ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କର ୟୁରୋପୀୟ ସଂଘର ବୈଦେଶିକ ବ୍ୟାପାର ପରିଷଦ ସହିତ ଆଲୋଚନା କରିବାକୁ ବ୍ରସେଲ୍ସ ଯାଇଥିଲେ। ୟୁରୋପୀୟ ସଂଘର ବୈଦେଶିକ ବ୍ୟାପାର ଏବଂ ସୁରକ୍ଷା ନୀତିର ଉପ ସଭାପତି ଯୋସେଫ ବୋରେଲ ଫଣ୍ଟେଲେସଙ୍କ ଆମନ୍ତ୍ରଣରେ ଶ୍ରୀ ଜୟଶଙ୍କର ଏହି ଗସ୍ତ କରିଥିଲେ। ଏହା ଶ୍ରୀ ଜୟଶଙ୍କରଙ୍କର ବୈଦେଶିକ ମନ୍ତ୍ରୀ ଭାବରେ ୟୁରୋପୀୟ ସଂଘକୁ ପ୍ରଥମ ଗସ୍ତ।
ୟୁରୋପୀୟ ସଂଘର 27ଟି ସଦସ୍ୟ ରାଷ୍ଟ୍ରପ ବୈଦେଶିକ ମନ୍ତ୍ରୀମାନଙ୍କୁ ନେଇ ବୈଦେଶିକ ବ୍ୟାପାର ପରିଷଦ ଗଠନ କରାଯାଇଛି। ଏହି ପରିଷଦ ବୈଦେଶିକ ନୀତି, ସୁରକ୍ଷା, ବାଣିଜ୍ୟ, ବିକାଶମୂଳକ ସହଯୋଗ ଏବଂ ମାନବୀୟ ସହାୟତା ପ୍ରସଙ୍ଗ ଦେଖିଥାଏ। ଶ୍ରୀ ଜୟଶଙ୍କର ସେଠାରେ ଭାରତର ବୈଦେଶିକ ନୀତି ସହ ପରିଷଦକୁ ଅବଗତ କରାଇଥିଲେ।
ଶ୍ରୀ ବୋରେଲ ନିକଟରେ ଭାରତ ଗସ୍ତରେ ଆସିଥିଲେ ଏବଂ ରାଇସୀନା ଡାଇଲଗ 2020ରେ ଯୋଗ ଦେଇଥିଲେ। ଶ୍ରୀ ବୋରେଲ ଭାରତ ଏବଂ ୟୁରୋପୀୟ ସଂଘ ମଧ୍ୟରେ ନିୟମ ଭିତ୍ତିକ ବହୁବିଧ କାର୍ଯ୍ୟ ଏବଂ ବିଶ୍ୱ ବାଣିଜ୍ୟ ସଂଗଠନ ଉପରେ ଆଲୋଚନା କରିଥିଲେ। ସେ ବିଶ୍ୱ ବାଣିଜ୍ୟ ସଂଗଠନର ବିବାଦ ସମାଧାନ ବ୍ୟବସ୍ଥାକୁ ନେଇ ଆଲୋକପାତ କରିବା ସହିତ ଏହାର ବାସ୍ତବିକ ସମାଧାନ ଉପରେ ଦୁଇ ପକ୍ଷ ଇଛା ପ୍ରକାଶ କରିବା ନେଇ ଗୁରୁତ୍ୱ ଦେଇଥିଲେ।
ସାମୁଦ୍ରିକ ସମ୍ୱଳର ପରିଚାଳନା ଏବଂ ସଂରକ୍ଷଣ ତଥା ଜଳଦସ୍ୟୁ ପରି ସମସ୍ୟାର ମୁକାବିଲା ପାଇଁ ସାମୁଦ୍ରିକ ନିରାପତ୍ତାକୁ ମଜବୁତ କରିବା ଉପରେ ସର୍ବାଧିକ ଗୁରୁତ୍ୱ ରହିଛି। ଏଣୁ ସାମୁଦ୍ରିକ ସୁରକ୍ଷା ଏବଂ ସ୍ଥିରତା ନେଇ ଉଭୟ ପକ୍ଷ ମିଳିମିଶି କାର୍ଯ୍ୟ କରିବା ଉପରେ ଗୁରୁତ୍ୱାରୋପ କରାଯାଇଛି। ଏହିପରି ସହଯୋଗିତାର ଉତ୍ତମ ଉଦାହରଣ ହେଉଛି ଅପରେସନ ଆଟଲାଣ୍ଟା ଯେଉଁଥିରେ ଭାରତ ମହାସାଗରରେ ଜଳଦସ୍ୟୁ ସମସ୍ୟାର ସମାଧାନ ନେଇ ଭାରତର ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା।
ନିରାପତ୍ତା, ଡିଜିଟାଲ ଏବଂ ଜଳବାୟୁ ପରିବର୍ତ୍ତନ ଆଦି କ୍ଷେତ୍ରରେ ୟୁରୋପ-ଭାରତ ସହଯୋଗକୁ ସୁଦୃଢ କରି 2025 ପାଇଁ ଏକ ଲକ୍ଷ୍ୟ ଧାର୍ଯ୍ୟ କରିବା ଉପରେ ଶ୍ରୀ ବୋରେଲ ଗୁରୁତ୍ୱ ଦେଇଛନ୍ତି। ଉଭୟ ପକ୍ଷ ବିଭିନ୍ନ କ୍ଷେତ୍ରରେ ଭାଗିଦାରୀତା ପାଳନ କରିବା ତଥା ସହଯୋଗମୂଳକ ସଂପର୍କ ସୁଦୃଢ କରିବା ନେଇ ସହମତ ହୋଇଛନ୍ତି। ବୈଦେଶିକ ମନ୍ତ୍ରୀ ଜୟଶଙ୍କର ୟୁରୋପୀୟ ସବୁଜ ବୁଝାମଣାର କାର୍ଯ୍ୟନିର୍ବାହି ଉପ ସଭାପତି ଫ୍ରାନ୍ସ ଟିମରମାନ୍ସ, ବାଣିଜ୍ୟ କମିଶନର ଫିଲ ହୋଗାନ ଏବଂ ଆନ୍ତର୍ଜାତୀୟ ଭାଗିଦାରୀର କମିଶନର ଜୁଟା ଅରପିଲାଇନେନଙ୍କ ସହ ମଧ୍ୟ ଆଲୋଚନା କରିଛନ୍ତି। ଶ୍ରୀ ଜୟଶଙ୍କର ୟୁରୋପୀୟ ସଂଘର 27ଟି ସଦସ୍ୟ ରାଷ୍ଟ୍ରର ସରକାରୀ ମୁଖ୍ୟ ପରିଷଦର ସଭାପତି ଚାର୍ଲେସ ମାଇକେଲଙ୍କୁ ମଧ୍ୟ ସାକ୍ଷାତ କରିଥିଲେ। ଦିନିକିଆ ଗସ୍ତ କାଳରେ ଶ୍ରୀ ଜୟଶଙ୍କର ୟୁରୋପୀୟ ପାର୍ଲାମେଣ୍ଟର ବିଭିନ୍ନ ସଦସ୍ୟ ରାଷ୍ଟ୍ରର ପ୍ରତିନିଧିଙ୍କ ସହିତ ମଧ୍ୟ ସାକ୍ଷାତ ଆଲୋଚନା କରିଛନ୍ତି। ପରବର୍ତ୍ତି ଭାରତ-ୟୁରୋପ ସମ୍ମିଳନୀ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବ୍ରସେଲ୍ସ ଯିବାର ସମ୍ଭାବନା ରହିଛି। ବ୍ରେକଜିଟ ପରେ ଭାରତ ଏବଂ 27 ସଦସ୍ୟ ରାଷ୍ଟ୍ର ସଂଘ ୟୁରୋପୀୟ ସଂଘ ସହ ସଂପର୍କ ମଜବୁତ କରିବା ହେଉଛି ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ।
ଆଲେଖ୍ୟ: ପଦମ ସିଂହ
ଭାଷାନ୍ତର: ରାମଚଂଦ୍ର ନାଥ
ୟୁରୋପୀୟ ସଂଘର 27ଟି ସଦସ୍ୟ ରାଷ୍ଟ୍ରପ ବୈଦେଶିକ ମନ୍ତ୍ରୀମାନଙ୍କୁ ନେଇ ବୈଦେଶିକ ବ୍ୟାପାର ପରିଷଦ ଗଠନ କରାଯାଇଛି। ଏହି ପରିଷଦ ବୈଦେଶିକ ନୀତି, ସୁରକ୍ଷା, ବାଣିଜ୍ୟ, ବିକାଶମୂଳକ ସହଯୋଗ ଏବଂ ମାନବୀୟ ସହାୟତା ପ୍ରସଙ୍ଗ ଦେଖିଥାଏ। ଶ୍ରୀ ଜୟଶଙ୍କର ସେଠାରେ ଭାରତର ବୈଦେଶିକ ନୀତି ସହ ପରିଷଦକୁ ଅବଗତ କରାଇଥିଲେ।
ଶ୍ରୀ ବୋରେଲ ନିକଟରେ ଭାରତ ଗସ୍ତରେ ଆସିଥିଲେ ଏବଂ ରାଇସୀନା ଡାଇଲଗ 2020ରେ ଯୋଗ ଦେଇଥିଲେ। ଶ୍ରୀ ବୋରେଲ ଭାରତ ଏବଂ ୟୁରୋପୀୟ ସଂଘ ମଧ୍ୟରେ ନିୟମ ଭିତ୍ତିକ ବହୁବିଧ କାର୍ଯ୍ୟ ଏବଂ ବିଶ୍ୱ ବାଣିଜ୍ୟ ସଂଗଠନ ଉପରେ ଆଲୋଚନା କରିଥିଲେ। ସେ ବିଶ୍ୱ ବାଣିଜ୍ୟ ସଂଗଠନର ବିବାଦ ସମାଧାନ ବ୍ୟବସ୍ଥାକୁ ନେଇ ଆଲୋକପାତ କରିବା ସହିତ ଏହାର ବାସ୍ତବିକ ସମାଧାନ ଉପରେ ଦୁଇ ପକ୍ଷ ଇଛା ପ୍ରକାଶ କରିବା ନେଇ ଗୁରୁତ୍ୱ ଦେଇଥିଲେ।
ସାମୁଦ୍ରିକ ସମ୍ୱଳର ପରିଚାଳନା ଏବଂ ସଂରକ୍ଷଣ ତଥା ଜଳଦସ୍ୟୁ ପରି ସମସ୍ୟାର ମୁକାବିଲା ପାଇଁ ସାମୁଦ୍ରିକ ନିରାପତ୍ତାକୁ ମଜବୁତ କରିବା ଉପରେ ସର୍ବାଧିକ ଗୁରୁତ୍ୱ ରହିଛି। ଏଣୁ ସାମୁଦ୍ରିକ ସୁରକ୍ଷା ଏବଂ ସ୍ଥିରତା ନେଇ ଉଭୟ ପକ୍ଷ ମିଳିମିଶି କାର୍ଯ୍ୟ କରିବା ଉପରେ ଗୁରୁତ୍ୱାରୋପ କରାଯାଇଛି। ଏହିପରି ସହଯୋଗିତାର ଉତ୍ତମ ଉଦାହରଣ ହେଉଛି ଅପରେସନ ଆଟଲାଣ୍ଟା ଯେଉଁଥିରେ ଭାରତ ମହାସାଗରରେ ଜଳଦସ୍ୟୁ ସମସ୍ୟାର ସମାଧାନ ନେଇ ଭାରତର ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା।
ନିରାପତ୍ତା, ଡିଜିଟାଲ ଏବଂ ଜଳବାୟୁ ପରିବର୍ତ୍ତନ ଆଦି କ୍ଷେତ୍ରରେ ୟୁରୋପ-ଭାରତ ସହଯୋଗକୁ ସୁଦୃଢ କରି 2025 ପାଇଁ ଏକ ଲକ୍ଷ୍ୟ ଧାର୍ଯ୍ୟ କରିବା ଉପରେ ଶ୍ରୀ ବୋରେଲ ଗୁରୁତ୍ୱ ଦେଇଛନ୍ତି। ଉଭୟ ପକ୍ଷ ବିଭିନ୍ନ କ୍ଷେତ୍ରରେ ଭାଗିଦାରୀତା ପାଳନ କରିବା ତଥା ସହଯୋଗମୂଳକ ସଂପର୍କ ସୁଦୃଢ କରିବା ନେଇ ସହମତ ହୋଇଛନ୍ତି। ବୈଦେଶିକ ମନ୍ତ୍ରୀ ଜୟଶଙ୍କର ୟୁରୋପୀୟ ସବୁଜ ବୁଝାମଣାର କାର୍ଯ୍ୟନିର୍ବାହି ଉପ ସଭାପତି ଫ୍ରାନ୍ସ ଟିମରମାନ୍ସ, ବାଣିଜ୍ୟ କମିଶନର ଫିଲ ହୋଗାନ ଏବଂ ଆନ୍ତର୍ଜାତୀୟ ଭାଗିଦାରୀର କମିଶନର ଜୁଟା ଅରପିଲାଇନେନଙ୍କ ସହ ମଧ୍ୟ ଆଲୋଚନା କରିଛନ୍ତି। ଶ୍ରୀ ଜୟଶଙ୍କର ୟୁରୋପୀୟ ସଂଘର 27ଟି ସଦସ୍ୟ ରାଷ୍ଟ୍ରର ସରକାରୀ ମୁଖ୍ୟ ପରିଷଦର ସଭାପତି ଚାର୍ଲେସ ମାଇକେଲଙ୍କୁ ମଧ୍ୟ ସାକ୍ଷାତ କରିଥିଲେ। ଦିନିକିଆ ଗସ୍ତ କାଳରେ ଶ୍ରୀ ଜୟଶଙ୍କର ୟୁରୋପୀୟ ପାର୍ଲାମେଣ୍ଟର ବିଭିନ୍ନ ସଦସ୍ୟ ରାଷ୍ଟ୍ରର ପ୍ରତିନିଧିଙ୍କ ସହିତ ମଧ୍ୟ ସାକ୍ଷାତ ଆଲୋଚନା କରିଛନ୍ତି। ପରବର୍ତ୍ତି ଭାରତ-ୟୁରୋପ ସମ୍ମିଳନୀ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବ୍ରସେଲ୍ସ ଯିବାର ସମ୍ଭାବନା ରହିଛି। ବ୍ରେକଜିଟ ପରେ ଭାରତ ଏବଂ 27 ସଦସ୍ୟ ରାଷ୍ଟ୍ର ସଂଘ ୟୁରୋପୀୟ ସଂଘ ସହ ସଂପର୍କ ମଜବୁତ କରିବା ହେଉଛି ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ।
ଆଲେଖ୍ୟ: ପଦମ ସିଂହ
ଭାଷାନ୍ତର: ରାମଚଂଦ୍ର ନାଥ
Comments
Post a Comment