ଚୀନର ନ୍ୟାସନାଲ ପିପୁଲ୍ସ ଅଫ କଂଗ୍ରେସର ସ୍ଥାୟୀ ସମିତି ଜୁନ 30ରେ ହଙ୍ଗକଙ୍ଗ ଉପରେ ବିବାଦୀୟ ରାଷ୍ଟ୍ରୀୟ ସୁରକ୍ଷା ଆଇନ ଗୃହିତ କରିଛି | 1997ରେ ଚୀନକୁ ସମର୍ପଣ କରାଯାଇଥିବା ହଙ୍ଗକଙ୍ଗର ବାର୍ଷିକୀ ପୂର୍ବରୁ ଏହି ଆଇନ ପାସ ହୋଇଛି | ହଙ୍ଗକଙ୍ଗର ଆସେମ୍ଲିକୁ ଅଣଦେଖା କରାଯାଇ ଚୀନ ଏକତରଫା ଭାବେ ଏହି ଆଇନ ପାସ କରିଛି | ଆମେରିକା, କାନାଡା, ଫ୍ରାନ୍ସ, ଜର୍ମାନୀ, ଇଟାଲି, ଜାପାନ, ବ୍ରିଟେନ ତଥା ଜି-7 ରାଷ୍ଟ୍ର ସମୁହରେ ୟୁରୋପୀୟ ସଂଘର ଉଚ୍ଚ ପ୍ରତିନିଧିମାନଙ୍କ ଦ୍ଵାରା ଏହା ଏକ ବଡ ଚିନ୍ତାର ବିଷୟ ଜଣାଇବା ସତ୍ତ୍ଵେ ମଧ୍ୟ ଚୀନ କହିଛି ଯେ ରାଷ୍ଟ୍ରୀୟ ସୁରକ୍ଷା ଆଇନ ଗୋଟିଏ ଦେଶ ଦୁଇଟି ପ୍ରଣାଳିର ସିଦ୍ଧାନ୍ତକୁ ଦୁର୍ବଳ କରୁନାହିଁ
|
ପୂର୍ବରୁ ଜି-7 ଏକ ବକ୍ତବ୍ୟରେ କହିଥିଲା ଯେ ହଙ୍ଗକଙ୍ଗର ମୌଳିକ ଆଇନ ଉପରେ ଚୀନର ନିର୍ଣ୍ଣୟ ବୌଧାନିକ ଭାବେ ଜାତିସଂଘରେ ପଞ୍ଜିକୃତ ଚୀନ ବ୍ରିଟେନ ମିଳିତ ଘୋଷଣାନାମାର ସିଦ୍ଧାନ୍ତର ଏହା ପରିପନ୍ଥି | ପ୍ରସ୍ଥାବିତ ରାଷ୍ଟ୍ରୀୟ ସୁରକ୍ଷା ଆଇନ ଗୋଟିଏ ଦେଶ ଦୁଇଟି ପ୍ରଣାଳିର ସିଦ୍ଧାନ୍ତକୁ ଦୁର୍ବଳ କରି ଅଞ୍ଚଳର ସ୍ଵାଧୀନତାକୁ ବିପଦରେ ପକାଇବ | ଏହି ଆଇନ ହଙ୍ଗକଙ୍ଗକୁ ଦେଇଥିବା ସଫଳତାକୁ ମଧ୍ୟ ଆଘାତ କରିବ | ଏହା ବ୍ୟତିତ ଜି-7ର ନେତାମାନେ ଚିନ୍ତା ବ୍ୟକ୍ତ କରିଛନ୍ତି ଯେ ଏହି ଆଇନ ସେଠାକାର ଲୋକମାନହ୍କ ସ୍ଵାଧୀନତାକୁ କ୍ଷୁର୍ଣ୍ଣ କରିବା ସହିତ ସ୍ଵାଧୀନ ନ୍ୟାୟ ପ୍ରଣାଳିର ଅସ୍ତିତ୍ଵକୁ ସଂକଟାପନ୍ନ କରିବ |
ହଙ୍ଗକଙ୍ଗ ଉପରେ ଜି-7ର ବକ୍ତବ୍ୟ ଉପରେ ଚୀନ ପ୍ରତିକ୍ରିୟା ଦେଇ କହିଛି ହଙ୍ଗକଙ୍ଗର ସମ୍ଵନ୍ଧିତ ବିଷୟ ଚୀନର ଅଭ୍ୟନ୍ତରିଣ ମାମଲା ଏବଂ ଏଥିରେ କୌଣସି ବିଦେଶି ସରକାର, ସଂଗଠନ କିମ୍ଵା ବ୍ୟକ୍ତିବିଶେଷଙ୍କ ହସ୍ତକ୍ଷେପକୁ ବରଦାସ୍ତ କରାଯିବ ନାହିଁ | ଚୀନ କହିଛି ହଙ୍ଗକଙ୍ଗର ସୁରକ୍ଷା ହେଉଛି ଏହି ଆଇନର ଉଦ୍ଦେଶ୍ୟ ଏବଂ ଏଥିରେ କୌଣସି ବିଦେଶି ଶକ୍ତିର ହସ୍ତକ୍ଷେପକୁ ପ୍ରତିରୋଧ କରିବା ତଥା ଆନ୍ତର୍ଜାତୀୟ ଆଇନ ଅନୁଯାୟୀ ମୌଳିକ ନିୟମକୁ ପାଳନ କରାଯାଉଥିବା ଇଏ ଆଇନ | ଚୀନ ଗଣମାଧ୍ୟମ କହିଛି ଯେ ହଙ୍ଗକଙ୍ଗକୁ ଅସ୍ଥିର କରିବା ପାଇଁ ବିଦେଶୀ ଶକ୍ତି ସହିତ ବୁଝାମଣା କରିଥିବା ଚରମପନ୍ଥି ଶକ୍ତିର ଏକ ଛୋଟିଆ ଗୋଷ୍ଠିକୁ ଦୂରେଇ ରଖିବା ଏହି ଆଇନର ଉଦ୍ଦେଶ୍ୟ |
ଆଶଙ୍କା କରାଯାଉଛି ଯେ ଏହି ଆଇନ ବଳରେ ହଙ୍ଗକଙ୍ଗର ଗଣତନ୍ତ୍ର ସମର୍ଥକ ବିକ୍ଷୋଭକାରୀମାନଙ୍କୁ ଦମନ କରାଯିବ | ଏହି ବିରୋଧ ପ୍ରଦର୍ଶନ ନିକଟରେ ଆନ୍ତର୍ଜାତୀୟ ସ୍ତରରେ ଧ୍ୟାନ ଆକର୍ଷଣ କରିଥିଲା | ଏହି ନୂଆ ଆଇନ ବଳରେ ଚୀନରେ କୌଣସି ପ୍ରକାର ବିରୋଧ ପ୍ରଦର୍ଶନ କିମ୍ବା ହଙ୍ଗକଙ୍ଗର ଅସ୍ଥିରତା ପ୍ରତି ବିଦେଶୀ ଶକ୍ତିର ସମ୍ଭାବିତ ଭୂମିକା ପ୍ତତି ଲକ୍ଷ୍ୟ କରାଯାଇଛି | ନିକଟରେ ହୋଇଥିବା ବିରୋଧ ପ୍ରଦର୍ଶନ ହିଂସାତ୍ମକ ରୂପ ନେଇଥିଲା ତଥା ହଙ୍ଗକଙ୍ଗର ବିମାନ ବନ୍ଦର ଏବଂ ରାଜରାସ୍ତାରେ ଅଚଳାବସ୍ଥା ସୃଷ୍ଟି କରିଥିଲା | ଚୀନ ହଙ୍ଗକଙ୍ଗରେ ଏକ ରାଷ୍ଟ୍ରୀୟ ସୁରକ୍ଷା ଏଜେନ୍ସି ସ୍ଥାପନ କରିବ |
ହଙ୍ଗକଙ୍ଗର ସ୍ଵାଧୀନତା ସମାପ୍ତ ହେବା କାରଣରୁ ଆମେରିକା ଗୁରୁତ୍ଵପୂର୍ଣ୍ଣ ଉପାୟ କରିବା ଆରମ୍ଭ କରିଛି | ହଙ୍ଗକଙ୍ଗକୁ ରପ୍ତାନୀ କରାଯାଉଥିବା ପ୍ରତିରକ୍ଷା ଉପକରଣ ଏବଂ ଉଚ୍ଚ ଜ୍ଞାନକୌଶଳ ସମ୍ଵନ୍ଧୀୟ ଉତ୍ପାଦକୁ ଆମେରିକା ବନ୍ଦ କରିଦେଇଛି | ଏହା ସହିତ ଆମେରିକା ଚୀନର କମ୍ୟୁନିଷ୍ଟ ପାର୍ଟିର ଅଧିକାରୀମାନଙ୍କୁ ବିଜା ନିୟନ୍ତ୍ରଣ ଲାଗୁ କରିବାକୁ ମଧ୍ୟ ନିର୍ଣ୍ଣୟ ନେଇଛି | ଚୀନ କହିଛି ଯେ ଆମେ କୌଣସି ଧମକକୁ ଗୁରୁତ୍ଵ ଦେଉନା କିମ୍ଵା ଆମେରିକାର କୌଣସି ବି ପ୍ରତିବନ୍ଧ ଏଠାରେ ସଫଳ ହେବ ନାହିଁ | ୟୁରୋପୀୟ ସଂଘ ପରିଷଦର ଅଧ୍ୟକ୍ଷ ଚାର୍ଲସ ମାଇକେଲ ଏହି ଆଇନ ପାଇଁ ଚୀନକୁ ନିନ୍ଦା କରିଛନ୍ତି |
ବର୍ତ୍ତମାନ ଦେଖାଦେଇଥିବା ବିଶ୍ଵ ସ୍ତରୀୟ ମହାମାରୀ ସତ୍ତ୍ଵେ ଚୀନର ଆକ୍ରମଣାତ୍ମକ ବ୍ୟବହାର କେବଳ ଚରମ ସୀମାରେ ପହଞ୍ଚି ନାହିଁ ବରଂ ତାଇଵାନ, ଦକ୍ଷିଣ ଚୀନ ସାଗର, ପୂର୍ବ ଚୀନ ସାଗର ଏବଂ ହିମାଳୟ ସୀମାଗୁଡିକ ସମେତ ଅନ୍ୟ ଗୁରୁତ୍ଵପୂର୍ଣ୍ଣ ସ୍ଥାନ ଗୁଡିକରେ ମଧ୍ୟ ରହିଛି |
ଚୀନ ଜି-7 ରାଷ୍ଟ୍ର ସମୁହରେ ଭାରତ, ରୁଷ ଏବଂ ଦକ୍ଷିଣ କୋରିଆକୁ ସ୍ଥାନ ଦେବା ପାଇଁ ଆମେରିକା ଚାହିଁଥିବା ବିଷୟକୁ ମଧ୍ୟ ଅଣଦେଖା କରିଛି | ଜି-7 ସମୁହରେ ଚୀନକୁ ଏକଘରିକିଆ କରରିବା ପାଇଁ ଆମେରିକା ପୁରା ଯୋଜନା କରିସାରିଛି |
ଆଲେଖ୍ୟ : ଡକ୍ଟର ତିତଲି ବସୁ
Comments
Post a Comment