ପୁଲୱାମା ଆକ୍ରମଣରେ ଏହାର ଭୂମିକାକୁ ପାକିସ୍ତାନ ମାନିବା ପରବର୍ତ୍ତୀ ରାଜନୈତିକ କମ୍ପନ

29 ଅକ୍ଟୋବର 2020 ରେ, ପାକିସ୍ତାନ ପୂର୍ବତନ ବାଚସ୍ପତି ଆୟାଜ ସାଦିକ୍ କହିଛନ୍ତି ଯେ ଇମ୍ରାନ ଖାନ ସରକାର ଭାରତୀୟ ଆକ୍ରମଣର ଆଶଙ୍କା କରି ବନ୍ଦୀ ହୋଇଥିବା ଭାରତୀୟ ବାୟୁସେନା ଅଧିକାରୀ ଅଭିନନ୍ଦଙ୍କୁ (1 ମାର୍ଚ୍ଚ 2019 ରେ) ମୁକ୍ତ କରିଥିଲେ ।

ଏହାପୂର୍ବରୁ, ବିରୋଧୀଦଳର ନେତାଙ୍କ ସହ ଏକ ବୈଠକରେ ପାକ୍ ସେନା ମୁଖ୍ୟ ଜେନରାଲ ବାଜୱା, କପାଳରୁ ଝାଳ ବାହାରୁଥିବା ଓ ଗୋଡ ଥରୁଥିବା ଅବସ୍ଥାରେ ଶାହା ମହମୁଦ କୁରେଶି ସରକାରଙ୍କ ନିଷ୍ପତ୍ତିକୁ ବିରୋଧ ନକରିବାକୁ ଏବଂ ଅଭିନନ୍ଦନଙ୍କୁ ଛାଡ଼ିବାକୁ ବିରୋଧୀ ଦଳଗୁଡ଼ିକୁ କହିଥିଲେ ।

ଆୟାଜ ଜଣେ ବରିଷ୍ଠ ରାଜନେତା ଏବଂ ତାଙ୍କ କଥାର ଗୁରୁତ୍ବ ରହିଥାଏ । ତେବେ, ସରକାର ବିରୋଧ କରୁଥିବା ମୁଖ୍ୟ ବିରୋଧୀ ଦଳର ଜଣେ ସଦସ୍ୟ ଭାବରେ ତାଙ୍କର ଲକ୍ଷ୍ୟ ସରକାରଙ୍କୁ ଅପମାନିତ କରିବା ଏବଂ ଆଂଶିକ ଭାବରେ ସେନାକୁ ଖରାପ ଦେଖାଇବା ପାଇଁ ଉଦ୍ଦିଷ୍ଟ ଥିଲା । ଆଗକୁ ବଢ଼ୁଥିବା ରାଜନୈତିକ ସଙ୍କଟର ଏହା ଏକ ଲକ୍ଷଣ ।

ଆୟାଜଙ୍କ ବକ୍ତବ୍ୟ ପାକ୍ ସେନାକୁ ଅଡୁଆରେ ପକାଇଛି । ପାକ୍ ଫେଡେରାଲ୍ ସାଇନ୍ସ ଆଣ୍ଡ ଟେକ୍ନୋଲୋଜି ମନ୍ତ୍ରୀ ଫୱାଦ୍ ଚୌଧୁରୀ ତାଙ୍କ ସରକାରଙ୍କ ଉଦ୍ଦେଶ୍ୟ ଏବଂ ଭାରତର ସଫଳତା ପ୍ରଦର୍ଶନ ଚାପରେ ଦାବି କରିଛନ୍ତି ଯେ ଦୁଇଟି ଭାରତୀୟ ବିମାନକୁ ତଳକୁ ଖସାଇବା ଏବଂ ପାଇଲଟ୍ ବନ୍ଧକ ରଖିବା ବ୍ୟତୀତ କୁଖ୍ୟାତ ପୁଲୱାମା ଆକ୍ରମଣର ଆୟୋଜନ କରିବା ଥିଲା ଇମ୍ରାନଙ୍କ ନୀତିର ଏକ ପ୍ରମୁଖ ସଫଳତା ।

ଏହା ଜଣେ ମନ୍ତ୍ରୀଙ୍କ ଦ୍ୱାରା ଫ୍ରୁଡିଆନ୍ ସ୍ଲିପ୍ ଥିଲା, ଯିଏ ଆତଙ୍କବାଦକୁ ଏକ ଉପକରଣ ଭାବରେ ବ୍ୟବହାର କରିବାର ପାକିସ୍ତାନୀ ରଣନୀତିକୁ ସ୍ୱୀକାର କରିଥିଲା । ଫଳରେ ଭାରତୀୟ ଗଣମାଧ୍ୟମରେ ଏହି ଦୁଇଟି ବିବୃତ୍ତି ବ୍ୟାପକ ଭାବରେ ପ୍ରକାଶ ପାଇଥିଲା । ପାକିସ୍ତାନ ସାଧାରଣତଃ ଏହି ଅଞ୍ଚଳରେ ଏବଂ ବିଶେଷ ଭାବରେ ଭାରତରେ ଆତଙ୍କବାଦର ଏକ ପୃଷ୍ଠପୋଷକ ଭାବରେ କାର୍ଯ୍ୟ କରିଆସୁଛି ।

ଏହାର ସ୍ପଷ୍ଟୀକରଣରେ, ଗୋଟିଏ ଦିନ ପରେ ଆୟାଜ ସରକାରଙ୍କୁ ରକ୍ଷା କରିବାକୁ ଚେଷ୍ଟା କରିଥିଲେ ଏବଂ କହିଥିଲେ ଯେ ଅଭିନନ୍ଦନଙ୍କୁ ମୁକ୍ତ କରିବା ପାଇଁ ନିଷ୍ପତ୍ତି ନିଆଯାଇଥିବା ବାଧ୍ୟତାମୂଳକ ବୋଲି ବିରୋଧୀଙ୍କୁ ଜଣାଇ ନାହିଁ ।

ଫାୱାଦ୍ ମଧ୍ୟ ତାଙ୍କ ବିବୃତ୍ତିକୁ ଅସଫଳ ଭାବରେ ଠିକ୍‌ ଦର୍ଶାଇବା ପାଇଁ ଚେଷ୍ଟା କରି ସେ କେବଳ ବାଲାକୋଟରେ ଦୁଇ ବିମାନ ତଳକୁ ଖସାଇ ଦିଆଯାଇଥିବା ଏବଂ ପାଇଲଟଙ୍କୁ ବନ୍ଧକ ରଖାଯାଇଥିବା ଉପରେ ପାକିସ୍ତାନର ପ୍ରତିକ୍ରିୟା ବିଷୟରେ କହୁଥିବା ପ୍ରକାଶ କରିଛନ୍ତି । ଭାରତରେ ଆତଙ୍କ ବିସ୍ତାର କରିବାରେ ପାକିସ୍ତାନର ଭୂମିକାକୁ ସେ ସମ୍ପୂର୍ଣ୍ଣ ଅସ୍ୱୀକାର କରିଛନ୍ତି ।

ପରବର୍ତ୍ତୀ ଅବସ୍ଥାରେ, ପାକିସ୍ତାନୀ ସେନା ମୁଖପାତ୍ରଙ୍କ ସ୍ପଷ୍ଟୀକରଣ ଦେଇଛନ୍ତି ଯେ ଅଭିନନ୍ଦନଙ୍କୁ ମୁକ୍ତ କରିବା ନିଷ୍ପତ୍ତି ଏକ ଦାୟିତ୍ବବାନ ଦେଶ ଗ୍ରହଣ କରିଥିବା ପରିପକ୍ୱ ନିଷ୍ପତ୍ତି ଥିଲା କିନ୍ତୁ ମିଡିଆ ସୋ’ରେ କୌଣସି ଆଲୋଚନା କରାଯାଇ ନଥିଲା।

ପାକିସ୍ତାନୀ ଗଣମାଧ୍ୟମରେ ଏସବୁର କଭରେଜ୍ ଅଧିକ ଆକର୍ଷଣୀୟ ଥିଲା । ଟକ୍ ସୋ’ରେ ଆୟାଜଙ୍କୁ ଦୁଷ୍ମନ (ଭାରତ)କୁ ସଫଳତା ପ୍ରମାଣ କରିବାର ସୁଯୋଗ ପ୍ରଦାନ କରିଥିବାରୁ ନିନ୍ଦା କରାଯାଇଥିଲା । ପାକିସ୍ତାନୀ ଜାତୀୟତାର ଏକ ବୈଶିଷ୍ଟ୍ୟ ଭାବରେ ଭାରତ ବିରୋଧୀ ଭାବନାକୁ ସମର୍ଥନ କରି ଅନେକ ଆଙ୍କର ଅଭନନ୍ଦନଙ୍କୁ ମୁକ୍ତ କରିବା ପାଇଁ ପାକିସ୍ତାନର ନିଷ୍ପତ୍ତିର ଖରାପ ଚିତ୍ରଣ ପାଇଁ ଆୟାଜଙ୍କୁ ଦାୟୀ କରୁଥିବାର ଦେଖାଯାଇଥିଲା । ଅବଶ୍ୟ, ଫୱାଦଙ୍କ ବିବୃତ୍ତି ସେତେଟା ପ୍ରସାରିତ ହୋଇନଥିଲା, ଯଦିଓ କିଛି ଚ୍ୟାନେଲର ସମୀକ୍ଷକ ଏହାକୁ ଦାୟିତ୍ବହୀନ ଏବଂ ଦୁର୍ଭାଗ୍ୟଜନକ ମନେ କରିଥିଲେ ।

ପାକିସ୍ତାନ ତୀବ୍ର ରାଜନୈତିକ ପ୍ରକ୍ରିୟା ଦେଇ ଗତି କରୁଛି । ସରକାର ଏହାର ଲୋକପ୍ରିୟତା ହରାଇଛନ୍ତି । ବର୍ତ୍ତମାନ ପର୍ଯ୍ୟନ୍ତ ଏକ ବିଭାଜିତ ଥିବା ବିରୋଧୀ ଆଜି ବି ଅଧିକ ପ୍ରତିଶ୍ରୁତି ଦେଇ ପଛକୁ ଫେରିବାର ସୁଯୋଗ ଖୋଜୁଛି । ଇମ୍ରାନ ସରକାରଙ୍କୁ ସମର୍ଥନ କରୁଥିବା ସେନା ବିରୋଧୀ ଦଳର ଏକ ସ୍ବତନ୍ତ୍ର ବିଭାଗ ଦ୍ୱାରା ରାଜନୀତିରେ ହସ୍ତକ୍ଷେପ କରିଥିବାରୁ ଏହାକୁ ଖୋଲାଖୋଲି ସମାଲୋଚନା କରାଯାଉଛି ।

ବର୍ତ୍ତମାନ ପର୍ଯ୍ୟନ୍ତ ସେନା ଦ୍ୱାରା ମଧ୍ୟସ୍ଥ ହୋଇଥିବା ଶକ୍ତି-ସନ୍ତୁଳନ ଚାପରେ ରହିଛି । ଆର୍ଥିକ ପରିସ୍ଥିତି ପୁନରୁଦ୍ଧାରର କୌଣସି ସଙ୍କେତ ମିଳୁନାହିଁ । ପାକିସ୍ତାନର ଲୋକମାନେ ଇମ୍ରାନଙ୍କ ଉପରେ ବିଶ୍ୱାସ ହରାଇଛନ୍ତି । ଯଦି ଗଣମାଧ୍ୟମ ଆଲୋଚନା କୌଣସି ସୂଚକ, ତେବେ ଅନେକ ଆଙ୍କର ଏବଂ ସମୀକ୍ଷକ ତାଙ୍କ ପ୍ରତି ସହାନୁଭୂତି ଦେଖାଉଛନ୍ତି । ଆଜି ପଞ୍ଜାବରେ ନିର୍ବାଚନ ହେବାକୁ ଯାଉଥିଲେ ନୱାଜ ସରିଫଙ୍କ ଦଳ ମତଦାନ ଜିତିବ ବୋଲି ଆଲୋଚକ କହୁଛନ୍ତି ।

ଦେଶରେ ପରିବର୍ତ୍ତିତ ରାଜନୈତିକ ମନୋଭାବ ବିଷୟରେ ସେନା ଅବଗତ ରହି ସବୁ ପକ୍ଷରୁ ଚେଷ୍ଟା କରୁଛି ବୋଲି ଶୁଣିବାକୁ ମିଳୁଛି । ଅଧିକାଂଶ ରାଜନୈତିକ ଦଳ ସହାନୁଭୂତି ପାଇ ଏକ ନୂତନ ରାଜନୈତିକ ସନ୍ତୁଳନ ପୁନର୍ଗଠନ ପାଇଁ ଏହାର ପ୍ରକ୍ରିୟା ଆରମ୍ଭ କରିଛନ୍ତି ।

ସ୍କ୍ରିପ୍ଟ: ଅଶୋକ ବେହୁରିଆ, ସିନିୟର ଫେଲୋ, MP-IDSA