ଇରାନର କମାଣ୍ତର ମେଜର ଜେନେରାଲ କାସିମ ସୋଲେମାନିଙ୍କୁ ଗତ ଶୁକ୍ରବାର ଦିନ ଆମେରିକା ଦ୍ୱାରା ହତ୍ୟା କରାଗଲା ପରେ ପାରସ୍ୟ ଉପସାଗରରେ ଉତ୍ତେଜନା ସୃଷ୍ଟି ହୋଇଥିବା ପରିପ୍ରେକ୍ଷୀରେ ବୈଦେଶିକ ମନ୍ତ୍ରୀ ଡକ୍ଟର ଏସ. ଜୟଶଙ୍କର ଇରାନର ବୈଦେଶିକ ମନ୍ତ୍ରୀ ମହମ୍ମଦ ଜାଭେଦ ଜାରିଫଙ୍କ ସହ ଟେଲିଫୋନରେ କଥାବାର୍ତ୍ତା ବେଳେ ସେହି ଅଞ୍ଚଳରେ ସୃଷ୍ଟି ହୋଇଥିବା ଉତ୍ତେଜନାକୁ ନେଇ ଭାରତର ଉଦବେଗ ଜଣାଇବା ସଙ୍ଗେ ସଙ୍ଗେ ଉଭୟ ପକ୍ଷ ସଂପର୍କରେ ରହିବେ ବୋଲି ରାଜି ହୋଇଛନ୍ତି। ଭାରତର ବୈଦେଶିକ ମନ୍ତ୍ରୀ ଉନବିଂଶ ଯୁଗ୍ମ କମିଶନରେ ଯୋଗ ଦେବା ପାଇଁ କେଇ ସପ୍ତାହ ପୂର୍ବେ ତେହରାନ ଯାଇଥିବା ଅବସରରେ ରାଷ୍ଟ୍ରପତି ହସନ ରୁହାନି ଓ ଶ୍ରୀ ଜରିଫଙ୍କ ସମେତ ଇରାନର ବରିଷ୍ଠ ଅଧିକାରୀମାନଙ୍କ ସହ ସାକ୍ଷାତ କରିଥିଲେ। ଆସନ୍ତା 14 ତାରିଖ ଦିନ ରାଇସିନା କଥାବାର୍ତ୍ତାରେ ଯୋଗଦେବା ପାଇଁ ଶ୍ରୀ ଜରିଫ ଭାରତ ଆସିବାର ଆଶା କରାଯାଉଛି। ସୁଲେମାନଙ୍କ ହତ୍ୟା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଇରାନର ନେତାମାନଙ୍କ ମଧ୍ୟରେ ଯୁଦ୍ଧ ହୁଁକାର ଦିଆଯାଇଥିବା ବେଳେ ଶ୍ରୀ ଜୟଶଙ୍କର ସେ ଅଞ୍ଚଳର ପ୍ରଭାବଶାଳି ବ୍ୟକ୍ତି ଜାଭେଦ ଜରିଫଙ୍କ ସହ ଫୋନ ଯୋଗେ କଥାବାର୍ତ୍ତା କରିଛନ୍ତି। ଜାଭେଦ ଜରିଫ ଇରାକ, ସିରିଆ, ୟମେନ ଓ ଲେବାନନକୁ କଥାବାର୍ତ୍ତା ଜରିଆରେ ନିୟନ୍ତ୍ରଣରେ ରଖିଥିବାରୁ ତାଙ୍କୁ ସେ ଅଞ୍ଚଳର ଜଣେ ପ୍ରଭାବଶାଳି ନେତା ବୋଲି ବିବେଚନା କରାଯାଉଛି। ଇରାନର ...