କୋଭିଡ-19 କାଳରେ ଭାରତର ବ୍ୟାପକ ଖାଦ୍ୟ ଶସ୍ୟ ମହଜୁଦ ଏକ ବଡ ଆଶ୍ଵସ୍ତି

କୋଭିଡ-19 ମହାମାରୀ କାରଣରୁ ଦେଶବ୍ୟାପୀ ଲକଡାଉନ ଏବଂ ସ୍ଵଳ୍ପ ଆର୍ଥିକ କାର୍ଯ୍ୟକଳାପ ମଧ୍ୟରେ ଜାତୀୟ ଶସ୍ୟ ଭଣ୍ତାରରେ ରେକର୍ଡ ପରିମାଣର ଖାଦ୍ୟ ଶସ୍ୟ ମହଜୁଦ ରହିବା ଦ୍ଵାରା ଅତ୍ୟନ୍ତ ଗରିବ ଏବଂ ଅବହେଳିତ ଲୋକମାନେ ଏବେ ଶାନ୍ତିରେ ରହିପାରିବେ ବୋଲି ଆଶା ସଂଚାର ହୋଇଛି  | ଏହି ମହାମାରୀ କାଳରେ ସରକାର ଖାଦ୍ୟ ଶସ୍ୟର ଯଥେଷ୍ଟ ଉପଯୋଗ ଗରିବଲୋକମାନଙ୍କ ପାଇଁ କରିବାକୁ ପ୍ରତିଜ୍ଞାବଦ୍ଧ ରହିଛନ୍ତି |
 2020 ଏପ୍ରିଲ 1 ଠାରୁ ଚଳିତ ଆର୍ଥିକ ବର୍ଷ ଆରମ୍ଭରୁ 73.85 ମିଲିୟନ ଟନ ଶସ୍ୟ କେନ୍ଦ୍ରୀୟ ଭଣ୍ତାରଣରେ ମହଜୁଦ କରାଯାଇଛି | ଏହା ଆବଶ୍ୟକ ଥିବା 21.04 ମିଲିୟନ ଟନ ଠାରୁ ପ୍ରାୟ 3.5 ଗୁଣା ଅଧିକ | ଦେଶରେ ମହାମାରୀ ଯୋଗୁଁ ଲକଡାଉନ ହାବେ ପରଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ତାଙ୍କର ଚତୁର୍ଥ ବୈଠକରେ ସାଧାରଣ ଲୋକମାନଙ୍କ ଜୀବନ ଧାରଣ ପାଇଁ ଖାଦ୍ୟ ଶସ୍ୟ ଉପରେ ଅଧିକ ଗୁରୁତ୍ଵ ଦେଇଥିଲେ | ଜୀବନ ଏବଂ ଜୀବିକା ପାଇଁ ପ୍ରଧାନମନ୍ତ୍ରୀଙ୍କ ପୁନଃ ପ୍ରତିଶ୍ରୁତି କେବଳ  ଥରେ ଆସିନାହିଁ ଅନେକ ଥର ଆସିଛି ଏବଂ ମହାମାରୀ ସମୟରେ ଏହାର ଗୁରୁତ୍ଵ ବହୁତ ଅଧିକ ରହିଛି |
ଭାରତୀୟ ଖାଦ୍ୟ ନିଗମ ଏପ୍ରିଲ ମାସ ପାଇଁ 24.7 ମିଲିୟନ ଟନ ଶସ୍ୟ ମହଜୁଦ କରୁଥିବାବେଳେ ଏବେ ଏହା 3.6 ଗୁଣ ଅଧିକ ହୋଇ 49.15 ମିଲିୟନ ଟନ ହୋଇଛି | ସେହିପରି ଗହମ ମହଜୁଦ 7.46 ମିଲିୟନ ଟନ ସ୍ଥାନରେ 3.3 ଗୁଣ ଅଧିକ 24.7 ମିଲିୟନ ଟନ ମହଜୁଦ ହୋଇଛି |
ଏଠାରେ ଉଲ୍ଲେଖ କରାଯାଇ ପାରେ ଯେ ଭାରତ ସରକାରଙ୍କ କ୍ରୟ ନୀତି ଅନ୍ତର୍ଗତ ଭାରତୀୟ ଖାଦ୍ୟ ନିଗମ, ରାଜ୍ୟ ସରକାର ଏବଂ ସରକାରୀ ଏଜେନ୍ସି ଦ୍ଵାରା କୃଷକମାନଙ୍କ ଠାରୁ ଧାନ ଏବଂ ଗହମ ନିର୍ଦ୍ଧାରିତ ସ୍ରବନିମ୍ନ ସହାୟକ ମୂଲ୍ୟ ଆଧାରରେ କ୍ରୟ କରାଯାଇଛି | ସରକାର ସଂଗ୍ରହ କରିଥିବା ଶସ୍ୟ ବର୍ଷ ସାରା ଦେଶର ଗରିବ ଲୋକମାନଙ୍କ ମଧ୍ୟରେ ବଣ୍ଟନ କରିଥାନ୍ତି | ମହାମାରୀ ସମୟରେ ଦେଶର ଲୋକମାନଙ୍କ ନିମନ୍ତେ ଖାଦ୍ୟ ଶସ୍ଯ ଯେପରି ସମୁଦ୍ରକୁ ଶଙ୍ଖେ ନହୁଏ ସେଥିପାଇଁ ସରକାର ସକ୍ରିୟ ଭାବେ ପ୍ରୟାସ କରୁଛନ୍ତି |
ଦେଶରେ ସବୁଜ ବିପ୍ଳବ ଯୋଗୁଁ ମୌସୁମି ବର୍ଷା କମ ହେବା ସତ୍ଵେ କୃଷକମାନେ ଖାଦ୍ୟ ଶସ୍ୟ ଉତ୍ପାଦନ ଅଧିକ କରିପାରୁଛନ୍ତି | 2000-01ରେ ଖାଦ୍ୟ ଶସ୍ୟ ଉତ୍ପାଦନ 197 ମିଲିୟନ ଟନ ଥିବାବେଳେ ସରକାରଙ୍କ ପକ୍ଷରୁ କୃଷକମାନଙ୍କୁ ପ୍ରଦତ୍ତ ସହାୟତା ଏବଂ କୃଷି ନୀତି ଯୋଗୁଁ 2019-20ରେ 292 ମିଲିୟନ ଟନ ଉତ୍ପାଦନ ହୋଇଛି | କେନ୍ଦ୍ର ସରକାର କୃଷକମାନଙ୍କୁ ନିୟମିତ ସହାୟତା କରିଆସୁଛନ୍ତି | ସ୍ଵଳ୍ପ ରୋଜଗାରକ୍ଷମ କୃଷକମାନଙ୍କୁ ସରକାର ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ଅନ୍ତର୍ଗତ ବର୍ଷକୁ 6 ହଜାର ଟଙ୍କା ପ୍ରଦାନ କରୁଛନ୍ତି ଏବଂ 60 ବର୍ଷ ପରେ କୃଷକମାନଙ୍କୁ ପ୍ରଧାନମନ୍ତ୍ରୀ କିସାନ ମାନ ଧନ ଯୋଜନାରେ ପେନସନ ଦିଆଯାଉଛି |
ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ମାର୍ଚ 27 ତାରିଖରୁ ଅବହେଳିତ ଲୋକମାନଙ୍କୁ ରିଲିଫ ପ୍ୟାକେଡ ଯୋଗାଇ ଦିଆଯାଉଛି ଏବଂ ଜାତୀୟ ଖାଦ୍ୟ ସୁରକ୍ଷା ଆଇନ ଅଧିନରେ ଦେଶର ତିନି ଚତୁର୍ଥାଂଶ ଗ୍ରାମୀଣ ଲୋକଙ୍କୁ ଏବଂ ଅଧା ସହରୀ ଲୋକଙ୍କୁ ଅତିରିକ୍ତ 5 କିଲୋ ଚାଉଳ କିମ୍ଵା ଗହମ ବିନା ମୂଲ୍ୟରେ ଦିଆଯାଇଚି | ଦେଶର କୃଷକମାନେ ହେଉଛନ୍ତି କୌଣସି ସଂକଟ ସମୟରେ ପ୍ରକୃତ ଯୋଦ୍ଧା |
ମୂଳ ଲେଖା:   ଜି. ଶ୍ରୀନିବାସନ