ବୈଷୟିକ ଜ୍ଞାନକୌଶଳ ପରିଚାଳିତ ଭବିଷ୍ୟତ ଉପରେ ପ୍ରଧାନମନ୍ତ୍ରୀଙ୍କ ଗୁରୁତ୍ବ

ବେଙ୍ଗାଲୁରୁ ଟେକ୍ ସମ୍ମିଳନୀ 2020 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉଦବୋଧନ; ସମସ୍ତଙ୍କୁ ଉନ୍ନତ ସେବା ଯୋଗାଇବା ପାଇଁ ଶାସନରେ ଟେକ୍ନୋଲୋଜିକୁ ଏକୀଭୂତ କରିବା ପାଇଁ ଭାରତ ସରକାରଙ୍କ ପ୍ରତିବଦ୍ଧତାକୁ ଦର୍ଶାଇଛି । ଟେକ୍ନୋଲୋଜି ବା ବୈଷୟିକ ଜ୍ଞାନକୌଶଳ ଦ୍ବାରା ଆମର ଯୋଜନାସବୁ ଫାଇଲ ଭିତରୁ ବାହାରି ଦ୍ରୁତ ଗତିରେ ଏବଂ ଏକ ବୃହତ ସ୍ତରରେ ଭାରତୀୟଙ୍କ ଜୀବନକୁ ପ୍ରଭାବିତ କରିଛି ବୋଲି ସେ କହିଛନ୍ତି । ସରକାର ସମସ୍ତ ଯୋଜନା​‌େ​‌ର ପ୍ରଯୁକ୍ତିବିଦ୍ୟାକୁ ଏକ ପ୍ରମୁଖ ଅଂଶ କରିଛନ୍ତି ଏବଂ ଏହାର ମଡେଲକୁ ଏକ ‘ଟେକ୍-ପ୍ରଥମ’ ଆଭିମୁଖ୍ୟରେ ନିର୍ମାଣ କରିଛନ୍ତି । ଶ୍ରୀ ମୋଦୀ କହିଛନ୍ତି ଯେ ଗତ କିଛି ମାସ ମଧ୍ୟରେ ବୈଷୟିକ ଜ୍ଞାନକୌଶଳ ଉପଯୋଗର ପରିମାଣ ଯେଉଁ ଭାବରେ ହୋଇଛି ତାହା ଏକ ଦଶନ୍ଧି ମଧ୍ୟରେ ହୋଇ ପାରି ନ ଥିଲା । ଆମେ ବର୍ତ୍ତମାନ ସୂଚନା ଯୁଗର ମଧ୍ୟ ଭାଗରେ ଅଛୁ, ଯେଉଁଠାରେ ଏହି ଧାରାର ପରିବର୍ତ୍ତନ ବ୍ୟାଘାତ ସୃଷ୍ଟି କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ଅଳ୍ପ ସମୟ ମଧ୍ୟରେ ବହୁଳଭାବରେ COVID-19 ଭୂତାଣୁ ପ୍ରତିରୋଧକ ଟୀକାକରଣ ମଧ୍ୟ ଆମକୁ ଆତ୍ମବିଶ୍ୱାସ ଯୋଗାଇବ । ଦୃଢ଼ ସାଇବର ସୁରକ୍ଷା ସମାଧାନ ପ୍ରସ୍ତୁତ କରିବାରେ ଯୁବକମାନଙ୍କୁ ଏକ ବଡ଼ ଭୂମିକା ଗ୍ରହଣ କରିବାକୁ ପ୍ରଧାନମନ୍ତ୍ରୀ ଆହ୍ବାନ କରିଛନ୍ତି ଯାହା ଦ୍ବାରା ଭାଇରସ୍‌ ଓ ସାଇବର ଆକ୍ରମଣକୁ ପ୍ରତିହତ କରିହେବ ।

ଏହି ପ୍ରସଙ୍ଗରେ, ଏହା ଉଲ୍ଲେଖ କରାଯାଇପାରେ ଯେ ବର୍ତ୍ତମାନର COVID ମହାମାରୀକୁ ଦୃଷ୍ଟିରେ ରଖି ଟେକ୍ନୋଲୋଜି ଏହି ଗୁରୁତ୍ୱପୂର୍ଣ୍ଣ ଶିଖର ସମ୍ମିଳନୀକୁ ଏକ ଭର୍ଚୁଆଲ୍ ମାଧ୍ୟମରେ ଆୟୋଜନ କରିବାରେ ସାହାଯ୍ୟ କରୁଛି । ପାଞ୍ଚ ବର୍ଷ ପୂର୍ବେ ଆରମ୍ଭ ହୋଇଥିବା “ଡିଜିଟାଲ୍ ଇଣ୍ଡିଆ” କେବଳ ସରକାରୀ ପଦକ୍ଷେପ ନୁହେଁ - ଏହା ଏକ ଜୀବନଶୈଳୀରେ ପରିଣତ ହୋଇଛି । ଏହା ଦେଶକୁ ବିକାଶ ପାଇଁ ଅଧିକ ମାନବ-କେନ୍ଦ୍ରିକ ଆଭିମୁଖ୍ୟ ଅନୁଭବ କରିବାର ସୁଯୋଗ ଆଣିଛି ।

ଭାରତରେ ପ୍ରତିବର୍ଷ ଆୟୋଜିତ ହେଉଥିବା ଆଇସିଟି, ଇଲେକ୍ଟ୍ରୋନିକ୍ସ ଏବଂ ବାୟୋଟେକ୍ନୋଲୋଜି କ୍ଷେତ୍ରର ବେଙ୍ଗାଲୁରୁ ଟେକ୍ ସମ୍ମିଳନୀ ହେଉଛି ସର୍ବ ପୁରାତନ ତଥା ସ୍ବତନ୍ତ୍ର । କର୍ଣ୍ଣାଟକ ଇନୋଭେସନ୍ ଆଣ୍ଡ ଟେକ୍ନୋଲୋଜି ସୋସାଇଟି - କର୍ଣ୍ଣାଟକ ସରକାରଙ୍କ ସୂଚନା ପ୍ରଯୁକ୍ତିବିଦ୍ୟା ଭିଜନ ଗ୍ରୁପ, ଭାରତର ବାୟୋଟେକ୍ନୋଲୋଜି-ଷ୍ଟାର୍ଟଅପ-ସଫ୍ଟୱେୟାର ଟେକ୍ନୋଲୋଜି ପାର୍କ ସହଯୋଗରେ କର୍ଣ୍ଣାଟକ ସରକାରଙ୍କ ଦ୍ୱାରା ଏହି ସମ୍ମିଳନୀ ଆୟୋଜିତ ହୋଇଛି । ଆଜି ଏହାର ତ୍ରୟୋବିଂଶତିତମ ବର୍ଷରେ, ଷ୍ଟାର୍ଟ ଅପ୍ ପାଇଁ ଅଗ୍ରଣୀ କ୍ରସ୍ ସେକ୍ଟର ଟେକ୍ କମ୍ପାନୀଗୁଡିକ, ଯୁବ ଉଦ୍ଭାବକମାନଙ୍କ ପାଇଁ ଟେକ୍ନୋକ୍ରାଟ୍, ନିବେଶକମାନଙ୍କ ପାଇଁ ନୀତି ନିର୍ଣ୍ଣୟକାରୀ, ଏକାଡେମୀ ପାଇଁ ଅନୁସନ୍ଧାନକାରୀ, ବାର୍ତ୍ତା-ବିନିମୟ ଏବଂ ସହଯୋଗକୁ ସୁଗମ କରିବା ଭଳି କାର୍ଯ୍ୟସବୁକୁ ଏକତ୍ର କରିବା ପାଇଁ ଏହା ଏକ ଉତ୍ତମ ସ୍ଥାନ ହୋଇପାରିଛି ।

ଚଳିତବର୍ଷ ଏହି ସମ୍ମିଳନୀର ବିଷୟବସ୍ତୁ ହେଉଛି “ଭବିଷ୍ୟତ ହେଉଛି ବର୍ତ୍ତମାନ” ଏବଂ ମହାମାରୀ ପରବର୍ତ୍ତୀ ଜଗତରେ ସୃଷ୍ଟି ହେଉଥିବା ପ୍ରମୁଖ ଆହ୍ବାନକୁ ନେଇ ‘ସୂଚନା ପ୍ରଯୁକ୍ତିବିଦ୍ୟା, ଇଲେକ୍ଟ୍ରୋନିକ୍ସ ଓ ବାୟୋଟେକ୍ନୋଲୋଜି କ୍ଷେତ୍ରରେ ପ୍ରଯୁକ୍ତିବିଦ୍ୟାର ପ୍ରଭାବ ଉପରେ ଧ୍ୟାନ ଦିଆଯିବ ।

ଏହି ତିନି ଦିନିଆ କାର୍ଯ୍ୟକ୍ରମରେ ମୁଖ୍ୟ ଥିମ୍ ଉପରେ ଚାରୋଟି ଟ୍ରାକ୍ ରହିବ, ଯଥା ‘ନଲେଜ୍ ହବ୍’, ‘ଇନୋଭେସନ୍ କର୍ଣ୍ଣର୍’, ‘ଏକ ସ୍ୱାସ୍ଥ୍ୟ’ ଏବଂ ‘ରାଷ୍ଟ୍ରୀୟ ଅଧିବେଶନ’ । ଶିଖର ସମ୍ମିଳନୀର କେତେକ ମୁଖ୍ୟ କ୍ଷେତ୍ର ହେଉଛି ଏରୋ-ସ୍ପେସ୍ ଏବଂ ପ୍ରତିରକ୍ଷା ପ୍ରଯୁକ୍ତିବିଦ୍ୟା, ସ୍ୱାସ୍ଥ୍ୟସେବା, ଭବିଷ୍ୟତ କାର୍ଯ୍ୟ, ଜନସାଧାରଣଙ୍କ ପାଇଁ ଷ୍ଟାର୍ଟ ଅପ୍, ଇଲେକ୍ଟ୍ରୋନିକ୍ସ ଏବଂ ସେମି କଣ୍ଡକ୍ଟର, ଡିଜିଟାଲ୍ ସ୍ୱାସ୍ଥ୍ୟ ଏବଂ COVID-19 ମହାମାରୀ ମୁକାବିଲା ପ୍ରସ୍ତୁତି ।

କର୍ଣ୍ଣାଟକର ଏକ ସହଭାଗିତା ଉଦ୍ୟମରେ ଗ୍ଲୋବାଲ୍ ଇନୋଭେସନ୍ ଆଲାଇନ୍ସରେ ପନ୍ଦରଟି ଦେଶ ଭାଗ ନେବେ । ଏଥି ମଧ୍ୟରେ କାନାଡା, ଫିନଲ୍ୟାଣ୍ଡ, ଫ୍ରାନ୍ସ, ଇସ୍ରାଏଲ୍, ନେଦରଲ୍ୟାଣ୍ଡ, ବ୍ରିଟେନ, ଅଷ୍ଟ୍ରେଲିଆ, ଜର୍ମାନୀ, ସ୍ୱିଡେନ, ତାଇୱାନ, ସ୍ୱିଜରଲ୍ୟାଣ୍ଡ, ଡେନମାର୍କ, ବହାରେନ, ଜାପାନ ଏବଂ ଲିଥୁଆନିଆ ଅନ୍ତର୍ଭୁକ୍ତ ।

ଉଦ୍‌ଘାଟନୀ ଉତ୍ସବରେ ଭର୍ଚୁଆଲ ମାଧ୍ୟମରେ ଉପସ୍ଥିତ ଥିବା ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ସ୍କଟ ମୋରିସନ୍ କହିଛନ୍ତି ଯେ ଜୁନ୍ ମାସରେ ସ୍ୱାକ୍ଷରିତ ଇଣ୍ଡୋ-ଅଷ୍ଟ୍ରେଲିଆ ସହଭାଗିତା ଚୁକ୍ତି ଅନୁଯାୟୀ ଦୁଇ ଦେଶ ସାଇବର ଏବଂ ଉପଯୋଗୀ ଟେକ୍ନୋଲୋଜି ଉପରେ କାର୍ଯ୍ୟ କରିବେ ଯାହା ଡିଜିଟାଲ୍ ଅର୍ଥନୀତିର ମୂଳଦୁଆ ​‌େ​‌ହବ । ଦୁଇ ଦେଶ ଅଷ୍ଟ୍ରେଲିଆ-ଭାରତ ସାଇବର ଏବଂ ଜଟିଳ ଟେକ୍ନୋଲୋଜି ସହଭାଗିତା ଅନୁଦାନ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛନ୍ତି ଯେଉଁଠାରେ ଉଭୟ ଦେଶର ବିଶେଷଜ୍ଞମାନେ ଟେକ୍ନୋଲୋଜି, ଢଞ୍ଚା ଏବଂ ସର୍ବୋତ୍ତମ ଅନୁଶୀଳନ ମାନ ଉପରେ କାର୍ଯ୍ୟ କରିବେ ।

ବେଙ୍ଗାଲୁରୁରେ ନେଦରଲ୍ୟାଣ୍ଡର କନସୁଲ୍ ଜେନେରାଲ୍ ଗର୍ଟ ହେଜକପ୍ କହିଛନ୍ତି ଯେ ଆମର ଦୁଇ ଦେଶ ମଧ୍ୟରେ ରଣନୀତିକ ସମ୍ପର୍କକୁ ଆହୁରି ଉଚ୍ଚ ସ୍ତରକୁ ଆଣିବା ପାଇଁ ବେଙ୍ଗାଲୁରୁ ଟେକ୍ ସମ୍ମିଳନୀ ହେଉଛି ଉପଯୁକ୍ତ ପ୍ଲାଟଫର୍ମ । ଚଳିତ ବର୍ଷର ଶିଖର ସମ୍ମିଳନୀରେ ହେଗ ବିଜନେସ୍ ଏଜେନ୍ସି ଭାରତୀୟ ଷ୍ଟାର୍ଟ ଅପ୍ ପାଇଁ ଏକ ଡିଜିଟାଲ୍ ସଫ୍ଟ ଲ୍ୟାଣ୍ଡିଂ କାର୍ଯ୍ୟକ୍ରମ ଆରମ୍ଭ କରିବ ।

ପରବର୍ତ୍ତୀ ଦୁଇ ଦିନର ଇଭେଣ୍ଟରେ ବିଶ୍ବର ଶ୍ରେଷ୍ଠ ଚିନ୍ତନସମୂହ ସେମାନଙ୍କ ଦୃଷ୍ଟିକୋଣ ଉପସ୍ଥାପିତ କରି​‌େ​‌ବ, ନେତାମାନେ ଭବିଷ୍ୟବାଣୀ କରିବେ, ଟେକ୍ନୋକ୍ରାଟମାନେ ନୂତନ ଉତ୍ପାଦ ଉନ୍ମୋଚନ କରିବେ ଏବଂ ଏକ ପ୍ରକୃତ ବୈଷୟିକ ଚାଳିତ ଭବିଷ୍ୟତ ପାଇଁ ଅତ୍ୟାଧୁନିକ ଚିନ୍ତାଧାରା ଯୁକ୍ତ ଷ୍ଟାର୍ଟ-ଅପ୍‌ଗୁଡ଼ିକ ଆରମ୍ଭ ହେବ ।

ଆଲେଖ୍ୟ : ବିମାନ ବସୁ, ବରିଷ୍ଠ ବିଜ୍ଞାନ ସମୀକ୍ଷକ