ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ବିଶ୍ୱ ଅର୍ଥନୈତିକ ଫୋରମ 2020 ସମ୍ମିଳନୀରେ ଯୋଗଦେବା ପାଇଁ ବଡ ତାମଝାମରେ ଡାଭୋସ ଯାଇଥିଲେ। ସେଠାରେ ସେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସାକ୍ଷାତ କଲେ ଏବଂ ସେହି ପୁରୁଣା କଥା କଶ୍ମୀର ପ୍ରସଙ୍ଗ ଉଠାଇଲେ ଏବଂ ଭାରତ ବିରୁଦ୍ଧରେ କହିଲେ। ସେ ସବୁଆଡେ ଗୋଟିଏ କଥା କହିଚାଲିଛନ୍ତି ଯେ ଭାରତ ସହିତ ତାଙ୍କର ସଂପର୍କ ଭଲ ହେଲେ ବିଶ୍ୱ ଦେଖିବ ଆମେ କୌଶଳଗତ ଭାବେ କେତେ ସୁଦୃଢ। ସେ କହିଲେ ପାକିସ୍ତାନରେ ସନ୍ତ୍ରାସବାଦି ନାହାନ୍ତି।
ଏକଥା ସତ୍ୟର ଅପଳାପ। ବାସ୍ତବରେ ସେଠାରେ ସନ୍ତ୍ରାସବାଦି ଗୋଷ୍ଠି ସରକାରୀ ପ୍ରୋତ୍ସାହନ ପାଉଛନ୍ତି। ଅର୍ଥନୈତିକ କାର୍ଯ୍ୟାନୁଷ୍ଠାନ ଟାସ୍କ ଫୋର୍ସର ଆଗାମୀ ବୈଠକରେ ପାକିସ୍ତାନ ସରକାର ଏହାର ପକ୍ଷ ରଖିବ। ଭାରତର ବୈଦେଶିକ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ଡାଭୋସରେ ଭାରତ ପାକିସ୍ତାନ ସଂପର୍କକୁ ନେଇ ଯାହା କହିଛନ୍ତ ତାହା ବିସ୍ମିତ କରୁଛି। ଏହା ପାକିସ୍ତାନର ହତାସବୋଧକୁ ଦର୍ଶାଉଛି। ସମଗ୍ର ବିଶ୍ୱ ଜାଣିଛି ଯେ ପାକିସ୍ତାନ ସନ୍ତ୍ରାସବାଦକୁ ପ୍ରୋତ୍ସାହନ ଦେଉଛି ଏବଂ ପାକିସ୍ତାନ ସର୍ବଦା ଦୋମୁହାଁ ନୀତି ଗ୍ରହଣ କରୁଛି। ଯଦି ପାକିସ୍ତାନ ପ୍ରକୃତରେ ଭାରତ ସହିତ ସୁସଂପର୍କ ରଖିବାକୁ ଚାହୁଁଛି ତେବେ ସେଥିପାଇଁ ଅନୁକୂଳ ପରିସ୍ଥିତି ସୃଷ୍ଟି କରୁବୋଲି ବୈଦେଶିକ ମନ୍ତ୍ରଣାଳୟ କହିଛି। ଏଥିପାଇଁ ସନ୍ତ୍ରାସବାଦି ଗୋଷ୍ଠି ବିରୁଦ୍ଧରେ କାର୍ଯାନୁଷ୍ଠାନ ଗ୍ରହଣ କରିବାକୁ ଭାରତ ପାକିସ୍ତାନକୁ କହିଛି।
ଡାଭୋସରେ ଏକ ପ୍ରଶ୍ନର ଉତ୍ତର ଦେଇ ଇମରାନ ଖାନ କହିଛନ୍ତି ଯେ ଯଦି କୌଣସି ସନ୍ତ୍ରାସବାଦ ରହିଛି ତେବେ ତାହା ଆଫଗାନିସ୍ଥାନରୁ ଆସିଥିବ କିନ୍ତୁ ପାକିସ୍ତାନରେ ଭିତରେ ସନ୍ତ୍ରାସବାବ ନାହିଁ। ଆଫଗାନିସ୍ଥାନରୁ ଆମେୋରିକା ଏହାର ସୈନ୍ୟ ପ୍ରତ୍ୟାହାର କଲା ପରେ ସେଠାରେ କଣ ହେବ ସେନେଇ ପାକିସ୍ତାନ ପ୍ରଧାନମନ୍ତ୍ରୀ କୌଣସି ଉତ୍ତର ଦେଇ ପାରିନଥିଲେ।
ଇମରାନ ନିଜ ଦେଶର ଅର୍ଥନୈତିକ ସ୍ଥିତିକୁ ନେଇ ସଂପୂର୍ଣ୍ଣ ଦୋହଲି ଯାଇଛନ୍ତି। ପାକିସ୍ତାନ ଏକ ପୁଞ୍ଜିନିବେଶ ପାଇଁ ଉପଯୁକ୍ତ ଦେଶ ବୋଲି ଧ୍ୟାନ ଆକର୍ଷଣ କରିବାରେ ଇମରାନ ଅଧିବେଶନରେ ବିଫଳ ହୋଇଥିଲେ। 2019ରେ ଆନ୍ତର୍ଜାତୀୟ ମୁଦ୍ରା ପାଣ୍ଠିର ବେଲଆଉଟ ପ୍ୟାକେଜରେ ସ୍ୱାକ୍ଷର କରିବା ପରେ ପାକିସ୍ତାନ ସରକାର କଣସବୁ ପଦକ୍ଷେପ ନେଇଛନ୍ତି ତାହା ଜଣାଇବାରେ ଇମରାନ ବିଫଳ ହୋଇଛନ୍ତି। ଡାଭୋସରେ ଇମରାନ କୌଣସି ଅର୍ଥନୈତିକ ଦୂରଦୃଷ୍ଟି ରଖିବାରେ ବିଫଳ ହୋଇଥିଲେ।
ବାରମ୍ୱାର ଇମରାନ କହିଆସୁଛନ୍ତି ଯେ ବୈଦେଶିକ ନିବେଶ ଦୁଇଗୁଣା ହୋଇଛି କିନ୍ତୁ ପ୍ରକୃତ ପକ୍ଷେ ଏସବୁ ଅବାନ୍ତର କଥା ବରଂ ଏହା ପାକିସ୍ତାନର ଅଣୁ ଅର୍ଥନୀତିର ଅସ୍ଥିରତାକୁ ଦର୍ଶାଉଛି ଏବଂ ପାକିସ୍ତାନର ଦକ୍ଷତା ବୃଦ୍ଧିର ଅକ୍ଷମତାକୁ ସାବ୍ୟସ୍ତ କରୁଛି। ଆଉ ଏକ କଥା ହେଲା ଯେ ଇମରାନ ସ୍ୱୀକାର କରିଛନ୍ତି ଯେ ତାଙ୍କର ଡାଭୋସ ଗସ୍ତକୁ ଦୁଇ ଜଣ ଶିଳ୍ପପତି ବଂଧୁ ଇକରମ ସେହଗଲ ଏବଂ ଇମରାନ ଚୌଧୁରୀ ଆୟୋଜନ କରିଛନ୍ତି। ଏହା ସେ ଦେଶର ସ୍ଥିତି ଏବଂ ରାଜନୈତିକ ପରିସ୍ଥିତିକୁ ମଧ୍ୟ ପ୍ରତିଫଳିତ କରୁଛି। ସେଠାରେ ଶିଳ୍ପପତିମାନେ କେତେ ପ୍ରଭାବଶାଳି ତାହା ଜଣାପଡୁଛି। ଏହି କାରଣରୁ ଆଜି ନବାଜ ସରିଫଙ୍କୁ ବର୍ତ୍ତମାନର ଶାସକ ଜେଲ ମଧ୍ୟରେ ରଖିଛି।
ଇମରାନଙ୍କୁ ଏସବୁ ଠାରୁ ଅଧିକ ନିଜ ଦେଶର ଆର୍ଥିକ ସ୍ଥିତିକୁ ମଜବୁତ କରିବା ଉପରେ କାମ କରିବା ଦରକାର। ବିଶେଷତ୍ଜ୍ଞମାନଙ୍କ ମତରେ ଇମରାନଙ୍କ ସମସ୍ୟା ତାଙ୍କର ପୂର୍ବାଞ୍ଚଳ ପଡ଼ୋଶୀକୁ ନେଇ ରହିଛି।
ଆଲେଖ୍ୟ: କୌଶୀକ ରାୟ
ଭାବାନୁବାଦ: ରାମଚଂଦ୍ର ନାଥ
Comments
Post a Comment