ଆମେରିକାର ପୂର୍ବତନ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା (ଏନ.ଏସ.ଏ) ଜନ ବୋଲଟନ କହିଛନ୍ତି ଏକବିଂଶ ଶତାବ୍ଦିରେ ଭାରତ ଆମେରିକା ମଧ୍ୟରେ ସଂପର୍କ ଆମେରିକା ପାଇଁ ସବୁଠୁ ଗୁରୁତ୍ଵପୂର୍ଣ୍ଣ ହେବ | ସେ ଏକଥା ମଧ୍ୟ କହିଛନ୍ତି ଯେ ଆମେରିକା ଦୃଷ୍ଟିକୋଣରୁ ଚୀନ ସହ ସଂପର୍କ ଏକ ଚ୍ୟାଲେଞ୍ଜ ଭାବେ ରହିଛି | ସାମରିକ କ୍ଷେତ୍ରରେ ଭାରତ ଆମେରିକା ମଧ୍ୟରେ ସଂପର୍କ ଚଳିତ ଶତାବ୍ଦିରେ ଆମେରିକା ପାଇଁ ସବୁଠୁ ଗୁରୁତ୍ଵପୂର୍ଣ୍ଣ ହେବାକୁ ଯାଉଛି | ଆମେରିକା ପାଇଁ ଚୀନ ଏକବିଂଶ ଶତାବ୍ଦିରେ ଏକ ବିପଦ ହୋଇ ରହିବ | ବିଶ୍ଵ ଦୃଶ୍ୟପଟ୍ଟରେ ଭାରତ ମୁଖ୍ୟ ଭୂମିକାରେ ରହିବ ବୋଲି ଶ୍ରୀ ବୋଲଟନ କହିଛନ୍ତି |
ଦୁଇଟି ବୃହତ୍ତ ଗଣତାନ୍ତ୍ରୀକ ରାଷ୍ଟ୍ର ମଧ୍ୟରେ ଥିବା ଅଧିକାଂଶ ମୂଲ୍ୟବୋଧ ଏବଂ ଐତିହ୍ୟର ଅବତାରଣା କରି ଶ୍ରୀ ବୋଲଟନ କହିଛନ୍ତି ଯେ ଆମେରିକାରେ ବିସ୍ଵର ସବୁ ଦେଶର ଲୋକ ଆସି ରହିଥିବାବେଳେ ଭାରତ ପ୍ରତି ଧ୍ୟାନ ଅଧିକ ବୃଦ୍ଧି ପାଇବ |
ଆମେରିକା ଏବଂ ଭାରତ ମଧ୍ୟରେ ଏମିତି ଅନେକ ପ୍ରସଙ୍ଗ ଅଛି ଯାହା ଉପରେ ଆଲୋଚନାର ଆବଶ୍ୟକତା ରହିଛି ଏବଂ ଭୂରାଜନୈତିକ ଦୃଷ୍ଟିରୁ ଏହାର ଗୁରୁତ୍ଵ ରହିଥିବା ଶ୍ରୀ ବୋଲଟନ କହିଛନ୍ତି | ପୂର୍ବ ଲଦାଖରେ ଭାରତ ଏବଂ ଚୀନ ମଧ୍ୟରେ ଦେଖାଦେଇଥିବା ବିବାଦ ଉପରେ ବୋଲଟନ କହିଛନ୍ତି ଚୀନର ଏପରି ବ୍ୟବହାର ଆମେରିକାକୁ ବିବ୍ରତ କରୁଛି ଏବଂ ଚୀନର ଚତୁର୍ପାଶ୍ଵରେ ଥିବା ଦେଶର ନାଗରୀକମାନଙ୍କୁ ମଧ୍ୟ ଏହା ବ୍ୟତିବ୍ୟସ୍ତ କରୁଛି |
ସେ ଆହୁରି ମଧ୍ୟ କହିଛନ୍ତି ଯେ ଚୀନର ରହିଛି ବିଶ୍ଵର ସର୍ବବୃହତ୍ତ ସାଇବର ଯୁଦ୍ଧାସ୍ତ୍ର କାର୍ଯ୍ୟକ୍ରମ ତଥା ପ୍ରଶାନ୍ତ ମହାସାଗରରୁ ଆମେରିକାର ନୌବାହିନୀକୁ ହଟାଇବା ପାଇଁ ଆଣ୍ଟି ଆକ୍ସେସ ଅସ୍ତ୍ର ରହିଛି | ଭାରତର ସୀମା ଏବଂ ଅନ୍ୟ ଦେଶ ସହ ଥିବା ସୀମା ସଂଲଗ୍ନ କ୍ଷେତ୍ରରେ ଚୀନ ଏହାର ବାଲିଷ୍ଟିକ କ୍ଷେପଣାସ୍ତ୍ର ଏବଂ ପରମାଣୁ ଅସ୍ତ୍ରଶସ୍ତ୍ରର ସାମର୍ଥ୍ୟକୁ ବିସ୍ତାର କରୁଛି |
ଶ୍ରୀ ବୋଲଟନଙ୍କର ଏହା ମଧ୍ୟ ଧାରଣା ରହିଛି ଯେ ଗତ 30ରୁ 40 ବର୍ଷ ହେଲା ବିଶ୍ଵ ଚୀନ ସଂପର୍କରେ ଯେଉଁ ଭାବନା ରଖିଥିଲା ତାହା ବୁଲ ସାବ୍ୟସ୍ତ ହୋଇଛି | ଧାରଣା ଥିଲା ଯେ ଚୀନ ଏହାର ଅର୍ଥନୈତିକ ସ୍ଵାଧୀନତା ଏବଂ ଅଭିବୃଦ୍ଧି ଆନ୍ତର୍ଜାତୀକ ଅର୍ଥନୀତି ଆଇନ ଅନୁଯାୟୀ କରିବ ତାହା ମଧ୍ୟ ଭୁଲ ସାବ୍ୟସ୍ତ ହୋଇଛି |
ଆମେରିକା ଭାବୁଥିଲା ଚୀନ ଗ୍ରାମାଞ୍ଚଳ ଠାରୁ ଆରମ୍ଭ କରି ପ୍ରାଦେଶିକ ଏବଂ ଜାତୀୟ ସ୍ତରରେ ନିର୍ବାଚନ ମାଧ୍ୟମରେ ଅଧିକ ସମୃଦ୍ଧ ହେବ କିନ୍ତୁ ତାହା ମଧ୍ୟ ମିଥ୍ୟା ପ୍ରମାଣିତ ହୋଇଛି | ଏସବୁ ଦୃଷ୍ଟିରୁ ଚୀନ ପରିପ୍ରେକ୍ଷୀରେ ନୀତିକୁ ସମୀକ୍ଷା କରାଯିବାର ଆବଶ୍ୟକତା ଥିବା ଶ୍ରୀ ବୋଲଟନ କହିଛନ୍ତି |
ଶ୍ରୀ ବୋଲଟନ କହିଛନ୍ତି ମାଓସେ ତୁଙ୍ଗଙ୍କ ପରେ ସି ଜିନପିଙ୍ଗ ଚୀନର ସବୁଠୁ କ୍ଷମତାଶାଳି ନେତା କିନ୍ତୁ ପ୍ରତିନିଧି ସ୍ତରୀୟ ସରକାରର କୌଣସି ଲକ୍ଷଣ ତାଙ୍କ ପାଖରେ ନାହିଁ | ସେ କହିଛନ୍ତି ଜିନପିଙ୍ଗଙ୍କୁ ଚିହ୍ନିବା କଷ୍ଟକର ବିସ୍ଵ ବ୍ୟାପାରରେ ଚୀନ ଆଦୌ ଦାୟିତ୍ଵଶୀଳ ନୁହେଁ କିମ୍ଵା ତାଠାରୁ ଶାନ୍ତିର ଆଶା କରାଯାଇ ପାରିବ ନାହିଁ | ଦକ୍ଷିଣ ଚୀନ ସାଗର ଉପରେ ଚୀନ ନିଜର ଆଧିପତ୍ୟ ବିସ୍ତାର କରିଛି ଏବଂ ଏଠାରେ ସାମରିକ ଘାଟି ସ୍ଥାପନ କରିଛି |
କୋଭିଡ-19 ସଂକ୍ରମଣ ଉପରେ ତଥ୍ୟ ଲୁଚାଇବା ଏବଂ ବିଶ୍ଵକୁ ଅବଗତ ନକରାଇବା ପାଇଁ ବୋଲଟନ ଚୀନକୁ ଦୋଷାରୋପ କରିଛନ୍ତି | କୋଭିଡର ପ୍ରଭାବ ଚୀନ ମଧ୍ୟରେ କେତେ ରହିଛି ତାହା ମଧ୍ୟ କାହାକୁ ଜଣା ନାହିଁ | ଏହି ମହାମାରୀ ଆମେରିକା, ୟୁରୋପ, ଲାଟିନ ଆମେରିକା, ଭାରତ ଏବଂ ଅନ୍ୟାନ୍ୟ ଦେଶରେ ପ୍ରବଳ ମାତ୍ରାରେ କାୟା ବିସ୍ତାର କରୁଥିବାବେଳେ ଚୀନରେ ଏହି ଭାଇରସକୁ ସଂପୂର୍ଣ୍ଣ ନିୟନ୍ତ୍ରଣ କରାଯାଇଛି ଯାହାକି ବିଶ୍ଵାସଯୋଗ୍ୟ ନୁହେଁ | କୋରନାର ପ୍ରଭାବ ଚୀନର ଅର୍ଥନୀତି ଉପରେ କିପରି ପଡିଛି ତାହା ମଧ୍ୟ କେହି ଜାଣିପାରୁନାହାନ୍ତି ବୋଲି ଶ୍ରୀ ବୋଲଟନ କହିଛନ୍ତି |
ବୋଲଟନଙ୍କ ମତରେ କୋଭିଡ ମହାମାରୀ ଚୀନରୁ ଉତ୍ପନ୍ନ ହୋଇଛି ଏବଂ ବିଶ୍ଵରେ ଜୈବିକ ଅସ୍ତ୍ର ପ୍ରସାର କରିବା ଉଦ୍ଧେଶ୍ୟରେ ଚୀନ ଗବେଷଣାରେ ନିମଗ୍ନ ରହିଥିବା ନେଇ ମନରେ ପ୍ରଶ୍ନ ଆସୁଛି | ଏଣୁ ବିଶେଷଜ୍ଞମାନେ ଚୀନର ଏହି ଉତ୍ପତ୍ତି କ୍ଷେତ୍ରକୁ ଅନ୍ଵଷଣ କରିବା ଦରକାର |
ଶ୍ରୀ ବୋଲଟନ ଏହା ମଧ୍ୟ କହିଛନ୍ତି ଯେ ହୁଆଇ ଏବଂ ଜେଡଟିଇ ବାଣିଜ୍ୟିକ ପ୍ରତିଷ୍ଠାନ ନୁହେଁ ବରଂ ଏହା ଚୀନର ଯୁଦ୍ଧାସ୍ତ୍ର ବୋଲି କୁହାଯାଇ ପାରେ | ଏହା ମାଧ୍ୟମରେ ଚୀନ ବିଶ୍ଵର ଆର୍ଥିକ କ୍ଷେତ୍ରକୁ ନିୟନ୍ତ୍ରଣ କରିବାକୁ ଚାହେଁ ବୋଲି ସେ କହିଛନ୍ତି |
ଆଲେଖ୍ୟ: ସିଦ୍ଧାର୍ଥ ରାଇ
ଦୁଇଟି ବୃହତ୍ତ ଗଣତାନ୍ତ୍ରୀକ ରାଷ୍ଟ୍ର ମଧ୍ୟରେ ଥିବା ଅଧିକାଂଶ ମୂଲ୍ୟବୋଧ ଏବଂ ଐତିହ୍ୟର ଅବତାରଣା କରି ଶ୍ରୀ ବୋଲଟନ କହିଛନ୍ତି ଯେ ଆମେରିକାରେ ବିସ୍ଵର ସବୁ ଦେଶର ଲୋକ ଆସି ରହିଥିବାବେଳେ ଭାରତ ପ୍ରତି ଧ୍ୟାନ ଅଧିକ ବୃଦ୍ଧି ପାଇବ |
ଆମେରିକା ଏବଂ ଭାରତ ମଧ୍ୟରେ ଏମିତି ଅନେକ ପ୍ରସଙ୍ଗ ଅଛି ଯାହା ଉପରେ ଆଲୋଚନାର ଆବଶ୍ୟକତା ରହିଛି ଏବଂ ଭୂରାଜନୈତିକ ଦୃଷ୍ଟିରୁ ଏହାର ଗୁରୁତ୍ଵ ରହିଥିବା ଶ୍ରୀ ବୋଲଟନ କହିଛନ୍ତି | ପୂର୍ବ ଲଦାଖରେ ଭାରତ ଏବଂ ଚୀନ ମଧ୍ୟରେ ଦେଖାଦେଇଥିବା ବିବାଦ ଉପରେ ବୋଲଟନ କହିଛନ୍ତି ଚୀନର ଏପରି ବ୍ୟବହାର ଆମେରିକାକୁ ବିବ୍ରତ କରୁଛି ଏବଂ ଚୀନର ଚତୁର୍ପାଶ୍ଵରେ ଥିବା ଦେଶର ନାଗରୀକମାନଙ୍କୁ ମଧ୍ୟ ଏହା ବ୍ୟତିବ୍ୟସ୍ତ କରୁଛି |
ସେ ଆହୁରି ମଧ୍ୟ କହିଛନ୍ତି ଯେ ଚୀନର ରହିଛି ବିଶ୍ଵର ସର୍ବବୃହତ୍ତ ସାଇବର ଯୁଦ୍ଧାସ୍ତ୍ର କାର୍ଯ୍ୟକ୍ରମ ତଥା ପ୍ରଶାନ୍ତ ମହାସାଗରରୁ ଆମେରିକାର ନୌବାହିନୀକୁ ହଟାଇବା ପାଇଁ ଆଣ୍ଟି ଆକ୍ସେସ ଅସ୍ତ୍ର ରହିଛି | ଭାରତର ସୀମା ଏବଂ ଅନ୍ୟ ଦେଶ ସହ ଥିବା ସୀମା ସଂଲଗ୍ନ କ୍ଷେତ୍ରରେ ଚୀନ ଏହାର ବାଲିଷ୍ଟିକ କ୍ଷେପଣାସ୍ତ୍ର ଏବଂ ପରମାଣୁ ଅସ୍ତ୍ରଶସ୍ତ୍ରର ସାମର୍ଥ୍ୟକୁ ବିସ୍ତାର କରୁଛି |
ଶ୍ରୀ ବୋଲଟନଙ୍କର ଏହା ମଧ୍ୟ ଧାରଣା ରହିଛି ଯେ ଗତ 30ରୁ 40 ବର୍ଷ ହେଲା ବିଶ୍ଵ ଚୀନ ସଂପର୍କରେ ଯେଉଁ ଭାବନା ରଖିଥିଲା ତାହା ବୁଲ ସାବ୍ୟସ୍ତ ହୋଇଛି | ଧାରଣା ଥିଲା ଯେ ଚୀନ ଏହାର ଅର୍ଥନୈତିକ ସ୍ଵାଧୀନତା ଏବଂ ଅଭିବୃଦ୍ଧି ଆନ୍ତର୍ଜାତୀକ ଅର୍ଥନୀତି ଆଇନ ଅନୁଯାୟୀ କରିବ ତାହା ମଧ୍ୟ ଭୁଲ ସାବ୍ୟସ୍ତ ହୋଇଛି |
ଆମେରିକା ଭାବୁଥିଲା ଚୀନ ଗ୍ରାମାଞ୍ଚଳ ଠାରୁ ଆରମ୍ଭ କରି ପ୍ରାଦେଶିକ ଏବଂ ଜାତୀୟ ସ୍ତରରେ ନିର୍ବାଚନ ମାଧ୍ୟମରେ ଅଧିକ ସମୃଦ୍ଧ ହେବ କିନ୍ତୁ ତାହା ମଧ୍ୟ ମିଥ୍ୟା ପ୍ରମାଣିତ ହୋଇଛି | ଏସବୁ ଦୃଷ୍ଟିରୁ ଚୀନ ପରିପ୍ରେକ୍ଷୀରେ ନୀତିକୁ ସମୀକ୍ଷା କରାଯିବାର ଆବଶ୍ୟକତା ଥିବା ଶ୍ରୀ ବୋଲଟନ କହିଛନ୍ତି |
ଶ୍ରୀ ବୋଲଟନ କହିଛନ୍ତି ମାଓସେ ତୁଙ୍ଗଙ୍କ ପରେ ସି ଜିନପିଙ୍ଗ ଚୀନର ସବୁଠୁ କ୍ଷମତାଶାଳି ନେତା କିନ୍ତୁ ପ୍ରତିନିଧି ସ୍ତରୀୟ ସରକାରର କୌଣସି ଲକ୍ଷଣ ତାଙ୍କ ପାଖରେ ନାହିଁ | ସେ କହିଛନ୍ତି ଜିନପିଙ୍ଗଙ୍କୁ ଚିହ୍ନିବା କଷ୍ଟକର ବିସ୍ଵ ବ୍ୟାପାରରେ ଚୀନ ଆଦୌ ଦାୟିତ୍ଵଶୀଳ ନୁହେଁ କିମ୍ଵା ତାଠାରୁ ଶାନ୍ତିର ଆଶା କରାଯାଇ ପାରିବ ନାହିଁ | ଦକ୍ଷିଣ ଚୀନ ସାଗର ଉପରେ ଚୀନ ନିଜର ଆଧିପତ୍ୟ ବିସ୍ତାର କରିଛି ଏବଂ ଏଠାରେ ସାମରିକ ଘାଟି ସ୍ଥାପନ କରିଛି |
କୋଭିଡ-19 ସଂକ୍ରମଣ ଉପରେ ତଥ୍ୟ ଲୁଚାଇବା ଏବଂ ବିଶ୍ଵକୁ ଅବଗତ ନକରାଇବା ପାଇଁ ବୋଲଟନ ଚୀନକୁ ଦୋଷାରୋପ କରିଛନ୍ତି | କୋଭିଡର ପ୍ରଭାବ ଚୀନ ମଧ୍ୟରେ କେତେ ରହିଛି ତାହା ମଧ୍ୟ କାହାକୁ ଜଣା ନାହିଁ | ଏହି ମହାମାରୀ ଆମେରିକା, ୟୁରୋପ, ଲାଟିନ ଆମେରିକା, ଭାରତ ଏବଂ ଅନ୍ୟାନ୍ୟ ଦେଶରେ ପ୍ରବଳ ମାତ୍ରାରେ କାୟା ବିସ୍ତାର କରୁଥିବାବେଳେ ଚୀନରେ ଏହି ଭାଇରସକୁ ସଂପୂର୍ଣ୍ଣ ନିୟନ୍ତ୍ରଣ କରାଯାଇଛି ଯାହାକି ବିଶ୍ଵାସଯୋଗ୍ୟ ନୁହେଁ | କୋରନାର ପ୍ରଭାବ ଚୀନର ଅର୍ଥନୀତି ଉପରେ କିପରି ପଡିଛି ତାହା ମଧ୍ୟ କେହି ଜାଣିପାରୁନାହାନ୍ତି ବୋଲି ଶ୍ରୀ ବୋଲଟନ କହିଛନ୍ତି |
ବୋଲଟନଙ୍କ ମତରେ କୋଭିଡ ମହାମାରୀ ଚୀନରୁ ଉତ୍ପନ୍ନ ହୋଇଛି ଏବଂ ବିଶ୍ଵରେ ଜୈବିକ ଅସ୍ତ୍ର ପ୍ରସାର କରିବା ଉଦ୍ଧେଶ୍ୟରେ ଚୀନ ଗବେଷଣାରେ ନିମଗ୍ନ ରହିଥିବା ନେଇ ମନରେ ପ୍ରଶ୍ନ ଆସୁଛି | ଏଣୁ ବିଶେଷଜ୍ଞମାନେ ଚୀନର ଏହି ଉତ୍ପତ୍ତି କ୍ଷେତ୍ରକୁ ଅନ୍ଵଷଣ କରିବା ଦରକାର |
ଶ୍ରୀ ବୋଲଟନ ଏହା ମଧ୍ୟ କହିଛନ୍ତି ଯେ ହୁଆଇ ଏବଂ ଜେଡଟିଇ ବାଣିଜ୍ୟିକ ପ୍ରତିଷ୍ଠାନ ନୁହେଁ ବରଂ ଏହା ଚୀନର ଯୁଦ୍ଧାସ୍ତ୍ର ବୋଲି କୁହାଯାଇ ପାରେ | ଏହା ମାଧ୍ୟମରେ ଚୀନ ବିଶ୍ଵର ଆର୍ଥିକ କ୍ଷେତ୍ରକୁ ନିୟନ୍ତ୍ରଣ କରିବାକୁ ଚାହେଁ ବୋଲି ସେ କହିଛନ୍ତି |
ଆଲେଖ୍ୟ: ସିଦ୍ଧାର୍ଥ ରାଇ
Comments
Post a Comment