Skip to main content

ଇରାନରେ ବିକ୍ଷୋଭ

ଗତ ମାସ ଇରାନ ସରକାର ଏହାର ଗରିବ ନାଗରିକମାନଙ୍କୁ ସାହାର୍ଯ୍ୟ କରିବା ପାଇଁ ଅତିରିକ୍ତ ଅର୍ଥ ଆଦାୟ କରିବାକୁ ପେଟ୍ରୋଲର ସମଭାଜନ କରିବାକୁ ଘୋଷଣା କରିଥିଲେ ଏହି ଘୋଷଣା ପରେ ସେଠାରେ ହଠାତ ପେଟ୍ରୋଲ ମୂଲ୍ୟ ବୃଦ୍ଧି ପାଇଥିଲା ଏବଂ ଏହାକୁ ନେଇ ବିକ୍ଷୋଭ ଆରମ୍ଭ ହୋଇଯାଇଥିଲା | ଏହି ବିକ୍ଷୋଭ ଧିରେ ଧିରେ ବିଭିନ୍ନ ସହରକୁ ବ୍ୟାପି ସରକାରଙ୍କ ସ୍ଥିରତା ପ୍ରତି ସଂକଟ ଦେଖାଦେଇଛି |

ଇରାନ ସରକାର ଏହି ବିକ୍ଷୋଭ ପଛରେ ବିଦେଶୀ ଶତୃମାନଙ୍କ ହାତ ଥିବା ଅଭିଯୋଗ କରିଛନ୍ତି | ବିକ୍ଷୋଭକୁ ଦୃଷ୍ଟିରେ ରଖି ସରକାର ସେଠାରେ ଇଣ୍ଟରନେଟ ସେବା ବନ୍ଦ କରିଛନ୍ତି ଯାହାଦ୍ବାରା ବିକ୍ଷୋଭ ଯେପରି ବ୍ୟାପକ ନହେଇପାରିବ | ଇରାନର ସାମରିକ ବିଭାଗ ପକ୍ଷରୁ କୁହାଯାଇଛି ଯେ ଇରାନର ଶତୃମାନେ ଏହା କରି ଇସଲାମ ରାଷ୍ଟ୍ର ପ୍ରତି ବିପଦ ସୃଷ୍ଟି କରିଛନ୍ତି |

ଏହି ବିକ୍ଷୋଭ କାରଣରୁ କେତେଲୋକ ହତାହତ ହୋଇଛନ୍ତି ସେନେଇ ଇରାନ ସରକାର କୌଣସି ସରକାରୀ ସଂଖ୍ୟା ଜାରି କରିନଥିଲେ ମଧ୍ୟ ସର୍ବକ୍ଷମା ଆନ୍ତର୍ଜାତୀୟ ସଂସ୍ଥା ପକ୍ଷରୁ କୁହାଯାଇଛି ଯେ ଏଥିରେ 208 ଜଣ ଲୋକ ପ୍ରାଣ ହରାଇଛନ୍ତି, 2000 ଲୋକ ଆହତ ହୋଇଛନ୍ତି ଏବଂ ପ୍ରାୟ 7,000 ଲୋକ ଗିରଫ ହୋଇଛନ୍ତି |

ଇରାନର ଗଣମାଧ୍ୟମ ହତାହତଙ୍କ ସଂଖ୍ୟା ନଦେଇ କହିଛି ଯେ ନିରାପତ୍ତା ବାହିନୀ ଦ୍ଵାରା କିଛି ଲୋକ ପ୍ରାଣ ହରାଇଛନ୍ତି.| ଗଣମାଧ୍ୟମ ବିକ୍ଷୋଭକାରୀଙ୍କୁ ସଶସ୍ତ୍ର ସନ୍ତ୍ରାସବାଦି କହିଥିବା ବେଳେ ନିରାପତ୍ତା ବାହିନୀକୁ ପ୍ରଶଂସା କରିଛି | ଇରାନର ଆଭ୍ୟନ୍ତରୀଣ ମନ୍ତ୍ରଣାଳୟ କହିଛି ଯେ ସିଆଇଏ ସହ ସଂପୃକ୍ତ କିଛି ବିକ୍ଷୋଭ କାରୀଙ୍କୁ ଗିରଫ କରାଯାଇଛି | ହିଂସା ବ୍ୟାପିବାର ଦୁଇ ସପ୍ତାହ ପରେ ଇରାନ ରାଷ୍ଟ୍ରପତି ହସନ ରୁହାନି ଏକ ଟେଲିଭିଜନ ସନ୍ଦେସରେ କହିଛନ୍ତି ଯେ ଗିରଫ ହୋଇଥିବା କେତେଜଣ ନିରିହ ଏବଂ ନିରସ୍ତ୍ର ଲୋକଙ୍କୁ ଛାଡି ଦିଆଯିବ |

ତେଣେ ଇରାନ ଉପରେ ଆମେରିକା କଡା ପ୍ରତିବନ୍ଧ ଲଗାଇଛି ପ୍ରତିବନ୍ଧକ କାରଣରୁ ଇରାନ ଏହାର ତୈଳ ରପ୍ତାନି ଠିକ ଭାବରେ କରିପାରୁ ନାହିଁ ଯେଉଁ କାରଣରୁ ଏହାର ଆର୍ଥିକ ସ୍ଥିତି ବିଗିଡି ଚାଲିଛି | ପେଟ୍ରୋଲ ମୂଲ୍ୟ ବୃଦ୍ଧି ସହିତ ବିକ୍ଷୋଭ ଏବଂ ପ୍ରତିବନ୍ଧକ ଇରାନ ଏବଂ ଆମେରିକା ମଧ୍ୟରେ ସଂପର୍କକୁ ଆହୁରି ଖରାପ କରିଛି ଯାହାକି ସମାଧାନ ପାଇଁ କଷ୍ଟକର ହୋଇପଡିଛି |

ଇରାନର ଅସ୍ଥିରତା କାହାର ହିତ ସାଧନ କରିବ ନାହିଁ ବିତ୍କ୍ଷୋଭକୁ ଦମନ କରିବା ଅଭିଯାନ ଦ୍ଵାରା ଖୁଜେସ୍ଥାନ, ସିସ୍ତାନ, ବାଲୁଚିସ୍ଥାନ ଏବଂ କୁର୍ଦିସ୍ଥାନରେ ଥିବା ସଂଖ୍ୟାଲଘୁ ସଂପ୍ରଦାୟ ଅଧିକ ହିଂସାର ରାସ୍ତା ଆପଣାଇବାର ଆଶଙ୍କା ଦେଖାଦେଇଛି | ଅପରପକ୍ଷେ ଏମିତି ହେଲେ ସରକାର ଏହାକୁ ଦମନ କରିବାକୁ ଅଧିକ ଶକ୍ତି ପ୍ରୟୋଗ କରିପାରନ୍ତି ଯାହାକି ପରିସ୍ଥିତିକୁ ଆହୁରି ଖରାପ କରି ବୋଲି ଆଶଙ୍କା ରହୁଛି |

ଇରାନ ସହିତ ସମସ୍ତ ଉପସାଗରୀୟ ଦେଶମାନଙ୍କ ସହିତ ଭାରତର ସଂପର୍କ ଭଲ ରହିଛି | ଇରାନରେ ଭାରତ ଚବାହର ବନ୍ଦରର ବିକାଶ କରିଛି ଏହି ବିକ୍ଷୋଭ ଭାରତର ପୁଞ୍ଜିନିବେଶ ଉପରେ ପ୍ରଭାବ ପକାଇପାରେ |




ଆଲେଖ୍ୟ: ଆସିଫ ସୁଜା

ଭାବାନୁବାଦ: ରାମଚଂଦ୍ର ନାଥ

Comments

Post a Comment

Popular posts from this blog

ଜିସାଟ-30 ଉପଗ୍ରହର ସଫଳ ସ୍ଥାପନ

ଭାରତ ତାର 41ତମ ଯୋଗାଯୋଗ ଉପଗ୍ରହ ଜିସାଟ-30କୁ ଗତ 17 ତାରିଖ ଦିନ ସଫଳତାର ସହ କକ୍ଷ ପଥରେ ସ୍ଥାପନ କରିବା ଦ୍ୱାରା ନିରବଚ୍ଛିନ୍ନ ଭାବେ ଯୋଗାଯୋଗ ସେବାକୁ ନିଶ୍ଚିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଛି। 14 ବର୍ଷର ପୁରୁଣା ଇନସାଟ-4ଏ ଖୁବ ଶିଘ୍ର ଅକାମି ହେବାକୁ ଯାଉଥିବାବେଳେ ଜିସାଟ-30 ଉପଗ୍ରହ ଏହା ସ୍ଥାନରେ ବ୍ୟବହାର କରାଯିବ। ଇନସାଟ-4ଏ ଉପଗ୍ରହକୁ ଭାରତୀୟ କେବୁଲ ଅପରେଟରମାନେ ବିଦେଶରେ କାର୍ଯ୍ୟକ୍ରମଗୁଡିକର ପ୍ରସାରଣ ପାଇଁ ବ୍ୟବହାର କରୁଛନ୍ତି। ଜିସାଟ-30 ଉପଗ୍ରହ ଆଉ 15 ବର୍ଷ ପାଇଁ ଏବଂ ଅଧିକ ଦେଶକୁ ଏହି ସେବାକୁ ଜାରି ରଖିବ। ଫ୍ରେଞ୍ଚ ଗୁଏନାର କୋଉରୋଉ ମହାକାଶ କେନ୍ଦ୍ରରୁ ରିଆନେ-5 ମହାକାଶ ଯାନରେ ଜିସାଟ-30 ଉପଗ୍ରହକୁ କକ୍ଷ ପଥରେ ସ୍ଥାପନ କରାଯାଇଛି। ଏରିଆନାସ୍ପେସ ପକ୍ଷରୁ ଭାରତର ଏହି ଉପଗ୍ରହ ହେଉଛି 24ତମ ଉପଗ୍ରହ। 1981 ମସିହାରେ ଏରିଆନା ପକ୍ଷରୁ ଭାରତର ପ୍ରଥମ ଯୋଗାଯୋଗ ଉପଗ୍ରହ ଆପଲକୁ ମହାକାଶରେ ସ୍ଥାପନ କରାଯାଇ ଥିଲା। ଏହି ସଦ୍ୟତମ ଉତକ୍ଷେପଣରେ ଏରିଆନା-5 ମହାକାଶ ଯାନ ଏଉଟେଲସାଟ କୋନେକ୍ଟ କୁ ମଧ୍ୟ କକ୍ଷ ପଥରେ ସ୍ଥାପନ କରିଛି। ଏହି ଅତ୍ୟାଧୁନିକ ଓ ନୂଆ ପିଢିର ଏଉଟେଲସାଟ କୋନେକ୍ଟ ଉପଗ୍ରହ ୟୁରୋପ ଓ ଆଫ୍ରିକା ମହାଦେଶରେ ଟେଲିଯୋଗାଯୋଗ ସେବା ଯୋଗାଇବ। 15 ବର୍ଷ ପର୍ଯ୍ୟନ୍ତ କାର୍ଯ୍ୟକ୍ଷମର ଦକ୍ଷତା ରଖିଥିବା ଜିସାଟ-30 ଭାରତୀୟ ମହାକାଶ ଗବେଷଣା ସଂଗଠନ ଇସ୍...
Post a Comment
Read more

କୋଭିଡ-19 ସଂଗ୍ରାମ ଲାଗି ଅଧିକ ସତର୍କତା ଅବଲମ୍ବନ କରିବା ପାଇଁ ଆହ୍ଵାନ ଦେଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ମାସିକ ରେଡିଓ କାର୍ଯ୍ୟକ୍ରମ “ମନ କି ବାତ” ର 65 ତମ ସଂସ୍କରଣରେ ଦେଶବାସୀଙ୍କୁ ଉଦବୋଧନ ଦେଇଛନ୍ତି | ପ୍ରଧାନମନ୍ତ୍ରୀ କହିଛନ୍ତି ଯେ ଦେଶ ଐକ୍ୟବଦ୍ଧ ହୋଇ କରୋନା ସଙ୍କଟର ମୁକାବିଲା କରୁଛି ଓ ଲକଡାଉନ କଟକଣା କୋହଳ କରାଯାଇ ଭାରତୀୟ ଅର୍ଥନୀତିର ଏକ ପ୍ରମୁଖ ଭାଗ ଖୋଲିଦିଆଯାଇଥିବାରୁ ଅଧିକ ସତର୍କତା ଅବଲମ୍ବନ କରି ଆଗକୁ ଅଗ୍ରସର ହେବାକୁ ପଡିବ | ପ୍ରଧାନମନ୍ତ୍ରୀ କହିଛନ୍ତି ଯଥେଷ୍ଟ ପ୍ରତିଷେଧମୂଳକ ପଦକ୍ଷେପ ସହ 200 ଟି ଟ୍ରେନ ଚଳାଚଳ କରିଛି | ବିମାନ ସେବା ମଧ୍ୟ ଆରମ୍ଭ ହୋଇଛି ଓ ଉଦ୍ୟୋଗ କ୍ଷେତ୍ର ମଧ୍ୟ ସ୍ଵାଭାବିକ ଅବସ୍ଥାକୁ ଫେରୁଛି | କରୋନା ମୁକାବିଲା ବିରୁଦ୍ଧରେ କୌଣସି ପ୍ରକାରର ଅବହେଳା ପ୍ରଦର୍ଶନ ନକରି ଦୁଇ ଗଜ ଦୂରତା ପାଳନ କରିବା ସହ ମାସ୍କ ପିନ୍ଧି ଯଥା ସମ୍ଭବ ଘରେ ରହିବାକୁ ସେ ସତର୍କ କରାଇଛନ୍ତି | ଅନେକ ବାଧା ବିଘ୍ନର ସମ୍ମୁଖୀନ ହୋଇ କରୋନା ସଙ୍କଟର ମୁକାବିଲା କରିବା ପାଇଁ ଜାରି ରହିଥିବା ଅହରହ ପରିଶ୍ରମ ଯେପରି ବୃଥାରେ ନଯାଉ ବୋଲି ଶ୍ରୀ ମୋଦୀ ଜୋର ଦେଇକହିଛନ୍ତି | ପ୍ରଧାନମନ୍ତ୍ରୀ କହିଛନ୍ତି ଦେଶବାସୀଙ୍କ ସଂକଲ୍ପ ଶକ୍ତି ସହିତ ଏବେ ସେବା ଶକ୍ତି ଯୋଡି ହୋଇଯାଇଛି ଏବଂ ଏହା ସହ ଭାରତ ଦୃଢତାର ସହ କରୋନା ବିରୁଦ୍ଧରେ ଲଢୁଛି | ‘ସେବା ପରମ ଧର୍ମ’ ଉକ୍ତି ସହ ଆମେ ବେଶ ପରିଚିତ ଓ ଏହି ମନୋଭାବ ନେଇ ଆମେ ଆଗେଇ ଚାଲିଛୁ ବୋଲି ସେ କହିଛନ୍ତି | ଡାକ୍ତର, ...
Post a Comment
Read more

ଭାରତକୁ 5 ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବାଲାଗି ମୌଳିକଢାଞ୍ଚା କ୍ଷେତ୍ରର ଭୂମିକା

ଭାରତ ଆସନ୍ତା ପାଞ୍ଚ ବର୍ଷ ମଧ୍ୟରେ ଏହାର ଅର୍ଥନିତୀକୁ ପାଞ୍ଚ ଟ୍ରିଲିୟନ ଡଲାର ଓ ଏହା ପରେ ଆଠବର୍ଷ ମଧ୍ୟରେ 10 ଟ୍ରିଲିୟନ ଡଲାର ରେ ପରିଣତ କରିବା ଲାଗି ପ୍ରସ୍ତୁତି ଚଳେଇଛି | ଏହି ମହତ୍ବାକାଙ୍ଖି ଲକ୍ଷ ହାସଲ କରିବା ଲାଗି ମୌଳିକଢାଞ୍ଚା କ୍ଷେତ୍ରର ପ୍ରମୁଖ ଭୂମିକା ରହିବ | ସମ୍ପ୍ରତି ଶେଷ ହୋଇଥିବା ସଂସଦର ଅଧିବେଶନ ସମୟରେ ଲୋକସଭାରେ ଏକ ପ୍ରଶ୍ନ ର ଜବାବ ଦେଇ ଅର୍ଥ ରାଷ୍ଟ୍ରମନ୍ତ୍ରୀ ଶ୍ରୀ ଅନୁରାଗ ସିଂ ଠାକୁର କହିଥିଲେ ଯେ ଭାରତ ପ୍ରତିବର୍ଷ ଏହି କ୍ଷେତ୍ରରେ ଏକ ଟ୍ରିଲିୟନ ଡଲାର ରୁ ଅଧିକ ଖର୍ଚ୍ଚ କରୁଛି | ସେ କହିଥିଲେ ଯେ 2018-2019 ପାଇଁ ମୌଳିକଢାଞ୍ଚା କ୍ଷେତ୍ରରେ ସରକାରୀ ବ୍ୟୟର ବଜେଟ ଅଟକଳ 5.97 ଟ୍ରିଲିୟନ ଟଙ୍କା ଥିଲା |. ଭାରତୀୟ ଅର୍ଥନିତୀକୁ 2025 ସୁଦ୍ଧା 5 ଟ୍ରିଲିୟନ ରେ ପରିଣତ କରିବାର ଲକ୍ଷ ଯଦିଓ ବହୁତ ବଡ ତେବେ ଏହା ହାସଲ କରିବା ଆଦୌ ଅସମ୍ଭବ ନୁହେଁ | ଏ ଦିଗରେ ମୌଳିକଢାଞ୍ଚା କ୍ଷେତ୍ରକୁ ପ୍ରୋତ୍ସାହନ ଦେବା ପାଇଁ ଉଚିତ ସମୟରେ ସକ୍ରିୟ ପଦକ୍ଷେପ ଗ୍ରହଣ କରାଯାଉଛି | ବର୍ତ୍ତମାନ ଭାରତର ଅର୍ଥନୀତି 2.8 ଟ୍ରିଲିୟନ ଡଲାର ଅଛି ଯେଉଁଥିରେ ଆଗାମୀ ପାଞ୍ଚ ବର୍ଷ ମଧ୍ୟରେ 8 ପ୍ରତିଶତ ବାର୍ଷିକ ବିକାଶଦର ର ଆବଶ୍ୟକତା ହେବ | ବିଶେଷଜ୍ଞ ମାନଙ୍କ କହିବାନୁଯାୟୀ ଲକ୍ଷ ପ୍ରାପ୍ତି ସେତେଟା ଅସୁବିଧା ହେବ ନାହିଁ କାରଣ ନିକଟ ଅତୀତ ରେ ବିକାଶ ଦର 6 ରୁ 7 ପ୍ରତିଶତ ହାର ରେ ରହିଛି | ବଜେଟ ପୂର୍ବରୁ ଆସିଥିବ...
Post a Comment
Read more