Skip to main content

ଭାରତ-ଜର୍ମାନୀ ମଧ୍ୟରେ ବହୁପକ୍ଷତା ଭାଗିଦାରୀ

ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର ମୁନିକ ନିରାପତ୍ତା ସମ୍ମିଳନୀରେ ଭାଗ ନେବା ପାଇଁ ଜର୍ମାନୀ ଗସ୍ତ କରିଥିଲେ | ଗସ୍ତ କାଳରେ ଜୟଶଙ୍କର ଓମାନ, କୁଏତ, ଆରମନିଆ, ସାଉଦି ଆରବ ଏବଂ ଅଷ୍ଟ୍ରେଲିଆର ବୈଦେଶିକ ମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି | ଏହାସହିତ ସେ ସିଙ୍ଗାପୁର, ଜର୍ମାନୀ ଏବଂ ବେଲଜିୟମର ପ୍ରତିରକ୍ଷା ମନ୍ତ୍ରୀଙ୍କ ସହିତ ମଧ୍ୟ ଆଲୋଚନା କରିଛନ୍ତି | ୟୁରୋପୀୟ ପରିଷଦର ସଭାପତିଙ୍କ ସହ ମଧ୍ୟ ଜୟଶଙ୍କର ସାକ୍ଷାତ ଆଲୋଚନା କରିଛନ୍ତି |

ଏହାପରେ ଶ୍ରୀ ଜୟଶଙ୍କର ବର୍ଲିନ ଯାଇ ସେଠାରେ ଜର୍ମାନୀର ବୈଦେଶିକ ମନ୍ତ୍ରୀ ହେଇକୋ ମାସ ଏବଂ ପ୍ରତିରକ୍ଷା ମନ୍ତ୍ରୀ ଶ୍ରୀମତି ଅନେଗ୍ରେଟେ କ୍ରାମ୍ପ କାରେନବୋଉରଙ୍କ ସହିତ ଦ୍ଵିପକ୍ଷୀୟ ସଂପର୍କ ତଥା ଆଞ୍ଚଳିକ ଓ ଆନ୍ତର୍ଜାତୀୟ ପ୍ରସଙ୍ଗ ଉପରେ ଆଲୋଚନା କରିଛନ୍ତି | ଭାରତ ଏବଂ ଜର୍ମାନୀ ଆନ୍ତର୍ଜାତୀୟ ମଞ୍ଚରେ ମଧ୍ୟ ଦୃଢ ଭାଗିଦାରିତା ରଖିଛନ୍ତି | ଏହି ପରମ୍ପରାକୁ ଜାରି ରଖିବାକୁ ଯାଇ ଭାରତ ବହୁପକ୍ଷତା ପାଇଁ ଫ୍ରାନ୍କୋ-ଜର୍ମାନୀ ପଦନ୍ନୋତ ମେଣ୍ଟରେ ସାମିଲ ହୋଇଛି | ଜୟଶଙ୍କର ଏହା ଘୋଷଣା କରି କହିଛନ୍ତି ଯେ ଆଜି ବହୁପକ୍ଷବାଦ ବିପଦରେ ଅଛି ଏବଂ ରାଷ୍ଟ୍ରବାଦ ତଥା ବ୍ୟାପାରିକତାରେ ଉତ୍ତେଜନା ରହିଛି | ଭାରତ ଜାତିସଂଘର କେନ୍ଦ୍ରୀୟତା ଏବଂ ଆର୍ତର୍ଜାତୀୟ ବ୍ୟାପାରରେ ବିଶ୍ଵ ବାଣିଜ୍ୟ ସଂଗଠନର ପ୍ରାସଙ୍ଗିକତାରେ ବିଶ୍ଵାସ କରିଥାଏ |

ଜାତିସଂଘ ନିରାପତ୍ତା ପରିଷଦରେ ସ୍ଥାୟୀ ସଦସ୍ୟ ସଂଖ୍ୟା ବୃଦ୍ଧି କରିବା ପ୍ରକ୍ରିୟାକୁ ଗତିଶୀଳ କରିବା ଉପରେ ଉଭୟ ବିଦେଶ ମନ୍ତ୍ରୀ ବହୁ ସମୟ ଧରି ଆଲୋଚନା କରିଥିଲେ | ଉଭୟ ଭାରତ ଏବଂ ଜର୍ମାନୀ ଚାରି ସଦସ୍ୟ ବିଶିଷ୍ଟ ଦେଶ ଯାହାକୁ ଜି-4 କୁହାୟାଉଛି ସେଥିରେ ସଦସ୍ୟ ଅଛନ୍ତି ଯିଏକି ଜାତିସଂଘ ନିରାପତ୍ତା ପରିଷଦର ସ୍ଛାୟୀ ସଦସ୍ୟ ସଂଖ୍ୟା ବୃଦ୍ଧି କରିବାକୁ ନେଇ ପ୍ରୟାସ କରୁଛନ୍ତି | ଗଣମାଧ୍ୟମକୁ ଶ୍ରୀ ଜୟଶଙ୍କର କହିଛନ୍ତି ଯେ ଉଭୟ ଭାରତ ଏବଂ ଜର୍ମାନୀ କିଛି ବର୍ଷ ହେଲା ଏ କ୍ଷେତ୍ରରେ କାର୍ଯ୍ୟ କରୁଛନ୍ତି | ଜର୍ମାନୀ ଆନ୍ତର୍ଜାତୀୟ ସୌର ମେଣ୍ଟ ଏବଂ ଦୁର୍ବିପାକ ମୁକାବିଲାଧର୍ମି ଭିତ୍ତିଭୂମି ମେଣ୍ଟ ପରି ଦୁଇଟି ଭାରତୀୟ ବହୁପକ୍ଷୀୟ ପଦକ୍ଷେପ ପ୍ରତି ସମର୍ଥନ କରିଥିବାରୁ ଶ୍ରୀ ଜୟଶଙ୍କର ତାଙ୍କର ପ୍ରତିପକ୍ଷଙ୍କୁ ଧନ୍ୟବାଦ ଜଣାଇଛନ୍ତି |

କିଛି ବର୍ଷ ହେଲା ଭାରତ ଏବଂ ଜର୍ମାନୀ ମଧ୍ୟରେ ଉଚ୍ଚ ସ୍ତରରେ ସଂପର୍କର ଆଦାନ ପ୍ରଦାନ ହେଉଛି |ଗତ ବର୍ଷ ଜର୍ମାନୀର ଚାନସେଲର ଅଞ୍ଜେଲା ମାର୍କେଲ ଭାରତ ଗସ୍ତରେ ଆସିଥିଲେ ଏବଂ ଦୁଇ ଦେଶ ବାଣିଜ୍ୟ ସମେତ ବିଭିନ୍ନ କ୍ଷେତ୍ରରେ ଭାଗିଦାରୀତା ସ୍ଵୀକାର କରିଥିଲେ | ତାଙ୍କ ଗସ୍ତ କାଳରେ ଚାନସେଲର ମାର୍କେଲ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦେଶର କୌଶଳଗତ ଭାଗିଦାରୀତାକୁ ଦୋହରାଇଥିଲେ ଯାହାକି ଗଣତାନ୍ତ୍ରୀକ, ମୁକ୍ତ ଏବଂ ଉଚିତ ବାଣିଜ୍ୟ ତଥା ଆନ୍ତର୍ଜାତୀୟ ନିୟମ ଆଧାରରେ ଗଢି ଉଠିଛି |

2020ରେ ଭାରତ ଏବଂ ଜର୍ମାନୀ ସେମାନଙ୍କର ବିଂଶତମ କୌଶଳଗତ ଭାଗିଦାରୀତା ପାଳନ କରୁଛନ୍ତି | ଉଭୟ ପକ୍ଷ ଏବେ ସଂପର୍କକୁ ଆହୁରି ସୁଦୃଢ କରିବା ପାଇଁ ପ୍ରତିବର୍ଷ ଦ୍ଵିପକ୍ଷୀୟ ଆଲୋଚନା କରିବାକୁ ପ୍ରସ୍ଥାବ ରଖିଛନ୍ତି | ପ୍ରତିରକ୍ଷା ମନ୍ତ୍ରୀଙ୍କ ସହ ଆଲୋଚନା କାଳରେ ଶ୍ରୀ ଜୟଶଙ୍କର ପ୍ରତିରକ୍ଷା ସହଯୋଗକୁ ଆହୁରି ସୁଦୃଢ କରିବା ନେଇ ବର୍ତ୍ତମାନ ଚାଲିଥିବା ବିଭିନ୍ନ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ | ଭାରତ ଏବଂ ଜର୍ମାନୀର ପ୍ରତିରକ୍ଷା ମନ୍ତ୍ରୀ ଅନ୍ତତଃ ଦୁଇ ବର୍ଷରେ ଥରେ ସାକ୍ଷାତ ଆଲୋଚନା କରିବା ପାଇଁ ଆଲୋଚନାରେ ପ୍ରସ୍ଥାବ ଉପସ୍ଥାପନ କରାଯାଇଥିଲା | ଉତ୍ତର ପ୍ରଦେଶ ଏବଂ ତାମିଲନାଡୁରେ ଜର୍ମାନୀ ଦୁଇଟି ପ୍ରତିରକ୍ଷା କରିଡର ସ୍ଥାପନ କରିବାକୁ ଇଛାପ୍ରକାଶ କରିଛି | ବର୍ଲିନ ଗସ୍ତ କାଳରେ ଜୟଶଙ୍କର ବର୍ଲିନ ଆନ୍ତର୍ଜାତୀୟ ଚଳଚ୍ଚିତ୍ର ଉତ୍ସବରେ ଭାରତ ପାଭିଲିୟନକୁ ଉଦଘାଟନ କରିଥିଲେ|

ଆଲେଖ୍ୟ: ରଂଜୀତ କୁମାର

ଭାଷାନ୍ତର: ରାମଚଂଦ୍ର ନାଥ

Comments

Post a Comment

Popular posts from this blog

ଜିସାଟ-30 ଉପଗ୍ରହର ସଫଳ ସ୍ଥାପନ

ଭାରତ ତାର 41ତମ ଯୋଗାଯୋଗ ଉପଗ୍ରହ ଜିସାଟ-30କୁ ଗତ 17 ତାରିଖ ଦିନ ସଫଳତାର ସହ କକ୍ଷ ପଥରେ ସ୍ଥାପନ କରିବା ଦ୍ୱାରା ନିରବଚ୍ଛିନ୍ନ ଭାବେ ଯୋଗାଯୋଗ ସେବାକୁ ନିଶ୍ଚିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଛି। 14 ବର୍ଷର ପୁରୁଣା ଇନସାଟ-4ଏ ଖୁବ ଶିଘ୍ର ଅକାମି ହେବାକୁ ଯାଉଥିବାବେଳେ ଜିସାଟ-30 ଉପଗ୍ରହ ଏହା ସ୍ଥାନରେ ବ୍ୟବହାର କରାଯିବ। ଇନସାଟ-4ଏ ଉପଗ୍ରହକୁ ଭାରତୀୟ କେବୁଲ ଅପରେଟରମାନେ ବିଦେଶରେ କାର୍ଯ୍ୟକ୍ରମଗୁଡିକର ପ୍ରସାରଣ ପାଇଁ ବ୍ୟବହାର କରୁଛନ୍ତି। ଜିସାଟ-30 ଉପଗ୍ରହ ଆଉ 15 ବର୍ଷ ପାଇଁ ଏବଂ ଅଧିକ ଦେଶକୁ ଏହି ସେବାକୁ ଜାରି ରଖିବ। ଫ୍ରେଞ୍ଚ ଗୁଏନାର କୋଉରୋଉ ମହାକାଶ କେନ୍ଦ୍ରରୁ ରିଆନେ-5 ମହାକାଶ ଯାନରେ ଜିସାଟ-30 ଉପଗ୍ରହକୁ କକ୍ଷ ପଥରେ ସ୍ଥାପନ କରାଯାଇଛି। ଏରିଆନାସ୍ପେସ ପକ୍ଷରୁ ଭାରତର ଏହି ଉପଗ୍ରହ ହେଉଛି 24ତମ ଉପଗ୍ରହ। 1981 ମସିହାରେ ଏରିଆନା ପକ୍ଷରୁ ଭାରତର ପ୍ରଥମ ଯୋଗାଯୋଗ ଉପଗ୍ରହ ଆପଲକୁ ମହାକାଶରେ ସ୍ଥାପନ କରାଯାଇ ଥିଲା। ଏହି ସଦ୍ୟତମ ଉତକ୍ଷେପଣରେ ଏରିଆନା-5 ମହାକାଶ ଯାନ ଏଉଟେଲସାଟ କୋନେକ୍ଟ କୁ ମଧ୍ୟ କକ୍ଷ ପଥରେ ସ୍ଥାପନ କରିଛି। ଏହି ଅତ୍ୟାଧୁନିକ ଓ ନୂଆ ପିଢିର ଏଉଟେଲସାଟ କୋନେକ୍ଟ ଉପଗ୍ରହ ୟୁରୋପ ଓ ଆଫ୍ରିକା ମହାଦେଶରେ ଟେଲିଯୋଗାଯୋଗ ସେବା ଯୋଗାଇବ। 15 ବର୍ଷ ପର୍ଯ୍ୟନ୍ତ କାର୍ଯ୍ୟକ୍ଷମର ଦକ୍ଷତା ରଖିଥିବା ଜିସାଟ-30 ଭାରତୀୟ ମହାକାଶ ଗବେଷଣା ସଂଗଠନ ଇସ୍...
Post a Comment
Read more

କୋଭିଡ-19 ସଂଗ୍ରାମ ଲାଗି ଅଧିକ ସତର୍କତା ଅବଲମ୍ବନ କରିବା ପାଇଁ ଆହ୍ଵାନ ଦେଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ମାସିକ ରେଡିଓ କାର୍ଯ୍ୟକ୍ରମ “ମନ କି ବାତ” ର 65 ତମ ସଂସ୍କରଣରେ ଦେଶବାସୀଙ୍କୁ ଉଦବୋଧନ ଦେଇଛନ୍ତି | ପ୍ରଧାନମନ୍ତ୍ରୀ କହିଛନ୍ତି ଯେ ଦେଶ ଐକ୍ୟବଦ୍ଧ ହୋଇ କରୋନା ସଙ୍କଟର ମୁକାବିଲା କରୁଛି ଓ ଲକଡାଉନ କଟକଣା କୋହଳ କରାଯାଇ ଭାରତୀୟ ଅର୍ଥନୀତିର ଏକ ପ୍ରମୁଖ ଭାଗ ଖୋଲିଦିଆଯାଇଥିବାରୁ ଅଧିକ ସତର୍କତା ଅବଲମ୍ବନ କରି ଆଗକୁ ଅଗ୍ରସର ହେବାକୁ ପଡିବ | ପ୍ରଧାନମନ୍ତ୍ରୀ କହିଛନ୍ତି ଯଥେଷ୍ଟ ପ୍ରତିଷେଧମୂଳକ ପଦକ୍ଷେପ ସହ 200 ଟି ଟ୍ରେନ ଚଳାଚଳ କରିଛି | ବିମାନ ସେବା ମଧ୍ୟ ଆରମ୍ଭ ହୋଇଛି ଓ ଉଦ୍ୟୋଗ କ୍ଷେତ୍ର ମଧ୍ୟ ସ୍ଵାଭାବିକ ଅବସ୍ଥାକୁ ଫେରୁଛି | କରୋନା ମୁକାବିଲା ବିରୁଦ୍ଧରେ କୌଣସି ପ୍ରକାରର ଅବହେଳା ପ୍ରଦର୍ଶନ ନକରି ଦୁଇ ଗଜ ଦୂରତା ପାଳନ କରିବା ସହ ମାସ୍କ ପିନ୍ଧି ଯଥା ସମ୍ଭବ ଘରେ ରହିବାକୁ ସେ ସତର୍କ କରାଇଛନ୍ତି | ଅନେକ ବାଧା ବିଘ୍ନର ସମ୍ମୁଖୀନ ହୋଇ କରୋନା ସଙ୍କଟର ମୁକାବିଲା କରିବା ପାଇଁ ଜାରି ରହିଥିବା ଅହରହ ପରିଶ୍ରମ ଯେପରି ବୃଥାରେ ନଯାଉ ବୋଲି ଶ୍ରୀ ମୋଦୀ ଜୋର ଦେଇକହିଛନ୍ତି | ପ୍ରଧାନମନ୍ତ୍ରୀ କହିଛନ୍ତି ଦେଶବାସୀଙ୍କ ସଂକଲ୍ପ ଶକ୍ତି ସହିତ ଏବେ ସେବା ଶକ୍ତି ଯୋଡି ହୋଇଯାଇଛି ଏବଂ ଏହା ସହ ଭାରତ ଦୃଢତାର ସହ କରୋନା ବିରୁଦ୍ଧରେ ଲଢୁଛି | ‘ସେବା ପରମ ଧର୍ମ’ ଉକ୍ତି ସହ ଆମେ ବେଶ ପରିଚିତ ଓ ଏହି ମନୋଭାବ ନେଇ ଆମେ ଆଗେଇ ଚାଲିଛୁ ବୋଲି ସେ କହିଛନ୍ତି | ଡାକ୍ତର, ...
Post a Comment
Read more

ଭାରତକୁ 5 ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବାଲାଗି ମୌଳିକଢାଞ୍ଚା କ୍ଷେତ୍ରର ଭୂମିକା

ଭାରତ ଆସନ୍ତା ପାଞ୍ଚ ବର୍ଷ ମଧ୍ୟରେ ଏହାର ଅର୍ଥନିତୀକୁ ପାଞ୍ଚ ଟ୍ରିଲିୟନ ଡଲାର ଓ ଏହା ପରେ ଆଠବର୍ଷ ମଧ୍ୟରେ 10 ଟ୍ରିଲିୟନ ଡଲାର ରେ ପରିଣତ କରିବା ଲାଗି ପ୍ରସ୍ତୁତି ଚଳେଇଛି | ଏହି ମହତ୍ବାକାଙ୍ଖି ଲକ୍ଷ ହାସଲ କରିବା ଲାଗି ମୌଳିକଢାଞ୍ଚା କ୍ଷେତ୍ରର ପ୍ରମୁଖ ଭୂମିକା ରହିବ | ସମ୍ପ୍ରତି ଶେଷ ହୋଇଥିବା ସଂସଦର ଅଧିବେଶନ ସମୟରେ ଲୋକସଭାରେ ଏକ ପ୍ରଶ୍ନ ର ଜବାବ ଦେଇ ଅର୍ଥ ରାଷ୍ଟ୍ରମନ୍ତ୍ରୀ ଶ୍ରୀ ଅନୁରାଗ ସିଂ ଠାକୁର କହିଥିଲେ ଯେ ଭାରତ ପ୍ରତିବର୍ଷ ଏହି କ୍ଷେତ୍ରରେ ଏକ ଟ୍ରିଲିୟନ ଡଲାର ରୁ ଅଧିକ ଖର୍ଚ୍ଚ କରୁଛି | ସେ କହିଥିଲେ ଯେ 2018-2019 ପାଇଁ ମୌଳିକଢାଞ୍ଚା କ୍ଷେତ୍ରରେ ସରକାରୀ ବ୍ୟୟର ବଜେଟ ଅଟକଳ 5.97 ଟ୍ରିଲିୟନ ଟଙ୍କା ଥିଲା |. ଭାରତୀୟ ଅର୍ଥନିତୀକୁ 2025 ସୁଦ୍ଧା 5 ଟ୍ରିଲିୟନ ରେ ପରିଣତ କରିବାର ଲକ୍ଷ ଯଦିଓ ବହୁତ ବଡ ତେବେ ଏହା ହାସଲ କରିବା ଆଦୌ ଅସମ୍ଭବ ନୁହେଁ | ଏ ଦିଗରେ ମୌଳିକଢାଞ୍ଚା କ୍ଷେତ୍ରକୁ ପ୍ରୋତ୍ସାହନ ଦେବା ପାଇଁ ଉଚିତ ସମୟରେ ସକ୍ରିୟ ପଦକ୍ଷେପ ଗ୍ରହଣ କରାଯାଉଛି | ବର୍ତ୍ତମାନ ଭାରତର ଅର୍ଥନୀତି 2.8 ଟ୍ରିଲିୟନ ଡଲାର ଅଛି ଯେଉଁଥିରେ ଆଗାମୀ ପାଞ୍ଚ ବର୍ଷ ମଧ୍ୟରେ 8 ପ୍ରତିଶତ ବାର୍ଷିକ ବିକାଶଦର ର ଆବଶ୍ୟକତା ହେବ | ବିଶେଷଜ୍ଞ ମାନଙ୍କ କହିବାନୁଯାୟୀ ଲକ୍ଷ ପ୍ରାପ୍ତି ସେତେଟା ଅସୁବିଧା ହେବ ନାହିଁ କାରଣ ନିକଟ ଅତୀତ ରେ ବିକାଶ ଦର 6 ରୁ 7 ପ୍ରତିଶତ ହାର ରେ ରହିଛି | ବଜେଟ ପୂର୍ବରୁ ଆସିଥିବ...
Post a Comment
Read more