ବାଙ୍ଗଲାଦେଶ ସହିତ ଭାରତ ଏହାର ସଂପର୍କ ସୁଦୃଢ କରିଛି

ବାଙ୍ଗଲାଦେଶ ପ୍ରଧାନମନ୍ତ୍ରୀ ଶେଖ ହାସିନାଙ୍କ ଭାରତ ଗସ୍ତ ଦ୍ଵିପକ୍ଷୀୟ ରାଜନୈତିକ ଏବଂ କୂଟନୈତିକ କାରଣରୁ ଗୁରୁତ୍ଵପୂର୍ଣ୍ଣ | ଗତ ସପ୍ତାହରେ ଦିଲ୍ଲୀରେ ହୋଇଥିବା ବିଶ୍ଵ ଅର୍ଥନୈତିକ ଫୋରମରେ ନିଜ ଦେଶରେ ବଢୁଥିବା ପୁଞ୍ଜିନିବେଶ ପାଇଁ ଦକ୍ଷତାକୁ ପ୍ରତିପାଦନ କରିବା ବାଙ୍ଗଲାଦେଶ ପ୍ରଧାନମନ୍ତ୍ରୀଙ୍କ ପ୍ରାଥମିକ ଯୋଜନା ଥିଲା କିନ୍ତୁ ସରକାରୀ ବୁଝାମଣା ଏବଂ ମିଳିତ ବିବୃତ୍ତିରୁ ପ୍ରତିପାଦିତ ହେଲା ଯେ ଦୁଇ ପକ୍ଷ ଏହି ଗସ୍ତ କାଳରେ କେତେକ ଦୃଢ ପଦକ୍ଷେପ ନେଇଛନ୍ତି |

ବାଙ୍ଗଲାଦେଶ ନେତାଙ୍କ ପାଇଁ ସ୍ଵାଗତ ଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଦୁଇ ଦେଶର ଭାଗିଦାରୀର ଲକ୍ଷ୍ୟ ହେଉଛି ଭାରତ ଏବଂ ବାଙ୍ଗଲାଦେଶର ପ୍ରତ୍ୟେକ ନାଗରିକଙ୍କ ବିକାଶକୁ ସୁନିଶ୍ଚିତ କରିବା | ଏହି ମର୍ମରେ ସେ କହିଛନ୍ତି ଯେ ଦୁଇ ଦେଶ ବିଗତ ବର୍ଷକ ମଧ୍ୟରେ 9ଟି ଏବଂ ଏବେ 3ଟି ପ୍ରକଳ୍ପ ଆରମ୍ଭ କରାଯାଇଛି |

ଦୁଇ ଦେଶ ଏଲପିଜି ଯୋଗାଣ, ପ୍ରଶିକ୍ଷଣ ଏବଂ ଢାକାର ରାମକୃଷ୍ଣ ମିଶନରେ ବିବେକାନନ୍ଦ ଭବନ ସ୍ଥାପନ ପାଇଁ ବୁଝାମଣା ପତ୍ର ସ୍ଵାକ୍ଷରିତ ହୋଇଛି | ଉତ୍ତର ପୂର୍ବାଞ୍ଚଳ ରାଜ୍ୟରେ ଏଲପିଜି ପାଇଁ ବାଙ୍ଗଲାଦେଶରୁ ଭାରତକୁ ଏହା ଯୋଗାଣ କରାଯିବ ଏବଂ ତ୍ରିପୁରାର ସୀମାନ୍ତ ସହରରେ ଜଳଯୋଗାଣକୁ ସୁନିଶ୍ଚିତ କରିବା ପାଇଁ ଫେନିର ଜଳ ପାଇଁ ବୁଝାମଣା ହୋଇଛି |

ଉପକୂଳ ପ୍ରଦକ୍ଷଣ ପାଇଁ ହୋଇଥିବା ବୁଝାମଣା ଦ୍ଵାରା ଭାରତ ଉଭୟ ଦେଶର ଯେଉଁ ସୀମାବର୍ତ୍ତି ଉପକୂଳ ରହିଛି ସେଠାରେ ଉପଗ୍ରହ ଦ୍ଵାରା ନିରୀକ୍ଷଣ କରିପାରିବ ଯାହାଦ୍ଵାରା ଉଭୟ ଦେଶ ପାଇଁ ସୁବିଧା ହେବ | ଉପକୂଳ ଅଞ୍ଚଳର ନିରାପତ୍ତା ନିମନ୍ତେ 20ଟି ନିରୀକ୍ଷଣ ୟୁନିଟ ସ୍ଥାପନ କରାଯିବ |

ରୋହିଙ୍ଗ୍ୟା ଶରଣାର୍ଥୀ ଉପରେ ଶେଖ ହାସିନା କହିଛନ୍ତି ଯେ ବାଙ୍ଗଲାଦେଶ 2017 ପରଠାରୁ ପ୍ରାୟ 10 ଲକ୍ଷ ରୋହିଙ୍ଗ୍ୟା ସଂପ୍ରଦାୟଙ୍କୁ ଶରଣ ଦେଲେଣି ଏବଂ ଏହି ସଂକଟର ସମାଧାନ ପାଇଁ ଭାରତ ମିଆଁମାର ସହିତ ଆଲୋଚନା କରି ଏମାନଙ୍କର ପ୍ରତ୍ୟର୍ପଣ ନିମନ୍ତେ ପଦକ୍ଷେପ ନେବାକୁ ଅନୁରୋଧ କରିଛନ୍ତି | ସେ କହିଛନ୍ତି ପ୍ରାୟ 11 ଲକ୍ଷ ରୋହିଙ୍ଗ୍ୟା ଚିଟାଗଙ୍ଗର ଶିବିରରେ ଶରଣ ନେଇଛନ୍ତି | ଭାରତ ରୋହିଙ୍ଗ୍ୟା ଶରଣାର୍ଥିଙ୍କ ପାଇଁ ବାର୍ଷିକ 120 କୋଟି ଟଙ୍କା ସହାୟତା କରିବାକୁ ପ୍ରତିଶ୍ରୁତି ଦେଇଛି | ଭାରତ ମିଆଁମାରର ରଖିନେ ଠାରେ ପୁନଃ ଥଇଥାନ କଲୋନି ସ୍ଥାପନ କରିଛି | ମିଆଁମାରରୁ ବିତାଡିତ ହୋଇଥିବା ବୌଦ୍ଧ ଧର୍ମାଲମ୍ଵି ମାନଙ୍କୁ ଥଇଥାନ ଦେଇଥିବା ବାଙ୍ଗଲା ଦେଶ ପାଇଁ ଭାରତ 10 କୋଟି ଟଙ୍କା ମଞ୍ଜୁର କରିଛି |

ଆସିଆନ ସମ୍ମିଳନୀରେ ରୋହିଙ୍ଗ୍ୟା ମାନଙ୍କ ଭବିଷ୍ୟତ ବିଷୟରେ ବାଙ୍ଗଲାଦେଶ ପ୍ରସଙ୍ଗ ଉଠାଇବ | ଆସାମରେ ଚାଲିଥିବା ଏନଆରସି ପ୍ରକ୍ରିୟା ବିଷୟରେ ବାଙ୍ଗଲାଦେଶ ପ୍ରସଙ୍ଗ ଉତ୍ଥାପନ କରିଛି କିନ୍ତୁ ଏହା ଅଦାଲତଙ୍କ ଦ୍ଵାରା ଚାଲିଥିବା ପ୍ରଧାନମନ୍ତ୍ରୀ ମୋଦି ଅବଗତ କରିଛନ୍ତି |

ପ୍ରଧାନମନ୍ତ୍ରୀ ହାସିନା ସନ୍ତ୍ରାସବାଦ ଏବଂ ଦୁର୍ନୀତିକୁ ଆଦୌ ପ୍ରଶ୍ରୟ ନଦେବା ଉପରେ ଦୃଢତା ପ୍ରକାଶ କରିଛନ୍ତି ଏବଂ ଦକ୍ଷିଣ ଏସିଆ ଦେଶମାନେ ଏପରି କରିବାକୁ ସେ ଚାହିଁଛନ୍ତି | ଏହି ଗସ୍ତ କାଳରେ ତିସ୍ତା ଜଳ ରାଜିନାମା ଉପରେ କୌଣସି ଅଗ୍ରଗତି ହୋଇନାହିଁ |

ବାଙ୍ଗଲାଦେଶର ବଙ୍ଗବନ୍ଧୁ ଶେଖ ମୁଜିବୁର ରହମାନଙ୍କ ଜନ୍ମ ଶତବାର୍ଷିକୀ ପାଳନ 2020ରେ ଢାକା ଆସିବାକୁ ଶ୍ରୀମତି ହାସିନା ପ୍ରଧାନମନ୍ତ୍ରୀଙ୍କ ଆମନ୍ତ୍ରଣ କରିଛନ୍ତି ଏବଂ ଭାରତ ଏହି ଆମନ୍ତ୍ରଣକୁ ସ୍ଵୀକାର କରିଛନ୍ତି |

ଆଲେଖ କଲ୍ଲୋଳ ଭଟ୍ଟାଚାର୍ଯ୍ୟ

ଭାବାନୁବାଦ ରାମଚଂଦ୍ର ନାଥ