ଆର.ଆଇ.ସି. ବୈଦେଶିକ ମନ୍ତ୍ରୀମାନଙ୍କ ବୈଠକ

ଏବେ ତ୍ରିପକ୍ଷୀୟ ରୁଷ-ଭାରତ-ଚୀନ (ଆର.ଆଇ.ସି)ର ବିଦେଶ ମନ୍ତ୍ରୀମାନଙ୍କ 17ତମ ବୈଠକର ଅଧ୍ୟକ୍ଷତା ରୁଷ କରିଥିଲା | ଏହି ବୈଠକର ଉଦ୍ଦେଶ୍ୟ କୋଭିଡ-19 ସଂକଟ ପ୍ରତି ଏକ ସାଧାରଣ ପ୍ରତିକ୍ରିୟା ପାଇଁ ରଣନୀତି ପ୍ରସ୍ତୁତ କରିବା ବ୍ୟତିତ ଦ୍ଵିତୀୟ ବିଶ୍ଵ ଯୁଦ୍ଧରେ ନାଜିବାଦ ଉପରେ ବିଜୟର 75 ତମ ବାର୍ଷିକୀ ପାଳନ କରିବା ଥିଲା |

ଭାରତ ଏବଂ ଚୀନ ମଧ୍ୟରେ ଚାଲୁଥିବା ସୀମା ବିବାଦ ପରିପ୍ରେକ୍ଷୀରେ ଏହି ବୈଠକ ଭର୍ଚୁଆଲ ମାଧ୍ୟମରେ ହୋଇଥିଲା | ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର ଭବିଷ୍ୟତରେ କୌଣସି ପ୍ରକାର ଉତ୍ତେଜନାକୁ ବୃଦ୍ଧି କରିବା ପ୍ରତି ଆର.ଆଇ. ସି ପାଇଁ ପ୍ରାରମ୍ଭିକ ଏକ ଆବଶ୍ୟକ ସର୍ତ ରୂପରେ ରାଷ୍ଟ୍ରର ସ୍ଥିତିକୁ ଭଲ ଭାବରେ ବୁଝେଇ ଥିଲେ | ଏଥିରେ ଆନ୍ତର୍ଜାତୀୟ ଆଇନ ପ୍ରତି ସମ୍ମାନ ପ୍ରଦର୍ଶନ, ସହଯୋଗୀଙ୍କ ସ୍ଵାର୍ଥକୁ ବୁଝିବା, ବହୁପକ୍ଷବାଦକୁ ସମର୍ଥନ ଦେବା ତଥା ସର୍ବ ହିତକୁ ପ୍ରାଧାନ୍ୟ ଦେବା ସାମିଲ ଥିଲା | ଏହା ଆର.ଆଇ.ସିର ମୁଖ୍ୟ ଉଦ୍ଦେଶ୍ୟକୁ ସମୀକ୍ଷା କରିଥାଏ ଯାହା ଆଜି ବାସ୍ତବତା ଭାବେ ଉଭା ହୋଇଛି | ବିଶ୍ଵର ହିତ ପାଇଁ ସମାନତାର ଅନ୍ଵେଷଣ ଉପରେ ଏହି ବୈଠକରେ ଆଲୋଚନା ହେଲା | ବୈଠକ ଶେଷରେ ରୁଷର ବୈଦେଶିକ ମନ୍ତ୍ରୀ ଗଣମାଧ୍ୟମକୁ କହିଲେ ଯେ ଚଳିତ ବର୍ଷ ଶେଷ ଆଡକୁ ପ୍ରତିରକ୍ଷା ମନ୍ତ୍ରୀମାନଙ୍କ ଏକ ବୈଠକ କରାଯାଇ ଆର.ଆଇ.ସିର ଆଲୋଚନାକୁ ପରିବ୍ୟାପ୍ତ କରିବା ପାଇଁ ସହମତି ହୋଇଛି |

ଆର.ଆଇ.ସି ଭର୍ଚୁଆଲର ବିଦେଶ ମନ୍ତ୍ରୀମାନଙ୍କ ବୈଠକରେ ଉଦବୋଧନ ଦେଇ ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର କହିଲେ ଯେ ଟୋବ୍ରିକ, ଏଲ ଆଲମିନ ତଥା ମୋଟକାସିନୋ ଠାରୁ ନେଇ ସିଙ୍ଗାପୁର, କୋହିମା ଏବଂ ବୋର୍ଣ୍ଣିଓ ପର୍ଯ୍ୟନ୍ତ ବିଶ୍ଵର ଯୁଦ୍ଧ କ୍ଷେତ୍ର ଭାରତୀୟ ରକ୍ତରେ ରଙ୍ଗାୟିତ | ଆମେ ଆପଣଙ୍କ ଉଭୟ ଦେଶ ପାଇଁ ମୁଖ୍ୟ ପରିବହନ ଲାଇନ ଖୋଲି ରଖିବାରେ ସାହାର୍ଯ୍ୟ କରିଛୁ | ଭାରତୀୟ ସୈନିକ ଅର୍ଡର ଅଫ ରେଡ ଷ୍ଟାରରେ ସମ୍ମାନୀତ ହୋଇଛନ୍ତି | ଡକ୍ଟର କୋଟିନସ ଚୀନ ରେ ଜଣେ ଲିଜେଣ୍ଟ ଥିଲେ ଯିଏ ମେଡିକାଲ ମିଶନର ନେତୃତ ନେଇଥିଲେ | ଏଣୁ ଯେତେବେଳେ ରେଡ ସ୍କ୍ଵାୟାରରୁ ନେଇ ଭାରତର ସୈନ୍ୟ ବଳ ମାର୍ଚ୍ଚ କରନ୍ତି ସେତେବେଳେ ଏହା ଆମ ଦ୍ଵାରା ନିର୍ମିତ ବିବିଧତାକୁ ପ୍ରମାଣିତ କରୁଛି |

ଗତ ଦୁଇ ଦଶନ୍ଧି ହେଲା କୂଟନୈତିକ ସଂପର୍କ ପାଇଁ ଆର.ଆଇ.ସି ନିଜର ସଦସ୍ୟଙ୍କୁ ଏକ ମଞ୍ଚ ପ୍ରଦାନ କରିଛି | ଏହି ମଞ୍ଚ ବିଶେଷକରି 2019ରେ ବାଲାକୋଟ ବିମାନ ଆକ୍ରମଣ ଏବଂ 2017ରେ ଡୋକଲାମ ବିବାଦ ସମେତ ସାମରିକ ସଂକଟ ସମୟରେ ଲାଭକାରୀ ସାବ୍ୟସ୍ତ ହୋଇଛି | 2018ରେ ହୋଇଥିବା ରାଷ୍ଟ୍ରୀୟ ମୁଖ୍ୟ ମାନଙ୍କ ବୈଠକରେ ଏହି ଫର୍ମାଟର ସୁଧାର କରାଯିବା ତିନି ଦେଶ ମଧ୍ୟରେ ବିଶ୍ଵାସ ବୃଦ୍ଧି କରିବା କ୍ଷେତ୍ରରେ ଗୁରୁତ୍ଵପୂର୍ଣ୍ଣ ଭୂମିକାର ଏକ ସ୍ଵୀକୃତି ଥିଲା |

ଭାରତ ଆମେରିକା ସହିତ ଦ୍ଵିପକ୍ଷୀୟ ସଂପର୍କକୁ ସୁଦୃଢ କରିଛି | ଏହା ବ୍ୟତିତ ଭାରତ ଚୀନ ସଂପର୍କରେ ବଢୁଥିବା ଉତ୍ତେଜନା ସମୟରେ ରୁଷ ଏବଂ ଚୀନ ମଧ୍ୟରେ ସଂପର୍କ ସୁଦୃଢ ହୋଇଛି | ଏହା ଭାରତର ସାମରିକ ହିତକୁ ଅତିକ୍ରମଣ କରିବାବାଲା ବିଷୟ ଉପରେ ଭାରତର ପରମ୍ପରାଗତ ସହଯୋଗୀ ରୁଷକୁ ବାରମ୍ଵାର ପୁନଃ ମୂଲ୍ୟାଙ୍କନ କରିବାକୁ ପ୍ରେରିତ କରିଛି |

ଏହା ସତ୍ତ୍ଵେ ଏହି ତ୍ରିପକ୍ଷୀୟ ଗଠନର ମହତ୍ଵ ଏବଂ ସମ୍ଭାବନା ଏଥିରେ ଜାରି ରହିଛି | କାରଣ ଏହା ଏକ ଏମିତି ମଞ୍ଚ ଯେଉଁଠି ଏହାର ସଦସ୍ୟ ରଣନୀତିର ହିତକୁ ଖୋଜି ଥାନ୍ତି, ସ୍ଥିତିକୁ ସ୍ପଷ୍ଟ କରିଥାନ୍ତି ତଥା ଭିନ୍ନତାକୁ ବୁଝିଥାନ୍ତି | ଏହା ସହିତ ପୂର୍ବ ପ୍ରତିଷ୍ଠିତ ଏବଂ ୟୁରେସିଆଇ ଶକ୍ତି ରୂପରେ ଭାରତର ୟୁରେସିଆ ଆଉଟରିଚରେ ସୁବିଧା ପହଞ୍ଚାଇବାରେ ରୁଷ ତଥା ଚୀନର ଭୂମିକା ନିର୍ଣ୍ଣାୟକ ହେବ | ବିଶେଷ କରି ଭାରତର ହିତ ସମୁଦ୍ର ପର୍ଯ୍ୟନ୍ତ ସିମୀତ ନୁହେଁ ବରଂ ଏହା ଅନେକ କ୍ଷେତ୍ର ପର୍ଯ୍ୟନ୍ତ ପରିବ୍ୟାପ୍ତ | ଏହିପରି ଏହା ଭାରତର ରଣନୀତିକ ସ୍ଵୟତତ୍ତାକୁ ସଶକ୍ତ କରିବା ପାଇଁ ରୁଷ ତଥା ଚୀନରେ ମଧ୍ୟ ନିହିତ ଅଛି | ଏହିପରି ଚୀନର ପ୍ରଭୁତ୍ଵକୁ ରୋକିବା ରୁଷ ତଥା ଭାରତ ଉଭୟଙ୍କ ହିତ ରହିଛି |

ଏବେ ଯେତେବେଳେ କୋଭିଡ-19 ମହାମାରୀ ବିଶ୍ଵକରଣକୁ ସମାପ୍ତ କରିଦେଇଛି, ବହୁପକ୍ଷବାଦକୁ ନଷ୍ଠ କରିଦେଇଛି, ସ୍ଵାସ୍ଥ୍ୟ ବ୍ୟବସ୍ଥାକୁ ନଷ୍ଟ କରିଦେଇଛି ତଥା ବିଶ୍ଵକୁ ଦେବାଳିଆ କରିଦେଇଛି ଏହି ସ୍ଥିତିରେ ଏହି ମହାମାରୀର ମୁକାବିଲା ପାଇଁ ସମନ୍ଵିତ କାର୍ଯ୍ୟାନୁଷ୍ଠାନ ଲାଭକାରୀ ଅଟେ | ଏହିପରି ସାମାନ୍ୟ ଅଣ ପରମ୍ପରାଗତ ସୁରକ୍ଷା ଚ୍ୟାଲେଞ୍ଜରୁ ଏକଜୁଟ ହୋଇ ପ୍ରଭାବଶାଳି ଭାବେ ମୁକାବିଲା କରାଯାଇ ପାରିବ | ଏହି ସଂଦର୍ଭରେ ଆଫଗାନିସ୍ଥାନରୁ ଜନ୍ମ ନେଉଥିବା ସନ୍ତ୍ରାସବାଦ ସମଗ୍ର ୟୁରେସିଆ ରେ ଅସ୍ଥିରତା ସୃଷ୍ଟି କରିପାରେ ଏଥିରେ ଆର.ଆଇ.ସିର ତିନି ଜଣ ସଦସ୍ୟ ମଧ୍ୟ ପ୍ରଭାବିତ ହୋଇପାରନ୍ତି |

ଆଲୋଖ୍ୟ : ରାଜର୍ଷି ରାୟ