ଦ୍ୱିପକ୍ଷୀୟ ସଂପର୍କ ବୃଦ୍ଧି କରିବ ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ଭାରତ ଗସ୍ତ

ଶ୍ରୀଲଙ୍କା ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେ ଭାରତକୁ ଏକ ଉଚ୍ଚସ୍ତରୀୟ ପ୍ରତିନିଧି ମଣ୍ତଳି ସହିତ ଆସି ଭାରତୀୟ ନେତୃବୃନ୍ଦଙ୍କ ସହ ଆଲୋଚନା କରିଛନ୍ତି। ସେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ମଧ୍ୟ ସାକ୍ଷାତ କରିଛନ୍ତି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ବିଭିନ୍ନ ବି,ୟ ଉପରେ ବ୍ୟାପକ ଆଲୋଚନା କରିଛନ୍ତି। ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର ମଧ୍ୟ ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ସହିତ ଆଲୋଚନା କରିଛନ୍ତି।

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତ ଏବଂ ଶ୍ରୀଲଙ୍କା ଆବାହନ କାଳରୁ ପଡୋଶୀ ଏବଂ ଘନିଷ୍ଠ ବନ୍ଧୁ। ଦୁଇ ଦେଶର ସଂପର୍କର ଇତିହାସ ଏହାର ସଂସ୍କୃତି, ଧର୍ମ, ଆଧାତ୍ମ, କଳା ଏବଂ ଭାଷାର ପ୍ରାଚିନତାର ପ୍ରତିଫଳିତ। ଆର୍ଥିକ ହେଉ କିମ୍ୱା ସାମାଜିକ ବିକାଶ ସବୁଥିରେ ଆମର ଅତିତ ଏବଂ ଭବିଷ୍ୟତ ପ୍ରତ୍ୟେକ କାରଣରୁ ପରସ୍ପର ସହିତ ଜଡିତ।ଶ୍ରୀଲଙ୍କାର ସ୍ଥିରତା, ନିରାପତ୍ତା ଏବଂ ସମୃଦ୍ଧି କେବଳ ଭାରତର ସ୍ୱାର୍ଥ ପାଇଁ ନୁହେଁ ବରଂ ସମଗ୍ର ଭାରତ ମହାସାଗର ଅଞ୍ଚଳ ପାଇଁ ଆବଶ୍ୟକ ଏଣୁ ଆମର ନିବିଡ ସଂପର୍କ ଭାରତ ପ୍ରସାନ୍ତ ମହାସାଗରୀୟ ଅଞ୍ଚଳର ଶାନ୍ତି ଏବଂ ସମୃଦ୍ଧି ପାଇଁ ଆବଶ୍ୟକ। ପ୍ରଧାନମନ୍ତ୍ରୀ ଏକଥା ମଧ୍ୟ କହିଛନ୍ତି ଯେ ସରକାରଙ୍କ ପଡୋଶୀ ପ୍ରଥମେ ନୀତି ଏବଂ ସାଗର ଆଭିମୁକ୍ୟ ଯୋଗୁଁ ଶ୍ରୀଲଙ୍କା ସହିତ ସଂପର୍କକୁ ସରକାର ସ୍ୱତନ୍ତ୍ର ଗୁରୁତ୍ୱ ଦେଉଛନ୍ତି।

ପ୍ରଧାନମନ୍ତ୍ରୀ ମୋଦି ଏବଂ ଶ୍ରୀ ରାଜପକ୍ଷେ ଆପୋଷ ସ୍ୱାର୍ଥ ସମ୍ୱଳିତ ଦ୍ୱିପକ୍ଷୀୟ ଏବଂ ଆନ୍ତର୍ଜାତୀକ ସଂପର୍କ ଉପରେ ବ୍ୟାପକ ଆଲୋଚନା କରିଛନ୍ତି। ଦକ୍ଷିଣ ଏସିଆ ଅଞ୍ଚଳରେ ସନ୍ତ୍ରାସବାଦ ଏକ ମୁଖ୍ୟ ବିପଦ। ଉଭୟ ଦେଶ ଏହି ସମସ୍ୟାର ମୁକାବିଲା କରୁଛନ୍ତି। ଗତବର୍ଷ ଏପ୍ରିଲରେ ଇଷ୍ଟର ପର୍ବରେ ଶ୍ରୀଲଙ୍କାରେ ଏକ ଅମାନବୀୟ ସନ୍ତ୍ରାସବାଦ ଆକ୍ରମଣ ହୋଇଥିଲା ଯାହାକି ମାନବିକତା ପ୍ରତି ଆକ୍ରମଣ ଥିଲା। ଦୁଇ ନେତା ସନ୍ତ୍ରାସବାଦ ଉପରେ ସହଯୋଗ ସକାଶେ ଆଲୋଚନା କରିଛନ୍ତି। ଭାରତର ତାଲିମ କେନ୍ଦ୍ରରେ ଶ୍ରୀଲଙ୍କାର ପୁଲିସ ସନ୍ତ୍ରାସବାଦ ବିରୋଧି ପାଠ୍ୟକ୍ରମ ଉପରେ ପ୍ରଶିକ୍ଷଣ ନେବା ଆରମ୍ଭ କରିଛି। ଦୁଇ ନେତା ଶ୍ରୀଲଙ୍କାର ମିଳିତ ଅର୍ଥନୈତିକ ପ୍ରକଳ୍ପ ଉପରେ ଆଲୋଚନା କରିଛନ୍ତି ଏବଂ ଆର୍ଥିକ, ବାଣିଜ୍ୟିକ ଏବଂ ନିବେଶ ସଂପର୍କକୁ ବୃଦ୍ଧି କରିବାକୁ ସଂକଳ୍ପବଦ୍ଧତା ଦୋହରାଇଛନ୍ତି।

ନିକଟରେ ଚେନ୍ନାଇରୁ ଜାଫନାକୁ ସିଧାସଳଖ ବିମାନ ସେବା ଦ୍ୱାରା ଲୋକମାନଙ୍କ ମଧ୍ୟରେ ସଂପର୍କ ବଢିବ ଏବଂ ଆର୍ଥିକ ଓ ସାମାଜିକ ବିକାଶ ହୋଇପାରିବ। ଏହିପରି ଭାବେ ସଂପର୍କକୁ ଆହୁରି ସୁଦୃଢ କରିବା ପାଇଁ ଦୁଇ ନେତା ଆଲୋଚନା କରିଛନ୍ତି। ଶ୍ରୀଲଙ୍କାର ବିକାଶ ପ୍ରକଳ୍ପରେ ଭାରତ ଏକ ବିଶ୍ୱସନୀୟ ଭାଗିଦାରୀ। ଏଣୁ ବିକାଶମୂଳକ ସହଯୋଗ ନିମନ୍ତେ ଭାରତ ଗତ ବର୍ଷ ଶ୍ରୀଲଙ୍କାକୁ ଋଣ ଦେବାକୁ ଘୋଷଣା କରିଥିଲା। ଶ୍ରୀଲଙ୍କାର ଉତ୍ତର ପୂର୍ବାଞ୍ଚଳରେ ଭାରତ ଦ୍ୱାରା 48,000 ଗୃହ ନିର୍ମାଣ କରାଯାଇ ଆବଣ୍ଟନ କରାଯାଇଛି। ଶ୍ରୀଲଙ୍କା ସ୍ଥିତ ଭାରତୀୟ ବଂଶୋଦ୍ଭବ ତାମିଲମାନଙ୍କ ପାଇଁ ବହୁ ସଂଖ୍ୟକ ଗୃହ ନିର୍ମାଣ ସେଠାରେ ଚାଲିଛି।

ମସ୍ତଜୀବିମାନଙ୍କ ସଂପର୍କରେ ମାନବୀୟ ଦୃଷ୍ଟିକୋଣରୁ ଶ୍ରୀ ମୋଦି ଏବଂ ଶ୍ରୀ ରାଜପକ୍ଷେ ଆଲୋଚନା କରିଛନ୍ତି। ଏହା ଉଭୟ ଦେଶର ଲୋକଙ୍କ ଜୀବିକା ଉପରେ ସିଧା ପ୍ରଭାବ ପକାଉଛି। ଏହି ପ୍ରସଙ୍ଗରେ ମାନବୀୟ ମୂଲ୍ୟବୋଧକୁ ଧ୍ୟାନରେ ରଖାଯିବା ବୋଲି ଉଭୟ ନେତା ମତ ପ୍ରକାଶ କରିଛନ୍ତି।


ଆଲେଖ୍ୟ: ପଦମ୍ ସିଂହ

ଭାଷାନ୍ତର: ରାମଚଂଦ୍ର ନାଥ