କୃଷି କ୍ଷେତ୍ରରେ ଆତ୍ମନିର୍ଭରଶୀଳ ହେବାପାଇଁ ଅଭିନବତା ଉପରେ ଜୋର ଦେଲେ ପ୍ରଧାନମନ୍ତ୍ରୀ

କୃଷି କ୍ଷେତ୍ର ହେଉଛି ଭାରତୀୟ ଅର୍ଥବ୍ୟବସ୍ଥାର ମୂଳ ଆଧାର | ଭାରତୀୟ କୃଷକ ମାନେ ଭାରତକୁ ଖାଦ୍ୟ ସମ୍ପର୍ଣ୍ଣ କରିଛନ୍ତି | ଏହାହିଁ ହେଉଛି ମୁଖ୍ୟ କାରଣ ଯେଉଁଥିପାଇଁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା ଅଧୀନରେ ନଭେମ୍ବର 2020 ପର୍ଯ୍ୟନ୍ତ 80 କୋଟି ଭାରତୀୟଙ୍କୁ ମାଗଣାରେ ରାସନ ଯୋଗାଇ ଦିଆଯାଉଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସ ଜରିଆରେ ଭାରତରେ କୃଷି ଗବେଷଣା, ସମ୍ପ୍ରସାରଣ ଓ ଶିକ୍ଷା କ୍ଷେତ୍ରରେ କେତେ କଣ ପ୍ରଗତି ଘଟିଛି ସେ ନେଇ ସମୀକ୍ଷା କରିଛନ୍ତି |

ଭାରତୀୟ କୃଷି ଗବେଷଣା ପରିଷଦ ମହାନିର୍ଦ୍ଦେଶକ ଡଃ ତ୍ରିଲୋଚନ ମହାପାତ୍ର ବିଭିନ୍ନ ଚାଲେଞ୍ଜର ମୁକାବିଲା କରିବା ଲାଗି ପ୍ରାଥମିକତା, ପ୍ରଦର୍ଶନ ତଥା ପ୍ରସ୍ତୁତି ବିଷୟ ଉପସ୍ଥାପନା କରିଥିଲେ | 2014 ପରଠୁ ଆଇସିଏଆରର ବିଭିନ୍ନ କେନ୍ଦ୍ରର ଗବେଷଣାକୁ ଆଧାର କରି ନୂତନ କିସମର ଫସଲ (1434), ଉଦ୍ୟାନ କୃଷି ଫସଲ (462) ଓ ଜଳବାୟୁ ପ୍ରତିରୋଧକ କିସମ (1121)ର ବିକଶିତ କରାଯାଇଛି | ସବୁ ରୋଗକୁ ପ୍ରତିରୋଧ କରିପାରିବା ଭଳି ବିଭିନ୍ନ କିସମର ବିକଶିତ କରିବା ଲାଗି ଆଧୁନିକ ପଦ୍ଧତି ଅନୁକରଣ କରାଯାଇଛି | ଗହମ ଓ ଟମାଟୋର ଏଚଡ଼ି 3226ର ଯଥାକ୍ରମେ ସାତୋଟି ଓ ଚାରୋଟି ରୋଗ ପ୍ରତିରୋଧ କରିବାର କ୍ଷମତା ରହିଛି |

ଆର୍କବିଶେଶ, ଆର୍କଆଲେସା ଓ ଆର୍କୟୋଜି ଭଳି ପ୍ରକ୍ରିୟାକରଣ ଗୁଣ ସହ ବ୍ୟବସାୟିକ ପ୍ରକ୍ରିୟାକରଣ ଯାଞ୍ଚର ଆବଶ୍ୟକତା ପୂରଣ ଲାଗି ବିକାଶ କରାଯାଇଛି | ପ୍ରଧାନମନ୍ତ୍ରୀ, କୃଷକ ମାନଙ୍କୁ ଲାଭାନ୍ଵିତ କରିବା ଲାଗି ନିଶ୍ଚିତ କରିବା ନିମନ୍ତେ କୃଷି-ଜଳବାୟୁ ପରିବେଶର ନିର୍ଦ୍ଧିଷ୍ଟ ଆବଶ୍ୟକତା ଉପରେ ପ୍ରାଧାନ୍ଯ ଦେଇ ବିଭିନ୍ନ କିସମର ବିକାଶ ଦିଗରେ କରାଯାଉଥିବା ପ୍ରୟାସର ଉଚ୍ଚ ପ୍ରଶଂସା କରିଛନ୍ତି | 

ଉତ୍ତରପ୍ରଦେଶରେ କରନ -4 ନାମକ ଏକ ନୂଆଁ କିସମର ଆଖୁ ଚାଷ ପାରମ୍ପରିକ ଭାବେ ଚାଷ କରାଯାଉଥିବା ଆଖୁର ସ୍ଥାନରେ ଚାଷ କରାଯାଉଛି | ଶ୍ରୀ ମୋଦୀ, ଆଖୁ ଏବଂ ଅନ୍ୟାନ୍ୟ ଫସଲରୁ ବାଇଓ-ଇଥାନଲ ଉତ୍ପାଦନ ବୃଦ୍ଧି ଲାଗି ବାଟ ବାହାର କରିବା ଉପରେ ଜୋର ଦେଇଛନ୍ତି | 

‘କୁପୋଷ ମୁକ୍ତ ଭାରତ’ ଅଭିଯାନକୁ ପ୍ରୋତ୍ସାହାନ କରିବା ପାଇଁ ଆଇରନ, ଜିଙ୍କ ଏବଂ ପ୍ରୋଟିନ ସହିତ 70 ଟି ବାଇଓ ଯୁକ୍ତ କିସମର ବିକାଶ କରାଯାଇଛି | କୃଷି ବିଜ୍ଞାନ କେନ୍ଦ୍ର ଜରିଆରେ ପୋଷଣ ଥାଳି ଓ ନ୍ୟୁଟ୍ରିଆ ଗାର୍ଡେନର ବିକାଶ ଲାଗି ପ୍ରୋତ୍ସାହିତ କରାଯାଉଛି |ମଧ୍ୟପ୍ରଦେଶର ଛତିଶଗଡରେ 76ଟି କୃଷି ବିଜ୍ଞାନ କେନ୍ଦ୍ର ଓ 450ଟି ମଡେଲ ଫାର୍ମ ସହ ପାଇଲଟ ପ୍ରକଳ୍ପ ଗୁଡିକ କରାଯାଇଥିଲା | ସନ୍ତୁଳିତ ଆହାର ନିଶ୍ଚିତ କରିବା ଲାଗି ନ୍ୟୁଟ୍ରିଆ ଗାର୍ଡେନର ବିକଶିତ କରିବା ପାଇଁ ଅଙ୍ଗେନବାଡି କର୍ମୀ ଓ ଗ୍ରାମାଞ୍ଚଳର ମହିଳା ମାନଙ୍କୁ ପ୍ରଶିକ୍ଷଣ ଦିଆଯାଉଛି | ପୋଷଣ ଥାଳିରେ ଚାଉଳ, ଡାଲି,ଋତୁ ଜନିତ ଫଳ, ସବୁଜ ପନିପରିବା, କନ୍ଦ ଆଳୁ , ଅନ୍ୟାନ୍ୟ ପନିପରିବା, କ୍ଷୀର, ଗୁଡ, ଚିନୀ ଓ ତେଲ ଭଳି ସାମଗ୍ରୀ ରହିଥାଏ | 2022 ସୁଦ୍ଧା 100ଟି ନ୍ୟୁଟ୍ରି ସ୍ମାର୍ଟ ଗାଁ ପ୍ରତିଷ୍ଠା କରାଯିବାଲାଗି ଯୋଜନା ରହିଛି |.

ପ୍ରଧାନମନ୍ତ୍ରୀ ଏକ କ୍ଲଷ୍ଟର ଭିତ୍ତିକ ଶୈଳୀରେ ଜୈବିକ ଓ ପ୍ରାକୃତିକ କୃଷି ପ୍ରଣାଳୀର ଆବଶ୍ୟକତା ଉପରେ ପ୍ରାଧାନ୍ଯ ଦେଇଛନ୍ତି | ଆଇସିଏଆର ଭାରତର ଏକ ଜିଓ ଯୁକ୍ତ ଜୈବିକ କାର୍ବନ ମ୍ୟାପ ବିକଶିତ କରି 88 ଟି ବାଇଓ ନିୟନ୍ତ୍ରଣ ଏଜେଣ୍ଟ ଓ 22 ଟି ଜୈବ କୀଟନାଶକ ଚିହ୍ନଟ କରିଛି ଯାହାକି ଜୈବିକ କୃଷିକୁ ପ୍ରୋତ୍ସାହିତ କରିବାରେ ସହାୟତା କରିବ |

କୃଷି ତଥା ତତ ସଙ୍କ୍ରାନ୍ତୀୟ କ୍ଷେତ୍ରରେ ଅଭିନବତା ଓ ପ୍ରଯୁକ୍ତିବିଦ୍ୟାର ବ୍ୟବହାର ନିଶ୍ଚିତ କରିବା ଲାଗି ଷ୍ଟାର୍ଟ ଅପ ଏବଂ କୃଷି ଉଦ୍ୟୋଗକୁ ପ୍ରୋତ୍ସାହିତ କରାଯିବା ଉଚିତ ବୋଲି ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି | କୃଷକ ମାନଙ୍କୁ ଚାହିଦା ଅନୁଯାୟୀ ସୂଚନା ପ୍ରଦାନ ଲାଗି ସୂଚନା ପ୍ରଯୁକ୍ତିବିଦ୍ୟାଊ ବିନିଯୋଗ କରିବାର ଆବଶ୍ୟକତା ଉପରେ ସେ ଜୋର ଦେଇଛନ୍ତି |

କୃଷି କ୍ଷେତ୍ରରେ କଠିଣ ପରିଶ୍ରମର ଆବଶ୍ୟକତା ଥାଏ ଓ ଏହି କ୍ଷେତ୍ରରେ ଅଧିକାଂଶ ମହିଳା କାମ କରିଥାନ୍ତି ତେଣୁ ଏହି କ୍ଷେତ୍ରରେ ଚିହ୍ନଟ ହୋଇଥିବା ସମସ୍ୟାର ସମାଧାନ ତଥା ତଦନୁଯାୟୀ ଯନ୍ତ୍ରପାତି ଓ ଉପକରଣର ଆବଶ୍ୟକତା ପୂରଣ ଲାଗି ବର୍ଷକୁ ଦୁଇଥର ‘ହାକାଥନ’ର ଆୟୋଜନ କରିବା ଲାଗି ସେ ନିର୍ଦ୍ଦେଶ ଦେଇଛନ୍ତି|ଜଳ ବ୍ୟବହାର ଦକ୍ଷତା ବୃଦ୍ଧି ଲାଗି ଶ୍ରୀ ମୋଦୀ ସଚେତନତା କାର୍ଯ୍ୟକ୍ରମ କରିବା ଲାଗି ମଧ୍ୟ କହିଛନ୍ତି |

ଗ୍ରାମୀଣ ଇଲାକାର ରୂପାନ୍ତରଣ କରିବା ପାଇଁ ଭାରତୀୟ ସମୁଦାୟର ପାରମ୍ପରିକ ଜ୍ଞାନ ସହ ପ୍ରଯୁକ୍ତି ବିଦ୍ୟା ଓ କୌଶଳର ସମ୍ମିଶ୍ରଣରେ ଭାରତୀୟ କୃଷିକୁ ପୂର୍ଣ୍ଣ ସକ୍ଷମ କରିବା ଉଚିତ ବୋଲି ପ୍ରଧାନମନ୍ତ୍ରୀ କହିଛନ୍ତି | 

ପ୍ରଧାନମନ୍ତ୍ରୀ ମଧ୍ୟ ସର୍ବଶ୍ରେଷ୍ଠ ଇଣ୍ଡିଆନ ଆପ୍ସ ଚିହ୍ନଟ ଲାଗି ‘ଆତ୍ମନିର୍ଭର ଭାରତ’ ଅଭିନବତା ଚାଲେଞ୍ଜ ଆରମ୍ଭ କରିଛନ୍ତି | ଯାହାକି ନାଗରିକ ମାନଙ୍କ ଦ୍ଵାରା ବ୍ୟବହାର କରାଯାଉଛି ଓ ତତ ସଙ୍କ୍ରାନ୍ତୀୟ ବର୍ଗରେ ବିଶ୍ଵ ସ୍ତରୀୟ ଆପ୍ଲିକେସନ ହେବାର କ୍ଷମତା ରହିଛି | ବୈଷୟିକ ସମୁଦାୟରେ ଯୋଗଦାନ ଲାଗି ସମସ୍ତଙ୍କୁ ନିବେଦନ କରୁଛି ବୋଲି ପ୍ରଧାନମନ୍ତ୍ରୀ ଜଣାଇଛନ୍ତି |

ପ୍ରଧାନମନ୍ତ୍ରୀ ଭାରତରେ ବିଭିନ୍ନ ପଦ୍ଧତି ଓ ଇକୋ ସିଷ୍ଟମ ତଥା ଯୁବପିଢୀ ସବୁ କ୍ଷେତ୍ରରେ କିପରି ଉତ୍କର୍ଷତା ପ୍ରଦର୍ଶନ କରିବେ ସେ ନେଇ ଆଲୋକପାତ କରିଛନ୍ତି | ସେ କହିଛନ୍ତି ଦେଶ ଏକ ଆତ୍ମନିର୍ଭର ଭାରତ ଗଠନ କରିବା ଦିଗରେ ଆଗେଇଥିବା ବେଳେ ଅଭିନବତା, ବିକାଶ ଓ ଦେଶୀୟ ଆପ୍ସର ବିକାଶକୁ ପ୍ରୋତ୍ସାହନ କରିବା ଲାଗି ଷ୍ଟାର୍ଟ ଅପ ଓ ଟେକ ଇକୋ ସିଷ୍ଟମ ଉତ୍ସାହିତ ଅଛନ୍ତି | ବର୍ତ୍ତମାନ ଦେଶୀୟ ଆପ୍ସର ବିକାଶ ଲାଗି ଏକ ଉତ୍ତମ ସୁଯୋଗର ଅବସର ମିଳିଛି ଯାହାକି ଆମ ବଜାର ଚାହିଦା ପୂରଣ କରିବା ସହ ବିଶ୍ଵ ସ୍ତରରେ ପ୍ରତିଦ୍ୱନ୍ଦିତା କରିପାରିବ |

ମୂଳଲେଖା : ପଦମ ସିଂ, ଆକାଶବାଣୀ ସମ୍ବାଦ ବିଶ୍ଳେଷକ