ପୁନରୁଦ୍ଧାର କ୍ଷେତ୍ରରେ ଦ୍ରୁତ ଗତିରେ ଭାରତୀୟ ଅର୍ଥନୀତି

କୋଭିଡ ପୂର୍ବବର୍ତ୍ତି ସ୍ଵଭାବିକ ସମୟ ପରି ଭାରତର ଅର୍ଥନୀତି ଏବେ ପୁନରୁଦ୍ଧାର ପଥରେ ଗତି କରୁଛି | ଅର୍ଥନୀତିର ଚାହିଦା ସ୍ୱାଭାବିକ ହେବା ସହିତ ଉତ୍ପାଦନ ମଧ୍ୟ ବଢୁଚି | ଛଅ ମାସ ପରେ ଭାରତର ରପ୍ତାନି ଯେପରି ବିଶ୍ଵ ଯୋଗାଣ ଶୃଙ୍ଖଳରେ ସ୍ଥାନ ପାଇଛି ତାହା ଦ୍ଵାରା ଭାରତ ପ୍ରତି ବିଶ୍ଵର ଭରଷା ବୃଦ୍ଧି ପାଇଛି | ଦୁଇ ଚକିଆ ଯାନ, ଚାରି ଚକିଆ ଯାନ ଏବଂ ଟ୍ରାକ୍ଟରର ବିକ୍ରି ଅନେକଙ୍କୁ ଆଶ୍ଚର୍ଯ୍ୟ କରିଛି, ଯାହା ଭାରତୀୟ ଅର୍ଥନୀତିର ଅନ୍ତର୍ନିହିତ ସ୍ଥିରତାର ସୂଚନା ଦେଇଛି |

ଅର୍ଥନୀତିର ସ୍ୱାସ୍ଥ୍ୟର ଏକ ବିଶ୍ୱସନୀୟ ସୂଚକ ଭାବରେ ଦେଖାଯାଉଥିବା ସାମଗ୍ରୀ ଏବଂ ସେବା କର (ଜିଏସଟି) ସଂଗ୍ରହ ମାସରେ ଛଅ ମାସ ହ୍ରାସ ପାଇବା ପରେ ଗତ ମାସରେ ବୃଦ୍ଧି ପାଇଛି ଯାହା ଏକ ଶୁଭ ସୂଚନା | ସେପ୍ଟେମ୍ବରରେ, ଜିଏସଟି ସଂଗ୍ରହରେ ଚାରି ପ୍ରତିଶତ ବୃଦ୍ଧି ଘଟିଥିଲା। ଏହା ପ୍ରମାଣିତ କରୁଛି ଯେ ଅନଲକ ପରେ ଭାରତର ଅର୍ଥନୀତି ତାର ପୂର୍ବ ସ୍ଥିତିକୁ ଧିରେଧିରେ ଫେରି ଆସୁଛି।

ପ୍ରଥମ ଥର ପାଇଁ ରପ୍ତାନି ଚଳିତ ବର୍ଷ ଫେବୃଆରୀ ଠାରୁ 5.3 ପ୍ରତିଶତ ଅଭିବୃଦ୍ଧି ପଞ୍ଜିକୃତ ହୋଇଛି। ବିଶ୍ଵର ଆର୍ଥିକ ପ୍ରତିବନ୍ଧକକୁ ହ୍ରାସ କରିବା ବ୍ୟତୀତ ବିଶ୍ଵର ଯୋଗାଣ ଶୃଙ୍ଖଳରେ ଏହା ଭାରତର ପ୍ରମୁଖ ଭୂମିକାକୁ ପ୍ରକୃତରେ ସୁନିଶ୍ଚିତ କରୁଛି | ସରକାର ଏଥିପାଇଁ ଅନେକ ପଦକ୍ଷେପ ନେଇଛନ୍ତି।

ଭାରତର କାରଖାନାଗୁଡ଼ିକ ଚାହିଦା ପୂରଣ ପାଇଁ ଉତ୍ପାଦନ ବୃଦ୍ଧି କରିଥିବା ଅନୁମାନ କରାଯାଉଛି | କଳକାରଖାନାରେ ଉତ୍ପାଦନ ସେପ୍ଟେମ୍ବର ମାସରେ 56.8 ପ୍ରତିଶତକୁ ପହଞ୍ଚିଲାଣି ଯେତେବେଳେକି ଅଗଷ୍ଟ ମାସରେ ଏହା 52 ପ୍ରତିଶତ ଥିଲା । ସରକାର ଅଭିବୃଦ୍ଧି ପାଇଁ ଯେଉଁସବୁ ପଦକ୍ଷେପ ନେଇଛନ୍ତି ଏବେ ତାର ଉତ୍ସାହଜନକ ପ୍ରତିଫଳନ ହେଉଥିବା ଏଥିରୁ ଜଣାପଡୁଛି ।

ନିର୍ଦ୍ଦିଷ୍ଟ ଅର୍ଥନୈତିକ ପରିବର୍ତ୍ତନ ପାଇଁ ଅଧିକ ବିଶ୍ଵାସ ପ୍ରଦାନ କରି ରେଳ ଯୋଗେ ମାଲ ପରିବହନ ସେପ୍ଟେମ୍ବରରେ 15 ପ୍ରତିଶତ ଅଭିବୃଦ୍ଧି ପଞ୍ଜିକୃତ କରିଛି। ଭାରତରେ ରେଳ ଯୋଗେ ମାଲ ପରିବହନ ଅର୍ଥନୈତିକ ଅଭିବୃଦ୍ଧିର ସୂଚକ ଭାବରେ ଦେଖାଯାଏ ଏଥିସହ ରେଳବାଇ ଏହାର ସ୍ୱତନ୍ତ୍ର ଟ୍ରେନ୍ରେ ପ୍ରବାସୀ ଶ୍ରମିକମାନଙ୍କୁ ନିଜ କାର୍ଯ୍ୟ ସ୍ଥାନକୁ ଫେରିବାରେ ସାହାଯ୍ୟ କରୁଛି।

ଲକଡାଉନ ସମୟରେ କୃଷି କ୍ଷେତ୍ର ସର୍ବନିମ୍ନ ବ୍ୟାହତ ହୋଇ ରହିଥିଲା ଏବଂ ଗ୍ରାମାଞ୍ଚଳର ଚାହିଦା ଅର୍ଥନୀତିକୁ ସ୍ଥିର କରିପାରିଥିଲା। ଟ୍ରାକ୍ଟର ବିକ୍ରୟ ନିର୍ମାତାମାନଙ୍କୁ ମଧ୍ୟ ଆଶ୍ଚର୍ଯ୍ୟ କଲା | କିନ୍ତୁ କୃଷକମାନଙ୍କର ଆୟ ବୃଦ୍ଧି ପାଇଁ ନିକଟ ଅତୀତରେ ନିଆଯାଇଥିବା ପଦକ୍ଷେପ, ଯେଉଁଥିରେ ପ୍ରଧାନ ମନ୍ତ୍ରୀ କିସାନ୍ ସମ୍ମାନ ନିଧି ଯୋଜନା ଅନ୍ତର୍ଗତ ଏକ ଲକ୍ଷ କୋଟିରୁ ଅଧିକ ଟଙ୍କା ସେମାନଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ଟ୍ରାନ୍ସଫର ହୋଇ ଗ୍ରାମାଞ୍ଚଳର ଚାହିଦା ବୃଦ୍ଧି କରିବାରେ ପ୍ରମୁଖ ଭୂମିକା ଗ୍ରହଣ କରିଛି। 61 ବର୍ଷ ବ୍ୟବଧାନ ପରେ ଚଳିତ ବର୍ଷ ବର୍ଷା ମଧ୍ୟ ଭଲ ହୋଇଛି ଯାହାକି ଦେଶ ପାଇଁ ଏକ ଶୁଭ ଫଳ ପ୍ରଦାନ କରୁଛି।

ଟ୍ରାକ୍ଟର ବ୍ୟତୀତ ଅଟୋମୋବାଇଲ କ୍ଷେତ୍ର ପୁନରୁଦ୍ଧାର ପାଇଁ ଦ୍ରୁତ ଗତିରେ ଆଗେଇ ଆସିଛି, କାରଣ ଗତ ମାସରେ ଦୁଇ ଚକିଆ ଏବଂ ଚାରି ଚକିଆ ବିକ୍ରି ଗତ ବର୍ଷ ସମାନ ଅବଧି ତୁଳନାରେ ଅତିକ୍ରମ କରିଛି | ଶିଳ୍ପ ବିଶେଷଜ୍ଞମାନେ ଖୁସିରେ କରିଛନ୍ତି ଯେ ପ୍ରଥମ ଥର ଦୁଇ ଚକିଆ ଯାନ ଏବଂ ଚାରି ଚକିଆ ଯାନ କ୍ରେତା ଅଟୋମୋବାଇଲ କ୍ଷେତ୍ରରେ ଅଭିବୃଦ୍ଧି ଘଟାଉଛନ୍ତି।

କୋଭିଡ -19 ମହାମାରୀକୁ ହ୍ରାସ କରିବାରେ ସେମାନଙ୍କର ପ୍ରମୁଖ ଭୂମିକା ପାଇଁ ଫାର୍ମାସ୍ୟୁଟିକାଲ ସେକ୍ଟରକୁ ସାରା ବିଶ୍ୱରେ ପ୍ରଶଂସା କରାଯାଇଛି। ଏହି କ୍ଷେତ୍ର ଲକଡାଉନ ଦ୍ୱାରା ପ୍ରଭାବିତ ହୋଇନଥିଲା ଏବଂ ବିଶ୍ଵର ଚାହିଦା ପୂରଣ କରିବାର କ୍ଷମତା ବୃଦ୍ଧି କରିଥିଲା ।

ସବୁ କ୍ଷେତ୍ରରେ ଅର୍ଥନୀତିକୁ ସୁଦୃଢ କରିବା ସହିତ ଚାହିଦା ତଥା ଯୋଗାଣ ମଧ୍ୟରେ ଭାରସାମ୍ୟ ଆଣିବା ଏବଂ ଗରିବ ଲୋକମାନଙ୍କ କଷ୍ଟକୁ ଦୂର କରିବା ପାଇଁ ସରକାର 20 ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ ୟାହାଦ୍ଵାରା ଏବେ କରୋନା କାଳରେ ମଧ୍ୟ ଦେଶର ଅର୍ଥନୀତି ପୂର୍ବ ସ୍ଥିତିକୁ ଫେରିବାକୁ ଅଣ୍ଟା ଭିଡୁଛି |

ଆଲେଖ୍ୟ : ମନୀଷ ଆନନ୍ଦ