର ପ୍ରସାରଣ ପାଇଁ ବ୍ୟବହାର କରୁଛନ୍ତି। ଜିସାଟ-30 ଉପଗ୍ରହ ଆଉ 15 ବର୍ଷ ପାଇଁ ଏବଂ ଅଧିକ ଦେଶକୁ ଏହି ସେବାକୁ ଜାରି ରଖିବ। ଫ୍ରେଞ୍ଚ ଗୁଏନାର କୋଉରୋଉ ମହାକାଶ କେନ୍ଦ୍ରରୁ ରିଆନେ-5 ମହାକାଶ ଯାନରେ ଜିସାଟ-30 ଉପଗ୍ରହକୁ କକ୍ଷ ପଥରେ ସ୍ଥାପନ କରାଯାଇଛି। ଏରିଆନାସ୍ପେସ ପକ୍ଷରୁ ଭାରତର ଏହି ଉପଗ୍ରହ ହେଉଛି 24ତମ ଉପଗ୍ରହ। 1981 ମସିହାରେ ଏରିଆନା ପକ୍ଷରୁ ଭାରତର ପ୍ରଥମ ଯୋଗାଯୋଗ ଉପଗ୍ରହ ଆପଲକୁ ମହାକାଶରେ ସ୍ଥାପନ କରାଯାଇ ଥିଲା। ଏହି ସଦ୍ୟତମ ଉତକ୍ଷେପଣରେ ଏରିଆନା-5 ମହାକାଶ ଯାନ ଏଉଟେଲସାଟ କୋନେକ୍ଟ କୁ ମଧ୍ୟ କକ୍ଷ ପଥରେ ସ୍ଥାପନ କରିଛି। ଏହି ଅତ୍ୟାଧୁନିକ ଓ ନୂଆ ପିଢିର ଏଉଟେଲସାଟ କୋନେକ୍ଟ ଉପଗ୍ରହ ୟୁରୋପ ଓ ଆଫ୍ରିକା ମହାଦେଶରେ ଟେଲିଯୋଗାଯୋଗ ସେବା ଯୋଗାଇବ। 15 ବର୍ଷ ପର୍ଯ୍ୟନ୍ତ କାର୍ଯ୍ୟକ୍ଷମର ଦକ୍ଷତା ରଖିଥିବା ଜିସାଟ-30 ଭାରତୀୟ ମହାକାଶ ଗବେଷଣା ସଂଗଠନ ଇସ୍...
Post a Comment
Read more

କୋଭିଡ-19 ସଂଗ୍ରାମ ଲାଗି ଅଧିକ ସତର୍କତା ଅବଲମ୍ବନ କରିବା ପାଇଁ ଆହ୍ଵାନ ଦେଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ମାସିକ ରେଡିଓ କାର୍ଯ୍ୟକ୍ରମ “ମନ କି ବାତ” ର 65 ତମ ସଂସ୍କରଣରେ ଦେଶବାସୀଙ୍କୁ ଉଦବୋଧନ ଦେଇଛନ୍ତି | ପ୍ରଧାନମନ୍ତ୍ରୀ କହିଛନ୍ତି ଯେ ଦେଶ ଐକ୍ୟବଦ୍ଧ ହୋଇ କରୋନା ସଙ୍କଟର ମୁକାବିଲା କରୁଛି ଓ ଲକଡାଉନ କଟକଣା କୋହଳ କରାଯାଇ ଭାରତୀୟ ଅର୍ଥନୀତିର ଏକ ପ୍ରମୁଖ ଭାଗ ଖୋଲିଦିଆଯାଇଥିବାରୁ ଅଧିକ ସତର୍କତା ଅବଲମ୍ବନ କରି ଆଗକୁ ଅଗ୍ରସର ହେବାକୁ ପଡିବ | ପ୍ରଧାନମନ୍ତ୍ରୀ କହିଛନ୍ତି ଯଥେଷ୍ଟ ପ୍ରତିଷେଧମୂଳକ ପଦକ୍ଷେପ ସହ 200 ଟି ଟ୍ରେନ ଚଳାଚଳ କରିଛି | ବିମାନ ସେବା ମଧ୍ୟ ଆରମ୍ଭ ହୋଇଛି ଓ ଉଦ୍ୟୋଗ କ୍ଷେତ୍ର ମଧ୍ୟ ସ୍ଵାଭାବିକ ଅବସ୍ଥାକୁ ଫେରୁଛି | କରୋନା ମୁକାବିଲା ବିରୁଦ୍ଧରେ କୌଣସି ପ୍ରକାରର ଅବହେଳା ପ୍ରଦର୍ଶନ ନକରି ଦୁଇ ଗଜ ଦୂରତା ପାଳନ କରିବା ସହ ମାସ୍କ ପିନ୍ଧି ଯଥା ସମ୍ଭବ ଘରେ ରହିବାକୁ ସେ ସତର୍କ କରାଇଛନ୍ତି | ଅନେକ ବାଧା ବିଘ୍ନର ସମ୍ମୁଖୀନ ହୋଇ କରୋନା ସଙ୍କଟର ମୁକାବିଲା କରିବା ପାଇଁ ଜାରି ରହିଥିବା ଅହରହ ପରିଶ୍ରମ ଯେପରି ବୃଥାରେ ନଯାଉ ବୋଲି ଶ୍ରୀ ମୋଦୀ ଜୋର ଦେଇକହିଛନ୍ତି | ପ୍ରଧାନମନ୍ତ୍ରୀ କହିଛନ୍ତି ଦେଶବାସୀଙ୍କ ସଂକଲ୍ପ ଶକ୍ତି ସହିତ ଏବେ ସେବା ଶକ୍ତି ଯୋଡି ହୋଇଯାଇଛି ଏବଂ ଏହା ସହ ଭାରତ ଦୃଢତାର ସହ କରୋନା ବିରୁଦ୍ଧରେ ଲଢୁଛି | ‘ସେବା ପରମ ଧର୍ମ’ ଉକ୍ତି ସହ ଆମେ ବେଶ ପରିଚିତ ଓ ଏହି ମନୋଭାବ ନେଇ ଆମେ ଆଗେଇ ଚାଲିଛୁ ବୋଲି ସେ କହିଛନ୍ତି | ଡାକ୍ତର, ...
Post a Comment
Read more

ଭାରତକୁ 5 ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବାଲାଗି ମୌଳିକଢାଞ୍ଚା କ୍ଷେତ୍ରର ଭୂମିକା

ଭାରତ ଆସନ୍ତା ପାଞ୍ଚ ବର୍ଷ ମଧ୍ୟରେ ଏହାର ଅର୍ଥନିତୀକୁ ପାଞ୍ଚ ଟ୍ରିଲିୟନ ଡଲାର ଓ ଏହା ପରେ ଆଠବର୍ଷ ମଧ୍ୟରେ 10 ଟ୍ରିଲିୟନ ଡଲାର ରେ ପରିଣତ କରିବା ଲାଗି ପ୍ରସ୍ତୁତି ଚଳେଇଛି | ଏହି ମହତ୍ବାକାଙ୍ଖି ଲକ୍ଷ ହାସଲ କରିବା ଲାଗି ମୌଳିକଢାଞ୍ଚା କ୍ଷେତ୍ରର ପ୍ରମୁଖ ଭୂମିକା ରହିବ | ସମ୍ପ୍ରତି ଶେଷ ହୋଇଥିବା ସଂସଦର ଅଧିବେଶନ ସମୟରେ ଲୋକସଭାରେ ଏକ ପ୍ରଶ୍ନ ର ଜବାବ ଦେଇ ଅର୍ଥ ରାଷ୍ଟ୍ରମନ୍ତ୍ରୀ ଶ୍ରୀ ଅନୁରାଗ ସିଂ ଠାକୁର କହିଥିଲେ ଯେ ଭାରତ ପ୍ରତିବର୍ଷ ଏହି କ୍ଷେତ୍ରରେ ଏକ ଟ୍ରିଲିୟନ ଡଲାର ରୁ ଅଧିକ ଖର୍ଚ୍ଚ କରୁଛି | ସେ କହିଥିଲେ ଯେ 2018-2019 ପାଇଁ ମୌଳିକଢାଞ୍ଚା କ୍ଷେତ୍ରରେ ସରକାରୀ ବ୍ୟୟର ବଜେଟ ଅଟକଳ 5.97 ଟ୍ରିଲିୟନ ଟଙ୍କା ଥିଲା |. ଭାରତୀୟ ଅର୍ଥନିତୀକୁ 2025 ସୁଦ୍ଧା 5 ଟ୍ରିଲିୟନ ରେ ପରିଣତ କରିବାର ଲକ୍ଷ ଯଦିଓ ବହୁତ ବଡ ତେବେ ଏହା ହାସଲ କରିବା ଆଦୌ ଅସମ୍ଭବ ନୁହେଁ | ଏ ଦିଗରେ ମୌଳିକଢାଞ୍ଚା କ୍ଷେତ୍ରକୁ ପ୍ରୋତ୍ସାହନ ଦେବା ପାଇଁ ଉଚିତ ସମୟରେ ସକ୍ରିୟ ପଦକ୍ଷେପ ଗ୍ରହଣ କରାଯାଉଛି | ବର୍ତ୍ତମାନ ଭାରତର ଅର୍ଥନୀତି 2.8 ଟ୍ରିଲିୟନ ଡଲାର ଅଛି ଯେଉଁଥିରେ ଆଗାମୀ ପାଞ୍ଚ ବର୍ଷ ମଧ୍ୟରେ 8 ପ୍ରତିଶତ ବାର୍ଷିକ ବିକାଶଦର ର ଆବଶ୍ୟକତା ହେବ | ବିଶେଷଜ୍ଞ ମାନଙ୍କ କହିବାନୁଯାୟୀ ଲକ୍ଷ ପ୍ରାପ୍ତି ସେତେଟା ଅସୁବିଧା ହେବ ନାହିଁ କାରଣ ନିକଟ ଅତୀତ ରେ ବିକାଶ ଦର 6 ରୁ 7 ପ୍ରତିଶତ ହାର ରେ ରହିଛି | ବଜେଟ ପୂର୍ବରୁ ଆସିଥିବ...
Post a Comment
Read more