ଏ ସପ୍ତାହରେ ପାର୍ଲାମେଣ୍ଟ

ମଙ୍ଗଳବାର ଦିନ ଦେଶ ନଭେମ୍ଵର 26କୁ ସମ୍ଵିଧାନ ଦିବସ ଭାବେ ପାଳନ କରିଛି | 1949 ମସିହା ଏହି ଦିନ କନଷ୍ଟିଚୁଏଣ୍ଟ ଆସେମ୍ଵ୍ଲି ଦ୍ଵାରା ଭାରତୀୟ ସମ୍ଵିଧାନ ପ୍ରଣୟନ କରାଯାଇଥିଲା | 1950 ଜାନୁୟାରୀ 26 ତାରିଖରେ ସମ୍ଵିଧାନ କାର୍ଯ୍ୟକାରୀ ହୋଇ ଭାରତୀୟ ସାଧାରଣତନ୍ତ୍ରରେ ଏକ ନୂଆ ଇତିହାସର ଅୟମାରମ୍ଭ ହୋଇଥିଲା | ଏହି ଉପଲକ୍ଷେ ପାର୍ଲାମେଣ୍ଟର ସେଣ୍ଟ୍ରାଲ ହଲରେ ଉଭୟ ସଦନର ମିଳିତ ଅଧିବେଶନ ଅନୁଷ୍ଠିତ ହୋଇଥିଲା | ଏହି ମିଳିତ ବୈଠକକୁ ସଂମ୍ଵୋଧିତ କରି ରାଷ୍ଟ୍ରପତି ରାମନାଥ କୋବିନ୍ଦ କହିଛନ୍ତି ଯେ ଅଧିକାର ଏବଂ କର୍ତ୍ତବ୍ୟ ଗୋଟିଏ ମୁଦ୍ରାର ଦୁଇଟି ପାର୍ଶ୍ଵ ପରି ଏବଂ ପ୍ରତ୍ୟେକ ନାଗରିକଙ୍କୁ ନିଜ କର୍ତ୍ତବ୍ୟ ପ୍ରତି ସଚେତନ ରହିବା ଦରକାର | ରାଷ୍ଟ୍ରପତି କହିଛନ୍ତି ଲୋକମାନଙ୍କୁ ସେମାନଙ୍କ କର୍ତ୍ତବ୍ୟ ପାଳନ କରିବା ଏବଂ ସେଥିପାଇଁ ଅନୁକୂଳ ବାତାବରଣ ସୃଷ୍ଟି କରିବାର ଆବଶ୍ୟକତା ରହିଛି ଯାହାଦ୍ଵାରା ଲୋକମାନେ ସେମାନହ୍କ ଅଧିକାରକୁ ସୁନିଶ୍ଚିତ କରିପାରିବେ | ସେ ରାଜ୍ୟ ସଭାର 250ତମ ଅଧିବେଶନ ପୂର୍ତ୍ତି ଉପଲକ୍ଷେ ଏକ ସ୍ମାରକ ମୁଦ୍ରା, ଡାକ ଟିକଟ ଏବଂ ରାଜ୍ୟ ସଭାର ଭୂମିକା ସଂପର୍କୀତ ପୁସ୍ତକ ବିମୋଚନ କରିବା ସହିତ ଏକ ଡିଜିଟାଲ ପ୍ରଦର୍ସନୀର ମଧ୍ୟ ଉଦଘାଟନ କରିଛନ୍ତି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ଵିଧାନ ନିର୍ମାତା ଭିମରାଓ ଆମ୍ଵେଦକରଙ୍କ ଆକାଂକ୍ଷାକୁ ସ୍ମରଣ କରିଛନ୍ତି | ସେ ସମ୍ଵିଧାନକୁ ଏକ ପବିତ୍ର ଗ୍ରନ୍ଥ ତଥା ଏକ ମାର୍ଗଦର୍ଶକ କହିଛନ୍ତି | ସେ ସମ୍ଵିଧାନର ଶକ୍ତିର ଉଲ୍ଲେଖ କରି କହିଛନ୍ତି ଯେ ନାଗରିକଙ୍କ ଅଧିକାର ତଥା କର୍ତ୍ତବ୍ୟକୁ ଦର୍ଶାଇଛନ୍ତି ଯାହା ସ୍ଵାଭାବିକ | ରାଜ୍ଯସଭାର ଅଧ୍ୟକ୍ଷ ଏମ. ଭେଙ୍କିୟା ନାଇଡୁ କହିଛନ୍ତି ଯେ ଗତ 70 ବର୍ଷରେ ଦେଶ ଗଣତାନ୍ତ୍ରୀକ ସମ୍ଵିଧାନର ପାଳନ କରିବା ସହିତ ଗଣତାନ୍ତ୍ରୀକ ମର୍ଯ୍ୟଦାକୁ ଗଭିର କରିବାରେ ପ୍ରଗତି ହାସଲ କରିଛି |

ବୈଦେଶିକ ମନ୍ତ୍ରୀ ଏସ. ଜୟଶଙ୍କର ବୁଧବାର ଦିନ ଲୋକସଭାରେ କହିଛନ୍ତି ଯେ ଭାରତ ଜମ୍ମୁ କଶ୍ମୀରର ପୁନର୍ଗଠନ ପରିପ୍ରେକ୍ଷିରେ ଏହି କ୍ଷେତ୍ରରେ ଏକ ଭୟାବହ ସ୍ଥିତି ଉତ୍ପନ୍ନ କରିବା ସଂପର୍କରେ ପାକିସ୍ତାନର ପ୍ରୟାସ ବିଫଳ କରିଛି | ସେ କହିଛନ୍ତି ଯେ ଜାତିସଂଘ, ମାନବଅଧିକାର ପରିଷଦ ତଥା ଇସଲାମିକ ସହଯୋଗ ସଂଗଠନ ପରି ଆନ୍ତର୍ଜାତୀୟ ମଞ୍ଚରେ ଜମ୍ମୁ କଶ୍ମୀର ପ୍ରସଙ୍ଗ ଉପରେ ପାକିସ୍ତାନ ଭାରତ ବିରୁଦ୍ଧରେ ବାରମ୍ଵାର ଭ୍ରମାତ୍ମକ ତଥା ବିଦ୍ଵେଷପୂର୍ଣ୍ଣ ପ୍ରଚାର କଲା କିନ୍ତୁ ଭାରତ ପାକିସ୍ତାନର ସବୁ ପ୍ରୟାସକୁ ବିଫଳ କରିଛି | ସେ କହିଛନ୍ତି ଯେ ଅନେକ ଦେଶ ପାକିସ୍ତାନକୁ ନିଜ ଦେଶମାନଙ୍କରେ କୌଣସି ପ୍ରକାର ସନ୍ତ୍ରାସବାଦ ପାଇଁ ପ୍ରଶ୍ରୟ ନଦେବାକୁ କହିଛନ୍ତି |

ସ୍ଵରାଷ୍ଟ୍ର ରାଷ୍ଟ୍ର ମନ୍ତ୍ରୀ କିଶନ ରେଡ୍ଡି ବୁଧବାର ରାଜ୍ୟ ସଭାରେ କହିଲେ ଯେ ବାଲାକୋଟ ଫେସିଲିଟିର ପ୍ରତିକ୍ରିୟା ସ୍ଵରୂପ ପାକିସ୍ତାନ ଆଧାରିତ ସନ୍ତ୍ରାସବାଦ ଗୋଷ୍ଠି ଆକ୍ରମଣର ପ୍ରଚେଷ୍ଟାରେ ରହିଛି | ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଦେଶର ଅର୍ଥ ବ୍ୟବସ୍ଥାରେ କୌଣସି ପ୍ରକାର ଦେବାଳିଆ ନାହିଁ ତଥା ସରକାର ଏଥିରେ ପ୍ରଗତି ଆଣିବାରେ ପ୍ରଚେଷ୍ଟା କରୁଛନ୍ତି |

ଗୁରୁବାର ଦିନ ବୈଦେଶିକ ରାଷ୍ଟ୍ର ମନ୍ତ୍ରୀ ବି ମୁରଲିଧରନ କହିଛନ୍ତି ଯେ ୟୁରୋପୀୟ ସଂସଦର ବିଭିନ୍ନ ଦଳର 27 ଜଣ ସଦସ୍ୟ ଦିଲ୍ଲୀ ଭିତ୍ତିକ ଏକ ସଂଗଠନର ଆମନ୍ତ୍ରଣ କ୍ରମେ ଅକ୍ଟୋବର 28ରୁ ନଭେମ୍ଵର 1 ଯାଏଁ ଭାରତ ଗସ୍ତରେ ଆସିଥିଲେ | ଭାରତକୁ ସନ୍ତ୍ରାସବାଦ କିପରି କ୍ଷତି କରୁଛି ତାହା ବୁଝିବା ପାଇଁ ଏହି ସଦସ୍ୟମାନେ କଶ୍ମୀର ଯାତ୍ରା କରିଥିଲେ | ମନ୍ତ୍ରୀ କହିଛନ୍ତି ଏପରି ସଂପର୍କର ଆଦାନ ପ୍ରଦାନ ଦ୍ଵାରା ସଂପର୍କ ଗଭିର ହୋଇଥାଏ ଏବଂ ଏହା ଭାରତର ବିଦେଶ ନୀତିର ମଧ୍ୟ ଅନୁକୂଳ |

ଆଲେଖ୍ୟ : ଭି. ମୋହନ ରାଓ

ଅନୁବାଦ: ରାମଚଂଦ୍ର ନାଥ