ଆମେରିକା ଦ୍ଵାରା ଇରାନର ଜେନେରାଲ କାସିମ ସୋଲେମାନଙ୍କ ହତ୍ୟା ପରେ ଏବେ ଇରାନ ପରମାଣୁ ନିରସ୍ତ୍ରୀକରଣ ଚୁକ୍ତି ଏନପିଟିରୁ ଓହରିୟିବାକୁ କହିଛି | ୟୁରୋପୀୟ ସଂଘ ଯଦି ଜାତିସଂଘ ନିରାପତ୍ତା ପରିଷଦରେ ଇରାନର ପରମାଣୁ ପ୍ରସଙ୍ଗ ଉଠାଏ ତେବେ ଇରାନ ଏପରି ପଦକ୍ଷେପ ନେବ ବୋଲି କହିଛି | ସୁଲେମାନୀଙ୍କ ହତ୍ୟା ପରେ ଇରାନ ଏପରି ବଡ ଧରଣର ନିଷ୍ପତ୍ତି ନେଇଛି ଏବଂ ଯଦି ଏହା ହୁଏ ତେବେ ବିଶ୍ଵରେ ଏହାର ପ୍ରଭାବ ପଡିବ | ୟଦି ଇରାନ ଏନପିଟିରୁ ଓହରିବ ତେବେ ବ୍ୟାପକ କାର୍ଯ୍ୟାନୁଷ୍ଠାନ ମିଳିତ ଯୋଜନାର ସେ ଆଉ ଅଂଶବିଶେଷ ହୋଇ ରହିବ ନାହିଁ |
ୟୁରୋପୀୟ ରାଷ୍ଟ୍ର ବ୍ରିଟେନ, ଫ୍ରାନ୍ସ ଏବଂ ଜର୍ମାନୀ ପରମାଣୁ ରାଜିନାମାରେ ବିବାଦୀୟ ପ୍ରସ୍ଥାବ ବ୍ୟବସ୍ଥା ଯୋଡିବାକୁ ମସୁଧା କରୁଥିବା ପରିପ୍ରେକ୍ଷୀରେ ଇରାନ କହିଛି | ଆମେରୀକା ଚାହୁଁଛି ଯେ ୟୁରୋପୀୟ ସଂଘ ପରମାଣୁ ରାଜିନାମାରେ ଏହି କ୍ଲଜ ଯୋଡିଲେ ଇରାନ ଜେସିପିଓଏରୁ ଓହରି ଯିବ |
ଜାତିସଂଘ ନିରାପତ୍ତା ପରିଷଦରେ ଡିଆରଏମକୁ ଅନ୍ତର୍ଭୁକ୍ତ କଲେ ଇରାନ ଉପରେ ଜାତିସଂଘ ପ୍ରତିବନ୍ଧ ସହଜରେ ଲଗାଯାଇ ପାରିବ | ଆମେରୀକା ଦ୍ଵାରା ଇରାନ ପୂର୍ବରୁ ଆର୍ଥିକ ପ୍ରତିବନ୍ଧକୁ ସାମ୍ନା କରୁଛି ଫଳରେ ସେଠାରେ ଘରୋଇ କ୍ଷେତ୍ରରେ ଆର୍ଥିକ ଅନାଟନ ଦେଖାଦେଇଛି | ଯେଉଁକାରଣରୁ ସେଠାରେ ଅସନ୍ତୋଷର ବାତାବରଣ ଦେଖାଦେଇଛି |
ଇରାନ ଏହାର ସଂକଳ୍ପବଦ୍ଧତାକୁ ଜାରି ରଖିଛି ବୋଲିଆର୍ନର୍ଜାତୀୟ ପରମାଣୁ ଶକ୍ତି ସଂସ୍ଥା କହିବା ସତ୍ତ୍ଵେ ମଧ୍ୟ ଆମେରିକା 2018 ମେ 8 ତାରିଖରେ ଜେସିପିଓଏରୁ ଓହରି ଯାଇଛି | ଆମେରିକା ଏଥିରୁ ଓହରି ଯିବା ସତ୍ତ୍ଵେ ମଧ୍ୟ ଉରାନ ଏଥିରେ ଏହି ଭରଷାରେ ସଂସ୍ଳିଷ୍ଟ ଥିଲା କାରଣ ତାକୁ ଭରଷା ଥିଲା ଯେ ୟୁରୋପୀୟ ସଂଘ ଏହାର କୌଣସି ସମାଧାନ ବାହାର କରିବ |
ଏବେ ଯଦି ଇରାନ ଏଥିରୁ ଓହରିଯାଏ ତେବେ ସେ ମନଇଛା ୟୁରାନିୟମ ଉତ୍ପାଦନ କରିବ ଏବଂ ଅନ୍ୟ ଦେଶ ଏହା ଜାଣିବି ପାରିବ ନାହିଁ ଯେ ଇରାନ କେତେ ପରମାଣୁ ଶକ୍ତି ସଂପନ୍ନ ବା କେତେ ୟୁରାନିୟମ ଉତ୍ପାଦନ କରୁଛି | ଏହା ସାଉଦି ଭଳି ପଡ଼ୋଶୀ ଦେଶକୁ ବିବ୍ରତ କରିବ ଏବଂ ମଧ୍ୟପ୍ରାଚ୍ୟରେ ପରମାଣୁ ଅସ୍ତ୍ର ପାଇଁ ପ୍ରତିଯୋଗିତା ଲାଗିଯିବ | ଏହାର ସୁଯୋଗ ନେଇ ଆମେରିକା ଏବଂ ଇସ୍ରାଏଲ ଇରାନ ଉପରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କଲେ ବର୍ତ୍ତମାନର ସ୍ଥିତି ଆହୁରି ଜଡିଳ ହୋଇ ଯୁଦ୍ଧରେ ପରିଣତ ହୋଇଯିବ | ଉପସାଗରରେ ଯୁଦ୍ଧର ବିଭିଷିକା ସମଗ୍ର ବିଶ୍ଵର ଅର୍ଥନୀତିକୁ ପ୍ରଭାବିତ କରିବ |
ଇରାନର ବୈଦେଶିକ ମନ୍ତ୍ରୀ ଗତ ସପ୍ତାହରେ ଭାରତ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବୈଦେଶିକ ମନ୍ତ୍ରୀ ଜୟଶଙ୍କରଙ୍କ ସହିତ ଆଲୋଚନା କାଳରେ ଉପସାଗରରେ ଇରାନ ଶାନ୍ତି ଚାହୁଁଥିବା କହିଥିଲେ |
ଇରାନ ଏବଂ ସାଉଦି ସାଙ୍ଗ ହୋଇ କାମ କରିବାକୁ ଚାହୁଁଥିବା ଇରାନର ରାଷ୍ଟ୍ରପତିଙ୍କ କାର୍ଯ୍ୟାଳୟ କହିବା ଅଞ୍ଚଳର ନିରାପତ୍ତା ପାଇଁ ଅତ୍ୟନ୍ତ ସ୍ଵାଗତଯୋଗ୍ୟ |
ଆଲେଖ୍ୟ: ଡକ୍ଟର ଆସିଫ ଶୁଜା
ଭାଷାନ୍ତର: ରାମଚଂଦ୍ର ନାଥ
Comments
Post a Comment