କେନ୍ଦ୍ର ବଜେଟରେ ଅଭିବୃଦ୍ଧି ଉପରେ ପ୍ରାଧାନ୍ୟ

2020-21 କେନ୍ଦ୍ରୀୟ ବଜେଟରେ ଦୂରଗାମୀ ଉପାୟ ସହିତ ଦେଶରେ ଦେଖାଦେଇଥିବା ଅର୍ଥବ୍ୟବସ୍ଥାକୁ ପୁନଃସ୍ଥାପନ କରିବା ଉପରେ ଗୁରୁତ୍ଵ ଦିଆଯାଇଛି | ଏହି ବଜେଟ ଲୋକଙ୍କ ପକେଟକୁ ଅଧିକ ଅର୍ଥ ଆଣିବ ଏବଂ କୃଷକମାନଙ୍କ ଆୟକୁ ଦୁଇଗୁଣା କରିବ ଏହାବ୍ୟତିତ ବ୍ୟବସାୟ ବୃଦ୍ଧି ପାଇଁ କଂପାନୀମାନଙ୍କ ଲାଭାଂଶ କରାଧାନକୁ ହଟାଇବାକୁ ବ୍ୟବସ୍ଥା କରାଯାଇଛି |

ଆର୍ଥିକ ଭାବେ ଚ୍ୟାଲେଞ୍ଜପୂର୍ଣ୍ଣ ସମୟରେ ଗୋଟିଏ ବଜେଟ ପ୍ରସ୍ତୁତ କରିବା କମ ଗୁରୁତ୍ଵପୂର୍ଣ୍ଣ ନୁହେଁ, କିନ୍ତୁ ଅର୍ଥ ମନ୍ତ୍ରୀ ନିର୍ମଳା ସୀତାରମଣ ପୁଞ୍ଜିଗତ ବ୍ୟୟ ପାଇଁ ପର୍ଯ୍ୟାପ୍ତ ବ୍ୟୟକୁ ସୁନିଶ୍ଚିତ କରି ଏକ ନିପୁଣତାର ପରିଚୟ ଦେଇଛନ୍ତି | ସରକାର ସ୍ଵଚ୍ଛତା ଏବଂ ଜଳସଂରକ୍ଷଣରେ ପୁଞ୍ଜିଗତ ପରିସଂପତ୍ତିର ନିର୍ମାଣ କରି ଲୋକମାନହ୍କର ଜୀବନଧାରଣ ମାନକୁ ଉନ୍ନତ କରିବା ପାଇଁ ଲକ୍ଷ୍ୟ କରିଛନ୍ତି | ଏହି ବଡେଟରେ ସ୍ଵାସ୍ଥ୍ୟ, ସମୃଦ୍ଧି ଏବଂ ଜନକଲ୍ୟାଣକୁ ଅଧିକ ପ୍ରାଧାନ୍ୟ ଦିଆଯାଇଛି |

ଜାତୀୟ ପାଇପଲାଇନ ଭିତ୍ତିଭୂମି ପ୍ରକଳ୍ପ ନିମନ୍ତେ ସରକାର 102 ଲକ୍ଷ କୋଟି ପାଞ୍ଚ ବର୍ଷରେ ବ୍ୟୟ କରିବେ ଏବଂ ଏହି ଚଳିତ ବର୍ଷରେ ଭିତ୍ତିଭୂମି ଲଗାଣକାରୀ କଂପାନିର ଅଂଶଧନ ଏବଂ ପାଣ୍ଠି ବୃଦ୍ଧି ପାଇଁ 22 ହଜାର କୋଟିର ବ୍ୟୟ ବରାଦ କରିଛନ୍ତି | ଏହାଦ୍ଵାରା ଦୀର୍ଘକାଳିନ ଭିତ୍ତିଭୂମି ପାଇଁ ଅର୍ଥଲଗାଣ ସୁବିଧାଜନକ ହେବ|

ଅର୍ଥବ୍ୟବସ୍ଥାର ବାସ୍ତବିକ କ୍ଷେତ୍ର ପାଇଁ ଆବଶ୍ୟକ ଉପାୟ ରାଜକୌଶୀୟ ଉତ୍ତରଦାୟିତ୍ଵ ଏବଂ ବଜେଟ ପ୍ରବନ୍ଧନ(FRBM) ଅଧିନିୟମ ଦ୍ଵାରା ବିଚଳନ କରାଯାଇଛି | 2019-20 ପାଇଁ ରାଜସ୍ଵ ଘାଟା ମୋଟ ଘରୋଇ ଉତ୍ପାଦନର ଶତକଡା 3.3ଭାଗ ଲକ୍ଷ୍ୟକୁ 3.8 ଭାଗ ଲକ୍ଷ୍ୟକୁ ବୃଦ୍ଧି କରାଯାଇଛି | 0.5 ଭାଗ ଏଥିପାଇଁ ବୃଦ୍ଧି କରାଯାଇଛି କାରଣ ଭାରତ ପରି ଏକ ଜୀବନ୍ତ ଅର୍ଥବ୍ୟବସ୍ଥାରେ ନିଜର ଅଭିବୃଦ୍ଧି ହାରକୁ କମ କରାଯାଇ ପାରିବ ନାହିଁ |

କୃଷି, ଜଳସେଚନ ଏବଂ ଗ୍ରାମା଼୍ଚଳର ବିକାଶ ପାଇଁ ବଜେଟରେ ଗୋଦାନଘର, ଶିତଳ ଭଣ୍ତାର ଆଦି ଅଧିକ ସ୍ଥାପନ କରିବା ଉପରେ ଗୁରୁତ୍ଵ ଦିଆଯାଇଛି ଏବଂ କୃଷି ଋଣ ପାଇଁ ଆସନ୍ତା ଆର୍ଥିକ ବର୍ଷ ସକାଶେ 15 ଲକ୍ଷ କୋଟି ଟଙ୍କାର ବ୍ୟୟ ବରାଦ କରାଯାଇଛି | ସେହିପରି ଶିକ୍ଷା ପାଇଁ 99.300 କୋଟି ଏବଂ କୌଶଳ ବିକାଶ ପାଇଁ 3200 କୋଟି ଟଙ୍କାର ବ୍ୟୟବରାଦ ଏହି ବଜେଟରେ କରାଯାଇଛି |

ଲୋକମାନଙ୍କୁ ସୁବାଧା ପ୍ରଦାନ କରିବା ପାଇଁ ଆୟକରରେ ପରିବର୍ତ୍ତନ କରାଯାଇ ଦୁଇ ପ୍ରକାର ବ୍ୟବସ୍ଥା ରଖାଯାଇଛି ଯଥା ପୁରୁଣା ବ୍ୟବସ୍ଥା ଏବଂ ନୂଆ ବ୍ୟବସ୍ଥା | ଏହାଲୋକମନଙ୍କ ସୁବିଧା ଅନୁଯାୟୀ ସେମାନେ ଏହି ବ୍ୟବସ୍ଥା ମଧ୍ୟରୁ ଗୋଟିକୁ ବାଛି ପାରିବେ | ସେହିପରି ବାଣିଜ୍ୟିକ ଅଭିବୃଦ୍ଧିକୁ ଧ୍ୟାନରେ ରଖି ଗତ ସେପ୍ଟେମ୍ଵରରେ ଘୋଷଣା କରାଯାଇଥିବା 15 ଭାଗ କଂପାନୀ ଆୟକର ହାରରେ କୋହଳତା ଦିଆଯାଇଛି | ସେହିପରି ବିଦେଶୀ ପୁଞ୍ଜିନିବେଶକାରୀଙ୍କ ପାଇଁ କରରେ କନସେସନ କରାଯାଇଛି | ବିଦେଶି ପୋର୍ଟଫୋଲିଓ ନିବେସ ସୀମାକୁ 9ରୁ 15କୁ ବୃଦ୍ଧି କରାଯାଇଛି |

ସରକାର ନିଜର ବିକାଶ କାର୍ଯ୍ୟକ୍ରମକୁ ବିତ୍ତପୋଷିତ କରିବା ପାଇଁ ଅତିରିକ୍ତ ପାଣ୍ଠି ଯୋଗାଡ କରିବାର ଆଶା କରିଛନ୍ତି | ଆଗାମି ଆର୍ଥିକ ବର୍ଷ ପାଇଁ 2.10 ଲକ୍ଷ କୋଟି ଟଙ୍କା ରଖିଛନ୍ତି ଯେତେବେଳେକି ଏହା 2019-20ରେ 65000 କୋଟି ଟଙ୍କା ଥିଲା | ଆଗାମି ଆର୍ଥିକ ବର୍, ପାଇଁ ଆନୁମାନିକ ଶତକଡା 10 ଭାଗ ଜିଡିପି ହାର ରଖାଯାଇଛି |

ଆଲେଖ୍ୟ : ଜି ଶ୍ରୀନିବାସନ

ଭାଷାନ୍ତର: ରାମଚଂଦ୍ର ନାଥ