ପ୍ରତିରକ୍ଷା ମନ୍ତ୍ରୀଙ୍କ ରୁଷ ଗସ୍ତ

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଗତ ସପ୍ତାହରେ ମସ୍କୋ ଗସ୍ତରେ ଯାଇ ଶାଙ୍ଘାଇ ସହଯୋଗ ସଂଗଠନ (ଏସସିଓ)ର ପ୍ରତିରକ୍ଷା ମନ୍ତ୍ରୀ, ସାମୂହିକ ସୁରକ୍ଷା ଚୁକ୍ତି ସଂଗଠନ (ସିଏସିଟିଓ) ଏବଂ ସିଏସ୍ ସଦସ୍ୟଙ୍କ ମିଳିତ ବୈଠକରେ ଅଂଶଗ୍ରହଣ କରି ଦ୍ବିତୀୟ ବିଶ୍ବଯୁଦ୍ଧ ବିଜୟର 75 ତମ ବାର୍ଷପୂର୍ତ୍ତି ପାଳନ କରିଥିଲେ । ଏହି ଗସ୍ତ ସମୟରେ ସେ ରୁଷ ପ୍ରତିରକ୍ଷା ମନ୍ତ୍ରୀ ଜେନେରାଲ ସର୍ଗି ଶୋଏଗୁଙ୍କୁ ମଧ୍ୟ ଭେଟିଥିଲେ ।

କୋଭିଡ -19 ମହାମାରୀ ସମୟରେ ଗତ ସପ୍ତାହରେ ମସ୍କୋ ଗସ୍ତରେ ଏହା ପ୍ରତିରକ୍ଷା ମନ୍ତ୍ରୀଙ୍କ ଦ୍ୱିତୀୟ ଗସ୍ତ ଥିଲା, ଯାହା ଭାରତର ରଣନୀତିକ ସ୍ୱାର୍ଥକୁ ଦୃଢ଼ କରିବାରେ ପ୍ରତିରକ୍ଷା କୂଟନୀତିର ଗୁରୁତ୍ୱକୁ ଦର୍ଶାଉଛି । ଜୁନ୍ ମାସରେ, ଶ୍ରୀ ସିଂହ ଦ୍ୱିତୀୟ ବିଶ୍ୱଯୁଦ୍ଧର ସମାପ୍ତିକୁ ସ୍ମରଣ କରିବା ପାଇଁ ରୁଷର ବିଜୟ ଦିବସ ପରେଡରେ ଭାରତର ପ୍ରତିନିଧିତ୍ୱ କରିଥିଲେ । ଲକ୍ଷଲକ୍ଷ ଭାରତୀୟ ସୈନ୍ୟ ସୋଭିଏତ୍ ସେନାକୁ ସାହାଯ୍ୟ କରି ଯୁଦ୍ଧରେ ମିଳିତ ବିଜୟ ହାସଲ କରିଥିବା ସ୍ମୃତିରେ ତିନି ଭାରତୀୟ ସେନାର ଏକ ସାମରିକ ଦଳ ପ୍ୟାରେଡରେ ଭାଗନେଇଥିଲେ ।

ପ୍ରତିରକ୍ଷା ମନ୍ତ୍ରୀ ତାଙ୍କର ରୁଷୀୟ ପ୍ରତିପକ୍ଷଙ୍କ ସହ ଦ୍ୱିପାକ୍ଷିକ ବୈଠକରେ ଭାରତ ଏବଂ ରୁଷ ମଧ୍ୟରେ ପ୍ରତିରକ୍ଷା ତଥା ରଣନୈତିକ ସହଯୋଗକୁ କିପରି ଗଭୀର କରାଯିବ ସେନେଇ ବିଭିନ୍ନ ପ୍ରସଙ୍ଗ ଆଲୋଚନା କରିଛନ୍ତି । ଏହି ବୈଠକ 4-5 ସେପ୍ଟେମ୍ବର 2020ରେ ମାଲାକା ସାଗରରେ ଭାରତ ଏବଂ ରୁଷର ନୈାସେନା ଦ୍ବାରା କରାଯାଇଥିବା ଇନ୍ଦ୍ର ନୌବାହିନୀ ଅଭ୍ୟାସ ସହ ଏକ ସମୟରେ ଚାଲିଥିଲା । ଭାରତ ଶ୍ରୀ ସିଂହ ଦର୍ଶାଇଛନ୍ତି ଯେ ଏହି ଅଭ୍ୟାସ ଭାରତ ମହାସାଗରର ସାମୁଦ୍ରିକ ନିରାପତ୍ତାରେ ଭାରତ ଏବଂ ରୁଷର ସ୍ୱାର୍ଥର ସମ୍ମିଶ୍ରଣ ପ୍ରଦର୍ଶନ କରିଛି।

ଏକ ସହମତ ବିତରଣ କାର୍ଯ୍ୟସୂଚୀ ମଧ୍ୟରେ ନିର୍ଦ୍ଦିଷ୍ଟ ଅସ୍ତ୍ରଶସ୍ତ୍ର ପ୍ରଣାଳୀ କ୍ରୟ ପାଇଁ ଭାରତର ଅନୁରୋଧକୁ ରୁଷର ସମ୍ପୂର୍ଣ୍ଣ ସମର୍ଥନକୁ ପ୍ରତିରକ୍ଷା ମନ୍ତ୍ରୀ ପ୍ରଶଂସା କରିଛନ୍ତି । ଆତ୍ମନିର୍ଭର ଭାରତ ଦୃଷ୍ଟିକୋଣରେ “ମେକ୍ ଇନ୍ ଇଣ୍ଡିଆ” ପ୍ରତିରକ୍ଷା ଉତ୍ପାଦନ କାର୍ଯ୍ୟକ୍ରମରେ ରୁଷର ଅଂଶଗ୍ରହଣ ଭାରତରେ ପ୍ରସ୍ତାବିତ ମିଳିତ ଉଦ୍ୟୋଗ ପ୍ରକଳ୍ପରେ ପଦାତିକ ସୈନ୍ୟମାନଙ୍କ ପାଇଁ AK-203 ଆକ୍ରମଣକାରୀ ରାଇଫଲ ଉତ୍ପାଦନ ଏବଂ ରୁଷର ଏଥିରେ ଅଂଶଗ୍ରହଣ କରିବାକୁ ଆଲୋଚନା କରାଯାଇଛି । ଫେବୃଆରୀ 2021ରେ ଆୟୋଜିତ ହେବାକୁ ଥିବା ଏରୋ ଇଣ୍ଡିଆ ପ୍ରଦର୍ଶନୀରେ ଘୋଷଣା କରାଯିବା ସହ ସାମରିକ ଏବଂ ବୈଷୟିକ ସହଯୋଗ ପାଇଁ ଆନ୍ତଃସରକାରୀ ଆୟୋଗର ପରବର୍ତ୍ତୀ ବୈଠକ 2020 ଶେଷ ସୁଦ୍ଧା ଭାରତରେ ଅନୁଷ୍ଠିତ ହେବ ।

SCO ବୈଠକରେ ପ୍ରତିରକ୍ଷା ମନ୍ତ୍ରୀଙ୍କ ଅଂଶଗ୍ରହଣ ବିଶ୍ବ ସୁରକ୍ଷା ପାଇଁ ଭାରତର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଛି, ଯାହା ଖୋଲା, ସ୍ୱଚ୍ଛ, ମିଳିତ, ନିୟମ ଆଧାରିତ ଏବଂ ଆନ୍ତର୍ଜାତୀୟ ନିୟମ ପରିସରରେ ରହିବ । ଏହି ନିୟମ ଦେଶଗୁଡିକର ସାର୍ବଭୌମତ୍ୱକୁ ସମ୍ମାନ ଦେଉଛି ଏବଂ ଅନ୍ୟ ଦେଶ ଉପରେ ଏକପାଖିଆ ଆକ୍ରୋଶରୁ ନିବୃତ୍ତ ହେବାକୁ ରାଜ୍ୟମାନଙ୍କୁ ଉତ୍ସାହିତ କରୁଛି ।

ଶ୍ରୀ ସିଂହ ତାଙ୍କ ମନ୍ତବ୍ୟରେ ତିନୋଟି ନିର୍ଦ୍ଦିଷ୍ଟ ପ୍ରସଙ୍ଗ ଉପରେ ଆଲୋକପାତ କରିଥିଲେ । ଆଫଗାନିସ୍ତାନ ଏବଂ ପାରସ୍ୟ ଉପସାଗରରେ ପ୍ରତିରକ୍ଷା ମନ୍ତ୍ରୀ ଭାରତର ଗୁରୁତ୍ୱପୂର୍ଣ୍ଣ ସ୍ୱାର୍ଥ ଏବଂ ଏହି ଅଞ୍ଚଳ ସହିତ ସାଂସ୍କୃତିକ ସମ୍ପର୍କକୁ ସୂଚାଇ ଦେଇଥିବା ବେଳେ ପାରସ୍ପରିକ ସମ୍ମାନ, ସାର୍ବଭୌମତ୍ୱ ଏବଂ ଆଭ୍ୟନ୍ତରୀଣ କାର୍ଯ୍ୟରେ ହସ୍ତକ୍ଷେପ ନକରି ଆଲୋଚନା ମାଧ୍ୟମରେ ମତଭେଦ ସମାଧାନ କରିବାକୁ ଆହ୍ବାନ ଦେଇଛନ୍ତି । ଆତଙ୍କବାଦ ବିରୋଧୀ ତଥା ଡି-ରେଡିକାଲାଇଜେସନକୁ ପ୍ରତିହତ କରିବା ପାଇଁ ଆତଙ୍କବାଦ ବିରୋଧୀ ପଦକ୍ଷେପ ଗ୍ରହଣ କରିବା ସହିତ ଆତଙ୍କବାଦ ମୁକାବିଲା ପାଇଁ ସାଇବର ଡୋମେନରେ ସହଯୋଗ କରିବାକୁ ସେ ଏସସିଓ ପରିଷଦର ପଦକ୍ଷେପକୁ ସ୍ୱାଗତ କରିଛନ୍ତି । ପ୍ରତିରକ୍ଷା ମନ୍ତ୍ରୀ ମଧ୍ୟ ଉଜବେକିସ୍ତାନ, ତାଜିକିସ୍ତାନ ଏବଂ କାଜାଖସ୍ତାନର ପ୍ରତିପକ୍ଷଙ୍କ ସହ ଦ୍ୱିପାକ୍ଷିକ ବୈଠକ କରି ଭାରତର ନିକଟବର୍ତ୍ତୀ କ୍ଷେତ୍ରରେ ପାରସ୍ପରିକ ସହଯୋଗ ବିଷୟରେ ଆଲୋଚନା କରିଥିଲେ ।

ଏସସିଓ ବୈଠକ ଚୀନ୍‌ ରାଜ୍ୟ କାଉନସିଲର ତଥା ପ୍ରତିରକ୍ଷା ମନ୍ତ୍ରୀ ଏବଂ ଭାରତୀୟ ପ୍ରତିରକ୍ଷା ମନ୍ତ୍ରୀଙ୍କ ମଧ୍ୟରେ ଦ୍ୱିପାକ୍ଷିକ ବୈଠକର ସୁଯୋଗ ପ୍ରଦାନ କରିଥିଲା । ଦୁଇ ମନ୍ତ୍ରୀଙ୍କ ମଧ୍ୟରେ ଏକ ଖୋଲାଖୋଲି ଏବଂ ବିସ୍ତୃତ ଆଲୋଚନା ହୋଇଥିଲା ଯେଉଁଥିରେ ଶ୍ରୀ ସିଂହ ଗତ କିଛି ବର୍ଷ ମଧ୍ୟରେ ଭାରତ-ଚୀନ୍ ସୀମା ଅଞ୍ଚଳର ପଶ୍ଚିମ ଗଲୱାନ୍ ଉପତ୍ୟକା ସମେତ ବାସ୍ତବ ନିୟନ୍ତ୍ରଣ ରେଖା (LAC)ର ବିକାଶ ଉପରେ ଭାରତର ଆଭିମୁଖ୍ୟକୁ ସ୍ପଷ୍ଟ ଭାବରେ ଜଣାଇଥିଲେ । ସେ କହିଛନ୍ତି ଯେ ସୀମା ପରିଚାଳନା ଦିଗରେ ଭାରତୀୟ ସୈନ୍ୟମାନେ ସର୍ବଦା ଏକ ଦାୟିତ୍ବପୂର୍ଣ୍ଣ ଆଭିମୁଖ୍ୟ ଗ୍ରହଣ କରିଥିଲେ, କିନ୍ତୁ ଦେଶର ସାର୍ବଭୌମତ୍ୱ ତଥା ଆଞ୍ଚଳିକ ଅଖଣ୍ଡତା ରକ୍ଷା କରିବା ପାଇଁ ଭାରତର ସଂକଳ୍ପ ଉପରେ କୌଣସି ସନ୍ଦେହର ଅବକାଶ ନାହିଁ ।

ଚୀନ୍ ପ୍ରତିରକ୍ଷା ମନ୍ତ୍ରୀଙ୍କ ମତାମତକୁ ଦୃଷ୍ଟିରେ ରଖି ଯଥାଶୀଘ୍ର ପରିସ୍ଥିତିକୁ ଦୂର କରିବା ପାଇଁ ଉଭୟ ପକ୍ଷ ମିଳିତ ଭାବେ କାର୍ଯ୍ୟ କରିବା ଉଚିତ୍ ବୋଲି ପ୍ରତିରକ୍ଷା ମନ୍ତ୍ରୀ ଦୋହରାଇଛନ୍ତି ଯେ ଉଭୟ ପକ୍ଷ ଭାରତ ଏବଂ ଚୀନ୍ ନେତାଙ୍କ ସହମତି ଅନୁଯାୟୀ ଶାନ୍ତି ରକ୍ଷା କରିବେ । ଆମର ଦ୍ୱିପାକ୍ଷିକ ସମ୍ପର୍କର ପରବର୍ତ୍ତୀ ପର୍ଯ୍ୟାୟ ପାଇଁ ଭାରତ-ଚୀନ୍ ସୀମାବର୍ତ୍ତୀ ଅଞ୍ଚଳରେ ଶାନ୍ତି ଜରୁରୀ ଏବଂ ଉଭୟ ପକ୍ଷ ମତଭେଦକୁ ବିବାଦ ହେବାକୁ ଦେବେ ନାହିଁ । ଏହା ପରିବର୍ତ୍ତେ, ସେମାନେ ଆଲୋଚନା ମାଧ୍ୟମରେ ଶାନ୍ତିପୂର୍ଣ୍ଣ ଭାବରେ ସୀମା ଅଞ୍ଚଳରେ ଚାଲିଥିବା ପରିସ୍ଥିତିର ଉଲ୍ଲେଖନୀୟ ସମାଧାନ କରିବା ଉଚିତ୍ ବୋଲି ସେ ପ୍ରକାଶ କରିଥିଲେ ।

ଭାରତ ଫେରିବା ପୂର୍ବରୁ ତାଙ୍କ ଇରାନ ପ୍ରତିପକ୍ଷଙ୍କୁ ଭେଟିବା ପାଇଁ ଶ୍ରୀ ସିଂହ ତେହେରାନ ଗସ୍ତ କରିଥିଲେ ।

ଆଲେଖ୍ୟ: ରାଷ୍ଟ୍ରଦୂତ କୁମାର ମୁଖାର୍ଜୀ, ମିଳିତ ଜାତିସଂଘରେ ଭାରତର ପୂର୍ବତନ ସ୍ଥାୟୀ ପ୍ରତିନିଧୀ