ଧୂସର କଳା ନୁହେଁ : ଏଫଏଟିଏଫ ପାକିସ୍ତାନକୁ ଦେଲା ଆଉ ଏକ ସୁଯୋଗ

ଗତ ରବିବାର ଦିନ ପ୍ୟାରିସରେ ଅନୁଷ୍ଠିତ ଅର୍ଥନୈତିକ କାର୍ଯ୍ୟାନୁଷ୍ଠାନ ଟାସ୍କ ଫୋର୍ସ(ଏଫଏଟିଏଫ) ସମ୍ମିଳନୀରେ ଆଶା କରାଯାଉଥିଲା ପାକିସ୍ତାନ ଏହାର ଧୂସର ତାଲିକାରୁ ମୁକୁଳି ଯିବ | ଏହି ସମ୍ମିଳନୀରେ 205ଟି ଦେଶର ପ୍ରାୟ 800 ପ୍ରତିନିଧି ଯୋଗ ଦେଇଥିଲେ |

ସନ୍ତ୍ରାସବାଦ ପାଇଁ ପାଣ୍ଠି ସଂଗ୍ରହ କରିବା ଏବଂ ଅର୍ଥ ହେରଫେର ମାମଲାକୁ ନେଇ ପାକିସ୍ତାନ ଦେଇଥିବା ପ୍ରତିଶ୍ରୁତି କେତେ କାର୍ଯ୍ୟକାରୀ କରିଛି ସେନେଇ ମଧ୍ୟ ବୈଠକରେ ଆଲୋଚନା ହୋଇଥିଲା | ପାକିସ୍ତାନ 2018ରୁ ଧୂସର ତାଲିକାରେ ରହିଛି |

2020 ଫେବୃୟାରୀ 19 ତାରିଖରେ ଗଣମାଧ୍ୟମ ଖବର ଦେବାକୁ ଲାଗିଲା ଯେ ପାକିସ୍ତାନ ଚଳିତ ବର୍ଷ ଜୁନ ମାସ ପର୍ଯ୍ୟନ୍ତ ଧୂସର ତାଲିକାରେ ରହିବ ଆନ୍ତର୍ଜାତୀୟ ସହଯୋଗ ସମୀକ୍ଷା ଗୃପ ଯିଏକି ପାକିସ୍ତାନ ଦ୍ଵାରା ନିଆଯାଇଥିବା କାର୍ଯ୍ୟାନୁଷ୍ଠାନର ସମୀକ୍ଷା କରୁଥିଲା | ତାହା ଫେବୃୟାରୀ 17ରେ ଏହି ନିଷ୍କର୍ଷରେ ପହଋ୍ଚିଲା ଯେ ସନ୍ତ୍ରାସବାଦ ପାଇଁ ପାଣ୍ଠି ଯୋଗାଉଥିବା ମାମଲାରେ ପାକିସ୍ତାନ ଏହାର ଅବସାନ ପାଇଁ ଯଥେଷ୍ଟ ଭାବରେ କିଛି କରିନାହିଁ |

ମୁମ୍ଵାଇ ସନ୍ତ୍ରାସବାଦି ଆକ୍ରମଣର ମୁଖ୍ୟ ଷଢଯନ୍ତ୍ରକାରୀ ଲସ୍କରେ ତୈବାର ମୁଖ୍ୟ ହାଫିଜ ସୟିଦକୁ ଦଣ୍ତାଦେଶ ଦେଇଥିବା ଉପରେ ପାକିସ୍ତାନ ବିଶ୍ଵ ସମୁଦାୟକୁ ବୁଝାଇବାକୁ ଚେଷ୍ଟା କରିବା ସତ୍ତ୍ଵେ ମହା ହୋଇଥିଲା ବିଶ୍ଵ ସମୁଦାୟ ହୃଦୟଙ୍ଗମ କରିଥିଲା ଯେ ପାକିସ୍ତାନ 40ଟି ଅଭିଯୋଗ ମଧ୍ୟରୁ ସବୁଥିରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ | ଏବେ ମଧ୍ୟ ଅନେକ କ୍ଷେତ୍ରରେ ପାକିସ୍ତାନ ଧ୍ୟାନ ଦେଇନାହିଁ |

ଧୂସର ତାଲିକାରୁ ମୁକୁଳିବା ପାଇଁ ଏହାର ବଂଧୁ ରାଷ୍ଟ୍ର ଚିନ ସେଠାରେ ଉପସ୍ଥିତ ଥିଲେ ମଧ୍ୟ ପାକିସ୍ତାନକୁ ସମର୍ଥନ କରିନଥିଲା | ତୁର୍କୀ ବ୍ୟତିତ ସେଠାରେ ଉପସ୍ଥିତ ସବୁ ଦେଶ ପାକିସ୍ତାନକୁ ସମର୍ଥନ କରିନଥିଲେ | ଫଳରେ ଏଫଏଟିଏଫର ପରବର୍ତ୍ତି ବୈଠକ ପର୍ଯ୍ୟନ୍ତ ପାକିସ୍ତାନକୁ ଧୂସର ତାଲିକାରେ ରଖାଗଲା |

ଗତ ବର୍ଷ ଅକ୍ଟୋବର ମାସରେ ଏଫଏଟିଏଫ ଆପୋଷ ମୂଲ୍ୟାଙ୍କନ ରିପୋର୍ଟରେରେ ଜାଣିବାକୁ ପାଇଲା ଯେ ପାକିସ୍ତାନ ସନ୍ତ୍ରାସବାଦ ନିମନ୍ତେ ପାଣ୍ଠି ଯୋଗାଡ ବନ୍ଦ କରିବା କ୍ଷେତ୍ରରେ କୌଣସି ପଦକ୍ଷେପ ନେଇନାହିଁ ଏବଂ 27ଟି ସୂଚି ମଧ୍ୟରୁ ମାତ୍ର ପାଞ୍ଚଟି ସୂଚି ଉପରେ ପାକିସ୍ତାନ ପଦକ୍ଷେପ ନେଇଥିଲା | ଏଣୁ ଏହାକୁ ଫେବୃୟାରୀ 2020 ସୁଦ୍ଧା ସମସ୍ତ ସୂଚି ଉପରେ କାର୍ଯ୍ୟାନୁଷ୍ଠାନ ନେବାକୁ କୁହାଯାଇଥିଲା | ନହେଲେ ପାକିସ୍ତାନ ଉପରେ ବାଣିଜ୍ୟିକ ସଂପର୍କ ତୁଟାଇବାକୁ ଅଧିକାଂଶ ଦେଶ ଧମକ ଦେଇଥିଲେ |

ଯଦି ପାକିସ୍ତାନ ଧୂସର ତାଲିକାରୁ ମୁକୁଳିବାକୁ ଚାହୁଁଛି ତେବେ ସେ ନିଜର ପ୍ରତିଶ୍ରୁତିକୁ ପାଳନ କରିବା ଉଚିଥ ଥିଲା | ଚିନ ମଧ୍ୟ ଏହାକୁ ଧୂସର ତାଲିକାରେ ରଖିବାକୁ ଉଚିତ ମଣିଲା କେବଳ ପାକିସ୍ତାନକୁ କଳା ତାଲିକାରୁ ବାଦ ଦେବା ପାଇଁ କଳା ତାଲିକା ପାଇଁ ସବୁ ରାଷ୍ଟ୍ରର ସହମତି ଆବଶ୍ୟକ | ଆଖିବୁଝି ପାକିସ୍ତାନକୁ ତୁର୍କୀ ସମର୍ଥନ କରିବା ସତ୍ତ୍ଵେ ପାକିସ୍ତାନ ଧୂସର ତାଲିକାରୁ ମୁକୁଳି ନଥିଲା |

ପାକିସ୍ତାନର ନେତୃତ୍ଵ ମଧ୍ୟ ଏକ୍ଷେତ୍ରରେ ଆନ୍ତରିକତା ଦର୍ଶାଉ ନାହାନ୍ତି ବହୁ ବର୍ଷ ଧରି ପାକିସ୍ତାନ ସନ୍ତ୍ରାସବାଦ ସହିତ ଯେପରି ହାତ ମିଳାଇଛି ଏବଂ ଏହାର ସାମାଜିକ, ଅର୍ଥନୈତିକ ତଥା ଆଇନଗତ ପନ୍ଥା ଯେପରି ସନ୍ତ୍ରାସବାଦ ସହିତ ମିଶି ଯାଇଛି | ଏମିତିରେ ସନ୍ତ୍ରାସବାଦ ବିରୁଦ୍ଧରେ ପଦକ୍ଷେପ ନେବା ପାକିସ୍ତାନ ପାଇଁ ଯେପରି ଅସମ୍ଭବ ହୋଇପଡିଛି | ଯଦି ପାକିସ୍ତାନ କିଛି ନକରେ ତେବେ ଏହାର ବଂଧୁ ରାଷ୍ଟ୍ର ମଧ୍ୟ ପାକିସ୍ତାନକୁ କଳା ତାଲିକାରୁ ମୁକୁଳେଇବା କଷ୍ଟକର ହୋଇପଡିବ |

ଆଲେଖ୍ୟ: ଆଶୋକ ବେହୁରିଆ

ଭାଷାନ୍ତର: ରାମଚଂଦ୍ର ନାଥ